ATV

Author: D.K.

  • Si ta largoni atë? Ushqimet që shkaktojnë ERËN e KEQE të gojës!

    Si ta largoni atë? Ushqimet që shkaktojnë ERËN e KEQE të gojës!

    Disa nga ushqimet më të shëndetshme mund të shkaktojnë erë të keqe të gojës. Kjo nuk do të thotë që duhet t’i shmangni, por është mirë të jeni të vetëdijshëm për këtë, në mënyrë që të merrni masat e duhura.

    Ushqimet që shkaktojnë erë të keqe të gojës

    1. Mishi
    Bakteret në gojë ushqehen me proteinat që gjenden në mish. Gjatë tretjes së mishit, çlirohen përbërje si amoniaku, të cilat shkaktojnë erë të pakëndshme.

    2. Peshku
    Peshku dhe variantet e tij të konservuara janë të pasura me proteina dhe përbërjen trimetilaminë, e cila mund të qëndrojë në gojë dhe të shkaktojë aromë të keqe.

    3. Bulmeti
    Qumështi dhe djathi përmbajnë aminoacide që ushqejnë bakteret në gojë, duke krijuar erë të pakëndshme.

    4. Kafeja
    Acidi në kafe favorizon rritjen e baktereve të këqija në gojë. Gjithashtu, kafeja dhe pijet e tjera me kafeinë shkaktojnë tharje të gojës, duke krijuar një ambient ideal për bakteret dhe kërpudhat që shkaktojnë erë.

    5. Agrumet
    Acidi i lartë dhe sheqeri i agrumeve krijojnë terren për shumimin e baktereve të këqija në gojë.

    Si ta shmangni erën e keqe të gojës

    Pastrimi i dhëmbëve: Përdorni furçë dhe pastë dhëmbësh për të hequr mbeturinat e ushqimit.

    Shpëlarja e gojës: Përdorni solucion larës ose ujë për pastrim të përkohshëm.

    Çamçakëzi pa sheqer: Stimulohet prodhimi i pështymës, që pastron grimcat e ushqimit.

    Ushqime krokante: Karota ose mollë mund të rrisin prodhimin e pështymës dhe të ndihmojnë në pastrimin e gojës.

    Duke ndjekur këto hapa, mund të shijoni ushqimet tuaja të preferuara pa u shqetësuar për erën e keqe të gojës.

  • Google sjell veçori të reja për përdoruesit e Google Fi

    Google sjell veçori të reja për përdoruesit e Google Fi

    Google ka njoftuar përmirësime dhe veçori të reja për Google Fi Wireless.

    Një nga ndryshimet kryesore është përditësimi i thirrjeve dhe mesazheve në web, me një ndërfaqe të re që mbështet plotësisht mesazhet RCS. Kjo mundëson që përdoruesit të dërgojnë foto dhe video me cilësi të lartë në biseda, edhe kur telefoni i tyre nuk është pranë. Funksioni pritet të jetë i disponueshëm në fillim të dhjetorit, pa kosto shtesë.

    Nga mesi i nëntorit, Google Fi do të përdorë inteligjencën artificiale për të filtruar automatikisht zhurmat e padëshiruara dhe për të përmirësuar qartësinë e zërave në të dyja anët e thirrjes, madje edhe kur një pjesëmarrës përdor një telefon fikse ose të vjetër. Filtrimi aplikohet automatikisht, por mund të çaktivizohet plotësisht.

    Gjithashtu, Google Fi po zgjeron veçorinë Wi-Fi Auto Connect Plus, e cila lidh automatikisht telefonin me rrjete Wi-Fi të sigurta dhe me cilësi të lartë.

  • Kanella e mirë për humorin dhe kujtesën

    Kanella e mirë për humorin dhe kujtesën

    Shumë shpesh ndjejmë se harrojmë gjëra ose nuk i përmbushim detyrimet ashtu siç do të dëshironim. Përveç ushtrimeve të rregullta dhe ujit të bollshëm, të cilat ndihmojnë në përmirësimin e kujtesës, hulumtimet tregojnë se edhe disa erëza anti-inflamatore mund të kenë një efekt të dobishëm mbi trurin dhe humorin tonë.

