Alicia Kearns, kryetare e komisionit të jashtëm në Britani të Madhe, ka thënë se vendi i saj, ShBA, Gjermania, Franca dhe Italia, duhet t’i heqin sanksionet ndaj Kosovës dhe të largohen nga një qasje “me në qendër Beogradin”.
“Perëndimi po tregon në Ballkan një dështim për të pasur një bosht kurrizor dhe ne po tregojmë gjithashtu se nuk kemi marrë mësimet për të frenuar Rusinë,” tha ajo në një intervistë për Financial Times.
“Ne kishim një prioritet të tërë se si mos ta shqetësojmë apo rëndojmë Rusinë në dëm të atyre që e rrethojnë. Pikërisht e njëjta gjë është duke ndodhur këtu”.
Kearns ka qenë ajo që paralajmëroi Westminster në korrik se militantët serbë po kontrabandonin armë në Kosovë, duke rrezikuar një shpërthim dhune.
“Keni parasysh atë që thashë në qershor”, tha Kearns. “Armët vinin nga Serbia me ambulanca, në Kosovë dhe ruheshin nëpër kisha. Dhe çfarë kemi parë? Armët që kanë ardhur qartazi nga Serbia… Dy nga terroristët që vdiqën atë ditë nga të shtënat ishin shoferë të ambulancës. Dhe ku u fshehën? Në një manastir” shtoi ajo duke folur për ngjarjen e 24 shtatorit në Banjskë të Zvecanit.
Kearns, i cili vizitoi vendin ku autoritetet e Kosovës ruanin armët e konfiskuara, tha se ishte e qartë se armatimi i shkallës ushtarake kishte qenë pjesë e depove të ushtrisë serbe.
“Numrat serikë përshtaten. Kjo nuk është si pjesë e rëndomtë e pajisjeve që djem të rëndomtë të nivelit të ulët mblodhën së bashku dhe vendosën t’i përdorin. Këto janë pajisje të reja nga viti 2021. Ato që pashë ishin pajisjet më të fundit”, ka thënë ajo ndër të tjera.
Sot në vendin tonë parashihet të mbajë mot kryesisht me vranësira dhe reshje shiu.
Temperaturën minimale për ditën e sotme do ta mbajë Peja me 4 gradë Celsius, ndërsa atë maksimale Prizreni me 11 gradë Celsius.
Edhe dita e nesërme do të jetë me kushte të njëjta atmosferike. Temperaturën minimale për ditën e nesërme do ta mbajnë Mitrovica dhe Prishtina me nga 2 gradë Celsius, ndërsa atë maksimale përsëri Prizreni me 11 gradë Celsius.
Ndërkohë, në Shqipëri do të ketë mot të vranët dhe me kthjellime. Temperaturën minimale do e ketë Kukësi me 6 gradë Celsius, ndërsa ajo maksimale do të jetë në Vlorë me 20 gradë Celsius. /atvlive.tv/
Parashikimin e plotë të motit, për rajon dhe Evropë mund ta ndiqni në videon e mëposhtme:
Sot në tregun e kafshëve në Prizren ka ndodhur një shpërthim ku janë lënduar nëntë persona.
Policia ka arritur t’i identifikojë tre të dyshuar për këtë rast, të cilët janë tashmë në kërkim.
“Nga informatat e para është kuptuar se 9 persona kanë pësuar lëndime nga shpërthimi i një granate dore. Të gjithë te lënduarit janë në emergjencën e Spitalit Rajonal te Prizrenit”, ka thënë Vesel Gashi, zëdhënës i Policisë Rajonale të Prizrenit.
“Policia ka dalë në vendngjarje dhe është informuar prokurori kujdestar gjithashtu. Në vendngjarje kanë dalë hetimet rajonale të Prizrenit dhe janë duke mbledhur provat dhe dëshmitë. Tre te dyshuarit janë identifikuar dhe janë në kërkim policor”, deklaroi ndër të tjera Gashi.
