ATV

Author: ATVLive

  • Fundi i korrikut, minatorët ende nuk e kanë marrë pagën e qershorit

    Fundi i korrikut, minatorët ende nuk e kanë marrë pagën e qershorit

    Sindikata e Pavarur e Minatorëve të Trepçës, ka njoftuar se minatorët ende nuk i kanë marrë pagat e muajit qershor, raporton EO.

    Nga kjo sindikatë, kanë bërë të ditur se interesimi i Qeverisë, Ministrisë dhe Bordit është zero, teksa nuk e përjashtojnë mundësinë e migrimit si pasojë e kësaj qasje.

    Njoftimi i plotë:

    Tani që ndodhemi në fundin e muajit Korrik, minatorët ende nuk i kanë marrë as pagen e muajit Qershor!

    Interesimi për fatin e minierës dhe minatorëve nga qeveria, ministria dhe bordi i ndërmarrjes janë në nivelin zero. Vullneti i tyre për prosperitetin e kësaj ndërmarrje dhe premtimi për ditë të mira në ndërmarrjen Trepca SH.A., janë vetem fjalë boshe dhe asgje tjeter.

    Një qasje e till refuzuese ndaj ndërmarrjes Trepca Sh.A dhe minatorëve, duke i lënë të njëjtit buzë humneres dhe duke ia pamundësuar ekzekutimin e pagave gati për dy muaj nën këto kushte të rënda financiare të minatorëve përben shqetësim serioz dhe sfidë që kërkon zgjidhje të mënjehershme.

    Ta dini se një qasje e till ndaj minierës Trepca Sh.A dhe minatorëve të saj nga qeveria dhe ministria e saj paraqet rrezik serioz që të gjithë minatorët të gjejn zgjidhje tjera apo edhe të migrojnë jasht vendit.

    Fatkeqësisht ndoshta ky edhe është qëllimi dhe dëshira e disave!!

    Jeni duke i përbuzur minieren dhe minatorët, një ditë do i kërkoni!

    Reflektoni dhe ekzekutoni pagat.

  • Kjo është koha kur do të garojnë dyshja Nora e Akil Gjakova

    Kjo është koha kur do të garojnë dyshja Nora e Akil Gjakova

    Lojërat Olimpike të Parisit vazhdojnë edhe sot. E në këtë ditë të hënën, do të zbarkojnë dyshja Nora e Akil Gjakova për Kosovën në sportin e xhudos.

    Nora do të garojë në kategorinë -57 kg, teksa Akili në kategorinë deri në -73 kg.

    Garat e xhudos fillojnë sot nga ora 10:00. Nora Gjakova do të jetë e teta në rend për të garuar dhe pritet ta nis garën rreth orës 11:15.

    Nora do të ketë punë me mongolozen, Lkhagvatoogo.

    Ndërkohë, Akil Gjakova do të jetë i gjashti në rend dhe pritet të garojë rreth orës 11:00.

    Ai do të ndeshet me brazilianin, Daniel Cargnin.

  • ARKEP: Kosova ka afër 2 milionë përdorues të telefonisë mobile

    ARKEP: Kosova ka afër 2 milionë përdorues të telefonisë mobile

    Autoriteti Rregullativ i Komunikimeve Elektronike dhe Postare (ARKEP), ka njoftuar se numri total i përdoruesve të telefonisë mobile në fund të tremujorit të parë (TM4-2023) është 1,891,934 përkatësisht për 2.6% më i ultë krahasuar me tremujorin paraprak, ndërsa 7.5% me i lartë se në periudhën e njëjtë të vitit të kaluar TM1-2023).

    ARKEP njofton se penetrimi i shërbimeve të telefonisë mobile në periudhën raportuese ka zbritje nga tremujori paraprak për 2.8 pikë të përqindjes, ndërsa me tremujorin e njëjtë të vitit të kaluar (TM1 2023) ka ngritje për 7.2 pikë të përqindjes. “Penetrimi i shërbimeve të telefonisë mobile tani është në nivelin 104.2% të numrit të popullsisë”, njofton ARKEP.

