ATV

Author: G.O.

  • Klubi i parë i futbollit u themelua në vitin 1855

    Klubi i parë i futbollit u themelua në vitin 1855

    Futbolli, sporti më i popullarizuar në botë, numëron rreth 3903 klube profesioniste nga të gjitha kontinentet.

    Në vitin 1855, anëtarët e një klub kriketi ‘Sheffield’, Nathaniel Creswick dhe William Prest ishin të parët që themeluan klubin e parë të futbollit të quajtur “Sheffield”.

    Takimi inaugurues i klubit u zhvillua më 24 tetor 1857 në Parkfield House në Sheffield. Selia origjinale ishte një serrë në East Bank Road, e cila iu dha atyre nga Thomas Asline Ward, babai i presidentit të parë të klubit Frederick Ward, dhe fusha ngjitur u përdor si terreni i tyre i parë i lojës. Fillimisht, lojërat e Sheffield FC luheshin midis vetë anëtarëve të klubit dhe morën formatin “Të martuarit ndaj beqarëv”.

    Creswick dhe Perst ishin përgjegjës për hartimin e rregullave të lojës së klubit, të cilat u vendosën në mbledhjen e përgjithshme të klubit më 21 tetor 1858 dhe u botuan vitin e ardhshëm. Ato u referuan si Rregullat e Sheffield-it dhe ishin grupi i parë i detajuar i rregullave të futbollit që u publikuan nga një klub futbolli (në krahasim me një shkollë ose universitet).

    Në atë kohë, para formimit të Shoqatës së Futbollit, shumë lloje të ndryshme futbolli ishin të njohura në Angli. Për shembull, secila nga shkollat e ndryshme publike luante futboll sipas rregullave të veta individuale dhe këto ndryshonin shumë. Rregullat e Sheffield u miratuan më vonë nga Shoqata e Futbollit Sheffield kur u formua në 1867

    Fqinji i afërt i Sheffield, Hallam FC u formua në 1860 dhe në të njëjtin vit të dy klubet u takuan për herë të parë me njëri-tjetrin në një Derbi Lokal, në të cilën derbi të këtij lloji, janë sot ndër derbit më të zjarrët në botën e futbollit, si Lazio-Roma, Arsenal-Chelsea, ku edhe në Kosovë egziston një derbi i tillë, ai mes Dritës dhe Gjilanit.

    Megjithatë ‘Hallam FC’ u bënë anëtarë të Shoqatës së Futbollit më 30 nëntor 1863, por vazhduan të përdorin rregullat e tyre. Më 2 janar 1865, klubi luajti ndeshjen e tij të parë jashtë Sheffield-it kundër Nottingham-it duke luajtur sipas Rregullave të Nottingham.

    Në këtë kohë, klubi kishte vendosur të luante vetëm me ekipe jashtë Sheffield, në mënyrë që të kërkonte një sfidë më të madhe. Më 31 mars 1866, Sheffield luajti një ekip ‘Londër’ sipas rregullave të Shoqatës së Futbollit, në Battersea Park. Ndeshja, e luajtur si njëmbëdhjetë mënjanë, u fitua nga Londra me 2 gola dhe katër prekje deri në zero. Sidoqoftë, çështja e Rregullave që po diskutoheshin në të gjithë vendin u zgjidh me përshtatjen nga Sheffield FC të rregullave të FA në 1878.

    Edhe pas 145 viteve rregullat e futbollit vazhdojnë të ndryshojnë gjatë viteve, e kur jemi te klubi i parë në histori të futbollit, Sheffield FC zhvillon ndeshje vetëm në kuadër të kupës FA, si dhe ndeshje miqësore me skuadra të ndryshme, në Angli dhe jo vetëm./atvlive.tv/

    Për më shumë ndiqni videon e mëposhtme:

     

  • Prezantohet Programi shtetëror “Sport në Shkolla”

    Prezantohet Programi shtetëror “Sport në Shkolla”

    Ministria e Sportit në bashkëpunim me Ministrinë e Arsimit dhe me Federatat Sportive ka hartuar programin “Sport në Shkolla” përmes së cilit po krijohet mundësia që të gjithë nxënësit e arsimit parauniversitar në Kosovë të jenë pjesëmarrës të rregullt në sport dhe aktivitete fizike.

