ATV

Author: E.R.

  • Power: Asociacioni do t’i ndihmonte normalizimit të raporteve, Kosova dhe Serbia të intensifikojnë përpjekjet

    Power: Asociacioni do t’i ndihmonte normalizimit të raporteve, Kosova dhe Serbia të intensifikojnë përpjekjet

    Administratorja e Agjencisë Amerikane për Zhvillim Ndërkombëtar (USAID), Samantha Power, ka thënë se Kosova dhe Serbia duhet të intesifikojnë përpjekjet e tyre që ta shpejtojnë rrugën për normalizimin e marrëdhënieve.

    Gjatë një konference për media, pas takimit me presidenten Vjosa Osmani, Power deklaroi se themelimi i Asociacionit të komunave me shumicë serbe, do t’i ndihmonte normalizimit të raporteve dhe zhvillimit ekonomik.

    “Në takimet me kryeministrin dhe znj.Osmani, unë e kam theksuar mbështetjen e fuqishme të Shteteve të Bashkuara për normalizimin dhe kam inkuruajuar që Kosova dhe Serbia të intensifikojnë përpjekjet që ta shpejtojnë rrugën drejt këtij normalizimi, sepse çdo përparim në këtë drejtim, do të ketë benefite për qytetarët e të dyja vendeve. Me themelimin e Asociacionit të komunave me shumicë serbe, kjo do t’i ndihmojë poashtu normalizimit të raporteve dhe me këtë edhe zhvillimit ekonomik dhe biznesit”, deklaroi zyrtarja amerikane.

    Ajo tha se Uashingtoni do të vazhdojë të mbështesë Kosovën në këtë proces, teksa agjencia që ajo udhëheq, USAID, po ashtu do të vazhdojë të investojë në Kosovë.

    Poëer ka qëndruar në Kosovë për dy ditë dhe është takuar edhe me kryeministrin e Kosovës, Albin Kurti, me të cilin po ashtu ka biseduar për dialogun me Serbinë. Ajo tha se po e lë Kosovën me optimizëm të madh për të ardhmen e saj.

    “Unë po e lë Kosovën me një optimizëm të madh për të ardhmen e saj. Ky vend i ri, njëri ndër vendet më të reja në botë, ka hedhur hapa gjigand gjatë kësaj kohe, gjatë këtyre 24 viteve”, deklaroi Power.

  • Sot heshtje zgjedhore në Shqipëri, nesër votohet për drejtuesit e rinj të bashkive

    Sot heshtje zgjedhore në Shqipëri, nesër votohet për drejtuesit e rinj të bashkive

    Kjo e shtunë shënon heshtje zgjedhore për të gjitha subjektet politike pas një muaji fushatë për zgjedhjet vendore në 61 bashkitë e Shqipërisë.

    Në total në këto zgjedhje janë 3,650,550 shtetas shqiptarë me të drejtë vote, sipas listës përfundimtare të zgjedhësve, të gjeneruar nga Drejtoria e Përgjithshme e Gjendjes Civile në Ministrinë e Brendshme.

    122.545 zgjedhës votojnë për herë të parë në zgjedhjet e 14 majit, ndërsa 1.111 shtetas nuk janë përfshirë në lista për shkak të dekriminalizimit.

    Në zgjedhjet vendore të 14 majit garojnë në total 23 907 kandidatë për kryetarë bashkie dhe këshilla bashkiakë.

    Konkretisht në garë për kryetarë bashkie janë regjistruar 144 kandidatë, ndërsa 23 763 kandidatë të tjerë garojnë për këshillat bashkiakë, shkruan Atsh. Ndërkohë, pranë çdo Njësie të Qeverisjes Vendore apo KZAZ-je janë shpallur listat zgjedhore, ku qytetarët mund të verifikojnë emrin në listë dhe Qendrën e Votimit.

    Për verifikimin e emrit në listën e zgjedhësve qytetarët mund të kontrollojnë online në faqet zyrtare të Ministrisë së Brendshme apo KQZ-së, si dhe në platformën e-Albania.

    Në tri bashki, Kamëz, Vorë dhe Elbasan do të votohet në mënyrë elektronike dhe rezultati pritet të dalë pak minuta pas përmbylljes së procesit zgjedhor.

    Gjithashtu, në të gjitha qendrat e votimit do të bëhet identifikimi elektronik i votuesve.

  • Sulmohet seksualisht disa herë një grua në Obiliq, arrestohet i dyshuari

    Sulmohet seksualisht disa herë një grua në Obiliq, arrestohet i dyshuari

    Një grua në Obiliq ka raportuar në polici se qe disa herë është duke u sulmuar seksualisht nga një burrë.

    Në raportin 24-orësh të policisë bëhet e ditur se i dyshuari është arrestuar.