    Në periudhën TM1 2024 numri i parapaguesve të telefonisë fikse është 69,330, që paraqet një rritje prej 3.5% në krahasim me tremujorin e kaluar.

    “Norma e penetrimit të telefonisë fikse në Kosovë në këtë tremujor është 3.82%. Norma e penetrimit të telefonisë fikse në Kosovë vazhdon të jetë shumë e ulët krahasuar me vendet e rajonit, e sidomos me shtetet e BE-së”, njofton ARKEP.

    ARKEP njofton se struktura e parapaguesve të telefonisë fikse si raport në mes të parapaguesve individualë dhe parapaguesve të biznesit është 25.6% – 74.4% .

    “Numri i linjave të internetit me qasje fikse brez gjerë deri në TM1 2024 i raportuar nga operatorët shënon shifrën 375,695 parapagues të internetit. Nga kjo vërehet një rënie prej 2.6% në krahasim me TM4 2023, respektivisht rritje e papërfillshme prej 0.1% në krahasim me TM1 2023. Ndërsa, penetrimi i internetit përmes qasjes fikse brezgjerë në internet për ekonomi familjare është 126.5%, përkatësisht penetrimi i internetit sipas banorëve (për 100 banorë) rezulton të jetë 20.7%”, njofton ARKEP.

    Numri i përdoruesve të shërbimeve të internetit mobil (Mobile Broadband) apo qasja në internet përmes rrjetit mobil 3G dhe 4G në periudhën TM4 2023 ka arritur në 1,619,390 ngritje prej 1.3% krahasuar me TM4 2023, dhe gjithashtu rritje prej 4.1% krahasuar me TM1 2023.

    “Trendi i numrit të parapaguesve të qasjes në internet përmes rrjetit mobil që nga fillimi i ofrimit të këtyre shërbimeve në treg është karakterizuar me një rritje të vazhdueshme. Në periudhën raportuese (TM1 2024) penetrimi i qasjes mobile është 89%, ndërsa i asaj fikse 21 % për banor”, thuhet në raportin “Pasqyra e tregut të KE _Indikatorët kryesor për TM1 2024”.

    Raporti i rregullt i indikatorëve kryesorë të tregut është përgatitur në bazë të të dhënave zyrtare të dorëzuara nga operatorët e shërbimeve të komunikimeve elektronike të cilët janë të autorizuar nga ARKEP për ofrimin e shërbimeve të komunikimeve elektronike (telefonisë fikse, mobile, internetit dhe linjave me qira).

  • ​Kelmendi: Më shkuan lotët kur humbi Disi, por po i tregojmë botës kush jemi

    ​Kelmendi: Më shkuan lotët kur humbi Disi, por po i tregojmë botës kush jemi

    Trajnerja e xhudos Majlinda Kelmendi ka thënë se humbja e Distria Krasniqi në luftën për medalje të artë e ka befasuar sepse ishte e gindur se do të fitonte, por ka shtuar se medalja e argjendtë është një arritje e madhe për Krasniqi dhe gjithë Kosovën.

    “Realisht në momentin kur humbi Disi në finale, më shkuan lotët sepse ishe një milion përqind e sigurt që do ta mposht. Kemi qenë në disa përgatitje këtë vit dhe Distria jo që e mposhte në stërvitje po thjeshtë e dominojke dhe luante me të si maca me miun kështu që në momentin kur përfundoi lufta e kisha njëfarë shoku të vogël, por prapë se prapë medalja është medalje dhe derisa je në podium, ngjyra e medaljes nuk luan shumë rol se çfarë është”, tha Kelmendi.