    Sipas Joanna Wen, konsulente shëndetësore, një nga këto përbërës është kanella, e njohur për vetitë e saj anti-inflamatore dhe përfitimet e shumta për organizmin.

    Përveçse është e shijshme, kanella mund të ndihmojë në forcimin e metabolizmit, por më e rëndësishmja: ajo stimulon trurin, përmirëson kujtesën dhe ndikon pozitivisht në humorin tonë. Një mënyrë e lehtë për ta përfshirë në rutinën tuaj është të shtoni kanellën në pijet tuaja të përditshme, duke e kombinuar me mjaltë, për të përfituar shijen dhe të gjitha efektet e saj të dobishme.

  • Bëri bujë me historinë e dashurisë me Gjestin, Egli Tako në një romancë të re? Kush është djali misterioz që është shfaqur pranë këngëtares

    Bëri bujë me historinë e dashurisë me Gjestin, Egli Tako në një romancë të re? Kush është djali misterioz që është shfaqur pranë këngëtares

    Vëmendja ndaj Egli Takos ka qenë gjithmonë e madhe, veçanërisht për jetën e saj private, e cila ka qenë shpesh kryefjala e mediave për shkak të raportit që ajo kishte me Gjestin. Sidoqoftë, pak kohë më parë, këngëtarja pranoi publikisht se marrëdhënia mes tyre kishte përfunduar.

    Së fundmi, në rrjetet sociale kanë nisur thashetheme për një mashkull të ri që shoqëron Egli në disa raste. Në disa postime, ajo shfaqet pranë një personi enigmatik, por ende nuk dihet nëse bëhet fjalë për një lidhje të re, apo për një mik apo të afërm të saj. Egli ka zgjedhur të mos zbulojë asnjë detaj nga jeta private, duke preferuar të përqendrohet tek karriera e saj në muzikë dhe televizion.

    Vetëm pak ditë më parë, ajo ka ndarë në rrjet disa buqeta me lule që ka marrë në ambientet e punës, të cilat ishin surprizë nga fansat. Megjithatë, disa ndjekës kanë spekuluar se ndonjë prej tyre mund të ketë qenë nga një partner i mundshëm. Për shkak të natyrës hermetike të Eglit, veçanërisht për jetën private muajt e fundit, është e vështirë që ajo të zbulojë diçka.

    Në një intervistë për emisionin “The Dalina Show”, Egli foli për raportin e saj me Gjestin, duke sqaruar se marrëdhënia e tyre nuk kishte asnjë komponent romantik, por ishte një lidhje shoqërore që e ndihmonte të kalonte kohën më lehtë brenda katër mureve të shtëpisë.

    “Brenda shtëpisë ndjeva afeksion për disa persona dhe këtë e shpreha gjithmonë. Me kalimin e javëve, njerëzit bëhen më egoistë dhe mendojnë vetëm për lojën e tyre, por unë kurrë nuk kam qenë e tillë. Për Gjestin, kam thënë disa herë: ‘të dua shumë si njeri’. Dhe kjo është më e rëndësishme se gjithçka tjetër,” tregoi ajo.

    Aktorja shtoi se ndjenjat dhe lidhjet brenda shtëpisë shpesh dukeshin më intensive se sa ishin në realitet. “Je aty 24 orë në ditë, gjithçka bëhet më intensive, por nuk ka të bëjë me ndjenja të thella romantike. Ishte më shumë lojë, një person i duhur në momentin e duhur. Unë isha personazhi i gabuar në vendin e duhur.”

    Egli pranoi se edhe ajo vetë kishte përjetuar një kohë të tillë ‘deluzive’. “Ndoshta edhe unë e kam përjetuar këtë, por sot e shoh ndryshe. Ai nuk më frymëzonte në kuptimin e madh, thjesht kalonim mirë dhe qeshnim. Dua ta kujtoj si një mik të asaj kohe.”