    Në prezantimin e së martës të programit morën pjesë ministri Hajrulla Çeku, së bashku me zëvendësministren Daulina Osmani, Avni Rexha, përfaqësues nga MASHTI, krerët e FSSHK-së, drejtorët e DKRS-ve të komunave të Kosovës, drejtorët dhe përfaqësuesit nga drejtoritë përkatëse komunale për sport dhe arsim, po ashtu përfaqësues të Departamentit të Sportit.

    Ministri Çeku theksoi vizionin e Qeverisë për sportin dhe hapat konkret të ndërmarrur për fuqizimin e mëtejmë të sportit elitar, si trefishimi i mbështetjes financiare të sportit garues, krijimi i standardeve të reja për zhvillimin e veprimtarisë sportive përmes reformës së kornizës ligjore si dhe prioritizimi i mbështetjes së organizimit të ngjarjeve sportive ndërkombëtare në Kosovë me qëllim të shndërrimit të sportit në sektor me ndikim në zhvillimin ekonomik të vendit.

    Dren Marseli, menaxher i programit “Sport në Shkolla” shpalosi komponentët që do të zbatohen në vitin shkollor 2023/2024, ku rreth 10300 nxënës të 23 komunave do të kenë mundësinë të jenë aktiv në aktivitetet sportive të përfshira në program

  • ​Nesër takimi Bislimi-Petkoviq, skepticizëm për rezultate konkrete

    ​Nesër takimi Bislimi-Petkoviq, skepticizëm për rezultate konkrete

    Rreth dy muaj pas agresionit serb në Banjskë të Zveçanit, nesër pritet të kthehet dialogu Kosovë-Serbi, në nivel të kryenegociatorëve. Zëvendëskryeministri Besnik Bislimi dhe përfaqësuesi serb, Petar Petkoviq në Bruksel pritet të diskutojnë për hapat e ardhshëm në procesin e normalizimit dhe zbatimin e angazhimeve të palëve në dialog, duke përfshirë edhe Asociacionin e komunave me shumicë serbe.

    Megjithatë, nga Qeveria e Kosovës nuk treguan nëse të enjten do të diskutohen komentet e palëve për planin e sekuencimit të zbatimit të marrëveshjes së Brukselit dhe Ohrit si dhe draftin e Asociacionit të propozuar nga emisarët euro-amerikanë më 21 tetor. Të njëjtit thanë se gjatë ditës së sotme do të dalin me një komunikatë për medie për të treguar detajet e takimit në kryeqendrën evropiane.

    Nga ana tjetër, opozitarët kritikojnë ekzekutivin për mungesë transparence për draftin e Asociacionit si dhe kërkojnë që menjëherë pas takimit Bislimi-Petkoviq të raportohet në Kuvend. Ndërkaq, njohësit e procesit të dialogut janë skeptikë se do të ketë progres të madh në takimin e nesërm.

    Deputetja e Lidhjes Demokratike të Kosovës, njëherësh edhe kryetare e Komisionit parlamentar për Integrime Evropiane, Rrezarta Krasniqi, thotë për KosovaPress se e kanë të pamundur të dalin me një qëndrim për draftin e Asociacionit, derisa i njëjti ende nuk iu është prezantuar deputetëve të Kuvendit të Kosovës.

    Ajo shprehet e shqetësuar, siç thotë për mungesën e transparencës së kryeministrit Albin Kurti në këtë proces, derisa thekson nevojën që bashkësia ndërkombëtare ta bind Serbinë që të zbatojë në tërësi marrëveshjet nga e kaluara.

    “Nuk mundemi me fol për Asociacionin, pasi kryeministri Kurti ende nuk e ka prezantuar para deputetëve të Kuvendit. Ne e pamë…deklaratat e ambasadorit të Amerikës, por kishte qenë e rrugës që kryeministri të vjen të raportojë në Kuvend, pasi ky proces s’ka pasur aspak transparencë…Jemi prapa në implementimin e marrëveshjeve të kaluara, gjë e cila u theksua edhe në Raport të Progresit që nuk po zbatohen marrëveshjet. Mendoj se kjo është shqetësuese për vendin pasi nuk kemi një situatë të qetë në pjesën veriore ende…Ne e dina se Serbia nuk dëshiron t’i zbatojë marrëveshjet por ish dashur nga ana e ndërkombëtarëve që të bindin Serbinë. Po ashtu me implementimin e marrëveshjeve të hiqen masat pasi kemi humbur shumë nga ana financiare, sidomos në projektet IPA”, thotë Krasniqi.

