ATV

Author: G.O.

  • Referi turk që u sulmua fizikisht lirohet nga spitali

    Referi turk që u sulmua fizikisht lirohet nga spitali

    Referi turk, Halil Umut Meler, i cili ishte “viktimë” e dhunës fizike të shkaktuar nga zyrtarët e Ankaragucut, është liruar sot nga spitali.

    Referi fatkeq, i cili fillimisht u grushtua në fytyrë nga presidenti i klubit turk, Faruk Koca, e më pas kur përfundoi i shtrirë u shqelmua në kokë dhe në trup nga zyrtarët tjerë të klubi, ishte shtrirë në spital pasi i ishte ënjtur syri dhe kishte pësuar lëndime trupore.

    Por, “Reuters” njofton se referi turk u lirua sot nga spitali i Ankarasë me sy të errët, por pa probleme të tjera shëndetësore.

    Presidenti i Federatës Turke të Futbollit, Mehmet Buyukeksi njoftoi se nesër do të vendoset për statusin e Ankaragucut, e cila pritet të dënohet rëndë, ndërsa presidenti Koca dha dorëheqje.

    Mehmet Yorubulut, kryemjek në spitalin Acibadem, tha se fraktura e kokës që ai e pësoi do të shërohet me kohë. “Gjakderdhja në syrin e majtë të Meler është ndalur pothuajse plotësisht”, deklaroi mjeku që ishte në përkujdesje të referit.

  • Apeli i lë në paraburgim Naim Murselin dhe të dyshuarit tjerë për vrasjen e Liridona Ademajt

    Apeli i lë në paraburgim Naim Murselin dhe të dyshuarit tjerë për vrasjen e Liridona Ademajt

    Gjykata e Apelit e ka refuzuar si të pabazuar ankesën e avokatit të të dyshuarit, Naim Murseli, Ahmet Ahmeti.

    Apeli ka vërtetuar aktgjykimin e Gjykatës Themelore të Prishtinë, të 3 dhjetorit të këtij vitit, me të cilin Murselit, Granit Plavës dhe Kushtrim Kokallës, iu është caktuar masa e paraburgimit në kohëzgjatje prej 30 ditësh, nën dyshimin për vrasjen e 30-vjeçares, Liridona Ademaj.

    “Me aktvendimin e Gjykatës Themelore në Prishtinë – Departamenti për Krime të Rënda, PPRKR.nr.309/2023 të datës 12.12.2023, të pandehurve N.M, G.P dhe K.K, i ’u ka caktuar masën e paraburgimit në kohëzgjatje prej një (1) muaj, për shkak të dyshimit të bazuar se i pandehuri N.M, ka kryer veprën penale në bashkëkryerje vrasje e rëndë nga neni 173 paragrafi 1, nën paragrafi 1.3 dhe 1.4, lidhur me nenin 31 të KPRK, i pandehurit G.P, për shkak të veprës penale vrasje e rëndë nga neni 173 paragrafi 1, nën paragrafi 1.4 dhe 1.6 të KPRK dhe veprës penale secili veç e veç mbajtja në pronësi, kontroll ose posedim të paautorizuar të armëve nga neni 366 paragrafi 1 i KPRK, si dhe i pandehuri K.K për shkak të veprës penale marrëveshja për të kryer veprën penale vrasja e rëndë nga neni 173 paragrafi 1 nën paragrafi 1.6 lidhur me nenin 35 të KPRK”, thuhet në njoftimin e Apelit.

  • Vrasja e Marigona Osmanit, Krivaça dhe Sejdiu do të dalin edhe njëherë para gjykatës

    Vrasja e Marigona Osmanit, Krivaça dhe Sejdiu do të dalin edhe njëherë para gjykatës

    Me burgim të përjetshëm ishte dënuar Dardan Krivaça, i akuzuar për vrasjen e 18-vjeçares Marigona Osmani, ndërsa Arbër Sejdiu me 15 vjet burgim, për ndihmë në vrasje, vendim ky i shpallur nga Gjykata Themelore në Ferizaj, më 4 gusht të këtij viti.

