Profesori Bashkim Rrahamni, në emisionin CONTEXT në ATV, deklaroi se sipas tij, nuk ka shqiptarë që është anti-amerikan.
“Kam pasur fatin me qenë pjesë e aktiviteteve dikur, sidomos para luftës me lobin shqiptaro-amerikan, i cili ka qenë diametralisht më i fuqishëm se lobi sot që është, i përçarë, i parcializuar, etj, por para se me shku atje, do të doja të them se për mua nuk ka kosovarë anti-amerikanë, s’ka shqiptarë anti-amerikan”, tha Rrahamni.
Byroja Federale amerikane e Hetimeve (FBI) tha të martën se pesë qendra votimi në disa shtete amerikane kanë qenë në shënjestër të kërcënimeve me bombë, dhe se shumica e kërcënimeve duket se vijnë nga domene ruse.
Së paku dy qendra votimi në shtetin e Xhorxhias u evakuuan për shkak të kërcënimeve, thanë zyrtarët. Por, ato u ripahën pas rreth 30 minutave, dhe tani autoritetet po presin një vendim të gjykatës për ta zgjatur kohën e votimit përtej kohës gjithëkombëtare të mbylljes së votimit në orën 19:00, për ta kompensuar kohën e humbur gjatë evakuimit.
Brad Raffensperger, sekretari i Shtetit i Xhorxhias, tha se prapa kërcënimeve me bombë qëndron Rusia.
“Duket se ata kanë filluar të bëjnë ligësi. Ata nuk duan që ne të kemi zgjedhje të mira, të drejta dhe të sakta dhe, nëse ai dalin të na nxisin të luftojmë kundër njëri-tjetrit, atëherë këtë e llogarisin si fitore”, tha Raffensperger për gazetarë.
FBI-ja tha në një komunikatë se asnjëri nga kërcënimet nuk është i besueshëm.
Vetëm Xhorxhia i ka pranuar më shumë se dy duzina kërcënime të rrejshme me bombë në ditën e zgjedhjeve, tha një zyrtar i FBI-së për Reuters.
Më herët gjatë ditës, zyrtarët e inteligjencës amerikane dhe ata të sigurisë e akuzuan Rusinë dhe Iranin për intensifikimin e sulmeve kibernetike dhe fushatave dezinformuese, që thanë se synojnë të ndjellin përçarje, teksa amerikanët votojnë në zgjedhjet e tensionuara presidenciale.
Aktorët e ndikimit, të lidhur me Rusinë, “po krijojnë video dhe artikuj të rremë për të minuar legjitimitetin e zgjedhjeve, për të nxitur frikë te votuesit sa i përket procesit zgjedhor dhe duke sugjeruar që amerikanët po përdorin dhunë ndaj njëri-tjetrit për shkak të preferencave politike”, u tha në njoftimin e lëshuar më 4 nëntor nga Zyra e drejtorit të Inteligjencës Kombëtare, Byroja Federale e Hetimit dhe Agjencia për Siguri Kibernetike dhe Siguri të Infrastrukturës.
“Këto përpjekje rrezikojnë të nxisin dhunë, përfshirë ndaj zyrtarëve zgjedhorë”, thanë këto agjenci.
Agjencitë e inteligjencës në SHBA për muaj të tërë kanë paralajmëruar se ka përpjekje të mbështetura nga Qeveria ruse për të ndikuar në zgjedhjet amerikane, ku po përballen ish-presidenti republikan, Donald Trump, dhe nënpresidentja demokrate, Kamala Harris.
Sondazhet para zgjedhjeve sugjeruan se gara do të jetë e ngushtë, duke rritur tensionet, teksa votuesit iu drejtuan kutive të votimeve pas një fushate të ashpër.
Si Teherani, ashtu edhe Moska kanë mohuar se luajnë rol në ndonjë fushatë dezinformuese gjatë zgjedhjeve presidenciale amerikane./REL
Analisti Lavdim Hamidi, në emisionin CONTEXT në ATV, duke përmendur raportet që kryeministri Kurti kishte me Grenellin, tha se rikthimi I Trupit në Pushtet do ta rrezikojë pushtetin e Albin Kurtit.
