ATV

Author: D.K.

  • Loredana i reagon Jozit pasi i tha “Lyp ku të duash, se më të mirë s’gjen”

    Loredana i reagon Jozit pasi i tha “Lyp ku të duash, se më të mirë s’gjen”

    Kur bëhet fjalë për Jozin dhe Loredanën, syrit të ndjekësve ende nuk mund t’i shpëtojë asgjë!

    Kanë mjaftuar dy postime nga dyshja, që rrjetet sociale të ndezen sërish, se çfarë ‘po ndodh’ mes të dyve.

    Gjithçka nisi me një postim të Jozit në “Instagram Story”, ku ai ndau një pjesë nga kënga e tij “Po shprehem” dhe e shoqëroi me një mbishkrim që menjëherë tërhoqi vëmendjen.

    “Lyp ku të duash, se më të mirë s’gjen.”

    Ky mesazh, i interpretuar si një kunjë e drejtpërdrejtë ndaj ish-partneres së tij, vjen dy ditë pasi Loredana deklaroi në ‘Shqipëria Live’ se Jozi ishte partneri i saj i vetëm që ka pasur këtë vit.

    Dhe përgjigjja e Loredanës nuk vonoi!

    Vetëm pak orë nga postimi i tij, Loredana publikoi një foto të re, dhe mbishkrimi në foto u pa si një përgjigje e qartë ndaj Jozit.

    “Lojërat e tua tregojnë madhështinë time. T’fala të dashurës”.

    Ky reagim i saj u interpretua menjëherë si një “thumb” i qartë ndaj Jozit dhe partneres së tij aktuale, për të cilën ai kishte pranuar publikisht muaj më parë se është një vajzë jo fytyrë publike.

    Loredana dhe Jozi u bënë të njohur për publikun gjatë qëndrimit të tyre në Big Brother Albania, mirëpo pas përfundimit të spektaklit, të dy konfirmuan se kishin marrë rrugë të ndara nga njëri-tjetri.

    Megjithatë, fansat kanë vazhduar të ndjekin çdo veprim të tyre në rrjete sociale, shpesh duke i lidhur postimet e tyre si “shenja” të fshehta komunikimi apo thumba reciproke.

    Në fund të gjithë kësaj, fansat kanë nisur të pyesin: A ishte vërtet mesazhi për Jozin, apo ndoshta për Don Xhonin?

    Për kë e ka Loredana, dyshimet vetëm sa janë shtuar! Ndërsa vetë ajo, ka zgjedhur të lërë gjithçka të hapur për interpretim.

  • Hati flet për ‘thonjtë hallall’, tregon edhe reagimin e vajzave kur e kanë parë pa shami

    Hati flet për ‘thonjtë hallall’, tregon edhe reagimin e vajzave kur e kanë parë pa shami

    Hatixhja, influencerja nga Shqipëria, e njohur si Hati ka folur për reagimet e mikeshave të saj, të cilat e kanë parë pa shami.

    Ajo u shpreh se ka marrë shumë komplimente, por sikurse edhe ajo vet, tha se edhe të tjerët mendojnë se duket më bukur me shami.

    “Kur kanë parë fotot e mia pa shami, të gjithë janë habitur, të gjitha vajzat me të cilat unë kam bashkëpunuar apo mikeshat e mia, jo këto që më kanë parë që të vogla, do të thotë që nuk më kanë njohur fare pa shami, më kanë thënë “je yll, je shumë e bukur, ama kjo shamia ty të bën të veçantë, kjo shami të bën kjo që je, ti e ke shaminë tënde, ty të jep nur” dhe unë e marrë për kompliment”.

    “Më kanë komplimentuar edhe kështu, edhe ashtu, por më shumë kështu dhe mua më pëlqen më shumë me shami, prandaj dhe kjo është zgjedhja ime”, tha ajo.

    Në intervistën me Grida Dumën, Hati foli edhe në lidhje me atë se çka nënkuptojnë “thonjtë hallall”.