Shumë njerëz mund të përjetojnë ngjarje traumatike në forma e faza të ndryshme të jetës.
Sipas hulumtimeve të bëra nga Verywellhealth rreth traumës u raportua se afërsisht 60% e burrave dhe 51% e grave përjetojnë një ngjarje traumatike gjatë jetës së tyre.
Njerëzit mund të ekspozohen ndaj ngjarjeve traumatike përmes mënyrave të ndryshme, psh kur ndodhë dicka direkt me ne, duke qenë dëshmitarë të një ngjarje të keqe, apo kur jemi të ekspozuar vazhdimisht ngjarjeve të përsëritura traumatike që prekin njerëzit e tjerë.
Ngjarjet traumatike mund të përfshijnë: të shohësh dikë duke vdekur , duke u plagosur rëndë, apo përjetimi i dhunës seksuale.
Ngjarjet tipike traumatike përfshihen edhe përvoja të ndërlikuara të lindjes së fëmijëve, diagnostifikimi i një sëmundje kërcënuese për jetën, lufta, sulmet terroriste, fatkeqësitë natyrore apo të shkaktuara nga njeriu, etj.
Gjithashtu disa njerëz që janë të ekspozuar ndaj ngjarjeve traumatike përmes mediave sociale, televizionit, filmave, të gjitha këto mund të bëjnë që të përjetojmë gjithashtu vështirësi në shëndetin mendor, raporton ATVLIVE.TV.
Është e rëndësishme të theksohet se është një numër i madh I ngjarjeve të shumta që mund të cilësohen traumatike.
Disa njerëz me profesionin që kanë mund të kenë më shumë gjasa të përjetojnë ngjarje traumatike në punë. Si psh: policët, zjarrfikësit, personeli ushtarak dhe njerëzit që punojnë në zonat e luftës, etj.
Pas një ngjarjeje traumatike, është e zakonshme që njerëzit të përjetojnë si psh kujtime, ëndërra rreth ngjarjes, duke pasur ndjesinë sikur po ndodh përsëri. Mund të ndjehemi veçanërisht të mërzitur kur jemi afër vendit ku ka ndodhur ngjarja ose në një mjedis që na kujton ngjarjen.
Gjithashtu, pas një ngjarje traumatike mund të vërejmë ndryshime në mënyrën se si veprojmë, përfshirë humbjen e interesit për gjërat që i kemi pëlqyer më parë, shkëputja nga njerëzit, të qenurit të zemëruar dhe agresiv ndaj njerëzve ose gjërave të tjera.
Pasi keni përjetuar një ngjarje traumatike duhet t’i jepni kohë vetës, por ajo çka është më e rëndësishme sipas hulumtimeve është se duhet të flisni për ngjarjen.
Problemi më i madh del të jetë mohimi i asaj që ju ka ndodhur, pra përvojës tuaj. Kjo krijon një pengesë për aftësitë për t’u shëruar nga ajo.
Të folurit për ngjarjen dhe ndjenjat tuaja mund t’ju ndihmojë të jeni më të shliruar dhe më të shëndetshëm në mendime. Sa më shumë që shmangemi nga kujtimet dhe ndjenjat , na bën të ndjehemi më keq.
Është normale që të keni vështirësi në rikuperimin nga trauma ose dhimbjet nga e kaluara. Vetëm për shkak se përvoja ka mbaruar nuk do të thotë që nuk jeni prekur thellë. Mund të duhet kohë për të njohur dhe kuptuar se çfarë ka ndodhur dhe çfarë do të thotë për ju.
Të flasim hapur për përvojat e këqija në jetë, do të thotë që ne po e çlirojmë veten nga pjesë të së kaluarës.
Përpiquni të mbani rutinën që keni pasur përpara ngjarjes traumatike sa më shumë që të mundeni, edhe nëse kjo duket e vështirë. Merrni parasysh të kërkoni ndihmë profesionale.
