Author: ATVLive

Drejtoria Vendore për Kufirin dhe Migracionin Korçë ka finalizuar operacionin policor të koduar “Lugina 2”, për goditjen e veprimtarisë kriminale të dhënies ndihmë për kalim të paligjshëm të kufirit, kundrejt pagesës.

Në kuadër të këtij operacioni është kapur dhe është vënë në pranga një shtetas sirian, i cili organizonte dhe zhvillonte veprimtarinë e dhënies ndihmë për kalimin të kufirit në mënyrë të paligjshme, kundrejt fitimit.

Ky shtetas ndihmonte emigrantë nga Vendet e Treta, që të kalonin ilegalisht kufirin jeshil me Greqinë, me qëllim kalimin në Mal të Zi dhe më pas në vendet e BE-së.

Shtetasi sirian u kap në flagrancë gjatë natës, në fshatin Vidohovë, duke shoqëruar gjashtë shtetas egjiptianë dhe sirianë (katër prej të cilëve ishin të mitur).

Nga hetimet e thelluara të kryera prej disa muajsh rezulton se ky shtetas e ka kryer disa herë këtë veprimtari kriminale, më parë, por emigrantët janë kapur nga shërbimet policore, në tentativë për të kaluar drejt Malit të Zi, shkruan ATSh.

Specialistët e Seksionit për Hetimin e Krimeve të Drejtorisë Vendore për Kufirin dhe Migracionin Korçë, në bashkëpunim me shërbimet e Stacionit të Policisë Kufitare Kapshticë dhe me Prokurorinë e Korçës, bazuar në informacionet e siguruara nga inteligjenca policore, kanë organizuar dhe finalizuar operacionin policor të koduar “Lugina 2”. Si rezultat i këtij operacioni, u arrestua në flagrancë shtetasi sirian: M. H., 18 vjeç, për veprën penale “Ndihma për kalim të paligjshëm të kufijve”.

Nga hetimet dyshohet se ky shtetas, në bashkëpunim me shtetas të tjerë sirianë, ndihmonte emigrantë nga Vendet e Treta, kundrejt pagesës, që të kalonin ilegalisht në Shqipëri, nëpërmjet kufirit tokësor me Greqinë, transmeton KosovaPress.

Vijojnë hetimet për dokumentimin e plotë të kësaj veprimtarie kriminale, si dhe për identifikimin dhe kapjen e shtetasve të tjerë të përfshirë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Një ngjarje tragjike ka ndodhur në San Gregorio di Catania të Italisë, ku një 62-vjeçar, sipërmarrës dhe menaxher i një salle eventesh, qëlloi për vdekje të birin 23-vjeçar gjatë një përleshjeje që shpërtheu në një festë ditëlindjeje, raporton agjencia e lajmeve ANSA.

Sipas raportimeve të autoriteteve italiane, ngjarja ndodhi para mesnatës në një vilë që përdorej për evente private. Festa, ku merrnin pjesë shumë të rinj, u shndërrua në skenë kaosi pas një konflikti që dyshohet të ketë shpërthyer mes disa të pranishmëve dhe organizatorit të festës përcjell KosovaPress.

Burimet hetimore bëjnë të ditur se 62-vjeçari fillimisht tentoi të qetësonte situatën, por më pas nxori armën e zjarrit dhe qëlloi disa herë në ajër për t’i trembur pjesëmarrësit. Në përpjekje për ta ndalur të atin, ndërhyri i biri i tij së bashku me disa miq, por në përleshjen që pasoi, i dyshuari qëlloi sërish, duke goditur për vdekje djalin e tij 23-vjeçar dhe duke plagosur një tjetër 31-vjeçar në këmbë.

Pavarësisht ndërhyrjes së shpejtë të ekipit mjekësor, 23-vjeçari nuk arriti të mbijetojë, ndërsa i plagosuri tjetër u trajtua dhe u lirua nga spitali.

Karabinierët italianë arrestuan menjëherë 62-vjeçarin, ndërsa hetimet e mëtutjeshme janë duke u zhvilluar nga autoritetet përkatëse.

Nënkryetari i Lidhjes Demokratike të Kosovës (LDK), Lutfi Haziri, ka akuzuar Lëvizjen Vetëvendosje që po mban peng Kuvendin e Kosovës si pasojë e mungesës së marrëveshjes për formimin e qeverisë së re.

Ai duke hyrë në sallën plenare të Kuvendit për vazhdimin e seancës konstituive, tha se LVV-ja s’po bën asnjë përpjekje për zhbllokimin e situatës në Kuvend.

