ATV

Author: ATVLive

  • Man Utd po refuzon të heq dorë nga De Jong – planifikohet një ofertë tjetër për të gjatë janarit

    Man Utd po refuzon të heq dorë nga De Jong – planifikohet një ofertë tjetër për të gjatë janarit

    Manchester United raportohet se janë rikthyer sërish në ‘gjueti’ për transferimin e Frenkie De Jong dhe ata po planifikojnë një ofertë për holandezin gjatë janarit.

    United pati një fillim të dobët të sezonit nën urdhrat e Erik Ten Hag me holandezin që po lidhet me një shkarkim të mundshëm nëse rezultatet nuk përmirësohen së shpejti.

    INEOS dhe ‘Djajtë e Kuq’ kishin vendosur që t’ia besonin stolin Ten Hagut edhe për këtë sezon duke ndihmuar kauzën e tij me transferimin e disa lojtarëve gjatë verës.

    Sidoqoftë, siç ka raportuar SPORT, Ten Hag ka kërkuar transferimin e De Jongut të cilin paraprakisht e kishte udhëhequr tek Ajaxi.

    Unitedi tashmë ka shprehur interesim për shërbimet e mesfushorit holandez gjatë dy viteve të fundit me Ten Hag që thuhet se është një fans i madh i 27-vjeçarit.

    ‘Djajtë e Kuq’ do të bëjnë përpjekje sërish për transferimin e tij në janar pasi vendi i De Jong në ekipin e Hansi Flick ka mbetur në pikëpyetje.

    De Jong së fundmi u rikthye në aksion pas një mungese të gjatë shkaku i lëndimit, por nuk ka marrë shumë minuta pasi Flick po preferon opsione të tjera si Marc Casado, Pedri dhe Eric Garcia para tij.

    Me Gavi, Dani Olmo dhe Fermin Lopez që po ashtu do të rikthehen në aksion së shpejti, është e mundur se De Jong mund të humbasë edhe më shumë minuta dhe rrjedhimisht do të kërkojë largimin./Telegrafi/

  • Ylli i Man Cityt zbulon se klubi e ka gjetur tashmë pasardhësin e Guardiolës

    Ylli i Man Cityt zbulon se klubi e ka gjetur tashmë pasardhësin e Guardiolës

    Ederson beson se Manchester City ka identifikuar pasardhësin e Pep Guardiolës, teksa ka thënë se pret që ekipi i tij të jetë i suksesshëm edhe pas përfundimit të epokës së tij.

    Tekniku spanjoll i solli Man Cityt një sukses të paprecedentë por ai ende nuk ka nënshkruar një kontratë të re, me atë aktualen e cila skadon në verën e vitit 2025.

    Tani, portieri Ederson ka përkrahur ‘Qytetarët’ për të vazhduar rrugën drejt fitoreve dhe të jenë të suksesshëm edhe në rast largimi të ish-trajnerit të Barcelonës.

    “City është një klub shumë i strukturuar, i mirëmenaxhuar, ka një shef të mirë. Unë besoj se klubi tashmë e ka trajnerin e ardhshëm në mendje. Ditën që Pep vendos të largohet, ata do të përpiqen të ndjekin të njëjtën rrugë të punës”.

    “Natyrisht, do të ishte një humbje e madhe (nëse largohet Guardiola). Ne po flasim për trajnerin më të mirë në botë, por unë e shoh klubin mirë të përgatitur për epokën pas Pepit”, ka thënë Ederson.

    City ka fituar gjithçka nën urdhrat e Guardiolës që prej se ai mori drejtimin e tyre në vitin 2016.

    Ani pse kontrata e tij po shkon drejt përfundimit, raportimet sugjerojnë se ish-trajneri i Bayernit mund të nënshkruaj një zgjatje të kontratës gjatë muajve në vazhdim.

