Author: ATVLive

Fondi për të Drejtën Humanitare në Kosovë ka bërë prezantimin e librit me poezi “E gjihkohshmja Andërr”, nga autorja Donika Dabishevci, raportin EO. Poetja Dabishevci ka lexuar poezi të përzgjedhura nga libri, dhe tutje është vazhduar me një bisedë me autoren rreth ballafaqimit me të kaluarën nëpërmjet krijimeve artistike.

Sipas saj, libri “E gjithkohshmja Andërr” është i ideuar si homazh poetik kushtuar viktimave civile të luftës ku një kapitull i dedikohet edhe fëmijëve në luftë gjë që ndërthuret me ekspozitën “Na ishte një herë që kurrë mos qoftë”.

Ajo sqaroi se ky libër me poezi flet për përjetimet e luftës, për të vrarët, për refugjatët, për shtëpitë e braktisura, për varfërinë, për shkatërrimin që sjell lufta dhe përmbyllet me poezinë “Gja s’ka ndrrue!”, duke reflektuar edhe në luftërat që po ndodhin tani nëpër botë.

“Secila poezi i kushtohet luftës, mizorisë së luftës, është shpresa që mbetet gjallë, pikërisht kjo dëshirë për me mbet gjallë. Andrra për me mbet gjallë”.

“Ky libër vjen 24 vjet pas luftës, unë kam menduar që me krijuar një farë distance emocionale, jetike prej kohës së luftës në mënyrë që me i përjetuar ato emocionet sepse secili prej nesh ndoshta i ka përjetuar ato emocionet i kanë edhe ato traumat brenda”, tha autorja Dabishevci.

Ky libër sivjet u vlerësua si libri më i mirë me poezi në Panairin e Librit në Prishtinë. Donika Dabishevci është, poete, studiuese e letërsisë dhe botuese. Ka doktoruar në letërsi, ndërsa përvoja e saj profesionale shtrihet përveç fushës artistike edhe në atë akademike dhe të medias.

Ka botuar librat: “Dashnisë së nji nate” (poezi, 2020); “Kam me ardhë si deka”, (poezi, 2015); “Proza e poetizuar- F.Konica, M.Frashëri, E.Koliqi, M.Camaj, M.Hanxhari” (studim monografik, 2015), “Imazhe të brishta”( poezi, 2004), “Krizantema të plasura” (poezi,1996) etj, ndërsa poezitë e saj janë të përkthyera në 11 gjuhë.

Shefi i GP të LDK, Arben Gashi ka njoftuar se ka thirrur për nesër seancë të jashtëzakonshme.

Gashi u shpreh se kjo kërkesë erdhi për të adresuar skandalet në KEK.

Postimi i plotë:

Të nderuar/a,

Në emër të 43 deputetëve të nënshkruar, kam thirrur seancën e jashtëzakonshme, e cila do të mbahet nesër në orën 12:00. Kjo kërkesë është bërë për të adresuar skandalet në Korporatën Energjetike të Kosovës (KEK), që kanë ngritur shqetësime të mëdha për publikun dhe institucionet.

Sindikata e Re e KEK-ut ka bërë të ditur se sot patën një tubim në Termocentralin Kosova A, në të cilin është diskutuar për protestën që pritet të mbahet nesër.

Në njoftimin e lëshuar në Facebook është thënë se është marrë mbështetje e jashtëzakonshme nga punëtorët për këtë protestë në takimin e sotëm. Protesta do të mbahet duke filluar nga ora 11:00 para zyrave të KEK-ut.

“Jemi të vendosur për të kërkuar: Rritjen e pagave për të gjithë punëtorët, pagesën e rrezikshmërisë për ata që punojnë në kushte të vështira, dhe pagesën e fundjavës për punëtorët me ndërrime, siç e kërkon ligji”.

“Mos harroni, kjo protestë është për të drejtat dhe dinjitetin tonë si punëtorë të KEK-ut! Është koha të tregojmë që kërkesat tona janë të drejta dhe të merituara. Secili zë i juaji ka rëndësi dhe bashkimi ynë është arma jonë më e fuqishme!”, thuhet në njoftim.

Shefi i Zyrës së Bashkimit Evropian në Kosovë, Aivo Orav, ka mirëpritur të hënën prokuroren e specializuar Kimberly West.

