Author: ATVLive

Ambasadori amerikan, Jeff Hovenier ka mirëpritur Ndihmës Sekretarin amerikan të Shtetit për Evropën dhe Euroazinë, James O’Brien.

Para takimit me kryeministrin e Kosovës, Albin Kurti, Hovenier postoi fotografi krah O’Brien, duke thënë se po pret me padurim që ai të angazhojë biseda me zyrtarët kosovarë për çështje kyçe bilaterale.

“Kënaqësi të mirëpres Ndihmës Sekretarin O’Brien gjatë vizitës së tij të parë në Kosovë në rolin e tij aktual. Presim me padurim që të angazhojmë biseda me zyrtarët kosovarë për çështjet kyçe bilaterale dhe të ritheksojmë përkushtimin e Amerikës ndaj popullit të Kosovës”, ka shkruar ambasadori amerikan.

Aktualisht Hovenieri dhe O’Brien janë në qeveri ku po zhvillohet takimi me Kurtin.

Pleased to welcome @StateEUR Assistant Secretary O’Brien for his first visit to Kosovo in his current role. We look forward to engaging conversations with Kosovan officials on key bilateral issues and reiterating the commitment of the 🇺🇸 to the people of 🇽🇰. pic.twitter.com/OnxdvWKDJK

— Ambassador Jeff Hovenier (@USAmbKosovo) October 21, 2024

Ndihmëssekretari amerikan i Shtetit për çështjet Evropiane dhe Euroaziatike, James O’Brien ka arritur në objektin e Qeverisë së Kosovës, ku pritet të zhvillojë takim me kryeministrin Albin Kurti.

Mediat u lejuan të marrin pamje vetëm gjatë hyrjes se tij në ekzekutiv, derisa nuk duhet nëse i O’Brien do të ketë ndonjë deklarim pas takimit.

O’Brien po qëndron në vizitë në Kosovë, një ditë pasi ishte në Serbi, ku u takua atje me krerët institucional.

Nga Beogradi, diplomati amerikan dhe mesazhin për zbatim të marrëveshjeve të arritura në dialogun e Brukselit, derisa edhe ka nënvizuar nevojën që Qeveria e Kosovës të procedojë në Gjykatën Kushtetuese draft-statutin e Asociacionit, të propozuar nga BE-ja./KP

Amerikani Jamie Lambros ka vdekur më 7 tetor pasi kishte tentuar të shpëtonte një djalë dhe nënë e tij nga mbytja në ujë.

Ai ishte qenë me 11 anëtarët e tij të familjes në Horseshoe Bay Beah të Bermudës kur kishte parë djalin në rrezik.

Pavarësisht se nuk kishte qenë notar i mirë, Lambrosi qe hedhur menjëherë në oqean për ta shpëtuar djalin dhe nënën e këtij të fundit.

Djali dhe nëna e tij kishin arritur eventualisht të shpëtojnë, por jo edhe Lambrosi.

Kryetari i Partisë së Lirisë, Ilir Meta pas arrestimit me urdhër të SPAK ka mbërritur në ambientet e Drejtorisë së Policisë së Tiranës e më pas është nisur për te Blloku i Sigurisë (qendra e paraburgimit).

Gazeta Panorama raporton se mbërritja e tij në Policinë e Tiranës u bë në mënyrë të fshehtë dhe jashtë syrit të mediave. Po ashtu raportohet se Ilir Meta brenda ambienteve të Policisë së Tiranës është shfaqur i tensionuar dhe ka debatuar me agjentët e Byrosë Kombëtare të Hetimit.

Meta u arrestua me urdhër të Prokurorisë së Posaçme kundër Korrupsionit (SPAK), e cila ka kryer një hetim pasuror ndaj tij.

Ky hetim besohet se është shkaku i arrestimit të sotëm, ndërsa ndaj tij ka edhe çështje të tjera hetimore.

