Author: ATVLive

Kandidatja nga radhët e Partisë Demokratike të Kosovës (PDK) Besa Ismaili ka thënë se vetëm kjo parti e ka guximin, lidershipin, përkushtimin për kompetencën, si dhe mbi të gjitha synimin për të rikuperuar të gjitha dëmet e shkaktuara nga qeveria Kurti.

Në një intervistë për Ekonomia Online, ajo thekson se programi i kandidatit Bedri Hamza r ka edhe vizionin se si të dilet nga kriza në të cilën është katandisur Kosova dhe qytetarët e saj.

“Partia Demokratike e Kosovës, si parti e qytetarëve të Kosovës gjithë platformën e re politike e ka ndërtuar mbi nevojat politike dhe ekonomike të qytetarëve të Kosovës dhe kështu ka ardhur me një platformë dhe ekspertizë ekonomike për të adresuar interesat dhe nevojat e mëdha të qytetarëve të Kosovës. Këtë program do ta udhëheq Bedri Hamza i cili ka kompetencën, por ka edhe vizionin se si të dilet nga kriza në të cilën është katandisur Kosova dhe qytetaret e saj”, tha ajo.

Ismaili ka thënë se PDK-ja do të udhëheq me vendin dhe se qytetaret do ta rikthejnë besimin te platforma e cila, sipa saj është e bazuar në kompetencë dhe në ekspertizë.

“Mendoj që gjithë ky zhgënjim i madh i qytetarëve, gjithë kjo ndjesi e tradhtisë dhe të mashtrimit gjithsesi do të përkthehet në një mbështetje për atë platformë, për atë alternativë politike e cila është dëshmuar me kompetencë dhe mendoj që kjo është PDK-ja. Unë besoj që PDK-ja do të udhëheq me vendin dhe se qytetaret do ta rikthejnë besimin te platforma e cila është e bazuar në kompetencë, në ekspertizë dhe në realizmi të rezultateve të pritshmërive të qytetarëve”, tha ajo.

Sipas saj përgjatë rrugëtimeve edhe më të vështira të Kosovës në të kaluarën PDK-ja ka dhënë rezultate të prekshme.

“PDK-ja si rrallë ndonjë parti edhe në botë e ka një elektorat tepër besnik, për shkak të kauzave dhe mbi themelet të cilës është ngritur si krah politikë i UÇK-së. Unë mendoj që përveç elektoratit të vetë tradicional siç po e thoja votuesit e Kosovës do ta mbështesin platformën e PDK-së, pikërisht mbi saj të konfirmimeve përgjatë rrugëtimeve edhe më të vështira të Kosovës në të kaluarën PDK-ja ka dhënë rezultate të prekshme”, tha Ismaili.

Ajo ka theksuar se gjithë vlerat dhe kauzat e saj do t’i përkushtohen në mbështetje të familjeve në Kosovë të minatorëve, të rinisë, si dhe të grave.

“Natyrisht unë punën dhe përkushtimin tim e kam bazuar gjithmonë në të vërteten dhe në fakte si bazë është vendimi dhe qëllimi tim. Kauzat e mia nuk janë vetëm fjalë, por janë obligime morale dhe kombëtare. Misioni jonë absolut është Kosova, mbi të gjitha dhe çdo gjë që është në interesin e Kosovës. Nëse do t’i zbërtheja kauzat në veçanti, duke qenë se Kosova është e para sigurisht që kauza për Mitrovicën është kauzë e imja kombëtare, por edhe qytetarëve si një vendase e Mitrovicës, por edhe për faktin sepse konsideroj një mision nacional. Gjithë vlerat dhe kauzat që shkojnë në mbështetje të familjeve në Kosovë të minatorëve, të rinisë dhe të grave janë kauzat të cilat unë më konsistencë i kam ndjekur përgjatë rrugëtimit tim edhe civil edhe politik”, tha Ismaili.

Ajo theksoi se PDK-ja mbi të gjitha synon qeverisjen për të rikuperuar të gjitha dëmet e shkaktuara nga një qeverisje e tillë si e Albin Kurtit.

“Mendoj se VV-ja tash ka përmbytur vetveten, me gjithë çfarë ka ardhur në pushtet, me çfarë po shkon e që ka një diskrepac të madhe mes asaj se çfarë është premtuar dhe realizuar dhe nuk ka as një parti që do ta ketë të vështirë për ta përmbysur atë, por kjo është një fatkeqësi e madhe e Kosovës, por mendoj që vetëm PDK-ja e ka guximin, lidershipin, përkushtimin për kompetencën ,mbi të gjitha për të rikuperuar të gjitha dëmet e shkaktuara nga një qeverisje e tillë”, tha Ismaili.