    “Thonjtë që lejojnë kalimin, depërtimin e ujit. Pra, kur ne marrim abdes, që është një ritual që duhet para se të falesh, që të jesh e pastër, këta e bëjnë të mundur abdesin normalisht”, u shpreh Hati.

  • A ndihmon vërtet magnezi për të fjetur më mirë? Ja çfarë thonë studimet dhe mjekët

    A ndihmon vërtet magnezi për të fjetur më mirë? Ja çfarë thonë studimet dhe mjekët

    Në një kohë kur gjithnjë e më shumë njerëz vuajnë nga pagjumësia, magnezi është bërë një nga suplementet më të kërkuara në farmaci.

    Shumë e pinë para gjumit, me shpresën se do t’i ndihmojë të flenë më shpejt dhe më thellë. Por, a ka vërtet efekt ky mineral në gjumë apo është thjesht një “trend” që po përhapet në rrjete sociale?

    Pse magnezi është i rëndësishëm për trupin?

    Magnezi është një mineral thelbësor për më shumë se 300 procese në trupin tonë nga prodhimi i energjisë deri te funksionimi i muskujve, nervave dhe trurit. Ai ndihmon gjithashtu në rregullimin e hormoneve të stresit dhe në prodhimin e melatoninës, hormonit që kontrollon ciklin tonë të gjumit. Kur nivelet e magnezit bien, ndonjëherë ndjejmë lodhje, tension nervor dhe vështirësi për t’u çlodhur. Kjo është arsyeja pse shumë ekspertë besojnë se një sasi e mjaftueshme e këtij minerali mund të ndihmojë trupin të qetësohet përpara gjumit.

    Çfarë thonë studimet?

    Disa kërkime shkencore kanë treguar se magnezi mund të përmirësojë cilësinë e gjumit, sidomos te personat që kanë mungesë të këtij minerali. Një studim i botuar në Journal of Research in Medical Sciences zbuloi se njerëzit që morën magnez për tetë javë patën gjumë më të thellë dhe më pak zgjime gjatë natës. Megjithatë, mjekët theksojnë se efektet nuk janë të njëjta për të gjithë. Te njerëzit që kanë nivele normale të magnezit, shtesat mund të mos sjellin ndonjë ndryshim të madh. Prandaj, nëse nuk keni mungesë të dokumentuar, mbase nuk do të ndieni ndonjë përmirësim të menjëhershëm.

    Forma më të mira të magnezit për gjumë

    Jo të gjitha suplementet janë të barabarta. Ekspertët sugjerojnë se magnezi glicinat dhe magnezi citrat përthithen më mirë dhe janë më të buta për stomakun. Ndërsa format më të lira, si oksidi i magnezit, mund të kenë efekt më të fortë laksativ dhe të mos ndihmojnë aq shumë për gjumë.

    Si ta marrim natyrshëm nga ushqimi?

    Në vend që të vrapojmë menjëherë pas suplementëve, është mirë të fillojmë nga dieta. Ushqime të pasura me magnez janë arrat, farat, bananet, drithërat integrale, spinaqi dhe çokollata e zezë. Një darkë e lehtë me këto ushqime mund të ndihmojë trupin të qetësohet në mënyrë natyrale.

  • Leo reagon për herë të parë pas deklaratës emocionale të Lelës

    Leo reagon për herë të parë pas deklaratës emocionale të Lelës

        

    Pas deklaratës së gjatë dhe të ndjerë të Lelës mbi ndarjen e saj nga Leo, ka ardhur edhe reagimi i parë i ish-banorit të Big Brother VIP Kosova. Leo ka zgjedhur të përgjigjet në mënyrë të shkurtër dhe të thjeshtë përmes një InstaStory, ku shkruante vetëm një fjalë: “OK”. Ky reagim minimal ka ngjallur menjëherë interpretime të ndryshme nga ndjekësit dhe fansat në rrjetet sociale.