    Krahas thashethemeve për të ardhmen e Guardiolës, ai dhe ekipi i tij do të përgatiten për duelin e radhës që do ta luajnë në Ligën Premier të dielën ndaj Wolves./Telegrafi/

  • Mbrëmja e katërt e “Skupifestival”, u shfaq monodrama “Nizhinski”

    Mbrëmja e katërt e “Skupifestival”, u shfaq monodrama “Nizhinski”

    Mbrëmë në kuadër të Skupifestivalit u shfaq monodrama “Nizhinski”, e interpretuar nga aktori Filip Ristovski, i lindur në qytetin e Manstirit, por që jeton dhe vepron me dekada në Bukuresht të Rumanisë, ngjesh momente më sublime nga një ditar 200 faqesh i shkruar nga artisti Vaclav Nizhinski.

    I mbërthyer mes krijimit dhe dëshpërimit, balerinit dhe koreografit të famshëm botërorë Vaslav Nizhinski. I lindur në Kiev në 1889, ai ishte një nga artistët më të rëndësishëm të shekullit 20-të dhe një nga balerinët më të mëdhenj në botë.

    Ai pra revolucionarizoi baletin klasik përmes formave jokonvencionale të shprehjes, Nizhinski u idolizua për rolet e tij, duke u bërë I famshëm dhe i quajtur si “Zoti i Kërcimit ” nga bashkëkohësit e tij. Në këtë shfaqje, Nizhinski portretizohet në momentet kur ai ishte në kufirin mes normalitetit dhe çmendurisë.

    Duke ndjerë humbjen e afërt të kontaktit me realitetin, Nizhinski bën një përpjekje të dëshpëruara për të përcjellë mesazhin e tij nëpër botë, duke shkruar ashpër për dy muaj rresht, në një përpjekje për të shpëtuar veten dhe krijimin e tij nga harresa. Pas më pak se tre muajsh, ai u mbyll në një azil psikiatrik prej nga nuk doli më kurrë, ku edhe vdiq 30 vjet më vonë.

    Sot programi i FNT Skupifestivalit vazhdon me punëtorinë teatrore me regjisoren nga Turqia, Senem Xhehver, kryefjala e kësaj punëtorie do të jetë interpretimin me maskë.

    Ndërsa të shtunën, pra në natën e fundit të Skupifestivalit po në ora 20:00, do të shfaqet “Grimca Elementare”, me autor Majkëll Huellebek, në regji të

    Kris Sharkov, në interpretimin nga Teodora Duhovnikova, Zhaklin Daskallova, Dimitar Nikollov, Martin Dimitrov, Elena Ivanova, Sllavena Zajkova, Darina Radeva. Produksion i Teatri kombëtar Ivan Vazov, Sofje Bullgari.

  • Si t’ja bëni që të mos hani nga stresi

    Si t’ja bëni që të mos hani nga stresi

    Sado përpiqemi momentet stresuese janë të pashmangshme. Fatkeqësisht, një pjesë e mirë provojnë ta “mbysin” stresin duke ngrënë, gjë e cila çon në shtim të papritur peshe. Si të mos shkosh drejt frigoriferit kur je e stresuar? Ndiq hapat më poshtë!

    Uluni dhe bëni 10 pompa

    Lëvizja e muskujve e lehtëson menjëherë stresin; e bën bën trupin të mendojë se po i “arratiseni” burimit të stresit. Përmes ushtrimit, gjaku qarkullon më shpejt, duke e transportuar kortizolin në veshka dhe duke e nxjerrë nga sistemi.

    Edhe nëse nuk i bëni dot pompat, edhe një ecje e thjeshtë e ndihmon kortizolin të lëvizë. Një studim tregon se 18 minuta ecje, 3 herë në javë, ul nivelet e hormonit të stresit me 15%.

    Hani ngadalë

    Hani me ngadalë dhe duke shijuar çdo kafshatë dhe nivelet e kortizolit do të bien. Njëkohësisht do të ulet edhe sasia e ushqimit që hani, duke ndikuar në mosdepozitimin e dhjamit në bel.