    Ajo ka shtuar se me këto medalje dhe paraqitje të mira, Kosova po i tregon botës që ka një rini të shëndosh dhe ka vlera të mëdha si komb dhe si popull

    “Hera e tretë që Kosova po merr pjesë në Lojëra Olimpike dhe për herë të tretë prapë po marrim medalje, kështu që thjeshtë po ia dëshmojmë botës që e kemi një rini të shëndosh dhe që ndoshta shumë, shumë kohë më parë është dashur të na jepet mundësia ta përfaqësojmë shtetin tonë dhe t’i tregojmë vlerat tona si si komb dhe si popull”, shtoi Kelmendi.

    Ndryshe, nga xhudoja, sot do të garojnë Akil dhe Nora Gjakova.

  • Para kthimit në Kosovë, Osmani takon sportistët që po marrin pjesë në Lojërat Olimpike “Paris 2024”

    Para kthimit në Kosovë, Osmani takon sportistët që po marrin pjesë në Lojërat Olimpike “Paris 2024”

    Presidentja e Kosovës, Vjosa Osmani, ka vizituar mbrëmë sportistët dhe trajnerët që po marrin pjesë në Lojërat Olimpike “Paris 2024”.

    Osmani ka thënë se pas kësaj vizite do të kthehet në Kosovë.

    “Para kthimit në Kosovë, vizitova mbrëmë garuesit tanë në fshatin olimpik për t’i uruar suksese të mëtejme ekipit të jashtëzakonshëm të sportistëve dhe trajnerëve tanë. Medalja olimpike e Distrias është prijetare për garuesit tanë të tjerë dhe ogur i mirë për garat në vazhdim”, ka shkruar Osmani.

  • Dyshohet për djegien e një depoje me material shkollor në Fushë-Kosovë, arrestohet një person

    Dyshohet për djegien e një depoje me material shkollor në Fushë-Kosovë, arrestohet një person

    Arrestohet një person i cili dyshohet se nga pakujdesia kishte ndezur një zjarr dhe ka djegur një depo me material shkollor, në Miradi e Epërme, në Fushë Kosovë.

    Sipas raportit 24-orësh të Policisë së Kosovës, thuhet se rasti ka ndodhur gjatë mesditës së djeshme dhe se zjarri kishte dalë nga kontrolli, raporton Ekonomia Online.

    Ndërsa rasti është duke u hetuar.

    “Është shoqëruar në stacionin policor i dyshuari mashkull kosovar, pasi që dyshohet se nga pakujdesia kishte ndezur një zjarr i cili ka dal jashtë kontrollit dhe ka djegur depon me material shkollor. Rasti është duke u hetuar”, thuhet në raport.

  • Aksident i rëndë në Suharekë, vdes këmbësorja

    Aksident i rëndë në Suharekë, vdes këmbësorja

    Në një aksident të rëndë që ka ndodhur në Suharekë, ku një këmbësore 58-vjeçare ka ndërruar jetë pasi është goditur nga një automjet, raporton EO.

    Sipas raportit 24-orësh të Policisë së Kosovës, ngjarja ka ndodhur si rezultat i pakujdesisë dhe mos përshtatjes së shpejtësisë nga ana e drejtueses së automjetit.

    Policia njofton se e dyshuara, e cila ka qenë duke drejtuar veturën, nuk ka arritur të kontrollojë shpejtësinë dhe ka goditur këmbësoren. Pas aksidentit, viktima është dërguar me urgjencë në Spitalin e Prizrenit, ku mjeku kujdestar ka konstatuar vdekjen e saj.

    Me vendim të prokurorit, trupi i pa jetë është dërguar në Institutin e Mjekësisë Ligjore (IML) për obduksion, ndërsa e dyshuara është arrestuar dhe është dërguar në mbajtje për hetime të mëtejshme.

  • Arrestohen gjashtë persona në Ferizaj, gjuajtën me armë në një aheng familjarë

    Arrestohen gjashtë persona në Ferizaj, gjuajtën me armë në një aheng familjarë

    Policia e stacionit në Ferizaj me datën 27.07.2024 rreth orës 17:00 ka pranuar një informacion se në fshatin Koshare të Ferizajt, në një aheng familjarë kishte të shtëna me armë të zjarrit.