Kreu i AAK-së, Ramush Haradinaj sot organizon pritje për veteranët e Ushtrisë Çlirimtare të Kosovës.

Këtë pritje, Haradinaj po e organizon në nderim të sakrificës për liri të popullit shqiptar dhe UÇK-së, në prag të Ditës së Veteranit.

Pritja nis nga ora 13:00.

Siguria në shkolla është gjithnjë e më e diskutuar në Komunën e Prishtinës, duke pasur parasysh rritjen e shqetësimeve për sigurinë e nxënësve dhe mësuesve.

Drejtoresha e Arsimit në Komunën e Prishtinës, Jehonë Sadriku-Lushaku, theksoi se siguria në shkolla ka shënuar progres, por ka ende hapësirë për përmirësime.

Në një intervistë për Ekonomia Online, Sadriu-Lushaku tha se situata e sigurisë ka qenë përgjithësisht e mirë, duke evidentuar vështirësitë që ndodhin ndonjëherë në disa shkolla.

“Në përgjithësi situata e sigurisë në shkolla ka qenë optimale. I kemi evidentuar vështirësitë që i kemi në shkolla, normalisht që do të ishte më mirë që të kishim një mundësi të njëjtë unike të aplikimit në të gjitha shkollat, ne po shikojmë mundësinë se si të arrijmë deri aty” tha Sadriu-Lushaku.

Sipas saj, çdo shkollë ka krijuar mënyra të veta për të siguruar ambientin shkollor, duke përfshirë dhe angazhimin e prindërve.

“Deri më tani secila shkollë ka vendosur për mënyrën e sigurimit të vet edhe me participim të prindërve, por ka disa hapa të cilët duhet të ndjekim vitin e ardhshëm që synojmë të modifikojmë mënyrën e sigurimit nëpër shkolla”.

Ajo gjithashtu tha se disa shkolla kanë filluar të aplikojnë masa të reja, si mbyllja e dyerve gjatë pushimeve.

“Po ka progres sepse në disa shkolla kemi aplikuar mbylljen e shkollave dhe të mos i lëmë fëmijët të dalin gjatë pushimeve jashtë shkollave dhe i kemi kontrolluar brenda gjithë shkollës, por ka hapësirë për përmirësim, dhe këtë e pranoj”, tha Sadriu-Lushaku.

Drejtori i shkollës fillore “Emin Duraku”, Visar Osmani ka folur për situatën e sigurisë në shkollën e tij, duke theksuar progresin e arritur dhe masat e ndërmarra për të siguruar një mjedis të sigurt për nxënësit.

“E dini se kohëve të fundit dukshëm numër të problemeve ndërmjet bashkëmoshatarëve, është interesant që më shumë kemi problem te shkollat fillore se sa në shkollat e mesme, kjo është edhe sipas raporteve dhe informatave që kemi, si shkollë qëndrojmë mirë. Nxënësit tanë nuk dalin jashtë oborrit të shkollës, ata ushqehen brenda dhe në oborr nuk mund të futet asnjë veturë tjetër. Shkolla monitorohet prej 42 kamerave dhe e them me përgjegjësi që është njëra ndër shkollat më të sigurta në Komunën e Prishtinës, ndërsa problemet e brendshme që janë ndërmjet moshatarëve, ato janë prezentë në të gjitha shkollat, por po mundohemi që t’i reduktojmë me më pak pasoja”, ka deklaruar Osmani.

Ai gjithashtu theksoi se shkolla është monitoruar nga 42 kamera dhe se është një nga shkollat më të sigurta në Komunën e Prishtinës.

“Te ne nuk kemi ndonjë rast të raportuar për shkak se nuk mund të futet njeri në shkollë pa u kontrolluar nga stafi, çdo gjë është në monitorim, ndërsa te pjesa jashtë procesit mësimor bëjmë apel te prindërit që të jenë më vigjilent. Ka qenë një ndër institucionet, ndoshta më pak të sigurta në komunë, por kjo i takon të kaluarës, por në bashkëpunim me organet e shtetit Policinë e Kosovës, Drejtorinë e Arsimit dhe me stafin kemi pasur shumë vështirësi e shumë rreziqe,por i kemi larguar ato dukuri negative që kanë qenë jashtëzakonisht shqetësuese. Si rezultat i saj një kohë fillojë dhe rënia e fëmijëve, por sot situata është në favorin tonë dhe është shkollë me reputacion”, ka thënë Osmani.

Sot në Kosovë parashihet të mbajë mot i vranët dhe me intervale me diell.

Sipas Institutit Hidrometeorologjik të Kosovës, temperaturat minimale do të lëvizin nga -5 deri në 2 gradë Celsius, e ato maksimalet nga 2 deri në 4 gradë Celsius.

“Të dielën, moti do të jetë i vranët me intervale me diell. Temperaturat minimale nga -5 deri në -2°C; maksimale nga 2 deri në 4°C. Era do të fryjë nga verilindja me shpejtësi 0.5-1 m/s”, thuhet në njoftimin e IHMK-së.

“Këshillohet që grupet më të ndjeshme, si fëmijët, të moshuarit dhe personat me probleme respiratore, të shmangin qëndrimin e zgjatur në ambiente të hapura, veçanërisht në zona urbane ku ndotja është më e theksuar”, thuhet tutje në këtë njoftim.

Ndër tjera, kërkohet që të ketë kujdes nga qytetarët për të vozitur automjetet.

Presidenti rus Vladimir Putin i ka kërkuar falje homologut të tij azerbajxhanas, Ilham Aliyev, për atë që ai tha se ishte një “incident tragjik” në hapësirën ajrore ruse dhe rrëzimin e një avioni pasagjerësh të kompanisë ajrore të Azerbajxhanit katër ditë më parë në Kazakistan.

Në rrëzimin e një avioni pasagjerësh me 67 pasagjerë dhe anëtarë të ekuipazhit, 39 persona humbën jetën dhe 28 u shpëtuan.

Putin i tha Aliyev se mbrojtja ajrore ruse ishte aktive kur avioni u përpoq të ulej në Grozny përpara se të rrëzohej në Kazakistan.
“Gjatë asaj kohe Grozny, Mozdok dhe Vladikavkaz u sulmuan nga dronët luftarakë ukrainas dhe mbrojtja ajrore ruse i zmbrapsi sulmet,” i tha Putin Aliyev, pa e pranuar në mënyrë eksplicite se mbrojtja ajrore ruse kishte goditur avionin.

Megjithatë, nga kërkimi i faljes së tij rezulton se avioni u rrëzua si rezultat i mbrojtjes kundërajrore ruse mbi Çeçeni.

Revolta e studentëve në Serbi është duke vazhduar, përkundër aksioneve të regjimit të Aleksandar Vuçiqit, president i Serbisë, ndaj studentëve.

Madje, siç raporton mediumi opozitar “N1”, studentët kanë paralajmëruar një protestë të re.

Studentët serbë do të protestojnë më 31 dhejtor në Beograd.

“Atëherë, kur e gjithë bota feston, ne duhet të tregojmë se në këtë vend nuk ka arsye për festë, jo para drejtësisë”, shkruhet ndër të tjera në komunikatën e studentëve serbë.

View this post on Instagram

A post shared by @blokada.arh.bg

Avokati Ardian Bajraktari ka kërkuan inspektim të kushteve në qendrën e paraburgimit në Hagë, pas shqetësimeve të ngritura nga Hysni Gucati e Nasim Haradinaj. Këta të fundit, kanë thënë se kushtet në Hagë kanë qenë të tmerrshme.

Për këtë, avokati Bajraktari ka thënë se neni 41, paragrafi 8 përcakton mundësinë e inspektimin dhe monitorimin e trajtimit të të paraburgosurve dhe kushteve që mbahen ata nga Komiteti Ndërkombëtar i Kryqit të Kuq, ose ndonjë organizatë tjetër ndërkombëtare që pranon t’i inspektojë dhe monitorojë ato ambiente.

“Me vëmendje dhe shqetësim kam përcjellë intervistat e z. Gucati dhe z. Haradinaj për sa i përket kushteve dhe mënyrës së trajtimit të ish krerëve të Ushtrisë Çlirimtare të Kosovës në qendër të paraburgimit në Hagë. Referuar Ligjit për Dhomat e Specializuara dhe Zyrën e Prokurorit të Specializuar, ambientet e paraburgimit të Dhomave të Specializuara i plotësojnë standardet ndërkombëtare përkatëse, neni 41, paragrafi 8. Për më tepër, ky paragraf përcakton mundësinë e inspektimit dhe monitorimit të trajtimit të të paraburgosurve dhe kushteve që mbahen ata nga Komiteti Ndërkombëtar i Kryqit të Kuq (ICRC) ose ndonjë organizatë tjetër ndërkombëtare që pranon t’i inspektojë dhe monitorojë ato ambiente. Një kërkesë nga ana e institucioneve tona në këtë drejtim, është e nevojshme dhe shumë e domosdoshme, madje edhe shumë urgjente”, ka shkruar Bajraktari.