“E drejta politike për të propozuar nuk do të thotë e drejtë absolute. Duhet të kërkohet një mundësi e një konsensusi më të gjerë ose duhet të ndodh një marrëveshje politike. Kjo s’po ndodh dhe vazhdojmë. Propozimi nuk është i mjaftueshëm duhet me qenë i zgjedhur. Me faktin se s’po ka përpjekje me zgjedh zonjën që është nominuar tregon qartë se është vendim politik. S’ka marrëveshje për qeveri dhe kuvendi po mbahet peng”

Përkundër dështimit të konstituimit të Kuvendit për herë të shtatë, Haziri tha se presidentja e Kosovës, Vjosa Osmani s’ka asnjë detyrë në situatën aktuale politike dhe se “nuk duhet të përzihet”.

“Ajo nuk garanton konstituimin e legjislativit pasi duhet të votojnë 120 deputetë. Ajo [presidentja] duhet të rrijë në këndin e vet dhe të mos përzihet”, tha ai./KP

Policia e Kosovës ka njoftuar se është gjetur pa shenja jete të hënën një person në Pejë.

Sipas policisë, në vendin e ngjarjes është konstatuar vdekja e viktimës, raporton KP.

“Është gjetur pa shenja jete viktima mashkull kosovar. Në vendin e ngjarjes kanë dalë njësitë relevante policore dhe ekipi mjekësor dhe nga mjeku është konstatuar vdekja e viktimës. Me urdhër të prokurorit trupi i pajetë është dërguar në IML për obduksion”, thuhet në raport.

Deputeti e AAK-së, Bekë Berisha ka dhënë një deklaratë interesante pas dështimit të konstituimit të Kuvendit.

Ai kërkon ndërhyrjen e Trumpit për ta zgjidhur situatën në Kosovë, pasi siç thotë ai “ne nuk jemi të zotë”

“Po shihet që kjo nuk po mbaron edhe nuk do me dalë dikush. Si duket i kanë mësu këta liderët tanë politik veç me i kallxu, me i kap për krahu me i than qeshtu duhet me ba. Jemi të shqetësum për këtë situatë. E kemi propozim si GP, kërkojmë nga Përparim Rama që me zgjedh një shesh kryesor të Prishtinës dhe me ia vnu emrin Presideni Trump që të angazhohen dhe të mos na harrojnë miqtë sepse na kanë harru. Spo merret kush me neve e si duket ne nuk jemi të zot për me zgjidh asnjë situatë politike në Kosovë”, tha Berisha.

Hykmete Bajrami nga Lidhja Demokratike e Kosovës, është deklaruar për media pas dështimit të radhës së konstituimit të Kuvendit, duke kritikuar Lëvizjen Vetëvendosje, e duke thënë se parlamenti është shndërruar në cirk.

Ajo, situatën e krijuar e ka cilësuar si pengmarrje e institucioneve nga VV-ja, dhe duke deklaruar se kjo është duke i kushtuar qytetarëve të vendit.

‘‘Kuvendi me insistimin për kandidaturën e njëanshme është shndërruar tanimë në një cirk. Është era e gjashtë qël Haxhiu morri, kësaj radhe vetëm 54 vota dhe ata insistojnë në këtë kandidaturë . LDK është për një zgjedhje, për të gjetur një zgjedhje kushtetuese. Peng marrja e institucioneve nga VV-ja është duke i kushtuar qytetarëve të Kosovës, ata po përballen me probleme të ndryshme dhe askush to nuk po i adreson. Edhe njëherë po them që na vjen keq, që në bazë të rezultati dhe vullnetit tonë jemi pjesë e kuvendit të Kosovës, mirëpo pa dashje jemi pjesë e këtij teatri që tashmë po besoj që është bërë mjaft për secilin qytetarë të Kosovës’’, ka thënë ajo.

Ministri në detyrë i Financave, Hekuran Murati, tha se ka deputetë nga ana e opozitës që dëshirojnë që të votojnë pro Albulena Haxhiut për kryeparlamentare, por që kjo, sipas tij, nuk po iu lejohet nga partitë e tyre, raporton EO.

“Siç e patë kemi një përsëritje të seancave të kaluara. Kjo vjen si rezulatat për shkak se një pjesë e deputetëve refuzon që të votojë për Albulena Haxhiun. Konsideroj që një situatë e tillë po vjen për shkak të atyre që nuk po votojnë për dhe të njëjtit po ankohen që po ka bllokadë. Ka akuza që po kërkohet që të votohet me zor. Ne kemi dëgjuar se deputetë individualë kanë shprehur dëshirë që të votojnë për, por jam qëndrimet partiake që nuk po i lejojnë”, tha Murati.