Pas një ngjarjeje traumatike, shanset janë që të mos ndiheni si vetvetja. Mund të jetë e vështirë të mendosh që të shkosh në një vend ku ndihesh më mirë. Dhimbja dhe pasojat e një ngjarjeje traumatike mund të jenë jetëshkurtër ose kronike.
Marrja e ndihmës profesionale mund të bëjë ndryshim të madh në jetën e secilit. Terapia ofron një ndjenjë sigurie dhe të hapur për të diskutuar dhe filluar shërimin.
Arsyet që mund të konsideroni të flisni me një terapist përfshijnë: Rikthime ose ndjesi sikur po ripërjetoni ngjarjen traumatike,vështirësi për të fjetur ose duke pasur ankthe,probleme në ruajtjen e marrëdhënieve, luftimi I vazhdueshëm për të funksionuar në shtëpi, punë ose shkollë,faji, turpi ose fajësimi i vetes.
Edhe ndjenjat e mungesës së izolimit, përdorimi i shtuar ose problematik i substancave narkotike ose alkoolit , mendime tejet negative.
Jo të gjithë ata që përjetojnë një ngjarje traumatike vazhdojnë të kenë probleme me shëndetin mendor. Në fakt, shumica e njerëzve që përjetojnë një ngjarje traumatike kanë raportuar se efektet negative zhduken me kalimin e kohës./atvlive.tv/
Në Dhomat e Specializuara në Hagë vazhdon, sot nga ora 09.30, procesi gjyqësor ndaj ish-pjesëtarit të UÇK-së, Pjetër Shala.
Në Dhomat e Specializuara të Kosovës në Hagë, dje, ka vazhduar dëshminë e tij dëshmuari i pestë i mbrojtjes, Zijadin Hoxha, në çështjen gjyqësore ndaj Pjetër Shalës.
Ai është pyetur në lidhje me qëndrimin në Uzinën e Metalit në Kukës, për çka ka pranuar se ka dhënë deklaratë të gabuar kur ka thënë se në maj të 99-s kishte mbërritur në Kukës. Hoxha ka pranuar se gjatë asaj kohe është marrë me riparimin e armëve.
Nga mbrojtja e Pjetër Shalës, Hoxha u pyet në lidhje me pamjet që kishte xhiruar gjatë periudhës së luftës në Uzinën e Kukësit.
Në çështjen gjyqësore Shala, për këtë javë pritet të mbahen pesë seanca, raporton RTKlive.
Ai ndodhet në qendrën e paraburgimit në Hagë prej marsit të vitit 2021.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.
Tri komisione parlamentare do të mbajnë sot mbledhje në orare të ndryshme.
Me fillim nga ora nëntë do të mblidhet Komisioni për Shëndetësi dhe Mirëqenie Sociale.
Në këtë mbledhje do të shqyrtohet Projektligji mbi ndarjet buxhetore për Buxhetin e Republikës së Kosovës për vitin 2024, për fushat që janë në fushëveprim të Komisionit.
Në ora dhjetë do të mbajë mbledhje Komisioni për Mbikëqyrjen e Agjencisë së Kosovës për Inteligjencë.
Ky komision do të diskutojë rreth propozim-buxhetit të detajuar të Agjencisë së Kosovës për Inteligjencë për vitin 2024.
Komisioni për Buxhet, Punë dhe Transfere do të mblidhet në ora njëmbëdhjetë.
Ky komision do të shqyrton Raportin vjetor të Bankës Qendrore të Republikës së Kosovës për vitin 2022.
Presidenti i Azerbajxhanit, Ilham Aliyev, akuzoi Francën se po krijon kushtet për një luftë të re në Kaukazin Jugor, duke furnizuar me armë Armeninë.
Muajin e kaluar, Franca arriti kontrata të reja për të furnizuar me pajisje ushtarake Armeninë.