    Mjaft me dietat strikte

    Studimet tregojnë se dietat strikte i rrisin nivelet e kortizolit me 18%. Kur niveli i kortizolit rritet, sheqeri në gjak fillimisht rritet shumë dhe më pas bie. Kjo ju bën të ndiheni nevrik dhe i pangopur. Kur truri juaj privohet nga sheqeri, nuk e keni më veten nën kontroll dhe vullneti juaj thyhet lehtësisht.

    Jepjuni dëshirave të vogla

    Nëse ju hahet diçka e ëmbël ose e kripur, hajeni! Është më mirë të plotësoni dëshirat e vogla, para se kortizoli të dalë jashtë kontrollit tuaj. Hani një copë çokollatë, por vetëm një. Nëse jeni të kujdesshëm dhe e përmbani veten, nuk ka asgjë të keqe t’i dorëzoheni dëshirave.

    Reduktoni kafeinën

    Kombinimi i stresit me kafeinën rrit nivelet e kortizolit më shumë se stresi vetëm. Më tepër stres, do të thotë nivele më të larta të kortizolit. kjo bën që të hani edhe më tepër prej stresit.

    Flini mirë

    Flini 7 deri në 9 orë gjumë çdo natë ndikon në uljen e stresit. Gjitashtu, një studim i ri tregon se mungesa e gjumit rrit nivelet e grelinës, një hormon që rrit urinë.

  • Kosova nën masa dhe kushtëzime shtesë për shkak të dialogut

    Kosova nën masa dhe kushtëzime shtesë për shkak të dialogut

    Sekretari i Përgjithshëm i NATO-s, Mark Rutte, ka kërkuar nga Kosova dhe Serbia përparim në dialogun e ndërmjetësuar nga Bashkimi Evropian, i cili proces, siç tha ai, nuk është duke vazhduar ashtu siç e mbështet aleanca e NATO-s. Në një prononcim për media, Rutte, u shpreh i kënaqur me përpjekjet e Gjermanisë për të afruar vendet e Ballkanit Perëndimor me Bashkimin Evropian dhe NATO-n, siç ishte takimi në kuadër të Procesit të Berlinit.

    “Ne duhet të jemi të vetëdijshëm për tensionet në Ballkanin Perëndimor dhe fakti që dialogu Prishtinë-Beograd, të cilin e mbështesim, nuk po ec përpara siç do të dëshironim. Jam shumë i kënaqur me takimin që u mbajt në Berlin këtë javë nën udhëheqjen e kancelarit Scholz ndaj vendeve të Ballkanit Perëndimor, sepse e di që Gjermania po punon veçanërisht shumë për ta afruar atë grup me BE-në, afër NATO-s, për ata që nuk janë ende në NATO”., tha Rutte

    Dinamikë të re në proces të dialogut kërkoi edhe kancelari i Gjermanisë, Olaf Scholz, gjatë Samitit të Procesit të Berlinit. Ai përsëriti se e ardhmja evropiane e Kosovës dhe Serbisë lidhet me rezultate në dialog.

    Trysnia e bashkësisë ndërkombëtare për përparim në dialog, sipas deputetit të Lëvizjes Vetëvendosje, Adnan Rrustemi, duhet të bëhen mbi Serbinë, si palë destruktive në procesin e dialogut.

    ‘’Procesi i dialogut ndodhet në një udhëkryq për shkak të sjelljes së papërgjegjshme të Serbisë e cila refuzon të nënshkruaj marrëveshjen bazë të Brukselit, refuzon ta zbatojë atë dhe angazhohet për ta shkelur atë. Kjo marrëveshje është shkelur tashmë disa herë nga ana e Serbisë, ndërkohë që nuk kemi pasur reagim të vendosur, të drejtpërdrejtë të BE-së si fasilitues i këtij procesi. Nuk mund të paguaj Kosova çmimin e destruktivitetit të Serbisë”, tha Rrustemi.

