ATV

Author: ATVLive

  • Milan-Liverpool, formacionet e mundshme

    Milan-Liverpool, formacionet e mundshme

    Milani do të ketë sytë nga Alvaro Morata, Rafael Leao dhe Christian Pulisic në ndeshjen e parë të Ligës së Kampionëve kundër Liverpool-it të Federico Chiesa në “San Siro” që zhvillohet sonte nga ora 21:00.

    Kuqezinjtë duhet të përballen pa të dëmtuarit Marco Sportiello, Alessandro Florenzi, Ismael Bennacer dhe Malick Thiaë, ndërsa Luka Jovic nuk është përfshirë në listën e tyre të UEFA-s.

    Davide Calabria i është rikthyer stërvitjeve në grup dhe pritet të startojë si mbrojtës i djathtë në vend të Emerson Royal, përcjellë KosovaPress.

    Fikayo Tomori dhe Morata pushuan në fitoren 4-0 të së shtunës ndaj Venezias në Serie A, por pritet të startojnë kundër Reds. Reprezentuesi spanjoll ka bërë dy paraqitje si zëvendësues që kur u bashkua me kuqezinjtë verën e kaluar dhe do të startojë për herë të parë sonte.

    Nga ana tjrtër, italiani Chiesa është në dispozicion për Liverpoolin dhe është thirrur për herë të parë. Megjithatë, ish- ylli i Fiorentinës dhe Juventusit pritet të startojë në stol dhe mund të bëjë debutimin e tij zyrtar me gjigantët e Premier League si zëvendësues.

    Këto janë formacionet e mundshme:

    Milan (4-2-3-1): Maignan; Kalabria, Tomori, Pavlovic, Theo Hernandez; Fofana, Reijnders; Pulisic, Loftus-Cheek, Leao; Morata

    Liverpool (4-3-3): Alisson; Alexander-Arnold, Konaté, van Dijk, Robertson; MacAllister, Gravenberch; Salah, Szoboszlai, Luis Diaz; Diogo Jota.

  • ​Arrestohet një person, dyshohet se kërkoi pagesë prej 280 mijë euro nga ankuesi

    ​Arrestohet një person, dyshohet se kërkoi pagesë prej 280 mijë euro nga ankuesi

    Policia e Kosovës ka arrestuar një person të dyshuar për detyrim dhe armëmbajtje pa leje në fshatin Rugovë të Gjakovës.

    Sipas policisë ankuesi ka raportuar, se i dyshuari është duke kërkuar prej tij që t’i paguaj një shumë prej 280.000 euro.

    “Gjatë kontrollit në shtëpinë e të dyshuarit janë gjetur dhe konfiskuar: një armë automatike me 102 copë fishekë dhe një pistoletë me 4 copë fishekë. Me vendim të prokurorit, i dyshuari është dërguar në mbajtje”, thuhet në raportin e policisë.

  • Biden telefonon Trumpin pas “tentativës për vrasje”

    Biden telefonon Trumpin pas “tentativës për vrasje”

    Presidenti i SHBA-së, Joe Biden telefonoi ish presidentin Donald Trump dhe i uroi “të shkuara” pas ngjarjes për të cilën thuhet se ishte “tentativë për vrasje”, transmeton Anadolu.

    Në një deklaratë nga Shtëpia e Bardhë thuhet se presidenti Biden telefonoi Trumpin dhe diskutoi lidhur me ngjarjen e shënuar.

    “Presidenti Biden bisedoi në telefon me ish presidentin Trump dhe shprehu kënaqësinë e tij që ai ishte mirë. Të dy zhvilluan bisedë të sinqertë dhe Trump shprehu falënderimet për telefonatën”, thuhet në deklaratën e Shtëpisë së Bardhë.

    Trump bëri një deklaratë me shkrim lidhur me bisedën duke thënën se zhvilluan një bisedë të sinqertë.

    Biden i cili telefonoi Trumpin lidhur me ngjarjen për të cilën thuhet se ishte tentativë për vrasje, më parë tha se nuk mundi të kontaktonte me ish presidentin dhe se do ta telefononte sërish më pas.

    Ngjarja

    Të shtëna me armë zjarri u dëgjuan pranë fushës së golfit ku ish-presidenti amerikan Trump ndodhej në Florida mbrëmjen e djeshme dhe më pas u raportua se ai ishte i sigurt.