    Duke folur për të ardhmen, këngëtarja ishte e qartë: “Jam beqare dhe kam vendosur të mbyll këtë kapitull. Më vjen keq nëse zhgënjej disa njerëz që i dua shumë, por nuk dua të jetoj më në deluzion. Dua ta kujtoj këtë eksperiencë si diçka të bukur dhe të mbaj mend vetëm gjërat e mira.”

    Pas kësaj interviste, ende nuk dihet nëse Egli ka një lidhje të re, dhe ndjekësit e saj vazhdojnë të spekulojnë.

  • Gjykata e dënoi për shpifje, reagon aktorja Egla Ceno: Do e apeloj vendimin

    Gjykata e dënoi për shpifje, reagon aktorja Egla Ceno: Do e apeloj vendimin

    Gjykata e Tiranës ka vendosur se Egla Ceno është fajtore për shpifje ndaj Saimir Kodrës. Në një intervistë për emisionin “Goca dhe Gra”, Ceno deklaroi se nuk do të komentojë vendimin deri në zbardhjen e tij zyrtare dhe se ka ndërmend ta apelojë çështjen, duke e ndjekur deri në fund në të gjitha hapat ligjorë.

    Aktorja u shpreh se qëndron pas deklaratës së saj të mëparshme, në të cilën pretendonte se ishte ngacmuar seksualisht në vendin e punës nga Kodra.

    “Nuk marr përsipër të flas për vendimin e gjykatës, ende nuk është zbardhur. Avokati më ka informuar se jam dënuar si fajtore dhe detyrohem të publikoj një përgënjeshtrim në media. Por arsyetimi i vendimit ende nuk është i qartë,” tha Ceno.

    Ajo shtoi se videoja e saj në Instagram, ku shpreh fjalën e fundit në seancë, është përshtypja e saktë e asaj që ka thënë, pa asnjë ndryshim. “Unë nuk do tërhiqem. Me mjete ligjore do ta vazhdoj këtë betejë, dhe do ta bëja këtë edhe dy herë, nëse do të duhej,” theksoi ajo.

    Egla Ceno vuri në dukje rëndësinë e diskutimit publik të çështjes: “Më gëzon që kjo kauzë po diskutohet hapur. Është e rëndësishme që njerëzit të jenë të kujdesshëm në interpretimin e fjalëve të mia, sepse kjo është një çështje që kërkon durim, dhe unë kam gjithë durimin për ta ndjekur deri në fund.”

    Aktorja shpjegoi se rrëfimi i saj ishte personal dhe i lidhur me një kauzë me rëndësi sociale, dhe jo rezultat i emocioneve të momentit. “Do ta ankimoj vendimin dhe do të shkoj deri në fund. Nuk ka pasur mundësi të flisja më herët, por tani kushtet janë të përshtatshme,” tha Ceno.

    Ajo theksoi gjithashtu se nuk ka pasur asnjë kontakt apo marrëdhënie me Kodrën pas deklaratës dhe se çdo gjë që ka për të thënë do të zhvillohet brenda institucioneve përkatëse.

  • Ulja e kolesterolit nuk ka pse të jetë e komplikuar

    Ulja e kolesterolit nuk ka pse të jetë e komplikuar

    Si të ulni kolesterolin në mënyrë natyrale përmes dietës

    Kolesteroli i lartë është një problem shëndetësor që prek gjithnjë e më shumë njerëz dhe lidhet ngushtë me rrezikun për sëmundjet e zemrës dhe sulm në tru. Megjithatë, dieta luan një rol kyç në kontrollin e tij.

    Jo i gjithë kolesteroli është i njëjtë:

    LDL – kolesteroli “i keq”, që grumbullohet në arterie dhe rrit rrezikun kardiovaskular.

    HDL – kolesteroli “i mirë”, që ndihmon në largimin e kolesterolit të tepërt nga enët e gjakut.

