Author: G.O.

Bashkëluftëtari i Ramush Haradinaj, Nasim Haradinaj, ka bërë të ditur se në zgjedhjet e 7 qershorit do ta mbështesë Aleanca për Ardhmërinë e Kosovës (AAK), duke e cilësuar këtë subjekt si një zë të fuqishëm opozitar dhe të domosdoshëm për Kuvendin e Kosovës.

Postimi i tij i plotë:

Këto zgjedhje janë ndoshta ndër më të rëndësishmet në historinë tonë të pasluftës. Më 7 qershor, kam vendosur ta mbështes Aleancën për Ardhmërinë e Kosovës, Pse? Sepse Aleanca, si subjekt politik në Kuvendin e Republikës së Kosovës, ka qenë një zë i fuqishëm opozitar.

Ka qëndruar përballë çdo qeverie me argumente të forta, por njëkohësisht ka treguar konstruktivitet kur ka qenë në pyetje interesi i shtetit tonë. Aleanca, e edhe Ramushi me shokë i duhet Parlamentit të Republikës së Kosovës. Prezenca e këtij subjekti politik është garanci për vendin, për lirinë dhe për shtetin tonë.

Si subjet parlamentar janë dëshmuar se dinë të bëjnë dallimin kur duhet të jenë të ashpër dhe të palëkundur ndaj agjendave kundër shtetit, por edhe kur duhet maturi politike dhe përgjegjësi kombëtare.

Kosova ka nevojë për njerëz që e kanë dëshmuar veten në kohët më të vështira dhe që nuk janë lëkundur kurrë përballë sfidave të shtetit.Përherë dhe gjithmonë me gjithë çlirimtarët dhe ndërtuesit e mbrojtësit e shtetit e kombit !.Nasim Haradinaj

Dy trupat e fundit të zhytësve italianë që humbën jetën në aksidentin më vdekjeprurës të zhytjes në Maldive janë gjetur, ka bërë të ditur një zëdhënës i qeverisë të mërkurën, duke përmbyllur operacionin e kërkimit.

Zhytësit ishin pjesë e një grupi prej pesë personash që kishin hyrë në një shpellë të thellë për eksplorim javën e kaluar, pasi iu ishte dhënë leja e nevojshme për të hulumtuar koralet e buta në zonën Devana Kandu.

Autoritetet e Maldiveve po hetojnë shkaqet e mundshme që çuan në vdekjen e tyre, përfshirë edhe nëse grupi është zhytur më thellë se sa ishte planifikuar.

“Një identifikim paraprak ka konfirmuar identitetin e italianëve dhe puna do të vazhdojë për ta konfirmuar atë nëpërmjet ADN-së nëpërmjet Interpolit dhe partnerëve të tjerë”, ka thënë zëdhënësi Mohamed Hussain Shareef për Reuters.

“Ndërkohë, të gjithë trupat do të riatdhesohen në Itali”, ka thënë ai, duke shtuar se autoritetet e Maldiveve do të vazhdojnë hetimet për të “gjetur faktet e asaj që ka ndodhur”.

Grupi drejtohej nga Monica Montefalcone, 51 vjeçe, profesoreshë në Universitetin e Gjenovës dhe ekologe detare, e cila ishte zhytëse e rregullt në ujërat e Maldiveve në Oqeanin Indian, së bashku me vajzën e saj.

Trupi i instruktorit të grupit ishte gjetur të premten, ndërsa mbetjet e dy zhytësve të tjerë janë gjetur të martën, pasi një ekip specialistësh nga Finlanda u angazhua për të ndihmuar në përpjekjet e kërkimit.

Një zhytës i Forcave Kombëtare të Mbrojtjes së Maldiveve që merrte pjesë në kërkim ka vdekur gjithashtu nga sëmundja e dekompresionit, ndërsa ekipet po përpiqeshin të gjenin trupat të shtunën.

Një ish-zëvendësministër polak i qeverisë, i kërkuar me akuza për keqpërdorim të fondeve publike, mund të jetë larguar nga Hungaria nëpërmjet Serbisë, tha kryeministri hungarez Peter Magyar në një intervistë me transmetuesin privat TVN24 të transmetuar vonë të martën.

Magyar ndodhet në Poloni për një vizitë dyditore dhe çështja se si ish-ministri polak i Drejtësisë, Zbigniew Ziobro dhe zëvendësi i tij Marcin Romanowski, të cilët kërkohen të dy nga prokurorët në Varshavë, arritën të largoheshin nga Hungaria para se ai të merrte detyrën, mund të ngrihet në bisedime të mërkurën, transmeton Telegrafi.