Meta kishte qëndruar për më shumë se tre orë përballë hetuesve në Prokurorinë e Posaçme në qershor. Nga deklaratat e tij u mësua se ishte pyetur rreth çështjeve që lidhen me pasurinë e familjes.

Meta ka qenë president, kryeministër, ministër i Jashtëm, ndërsa kishte mbajtur edhe poste të tjera të larta shtetërore në Shqipëri.

Ministria e Industrisë, Ndërmarrësisë dhe Tregtisë (MINT) ka mbajtur konferencë për Ditën Botërore të Standardeve, raporton Ekonomia Online. Me këtë rast ministrja, Rozeta Hajdari tha se standardizimi është mjet thelbësor për një të ardhme të qëndrueshme. Ajo shtoi se me këtë qasje synojnë ta fuqizojnë sektorin privat duke rritur prezencën produktet nga Kosova në tregjet ndërkombëtare.

“Kjo ditë shënohet që nga 14 tetor i vitit 1970 për të theksuar rëndësinë e standardit jetësore. Standardizimi nuk është vetëm proces teknik, por mjet thelbësor dhe luan një rol të rëndësishëm dhe përparimin në zhvillimin e qëndrueshëm. Nga standardet mjedisore deri te standardet e cilësisë kuptojmë që këto standarde ndikojnë në një të ardhme më të mirë. Për këtë vit kemi lansuar edhe aplikacionin e standardeve ndërkombëtare”.

“Përmes strategjisë ne synojmë të transformojmë ekonominë tonë. Është një hap përfundimtarë drejtë një ekonomie të qëndrueshme, adaptimi i euro kodeve përfaqëson një tjetër aktivitet për vendin tonë. Përmirësimi i infrastrukturës kërkon standarde të larta që sigurojnë që këto standarde të respektohet. Me këtë qasje synojmë të fuqizojmë sektorin privat duke rritur produktet në tregjet ndërkombëtare. Ne presim që sektori privat dhe shoqëria të ndërtojë një ekonomi më të fortë për të ardhme të qëndrueshëm. Dhe për këtë na duhet edhe mbështetje e nivelit qendror, le të angazhohemi të provojmë standardet në një ambient më të sigurt dhe më të qëndrueshëm”, ka thënë Hajdari.

Drejtoresha e Agjencisë Kosovare e Standardizimit, Qefseri Ajeti ka theksuar se standardizimi e transformoi historinë e njerëzimit, si neovjë për një sistem të unifikuar global, qëllimi i së cilit është lehtësimi i shkëmbimit të produkteve në mbarë botën.

“Standardizimi është një ngjarje transformuese në historinë e njerëzimit, ngjarje e cila ka origjinën nga nevoja për një sistem të unifikuar global, qëllimi i së cilit është lehtësimi i shkëmbimit të produkteve dhe shërbimeve në mbarë botën. Standardet ndërkombëtare i konformitetit këtë viti fokusohet ne rëndësinë për mbështetje të teknologjive të përgjithshme të inovacionit. Qëllimi dhe avantazhet e standardizimit janë cilësia e produkteve, standardet sigurojnë cilësi të lartë dhe konsistencë në prodhim. Kjo rrit besimin e konsumatorëve dhe reputacionin e bizneseve.

Butrinr Batalli nga Këshilli Profesional i Standardizimit, tha se standardet shtojnë cilësinë e qëndrueshmërinë dhe kanë rëndësi të madhe në tregjet ndërkombëtare duke krijuar mundësi të inovacionit, raporton EO.

“Rritja e vetëdijes është jetike për zbatimin dhe kuptimin e rëndësisë sepse është domosdoshme për vendin tonë. Standardet shtojnë cilësinë dhe qëndrueshmërinë dhe kanë rëndësi të madhe ndaj tregjet ndërkombëtare duke krijuar mundësi të inovacionit”.

“Është ndërlidhur një prej 17 objektivave që kanë të bëjnë me industrinë, inovacionin dhe infrastrukturës. Jemi duke jetuar në botën e teknologjike, andaj kohëve të fundit është bërë një unifikim në objektivave qëndrueshëm, pra promovimi i paqes mirëqenies për njerëzimin dhe planetin tonë. Dhe pikërisht standarde ndihmojnë në procesin e unifikimit duke krijuar siguri”, ka thënë Batalli.