“Çka ndodhi me neve që s’u rreshtum krah një kandidati që në zgjedhjet e fundit, kur kryeministri Kurti ishte në krajh të një kandidati, pat thënë që ky. E pa gabimin, e pa që nuk bon sepse nuk po dihet, gara është shumë e ngushtë mes dy kandidatëve edhe mundet me u rikthy Trumpi. Realisht, rikthimi i Trumpit e rrezikon shumë pushtetin e Albin Kurtit, pasi që në Kosovë, dihet raportet e tij me Grenellin”, tha Hamidi.
Ekonomisti nga Londra, Emanuel Bajra, në një lidhje të drejtpërdrejtë në emisionin CONTEXT në ATV, duke komentuar zgjedhjet ne SHBA, tha se në rast se do të fitojë presidenën Donald Trupi, politikat siç i quan ai të vogla, do të më tepër aspekte transaksionale sesa aspekte të interesit amerikan.
“Ne historikisht kemi qenë pjesë hemisferës së influencës amerikane që nga koha e Reganit me lobin shqiptario-ameriakn gjatë viteve 80-ta, ku çka u ndërtua atëherë me George Bushin e vjetër, njohja e pavarësisë nga George Bushi i ri në vitin 2008, por ajo hemisferë është dobësuar tani, për shkak të prioritetet e Amerikës janë ndryshu. Amerika tashmë frikë e ka qasjen e teknologjisë në pronën intelektuale të veten që po ia merr Kina, kjo është sfidë shumë e madhe për Amerikën. Këto krizat e vogla ose politikat e vogla apo gjeopolitikat e vogla të Ballkanit ose të Ukrainës etj, pa marrë parasysh që për ne nuk janë të vogla, por për administratën e Trupit do të jenë më tepër aspekte transaksionale sesa aspekte të interesit amerikan”, tha Bajra. /atvlive.tv
Zarko Puhovski, një analist politik kroat i ka bërë shumë politikanë të atjeshëm nervozë kur ka vlerësuar se për popullin kroat, zgjedhjet presidenciale amerikane janë më të rëndësishme sesa zgjedhjet presidenciale kroate.
Për zgjedhjet në Amerikë sot shkruajnë e flasin i madh e i vogël, pjesërisht për shkak se bota është në udhëkryq historik dhe në situatën më të ndërlikuar në 35 vitet e fundit dhe pjesërisht për shkak se zgjedhjet e kaluara kanë vënë në rrezik një nga gurët themeltarë të demokracisë amerikane – transferin paqësor të pushtetit.
Ka qenë standard politik që pavarësisht se sa e ashpër, sa përçarëse, sa intensive është fushata, kurr përfudnojnë zgjedhjet, numërohen votat, prnaoheet fituesi dhe bëhet transfer paqësor i pushtetit.
Kjo nuk ndodhu pas zgjedhjeve të kaluara. Trump nuk e pranoi humbjen, masa e përkrahësve të tij shkaktoi trazirat e 6 janarit dhe me qindra zyrtarë të lartë, kongresmenë, guvernatorë dhe zyrtarë të tjerë të lartë, u pozicionuan si “mohues të rezultateve”, ose election deniers.
Bota i ka sytë kah Amerika, jo vetëm pse është shteti më i fuqishëm në botë që mund të përcaktojë kah shkon politika globale, por edhe për shkak se qendrat tjera të fuqisë, Kina, Rusia, Irani, nuk kanë transfer paqësor të pushtetit.
Në Kosovë pas luftës ka qenë një standard i instaluar, e ai standard është që në pushtet vjen nëpërmjet zgjedhjeve, jo nëpërmjet formave tjera. Prej 2014-ës po ashtu, standardi kosovar ka qenë që zgjedhjeet tek ne janë më fer, më mirë të organizuara, më mirë të mbikëqyrura dhe më pak të kontestuara sesa kudo tjetër në Ballkan.