    “Rruga “Lidhja e Prizrenit”, Obiliq NN. Viktima kosovare ka njoftuar policinë se është sulmuar seksualisht disa herë nga i dyshuari kosovar. I dyshuari është arrestuar dhe me vendim të prokurorit është dërguar në mbajtje”.

  • Osmani: USAID-i tregon përkushtimin e palëkundur të ShBA-së për Kosovën

    Osmani: USAID-i tregon përkushtimin e palëkundur të ShBA-së për Kosovën

    Presidentja e vendit, Vjosa Osmani, ka falënderuar administratoren e Agjencisë Amerikane për Zhvillim Ndërkombëtar (USAID), Samantha Power, për mbështetje ndaj Kosovës.

    Osmani, në një konferencë për media pas takimit me Power, deklaroi se kontributi i USAID-it është shembull i përkushtimit të Amerikës për Kosovën.

    “Kontributi i USAID-it është një nga shembujt më të fortë të përkushtimit të palëkundur të SHBA-ve për ta ndihmuar Kosovën drejtë suksese, për më shumë se dy dekada na kanë qëndruar pranë duke mbështetur gratë, rininë, bizneset si dhe kanë ndihmuar përpjekjet tona për ta forcuar demokracinë dhe sundimin e ligjit” u shpreh Osmani.

  • Aksioni policor në magjistralen Prishtinë – Pejë, sekuestrohen mbi 12 kg drogë dhe arrestohen gjashtë persona

    Aksioni policor në magjistralen Prishtinë – Pejë, sekuestrohen mbi 12 kg drogë dhe arrestohen gjashtë persona

    Policia e Kosovës ka njoftuar se gjatë ditës së premte ka realizuar një operacion në tetë lokacione në magjistralen Prishtinë – Pejë, ku ka sekuestruar mbi 12 kilogramë drogë.

    Gjatë operacionit, Policia ka arrestuar gjashtë persona dhe me urdhër të prokurorit ka dërguar në mbajtje.

    “Raportohet se më 12.05.2023 në bazë të urdhëresës së lëshuar nga gjykata dhe pas një hetimi disa mujor nga DHTN është bërë kontroll në 8 lokacione të ndryshme dhe gjatë operacionit janë gjetur dhe sekuestruar në cilësinë e provave materiale 12 kg. 650 gramë substancë e dyshuar narkotike e llojit marihuanë, tre vetura, 3 467 € para të gatshme, 12400 lekë, 7 telefona. Lidhur me rastin gjashtë persona janë arrestuar, me urdhër të prokurorit të dyshuarit janë dërguar në mbajtje”, thuhet në raportin 24 orësh.

  • Shtatë vjet nga anëtarësimi i Kosovës në FIFA

    Shtatë vjet nga anëtarësimi i Kosovës në FIFA

    Para 7 vitesh, Kosova është bërë anëtarja e 210-të e FIFA-s. Federata e Futbollit e Kosovës ka marrë 141 vota për anëtarësim, nga 164 votat valide në Kongresin e 66-të të FIFA-s, që është mbajtur në Mexico City.

    Pas thyerjes së izolimit 25-vjeçar, më datën 3 maj 2016 me anëtarësim në UEFA, misioni i Federatës së Futbollit të Kosovës është kompletuar më 13 maj 2016, kur Kosova është pranuar me shumicë votash si anëtare e FIFA-s. Një rrugëtim plotë mund e sakrifica që gjithsesi ka hapur një faqe të re të historisë së futbollit të Kosovës.

    Në Kongresin e FIFA-s, para votimit për anëtarësimin e FFK-së, të pranishmëve u është drejtuar anëtari i Këshillit të FIFA-s, Senesh Erzik, i cili ka theksuar se Kosova i kishte përmbushur të gjitha kriteret për të qenë pjesë e FIFA-s.

    Më pas, një fjalim e ka mbajtur edhe kryetari i atëhershëm i FFK-së, i ndjeri Fadil Vokrri, i cili u ka sqaruar delegatëve se futbolli në Kosovë ka një historik të madh dhe iu ka kujtuar se tashmë Kosova ishte pranuar nga Komiteti Olimpik Ndërkombëtar dhe nga shumë federata tjera sportive ndërkombëtare.

    Në fund të fjalimit të tij, Vokrri është shprehur se futbolli është për të gjithë dhe të gjithë duhet të jenë për futbollin, duke kërkuar që Kosova të marrë votat e të pranishmëve për anëtarësim në FIFA.

    Pas Vokrrit, delegatëve i është drejtua nënkryetari i Federatës së Futbollit të Serbisë, i cili ka kundërshtuar anëtarësimin e Kosovës. Por, pas përfundimit të fjalimit të tij, presidenti i FIFA-s, Gianni Ifantino ka theksuar se Kongresi është trupi suprem që vendos për çështjen e Kosovës dhe ka kërkuar që të kalohej në votimin elektronik, ku Kosova ka marrë 141 vota.