    Ndërkohë, Bashkimi Evropian ka paralajmëruar kushtëzime shtesë për Kosovën dhe Serbinë sa i përket përfitimeve të mjeteve financiare nga plani i rritjes i BE-së.

    Sipas zëdhënëses së BE-së, Ana Pisonero, ndarja e këtyre mjeteve e që për Kosovën janë paraparë rreth nëntë milionë euro, do të bëhet vetëm pas vlerësimit të Shërbimit të Jashtëm të BE-së, i cili ka nën mbikëqyrje edhe dialogun mes Kosovës dhe Serbisë.

    “Ajo që mund të them është që këto parakushte do të vlerësohen nga Komisioni përpara pagesave, dhe do të llogarisim rolin dhe kontributin e Shërbimit të Jashtëm të BE-së”., tha Pisonero.

    Ndërkohë, Bashkimi Evropian, po i mban në fuqi masat ndëshkuese ndaj Kosovës pavarësisht se Qeveria konsideron se janë plotësuar të gjitha kushtet për heqjen e tyre.

    Deputeti i Vetëvendosjes, Adnan Rrustemi, tha se ndërlidhja e dialogut me përfitimet nga fondi i BE-së dhe mos heqja e masave ndëshkuese thellon padrejtësinë ndaj Kosovës.

    ‘’Ndërlidhja është e gabueshme. Masat kanë qenë të padrejta që në fillim. Masat duhet të hiqen sa me parë sepse Kosova është palë konstruktive. Plani i rritjes së BE-së është mbi bazën e reformave. Kosova ka dorëzuar planin e reformave dhe ato janë miratuar nga BE-ja dhe mendoj se ndërlidhja e Planit të Rritjes duhet të bëhët në raport me përmbushjen e reformave, nuk duhet të devijohet kriteri në një proces që nuk varët vetëm nga Kosova.”, tha Rrustemi për rtv21.

    Përparim në proces të dialogut po kërkon edhe SHBA-ja. Ambasadorja e SHBA-së në NATO, Julianne Smith, tha të mërkurën se institucionet e Kosovës i kanë të qarta thirrjet se nevojitet investim më i madh në dialog në mënyrë që Kosova të jetë pjesë e programit për Partneritet për Paqe në kuadër të NATO-s.

    “Ne, gjithsesi, e vlerësojmë programin e Partneritetit për Paqe. Jemi të kënaqur që kemi parë interes të madh nga Kosova për t’iu bashkuar Partneritetit për Paqe. Por mendoj se miqtë tanë në Kosovë i kanë dëgjuar thirrjet tona të zëshme dhe të qarta. Ne duam që ata të vazhdojnë të investojnë në dialogun e lehtësuar nga Bashkimi Evropian“., tha Smith.

  • Oficeri i FSK-së diplomon në Inxhinieri Ushtarake në Missouri të SHBA-së

    Oficeri i FSK-së diplomon në Inxhinieri Ushtarake në Missouri të SHBA-së

    Kapiten Kemajl Haliti ka përfunduar me sukses “Kursin e Karrierës së Kapitenit Inxhinierik” në Fort Leonard Wood, Missouri të Shteteve të Bashkuara të Amerikës. Kështu ka bën të ditur FSK-ja përmes një njoftimi.

    Sipas tyre, trajnimi kishte për qëllim përgatitjen për oficer inxhinierë të nivelit të mesëm me njohuri dhe aftësi të nevojshme për të udhëhequr dhe menaxhuar në mënyrë efektive operacionet inxhinierike në nivel kompanie dhe regjimenti, duke i përgatitur ata për rolet e stafit dhe pozicionet komanduese duke u fokusuar në parimet e avancuara inxhinierike, planifikimin taktik, vendimmarrje ushtarake, krijimi dhe zhvillimi i lidershipit brenda kontekstit të inxhinierëve luftarak.