Për vendosjen e këtij standardi kanë kontribuar shumë faktorë. Prania ndërkombëtare politike që ka vendosur disa standarde, vullneti politik i partive që të mos deformojnë deklarimin e popullit, gatishmëria e partive që të ruajnë votën, shoqëria civile shumë aktive dhe me ndikim, profesionalizmi i Komisionit Qendror të Zgjedhjeve, vetëdija e lartë dhe profesionalizmi i mediave, dhe kuptohet – respektimi i vendimeve të Gjykatave e mbiii të gjitha – dëshira burimore e këtij populli për demokraci, për zgjedhje të lira e demokratike si shtyllë e demokracisë.
Kjo dëshirë për demokraci ka bërë që liderët që kanë udhëhequr luftën, të mos votohen për të udhëhequr shtetin, që ata që e kanë kallur dhe sulmuar shtetin të mos votohen derisa ta pranojnë atë dhe të sillen në mënyrë të civilizuar, që askush të mos e marrë vullnetin popullor si punë e kry’me.
Mirëpo, Amerika për herë të dytë është në situatë kur rrezikohet transferi paqësor i pushtetit. Në duhet të sigurohemi që Kosova në këtë situatë të mos bijë aas për herë të parë!
Nëse edhe zgjedhjet nuk i orrganizojmë sipas ligjit dhe nëse nuk veprohet sipas ligjit pasi të dihen rezultatet e zgjedhjeve, kjo shoqëri do të mbetet pa kompas moral.
Kosova është bërë shtet që nuk respekton marrëveshjet ndërkombëtare, nuk respekton vendimet e Gjykatës së vet Kushtetuese dhe kohëve të fundit nuk respekton as liri të shprehjes dhe standarde të mediave.
Në Kosovë dhe në botë, në momentin që budallët përbëjnë shumicën në emisione për politikë, sport dhe aktualitet, në momentin kur rrjetet sociale dhe reality shoëet bëhen strehë e dhunës, prostitucionit dhe krimit, atëherë humb besimi në media.
Humbja e besimit në media për shoqërinë tonë është problematik, meqë besimin e kemi shumë të ulët edhe në gjykata.
Në këto raste besim ka në poltiikë dhe në religjion dhe as politika, e as religjioni nuk janë kompas shoqëror, në një vend demokratik.
Nëse klasa politike ndjell mosbesim të sistem të drejtësisë në Kosovë, që është i keq, ama është më i miri në rajon, Nëse klasa politike sulmon mediat, që janë të këqija, por janë më të mirat në rajon, atëherë i hapet rrugë ekstremeve dhe kur i hapet rrugë ekstremeve normalizohen budallët, dhunuesit dhe mashtruesit.
Në Kosovë fushata ka filluar, edhe pse në mënyrë zyrtare fushata fillon në janar. Gjatë fushatës ddo të jetë premtime për rritje të rrogave, shtrim të rrugëve, ndërtim të shkollave, çerdheve, fabrikave, stadiumeve, bazeneve, spitaleve, ambulantave, termocentraleve, ujësjellësve, bibliotekave, teatrove, etj etj. Kuptohet, shumica janë rrena, janë qyfte, sepse i njohim politikanët në Kosovë.
Do të ketë akuza, skandale, kërcënime, lajme të rrejshme, manipulime mediale e shumë çka tjetër.
Mirëpo, cka nuk duhet asnjëherë të harroni si votues të Kosovës është se Kosova ka kushtetutë që specifikon përbërjen e Kuvendit nga shqiptarët dhe komunitetet tjera, ka vendime të Gjykatës Kushtetuese që saktë e përshkruajnë dinamikën pas zgjedhore, ka ligj për zgjedhjet, ka traditë të organizimi të zgjedhjeve me sukses dhe mbi të gjitha ka TRADITË TË PRANIMIT TË REZULTATEVE dhe kur rezultatet kanë imponuar një gjë të tillë, edhe traditë të DORËZIMIT PAQËSOR TË PUSHTETIT.
Ky është standardi që Amerika e ka madhëruar, krejt bota demokratike e synon, e Kosova nuk duhet ta humbë!
Përgatiti: Nora Luta
Ish-komandant i UÇK-së për Zonën Operative të Nerodimes, Shukri Buja, në seancë të hapur për publikun e ka vazhduar dëshminë të martën, në gjykimin ndaj Thaçit dhe të tjerëve.