    Ndërkohë, Lela kishte ndarë më herët përjetimet e saj pas ndarjes, duke treguar se është komentuar dhe gjykuar në çdo detaj të historisë së saj. Ajo ka theksuar se ka mësuar të mos ketë më nevojë për justifikime: “Që nga dita kur historia ime u pa në dritë, u gjykua më shumë sesa u kuptua, por unë kam mësuar që s’ke nevojë të shpjegosh asgjë për të mbrojtur të vërtetën tënde.”

    Mesazhi i saj theksonte edhe një qasje të fortë dhe të pavarur: “Nuk jam as viktimë, as histori e dikujt tjetër, jam thjesht unë.” Përveç kësaj, ndjekësit vunë re se Lela ishte e para që e hoqi Leon nga rrjetet sociale, një veprim që u interpretuar si shenjë e hapi të parë drejt ndarjes. Vetëm disa ditë më parë, ajo kishte ndarë një mesazh të koduar: “Të gjithë bëjnë premtime, por jo të gjithë i mbajnë ato.”

    Tashmë, me heshtjen e thyer nga të dyja palët, historia e tyre mbetet e hapur dhe vazhdon të ngjallë interes të madh tek publiku, ndërsa fansat presin zhvillime të mëtejshme mbi marrëdhënien e tyre.

  • ​Çmimi i arit arrin një nivel tjetër rekord

    ​Çmimi i arit arrin një nivel tjetër rekord

    Çmimi i arit u rrit me 1.49 për qind të hënën, duke arritur një nivel historik prej 3,819.8 dollarësh që nga ora 07:00 GMT.

    Çmimi i arit luhati midis 2,536.91 dhe 3,819.8 dollarësh gjatë 12 muajve të fundit; ai u rrit me 41.5% gjatë së njëjtës periudhë.

    Çmimet e arit vazhduan trendin e tyre rritës, të udhëhequra nga rreziku gjeopolitik, shqetësimet mbi ekonominë globale, kërkesa e bankave qendrore për ar dhe cikli i uljes së normës së interesit nga Rezerva Federale, shkruan AA.

    Pas këmbënguljes së Presidentit të SHBA-së Donald Trump, Rezerva Federale uli normën e saj të politikës me 25 pikë bazë javën e kaluar.

    Për takimet e Rezervës Federale në tetor dhe dhjetor, tregjet presin ulje të reja të normës së interesit.

  • Electronic Arts (EA), një nga kompanitë më të mëdha të lojërave në botë, ka pranuar të shitet për 55 miliardë dollarë

    Electronic Arts (EA), një nga kompanitë më të mëdha të lojërave në botë, ka pranuar të shitet për 55 miliardë dollarë

    Electronic Arts (EA), një nga kompanitë më të mëdha të lojërave në botë, ka pranuar të shitet për 55 miliardë dollarë.

    Blerësit janë një konsorcium që përfshin Fondin e Investimeve Publike të Arabisë Saudite, Silver Lake dhe Affinity Partners të Jared Kushner.

    Marrëveshja konsiderohet si blerja më e madhe me hua në histori, ku një pjesë e madhe e shumës financohet me kredi.

    Ky transaksion do ta bëjë EA kompani private, duke hequr aksionet e saj nga bursa.

    Çmimi i blerjes është 25% më i lartë se vlera e tregut, duke e vlerësuar aksionin në 210 dollarë.

    Drejtuesi Andrew Wilson, që do të vazhdojë në post, e cilësoi marrëveshjen si “një njohje e fuqishme e punës sonë”.

    Ekspertët e industrisë paralajmërojnë se borxhi prej 20 miliardë dollarësh mund të kufizojë investimet në lojëra të reja.

    Gjithashtu, ka shqetësime se presioni për fitime mund të çojë në shkurtime të tjera brenda kompanisë.

  • Thethi, perla e Alpeve Shqiptare që tërheq amerikanët!

    Thethi, perla e Alpeve Shqiptare që tërheq amerikanët!

