Author: G.O.

Policia e Kosovës ka kryer disa kontrolle në subjektin biznesor të dyshuar në tri lokacione në Prishtinë.

Kjo kontrollë u realizua pas dyshimeve se një subjekt biznesor, i cili operon në kryeqytet, bënte shitjen e produkteve të ndryshme me shumicë si suplemente të ndryshme, shampona, mjaltë për përdorime të ndryshme për potencë (kamagra etj,) të cilat produkte dyshohet se janë pa origjinë të prejardhjes, disa prej tyre edhe me ndërrim të afatit të skadencës së produkteve.

“Sot me datë 05.12.2023 hetuesit nga Sektori për Hetimin e Krimeve Ekonomike në bashkëveprim me Inspektoratin e Tregut nga Ministria e Industrisë Ndërmarrësisë dhe Tregtisë, kanë ndërmarr veprime në teren lidhur me informatën e lartcekur”– thuhet në njoftimin zyrtar.

Gjatë kontrollës është gjetur sasi e konsiderueshme e mallrave për të cilat pronari nuk ka mundur të prezantoj dokumentet e origjinës së këtij malli.

Në këtë rast Dogana e Kosovës ka sekuestruar sasi të konsiderueshme të mallrave, të dyshuara si të kontrabanduara, ndërsa Inspektorati i tregut ka bërë bllombimin e depos deri në përfundim të rastit nga Dogana e Kosovës.

Një nga personat e dyshuar është marrë nga policia , si person i dyshuar lidhur me dyshimet për veprat penale: “Kontrabandim i mallrave” dhe ‘’Shmangia nga pagesa e tarifave të detyrueshme doganore ose tarifave akcizore’’. I njejti me vendim të prokurorit është liruar me procedurë të rregullt.

Kryetari i AKR-së, Behgjet Pacolli, në një postim në Facebook ka shkruar se po sheh “disa insinuata të individëve me sjellje skizofrenike që përdorin tragjedi si kjo e Liridonës për të tërhequr vëmendjen e publikut dhe për të pervetësuar ndonjë pëlqim ( like) në platformat mediatike”.

Ai ka thënë se është e rëndësishme që të ekspozohen dhe kundërshtohen deklaratat e paqëndrueshme, pa fakte dhe të pasakta të disa “debutuesve” apo “analistëve” që sipas tij njollosin imazhin dhe reputacionin e tjerëve.

“Kjo do të ndihmojë në ngritjen e nivelit të bisedës dhe transparencës së informacionit për publikun dhe seriozitetin e vetë medias.”

Ai bëri të ditur se është duke ndjekur një rrugë të planifikuar 6 muaj më parë, çka e penguar të marrë pjesë në varrim.

“Për ta sqaruar publikun, jam duke ndjekur një rrugë të gjatë dhe të planifikuar 6 muaj më parë, e cila më ka penguar të marr pjesë në varrim (për çka janë kujdesur vëllezërit, dhe bashkëpunëtorët e mi).”

Më 29 nëntor, Liridona Ademaj u vra, derisa i dyshuar është burri i saj, Naim Murseli, nën dyshimin se ai e ka organizuar aktin. Murseli ka qenë këshilltar i jashtëm i Pacollit, derisa ishte ministër i Punëve të Jashtme.

Paneli i Gjykatës së Apelit do ta shqiptojë Aktgjykimin e Apelit në çështjen Prokurori i Specializuar kundër Salih Mustafës më 14 dhjetor.

Seanca do të jetë publike dhe e hapur për media, sipas njoftimit të Gjykatës Speciale.

Mustafa u shpall fajtor për krime luftë nga kjo gjykatë më 16 dhjetor të vitit të kaluar, duke u dënuar me 26 vjet.

Ndërkaq, më 2 shkurt Mbrojtja kishte apeluar kundër këtij Aktgjykimi.

Presidenti ukrainas Volodymyr Zelensky ka anuluar një konferencë të profilit të lartë me ligjvënësit amerikanë mes një ngërçi mbi financimin e ardhshëm të SHBA për Ukrainën.

Paraqitjet virtuale në Senat ishin planifikuar për të martën, por u anuluan në momentin e fundit, shkruan BBC, transmeton KosovaPress.

Kjo erdhi pasi një zyrtar i lartë ukrainas paralajmëroi se ata rrezikojnë të humbin luftën kundër Rusisë nëse nuk miratohen më shumë ndihma ushtarake amerikane.

Udhëheqësi i Senatit, Chuck Schumer, nuk shpjegoi pse Zelensky nuk u paraqit.

Ai tha se presidenti ukrainas ishte i zënë me një çështje “të minutës së fundit”, pa dhënë detaje të mëtejshme.

Shefi i shtabit të Zelensky, Andriy Yermak, tha më herët të martën se ekzistonte një “rrezik i madh” i humbjes së Ukrainës pa mbështetjen e vazhdueshme të SHBA-ve.

“Do të jetë e vështirë të qëndrosh në [të njëjtat] pozicione dhe që njerëzit të mbijetojnë me të vërtetë,” shtoi ai, në një fjalim në Institutin Amerikan të Paqes në Uashington DC.

Vlerësimi i tmerrshëm i Yermak u dha vetëm disa orë përpara se Zelensky të tërhiqej nga një video-konferencë e planifikuar me senatorët amerikanë për t’i informuar ata mbi përpjekjet e luftës.