Para trupit gjykues të Gjykatës Speciale, Buja ka folur rreth rolit të shtabit të përgjithshëm të UÇK-së, dhe kontaktet mes zonave, dhe krijimit të brigadave.
Buja tha se gjatë 1998-s nuk kishin pasur dijeni se kush ishin anëtarët e shtabit, por vetëm mund të supozonin.
Buja pasi tha se gjatë 1998-s ishte përhapur propaganda se ai nuk po merrte pjesë në luftime, njësoi sikurse Jakup Krasniqi për të cilin thuhej se iku drejt Shqipërisë me një shumë të hollash.
Ndaj pyetjeve të ZPS-së, nëse Buja ka mbajtur kontakte me ish-presidentin, pati vërejtje mbrojtja e Thaçit.
“Alex Wihting në gjykimin ndaj Fatmir Limajt e ka përdorur këtë si bazë për ta deklaruar Fatmir Limajn si armiqësor dhe ai ka thënë më 2003 se ai ka mbajtë kontakt me Shtabin e Përgjithshëm përmes Limajt”, tha Luka Misetic, avokat i Hashim Thaçit.
Gjykimi ndaj Thaçit dhe të tjerëve do të vazhdojë edhe të mërkurën.
Përgatiti: Arian Hajdaraj
26-vjeçari i cili dyshohet se dhunoi seksualisht një 9-vjeçare në komunën e Pejës, u paraqit në Gjykatë në mëngjesin e së hënës.
Ndaj tij, ky institucion e vendosi masën e sigurisë prej 30 ditësh paraburgim, bazuar në kërkesën e Prokurorisë, e cila ka dyshime të bazuara mirë për veprimet e të pandehurit.
“Janë ndërmarrë veprime hetimore, fillimisht është arrestuar i dyshuari, e pastaj viktima është dërgu për trajtim mjekësor”, tha zëdhënësi i Prokurorisë Themelore në Pejë, Shkodran Nikçi.
Ngjarja dyshohet të ketë ndodhur vetëm një ditë para se i dyshuari të arrestohet.
“Viktima për momentin është në gjendje stabile shëndetësore…”, tha Nikçi.
Lidhur me këtë rast, gjatë ditës është deklaruar edhe Avokati i Popullit, sipas të cilit dhuna seksuale ndaj të miturave është trend në rritje.
“Para dy muajsh kemi mbajtur takim me akterët që trajtojnë dhunën seksuale. Kemi siguruar edhe një statistikë, gjendja është alarmante, numri i rasteve të dhunimit të vajzave të reja është trend në rritje dhe gjendja është shqetësuese”, tha Naim qelaj, Avokat i Popullit.
Ndërkaq, gjatë të martës, Policia njoftoi se vazhdon ta kërkojë një person, i cili dyshohet për ngacmim, duke publikuar fotografinë e tij, derisa një person u arrestua në Mitrovicë të Veriut për përdhunim.
Përgatiti: Teuta Arifaj
Tashmë miliona amerikanë e kanë hedhur votën në zgjedhjet presidenciale.
Ndonëse, bazuar në sondazhe, fituesi i këtyre zgjedhjeve nuk dihet, megjithatë një gjë është e sigurt se demokrates Kamala Harris apo republikanit, Donald Trump, i duhen 270 vota elektorale për të fituar.
Sipas sistemit amerikan, nuk është vota popullore ajo që përcakton se kush do të jetë president, por Kolegji Zgjedhor prej 538 anëtarësh, në të cilin secili shtet ka një numër të përcaktuar të zgjedhësve, që është numër i barabartë me numrin e përfaqësuesve që shtetet kanë në Kongres.
Por, rol të madh në këto zgjedhje si gjithmonë do të kenë edhe shtetet e njohura si të papërcaktuara. Arizona, Georgia, Michigan, Nevada, Karolina e Veriut, Pensilvania dhe Wisconsin, janë vendimtare për zgjedhjen e presidentit të 47-të të shtetit më të fuqishëm në botë.