    Në fjalimin e tij para Kongresit pas pranimit, Vokrri ka falënderuar presidentin e FIFA-s, zëvendëpresidentët dhe të gjithë anëtarët e Këshillit të FIFA-s.

    “Kjo është një datë shumë e rëndësishme për ne, pasi sot jemi pjesë e FIFA-s. Të gjithë në Kosovë i gëzohen këtij vendimi të Kongresit të FIFA-s. E kemi pritur një kohë të gjatë këtë vendim dhe jemi shumë të lumtur. Ju premtoj se ne do t’i mbrojmë vlerat e futbollit”, ka deklaruar Vokrri, i cili në mënyrë simbolike ka marrë emblemën e FIFA-s si dhuratë nga presidenti Infantino.

  • Osmani takohet me administratoren e USAID, Samantha Power

    Osmani takohet me administratoren e USAID, Samantha Power

    Presidentja e Kosovës, Vjosa Osmani, ka pritur në takim administratoren e Agjencisë Amerikane për Zhvillim Ndërkombëtar (USAID), Samantha Power, raporton Ekonomia Online.

    Pas takimit, Osmani dhe Power pritet që të deklarohen për medie.

    Power dje është takuar edhe me kryeministrin Albin Kurti, ku kanë shpallur ankandin e parë për parkun me energji solare me kapacitet prej 100MW.

    Ajo po ashtu dje ka deklaruara se krijimi i Asociacionit të komunave me shumicë serbe është hap thelbësor për të siguruar vazhdimin e procesit të normalizimit të marrëdhënieve ndërmjet Kosovës dhe Serbisë, dhe se marrëveshja e dakorduar duhet të implementohet në tërësi.

  • Ndalohet qarkullimi në sheshin “Xhorxh Bush” gjatë kësaj fundjave, ndryshon rrjedha e qarkullimit të linjave

    Ndalohet qarkullimi në sheshin “Xhorxh Bush” gjatë kësaj fundjave, ndryshon rrjedha e qarkullimit të linjave

    Trafiku Urban ka njoftuar se sot dhe nesër do të ndalohet qarkullimi i transportit publik dhe automjeteve Taxi në sheshin “Xhorxh Bush” me qëllimin e mbajtjes së aktivitetit shënimi i fillimit të verës “Erdhi Lezeti”.

    Përmes një njoftimi drejtuar mediave, Trafiku Urban ka bërë me dije se rrjedha e qarkullimit të autobusëve në linjat 1, 1A, 3, 4, dhe 7C do të ndryshojnë nga sheshi “Xhorxh Bush” në drejtim të Bulevardit “Bill Kllinton” dhe rrugës “Robert Doll”.

    “Duke u bazuar në vendimin e datës 12.05.2023 të Komunës së Prishtinës se nga data 13 Maj 2023 deri më 14 Maj 2023, do të ndalohet qarkullimi i transportit publik dhe automjeteve Taxi në sheshin “Xhorxh Bush” me qëllimin e mbajtjes së aktivitetit shënimi i fillimit të verës “Erdhi Lezeti”. Rrjedha e qarkullimit të autobusëve në linjat 1, 1A, 3, 4, dhe 7C do të ndryshojnë nga sheshi “Xhorxh Bush” në drejtim të Bulevardit “Bill Kllinton” dhe rrugës “Robert Doll”, thuhet në njoftim.

  • Moti sot i vranët dhe me intervale me diell

    Moti sot i vranët dhe me intervale me diell

    Instituti Hidrometeorologjik i Kosovës, ka bërë të ditur se sot, mbi vendin tonë do të mbajë mot i vranët dhe me intervale me diell.

    Sipas IHK-së, vranesirat gjatë ditës, kryesisht gjatë pjesës së dytë parashihen të shoqërohen me reshje shiu. Temperaturat mbeten të njejta me të ditës së premte.

    Edhe dita e diele parashihet të jetë kryesisht e ngjashme, me diell dhe vranësira të cilat parashihen të sjellin reshje shiu.

    Në fushat termike nuk parashihen ndryshime, por do të jenë konstante m e ditët e fundit.

    Mot kryesisht i ngjashëm parashihet të mbajë deri javën e fundit të këtij muaji.

    Gjatë vikendit do të fryjë erë nga drejtimi i juglindjes me shpejtësi 1-7m/s.

  • Fiton sërish, Laura Fazliu mposht edhe kroaten Iva Oberan

    Fiton sërish, Laura Fazliu mposht edhe kroaten Iva Oberan

    Xhudistja kosovare, Laura Fazliu ka fituar edhe garën e radhës në Botëror.

    Laura Fazliu ka arritur fitore në rrethin e dytë ndaj kroates, Iva Oberan.

    Tashmë xhudistja kosovare që garon në kategorinë -63kg ka kaluar në rrethin e tretë të Botërorit. Në këtë raund ajo do të përballet me brazilianen, Quadros.