Ziobro dhe Romanowski, të cilët prokurorët thonë se keqpërdorën para nga një fond i krijuar për të ndihmuar viktimat e krimit dhe për të synuar kundërshtarët politikë me spiunazh, kishin marrë azil në Hungari nga paraardhësi i Viktor Orban.

Ziobro ndodhet në Shtetet e Bashkuara dhe Reuters raportoi të hënën se Zëvendës Sekretari i Shtetit i SHBA-së, Christopher Landau udhëzoi zyrtarë të lartë të Departamentit të Shtetit që të lehtësonin dhe miratonin një vizë për të.

Megjithatë, vendndodhja e Romanowski mbetet e paqartë.

“Nga sa kuptoj, Ziobro… u largua përmes Zonës Shengen rreth një ditë para inaugurimit tim”, tha Magyar për TVN24, duke folur nëpërmjet një përkthyesi, duke iu referuar zonës pa pasaporta të Bashkimit Evropian.

“Sapo fola me kolegët e mi dhe… ka shenja se edhe zoti Romanowski u largua përmes Serbisë, por ky informacion nuk është konfirmuar ende”, shtoi ai.

Magyar do të takohet me kryeministrin polak Donald Tusk dhe presidentin Karol Nawrocki në Varshavë të mërkurën.

Magyar dhe Tusk do të udhëtojnë më pas në qytetin portual verior të Gdanskut, ku do të takohen me ish-presidentin dhe laureatin e Çmimit Nobel për Paqen, Lech Walesa.

Varshava planifikon t’i ofrojë Budapestit qasje në LNG-në amerikane nëpërmjet një terminali të ri në Gdansk, i cili do të fillojë operacionet në vitin 2028, tha një burim me njohuri për çështjen.

Orlen tashmë ka shitur LNG amerikane në Ukrainë. Megjithatë, Magyar i tha TVN24 se Hungaria donte të shihte çmime më të ulëta për gazin që vjen si LNG.

“Nuk është ende një çmim i shkëlqyer dhe konkurrues. Do të ishim më të lumtur nëse do të kishte një tarifë më të ulët tranziti, ose nëse Bashkimi Evropian mund të bindej ta bënte gazin që vjen nëpërmjet LNG-së më konkurrues”, tha ai. /Telegrafi/

Dogana e Kosovës ka zbuluar një rast të deklarimit të pasaktë të mallrave gjatë një kontrolli doganor në Zyrën Doganore në Prizren.

Sipas komunikatës zyrtare, gjatë ekzaminimit të një dërgese të importuar, zyrtarët doganorë kanë konstatuar mospërputhje mes deklarimit dhe gjendjes reale të mallit.

“Gjatë ekzaminimit të një dërgese të importuar, zyrtarët doganorë kanë konstatuar mospërputhje ndërmjet deklarimit doganor dhe gjendjes faktike të mallit. Malli ishte deklaruar si qirinj, ndërsa pas kontrollit fizik është vërtetuar se bëhej fjalë për fishekzjarre,” thuhet në njoftim.

Po ashtu, Dogana ka bërë të ditur se për këtë lloj malli kërkohet edhe licencë e veçantë për import.

“Përveç klasifikimit të gabuar tarifor, është konstatuar se për mallin në fjalë kërkohet edhe licencë për import të mjeteve plasëse, në përputhje me legjislacionin në fuqi,” theksohet në komunikatë.

Sipas vlerësimeve preliminare, dëmi i shkaktuar nga shmangia e obligimeve doganore dhe tatimore kap vlerën mbi 2,500 euro.

“Sipas vlerësimeve preliminare, shmangia e obligimeve doganore dhe tatimore si rezultat i deklarimit të gabuar arrin në mbi 2500 euro,” thuhet më tej.

Ndaj rastit është iniciuar procedurë për kundërvajtje doganore.

“Lidhur me rastin është iniciuar procedurë për kundërvajtje doganore sipas dispozitave të Kodit Doganor dhe të Akcizave,” përfundon njoftimi.

Dogana e Kosovës ka theksuar se mbetet e përkushtuar në luftimin e deklarimeve të pasakta dhe mbrojtjen e sigurisë publike./Telegrafi/

Garda Revolucionare e Iranit ka kërcënuar se do ta “zgjasë luftën përtej rajonit” nëse SHBA sulmon sërish Iranin.

Forca ushtarake iraniane tha se po i përgjigjej kërcënimeve nga “armiku amerikano-izraelit”, pas paralajmërimeve të Donald Trump dhe JD Vance se mund të rifillojnë sulmet ushtarake nëse nuk arrihet një marrëveshje paqeje me qeverinë iraniane, raporton skynews, transmeton Sinjali.

