Qendra Kombëtare për Menaxhim Kufitar ka njoftuar se në asnjë prej pikave kufitare nuk ka pritje të gjata.
Sipas përditësimit të fundit, për të hyrë e dalë nga pikat kufitare, janë deri në 10 minuta.
Saktësisht, vetëm në Jarinje duhet të prisni nga 5-10 minuta, derisa në pikat tjera pritjet janë 3-5 minuta.
Përveç përdorimit në kuzhinë për përgatitjen e ëmbëlsirave të ndryshme, nektarina renditet edhe si një frut kurues.
Në mjekësinë popullore përdoren nektarinat, të cilat janë të pasura me shumë vlera ushqyese. Nektarinat përdoren të freskëta ose të thata, si dhe të përpunuara në trajtë kompostoje, reçeli dhe lëngu.
Fruti i freskët ka vlera të mira ushqimore. Ajo përmban rreth 14 për qind sheqerna, acide organike, albumina, pektinë, kripëra minerale, si: kalium, fosfor, kalcium, vitamina të ndryshme si A, vitaminë B1, B2, PP, C etj. Në frutat e thata sasia e sheqerit arrin deri në 60 për qind.
Nektarinat janë të shijshme, aromatike dhe pëlqehen shumë. Ato luajnë një rol të rëndësishëm në pastrimin e gjakut.
Nektarinat janë të çmueshme për ata që vuajnë nga sëmundjet e mëlçisë. Ndërsa farat e nektarinës përdoren kundër dhimbjes së kokës. Për këtë qëllim ato hahen me mjaltë për t’u tretur më lehtë.
Kryetari i Aleancës për Ardhmërinë e Kosovës, Ramush Haradinaj është takuar me përfaqësuesit e kategorive të dala nga lufta, raporton Ekonomia Online.
Ai së bashku me një pjesë të stafit të tij u pritën nga përfaqësuesi i kësaj organizate, Faton Klinaku.
Klinaku në shenjë nderimi për ardhje ua shpërndau disa simbole te UÇK-së, ndërsa Haradinaj i uroi për lirimin e siç tha kolegëve nga Haga.
“Urime edhe për kolegët e që iu erdhën, kjo ditë është e veçantë në krejt botën. Kemi rastet veçanta që sjellin mundin e familjeve së dëshmorëve, familjes Jashari, e plotë sakrificave tjera për liri”, deklaroi Haradinaj.
Kryetari i Sindikatës së Bashkuar të Arsimit Shkencës dhe Kulturës (SBAShK) Rrahman Jasharaj, ka thënë se viti 2023 ka qenë një vit i vështirë për sektorin e arsimit, kësaj vështirësie sipas tij, i ka paraprirë edhe mungesa e dialogut me nivelin qendror.
Jasharaj në një intervistë për Ekonomia Online ka thënë se Qeveria e udhëhequr nga Albin Kurti, ka një qëndrim të gabuar ndaj sindikatave dhe se ekzekutivi është angazhuar që t’i shuaj sindikatat.
Ai tha se pavarësisht që SBAShK-u gjatë gjithë kohës ka insistuar që të ketë takime me ministren e Arsimit, e njëjta asnjëherë nuk iu është përgjigjur kërkesave të tyre.
“Viti 2023 ka qenë tepër i vështirë për ne, ka munguar në tersi dialogu pa fajin tonë. Letra e letra i kemi dërguar zonjës Nagavci dhe nuk i kemi dërguar letra për të pirë kafe më të por për tu ulur sepse ne i kemi njerëzit tanë në shkolla, i kemi kryetar dhe ata na informojnë për çështjet në shkolla. Nagavci nuk ka gjetur as një herë kohë me arsyetimin se ka shumë angazhime dhe unë po them prej shtatorit të viti të kaluar e deri në dhjetor e kemi pasur menzi një takim 15 minutash solemn për hir të zëvendëspresidentit të Sindikatës së Mësuesve të Amerikës dhe e kemi pasur një takim me zv.ministrin, por ai takim ishte pa ndonjë përmbajtje të madhe. Mungesa e takimeve jo vetëm me ne por edhe me prindër ka ndikuar dukshëm në këtë”, tha ai.
Kryetari i SBAShK-ut ka thënë se punëtorët e arsimit, por edhe të sektorëve të tjerë pavarësisht se ishin të zhgënjyer me Ligjin për paga, ata janë zhgënjyer edhe më shumë kur Qeveria ka vendosur që koeficienti për paga të rritet për vitin 2024 nga 105 sa ishte në 110 dhe jo sa ishin kërkesat e sindikatave që koeficienti të ishte së paku 130 euro.