Valbonë Dushi nga Departamenti i Industrisë, ka potencuar se për të pasur produkte të sigurta, Kosova duhet të ketë produkte me standarde ndërkombëtare.

“Nëse duam të kemi produkte të sigurta dhe ta zhvillojmë industrinë dhe të kemi qëndrueshme duhet të kemi produkte me standarde në bazë të rregulloreve të standardeve ndërkombëtare. Kjo me qëllim që në fund të kemi produkte të sigurta që të konsumohen nga konsumatorët tanë”.

“Standardizim është e lidhur ngushtë në bazë të kësaj strategjie. Përmes kësaj donte eliminohet barrierat tarifore dhe jo tarifore që ndodhin. Sa i përket kornizës ligjore jemi duke punuar me listën e standardet”, ka deklaruar Dushi.

Zyrës së Prokurorit të Specializuar (ZPS) dhe mbrojtësit të viktimave do t’u lejohet të dorëzojnë parashtrime lidhur me kërkesën e Salih Mustafës për mbrojtje të ligjshmërisë në Kushtetuesen e Speciales.

Këtë vendim e ka marrë gjyqtari Vidar Stensland i cili do të pranojë kërkesat nga këto dy palët.

“Vendos që Këshilli i Viktimave mund të dorëzojë paraqitje të shkruara vetëm në masën që ka të bëjë me të drejtat e viktimave për të marrë pjesë dhe që këto paraqitje, nëse ka, nuk duhet të kalojnë 10 faqe”, thuhet në vendimin e ZPS-së.

Koha që Mustafa mund të dorëzojë kundërpërgjigje ndaj parashtrimeve të palëve është përcaktuar deri me 29 nëntor e që nuk duhet të kalojë 25 faqe.

Në seancën e dytë të Apelit ndaj Salih Mustafës në muajin shtator, Zyra e Prokurorit të Specializuar kishte prezantuar parashtrimet e veta lidhura me përcaktimin e dënimit.

“Në qoftë se provat nuk e vërtetojnë këtë, atëherë ju gjykatës duhet ta keni parasysh përkufizimin e synimit. Sipas nesh, provat në mënyrë të prerë vërtetojnë se zotëri Mustafa të paktën në mënyrë të qëllimshme shkaktoi lëndime të rënda me dijeni se kjo mund të çonte në vdekje”.

“Ka disa faktorë të aktgjykimi të cilat mund të nxjerrin në atë deduktim është prania e z. Mustafa në atë kompleks, kompleksi ishte i vogël, pjesëmarrja e tij e drejtpërdrejtë në keqtrajtimin e të burgosurve të tjerë përfshirë përdorimin e armëve të zjarrit, përdorimin e armëve të bejsbollit”, tha prokurori.

Sali Mustafa, i njohur me nofkën “komandat Cali”, akuzohet për ndalim arbitrar, trajtim mizor, torturë dhe vrasje të paligjshme të shqiptarëve.

Këto krime dyshohet se ishin kryer në kompleksin e ndalimit në Zllash në Kosovë, në prill të vitit 1999.

Ndryshe, aktakuza ndaj Mustafës ishtë konfirmuar më 12 qershor 2020.

Në dhjetor të 2023-së, Salih Mustafës i ishte zvogëluar dënimi nga Paneli i Gjykatës së Apelit në Dhomat e Specializuar të Kosovës.

Më 19 tetor, në një vilë në Novobërdë është dhunuar një grua. Lajmin e bëri të ditur dje Policia përmes raportit 24 orësh.

Aty thuhej se viktima është dërguar në strehimore.

“DHUNIM- Novobërdë / 19.10.2024 – 22:00. Dyshohet se rasti ka ndodhur në një vilë. Me vendim të prokurorit viktima është dërguar në strehimore dhe rasti është duke u hetuar.”