    Mirëpo, ndaj këtij vendimi, është ankuar pala e të akuzuarve, me ç’rast Krivaça dhe Sejdiu, do të dalin edhe njëherë para gjykate, veçse kësaj radhe në Gjykatën e Apelit, në Prishtinë.

    Sipas njoftimit të siguruar nga ATV-ja, ballafaqimi i Krivaçës dhe Sejdiut me gjykatën, do të jetë me datë 11 janar 2024, me fillim nga ora 10:00.

    “Njoftoheni që me datë 11.01.2024, në ora 10:00 në Gjykatën e Apelit-Pallati I Drejtësisë në Hajvali objekti 11D, është caktuar seanca e kolegjit në çështjen penale kundër të akuzuarit Dardan Krivaça për shkak të veprës penale dhunim nga neni 227 par.4 nënpar.4.1 lidhur me par.1 të Kodit Penal të Republikës së Kosovës dhe veprës penale të bashkëkryerje vrasje e rëndë nga neni 173 par.1 nënpar.1.3 dhe 1.4 të KPRK-së, si dhe kundër të akuzuarit Arbër Sejdiu për shkak të veprës penale ndihmë në kryerjen e dhunimit nga nen 227 ar.4 nënpar.4.1 lidhur me par.1 dhe nenin 33 të KPRK-së dhe e veprës penale të bashkëkryerje vrasje e rëndë nga neni 173 par.1 nënpar.1.3 dhe 1.4 lidhur me nenin 31 të KPRK-së, duke vendosur sipas ankesës së Prokurorisë Themelore në Ferizaj”, thuhet në dokument.

    Ndryshe, vendimi ndaj të akuzuarve Krivaça e Sejdiu, u shpall pothuajse 2 vjet pas vrasjes së Marigona Osmanit.

    Marigona, 18 vjeçe, u vra më 22 gusht të vitit 2021. Krivaça e Sejdiu e kishin lënë atë pa shenja jete te dyert e spitalit të Ferizajt.

    Sipas aktakuzës, Marigona ishte keqtrajtuar për më shumë se 72 orë. Gjykimi për vrasjen e saj filloi më 12 korrik të vitit të shkuar./atvlive.tv/

  • ​Policia shpall në kërkim Korab Gashin, i arratisuri në grabitjen e argjendarisë në Suharekë

    ​Policia shpall në kërkim Korab Gashin, i arratisuri në grabitjen e argjendarisë në Suharekë

    Policia e Kosovës ka shpallur në kërkim Korab (Zeqir) Gashi, i lindur më 1 mars 1982, i cili ndodhet në arrati, për shkak të grabitjes së armatosur dhe plagosjes së zyrtarit policor më datën 22 nëntor 2023 në një argjendari në Suharekë.

    Organet e drejtësisë kanë lëshuar fletarrest për Korab Gashin, i lindur në Prishtinë, me numër personal 1014599319.

    Për identifikimin dhe arrestimin e tij policia kërkon bashkëpunimin e të gjithë atyre që kanë informata të rëndësishme. Të gjitha informatat do të trajtohen në mënyrë konfidencale nga ana e policisë. Numrat kontaktues: 192 ose 080019999 ose përmes e-mail adresës elektronike: [email protected]

    Ndryshe, Korab Gashi arriti të arratiset dy javë më parë nga aksioni i policisë për kapjen e të dyshuarve për grabitjen e armatosur në një argjendari në Suharekë. Gjatë konfrontimit me policinë, mbeti i vrarë vëllai i Korabit, Dukagjin Gashi.

     

  • Presidentja Osmani kërkon nga BE-ja heqjen e masave ndaj Kosovës

    Presidentja Osmani kërkon nga BE-ja heqjen e masave ndaj Kosovës

    Presidentja e vendit, Vjosa Osmani, ka përsëritur thirrjen për largimin e masave ndëshkuese ndaj Kosovës.

    Përmes një shkrimi në llogarinë e saj në platformën X, Osmani ka falënderuar kryesuesit e komiteteve parlamentare të 13 shteteve evropiane që dolën me kërkesë për Përfaqësuesin e Lartë të BE-së për Politikë të Jashtme, Josep Borrell dhe me emisarin e BE-së për dialogun Kosovë – Serbi, Miroslav Lajçak.

    Ata përmes kësaj letre kanë kërkuar që masat ndëshkuese ndaj Kosovës të hiqen.

    Edhe Osmani ka thënë se masat e vendosura nga BE-ja ndaj Kosovës duhet të hiqen, për të cilat tha se janë të padrejta.

    “Faleminderit Alicia Kearns dhe gjithë kryesuesve tjerë nëpër Evropë për përkrahjen tuaj. Paqja dhe siguria lulëzojnë për përgjegjësia dhe drejtësia vihen në qendër të vëmendjes. Masat e padrejta ndaj Kosovës duhet të hiqen!”, ka shkruar Osmani.

  • Kejvina Kthella kishte një histori dashurie me Redjan Rrajën, SPAK kërkon sekuestrimin e makinës së saj

    Kejvina Kthella kishte një histori dashurie me Redjan Rrajën, SPAK kërkon sekuestrimin e makinës së saj

    SPAK ka kërkuar dje nga GJKKO që të konfiskohet një pjesë e pasurisë së Kejvina Kthellës.

    Modelja e rrjeteve sociale është vënë nën shënjestër nga drejtësia për shkak të lidhjes së saj të dashurisë me Redjan Rrajën. Ky i fundit u arrestua pasi dyshohet se kreu atentatin ndaj prokurorit Arjan Ndoji.

    Mësohet se nën pronësinë e Rrajës ka disa apartamenteve, makinave luksoze, ora Rolex dhe shuma parash. Mirëpo SPAK ka shkuar edhe më tej duke kërkuar konfiskimin e pasurive të shpërndara të Redjan Rrajës tek personat e tjerë.

    Modelja Kejvina Kthjella ka në përdorim një makinë tip ‘Audi A8’, që në pronësi figuron të jetë e saj, por që dyshohet se i është dhuruar nga i dashuri i saj.

    “Kërkohet sekuestrim i automjetit me ngjyrë gri të tipit Audi A8, sekuestruar shtetases K. K. por që është në zotërim të tërthortë të shtetasit R. Rraja.”, thuhet në njoftimin e prokurorisë.

    Ndërkohë, lidhur me këtë rast, sot ka folur edhe gazetari shqiptar, Isa Myzyraj në një lidhje të drejtpërdrejtë për emisionin “A LIVE”.

    “Sipas dyshimeve të para, dyshohet se Kejvina Kthjella e ka përfituar këtë mjet luksoz në saje të marrëdhënieve intime që ka pasur me zotin Rraja, por gjithçka pritet të saktësohet nga Prokuroria”, tha ai./atvlive.tv/

    Për më shumë ndiqni videon e mëposhtme:

  • Borrell: Samiti synon të krijojë lidhje të ngushta në mes të BE-së dhe Ballkanit Perëndimor

    Borrell: Samiti synon të krijojë lidhje të ngushta në mes të BE-së dhe Ballkanit Perëndimor

    Shefi i Diplomacisë së Bashkimit Evropian, Josep Borrell, ka folur për samitin e liderëve të Bashkimit Evropian dhe Ballkanit Perëndimor.

    Me anë të një postimi në llogarinë e tij në platformën “X”, Borrell ka thënë se ky samit synon të krijojë lidhje më të ngushta midis BE-së dhe rajonit.

    Sipas tij, zgjerimi është një investim gjeo-strategjik në paqe, siguri dhe prosperitet.

    “Liderët e BE-së dhe Ballkanit Perëndimor do të takohen sot në Samiti. Ky Samit i rëndësishëm synon të krijojë lidhje më të ngushta midis BE-së dhe rajonit – anëtarëve tanë të ardhshëm të BE-së. Zgjerimi është një investim gjeo-strategjik në paqe, siguri dhe prosperitet”, shkroi Borrell.

  • Hill ua bën të qartë serbëve: Fati juaj varet nga vet ju, jo nga Pekini e Brukseli

    Hill ua bën të qartë serbëve: Fati juaj varet nga vet ju, jo nga Pekini e Brukseli

    Ambasadori amerikan në Serbi Christopher Hill tha sot në takimin “Bota në 2024” në Beograd se serbët duhet të kuptojnë se fati i tyre është në duart e tyre, jo në Uashington, Bruksel dhe Pekin.