“E keqja tjetër është se punëtorët e arsimit dhe jo vetëm, por edhe në sektorët tjerë kanë pritur më shumë nga Ligji i pagave dhe është krijuar një zhgënjim paraprak. Zhgënjimi u shtua dhe morri forcë e zjarr me vendimin me 105 të kalohet në 110, përkundër kërkesave të BSPKS, por edhe SBAShK-ut që ajo të jetë një vlerë së paku 130, jo për tu bërë të pasur mësuesit por ti përballuar më lehtë sfidat e jetës dhe për tu hetuar një ngritje pak më e mirë e pagave. Por fatkeqësisht me këtë vendimi këmbëngulës, e të ngurosur të qeverisë Kurti, të dy personazheve kryesore Kurti-Murati vlera u tha se do të behët 110, që për sistemin arsimorë do të bëhej një ndryshim irritues, nënçmues pothuajse 28 deri 29 euro dallim paga e janarit me pagën e dhjetorit”, tha ai.
Jasharaj tha se Qeveria e Kosovës është duke mbajtura qëndrim të gabuar ndaj sindikatave të të gjitha sektorëve. Sipas tij, Qeveria edhe është angazhuar që t’i shuaj sindikatat, raporton EO.
“Për mua dhe me një mijë e një qind argumente situatën e kemi të tillë, jo vetëm në arsim por edhe në sektorët e tjerë me fajin e qeverisë Kurti, me qëndrimet shumë të gabuar ndaj sindikatave. Sepse kur ka qëndrim të gabuar ndaj sindikatave do të thotë qëndrimi është ndaj të punësuarve në sektorin publik dhe të gjithë të punësuarit në sektorin publik janë punëtor të shtetit. Madje unë kam bindjen, Kurti dhe qeveria fillimisht kanë bërë gjithë angazhimet për shuarjen e Sindikatave. Ky argument është i argumentuar sepse zotëri Hekuran pa analiza i shleu të gjithë anëtaret e sindikatave, tha ky proces edhe pse është me ligj nuk vlen më kush të dojë për tu bërë anëtar e për ta ja ndalur kuotën që është obligative me ligj le të regjistrohet në e-Kosova duke shpresuar që njerëzit kanë dal paksa të zhgënjyer nga greva duke shpresuar se kanë zhgënjimi edhe me ligjin e pagave dhe nuk do të regjistrohen. Hekuran Murati me gëzim do të priste që të mos arrihej sipas ligji së paku 10 për qind t’i kesh anëtarë në sektor dhe të delte dhe të shpall se sindikata nuk ekzistojnë se nga se ligji thotë se për të ekzistuar një federatë duhet ti ketë të anëtarësuar së paku 10 për qind të punësuarve në atë sektor”, tha ai.
Jasharaj: Qeveria po synoi t’i shuaj sindikatat, 2023-ta vit i vështirë për arsimin
Kryetari i Sindikatës së Bashkuar të Arsimit Shkencës dhe Kulturës (SBAShK) Rrahman Jasharaj, ka thënë se viti 2023 ka qenë një vit i vështirë për sektorin e arsimit, kësaj vështirësie sipas tij, i ka paraprirë edhe mungesa e dialogut me nivelin qendror.
Jasharaj në një intervistë për Ekonomia Online ka thënë se Qeveria e udhëhequr nga Albin Kurti, ka një qëndrim të gabuar ndaj sindikatave dhe se ekzekutivi është angazhuar që t’i shuaj sindikatat.
Ai tha se pavarësisht që SBAShK-u gjatë gjithë kohës ka insistuar që të ketë takime me ministren e Arsimit, e njëjta asnjëherë nuk iu është përgjigjur kërkesave të tyre.
“Viti 2023 ka qenë tepër i vështirë për ne, ka munguar në tersi dialogu pa fajin tonë. Letra e letra i kemi dërguar zonjës Nagavci dhe nuk i kemi dërguar letra për të pirë kafe më të por për tu ulur sepse ne i kemi njerëzit tanë në shkolla, i kemi kryetar dhe ata na informojnë për çështjet në shkolla. Nagavci nuk ka gjetur as një herë kohë me arsyetimin se ka shumë angazhime dhe unë po them prej shtatorit të viti të kaluar e deri në dhjetor e kemi pasur menzi një takim 15 minutash solemn për hir të zëvendëspresidentit të Sindikatës së Mësuesve të Amerikës dhe e kemi pasur një takim me zv.ministrin, por ai takim ishte pa ndonjë përmbajtje të madhe. Mungesa e takimeve jo vetëm me ne por edhe me prindër ka ndikuar dukshëm në këtë”, tha ai.