    Skeptik për takimin Bislimi-Petkoviq është analisti politik, Dorajet Imeri, i cili thotë për KosovaPress se duke marrë parasysh qasjen destruktive të Serbisë në dialog nuk pret të ketë dakordim për zbatim të sekuencuar të marrëveshjes bazë, ku vihet në pah edhe njohja de-facto mes palëve.

    Ai kërkon që Bashkimi Evropian si ndërmjetësues në dialog si dhe Shtetet e Bashkuara të Amerikës si mbështetëse e tij të jenë më agresiv ndaj Serbisë si palë bllokuese e dialogut.

    “Lehtësuesit e këtyre negociatave dhe ata që e mbështesin këtë proces duhet të jenë sy hapur që pala(Serbia) që nuk është konstruktive në këtë dialog të pengohet në procesin e anëtarësimit apo qoftë edhe në zhvillimin ekonomik apo pozicionin ndërkombëtar që ka, në rastin tonë po flasim për Serbinë”, thekson Imeri.

    Emisari i posaçëm i BE-së për dialogun Kosovë-Serbi, Miroslav Lajçak dje ka qëndruar në Beograd, kurse javën e kaluar ka qenë në Kosovë, siç ka thënë për të përgatitur për takimin e kryenegociatorëve Bislimi-Petkoviq.

    Pas vizitës së tij në Kosovë, ai kishte thënë se ka propozuar një agjendë të drejtpërdrejtë për takimet e ardhshme në Bruksel, në linjë me pritshmëritë e përcjella nga liderët evropianë. Sipas tij fokusi primar do të jetë në arritjen e progresit të menjëhershëm në zbatimin e marrëveshje dhe gjetja e një zgjidhjeje të qëndrueshme për situatën sfiduese në veri të Kosovës.

    Megjithatë, zëvendëskryeministri Besnik Bislimi, javën e kaluar në konferencë për media tha se dakordimi me Lajçakun gjatë takimit në Prishtinë, ishte vetëm ai për një takim të radhës në Bruksel.

    Pas dështimit të arritjes së rezultateve në takimin Kurti-Vuçiq më 14 shtator dhe pas sulmit terrorist serb në Banjskë të Zveçanit më 24 shtator, diplomatët euro-amerikanët më 21 tetor paraqitën një plan të ri për zbatimin e marrëveshjes së Brukselit dhe të Ohrit, ku mes tjerash prezantuan një draft për zbatimin e nenit 7 të marrëveshjes, që flet për vetëmenaxhimin e serbëve në Kosovë, rrjedhimisht themelimin e Asociacionit, të cilin kryeministri Kurti tha se është i gatshëm të nënshkruajë, krahas marrëveshjes bazë dhe aneksit, por që u tha se presidenti serb Aleksandër Vuçiq e refuzoi.

  • Will Smith flet për pretendimet se është homoseksual

    Will Smith flet për pretendimet se është homoseksual

    Will Smith ka mohuar me forcë pretendimet se dikur ishte kapur duke kryer marrëdhënie me aktorin e Princit të Bel Air, Duane Martin.

    Kështu ka thënë në një intervistë ish-asistenti i tij personal, vëllai Bilaal. Bilaal pretendon se dikur i gjeti Smithin dhe Martinin duke bërë seks në një dhomë të zhveshjes.

    “Unë hapa derën e dhomës së zhveshjes së Duane dhe atëherë i gjeta ata duke bërë seks anal. Will ishte i përkulur në divan dhe Duane po qëndronte atje duke e vrarë, vërtet duke e vrarë atë,” tha Bilaal në intervistën tashmë virale.

    Pasi historia u përhap, Smith foli përmes një zëdhënësi dhe e quajti historinë një “fabrikim të plotë”. Ai paralajmëroi edhe padi.