Me anë të një postimi në rrjetin social “X”, Orav thotë se në takimin me West ka theksuar rolin e rëndësishëm të zyrës së saj në sigurimin e përgjegjësisë për krimet e rënda.

“Mirëprita të hënën prokuroren e specializuar Kimblery West, e cila vizitoi Kosovën. Theksova rolin e rëndësishëm të zyrës së saj në sigurimin e përgjegjësisë për krimet e rënda dhe se Bashkimi Evropian në Kosovë në koordinim me EULEX-in do të vazhdojnë të mbështesin mandatin e saj”, ka shkruar Orav.

Prokurorja Speciale erdhi në Kosovë bashkë me zëvendësin e saj, Ward Ferdinandusse.

I welcomed on Monday Specialist Prosecutor Kimberly West, who visited #Kosovo.

I highlighted the important role of her Office in ensuring accountability for serious crimes and emphasized that @EUKosovo, in coordination with @EULEXKosovo, will continue to support its mandate. pic.twitter.com/GrJVbB4gns

— Aivo Orav (@AivoOrav) October 23, 2024

Në kuadër të takimeve vjetore të Fondit Monetar Ndërkombëtar dhe Bankës Botërore në Uashington, guvernatori i Bankës Qendrore të Kosovës Ahmet Ismaili u prit në takim nga zëvendësndihmës sekretari i Thesarit amerikan, Luyen Tran si pjesë e partneritetit ndërmjet BQK-së dhe Departamentit të Thesarit Amerikan.

Guvernatori Ismaili shprehu mirënjohjen e thellë për mbështetjen e palëkundur të Thesarit amerikan, veçanërisht me rastin e 25-vjetorit të themelimit të BQK-së. Ai vlerësoi rolin e rëndësishëm të Zyrës për Asistencë Teknike (OTA) të Departamentit të Thesarit në ndërtimin e një banke qendrore të fortë dhe të qëndrueshme për Kosovën, duke theksuar përpjekjet e vazhdueshme për të forcuar funksionet dhe kapacitetet e BQK-së.

“Përkushtimi i vazhdueshëm i Departamentit të Thesarit të SHBA-së ka qenë thelbësor për përparimin e misionit dhe kapacitetit tonë. Mbështetja juaj ka luajtur një rol kyç në fuqizimin e sistemit financiar të Kosovës, duke siguruar stabilitet, qëndrueshmëri dhe përputhshmëri me praktikat më të mira ndërkombëtare”, tha ai.

Ismaili theksoi se ky bashkëpunim ka qenë vendimtar në kornizën qeverisëse, rritjen e mbikëqyrjes rregullatore dhe forcimin e qëndrueshmërisë së sektorit financiar.

Ai gjithashtu ritheksoi përkushtimin e BQK-së për të ruajtur partneritetin e ngushtë me Thesarin e SHBA-së, ndërsa vazhdon të ndjekin iniciativa që do të sigurojnë rritje ekonomike dhe stabilitet financiar në Kosovë.

Ky takim shërbeu si një mundësi për të thelluar më tej bashkëpunimin dhe për të forcuar lidhjet ndërmjet BQK-së dhe Thesarit të SHBA.

Banka Qendrore e Kosovës mbetet e përkushtuar për të nxitur një sektor financiar të fortë, gjithëpërfshirës dhe të qëndrueshëm, me një vizion në përputhje me standardet dhe praktikat më të mira ndërkombëtare.

Sipas të dhënave të Agjencisë Evropiane të Kufirit dhe Rojës Bregdetare (FRONTEX), e ashtuquajtura “Rruga e Ballkanit Perëndimor”, që përfshin edhe Shqipërinë, këtë vit shënoi uljen më të madhe të emigrantëve të parregullt, krahasuar me të gjitha rrugët e tjera kryesore të migrimit drejt BE-së.

Sipas FRONTEX në nëntë muajt e këtij viti janë regjistruar rreth 17 mijë raste të emigrimit të parregullt në rrugën e Ballkanit Perëndimor, një rënie prej 79% krahasuar me të njëjtën periudhë të vitit të kaluar.