“Ne ende nuk i kemi përdorur të gjitha kapacitetet e Revolucionit Islamik kundër tyre,” thuhet në deklaratën e forcës ushtarake.

“Por tani, nëse agresioni ndaj Iranit përsëritet, lufta e premtuar rajonale këtë herë do të shtrihet përtej rajonit, dhe goditjet tona shkatërruese në vende që nuk i prisni do t’ju çojnë në shkatërrim të plotë.”

Lituania të mërkurën ka lëshuar një paralajmërim për “rrezik ajror”, duke u kërkuar qytetarëve të strehohen dhe duke pezulluar trafikun në aeroportin e kryeqytetit, për shkak të frikës nga dronë që mund të kenë shkelur hapësirën ajrore të vendit.

“Menjëherë strehohuni në një vend të sigurt, kujdesuni për të afërmit tuaj, prisni rekomandime të reja”, ka thënë ushtria e Lituanisë në një mesazh dërguar banorëve të kryeqytetit.

Nuk ishte menjëherë e qartë se sa gjerësisht u shpërnda deklarata.

Një paralajmërim është lëshuar gjithashtu edhe në ndërtesën e parlamentit në Vilnius.

“Për shkak të rrezikut të sulmit ajror, u kërkojmë të gjithë personave në ndërtesë të shkojnë në strehën më të afërt”, thuhej në një njoftim të transmetuar përmes interfonit në parlament.

Qendra kombëtare e menaxhimit të krizave në Lituani ka bërë të ditur më herët se ka lëshuar alarm pas raportimeve për një dron në Bjellorusinë fqinje, i cili është parë duke fluturuar drejt Lituanisë, duke shtuar se origjina e tij nuk është konfirmuar.

Ndërkohë, një avion luftarak i NATO-s të martën ka rrëzuar një dron të dyshuar ukrainas mbi Estoninë, sipas autoriteteve të vendit baltik, në një seri incidentesh që po ndodhin në rajon mes sulmeve të shpeshta ukrainase ndaj Rusisë fqinje.

Policia e Kosovës ka arrestuar katër të dyshuar meshkuj shtetas të huaj në Prishtinë.

Përmes, raportit 24 orësh Policia bën të ditur se gjatë kontrollit në banesën e tyre janë gjetur dhe konfiskuar: një armë me 23 fishekë, tetë telefona, dy pasaporta të shteteve te huaja si dhe substancë e dyshuar narkotike marihuanë 2.1 gram.

Me vendim të prokurorit të dyshuarit janë dërguar në mbajtje.

Njoftimi i plotë:

Prishtinë 18.05.2026. Me datë 19.05.2026 janë arrestuar katër të dyshuar meshkuj shtetas te huaj si dhe është kryer kontrollë në banesën e tyre ku janë gjetur dhe konfiskuar: një armë me 23 fishekë, tetë telefona, dy pasaporta të shteteve te huaja si dhe substancë e dyshuar narkotike marihuanë 2.1 gram. Me vendim të prokurorit të dyshuarit janë dërguar në mbajtje.

Një rast i rëndë i dhunës në familje raportohet të ketë ndodhur mbrëmjen e së martës në Rahovec.

Një grua ka deklaruar në polici se ishte kanosur nga djali i saj.

Sipas saj, i dyshuari kishte tentuar edhe të vetëvritet, shkruan në raportin 24 orësh.

I njëjti u dërgua për trajtim mjekësor dhe më pas u dërgua në mbajtje.

Për ngjarjen në fjalë nuk u dhanë detaje tjera, teksa bëhet e ditur se tashmë kanë nisur hetimet.

Dy persona të mitur janë arrestuar nga Policia e Kosovës në Podujevë, pasi dyshohen për vjedhje në një vend punishte.

Sipas raportit policor, rasti ka ndodhur dje rreth orës 22:30, ku është raportuar se disa persona kishin marrë mjete pune nga një punishte dhe më pas ishin larguar nga vendi i ngjarjes.

Policia ka identifikuar dhe arrestuar dy të dyshuar meshkuj të mitur lidhur me rastin.

Me vendim të prokurorit, të dyshuarit pas intervistimit janë dërguar në mbajtje.

“Podujevë 19.05.2026-22:30. Raportohet se në një vend punishte dyshohet se disa persona kishin marr disa mjete pune dhe ishin larguar. Lidhur me rastin janë arrestuar dy të dyshuar të mitur m/k. Me vendim të prokurorit të dyshuarit pas intervistimit dërgohen në mbajtje”.