Ambasada e Ukrainës në Uashington DC nuk iu përgjigj menjëherë një pyetjeje të BBC që kërkoi shpjegime të mëtejshme për anulimin.

Ajo vjen pas një shtytjeje të përtërirë nga Shtëpia e Bardhë për mbështetje shtesë për Ukrainën. Kongresi i SHBA, megjithatë, nuk është ende afër një marrëveshjeje mbi një paketë shpenzimesh kompromisi që do të ndihmonte në financimin e përpjekjeve të luftës.

“Ne jemi pa para – dhe pothuajse pa kohë,” shkroi Shalanda Young, drejtoresha e buxhetit të Shtëpisë së Bardhë, në një letër drejtuar udhëheqësve republikanë dhe demokratë të botuar të hënën.

Ajo paralajmëroi se dështimi i Kongresit për të miratuar më shumë ndihmë ushtarake për Ukrainën para fundit të vitit do ta “gjunjëzonte” kombin në luftën e tij kundër Rusisë dhe se nuk kishte mbetur një “mënyrë magjike e financimit”.

Të hënën, megjithatë, Kryetari republikan i Dhomës së Përfaqësuesve, Mike Johnson, dukej se nuk pranoi kërkesat e fundit për të siguruar dhjetëra miliarda dollarë më shumë financim.

“Administrata e Bidenit ka dështuar të adresojë në mënyrë thelbësore asnjë nga shqetësimet legjitime të konferencës sime në lidhje me mungesën e një strategjie të qartë në Ukrainë, një rrugë për zgjidhjen e konfliktit ose një plan për të siguruar në mënyrë adekuate përgjegjësinë për ndihmën e ofruar nga taksapaguesit amerikanë”, shkroi ai në mediat sociale.

Bllokimi i financimit vjen pasi luftimet në vijën e parë duket se kanë arritur në një ngërç praktik.

Kundërofensiva e shumëpritur e Ukrainës në jug duket se është ngadalësuar, ndërkohë që forcat e Kievit po përpiqen të mbajnë një terren që kishin vendosur në bregun lindor të lumit të madh Dnipro.

Që nga fillimi i luftës në shkurt të vitit 2022, Kongresi i SHBA ka miratuar më shumë se 110 miliardë dollarë (87 miliardë £) ndihmë ushtarake dhe ekonomike për Ukrainën.

Kryeshefi ekzekutiv i “Trafikut Urban”, Burim Maraj, ka kërkuar nga qytetarët që të paguajnë biletat me SMS në mënyrë që t’u ikin kontaktit me paratë false.

Për këtë arsye, Maraj ka thënë për Ekonomia Online, se qytetarët duhet ta përdorin metodën e blerjes së biletës përmes SMS-ve. Kjo sipas tij është lehtë e qasshme dhe nuk shkakton telashe te asnjëra palë.

“Është një problematikë me të cilën ballafaqohemi si Trafik Urban për një kohë të gjatë. Nuk është problematikë që është shfaqur tash, është shfaqur që një kohë dhe është një problematikë që na shfaq probleme serioze financiare. U bëjmë thirrje udhëtarëve të cilët momentalisht nuk kanë asnjë opsion tjetër, le ta paguajnë biletën përmes SMS-ve, është një alternativë e re edhe është shumë e lehtë për t’u përdorur. Kështu që po besoj se mundet me lehtësuar punën e udhëtarëve edhe të kondukterëve të Trafikut Urban”, u shpreh Maraj, teksa këtë metodë e konsideron të lehtë të praktikueshme.

“Është patjetër që është e mundur, secili udhëtarë mundet me u pajis me biletë përmes SMS, nuk është ndonjë problem. Ne ju bëjmë thirrje udhëtarëve që ta përdorin këtë mundësi, mirëpo e dimë që ka mundësi që ndonjëherë që nuk i kanë ato mjetet në telefon për ta blerë biletën dhe duhet pasur një mirëkuptim të përbashkët. Kontrolle e TU-së e bën punën e vet, po ashtu kondukteri duhet ta bëjë punën e tij dhe mirëkuptimi i të dy palëve duhet me qenë në të mirën e shërbimit edhe të udhëtarëve”, thotë Maraj.

Ndonëse nuk kanë ndonjë metodë për verifikimin e parave, Maraj thotë se aktualisht po e përdorin magnetin. Maraj thotë se kanë shumë mjete në organet përgjegjëse për verifikim.

“Momentalisht jemi duke parë mundësinë me këto udhëzimet që i ka dhënë në nëntor Banka Qendrore, që përmes disa procedurave të cilët janë të trajnueshme me u përdor. Një prej tyre është magneti, ne e kemi ditë për këtë edhe me procese tjera munden me u verifikuar. Kemi shumë para të cilat janë në organet përgjegjëse, të cilat janë duke u verifikuar nëse janë origjinale sepse ne punojmë me banka dhe bankat komerciale i marrin të hollat dhe prej tyre disa që nuk janë, duhet me u verifikuar te organet kompetente, gjegjësisht Policia e Kosovës, kjo është duke u bërë dhe tash kemi një fond shumë të madh të parave të cilat momentalisht nuk i dimë a janë false ajo”, thotë tutje Maraj.