Pjesa më e madhe e emigrantëve të parregullt të evidentuar kanë qenë nga Siria, Turqia dhe Afganistani.

Sipas FRONTEX edhe numri i kalimeve të parregullta kufitare në Bashkimin Evropian nga të gjitha rrugët e migrimit të parregullt ra me 42%, në rreth 166 mijë raste në nëntë muajt e parë të këtij viti.

Rruga e Mesdheut Qendror regjistroi një rënie prej 64% në kalimet e parregullta kufitare, ndërsa kufiri tokësor lindor dhe rruga përmes Afrikës Perëndimore panë rritjet më të larta, përkatësisht me 192% dhe 100% të kalimeve të emigrantëve të parregullt drejt vendeve të Bashkimit Evropian.

Tri vendet kryesore të origjinës së emigrantëve të parregullt që kanë synuar vendet e Bashkimit Evropian, sipas të dhënave të FRONTEX, janë Siria, Mali dhe Ukraina.

FRONTEX tha se mbi tre mijë oficerë dhe personel janë vendosur në të gjithë Evropën, përfshirë dhe Shqipërinë për të ndihmuar në menaxhimin e kufijve të jashtëm të BE-së.

Sipas Analizës Strategjike të Riskut që FRONTEX publikoi pak kohë më parë për vitin 2024 “rrugët kryesore migratore, si ajo e Mesdheut Lindor, Qendror dhe Perëndimor dhe rruga e Afrikës Perëndimore, ka gjasa të ruajnë prurjet migratore të parregullta në të njëjtat përmasa edhe për vitet e ardhshme”.

Ndërkohë sipas analizës së FRONTEX, Ballkani Perëndimor, ndërsa ka shënuar rënie të ndjeshme në migrimin e parregullt, “vazhdon të jetë një rajon transit për trafikun e llojeve të ndryshme të drogës, të kontrabanduara ose të prodhuara në Evropë si kokaina, hashashi dhe droga sintetike”.

“Sekuestrimi i qindra tonëve drogë nga zbulimin i komunikimeve të koduara dhe mijëra arrestime në mbarë botën, treguan sipas Frontex një pamje alarmante të përmasave të krimit të lidhur me drogën në vitet e fundit”.

“Rrjetet e trafikut të drogës janë bërë më agresive, duke shfrytëzuar çdo mundësi për të bërë një fitim të shpejtë duke ofruar sasi gjithnjë e më të mëdha”, thuhet në analizën e Frontex. /VoA

Rreth 1.1 miliardë dollarë nga FMN kanë arritur tashmë në buxhetin e Ukrainës.

Këtë e raportoi kryeministri Denys Shmyhal përmes Telegramit, sipas Ukrinform.

“Përafërsisht 1.1 miliardë dollarë nga FMN kanë mbërritur tashmë në Ukrainë. Fondet do të përdoren për të mbuluar shpenzime të rëndësishme buxhetore të një natyre joushtarake”, shkroi ai.

Shmyhal vuri në dukje se Ukraina mori këstin falë rishikimit të pestë të suksesshëm të Fondit të Zgjeruar në shumën prej 15.6 miliardë dollarë.

“Ne i jemi mirënjohës Fondit për mbështetjen e vazhdueshme të Ukrainës. Tashmë po fillojmë punën e përbashkët për rishikimin e ardhshëm të programit”, shtoi ai.

Siç raportoi Ukrinform më herët, pothuajse 300 milionë, që Kanada ndau për Ukrainën, tashmë kanë arritur në buxhetin e shtetit./Ukrinform/

Prokurorja e Specializuar Kimberly West dhe Zëvendës-Prokurori i Specializuar Ward Ferdinandusse po vizitojnë Kosovën.

Kështu thuhet në njoftimin e Zyrës së Prokurorit të Specializuar.

“Prokurorja e Specializuar dhe zëvendësi i saj do të takojnë gjatë vizitës së tyre, ndër të tjerë, drejtuesit e organizatave ndërkombëtare dhe përfaqësues të vendeve anëtare të BE-së”, thuhet në njoftim.

West është Prokurorja e tretë e Specializuar, pas Smith i cili shërbeu si Prokuror i Specializuar në periudhën 2018-2022 dhe David Schwendiman, i cili shërbeu në periudhën 2016-2018.