    Perla e bukur e Alpeve Shqiptare, fshati Theth, ka tërhequr vëmendjen e turistëve ndërkombëtarë dhe së fundmi është promovuar nga Travel And Tour World USA, një nga portalet kryesore amerikane për udhëtime dhe turizëm. Në një artikull, Thethi përshkruhet si një destinacion ‘all-season’, që kombinon peizazhe spektakolare alpine, trashëgimi historike dhe mundësi të shumta rekreative.

    Portali amerikan thekson se Thethi, i vendosur 70 kilometra në veriperëndim të Shkodrës, është veçanërisht atraktiv gjatë vjeshtës, kur rrugicat e ngushta dhe vendet panoramike mbushen me vizitorë që dëshirojnë të eksplorojnë kodrat e gjelbëruara, sitet historike dhe atmosferën unike alpine.

    Atraksionet kryesore

    Midis vendeve më të njohura, sipas Travel And Tour World USA, janë Syri i Kaltër, një burim me ujë të kristaltë të rrethuar nga gjelbërimi dhe Ujëvara e Grunasit, ku uji bie nga shkëmbinjtë në një pellg të pastër. Për adhuruesit e aventurës, rruga Theth-Valbonë konsiderohet një nga shtegjet më spektakolare për shëtitje në Alpet Shqiptare, duke ofruar pamje dramatike mbi male dhe livadhe alpine.

    Vizitorët mund të eksplorojnë gjithashtu Kanionin e Grunasit dhe Shpellën e Arapit, që shtojnë një dimension magjik për vizituesit që kërkojnë përvoja natyrore dhe aventurë.

    Trashëgimia kulturore dhe historike

    Artikulli amerikan vë në pah edhe aspektin kulturor: Kisha e Thethit, sheshi përreth saj dhe arkitektura tradicionale e fshatit reflektojnë një ndërthurje të natyrës dhe civilizimit, duke e bërë Thethin një destinacion të veçantë jo vetëm për peizazhet, por edhe për trashëgiminë kulturore.

    Turizmi aventurier dhe i qëndrueshëm

    Thethi ofron mundësi për shëtitje, çiklizëm malor e vëzhgim të shpendëve, si dhe njihet si shembull kryesor i turizmit të qëndrueshëm në Shqipëri. Masat për mbrojtjen e peizazhit natyror kanë ndihmuar që destinacioni të ruajë integritetin ekologjik e vizual, duke tërhequr turistë që kërkojnë përvoja autentike dhe miqësore me natyrën.

    Si të arrini dhe stinët më të mira për vizitë

    Shumica e vizitorëve udhëtojnë nga Shkodra, me autobus, makinë ose transfer të organizuar, duke përshkuar rrugë malore që ofrojnë pamje panoramike të maleve dhe luginave. Sezoni më i favorshëm është nga fundi i prillit deri në fillim të tetorit, ndërsa vjeshta e vonë sjell ngjyrat e artë dhe të kuqe të fshatit dhe peizazheve përreth

  • Filmi i ri i Leonardo DiCaprios thyen rekordin 23-vjeçar

    Filmi i ri i Leonardo DiCaprios thyen rekordin 23-vjeçar

    Kur më herët këtë vit u publikua traileri i parë i trilerit “One Battle After Another”, publiku nuk dinte çfarë të priste. Bëhet fjalë për bashkëpunimin e parë mes regjisorit të njohur Paul Thomas Anderson dhe yllit të Hollywood-it Leonardo DiCaprio, ndërsa studioja Warner Bros mbajti të fshehta detajet e ngjarjes. Projekti i fundit i DiCaprios ishte filmi i lavdëruar Killers of the Flower Moon nën regjinë e Martin Scorsese, ndërsa Anderson u duartrokit për suksesin e filmit Licorice Pizza.