    Duane Martin (58) ishte e martuar me aktoren Tisha Campbell nga viti 1996 deri në vitin 2020. Ai bashkëpunoi me Smith në disa projekte, dhe në serialin Prince of Bel Air u shfaq në dy episode duke luajtur personazhin e Dr. Duane.

  • Ambasadori Malaj: Në vitin 2024, Shqipëria do të rrisë prezencën e KFOR-it në Kosovë

    Ambasadori Malaj: Në vitin 2024, Shqipëria do të rrisë prezencën e KFOR-it në Kosovë

    Ambasadori i Shqipërisë në Kosovë, Petrit Malaj, ka theksuar se rruga e vetme për normalizimin e marrëdhënieve Kosovë – Serbi është ajo e dialogut.

    Këto komente i ka bërë Malaj pas një takimi që pati me Komandantin e KFOR, Gjeneralmajor Ozkan Ulutas.

    Malaj thotë se ia ka konfirmuar Komandantit të KFOR, se Shqipëria do të vazhdojë të mbështesë KFOR, pasi vendi ynë e ka Kosovën në prioritetin më të lartë. “Po kështu, kjo mbështetje do të vijojë pasi në vitin 2024, Shqipëria do të rrisë prezencën e saj”

    “I shoqëruar nga Atasheu Ushtarak Kolonel Altin Kurti, zhvillova një takim miqësor me Komandantin e KFOR, Gjeneralmajor Ozkan Ulutas. Gjatë këtij takimi biseduam për situatën e sigurisë në Kosovë. Gjeneralmajor Ulutas falënderoj Shqipërinë për mbështetjen që i jep KFOR-it. I konfirmova se Shqipëria do të vazhdojë të mbështesë KFOR, pasi vendi ynë e ka Kosovën në prioritetin më të lartë. Po kështu, kjo mbështetje do të vijojë pasi në vitin 2024, Shqipëria do të rrisë prezencën e saj. Gjithashtu, i bëra të ditur se rruga e vetme për normalizimin e marrëdhënieve Kosovë – Serbi është ajo e dialogut”, ka shkruar ai në faqen e tij në ‘Facebook’.

  • Shefi i NATO-s: Nuk mund të lejojmë që Putini të fitojë

    Shefi i NATO-s: Nuk mund të lejojmë që Putini të fitojë

    Sekretari i Përgjithshëm i NATO-s ka riafirmuar mbështetjen për Ukrainën dhe tha se Vladimir Putin nuk mund të lejohet të fitojë luftën.

    Duke folur pas një takimi me ministrat e mbrojtjes të BE-së në Bruksel, Jens Stoltenberg tha: “Situata në fushën e betejës është e vështirë.

    “Dhe kjo thjesht e bën edhe më të rëndësishme që ne të mbështesim dhe të rrisim mbështetjen tonë për Ukrainën, sepse ne nuk mund të lejojmë që presidenti Putin të fitojë, shkruan Sky News.

    “Ukraina duhet të mbizotërojë si një komb sovran i pavarur në Evropë dhe është në interesin tonë të mbështesim Ukrainën”.

  • Gjatë 24 orëve të fundit nga prokuroritë themelore janë ngritur 29 aktakuza

    Gjatë 24 orëve të fundit nga prokuroritë themelore janë ngritur 29 aktakuza

    Prokurori i Shtetit ju njofton se gjatë 24 orëve të fundit nga prokuroritë themelore janë ngritur   njëzetenëntë (29) aktakuza kundër njëzetenëntë (29) personave, për kryerjen e veprave të ndryshme penale.

    Po ashtu, me urdhër të Prokurorit të Shtetit janë ndaluar tetë (8) persona dhe janë paraqitur dhjetë (10) kërkesa për caktimin e masës së paraburgimit ndaj dhjetë  (10) personave.

    Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar pesë (5) persona, ka paraqitur pesë (5) kërkesa për caktimin e masës së paraburgimit kundër pesë (5) personave, dhe ka ngritur nëntë (9) aktakuza kundër nëntë (9) personave, për vepra të ndryshme penale.

    Prokuroria Themelore në Prizren, gjatë 24 orëve ka paraqitur dy (2) kërkesa për caktimin e masës së paraburgimit kundër dy (2) personave dhe ka ngritur tetë (8) aktakuza kundër tetë (8) personave, për vepra të ndryshme penale.