    Djali i madh i Trumpit, Donald Trump Jr., njoftoi në llogarinë e tij X se një armë AK-47 u gjet në shkurre në fushë pas incidentit nga forcat vendase të zbatimit të ligjit dhe se u kap një i dyshuar.

    Burimet që folën për AP thanë se agjenti i Shërbimit Sekret hapi zjarr ndaj të dyshuarit ndërsa Trump, të cilin ai ishte përgjegjës për mbrojtjen, po luante golf.

    Në e-mailin e tij drejtuar mbështetësve të tij, Trump tha se ai “nuk do të dorëzohet kurrë”. “Kam dëgjuar të shtëna armësh rreth meje, por para se thashethemet të dalin jashtë kontrollit dua të them se: Jam mirë dhe i sigurt”.

    Byroja Federale e Hetimeve të SHBA-së (FBI) njoftoi se po heton “ngjarjen që duket si një tentativë për vrasje” kundër Trumpit. Biden lidhur me ngjarjen tha se “Shërbimi Sekret ka nevojë për më shumë ndihmë”.

    Trump shpëtoi me një lëndim në vesh nga tentativa për vrasje gjatë tubimit në Pensilvani më 13 korrik.

  • DASH: Vazhdojmë të mbështesim fuqishëm dialogun Kosovë-Serbi

    DASH: Vazhdojmë të mbështesim fuqishëm dialogun Kosovë-Serbi

    Departamenti amerikan i Shtetit përsëriti se e ardhmja e Kosovës dhe Serbisë është në institucionet e Bashkimit Evropian dhe se dialogu mes tyre, i ndërmjetësuar nga BE-ja, është “e vetmja rrugë përpara”.

    I kontaktuar nga Radio Evropa e Lirë për të komentuar kërkesat e presidentit të Serbisë, Aleksandar Vuçiq, për Kosovën, një zëdhënës i Departamentit të Shtetit tha se SHBA-ja “vazhdon të mbështesë fuqishëm dialogun e lehtësuar nga BE-ja ndërmjet Kosovës dhe Serbisë, si rrugë për të arritur një marrëdhënie paqësore dhe produktive ndërmjet dy vendeve”.

    Gjatë një adresimi në fund të javës së kaluar, Vuçiq kërkoi riintegrimin e serbëve në institucionet e Kosovës, përfshirë kthimin e tyre në Drejtorinë Rajonale të Policisë së Kosovës për veriun, kthimin e gjyqtarëve dhe prokurorëve serbë në funksionet e tyre dhe mbajtjen e zgjedhjeve lokale në veri të Kosovës.

  • Sulmohet seksualisht një grua në Prishtinë, arrestohet i dyshuari

    Sulmohet seksualisht një grua në Prishtinë, arrestohet i dyshuari

    Një grua ka njoftuar policinë se është sulmuar seksualisht nga një burrë në Prishtinë.

    Policia bën të ditur se i dyshuari është arrestuar dhe më pas është dërguar në mbajtje.

    “Viktima femër kosovare ka raportuar është ngacmuar seksualisht nga i dyshuari mashkull kosovar i cili është arrestuar dhe pas intervistimit me vendim të prokurorit, është dërguar në mbajtje. Rasti është duke u hetuar”, thotë policia në raport.

  • ​Vjedhje e rëndë në një market në Bardhosh

    ​Vjedhje e rëndë në një market në Bardhosh

    Policia e Kosovës ka njoftuar se në fshatin Bardhosh, në Prishtinë të hënën 4 persona të maskuar kanë depërtuar në brendi të një marketi.

    Sipas raportit të policisë aty janë vjedhur një sasi të cigareve dhe 200 euro para të gatshme.

    Peronat pas vjedhjes me një veturë janë larguar në drejtim të panjohur.

    “Nuk raportohet për të arrestuar, rasti në hetime”, thuhet në raportin e policisë.

  • Sot përurohet fontana e rinovuar e Pallatit të Rinisë në Prishtinë

    Sot përurohet fontana e rinovuar e Pallatit të Rinisë në Prishtinë

    Komuna e Prishtinës ka njoftuar se sot do të përurohet Fontana e Rinovuar e Pallatit të Rinisë në Prishtinë.

    Përurimi do të bëhet në ora 19:00.

    Vendi ku do të përurohet është Fontana e Pallatit të Rinisë pranë obeliskut të pavarësisë – NEWBORN.