Kryetari i SBAShK-ut ka thënë se punëtorët e arsimit, por edhe të sektorëve të tjerë pavarësisht se ishin të zhgënjyer me Ligjin për paga, ata janë zhgënjyer edhe më shumë kur Qeveria ka vendosur që koeficienti për paga të rritet për vitin 2024 nga 105 sa ishte në 110 dhe jo sa ishin kërkesat e sindikatave që koeficienti të ishte së paku 130 euro.
“E keqja tjetër është se punëtorët e arsimit dhe jo vetëm, por edhe në sektorët tjerë kanë pritur më shumë nga Ligji i pagave dhe është krijuar një zhgënjim paraprak. Zhgënjimi u shtua dhe morri forcë e zjarr me vendimin me 105 të kalohet në 110, përkundër kërkesave të BSPKS, por edhe SBAShK-ut që ajo të jetë një vlerë së paku 130, jo për tu bërë të pasur mësuesit por ti përballuar më lehtë sfidat e jetës dhe për tu hetuar një ngritje pak më e mirë e pagave. Por fatkeqësisht me këtë vendimi këmbëngulës, e të ngurosur të qeverisë Kurti, të dy personazheve kryesore Kurti-Murati vlera u tha se do të behët 110, që për sistemin arsimorë do të bëhej një ndryshim irritues, nënçmues pothuajse 28 deri 29 euro dallim paga e janarit me pagën e dhjetorit”, tha ai.
Jasharaj tha se Qeveria e Kosovës është duke mbajtura qëndrim të gabuar ndaj sindikatave të të gjitha sektorëve. Sipas tij, Qeveria edhe është angazhuar që t’i shuaj sindikatat, raporton EO.
“Për mua dhe me një mijë e një qind argumente situatën e kemi të tillë, jo vetëm në arsim por edhe në sektorët e tjerë me fajin e qeverisë Kurti, me qëndrimet shumë të gabuar ndaj sindikatave. Sepse kur ka qëndrim të gabuar ndaj sindikatave do të thotë qëndrimi është ndaj të punësuarve në sektorin publik dhe të gjithë të punësuarit në sektorin publik janë punëtor të shtetit. Madje unë kam bindjen, Kurti dhe qeveria fillimisht kanë bërë gjithë angazhimet për shuarjen e Sindikatave. Ky argument është i argumentuar sepse zotëri Hekuran pa analiza i shleu të gjithë anëtaret e sindikatave, tha ky proces edhe pse është me ligj nuk vlen më kush të dojë për tu bërë anëtar e për ta ja ndalur kuotën që është obligative me ligj le të regjistrohet në e-Kosova duke shpresuar që njerëzit kanë dal paksa të zhgënjyer nga greva duke shpresuar se kanë zhgënjimi edhe me ligjin e pagave dhe nuk do të regjistrohen. Hekuran Murati me gëzim do të priste që të mos arrihej sipas ligji së paku 10 për qind t’i kesh anëtarë në sektor dhe të delte dhe të shpall se sindikata nuk ekzistojnë se nga se ligji thotë se për të ekzistuar një federatë duhet ti ketë të anëtarësuar së paku 10 për qind të punësuarve në atë sektor”, tha ai.
Ekipet e shpëtimit në qytetin Rafah, në jug të Gazës, kanë nxjerrë të gjallë një vajzë nga rrënojat pas një sulmi ajror izraelit.
Njerëzit përdorën duart e tyre për të çliruar Mariam Abu Akel nga mbeturinat, përpara se një shpëtimtar të vraponte me të në një spital aty pranë.
Mjekët atje ia fshinë prerjet.
Foshnja ishte strehuar në një shtëpi me familjen e saj kur ndodhi sulmi, i cili vrau nënën dhe motrën e saj, raportoi Reuters. Babai dhe vëllai i saj i vogël mbijetuan.
Sulmi ajror vrau 20 persona dhe plagosi 55, sipas një zëdhënësi të ministrisë së shëndetësisë të drejtuar nga Hamasi.
Videon mund ta shikoni KËTU.
Më shumë se 21,500 njerëz – kryesisht fëmijë dhe gra – janë vrarë gjatë sulmeve hakmarrëse izraelite në Gaza, sipas ministrisë së shëndetësisë të drejtuar nga Hamasi. Mijëra të tjerë besohet se janë ende nën rrënojat e ndërtesave të shkatërruara nga sulmet ajrore dhe artilerie.
Izraeli filloi fushatën e tij ushtarake në Gaza pasi Hamasi sulmoi Izraelin jugor më 7 tetor, duke vrarë rreth 1200 njerëz – shumica civilë – dhe duke marrë rreth 240 pengje.