    “Nga 75 oficerë, 16 prej tyre ishin oficerë nga vendet si: Arabia Saudite, Benini, Brazili, Indonezia,Kosova, Korea Jugore, Gjermania, Bregu i Fildishtë,Tunizia, Italia, Mbretëria e Hashimetit- Jordani, Kuvajti dhe Lituania, gjithsej 16 oficerë të huaj në mesin e 75 studentëve oficer”, thuhet në njoftim.

  • Grupet rivale ortodokse përleshen në katedralen e Ukrainës

    Grupet rivale ortodokse përleshen në katedralen e Ukrainës

    Një përleshje e dhunshme shpërtheu ndërmjet besimtarëve të kishave rivale ortodokse për kontrollin e një katedraleje në qytetin Çerkasi në Ukrainën qendrore.

    Katedralja e Shën Michaelit, e cila është caktuar si kishë garnizoni për Forcat e Armatosura të Ukrainës, ishte vendi ku po mbahej një liturgji nate kur rreth 100 persona me uniforma kamuflazhi dhe me maska u futën me forcë në hapësirën e katedrales më 17 tetor.

    Tensionet rreth Katedrales së Shën Michaelit pasojnë përpjekjet më të gjera të Ukrainës për ta kufizuar ndikimin e Kishës Ortodokse Ukrainase (UOC), e cila historikisht ka qenë e lidhur me Kishën Ortodokse Ruse.

    Megjithëse e shpalli pavarësinë nga Moska në vitin 2022, UOC ende shihet me dyshim nga autoritetet ukrainase për shkak të dyshimeve se mban qëndrim prorus.

    Videoja e incidentit shfaq përshkallëzimin e tij në një përleshje fizike midis besimtarëve të kishave rivale.

    Sipas Zoya Vovk, zëdhënëse e Policisë Kombëtare në rajonin e Çerkasit, disa njerëz u plagosën gjatë përleshjeve dhe pranuan tretman mjekësor.

    U raportua se përfaqësuesit e UOC-it thyen portat e hyrjes dhe hodhën gaz lotsjellës në turmën e besimtarëve të Kishës Ortodokse të Ukrainës.

    Dëshmitarët thanë se priftërinjtë dhe besimtarët e UOC-it u barrikaduan brenda katedrales dhe nuk lejuan të tjerët të futeshin brenda.

    Një korrespondent i Radios Evropa e Lirë raportoi nga vendi i ngjarjes se përleshja përfundoi vetëm pasi mbërritën policia dhe aktivistët.

    Kapelani i lartë ushtarak i rajonit të Çerkasit, Ati Nazariy, tha për REL-in se besimtarët vendës e kishin uzurpuar kishën fillimisht gjatë natës, por më vonë ishin larguar nga ata që ai i përshkroi si “aktivistë rusë” besnikë ndaj patriarkatit të Moskës.

    “Lutjet për ushtarët tanë duhet të dëgjohen këtu”, tha Nazariy, duke shtuar se pjesëtarët e UOC-it i shpërfillën ushtarët ukrainas, duke i parë ata si armiq.

    Në fund, u mbajt një shërbesë në gjuhën ukrainase në këtë kishë.

    Vovk konfirmoi se ka nisur një hetim për “huliganizëm”./REL

  • ​Deputeti Shala thotë se ka eksploduar kazani në Termocentralin Kosova A, flasin nga KEK-u

    ​Deputeti Shala thotë se ka eksploduar kazani në Termocentralin Kosova A, flasin nga KEK-u

    Deputeti i Partisë Demokratike të Kosovës Ferat Shala, ka njoftuar përmes një video në rrjetin social Facebook, për eksplodim të kazanit në Termocentralin Kosova A, Blloku A4.

    “Eksplodim i kazanit ‘bojleri i Albinit’, në Termocentralin Kosova A, Blloku A4. Kjo i shkon për shtati mafisë energjetike, sepse tash na duhet import i energjisë”, ka shkruar Shala krahas videos së publikuar në Facebook.

    Nga ana tjetër, Korporata Energjetike e Kosovës (KEK), përmes një njoftimi zyrtar ka thënë se nuk ka vend për shqetësim në lidhje me operimin dhe sigurinë në njësitë e TC Kosova A.

