Dy gra pushuese nga Kosova kanë rrezikuar mbytjen paraditen e së premtes në plazhin e Shëngjinit.
Rasti është regjistruar në qendër të plazhit, ndërsa pushueset janë arritur të nxirren nga vrojtuesi i plazhit dhe më pas janë dërguar me urgjencë në spitalin rajonal të Lezhës, raporton Opinion.al.
Sipas informacioneve, dy pushueset ndodhen jashtë rrezikut për jetën.
Kryeministri i Kosovës, Albin Kurti, në emër të Lëvizjes Vetëvendosje, të cilën ai drejton, ka dërguar një mesazh mbështetjeje për Partinë Demokratike të Socialistëve në Mal të Zi të cilën e ka themeluar Milo Gjukanoviq, para konferencës së tyre zgjedhore në Podgoricë, me mesazhin se ai gjithmonë do të qëndrojë pranë atyre që besojnë se e ardhmja e përbashkët e rajonit është në Bashkimin Evropian.
Kurti përmes një video-adresimi në “X” ka uruar konferencën zgjedhore dhe iu ka dëshiruar sukses.
“Ne gjithmonë do të qëndrojmë pranë atyre që besojnë se e ardhmja jonë e përbashkët është në BE, drejt së cilës ne ndërtojmë ura së bashku të bazuara në marrëdhënie të mira fqinjësore, mirëqenien e qytetarëve tanë, sigurinë e Aleancës Veri-Atlantike, luftën kundër krimit dhe korrupsionit, si dhe luftën kundër nacionalizmit dhe shovinizmit ekstrem që tenton të na kthejë në fillim të viteve të nëntëdhjeta të shekullit të kaluar,” ka thënë Kurti.
🇲🇪🤝🇽🇰 @albinkurti u ime @LVetevendosje uputio podršku Opštinskoj izbornoj konferenciji #DPSPodgorica: Stojaćemo uvijek uz one koji vjeruju da je naša zajednička budućnost u #EU 🇪🇺#DPSCG #PolitikaCG #CrnaGora 🇲🇪 pic.twitter.com/0IjWHFruSZ
— DPS – Crne Gore (@DPSCrneGore) June 20, 2024
Komisioni Qendror i Zgjedhjeve mori vendim për miratimin e specifikave të kabinave të votimit që do të përdoren për proceset e ardhshme zgjedhore. Gjithashtu, në këtë mbledhje u miratua vendimi për largim të sprejit e që do të përdoren ngjyra matrikuluese, raporton Ekonomia Online
Një kabinë votimi do të jetë nga letër kartoni e fortë dhe do të vendoset mbi tavolinë.
Arianit Elshani, anëtar i KQZ-së ka thënë se këto kabina duhet të ruhen në depot e komunave përkatëse e pastaj të kthehen ne depo të KQZ
“Ne kemi shqyrtuar disa modele dhe disa lloje materialit që përdoret. Ka qenë e domosdoshme që specifikat e kabinës së votimit të përdorën për disa procese zgjedhore, ky material duhet të ruhen në depot e komunave përkatëse e pastaj të kthehen ne depo të KQZ gjë që do të kursente buxhetin e shtetit dhe të KQZ-së. Këto specifikat janë konform që kemi pas si Këshill i operacioneve ligjore”, ka thënë Elshani
Sami Kurteshi anëtar i KQZ-së nga radhët e PDK-së e sheh si të arsyeshme qe duhet me pas një orë praktike me pa sa është e mundshme një kamerë t’i sheh personat se për kë voton.
“Unë mendoj qe njëherë duhet me pas një orë krejt praktike dhe kemi për detyrë të KQZ-së po me i marr krejt ata qe kanë rezerva lidhur me vendosjen e kamerave dhe pozitën e kabinave të votimit dhe me marr kamera të mira edhe me praktikisht edhe ata qe kanë vërejtje se vërejtjen duhet me i marr seriozisht dhe me pa sa është e mundshme një kamerë me pa ku mundet me qenë problemi, a mundet me dit dikush për kë unë po votoj”, tha ai.
Edhe anëtari tjetër i VV-së, Alban Krasniqi, u shpreh se ky format i kabinës është më i përshtatshëm prej dallim prej herëve të tjera
“Kabina në formatin qysh është e përshtatshme për vendosjen ne tavolina në qendra votimit për dallim prej herëve tjera ky dimension është me i gjerë dhe me i gjatë, zë hapësirë në të gjitha dimension me ndervepru edhe më mirë baza saj është tavolina e shkollës”, tha Krasniqi.