Një person është plagosur me armë zjarri në rrugën “Yll Morina” në Gjakovë.
Zëdhënësi i policisë rajonale për Gjakovë, Sheremet Elezaj, ka bërë të ditur për KosovaPress se rasti ka ndodhur rreth orës 18:20.
“Kemi pranuar informatë se një person mashkull i moshës madhore ishte qëlluar më armë zjarri në rrugën “Yll Morina” në Gjakovë. Policia menjëherë ka dalë në vendin e ngjarjes, përderisa viktima është dërguar në Spitalin Rajonal në Gjakovë”, ka thënë ai.
Nga informatat e para të pranuara nga personeli mjekësor, personi i plagosur është jashtë rrezikut për jetë.
Aktualisht policia është duke punuar për të sqaruar të gjitha rrethanat që kanë të bëjnë rastin dhe kapjen e të dyshuarit.
Policia e Kosovës dje në magjistralen Mitrovicë-Leposaviq, rreth orës 10:00, ka ndaluar një kamion me targa të Serbisë, i cili nuk kishte vendosur letrat ngjitëse në targa.
Derisa zyrtarët policorë po i shqiptonin gjobën drejtuesit të automjetit, ky i fundit afrohet te vetura e policisë duke ofruar para me qëllim që t’i shmangej gjobës.
Për këtë veprim zyrtarët policorë kanë njoftuar Njësinë Rajonale për Hetimin e Krimeve Ekonomike e Korrupsionit në Mitrovicë-Veri, të cilët kanë iniciuar rastin dhënie e ryshfetit ndaj A.G. (46), shtetas i Serbisë.
Për rastin është njoftuar prokurori, i cili të dyshuarit ia ka caktuar masën e ndalimit policor 48 orë.
Kryetari i Mitrovicës, Bedri Hamza ka bërë të ditur që shumë shpejt, shtatorja e Komandantit Legjendar, Adem Jashari do të vendoset në këtë qytet.
“Shtatorja e Komandantit Legjendar, Adem Jashari, së shpejti në Mitrovicën tone”, ka shkruar Hamza.
Teksa në pamjet e publikuara shihet se shtatorja është pothuajse e përfunduar.
Megjithëse Gjykata e Posaçme shtyu seancën për ish-kryeministrin Sali Berisha një ditë më parë, në mënyrë që avokatët të dorëzojnë kërkesë për përjashtimin e gjyqtares, këta të fundit nuk kanë dorëzuar asnjë kërkesë as sot.
Pas tre seancash ku u dëgjuan të gjithë, SPAK që kërkon arrest shtëpiak dhe avokatët që kërkojnë refuzim të prokurorisë, gjykata nuk mundi të shpallë një vendim ndaj ish-kryeministrit as dje, duke e shtyrë për ditën e nesërme.
Zyra e shtypit njoftoi se vendimi që duhej dhënë të enjten do të shpallet më 30 dhjetor 12:00 që besohet se do të jetë dita kur do të merret një vendim final për kërkesën e SPAK-ut.
Avokatët kërkuan sërish dje përjashtimin e Irena Gjokës nga çështja që duhej dorëzuar me shkresa dhe jo verbalisht.
Parlamenti e dha një javë më parë autorizimin. Ndërkohë që mbrojtja pasi dëgjoi SPAK-un duket se po luan me njërën nga kartat, që është koha. Megjithatë ky moment është ndryshe pasi gjykata nuk është e kushtëzuar nga afati pesë ditor ku gjendej në fillim, atëherë kur kërkoi të pyetej Berisha pasi kishte vendosur detyrim paraqitjeje në mungesë.
Sidoqoftë SPAK-u ka thënë fjalën, arrest shtëpiak në adresën e deklaruar, që do të thotë mbikëqyrje policore dhe ndalim për të komunikuar me të tjerë përpos familjes. /tch
Gjatë ditës së sotme, Forcës së Sigurisë së Kosovës i janë shtuar 325 rekrutë të rinj, për të cilën janë betuar në mbrojtje të atdheut.
Me këtë rast, në ceremoninë e certifikimit Presidentja Vjosa Osmani, deklaroi se është do të propozojë një program shtetëror për avancimin e statusit të ushtarëve dhe përmirësimin e gjendjes së tyre sociale.
Ndërsa Kryeministri Albin Kurti, tha se ushtarët e rinj do të nisin detyrën për t’i shërbyer atdheut në mbrojtje dhe ruajtje të paqes.
Më poshtë mund t’i shihni disa fotografi nga ceremonia e betimit:
