Presidentja Vjosa Osmani sot do të pret në takim lamtumirës ambasadorin e ShBA-së në Kosovë, Jeffrey Hovenier.
Pas takimit ata do të bëjnë homazhe te shtatorja e ish-presidentit historik, Ibrahim Rugova.
Pas homazheve, Osmani dhe Hovenier do të deklarohen për media.
Deputeti i PDK-së, Ardian Kastrati, në emisionin CONTEXT në ATV, ka shprehur shqetësim të thellë për rritjen e emigrimit nga Kosova.
Sipas Kastratit, mungesa e vendeve të punës është shkaku kryesor i këtij fenomeni.
“Dhe emigracioni pse bëhet pyetja themelore, është kjo: sepse nuk ka vend në të reja të punës”, deklaroi Kastrati.
Duke përdorur të dhëna statistikore për të ilustruar shkallën e problemit, ai tha se Kosova ka pësuar një rënie të konsiderueshme të popullsisë në vitet e fundit.
“Po të gjykojmë nga njëqind e tridhjetë e sa mijë banorë më pak, mirëpo nëse merret lindja, trendi lindjeve minus vdekjet, atëherë do të kishte pasë mundësi të ishin 2 milionë […] ti sot i ke potencialisht katërqind mijë më pak”, shtoi ai.
Kastrati ka lidhur emigrimin direkt me keqqeverisjen dhe mungesën e mundësive ekonomike në vend.
“Këto së bashku me këtë 200 mijë afërsisht që kanë emigru dhe kanë emigru shumë si është shumë qartë për shkak të keqqeverisjes në rastin e parë apo të mos qeverisjes hiç në rastin e dytë”, tha deputeti Kastrati.
Intervistën e plotë të tij në emisionin CONTEXT në ATV, e gjeni në videon më poshtë:
Drejtori i Përgjithshëm i ASK-së, Avni Kastrati, në emisionin CONTEXT në ATV, tha se ASK-ja i ka publikuar të dhënat e regjistrimit të popullisë për një kohë rekorde, gjë që e cila, sipas tij nuk është vlerësuar nëpër media.
“Sipas rekomandimit që i publikon në EUROSTAT-i, thotë dhënat e para finale, po në Ligje kemi ne, publikohen 15 muaj pas datës së regjistrimit. Kështu që, kësaj here, atë kohën që kemi humb pak me prolongimin, e kemi kompensuar me publikimin pas shtatë muajsh. Është një e arritur, që nuk është vlerësu nëpër media, sepse jemi të paktë në Evropë që i kemi publiku të dhënat për një kohë kaq të shkurtër”, tha Kastrati.
Ai tha se jo të gjitha të dhënat që grumbullohen në terren, janë të verifikueshme kur vijnë nga terreni.
“Ne kemi publiku vetëm disa të dhëna finale, që është një praktikë, është një standard që e përdorin të gjitha shtetet, po jo të gjitha për shembull i publikojnë shumë indikatorë në të dhënat e para finale. Po e marrim këtu në regjion, Mali i Zi i ka publiku vetëm dy indikatorë, numrin e popullsisë dhe sipas përkatësisë etnike, sepse është një protokoll që publikimi i dhënave finale, pasi statistikat zyrtare nevojitet kohë domethënë përpunimi i tyre, verifikimi dhe krahasimi me burime tjera. Jo të gjitha dhënat që grumbullohen në terren, janë të verifikueshme kur vijnë nga terreni”, tha Kastrati.
Intervistën e plotë të tij në CONTEXT në ATV, e gjeni ën videon më poshtë:
Deputeti i Kuvendit të Kosovës nga LDK, Besian Mustafa, në emisionin CONTEXT në ATV, duke folur për zgjidhjen e problemit të energjisë, përmendi se LDK e ka në plan program që brenda mandatit katër vjeçar, Kosovës do t’i shtohen një mijë megavat, 500 me erë dhe 500 përmes paneleve solare.
“Nuk i bën këto investime shteti… ka forma se si shteti në partneritet publiko privat, zhbllokon potencialin për sektorin privat që ai të investojë duke i garantu blerjen e asaj energjie elektrike me një çmim të paracaktuar”, tha Mustafa.
Intervistën e plotë të tij në emisionin CONTEXT në ATV, e gjeni në videon më poshtë:
Profesori i ekonomisë, Medain Hashani, në emisionin CONTEXT në ATV, duke komentuar programin e LDK-së me të cilin kjo e fundit do të garojë në zgjehjde, tha se ky program është i orientuar kryesiht kah shpenzimet dhe vetëm një pjesë paraqet të hyrat.
“E kam analizuar programin e LDK-së që e ka prezantuar, është program i cili është i orientuar kryesisht te shpenzime publike dhe vetëm një pjesë e paraqet tek të hyrat. Ne si financier që jemi, fokusi kryesor i një financieri është të analizojë se nga do t’i ketë të hyrat. Nëse gjykohet pjesa e buxhetit të Kosovës dhe programi i LDK-së që është, unë kam ba analizë për katër vitet e ardhme nga viti 2025 deri në vitin 2028, sa do të kishte mundësi me pasë kapacitet me këto të cilat janë prezantuar”, tha Hashani.
Bisedën e tij të plotë në emisionin CONTEXT e gjeni në videon më poshtë:
Deputeti i Kuvendit të Kosovës nga LDK, Besian Mustafa, në emisionin CONTEXT në ATV, tha se një pjesë e mirë e qytetarëve votojnë edhe për program, jo vetëm për liderin.
“Besoj që ka një pjesë të mirë të qytetarëve që votojnë edhe për program. Pra, jo vetëm për program, ka për votojnë për liderin, votojnë për ekipin, votojnë për frymën, votojnë për programin, por edhe programi është pjesë e arsyeve pse njerëzit votojnë një mandat tjetër”, tha Mustafa.
Intervistën e plotë të tij në emisionin CONTEXT në ATV, e gjeni në videon më poshtë:
Qe një temë e mirë – gazetarët e terrenit. Raportojnë nga situata të pakëndshme dhe të zorshme, dy vitet e fundit disa herë janë sulmuar ose rrezikuar dhe kutpohet ballafaqohen edhe me mosdifqa të cilëve duhet me ua palu: qe një shembull:
E para – shumë mirë prej Fatlumit që të paloi, kallëzoj vendin. E dyta, këtë punë nuk është dashur ta bëjë Fatlumi, o Alban.
Pak edukatë, do parime themelore të mirësjelljes, psh që pyetja nuk kthehet me pyetje, që gazetari bën pyetje, zyrtari përgjigjet e këso gjanash është dashur të ti mësojë nëna, baba, mësuesi, mësuesja, e jo mediat.
Po nejse, pse ti nuk je fort i sjellshëm, ose fort i dijshëm, është problem i atyre që jetojnë e punojnë me ty, jo i joni që raportojmë për këtë punë.
Mirëpo, interesante është për çka janë kah angazhohen ata që të kanë dërgu aty – pra Vetëvendosja, që ka kërkuar të shtyhet për tri ditë afati për regjistrim të votuesve nga diaspora, edhe pse ata i kanë pasur 120 ditë afat për regjistrim.
Hajde pra të flasim për votat nga diaspora.
Deri më tash janë lajmëruar rreth 100 mijë veta për votim dhe në mesnatë dihet numri final, më pas ata vërtetohen nga KQZ, atëherë kanë të drejtë vote.
Në letër 100 mijë veta nuk janë pothuajse asgjë, janë 5% e korpusit total elektoral, sepse kujtojmë që sivjet në lista zgjedhore janë 2 milionë votues.
Kjo është një huqje dhe tregim në vete. Pra, nëse Kosova i ka 1,5 milionë banorë rezidentë, e kështu po thotë ASK edhe nëse dihet se rreth 400 mijë banorë rezidentë janë më të rinj se 18 vjeç, pra nuk kanë të drejtë vote, i bie që në rastin më të mirë, janë rreth 1,2 milion votues rezidentë.
Edhe nëse janë lajmëruar 100K nga diaspora, jemi kah flasim për 1,3 milionë. Pse është kjo temë e rëndësishme. Për shkak se, nëse dihet që në zgjedhjet e 2021-ës, mbi 900 mijë veta kanë marrë pjesë në zgjedhje, që i bie që dalja REALE, nuk ka qenë rreth 50%, por shumë më shumë.
Pra, 1 milion e gjysmë banorë, 100 mijë të lajmëruar nga diaspora dhe mbi 2 milionë në listë zgjedhore. Tash, pse shteti nuk mundet dhe nuk di ta pastrojë listën e votuesve, pse ka komuna me më shumë votues sesa banorë, këto janë tema të mira, mirëpo, shteti është keq!
Pra, nëse i kemi rreth 100 mijë votues të diasporës dhe nuk është reale ti kemi më shumë se 800– 900 mijë votues, jemi kah flasim për një masë 11 – 12% të korpusit total elektoral, që votojnë nga diaspora, do të votojnë me postë, ose fizikisht në misione diplomatike.
Këtu nuk llogariten krejt ata që jetojnë jashtë dhe vijnë për të votuar FIZIKISHT në Kosovë në shkurt të vitit të ardhshëm, kjo më pas e ngritë përqindjen e tyre në totalin e votuesve.
Pra, diaspora është faktor serioz në zgjedhjet në Kosovë, është faktor që mund të jetë edhe përcaktues për rezultate.
Komisioni Qendror i Zgjedhjeve, ka dhënë afat 120 ditor për regjistrimin e votuesve nga diaspora dhe nëse këtë të drejtë e kanë shfrytëzuar rreth 100 mijë veta, dy talenta të Vetëvendosjes po mendojnë që duhet edhe tri ditë afat edhe nëse bilancin e 120 ditëve nuk mund ta rregullojnë për tri ditë, telashja qenka te gazetarët!
Nejse, nuk i kanë gazetarët, kjo po dihet në rregull jemi! Por, pse është diaspora interesante si kategori e votuesve, edhe mbi të gjitha pse është aq interesante, për Vetëvendosjen?
Zgjedhjet e vitit 2010, 706 mijë vota në kuti në total, 5 mijë aplikime nga diaspora vetëm 1460 vota të vlefshme, me fjalë të veta, 0,2% ndikimi!
Zgjedhjet e vitit 2014, 743 mijë vota në kuti, rreth 16 mijë aplikime nga diaspora, 10 mijë e 600 vota të vlefshme, pra rritje serioze, 1 për qind e gjysme e totalit!
Zgjedhjet e viti 2017, rreth 780 mijë vota në kuti, 15 mijë e 118 pako të fletëvotimeve, ndërsa 9 mijë e 157 prej tyre ishin aprovuar.
Zgjedhjet e vitit 2019, 826 mijë vota në kuti, 24 mijë e 523 pako të fletëvotimeve ishin pranuar, ndërsa ishin 13 mijë e 241 vota të pranuara, pa llogaritur ato nga Serbia.
Dhe zgjedhjet e vitit 2021, 903 mijë vota, 74 mijë pako të fletëvotimeve, ndërsa 53 mijë e 600 u aprovuan.
Pra, kemi ardhë prej 0,2 deri në 6% të totalit të votave edhe si dihet ky record mund të thyhet, nëse plotësohen dy parakushte.
I pari- që diaspora të votoj me rregull, edhe të ju pranohen votat, meqë po e shohim që mijëra vota të tyre nuk pranohen dhe I dyti – nëse në Kosova ja dalje më të ulur në zgjedhje, që për zgjedhjet e 2025-ës po duket e mundshme për shkak se ka MË PAK BANORË, më pak njerëz në Kosovë.
Nëse bash duam të merremi me rezultate, këtu ia nisë e bëhet përnjëmend interesant. Më 2021 nga 56 mijë vota me postë, 44 mijë I ka fituar Vetëvendosja!
Edhe një herë, nga 56 mijë, në total, 44 mijë ose 78 për qind e gjysmë një vota të Vetëvendosjes!
Nëse sivjet janë regjistruar gati 100 mijë veta, po e shohim pse diaspora mund të jetë faktor. Nuk janë të paktë ata që mendojnë që për me votu në këtë vend duhesh me pagu taksa këtu dhe diaspora s’duhet të ketë të drejtë vote.
Sipas kësaj logjike, mbi 40 mijë votues në veri, që nuk paguajnë taksa në Kosovë nuk do të duhej të kishin të drejtë vote, ama po e dimë që votat e tyre edhe I japin legjitimitet Listës Serbe dhe I japin sharm kësaj demokracie tonës multietnike.
A duhet të votojë diaspora? Duhet edhe mirë bile! A është dashur ti jepen tri ditë, pasi I janë dhënë 120 ditë standard? Jo! Afatet janë afate dhe ecim tutje!
A është problem pse diaspora mund tëjetë vendimtare? Prapë jo! Sivjet në Moldavia ka pasur referendum për ndryshime kushtetuese që mundësojnë që ky vend të anëtarësohet në BE? A e dini ka kanë votuar PRO? 50,35%! Kush ka qenë përcaktues? Diaspora!
Diaspora është faktor I rëndësishëm në zgjedhjet në Rumani, Gjeorgji e vende tjera, pra nuk është Kosova përjashtim! Regjistrimi mshelet sot, e për rezultate, flasim në shkurt!