Spreji i cili hidhej në gishtin e madh të një qytetari i cili votonte nuk do të përdoren në proceset e ardhshme zgjedhore.
Në vend te sprejit KQZ do te përdore ngjyrën matrikuluese, me të cilën do të bëhet gishti i madh i dorës së djathtë të votuesit.
Ky vendim u mor në mbledhjen e 36-të të KQZ-së për vitin 2024.
Gjithashtu, në këtë mbledhje, KQZ mori vendim për miratimin e specifikave te kabinave të votimit që përdoren për proceset e ardhshme zgjedhore.
Një kabine votimi do te jetë nga letër kartoni e forte dhe do të vendoset mbi tavolinë.
Përfaqësuesi i Lartë i BE-së, Josep Borrell, në Austri ka takuar ministrat e Jashtëm të Ballkanit Perëndimor, përfshirë edhe kryediplomaten kosovare, Donika Gërvalla.
Ai tha se me ta ka diskutuar për një Europë më të bashkuar, ndërsa ka falënderuar ministrin e jashtëm austriak, Alexander Schallenberg, që i mblodhi.
“Gëzohem që takohem me Ministrat e Jashtëm të Ballkanit Perëndimor, grupin “Miqtë e Ballkanit Perëndimor” dhe “Strategjinë e Rajonit të Danubit”. Ne diskutuam se si të ndërtojmë një Europë më të unifikuar së bashku. Faleminderit Schallenberg që na mblodhe këto ditë në Austri”, ka shkruar Borrell.
Siç kishte bërë të ditur dje BE në faqen zyrtare, Përfaqësuesi i Lartë sot do të shkojë në Wachau për Forumin vjetor të Evropës, ku do të marrë Çmimin Evropian Dr. Alois Mock.
Gjithashtu, në njoftim u tha se Borrell do të zhvillojë gjithashtu një sërë takimesh dypalëshe me përfaqësues nga Ballkani Perëndimor.
Ylli i Argjentinës, Lionel Messi u bë lojtari me më shumë paraqitje në historinë e Kupës së Amerikës të enjten, pasi arriti në 35 paraqitje në ndeshjen hapëse të turneut kundër Kanadasë.
Messi kishte ndarë rekordin me portierin kilian Sergio Livingstone që kur u shfaq në finalen e Copa America 2021 në Brazil, ku Argjentina triumfoi.
Paraqitjet e Messit janë shpërndarë në shtatë edicione të Kupës, duke filluar me turneun e vitit 2007 në Venezuelë, përcjellë KosovaPress.
Tetë herë fituesi i Topit të Artë mund të vendosë më shumë rekorde në kompeticionin e këtij viti – atij i nevojiten katër gola për të barazuar bashkatdhetarin Norberto Mendez dhe Zizinho të Brazilit si golashënues të të gjitha kohërave të Kupës së Amerikës me 17 gola.
Nëse Argjentina fiton turneun, Messi do të bëhet gjithashtu kapiteni i parë që fiton turne radhazi.
Në Han të Elezit të enjten është arrestuar një shtetas i Shqipërisë, nën dyshimin se ka kryer vjedhje të rëndë.
Policia në raportin 24 orësh njofton se vjedhja e rëndë është kryer në shtëpinë e ankuesit mashkull kosovar.
“Është arrestuar i dyshuari mashkull shtetas i Shqipërisë nën dyshimin se kishte kryer veprën penale të lartcekur në shtëpinë e ankuesit mashkull kosovar. Me vendim të prokurorit kujdestar i dyshuari është dërguar në mbajtje”, njofton Policia e Kosovës.
Gazpacho është një supë e ftohtë spanjolle me domate të pjekura, të freskëta dhe perime të tjera të stinës që keni në frigorifer
Përgatitni këtë pjatë verore freskuese të fundit – do t’ju kënaqë me shijen e saj aromatike, por mbi të gjitha me faktin që nuk keni nevojë ta ndizni sobën në 40 gradë të paralajmëruar.
Gazpacho është një supë klasike e ftohtë spanjolle, perfekte për ditët e nxehta të verës. Tradicionalisht përgatitet nga domate të freskëta, tranguj, qepë të kuqe dhe hudhër. Suksesi i kësaj recete, është përdorimi i përbërësve të freskët, transmeton Telegrafi.
Përbërësit e nevojshëm:
▪ 6 domate të pjekura, të qëruara dhe të prera
▪ 1 qepë e kuqe, e grirë hollë
▪ 1 kastravec, i qëruar, pa fara, i grirë
▪ piper i kuq ose jeshil, i grirë
▪ 2 shkopinj selino, të grirë
▪ 1 deri në 2 lugë majdanoz të freskët, të grirë
▪ 2 lugë qiqra të freskëta, të grira
▪ 1 thelp hudhër, e grirë
▪ 240 ml lëng domate
▪ 60 ml uthull vere të kuqe
▪ 60 ml vaj ulliri ekstra të virgjër
▪ 1 lugë gjelle lëng limoni të saposhtrydhur
▪ 2 lugë çaji sheqer
▪ kripë dhe piper i sapo bluar për shije
Nëse dëshironi, për një shije pak më të fortë dhe më të plotë: një lugë çaji salcë.
Përgatitja:
Përzieni gazpachon derisa të arrini strukturën e dëshiruar: Vendosni të gjithë përbërësit në një tas të madh. Me ndihmën e një mikseri ose blenderi, përzieni të gjithë përbërësit derisa të arrini dendësinë e dëshiruar.
Rekomandohet të përzihet deri të arrini një teksturë mesatare, në mënyrë që të mbeten disa copëza, në mënyrë që përzierja të mos jetë plotësisht e lëmuar – për këtë, mjafton të ndizni mikserin dy deri në tre herë.
Hidhni erëza dhe ftoheni: Rregulloni sasinë e erëzave sipas shijes. Vendoseni në një enë jo reaktive. (Keni parasysh që domatet janë të tharta). Lëreni në frigorifer për disa orë ose gjatë natës në mënyrë që shijet të përzihen dhe të përshkojnë.
Ju bëftë mirë. /Telegrafi/
Ju mund ta hani këtë ëmbëlsirë shumë të shijshme duke shijuar futbollin
Kremi bavarez është i lehtë për t’u bërë, dhe është një ëmbëlsirë tepër e shijshme!
Teksturë e lëmuar kremoze, që shkrihet në gojë dhe mund të kombinohet me mbushje të shijeve të ndryshme, fruta apo shtesa tjera.
Është perfekte nëse doni të keni një prekje të Kampionatit Evropian në tryezën tuaj. Kënaquni!
Përbërësit:
▪ 5 lugë çaji xhelatinë pluhur
▪ 75 g ujë
▪ 480 ml qumësht
▪ 4 të verdha veze
▪ 100 g sheqer
▪ ¼ lugë çaji kripë
▪ 1 lugë çaji ekstrakt vanilje
▪ 50 g gjalpë
▪ 360 ml krem të ëmbël
Përgatitja:
Hidhni ujë në një enë të vogël. Hidhni xhelatinën pluhur në ujë dhe përzieni. Lëreni mënjanë ndërsa gatuani kremin. Qumështin e vendosni në tenxhere dhe e ngrohni në zjarr mesatar/mesatarisht të lartë derisa qumështi të fillojë të vlojë. Përziejini herë pas here që qumështi të mos marrë shkrumb.
Vendosni të verdhat e vezëve, sheqerin, kripën dhe vaniljen në një tas. Rrihni mirë derisa të verdhat e vezëve të jenë të lëmuara dhe të fillojnë të zbehen. Pasi të jetë ngrohur, hiqeni qumështin nga pllaka e shporetit. Hidhni ngadalë gjysmën e qumështit të ngrohtë në përzierjen e vezëve dhe përzieni vazhdimisht.
Kur të keni bashkuar afërsisht gjysmën e qumështit me përzierjen e vezëve, përzieni gjithçka së bashku edhe një herë që të përzihen mirë të verdhat e vezëve dhe derdhni masën në tenxhere me qumështin e mbetur. Rrihni mirë për t’u kombinuar.
Ulni zjarrin dhe vendoseni përsëri tenxheren në pllakë shporeti për të gatuar kremin duke e përzier vazhdimisht.
Gatuani derisa të trashet. Kur kremi të jetë gati e largojmë nga zjarri, shtojmë gjalpin dhe xhelatinën e fryrë dhe i përziejmë derisa të dyja të treten plotësisht në krem. Hidheni kremin përmes një site në një tas të madh.