“Franca destabilizon jo vetëm shtetet që ka pasur koloni në të kaluarën dhe që ka tani, por edhe rajonin tonë, Kaukazin Jugor, duke mbështetur tendencat separatiste dhe separatistët”, tha Aliyev gjatë një konference për shkolonizimin në Baku.
“Duke armatosur Armeninë, ajo zbaton politika ushtarake, inkurajon forcat revanshiste në Armeni dhe përgatit terrenin për nisjen e luftërave të reja në rajonin tonë”, shtoi presidenti azerbajxhanas.
Ende nuk ka ndonjë reagim nga Parisi për këto deklarata.
Baku dhe Jerevani kanë zhvilluar dy luftëra në tri dekadat e fundit, por Aliyev shënoi një fitore të rëndësishme në shtator duke rimarrë rajonin e kontestuar të Kabarakut, ku armenët etnikë kishin gëzuar një pavarësi de facto që nga fillimi i viteve ’90. Mbi 100.000 armenë etnikë që nga ofensiva e shtatorit janë larguar për në Armeni.
Azerbajxhani tani është në një pozitë të fuqishme për të fituar avantazhe në një marrëveshje të paqes me Armeninë. Por, Bakuja gjithnjë e më shumë po merr një qëndrim të ashpër ndaj shteteve perëndimore, veçmas ndaj Francës dhe Shteteve të Bashkuara – dy shtete që kanë komunitete të mëdha të armenëve etnikë.
Bashkimi Evropian, SHBA-ja dhe Rusia për vite të tëra kanë tentuar që të ndërmjetësojnë një marrëveshje të paqes mes Azerbajxhanit dhe Armenisë. Por, deri më tani këto përpjekje kanë dështuar.
Në herët gjatë javës, kryeministri i Armenisë, Nikol Pashinyan, falënderoi BE-në për punën që po bën që të sjellë më afër një marrëveshje të paqes, por tha se të dyja palët “ende po flasin me gjuhë të ndryshme diplomatike”./REL/
Spitali i Përgjithshëm në Pejë nga 1 janari 2024 do të fillojë me një shërbim të ri lehtësues dhe i domosdoshëm për pacientët.
Në një lidhje direkte në emisionin “A LIVE”, drejtori mjekësor, Besnik Ibraj tha se vizitat specialistike, bërja e analizave, marrja e shërbimeve radiologjike apo ekzaminimet tjera në këtë spital, do të bëhen vetëm me termine.
Ibraj tha se qëllimi i këtij vendimi është që pacientë të mos presin në radhë.
“Në mbledhjen e fundit me bordin drejtues të Spitalit në Pejë, kemi marrë vendim që të gjitha shërbimet shëndetësore të cilat kryhen në Spitalin e Pejës, të bëhen me termine për shërbimin e caktuar qoftë ai diagnostik apo edhe për ekzaminim mjekësor. E gjitha kjo është bërë me qëllim pacientët të kenë qasje më të lehtë dhe koha e pritjes të shkurtohet, për të gjitha ata që kryejnë shërbime në ambulantat specialistike, sepse vlen të theksohet se këtu përjashtohet shërbimi i urgjencës, sepse pacientët me urgjencë do të jenë gjithmonë prioritet”, tha ai./atvlive.tv/
Ministrja e Drejtësisë, Albulena Haxhiu, ka reaguar lidhur me zjarrin që shpërtheu sot në objektin e Insitutitit të Mjekësisë Ligjore.
Haxhiu ka thënë se nuk ka pasur djegie ose dëmtim të mbetjeve mortore, arkivës së Institutit të Mjekësisë Ligjore dhe mostrave, derisa shtoi se pa u kuptuar shkaqet e zjarrit, nuk mund të japë më shumë informacione.
“Rreth orës 08:00 të mëngjesit, nga drejtori i Institutit të Mjekësisë Ligjore, Ditor Haliti, jam njoftuar që dy zyra në katin e dytë në objektin e IML, janë përfshirë nga zjarri. Ekipet e zjarrëfikësve, policia, prokuroria menjëherë kanë shkuar në vendin e ngjarjes. Nga vlerësimet fillestare, nuk ka pasur djegie ose dëmtim të mbetjeve mortore, arkivës së IML dhe mostrave”, ka shkruar Haxhiu.