    Sipas zyrës për informim në KEK, njësia A4 është ndalur për shkak të një lidhjeje të shkurtër në kabllot e matjeve, dhe është shkyçur nga puna në mënyrë të rregullt.

    “Ekipet e mirëmbajtjes janë angazhuar që nga momenti i ndaljes së njësisë dhe po punojnë për sanimin e gjendjes, me qëllim që njësia të kthehet në operim sa më shpejt. Zjarri i raportuar në media ka ndodhur jashtë njësisë A4 dhe I njëjti është lokalizuar dhe fikur në kohë optimale nga zjarrfikësit”, thuhet tutje.

    Korporata Energjetike e Kosovës fton të gjitha mediat dhe palët e interesit që në raste të tilla të kërkojnë informacione zyrtare nga KEK, për të evituar krijimin e panikut përmes lajmeve të pavërteta.

    “Kjo është e rëndësishme për të siguruar që opinioni publik të jetë i informuar saktë”, ka thënë KEK-u.

    Deputeti i Partisë Demokratike të Kosovës Ferat Shala përmes një video në rrjetin social Facebook, ka thënë se ka eksploduar kazani në Termocentralin Kosova A, Blloku A4.

  • Gati për të nisur Java Kulturore Amerikane: Muzikë, modë e inovacion

    Gati për të nisur Java Kulturore Amerikane: Muzikë, modë e inovacion

    Javët Kulturore Ndërkombëtare publikuan kalendarin e aktiviteteve të Javës Kulturore Amerikane e cila nis nesër, 19 tetor e vazhdon deri në datën 23 tetor.

    Do të ketë një program të pasur me ekspozita, koncerte live dhe trajnime interesante me stilisten nga Nju-Jorku, Noor Bchara.

    Një event muzikor, organizuar nga Fondacioni Shqiptaro-Amerikan për Zhvillim (AADF) do të nisë Javën Kulturore Amerikane dhe festimin e 15-vjetorit të AADF. Do të jetë Elton Deda & Band që do të krijojnë një atmosferë festive duke promovuar miqësinë dhe bashkëpunimin mes dy vendeve. Koncerti do të zhvillohet pasditen e së shtunës tek Pazari i Ri.

    Space Night është një aktivitet që ka si objektiv ofrimin e një përvojë edukative dhe tërheqëse të përqendruar rreth eksplorimit të hapësirës dhe astronomisë. Ai ofron një sërë aktivitetesh interaktive dhe ekspozitash të përshtatshme për pjesëmarrësit e të gjitha moshave, kryesisht të synuara për fëmijët nga mosha 12-18 vjeç, tek American Corner Tirana, në Bibliotekën Kombëtare.

    Në kuadër të mbështetjes që Ambasada e Shteteve të Bashkuara të Amerikës ka dhënë për Akademinë për Gratë Sipërmarrëse (AWE), vjen stilistja Noor Bchara, e cila do të zhvillojë një seminar me AWE, e ndjekur nga një festë e hapur e pesëvjetorit të programit AWE në Shqipëri.

    Ky aktivitetet do të zhvillohet në Destil Creative Hub, Tiranë. Eventi i riciklimit, udhëhequr nga stilistja dhe konsulentja e qëndrueshmërisë Noor Bchara, promovon modën e qëndrueshme duke u treguar të rinjve mënyra të ndryshme për t’i transformuar rrobat e vjetra – si bluza, xhaketa ose sende të tjera veshjesh – në diçka që do t’u pëlqente t’i vishnin përsëri. Pjesëmarrësit do të eksplorojnë veshje të realizuara nga stilistja e njohur amerikane Noor Bchara, së bashku me pjesë të dizenjuara në bashkëpunim me studentë nga UA. Panairi do të ekspozojë videolojërat dhe teknologjinë e drejtuar nga të rinjtë, si dhe produkte artizanale të punuara me dorë nga gratë dhe një performancë muzikore live./atsh

  • ShBA-ja e mbështet Gjykatën Speciale: I gjykon krimet e luftës, një rast i madh e përfshin ish-kreun e shtetit

    ShBA-ja e mbështet Gjykatën Speciale: I gjykon krimet e luftës, një rast i madh e përfshin ish-kreun e shtetit

    Shtetet e Bashkuara të Amerikës janë të qarta në përkrahjen për Dhomat e Specializuara të Kosovës me seli në Hagë. Madje, për ShBA-në nuk ka dilema se Gjykata Speciale, siç zakonisht i referohet këtij institucioni në Kosovë, po gjykon krimet e luftës dhe “po ashtu po kontribuon në vendosjen e shtetit të së drejtës brenda Kosovës”.

    Beth Van Schaack, ambasadore amerikane për Drejtësinë Penale Globale, ka theksuar përkrahjen e ShBA-së për Gjykatën Speciale gjatë një bashkëbisedimi me gazetarë. Për më shumë, ajo vlerësoi se është “jashtëzakonisht e rëndësishme” që të vazhdohet mbështetja për këtë institucion nga ana e komunitetit ndërkombëtar.

    Në këtë bashkëbisedim, Uk Lushi, ish-ushtar i Batalionit “Atlantiku” të UÇK-së, e pyeti për qëndrimin rreth Gjykatës Speciale. Ajo tha se ShBA-ja ka qënë përkrahëse e Gjyktës Speciale, “e cila në thelb është një gjykatë kosovare”.

    “Ne kemi qenë prej kohësh përkrahës të Dhomave të Specializuara të Kosovës, e cila në thelb është një gjykatë kosovare, por e ndodhur jashtë territorit, në Hagë. dhe përfiton nga një model hibrid, ku një numër i ekspertëve ndërkombëtarë janë duke shërbyer në pozita kyçe në atë institucion. Kështu për shembull, kryeprokurorja, Kim West, është juriste e Shteteve të Bashkuara. Ne e kemi dërguar atë, në thelb, për ta mbështetur punën e Dhomave të Specializuara të Kosovës” – tha ajo, transmeton Nacionale.

    Van Schaak ka përmendur edhe rastin ndaj Hashim Thaçit dhe të tjerëve, ndonëse jo me emër.

    “Është jashtëzakonisht e rëndësishme që ne të vazhdojmë ta mbështesim atë institucion si komunitet ndërkombëtar. Është duke gjykuar krimet nga lufta në Kosovë, por po ashtu po kontribuon në vendosjen e shtetit të së drejtës brenda Kosovës. Dhe kështu ne po bëjmë atë që mundemi për të mbështetur atë institucion ndërsa ai vazhdon punën e tij. Është një rast i madh që po ecën përpara, i cili përfshin ish-kreun e shtetit, por ka edhe një sërë rastesh të tjera, duke përfshirë çështjet që përfshijnë përpjekje për të minuar administrimin e drejtësisë. Dhe kjo përfshin rastet që përfshijnë ngatërrimet e mundshme me dëshmitarë ose frikësimin e dëshmitarëve” – tha ajo, transmeton Nacionale.

    Tutje, në pikëvështrimin e zyrtares amerikane, Gjykata Speciale kontribuon në “ndërtimin e një shteti të së drejtës”.

    “Dhe kështu këto raste janë po aq të rëndësishme, sepse ato kanë të bëjnë me ndërtimin e një shteti të së drejtës dhe një sistemi gjyqësor që është në gjendje të funksionojë pa iu nënshtruar presionit të jashtëm nga individë apo subjekte që nuk do të donin t’i shihnin këto çështje të ecin përpara”, tha ambasadorja Van Schaack.

    Sjellim ndër mend që gjykimi për krime lufte ndaj ish-krerëve të UÇK-së, Hashim Thaçi, Rexhep Selimi, Kadri Veseli dhe Jakup Krasniqi, është duke vazhduar në Gjykatën Speciale në Hagë.