    Në hapje të konferencës ai theksoi se viti 2024 do të jetë “kompleks” dhe se rezultati i tij do të varet nga shumë faktorë.

    Viti i ardhshëm gjithashtu, theksoi ai, do të jetë “shumë, shumë” i rëndësishëm për të gjithë ata që duan të shohin zgjerimin e mëtejshëm të Bashkimit Evropian dhe Serbisë në një vend tjetër, duke shtuar se vërehet vullneti i mirë në Bruksel.

    “Për Serbinë, viti 2024 është një vit i rëndësishëm. Të gjithë serbët duhet të kuptojnë se fati i tyre nuk është në Uashington, Bruksel, madje as në Pekin, fati i serbëve është te serbët”, tha Hill.

    Duke përmendur Ballkanin e Hapur, ai tha se për të nuk ka rëndësi se si do të quhet modeli i bashkëpunimit rajonal, por se ai ekziston dhe po zhvillohet.

    Ai tha se ka mundësi që dialogu ndërmjet Beogradit dhe Prishtinës të përparojë në muajt e ardhshëm dhe se në këtë kuptim beson se viti i ardhshëm do të jetë i rëndësishëm për Serbinë.

  • ​Hovenier: Asociacioni nuk duhet të ketë kompetenca ekzekutive

    ​Hovenier: Asociacioni nuk duhet të ketë kompetenca ekzekutive

    Ambasadori amerikan në Kosovë, Jeffrey Hovenier ka deklaruar se qëndrimi amerikan nuk ka ndryshuar lidhur me asociacionin.

    “Pozicioni i ShBA-së ka qenë i qartë, Asociacioni duhet të jetë në përputhje me Kushtetutën aktuale të Kosovës dhe në përputhje me vendimin e Gjykatës Kushtetuese”, tha Hovenier duke theksuar se Asociacioni “nuk duhet të jetë nivel i tretë i pushtetit dhe nuk duhet të ketë kompetenca ekzekutive”.

    Hovenier pas një bashkëbisedimi me studentë në Mitrovicë ka thënë pra mediave se nuk duan edhe një Republikë Srpska dhe nuk duan diçka që ka ndikim negativ në funksionim të shtetit të Kosovës.

  • Prokuroria jep detaje për rastin në Shtërpcë ku një person vdiq si pasojë e rrahjes

    Prokuroria jep detaje për rastin në Shtërpcë ku një person vdiq si pasojë e rrahjes

    Prokuroria Themelore e Ferizajt ka dhënë detaje rreth një rasti i cili ka ndodhur të premten e kaluar me datë 8 dhjetor në Shtërpcë.
    Si pasojë një person ka vdekur, nga lëndimet e marra për shkak të rrahjes.
    Organi i akuzës së Ferizajt ka thënë se viktima fillisht ishte trajtuar në Graçanicë e më pas edhe në spitalin klinik në Nish në Serbi.

    Në përgjigje thuhet po ashtu se lidhur me rastin është ndaluar për 48 orë, një person.

    “Sipas informatave të para, ju njoftojmë se rasti në fjalë ka ndodhur në Shtërpcë, më 08.12.2023, ku kanë qenë të përfshirë dy persona-shtetas serb.Viktima në këtë rast pas lëndimeve të marra fillimisht është dërguar për trajtim në Graçanicë e më pas në spitalin klinik në Nish-Serbi dhe i njëjti ka ndërruar jetë më datë 12.12.2023.Ndërsa, i dyshuari në këtë rast, me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Lëndimi i rëndë trupor” me pasojë vdekjen”, thuhet.

    Kurse, sot gjatë ditës, Prokurori i çështjes, ndaj të njëjtit do të parashtrojë kërkesë për caktimin e masës së paraburgimit në Gjykatën kompetente, për shkak të dyshimit të veprës penale të lartëcekur.

    Rasti në fjalë është në procedurë hetimore dhe për momentin nuk mund të japim detaje tjera.