    Katër lëndë ushqyese që ndihmojnë në uljen e kolesterolit:

    Fibra e tretshme

    Lidhet me acidet biliare dhe ndihmon në uljen e LDL.

    Burime: tërshëra, elb, fasulet, thjerrëzat, qiqrat, mollët, dardhat, bananet dhe agrumet.

    Marrja e rekomanduar: 10–25 gram në ditë për efekt të dukshëm.

    Yndyrnat e pangopura

    Ndihmojnë në uljen e kolesterolit të keq, ndërsa yndyrnat e ngopura e rrisin atë.

    Burime: avokado, vaj ulliri, arra, fara, gjalpë kikiriku, peshk i yndyrshëm.

    Zëvendësimi i yndyrnave të ngopura me të pangopura redukton ndjeshëm rrezikun e sëmundjeve të zemrës.

    Acidet yndyrore Omega-3

    Ulin trigliceridet dhe rrisin kolesterolin e mirë HDL.

    Burime kryesore: peshqit e yndyrshëm si salmon, skumbri, sardele, harengë (SMASH).

    Konsumohet të paktën dy herë në javë.

    Sterolet bimore (fitosterole)

    Zvogëlojnë përthithjen e kolesterolit nga ushqimi.

    Gjenden në perime, arra, drithëra, ose në produkte të pasuruara si margarina, qumështi dhe kosi.

    Mund të ndihmojnë në uljen e LDL dhe rritjen e HDL.

    Këshilla e ekspertëve:
    Nëse keni kolesterol të lartë, ndryshimet e vogla, por të zgjuara në dietë mund të bëjnë një diferencë të madhe. Shtoni fibra, zëvendësoni yndyrnat e ngopura, konsumoni peshk rregullisht dhe përdorni sterole bimore për një zemër më të shëndetshme.

  • Çka po zihet mes Fifit dhe Tiri Gjocit?

    Çka po zihet mes Fifit dhe Tiri Gjocit?

    Dy emra të njohur të skenës muzikore, Fifi dhe Tiri Gjoci, duket se po përgatisin një bashkëpunim të ri.

    Të paktën kjo vihet re nga një fotografi misterioze që ata ndanë në Instagram, e shoqëruar vetëm me përshkrimin “Shhh”, pa dhënë detaje të tjera mbi projektin e mundshëm.

  • Si u kthye kashta në simbol të luksit modern?

    Si u kthye kashta në simbol të luksit modern?

    Kashta, dikur e lidhur ngushtë me hambarët dhe stallet, po përjeton një rilindje të jashtëzakonshme në botën e dizajnit dhe luksit. Lison de Caunes, mjeshtra pariziene, ka kthyer këtë material bujqësor në një element të artë ekologjik, që sot zbukuron butikët më prestigjioze të markave si Cartier, Guerlain, Hermès dhe Bulgari.

    E lindur në vitin 1948 dhe e mbushur 77 vjeç në 2025, De Caunes është një nga figurat më të respektuara të artizanatit francez dhe mbart titullin Chevaliere de la Legion d’Honneur për kontributin e saj në ringjalljen e marqueterie de paille, mozaikut të punuar me kashtë.

    Kashta ka një histori të gjatë: përdorej në punime artizanale në Lindjen e Largët dhe Evropë, ndërsa në Francë arriti kulmin mes shekujve XVII dhe XIX. Ajo ishte një alternativë më e lirë ndaj drurit të çmuar dhe fijeve të arta për mobilje dhe dekorime. Artistë si Jean-Michel Frank dhe Jean Royère ishin ndër të fundit që përdorën këtë teknikë në Parisin e viteve 1930–1950.

    Mbesa e dizajnerit të njohur André Groult, Lison de Caunes, frymëzimin e mori nga disa mobilje të mbuluara me kashtë që trashëgoi nga gjyshi. Ajo nisi eksperimentimet e para në studion e saj të vogël në Rue Mayet, ndërsa punonte si lidhëse librash me lëkurë shagreen. Me kalimin e kohës, ajo rikrijoi mobilje, tabaka dhe objekte dekorative, duke i dhënë kashtës një stil modern dhe një ndjeshmëri të veçantë për ngjyrat dhe teksturat.