    Edhe pse filmi “One Battle After Another” sapo ka mbërritur në kinema, kritikat e para kanë qenë njëzëri pozitive, duke e cilësuar si një arritje të jashtëzakonshme. “Politikisht i fortë, plot humor të zi dhe të shtëna që të shurdhojnë, ky film nuk i ngjan asgjëje që Paul Thomas Anderson ka realizuar më parë,” shkruan Chris Evangelista nga SlashFilm, duke e shpallur atë filmin më të mirë të vitit. Edhe kritikët e tjerë ndajnë të njëjtin mendim, duke bërë që filmi në këtë moment të mbajë një vlerësim prej 98% në Rotten Tomatoes, të bazuar në 161 recensione.

    Ky rezultat e kthen “One Battle After Another” në filmin më të vlerësuar të karrierës së gjatë dhe të lavdishme të DiCaprios. Me këtë arritje, ai thyen rekordin që për 23 vjet mbahej nga filmi i vitit 2002 me Steven Spielberg, Catch Me If You Can, i cili kishte 96%. Megjithëse vlerësimi përfundimtar mund të ndryshojë, ky rekord pritet të mbetet për një kohë të gjatë. Vlen të përmendet se dokumentari We Are Guardians, ku DiCaprio ishte producent ekzekutiv, ka 100% në Rotten Tomatoes, por pasi ai nuk ka aktruar aty, nuk llogaritet në këtë kategori. Ndër filmat e tjerë të vlerësuar lart të tij janë Killers of the Flower Moon (93%) dhe fituesi i Oscarit The Departed (91%).

    Historia e filmit “One Battle After Another” është e bazuar në romanin Vineland të shkrimtarit Thomas Pynchon, i cili ndjek revolucionarë të zhgënjyer që kanë humbur shpirtin luftarak. “Kur armiku rikthehet pas 16 vitesh mungesë, një grup ish-revolucionarësh ribashkohen për të shpëtuar vajzën e njërit prej tyre,” thuhet në përmbledhjen zyrtare. Përveç DiCaprios, në film marrin pjesë edhe Sean Penn, Benicio del Toro, Regina Hall, Teyana Taylor dhe debutuesja Chase Infiniti.

  • Genta Ismajli tregon si e njohu burrin e saj dhe dashurinë në shikim të parë

    Genta Ismajli tregon si e njohu burrin e saj dhe dashurinë në shikim të parë

    Këngëtarja e mirënjohur nga Kosova, Genta Ismajli ka qenë e ftuar në emisionin “Ftohtë e Nxehtë” të RTV21 ka treguar detajet se si e ka njohur bashkëshortin e saj, Huseyin Usta.

    Për takimin e parë me bashkëshortin, Genta tha se ai ia ka ndryshuar jetën.

    “Momentin kur e kam taku, burrin tem, Ustan mu ka ndryshu jeta mrenda natës.

    Tutje në këtë intervistë, ajo tregoi edhe detaje të cilat i kanë lënë përshtypje tek bashkëshorti i saj gjatë takimit të parë.

  • Filmat horror: Terapia ideale për ankthin

    Filmat horror: Terapia ideale për ankthin

    Filmat horror, me skena të tmerrshme, mund të duken të frikshme, por studimet tregojnë se ata mund të jenë një formë efektive e terapisë gjatë periudhave të ankthit.

    Psikologu Coltan Scrivner nga Universiteti i Arizona-s, autor i librit Morbidly Curious, thotë se tregimet horror kanë ekzistuar për mijëra vjet dhe ndihmojnë njerëzit të kuptojnë rreziqet përreth tyre. “Të kuptuarit e kërcënimeve në një ambient të sigurt është një mënyrë për të mësuar të përballosh frikën”, shpjegon ai.

    Studimet e fundit ndajnë shikuesit e filmave horror në tre grupe: “Adrenaline Junkies” që kërkojnë emocionet e tensionit, “White Knucklers” që gjejnë kënaqësi në kapërcimin e frikës dhe “Dark Copers” që përdorin frikën si mënyrë për të përballuar ankthin dhe stresin e jetës reale.

    Shkencëtarët sugjerojnë se përjetimi i frikës në mënyrë të kontrolluar aktivizon proceset e trurit që na ndihmojnë të përgatitemi për pasiguri dhe situata të paparashikueshme.