  • Vazhdon procesi gjyqësor ndaj ish-krerëve të UÇK-së

    Vazhdon procesi gjyqësor ndaj ish-krerëve të UÇK-së

    Në Dhomat e Specializuara të Kosovës në Hagë sot vazhdon procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.Në Dhomat e Specializuara të Kosovës në Hagë, dje ka dëshmuar dëshmitari i 85-të i Zyrës së Prokurorit të Specializuar.

    Ky dëshmitar ka dëshmuar me masa mbrojtëse dhe sipas përmbledhjes së lexuar nga përfaqësuesi i ZPS-së, Matt Halling, ai është ish-ushtar i UÇK-së.

    “Dëshmitari 04737 është një ish-anëtar i UÇK-së nga Zona Operative e Pashtrikut. Ai do të jep dëshmi lidhur me veprimtaritë gjatë luftës dhe strukturës së komandës në këtë brigadë”, ka theksuar prokurori Halling.

    Ish-drejtuesit e UÇK-së, ish-presidenti Hashim Thaçi, ish-kryeparlamentarët Kadri Veseli e Jakup Krasniqi, si dhe ish-shefi i deputetëve të Lëvizjes Vetëvendosje, Rexhep Selimi, po gjykohen në Gjykatën Speciale nën akuzat për krime lufte dhe krime kundër njerëzimit.

    Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij , sikurse edhe Rexhep Selimi më 11 nëntor.

    Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

    Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

  • Sot mblidhen këto komisione parlamentare

    Sot mblidhen këto komisione parlamentare

    Sot në Kuvendin e Kosovës do të mblidhen disa komisione parlamentare.

    Në ora 08:30 do të mblidhet Komisioni për Shëndetësi dhe Mirëqenie Sociale dhe Komisioni për Buxhet, Punë dhe Transfere i cili pret në takim një delegacion nga Komisioni i Punës dhe Çështjeve Sociale nga Parlamenti Gjerman.

    Ndërkaq në ora 11:00 Komisioni për Ekonomi, Industri, Ndërmarrësi dhe Tregti, shqyrton raportin me rekomandime për lexim të dytë për Projektligjin për Mbrojtjen e konsumatorit, për Projektligjin për Kripto-asetet. Gjithashtu rishpall konkursin për zgjedhjen e “Kryesuesit të Komisionit Shqyrtues në Autoritetin Rregullator për Shërbimet e Ujit – ARRU”.

    Ministri i Kulturës, Rinisë dhe Sportit, Hajrulla Çeku, me fillim nga ora 11:00 do të raportojë në Komisionin për Mbikëqyrjen e Financave Publike, lidhur me raportin e auditimit për pasqyrat financiare vjetore të Ministrisë së Kulturës, Rinisë dhe Sportit, për vitin 2023. (Kuvendi i Kosovës, salla N302)

    Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, në ora 13:00 shqyrton draft-planin e punës së Komisionit për sesionin vjeshtor të vitit 2024.

    Po ashtu në ora 13:00 Komisioni për Mjedis, Ushqim, Bujqësi, Planifikim dhe Zhvillim, shqyrton në parim Projektligjin për ndalimin e përdorimit të pijeve energjike për personat e moshës nën tetëmbëdhjetë vjeç.

    Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, në ora 13:30miraton raportin e mbikëqyrjes së zbatimit të Ligjit për Administrimin e Pasurisë së Sekuestruar dhe të Konfiskuar.

  • ​Dy të vdekur pas një ndeshje Ragbi

    ​Dy të vdekur pas një ndeshje Ragbi

    Menjëherë pas humbjes së Detroit Lions kundër Tampa Bay Buccaneers (16:20), pati një përleshje në një pikë takimi të tifozëve që më pas u përshkallëzua dhe çoi në dy vdekje.

    Shefi i policisë James Ëhite tha të hënën se një person i dytë vdiq një ditë pas incidentit. Sherri ka ndodhur në një pikë takimi për tifozët rreth një kilometër e gjysmë larg stadiumit.

    Trajneri i Luanëve, Dan Campbell u prek thellë nga të shtënat. “Nuk i di të gjitha detajet, por sa herë që dikush humbet jetën është një incident tragjik”, tha ai, përcjellë KosovaPress.

    St. Broën humbi me rezultat 16:20 kundër Bucs të dielën pasdite, pak më pas u dëgjuan dy të shtëna pas një debati Një i dyshuar është arrestuar. Viktimat ishin burra nga Detroiti, njëri rreth 40 vjeç, i dyti rreth 20 vjeç, tha policia.