Me temën “Së bashku qëndrojmë, së bashku veprojmë”, Fakulteti i Psikologjisë në Kolegjin AAB ka organizuar tryezë diskutimi në kuadër të Muajit të Ndërgjegjësimit për Parandalimin e Ngacmimeve Seksuale.

Rektori Blerim Olluri, përmblodhi angazhimin dhe përkushtimin e Kolegjit AAB për të luftuar ngacmimet seksuale dhe për të promovuar barazinë gjinore. Ai theksoi se, në një kohë kur shoqëria përballet me sfida të thella, arsimi duhet të udhëheqë me shembuj dhe të krijojë mjedise ku dinjiteti njerëzor dhe barazia janë parime të patundur.

Ministrja e Drejtësisë Albulena Haxhiu, vlerësoi rolin proaktiv të Kolegjit AAB dhe nënvizoi domosdoshmërinë e koordinimit ndërinstitucional për trajtimin dhe parandalimin e këtij fenomeni. Ajo theksoi se si ministri kanë ndërmarrë hapa të rëndësishëm në këtë drejtim, duke fuqizuar politikat ligjore, ashpërsuar dënimet në Kodin Penal dhe forcuar mekanizmat mbrojtës për viktimat.

Dekani i Fakultetit të Psikologjisë, Naim Telaku, foli mbi ndikimet afatgjata të ngacmimeve në mirëqenien psikologjike të individëve, duke theksuar nevojën për ndërhyrje të strukturuara në fushën e edukimit dhe politikave institucionale.

Në tryezë kontribuan edhe aktivistja e të drejtave të njeriut, Lendine Balaj, e cila ndau përvojat e saj në mbështetje të të mbijetuarve dhe përfshirjen e të rinjve në fushata vetëdijësuese, si dhe prorektorja Venera Llunji, e cila prezantoi qasjen institucionale të AAB-së për ndërtimin e politikave të brendshme që synojnë mbrojtjen dhe fuqizimin e viktimave potenciale të ngacmimeve.

Ngjarja u moderua nga Arlinda Gashi, koordinatore në Fakultetin e Psikologjisë.

Kryetari i NISMA, Fatmir Limaj pas të seancës konstituive të kuvendit tha se nuk është diçka e jashtzakonshme duke kujtuar kohët më përpara ku konstituimi i kuvendit ka zgjatur edhe më shumë kohë.

“Nuk është duke ndodh diçka e jashtzakonshme… Përpara ka zgjatë me muaj, kur nuk e kemi pasur kufizimin 48 orë për thirrje të kuvendit, seancat nuk janë thirrë me javë të tëra”, tha Limaj për media.

Sipas Limës e rëndësishme është vota e qytetarit.

“E rëndësishmë është që qytetari i Kosovës ka votuar që njerëzit këtu duhet të gjejnë marrëveshje , kjo është e mira, demokracia gjithmonë është marrëveshje, bashkpunim, kompromis për vendin”, tha Limaj.

Tutje Fatmit Limaj shtoi se janë të vetdijshëm që duhet të ndërtohet shumica parlamentare dhe se duhet të jepet një mandat me qeveri të plotë.

Kryetari i PDK-së, Memli Krasniqi ka reaguar ashpër ndaj LVV-së pas dështimit të konstituimit të Kuvendit.

Ai thotë se partia në pushtet po e mban me qëllim Kuvendin e bllokuar.

Krasniqi dha tri mesazhe nga holli i Kuvendit.

“Qysh në fillim u shprehi keqardhje qytetarët e Kosovës me talljen që po bëhet me verdiktin e tyre nga ana e partisë së parë e cila për të tetën herë na mbledh në Kuvend dhe sillet me mentalitet të njëjtë.
Tri mesazhe kam nga holli i Kuvendit. Demokracia funksionon me shumicë, jo me imponim. Insittucionet janë të popullit, të asnjë partie politike të veçantë. Duhet ta kuptojnë të gjithë që koha e sundimit njëpartik ka përfundu”.

“Sa më parë që t’i kupton LVV këto tri çështje, aq më mirë për vendin”, theksoi Krasniqi duke shtuar se “është e tepërt që të sillemi këtu çdo dy ditë dhe të presim që t’i thirrin arsyes dhe të propozojnë një kandidat që e merr shumicën”.

“I takon LVV me propozu por nuk mundet me i kërku votat me zor. Ky mentalitet duhet të merr fund. Vërtetë është e tepërt. LVV me qëllim po e mban të bllokuar Kuvendin e Kosovës”.