Lëreni kremin të ftohet në temperaturën e dhomës. Mos e vendosni në frigorifer në këtë fazë sepse nuk dëshironi që xhelatina në krem të qëndrojë. Përziejeni kremin herë pas here për t’u siguruar që të ftohet në mënyrë të barabartë. Ndërsa kremi ftohet, përgatitni kallëpet.
Kjo recetë është për 7-8 gota krem bavarez. Lyejini lehtë kallëpet me gjalpë. E lemë mënjanë derisa kremi të jetë gati.
Kur kremi të jetë ftohur pothuajse në temperaturën e dhomës, filloni të rrihni kremin e ëmbël. Shtoni rreth një të katërtën e shllakut të ëmbëlsirës në kremin në temperaturë ambienti. E përziejmë, më pas shtojmë pjesën tjetër të kremit të rrahur dhe e përziejmë lehtë derisa të mos ketë më njolla të bardha në masë. Derdhni përzierjen në kallëpet e përgatitura dhe mbulojeni me foli plastike. Vendoseni në frigorifer të ftohet për të paktën 4 orë, mundësisht gjatë natës.
E shërbejmë vetëm ose me salcë dhe fruta sipas dëshirës.
Shijojeni.
/Telegrafi
Pyetja e njohur që i mundon të gjitha femrat, të cilat dëshirojnë të gatuajnë në kuzhinë.
Zgjidhja është shumë e thjeshtë dhe e keni krejtësisht pranë, në kuzhinën tuaj.
Qepa është një ndër artikujt më të lashtë të cilin njerëzit kanë filluar në mënyrë të organizuar ta kultivojnë dhe e cila përdoret në të gjitha gjellët në mënyra të ndryshme.
Ka shije dhe aromë shumë të fuqishme, e cila nëse konsumohet e gjelbër fillon të dominojë mbi të gjitha shijet e tjera dhe aromat në ushqim.
Mirëpo edhe pse e doni, nuk dëshironi që gjithë kohës të silleni përreth me aromën e qepës në duar. Nëse edhe ju e ndieni, imagjinoni se sa e ndiejnë të tjerët, transmeton Telegrafi.
Mos qitni vetëm krem mbi atë aromë, sepse vetëm do t’i përkeqësoni gjërat. Vazhdimisht do të merrni me vete atë aromë, ekzistojnë disa mënyra të cilat mund t’i aplikoni.
Merrni një limon, priteni përgjysmë dhe shtrydheni lëngun direkt në duar. Fërkoni mirë duart, pastaj lani me sapun.
Ndihmë e mirë do t’ju jetë edhe soda e bukës. Fërkimi i duarve me sodën e bukës është këshillë e shkëlqyeshme për eliminimin e kësaj arome.
Gjithmonë kujdesuni që thika të jetë e mprehtë dhe vetë të rrëshqasë nëpër qepë.
Nëse thika është e topitur, qepa për shkak të ndrydhjes, do të lirojë më shumë lëng, andaj edhe duart do të marrin më shumë aromë, kështu që edhe eliminimi i saj do të jetë më i vështirë. /Telegrafi/
Kjo ëmbëlsirë quhet pite njëmilionëdollarëshe për shkak të harmonisë dhe shijes së pabesueshme!
Ëmbëlsira më e bukur kremoze për verë serviret e ftohtë, ndërkaq shija është e magjishme.
Përbërësit:
Për kore:
▪ 300 g biskota,
▪ 70 g gjalpë të shkrirë
▪ 3 lugë sheqer.
Për fill:
▪ 100 g margarinë,
▪ 2 lugë sheqer
▪ 300 g qumësht pluhur,
▪ 250 g ananas nga konserva,
▪ 250 ml krem,
▪ 3 lugë lëng limoni,
▪ një grusht arra.
Përgatitja:
Të gjithë përbërësit për kore përzieni dhe piqni rreth 10 minuta në 150 gradë celsius.
Derisa korja të piqet, në një enë përzieni të gjithë përbërësit për fill, përveç arrave.
Sipër kores qiteni fillin, ndërsa ëmbëlsirën zbukurojeni me arra.
Lëreni të qëndrojë rreth 2 orë dhe pastaj servireni.
Kënaquni dhe ju bëftë mirë!
/Telegrafi