Mënyra më e mirë për të mbrojtur veten është kujdesi për informacionin që ofroni – ChatGPT e pëlqen kur ju jeni personal dhe është krijuar për të përfituar sa më shumë nga ju.
Një histori rrëqethëse nga Florida e vërteton këtë. Megan Garcia mendoi se djali i saj 14-vjeçar e kalonte gjithë kohën duke luajtur video-lojëra. Ajo nuk e kishte idenë se ai po bënte biseda të thella, ndonjëherë të natyrës seksuale, me një chatbot të mundësuar nga aplikacioni Character AI.
Sewell Setzer III pushoi së fjeturi dhe notat e tij u përkeqësuan. Në fund ai u vetëvra. Vetëm pak sekonda para vdekjes së tij, thotë Megan në padi, boti i tha djalit të saj:
“Të lutem eja tek unë sa më shpejt, dashuria ime”. Djali e pyeti: “Po sikur të të them se mund të kthehem menjëherë në shtëpi?” Personazhi i tij bot i AI u përgjigj: “Të lutem, mbreti im i ëmbël”, historia e tmerrshme e një fati tragjik transmeton USA Today.
Duhet të jesh i zgjuar
Botët e inteligjencës artificiale janë në pronësi të kompanive të teknologjisë të njohura për shfrytëzimin e natyrës njerëzore të besueshme dhe janë krijuar duke përdorur algoritme që nxisin fitimet e tyre. Nuk ka ligje që rregullojnë atë që ata mund dhe nuk mund të bëjnë me informacionin që mbledhin.
Kur përdorni një chat-bot, ai do të dijë shumë për ju kur të hapni një aplikacion ose ueb sajt. Ai mbledh informacione rreth vendit ku jetoni nga adresa juaj IP, plus gjurmon gjërat që keni kërkuar në internet dhe ka qasje në çdo leje tjetër që keni dhënë kur “nënshkruat” termat dhe kushtet e chat-bot me një klik.
Mënyra më e mirë për të mbrojtur veten është të jeni të kujdesshëm në lidhje me informacionin që ofroni.
10 gjëra që nuk duhen thënë për inteligjencën artificiale AI:
1. Fjalëkalimet ose kredencialet e hyrjes
Një gabim i madh që mund t’ju kushtojë të dhëna konfidenciale. Nëse dikush ka qasje, ai mund të shkarkojë llogaritë tuaja brenda pak sekondash.
2. Emri juaj, adresa ose numri i telefonit
Chat-bot nuk janë krijuar për të trajtuar të dhënat personale. Pasi të ndahet, nuk mund të kontrollosh se ku përfundon ose kush e shikon. Përfshini një emër të rremë nëse dëshironi!
3. Informacion i ndjeshëm financiar
Asnjëherë mos përfshini numrat e llogarisë bankare, informacionin e kartës së kreditit ose sende të tjera monetare në dokumentet ose tekstin që shkruani. Mjetet e AI nuk janë kasaforta të sigurta – trajtojini ato si një dhomë plot me njerëz.
4. Të dhëna mjekësore ose shëndetësore
AI nuk përputhet me ligjet e kujdesit shëndetësor, kështu që ju lutemi ndryshoni emrin tuaj dhe informacione të tjera identifikuese nëse kërkoni këshilla shëndetësore nga AI. Privatësia juaj vlen më shumë se përgjigjet e shpejta.
5. Kërkimi i këshillave të paligjshme
Kjo është kundër kushteve të shërbimit të secilit robot. Mund të përfundoni me më shumë probleme nga sa kishit.
6. Gjuha e urrejtjes ose përmbajtje e dëmshme
Kjo gjithashtu mund të çojë në një ndalim. Asnjë chat-bot nuk është një terren trajnimi për përhapjen e anës negative ose dëmtimin e të tjerëve.
7. Të dhëna e besueshme të punës ose biznesit
Informacioni i pronarit, detajet e klientit dhe sekretet tregtare janë të ndaluara.
8. Përgjigjet për pyetjet e sigurisë
Ndarja e tyre është si hapja e derës së hyrjes për të gjitha llogaritë tuaja menjëherë.
9. Përmbajtje eksplicite
Çfarëdo që ndani, përpiquni ta bëni atë të përshtatshme për të gjithë. Shumica e chat-bot i filtrojnë këto gjëra, kështu që çdo gjë e papërshtatshme mund të çojë në një ndalim.
10. Të dhënat personale të të tjerëve
Shtypja e të dhënave personale të të tjerëve nuk është vetëm një shkelje e besimit, por edhe shkelje e ligjit mbi mbrojtjen e të dhënave. Ndarja e informacionit privat pa leje mund t’ju çojë në situatë ligjore nga e cila nuk do të dilni lehtë.