Qendrat e votimit u hapën në orën 11:00, sipas kohës lokale në Kosovë në disa shtete lindore dhe votimet do të vazhdojnë deri në orët e mbrëmjes, në shtetet që ndodhen në perëndim të Shteteve të Bashkuara.
Trump po garon për herë të tretë, pasi humbi zgjedhjet më 2020, ndaj presidentit aktual, Joe Biden, i cili u tërhoq nga gara presidenciale në korrik, pasi sondazhet treguan se ai kishte pasur paraqitje të dobët gjatë debatit me Trumpin dhe kishte shqetësime lidhur me moshën e tij.
Zëvendësimi i tij nga radhët e demokratëve, Harris, nëse zgjidhet do të bëhej gruaja e parë presidente e SHBA-së dhe personi i parë me prejardhje nga Azia Jugore.
Më shumë se 77 milionë votues tashmë kanë votuar, por zgjedhjet e 5 nëntorit do të jenë test kritik se cili kandidat ka bërë punë më të mirë për të bindur mbështetësit e tyre që të votojnë.
Harris tashmë ka votuar përmes postës. Trump planifikon të votojë në Florida në ditën e zgjedhjeve.
Përgatiti: Krenare Mulliqi
80-vjetori i çlirimit të Shqipërisë dhe 25-vjetori i çlirimit të Kosovës i bëri bashkë.
Ambasada e Republikës së Shqipërisë në Kosovë, këto dy data i shënoi me një ligjëratë rreth rolit të diplomacisë shqiptare në Konferencën e Rambujesë dhe ndërhyrjes së NATO-s në Kosovë”.
Mysafir nderi ishte historiani e politikani, Paskal Milo.
Vendimet u vlerësua se nuk ishin vetëm politike, por pikë kthese për aspiratat e lirisë.
E ambasadori i Shqipërisë në Kosovë tha se përvjetori i çlirimit i bën që të reflektojnë për vetëvendosje e për unitet të vendit.
E lëvdatat për Paskal Milon nuk munguan.
Të pranishëm në ligjëratë ishin edhe shkrimtarë e figura të shquara, si Lulzim Tafa e Veton Surroi.
Përgatiti: Fatlum Jashari
Nga 2 Nëntori, Ilir Murseli nuk është më drejtor për Transformim të Kryeqytetit.
Burime i thanë televizionit se ai është shkarkuar nga kjo pozitë dhe se drejtor i ri është emëruar Gëzim Kastrati.
Por, vetë Murseli, i cili është arkitekt, në një përgjigje për ATV-në, tha se nuk bëhet fjalë për shkarkim.
“Nuk jam shkarkuar. Unë kam dalë, e kam lënë. Nuk është as dorëheqje, sepse për dorëheqje duhet të kesh arsye. Unë jam tërhequr, thjesht shkaku i punëve të mia. Jam liruar nga detyra, me kërkesë timen dhe në pajtim me kryetarin”, tha Murseli.
Burime i thanë televizionit, po ashtu, se një pjesë e drejtorëve nga radhët e LDK-së janë të frikësuar se mund të shkarkohen.
Nënkryetari i Prishtinës, Alban Zogaj, i cili është anëtar i kryesisë së Lidhjes Demokratike, nuk u deklarua për këto ndryshime.
“Nuk kam koment. Vetëm me kryetarin, ju lutem”, u përgjigj shkurt ai.
Por, i kontaktuar nga televizioni, kryetari Përparim Rama nuk u përgjigj.
Ndryshe nga fillimi i vitit kur kishte kumtuar emërimin, Rama nuk publikoi asnjë njoftim për ndryshimet tani.
Në kuadër të ristrukturimit të kabinetit qeverisës në Prishtinë, më 5 Shkurt 2024, kryetari Përparim Rama themeloi Drejtorinë për Transformim të Kryeqytetit dhe e emëroi drejtor Ilir Murselin – me synimin për t’i përshpejtuar projektet e mëdha.
Së fundmi, Komuna e Prishtinës po përballet me vështirësi në miratimin e projekt-buxhetit për vitin 2025 – pasi në tri raste seancat e asamblesë kanë dështuar.