Author: G.O.

Në Kosovë po vazhdon qarkullimi i monedhave 2 euroshe false.

Një zyrtare e bankës në Graçanicë ka njoftuar policinë se nga klientë të ndryshëm janë deponuar 245 monedha metalike nga 2 euro, të cilat dyshohet se ishin të falsifikuara.

“Monedhat janë konfiskuar dhe rasti është duke u hetuar”, thuhet në raportin 24 orësh të policisë.

Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jasharaj, ka thënë për Ekonomia Online se rezultatet në testin PISA, janë shqetësuese dhe se fajtor për këtë janë vendimet e Qeverisë.

Shkaktar sipas Jasharajt janë vendimet që janë marrë nga Ministria e Arsimit, për të cilat thotë se u dëmtuan nxënësit. Faj tjetër sipas tij është mungesa e digjitalizimit nëpër shkolla. Thotë se ende mësimdhënësit punojnë me shkrumbs e tabela.

Jasharaj ka kërkuar që të gjitha palët që janë të përfshira në arsim duhet të ulen të diskutojnë dhe të gjejnë problemin se çfarë po ndodhë.

“Dita që ministrja para medieve i shpalli rezultatet ishte një lajm shumë i keq dhe unë nuk besoj që dikush në Kosovë është njëri i lumtur, por jemi ndier të pikëlluar të gjithë nga se është hera e tretë që Kosova po del shumë keq në testin PISA, që është njëri prej instrumenteve matëse ndërkombëtare. Nagavci ishte shumë e matur kësaj radhe dhe tha se mund të ketë ndikim koha e pandemisë, që mund të jetë njëri prej faktorëve. Kosova nuk ishte fortë e përgatitur sidomos shkollat dhe kjo me fajin e institucioneve, nuk ishin përgatitur tërësisht me mjete të teknologjisë bashkëkohore për të bërë mësimin në nivel të lartë, por mund të jete ky vetëm një element”, u shpreh Jasharaj.

Gishtin për rezultate të dobëta në testin PISA, Jasharaj e drejton kah institucionet gjegjëse, pasi siç thotë “Shkollat e Kosovës nuk i ngjasojnë shekullit 21”. Ai ka kërkuar digjitalizim të shkollave në vend.

“Ajo që duhet ta thotë Nagavci në qeveri është një element tjetër. Shkollat e Kosovës nuk i ngjasojnë shekullit 21, e kam thënë disa herë por me jepet mundësi vetëm në media, sepse komunikimi MASHT-SBASHK është i bllokuar disi me fajin e Nagavcit. Tani që nga greva unë konsideroj që  qeveria Kurti në vend të fjalëve të mëdha ti zëvendësoj me vepra konkrete, për këtë duhet që zërin ta grisë në qeveri Nagavci që shkollat të zëvendësojnë shkumësin e shpuza, tekste që më zi i bëmë deri në fund të tetorit ti zëvendësoj me mjete bashkëhore të punës. Të digjitalizohen shkollat, të ketë llaptop e projektor në mënyrë që shkollat të jetë ambient shumë më i dashur për fëmijët”, u shpreh Jasharaj për EO.

Kryesindikalisti ka kërkuar më shumë bashkëpunim me Ministrinë e Arsimit pasi thotë se rrezikojmë që rezultate të njëjtë viteve të ardhshme. Ai ka kërkuar nga ministrja Arbërie Nagavci që t’i lë inatet me Sindikatën.

“Konsideroj që Nagavci duhet t’i leje inatet, t’i thërras përfaqësuesit e Akademisë së Shkencave e Artëve sepse konsideroj se janë kokat më të mençura të këtij vendi. Ta thërras SBASHK-un, t’i thotë prindërve t’i dërgojnë përfaqësuesit e vetë që konsiderojnë që janë më të merituarit, ne do ti dërgonim ekspertët që i kemi nga fusha e arsimit. Të jenë aty edhe përfaqësuesit e Fakultetit të Edukimit sepse ai është prodhuesi i kuadrove. Dhe bashkarish të shohim ku e kemi punë me kurrikulen, a është më i qëlluari, si i kemi punët me tekste shkollore që shumë nga njerëzit që e njohin këtë lami i kanë kritikuar vazhdimisht, si i kemi kushtet e punës dhe nëse ndodhë sikur dy herëve të kaluara që për një javë rresht të behët me gisht herë andej e këndej dhe të kërkohet fajtori e të lejohet që të fyhet më shumë figura e mësuesit, dhe prapë PISA e ardhshme do të na gjejë në këtë situatë tepër të keqe”, thotë Jasharaj.