    Kur zanati i saj u bë i njohur, porositë filluan të vërshojnë: Cartier, Hermès, Guerlain dhe marka të tjera prestigjioze kërkonin punimet e saj për panele dekorative, tavolina dhe mure me ndriçim natyral. Sot, veprat e saj zbukurojnë dyqanet e Cartier në Paris, Gjenevë e Chicago, ambientet e Guerlain në Harrods, dhomat e hotelit Bulgari në Paris, madje edhe makinën zyrtare të presidentit Emmanuel Macron.

    Në atelietë e saj punojnë 26 mjeshtra, dhe çdo proces është plotësisht manual. Kashta, e marrë nga fermerë në Francën lindore, lahet, ndahet, ngjyroset në mbi 60 nuanca, sheshohet dhe ngjitet fije pas fijeje në sipërfaqe të ndryshme. Për një metër katror mozaik duhen katër ditë pune, me një kosto rreth 2,000 euro.

    Për De Caunes, bukuria e kashtës qëndron te thjeshtësia dhe qëndrueshmëria: “Është një material i përulur, që gjendet kudo, por ka një shkëlqim natyral të paarritshëm nga çdo lëndë tjetër.” Përveç bukurisë, kashta është rezistente ndaj ujit dhe lehtësisht e riparueshme, duke e bërë atë një material të qëndrueshëm dhe ekologjik, i vlerësuar në botën e luksit.

  • Qumësht apo lëng portokalli, si ta nisni mëngjesin shëndetshëm! Ja çfarë sugjerojnë ekspertët

    Qumësht apo lëng portokalli, si ta nisni mëngjesin shëndetshëm! Ja çfarë sugjerojnë ekspertët

    Nëse preferoni ta nisni ditën me një pije të freskët në vend të ushqimit, ndoshta shpesh ndodheni përballë dilemës: lëng portokalli apo qumësht?
    Të dyja kanë vlerat e tyre ushqyese, por edhe anët që duhen pasur kujdes. Më poshtë gjeni këshillat që rekomandon AgroWeb.org.

    Lëngu i portokallit

    Avantazhet
    Një gotë me lëng portokalli të freskët përmban rreth 110 kalori dhe siguron dozën e plotë ditore të vitaminës C.
    Kjo vitaminë është një antioksidant i fuqishëm që ndihmon në mbrojtjen e lëkurës nga dielli, ndotja dhe plakja e parakohshme.

    Çfarë duhet të keni kujdes
    Nëse e teproni me konsumimin e lëngut të portokallit, aciditeti i lartë mund të dëmtojë enamelin e dhëmbëve.
    Ekspertët theksojnë se konsumimi i përditshëm për disa ditë rresht mund të ulë fortësinë e dhëmbëve deri në 84%.
    Pijet energjike dhe ato të gazuara kanë efekt edhe më të dëmshëm për shkak të përmbajtjes më të lartë të acidit.

    Qumështi

    Avantazhet
    Një gotë qumësht siguron 20% të nevojës ditore për proteina dhe rreth gjysmën e sasisë së kalciumit që i duhet trupit çdo ditë.
    Studimet tregojnë se personat që pinë qumësht në mëngjes kanë më pak oreks në vaktet pasuese, falë efektit ngopës të proteinave dhe ndikimit të kalciumit në rregullimin e hormoneve që kontrollojnë peshën trupore.

    Çfarë duhet të keni kujdes
    Yndyrnat e ngopura që gjenden tek qumështi i plotë mund të rrisin rrezikun për probleme kardiovaskulare dhe mbipeshë.
    Përveç kësaj, qumështi jo-organik shpesh vjen nga kafshë të trajtuara me antibiotikë dhe hormone, çka ul cilësinë ushqyese dhe ndikon negativisht në mjedis.