    Policët e rendit dhe hetuesit policorë menjëherë janë nisur në atë drejtim dhe kanë arritur të identifikojnë disa persona, tek të cilët janë gjetur armë të zjarrit, me të cilat dyshohet se kishin shtënë gjatë ahengut.

    “Policia i ka shoqëruar shtatë persona në stacionin e policisë në Ferizaj dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, gjashtë persona janë ndaluar në mbajtje për 48 orë për procedura tjera hetimore, ndërsa si provë materiale janë sekuestruar katër armë të zjarrit, një pushkë gjysmëautomatike, tri pistoleta dhe sasi e municionit’, thuhet në komunikatë.

    Rasti është cilësuar “Përdorim i armës apo mjetit të rrezikshëm” , ” Armëmbajtje pa leje ” dhe “Shkaktimi i rrezikut të përgjithshëm”.

    “Me këtë rast policia rajonale e Ferizajt falënderon qytetarët për bashkëpunim , ndërsa inkurajon edhe të tjerët që të bashkëpunojnë me policinë. Sa herë që kanë informacione për veprat penale që rrezikojnë jetën e qytetarëve, të njoftojnë menjëherë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406. Policia do të reagojë menjëherë”, shtoi tutje.

  • Sot shpallet aktgjykimi kundër Krivaqës e Sejdiut

    Sot shpallet aktgjykimi kundër Krivaqës e Sejdiut

    Gjykata Themelore në Ferizaj sot do të shpallë aktgjykimin kundër Dardan Krivaqës dhe Arbër Sejdiut, të dyshuar për vrasjen e Marigona Osmanit.

    “Ju njoftojmë se të hënën, më 29 korrik 2024, duke filluar nga ora 11:00, vazhdon seanca gjyqësore me shpalljen e aktgjykimit në çështjen penale kundër të pandehurit D.K., i akuzuar për shkak të veprave penale ‘Dhunimi’, nga Neni 227, paragrafi 4, lidhur me paragrafin 1 të KPRK-së dhe veprës penale në bashkëkryerje ‘Vrasja e rëndë’, nga Neni 173, paragrafi 1, nënparagrafët 1.3, 1.4 dhe 1.7, lidhur me Nenin 31 të KPRK-së, si dhe të pandehurit A.S., i akuzuar për shkak të veprave penale në bashkëkryerje ‘Vrasja e rëndë’, nga Neni 173, paragrafi 1, nënparagrafi 1.3, 1.4 dhe 1.7, lidhur me Nenin 31 të KPRK-së dhe veprën penale ‘Ndihma në kryerjen e veprës penale të dhunimit’, nga Neni 227, paragrafi 4, nënparagrafi 4.1, lidhur me paragrafin 1, lidhur me Nenin 28 të KPRK-së”, thuhej në njoftimin e Gjykatës Themelore të Ferizajt javën e kaluar.

    Rasti në fjalë është në rigjykim pasi Gjykata e Apelit e kishte anuluar aktgjykimin në të cilin Krivaqa ishte dënuar me burg të përjetshëm ndërkaq Arbër Sejdiut i ishin dhënë 15 vjet burg.

  • Kjo është gjendja në pikat kufitare me Kosovën

    Kjo është gjendja në pikat kufitare me Kosovën

    Mërgimtarët që kanë filluar të vijnë në Kosovë për të kaluar pushimet, po presin nëpër kufi.

    Në përditësimin e fundit Qendra Kombëtare për Menaxhim Kufitar ka njoftuar se pritjet për të hyrë përmes Dheut të Bardhë në këtë mëngjes janë 20-25 minuta, ndërsa daljet 3 deri në 5 minuta.

    Ndërsa, te pika kufitare Kullë pritjet për të hyrë në Kosovë janë 10-20 minuta, po ashtu pritje deri në 15 minuta ka edhe në dalje.

    Pritje 15 minutshe ka edhe në Vërmicë. Deri në 10 minuta po presin edhe udhëtarët nëpër pikat tjera kufitare.