Jasharaj e ka bërë fajtor kryeministrin Albin Kurti për nënçmimin ndaj mësimdhënësve. Thotë se ishte nismëtar i fyerjeve publike ndaj mësimdhënësve.

“Unë jam i bindur pa dashur ti  mbrojë mësimdhënësit ata bëjnë angazhime një pjesë e madhe e tyre, por duhet të shohim edhe disiplinën në shkollë, edhe kushtet e punës. Unë po them shtetet e tjera kanë bërë shumë në këtë aspekt, por fjalët Kurti i ka pasur tmerrësisht të mëdha, do ta bëjmë këtë, do të ndërtojmë qindra çerdhe, do t’i kemi shkollat ashtu e kështu, mirëpo ndodhi e kundërta, ai ishte nismëtar shpesh edhe për fyerjen publike të figurës së mësuesit. Nuk e mbrojti figurën e mësuesit dhe mësuesit në Kosovë nuk po i krijon kushtet për punë të shekullit 21”, thotë Jasharaj.

Ish-drejtori i Policisë së Kosovës (PK), Rashit Qalaj, ka lavdëruara Policinë për profesionalizmin e treguar në identifikimin dhe arrestimin e personave të dyshuar për grabitje e vrasje gjatë muajve të fundit në Kosovë. 

Ai në një intervistë për Ekonomia Online ka thënë se asnjë Polici në botë, sa do që është profesionale, nuk ndodhë që në rast të rënda siç kanë ndodhur në Kosovë t’i zbuloj kryerësit e krimeve në pakë ditë, ashtu siç ka bërë Policia e Kosovës.

Qalaj ka thënë se dy muajt e fundit në vend ka pasur një rritje enorme të rasteve të grabitjeve me armë. Sa i përket vrasjes së Liridona Ademajt, Qalaj tha se është një rast që ka tronditur Kosovën dhe është duke marr epilog pasi i dyshuari për vrasjen e saj është vetë burri i saj, i cili ka planifikuar vrasjen.

“Është e vërtet që këta dy muaj të fundit kemi pasur një rritje enorme të rasteve të grabitjeve me armë. Në këto grabitje me armë ka pasur rasti shkëmbim zjarri në mesë grabitësve në këtë rast dhe Policisë së Kosovës dhe për fat të mirë nuk kemi pasur ndonjë lëndim serioz të Policëve të Kosovës edhe pse dy nga ata janë të plagosur dhe njeri nga ta është lënduar. Rasti parë ka qenë rasti i grabitjes në komunën e Suharekës, ku një policë është plagosur me armë zjarri dhe një tjetër është lënduar. Rasti i dytë kur është lënduar polici i Kosovës është rasti i fundit në arrestimin e këtyre grabitësve që kanë marr pjesë në grabitje në Suharekë. Dhe kemi pasur raste tjera që kanë tronditur Kosovën, siç e dini vrasja e gruas, një vrasje që sigurisht po e merr epilogu, kjo për shkak se nga të dyshimtit që kanë planifikuar dhe kryer vrasjen ka qenë një lloj vrasje me pagesë”.

“Mendoj që sa i përket çështjes së efikasitetit duhet lavdëruar shumë Policinë e Kosovës me qenë që nuk ndodh shpesh në asnjë polici në botë, sa do që të jenë profesional që në dy raste të kalibrit të tillë, siç është rasti i plaçkitjes me armë në Suharekë dhe ky rasti i vrasjes së një gruaje, një nënë të zbulohet brenda disa ditësh. Mendoj që është një punë shumë profesionale dhe policët kanë marr pjesë në këto hetime dhe zbulimin e kryesve meritojnë lëvdatën më të madhe”, tha ai.

Qala, i cili është edhe deputet i Partisë Demokratike të Kosovës (PDK), tha se është i shqetësuar për trajtimin jo të duhur që është duke ju bërë Policisë nga ana e Qeverisë.