    Cila është zgjedhja më e mirë?

    Nëse duhet të zgjidhni vetëm një, qumështi organik është alternativa më e shëndetshme për mëngjes.
    Ai është miqësor me dhëmbët, falë përmbajtjes së kalciumit, dhe ofron antioksidantë të ngjashëm me ata të lëngut të portokallit.

    Qumështi organik përmban:

    75% më shumë beta-karoten

    50% më shumë vitaminë E, që ndihmon në parandalimin e tumoreve dhe sëmundjeve të zemrës

    70% më shumë acide yndyrore omega-3, që janë thelbësore për shëndetin e zemrës dhe trurit

    Kjo nuk do të thotë se duhet të hiqni dorë plotësisht nga lëngu i portokallit — thjesht mos e pini në mëngjes me stomak bosh.
    Zgjidhja më e mirë është ta konsumoni portokallin si frut, për të përfituar edhe nga fibrat natyrale që mungojnë në lëng.

    Këshillë: Pas konsumimit të lëngut të portokallit, shpëlani gojën me ujë për të mbrojtur dhëmbët nga aciditeti.

  • A duhet të pini vezë për një organizëm super të fortë?

    A duhet të pini vezë për një organizëm super të fortë?

    Pirja e vezëve të pagatuara është një praktikë që po fiton gjithnjë e më shumë popullaritet falë përfitimeve të shumta ushqyese që ofron. Megjithatë, sfida kryesore qëndron në gjetjen e vezëve organike, të prodhuara nga pula të rritura në kushte natyrale dhe të ushqyera në fusha, pa hormone apo antibiotikë.

    Pse veza e pagatuar është e veçantë

    Gjatë gatimit, vezët humbasin një pjesë të mirë të ushqyesve që ndodhen në përbërjen e tyre natyrale. Ndërsa kur konsumohen të pagatuara, ato ruajnë plotësisht proteinën, yndyrnat e mira, vitaminat dhe mineralet që ndihmojnë trupin të funksionojë në mënyrë optimale.

    Veza është një burim i pasur energjie dhe tretet lehtë falë enzimave natyrale që gjenden në të bardhën e saj. Sipas të dhënave të AgroWeb.org, pirja e vezëve ndihmon në forcimin e sistemit imunitar, gjë thelbësore për mbrojtjen nga shumë sëmundje.

    Vlerat ushqyese

    Vezët organike përmbajnë:

    Proteina të cilësisë së lartë

    Yndyrna të mira për trupin

    Vitamina si A, D, E, niacin, riboflavin dhe biotinë

    Minerale si hekur, zink, kalium, magnez, fosfor, jod, bakër, mangan dhe sulfur

    Të verdhat e vezës janë ndër burimet më të pasura natyrale të vitaminës D, e cila, sipas disa ekspertëve, është po aq e rëndësishme — madje edhe më shumë — se vitamina C.

    Përfitimet kryesore nga pirja e vezëve të pagatuara

    Përmirësojnë funksionet e trurit

    Balancojnë hormonet

    Përshpejtojnë metabolizmin

    Ndihmojnë në djegien e yndyrnave

    Forcojnë muskujt

    Rigjallërojnë organizmin

    Përmirësojnë qarkullimin e gjakut

    Ndihmojnë funksionet e mushkërive

    Forcojnë flokët dhe thonjtë

    Zbusin njollat dhe parregullsitë e lëkurës

    Sa vezë duhet konsumuar?

    Për të përfituar efektet pozitive, mund të filloni me një vezë në ditë për një javë, e më pas ta rrisni sasinë në dy ose tre vezë organike në ditë.
    Shumë njerëz i përziejnë me qumësht për një shije më të butë dhe përthithje më të mirë të lëndëve ushqyese.

    Brenda pak ditësh, sistemi imunitar reagon pozitivisht: ndiheni më energjikë, më të përqendruar dhe më në formë.