    Prokuroria Themelore në Pejë, gjatë 24 orëve me urdhër të prokurorit ka ndaluar një (1) person, në kohëzgjatje prej 48 orëve, për vepra të ndryshme penale.

    Prokuroria Themelore në Gjilan, gjatë 24 orëve ka paraqitur një (1) kërkesë për caktimin e masës së paraburgimit kundër një (1) personi, si dhe ka ngritur  shtatë (7) aktakuza kundër shtatë (7) personave, për vepra të ndryshme penale.

    Prokuroria Themelore në Gjakovë, gjatë 24 orëve me urdhër të prokurorit ka ndaluar dy (2) persona, në kohëzgjatje prej 48 orëve, për vepra të ndryshme penale.

    Prokuroria Themelore në Mitrovicë, gjatë 24 orëve të fundit, ka paraqitur një (1) kërkesë për caktimin e masës së paraburgimit kundër një (1) personi si dhe ka ngritur dy (2) aktakuza kundër dy (2) personave, për vepra të ndryshme penale.

    Prokuroria Themelore në Ferizaj, gjatë 24 orëve të fundit ka paraqitur një (1) kërkesë për caktimin e masës së paraburgimit kundër një (1) personi dhe ka ngritur tri (3) aktakuza kundër tre (3) personave, për vepra të ndryshme penale.

  • Zbulohet topi zyrtar i EURO 2024

    Zbulohet topi zyrtar i EURO 2024

    Topi Zyrtar që do të përdoret në ndeshjet e Kampionatit Evropian të futbollit EURO 2024 është zbuluar sot nga UEFA dhe adidas në një event special përpara në Berlin.

    Topi Zyrtar që do të përdoret në ndeshjet e Kampionatit Evropian të futbollit EURO 2024 është zbuluar sot nga UEFA dhe adidas në një event special përpara në Berlin.

    Topi i emëruar “FUSSBALLLIEBE” përmban teknologjinë adidas Connected Ball Technology për herë të parë në një Kampionat Evropian duke ofruar një pasqyrë të paparë në çdo element të lëvizjes së topit dhe duke kontribuar në procesin e vendimmarrjes së video-asistentëve të UEFA-s.

    EURO 2024 do të zhvillohet nga 14 qershori deri më 14 korrik 2024 në dhjetë qytete pritëse në Gjermani: Berlin, Këln, Dortmund, Düsseldorf, Frankfurt, Gelsenkirchen, Hamburg, Leipzig, Mynih dhe Shtutgart. 

  • Aliu: 135 mijë euro për renovimin e pesë shkollave të Komunës në Shtime

    Aliu: 135 mijë euro për renovimin e pesë shkollave të Komunës në Shtime

    Kryetari i Komunës së Shtimes, Qemajl Aliu bashkë me drejtoreshën e Arsimit, Yllka Fejzullahu, kanë vizituar shkollën e mesme IAAP, që bashkë me shkollat “Emin Duraku” në Shtime, “Hasan Prishtina” në Godanc, “Bajram Curri” në Petrovë dhe shkolla në Davidovc janë renovuar këtë vit në vlerë 135.000 euro.

    Sipas kryetarit Aliu ky investim do të krijohen kushte më të mira e hapësira më të përshtatshme për mësimdhënie e mësimxënie.

    “Bashkë me drejtoreshën e Arsimit, Yllka Fejzullahu, vizituam shkollën e mesme IAAP, që bashkë me shkollat “Emin Duraku” në Shtime, “Hasan Prishtina” në Godanc, “Bajram Curri” në Petrovë dhe shkolla në Davidovc janë renovuar këtë vit në vlerë 135.000 euro, investim nga i cili do të krijohen kushte më të mira e hapësira më të përshtatshme për mësimdhënie e mësimxënie. Urime nxënësve e arsimtarëve dhe suksese në misionin e tyre të shenjtë”, ka shkruar në Facebook Aliu.