“Fillimisht ne si qytetarë në radhë të parë dhe e dyta si pjesëtarë të partive politike, jam i lumtur që Polica e Kosovës ka arritur që në afat rekord ti zbuloj kryerësit e këtyre veprave të tmerrshme. Dhe e dyta jam shumë i shqetësuar që Policia e Kosovës nuk është duke u trajtuar si duhet nga qeveria e vendit. Gjatë këtyre grabitjeve më armë dhe shkëmbimit të zjarreve dhe plagosjes së policëve nuk kemi pasur as edhe një deklarim të asnjë ministri, sidomos ministrit të Punëve të Brendshëm dhe as prej kryeministrit, sidomos për rastin e grabitjes në Suharekë. Prononcimi i vetëm ka qenë pas arrestimit të tyre që ndodhi ditë më parë”, tha ai.

Qala theksoi që Policisë i duhet përkrahje jo vetëm nga Qeveria por edhe nga qytetarët, sipas tij, ndihma që qytetarët mund t’i dhurojnë Policisë është që ata të japin informacion sa herë që ajo ka nevojë për ndihmën e tyre.

“Mendoj që Policia e Kosovës do përkrahje të vazhdueshme, do përkrahje jo vetëm nga partia në pushtet jo vetëm nga Qeveri, por do përkrahje nga populli i Kosovës dhe përkrahja nga populli është që sa herë që Policia e Kosovës kërkon ndihmë tekë qytetarët e Kosovës në identifikimin dhe zbulimin e aktorëve të kryerjes se veprave të ndryshme kriminale nga kriminelët e ndryshëm. Nëse qytetari ka ndonjë informacion ta plasoj, ta informoj Policinë e Kosovës dhe mendoj si qytetar kemi obligim ta bëjmë këtë gjë”.

Ai tha se Policia duhet që të këtë mbështetja nga Qeveria me pajisje të nevojshme e ta kenë një pagë të mirë, pasi sipas tij, Policia nuk duhet që të vijë në atë gjendje që të dalë në protesta për të kërkuar të drejtat e tyre.

“Ndërsa çështja e mbështetjes nga Qeveria e Kosovës është çështje tjetër. Mendoj që polici nuk duhet që të vij në gjendje që të dalë në protestë, me qenë që ata duhet që të mbështeten nga qeveria me pajise, duhet të mbështeten me mjete financiare, me buxhet që të kenë një mirëqenie më të mirë, që të kenë pagë më të mirë. Që të kenë uniforma, pajisje, logjistiken e duhur për t’i kryer punët e tyre”, tha ai.

Lidhja Demokratike e Kosovës sot do të mbajë mbledhjen e Këshillit të Përgjithshëm të LDK-së, nga ku pritet edhe të zgjidhet kryesia e re e partisë.

Siç njoftoi LDK, mediat do të kenë mundësi që të ndjekin fjalën hyrëse të kryetarit të LDK-së, Lumir Abdixhiku, dhe më pas duhet të lirojnë sallën që Këshilli të vazhdojë punimet.

“Mediet do të mund ta ndjekin fjalën hyrëse të kryetarit të Lidhjes Demokratike të Kosovës, Dr. Lumir Abdixhiku më pas do ta lirojnë sallën, në mënyrë që Këshilli të vazhdojë me punimet”, thuhet në njoftim.

Pas këtij takimi, kryetari i LDK-së do të mbajë një konferencë për media.

Anëtarësimi i Kosovës në Këshillin e Evropës (KiE) është i lidhur me progresin që Kosova do ta ketë në dialogun me Serbinë, por që mund të kushtëzohet edhe me formimin e Asociacionit të Komunave me shumicë serbe, kanë vlerësuar analistët.

Pas dy javësh nga kërkesa ‘urgjente’ e Prokurorisë së Specializuar dhe miratimi i përkohshëm i saj nga Trupi Gjykues për t’i ndaluar gjithë komunikimet mes ish krerëve të UÇK-së që po qëndrojnë në Qendrën e Paraburgimit në Sheveningen dhe familjarëve të tyre, gjendja ka ndryshuar.