Përgatiti: Alma Hysenaj
Në institucionet publike shëndetësore, brenda këtij viti, mbi 3 mijë pjesëtarë të Policisë dhe Njësisë Speciale iu nënshtruan kontrolleve mjekësore sistematike dhe periodike, ndërsa mbi 2 mijë rekrutë të rinj iu nënshtruan kontrolleve mjekësore psikologjike.
Kjo është bërë e ditur nga Drejtori i QKUK-së, Osman Hajdari, i cili mes tjerash tha se për të njëjtit do të vazhdojnë shërbimet edhe në vitet në vazhdim.
“Ajo që është më e veçanta e këtij viti, për 150 për qind kemi shtim të pjesëtarëve policorë në shërbimin shëndetësor. Pavarësisht angazhimit si menaxhment,, falënderoj secilin pjesëtarë për shërbimet që kanë bërë. Me të gjitha organe që kemi bashkëpunim, të jenë në gatishmëri për të ofruar këto shërbime edhe në vitet vijuese”, tha Hajdari.
Veç kësaj, Hajdari potencoi se kategoritë e sistemit të sigurisë kanë prioritet, dhe se për ta evitohet lista e pritjes.
Ndërkaq duke vlerësuar përkushtimin e stafit mjekësor ndaj zyrtarëve policor, Drejtoresha e Shërbimeve Shëndetësore në Policinë e Kosovës, Lindita Kajtazi tha se bashkëpunimi me institucionet publike shëndetësore ka ndikuar pozitivisht në mirëqenien e tyre.
“Ofrimi i shërbimeve mjekësore kanë ndikuar në ruajtjen e mirëqenies shëndetësore të të gjithë pjesëtarëve, zyrtarëve të Policisë së Kosovës”, tha Kajtazi.
Në vitin 2023, Policia e Kosovës dhe Shërbimi Spitalor Klinik Universitar nënshkruan marrëveshje për dhënien e shërbimeve mjekësore me prioritet për zyrtarët policorë.
Përgatiti: Fatlum Jashari
Në mungesë kuorumi, dështoi mbledhja e Komisionit Qendror të Zgjedhjeve – në të cilën, mes tjerash në rend dite ishte njoftimi për afatin për aplikimin për regjistrimin të votuesve jashtë Kosovës.
Para mbylljes zyrtare së mbledhjes, kreu i KQZ-së sqaroi se në agjendë nuk ishte çështja e vendimit të Panelit Zgjedhor për Ankesa dhe Parashtresa për anulimin e vendimit KQZ-së për mos-certifikimin e Listës Serbe.
“Jo, jo. Lidhur me vendimin e PZAP-së, duhet të kalojë afati për ankesë dhe atëherë do ta trajtojmë në KQZ-së. Sot bëhet i plotfuqishëm vendimi”, tha kryetari i KQZ-së, Kreshnik Radoniqi.
Ndërkohë, përfaqësuesit e Lëvizjes Vetëvendosje në Komision akuzuan kolegët e tyre nga partitë opozitare për mos-pjesëmarrje të qëllimshme në mbledhje.
Edhe pse tha se ka mjaftueshëm dëshmi kundër Listës Serbe, duke folur në emër të dy anëtarëve të LV-së në KQZ, Sami Kurteshi, tha se ata nuk do të ankohen në Gjykatën Supreme ndaj vendimit të PZAP-së.
“Janë disa aspekte formale që i ka trajtua PZAP-ja sipas parimit, në letër gjithçka në rregull. Ne kemi shumë dëshmi dhe fakte për involvimin e Listës Serbe dhe anëtarëve të saj në veprime të dhunshme, terroriste kundër Republikës së Kosovës”, tha Kurteshi.
Ndërsa, në ditën e fundit të afatit 120 ditësh për regjistrim si votues jashtë vendit, anëtari tjetër partisë në pushtet, Alban Krasniqi, akuzoi opozitën se po ia mohon mërgatës të drejtën për votë – duke mos e zgjatur afatin edhe për tri ditë.
“Është një shkelje e të drejtës elementare dhe qytetare kjo qasje kështu, kjo mosdhënie e mundësisë së qytetare që të mund të realizojnë të drejtën e tyre për t’u regjistruar dhe votuar”, tha Krasniqi.
Afati për aplikimin për regjistrim si votues jashtë vendit ishte hapur më 29 Gusht dhe do të mbyllet në sekondën e fundit të 26 Dhjetorit.