Në një përgjigje për Gazetën Express Prokuroria Themelore në Gjilan ka thënë se kanë autorizuar policinë që të ndërmarrin veprime hetimore që të identifikohen të dyshuarit.

Prokuroria shton se me urdhër të prokurorit e dëmtuara është dërguar në ekzaminim gjinekologjik.

Rasti po hetohet.

“Ju njoftojmë se Prokuroria Themelore në Gjilan, Departamenti për Krime të Rënda ka autorizuar policinë që të ndërmarrin veprime hetimore, në mënyrë që të identifikohet/en kryesësi/it e kësaj vepre penale. Nga prokurori kujdestar rasti është kualifikuar si ‘’Dhunim’’ dhe me urdhër të prokurorit e dëmtuara është dërguar në ekzaminim gjinekologjik. Rasti në procedurë hetimore”, thuhet në përgjigjen e Prokurorisë në Gjilan për Express.

Sinjali raporton se viktima është një 19 vjeçare e cila kishte shkuar me shokë e shoqe në vilën ku ndodhi rasti.

Gjatë periudhës sa ata kanë qëndruar në vilë, njëri prej tyre po dyshohet se ka kryer marrëdhënie seksuale me viktimën, pa dëshirën e saj.

Bazuar në dëshminë e vajzës dhe rrëfimit që e ka dhënë, ajo dhe miqtë e saj kishin shkuar të dehur atje, pasi fillimisht kanë qëndruar në një lokal në Gjilan.

Sipas Sinjalit pasi ndodhi rasti, i dyshuari e ka dërguar viktimën në Gjilan dhe e ka lënë diku në një rrugë.

Në të hyra vjetore për kokë banori qytetari i Kosovës është 99% më poshtë një qytetar i Malit të Zi.

Kështu i nxori krahasimet në shifra njohësi i çështjeve të ekonomisë, Shenoll Muharremi.

Pas prezentimit të shifrave, Muharremi shtroi këtë pyetje: “Nëse jemi kaq të mirë me qeverisje dhe kaq të mencur e efikas, pse jemi kaq të varfër kur krahasohemi me tjerët?”.

Postimi i plotë:

Si po jetonë qytetarët kosovarë krahasuar me rajonin?

Më së miri e kupton gjendjen se ku je kur krahasohesh me fqinjët tu në rajon. Nga raportet e Bankës Botërore shifet që në rajon, BPV për kokë banori është mesatarisht $8,967. Kaq është vlera mesatare e ekonomisë për një qytetar. E kosovarët duket që e kanë gjendjen më të papërshatshme në rajon. Në Kosova GDP per capita (PBV për kokë) është vetëm $6,142. Kjo i bie 46% nën mesataren e rajonit (Ballkanit Perendimor) dhe 99.5% më e ulët sesa vlera më e lartë e rajonit që ka Mali i Zi.

Në parim, ky nuk do të ishte dicka e re, për shkak se gjendja duket e ngjashme me vite kështu. Kosova ka bazë të ulët të ekonomisë dhe ende asnjëherë nuk ka investuar seriozisht në fuqizim të sektorit privat dhe bizneseve. Potenciali i saj ekonomik është ende i patestuar. Biznese i janë marrë taksat dhe nuk i është kthyer ajo që i bënë më të fortë më konkurres.

Por ky grafikon tregon dhe është një paqyrë e asaj cfarë thotë raporti i Bankës Botërore. Mund të jetë një krahasim edhe për narrativin e KM dhe qeverisë kur thonë ‘kemi pasur rritje 30%’ ‘kemi punësime’ ‘kemi bërë rekode’… Këtu ndodhta do të duhej të bëhej një pyetje thelbësore: “nëse jemi kaq të mirë me qeverisje dhe kaq të mencur e efikas, pse jemi kaq të varfër kur krahasohemi me tjerët?’.. dhe nuk po krahasohemi me europianë, por me vende e rajonit këtu afër.