Sipas saj, Policia dhe prokuroria po ashtu janë duke bërë punën e tyre.
“Ekipet e forenzikës, ekspertët e zjarrit dhe të elektroteknikës janë ende duke e kryer punën e tyre me qëllim që të dihen shkaqet e zjarrit. Policia dhe prokuroria po ashtu janë duke bërë punën e tyre. Për shkak të atyre që kanë ndodhur në IML ndërvite, me të drejtë qytetarët mund të jenë të shqetësuar lidhur me këtë mirëpo pa kuptuar shkakun e zjarrit nuk mund të japim informacione më shumë. Sapo të kemi informacione më të detajuara lidhur me rastin, do të njoftojmë me kohë”, ka shkruar ndër të tjera Haxhiu.
Aleanca Kosovare e Bizneseve (AKB) ka mbajtur konferencë për medie, me ç‘rast prezantoi programin për “Javët e Biznesit Kosovar 2023”, raporton Ekonomia Online. Në konferencë u prezantuan produktet vendore si edhe bë thirrje që të përkrahen prodhuesit vendës.
Kryetari i AKB-së, Agim Shahini, tha se moton e kësaj jave është “Unë konsumoj prodhime vendore, Po ju ?”. Ai me këtë rast theksoi se qëllimi i kësaj javë është promovimi produkteve. Kjo ngase sipas tij, Kosova ende nuk ka prodhim vendës të mjaftueshëm, madje mungojnë edhe strategjitë në ndihmë të prodhuesve.
“Shpalosi programit tradicional për javën e biznesit me moto ‘Unë konsumoj prodhime vendore, po ju’ duke rritur vetëdijen sepse prodhimi vendor është shpëtimi i vendit sepse me të do kemi edhe stabilitet ekonomik dhe qëllimi i javës së biznesit është promovimi i këtyre produkteve, sepse Kosova ende nuk ka prodhim vendor të mjaftueshëm sepse as nuk ka strategji ta mbështesim prodhuesin vendor ai theksoi se nuk mund të bëhemi faktorë ekonomik duke eksportuar por duke prodhuar”.
“Kryetari theksoi edhe rolin e rëndësishëm të Diasporës si edhe të prodhimtarëve vendorë të cilët edhe pse nuk kanë shumë mbështetje nuk po ndalën. Liberalizimi i vizave është një shqetësim sepse të rinjtë po duan ta lëshojnë Kosovën dhe kjo është një thirrje për dialog mes sektorit privat dhe atij publik. Javët e Biznesit filluan sot dhe do mbarojnë me 17 shkurt të vitit”.
Suad Berisha, nënkryetari i AKB-së, theksoi se produktet vendëse tash e mbulojnë mbi 50% konsumin he kjo sipas tij, falë promovimit nga AKB-ja.
“Me aktivitetet që po fillon sot e do të vazhdojë edhe vitet e tjera do e përmirësojë gjendjen. Varet nga politikat që do t’i hartojnë Qeveria, sepse ata duhet që të promovojnë politika liberale që të rriten prodhimet vendore si edhe të rregullohet mire puna e energjisë elektrike sepse kjo na dëmton dhe duhet ndryshuar”.
Lumnije Ajdini, shpalosi programin ku theksoi se “Javët e Biznesit Kosovarët 2023”, do këtë karakter promovues.
“Do të marrim pjesë edhe në Samitin në Tiranë, do të mbahen konferencë në bashkëpunim me Ministrinë e Tregtisë si edhe do promovohen produktet vendore në Qendra Tregtare. Me 17 shkurt 2024 do mbyllet gjithë ky organizim dhe pastaj me 19 shkurt do mbajnë konferencë mbyllëse. Qëllimi kryesor është informimi i qytetarëve”.