  • Shoqëria civile reagon: Të shuhet ndërmarrja publike NKEC dhe të ndalet politizimi dhe kapja e saj

    Shoqëria civile reagon: Të shuhet ndërmarrja publike NKEC dhe të ndalet politizimi dhe kapja e saj

    Konsorciumi i organizatave të shoqërisë civile i përbërë nga Grupi për Studime Juridike dhe Politike (GLPS), Instituti GAP dhe Instituti për Politika Zhvillimore (INDEP), në kuadër të projektit: “Mbështetje për Shoqërinë Civile për të Rritur Mbikëqyrjen Publike dhe Llogaridhënien e Institucioneve Publike të Kosovës”, shpreh shqetësimin e thellë lidhur me mosveprimin e Qeverisë së Kosovës në raport më ndërmarrjen publike Ndërmarrja e Re Energjetike e Kosovës (NKEC), e cila kryen shpenzime buxhetore nga paratë publike, ndonëse nuk kryen asnjë funksion në tregun e energjisë në Kosovë.

    “NKEC ishte themeluar për të menaxhuar kontratën e ndërtimit të termocentralit “Kosova e Re”, marrëveshje në mes të Qeverisë së Kosovës dhe Contour Global, projekt ky tashmë i anuluar. Megjithatë, NKEC nuk ka nisur asnjëherë operimin efektiv, duke mos mbuluar asnjë pjesë në tregun e energjisë në vend, përkundër prezentimit të planeve të biznesit tek Njësia për Politika dhe Monitorim të Ndërmarrjeve Publike (Njësia) pranë Ministrisë së Ekonomisë në vitet 2020 dhe 2021”, thuhet në reagim.

    Sipas komunikatës, në vitin 2020, edhe Zyra Kombëtare e Auditimit kishte rekomanduar që në rast të anulimit të projektit “Kosova e re”, “bordi i drejtorëve në bashkëpunim me Qeverinë (aksionarin) duhet të kenë vizion të qartë se si do të jetë e ardhmja e ndërmarrjës …”, duke marrë parasysh se i gjithë fushëveprimi i kësaj ndërmarrjeje ndërlidhej me realizimin ose jo të një projekti të vetëm (“Kosovës së re”). Përkundër kësaj, Qeveria duke mos e mbyllur këtë ndërmarrje ose duke mos i dhënë rol tjetër në tregun e energjisë, po lejon që ajo të jetë barrë buxhetore për vendin. Sipas deklarimeve në Agjencinë për Parandalimin e Korrupsionit (APK), vetëm kosto e pagesave për anëtarët e bordit dhe stafit të ndërmarrjes për vitin 2022, kap vlerën e rreth 96 mijë eurove, ndërsa vetëm Kryeshefi Ekzekutiv i kësaj ndërmarrjeje kishte pagë mujore prej 2,000 euro.

    “Në komunikatën e datës 27 mars 2019 të subjektit politik që sot qeveris me vendin ishte thënë se NKEC “do të jetë “vrima e zezë” e buxhetit të Kosovës në dekadat e ardhshme.” Për më tepër, në qershor të këtij viti, Qeveria e Kosovës emëroi anëtarët e ri të bordit të kësaj ndërmarrje, pas shkarkimit të bordit të vjetër, pavarësisht që ndërmarrja mbetet jo aktive. Për më tepër, në bordin aktual ka anëtarë të emëruar në kundërshtim me Ligjin për ndërmarrjet publike. Anëtarja e bordit, znj. Elvisa Destanovic ka garuar me iniciativën “INICJATIVA BOSNJACKOG JEDINTSVA” në garën për zgjedhjet komunale për Kuvendin e Istogut në vitin 2021. Sipas Ligjit për Ndërmarrjet publike, askush nuk mund të emërohet në Bordin e Drejtorëve nëse “është ose në çfarëdo kohe gjatë periudhës 36 muajsh para datës së aplikimit ka qenë (i) zyrtar i zgjedhur publik, (ii) i emëruar politik ose (iii) bartës i një posti udhëheqës ose vendimmarrës në një parti politike””, thuhet në komunikatë.

    Në fund thuhet se marrë parasysh argumentet e lartpërmendura, përmes këtij reagimi, CorrËatch kërkon që Qeveria e Kosovës të vendosë sa më shpejtë lidhur me këtë ndërmarrje, nëse dëshiron t’i ngarkojë një rol në sektorin e energjisë ose ta mbyllë krejtësisht atë, meqë e njëjta është barrë buxhetore e shtetit të Kosovës.