Mbi 100 mijë shtetas të Kosovës që jetojnë jashtë vendit janë regjistruar për të marrë pjesë në zgjedhjet e 9 shkurtit. Më këtë numër janë shprehur të kënaqura të gjitha partitë politike, ndonëse VV-ja ka kërkuar që afati i regjistrimit të zgjatet për disa ditë, por propozimi nuk është përkrahur.

Zyrtarët e partive politike kanë falënderuar diasporën për regjistrim, duke u zotuar se do të marrin parasysh kërkesat e tyre.

Kandidati i PDK-së për kryeministër, Bedri Hamza, ka thënë se kjo tregon që bashkatdhetarët janë të lidhur me Kosovës.

“Faleminderit mbi 100 mijë bashkatdhetarëve që janë regjistruar për të votuar më 9 shkurt. Pavarësisht se ku jetojnë, bashkatdhetarët mbesin thellësisht të lidhur me të ardhmen e vendit tonë. Së bashku do ta bëjmë Kosovën ma të mirë. #MaMirë për diasporën. #MaMirë për Kosovën”, ka shkruar Hamz anë profilin e tij në “Facebook”

Edhe kandidati i LDK-së, Lumir Abdixhiku, e ka falënderuar diasporën që i është përgjigjur pozitivisht thirrjeve për regjistrim.

Ai pretendon se mbi 40 mijë përkrahës të LDK-së janë regjistruar në këtë proces.

“40 mijë falenderime për Mërgatën! Fitorja e parë elektorale po merr formë sonte! Është e bukur, është freskuese, është vetë ndryshimi i kërkuar tash e sa kohë. Plot 105,000 të regjistruar, nga të gjitha etnitë; tani që kanë mbetur vetëm edhe një orë e gjysmë. Ju faleminderit secilit për angazhimin e treguar qytetar në këtë proces demokratik. Të 40 mijë mbështetësve tanë, ndërsa, të regjistruar deri në këto orë, ju faleminderit nga zemra që po shënoni hapin e parë në fitoren e parë elektorale! Fjalët më mbesin të mangëta për t’iu shprehur gjithë mirënjohjen tonë për ringritjen e djathtë tuajën. Por sonte, LDK ka festë!”, ka shkruar ai në profilin e tij në “Facebook”.

Kurse, zyrtarët e VV-së kanë pretenduar se shumica e votuesve të diasporës janë vota të VV-së.

Zëdhënësi i VV-së, Arlind Manxhuka, ka kritikuar partitë opozitare se në mënyrë të qëllimshme nuk e kanë përkrahur zgjatjen e afatit për regjistrimin e diasporës.

“Meqenëse dy kandidatët, Lumiri e Mërgimi mbrëmë ishin falenderues me target specifik ndaj mërgatës, përkatësisht 40 mijë falenderime njëri dhe 100 mijë tjetri, atëherë neve nuk na mbetet tjetër veçse të jemi falenderues ndaj këtyre dyve për falenderimet e tyre ndaj votuesve tanë. Po ashtu, nuk do të ishte keq që t’i trimëroni e inkurajoni pak anëtarët tuaj në KQZ të vijnë në mbledhje e mos të ikin nga votimi”, ka shkruar Manxhuka.

KQZ-ja tregon afatet e votimit për diasporën

Pas mbylljes së procesit të regjistrimit për mërgatën, KQZ-ja ka treguar kohën se kur diaspora mund të votojë.

Zëdhënësi i KQZ-së, Valmir Elezi, ka thënë për gazetën se votimi në ambasadat dhe konsullata do të organizohet më 8 shkurt, një ditë para mbajtjes se zgjedhjeve.

“Votimi në përfaqësi diplomatike për shtetasit që kanë përzgjedhur këtë mënyrë votimi do të zhvillohet më 8 shkurt 2025, pra një ditë para ditës së zgjedhjeve në Kosovë. Votimi fillon në ora 07:00 dhe mbyllet në ora 19:00, sipas orës lokale të vendit përkatës. Numërimi i këtyre fletëvotimeve bëhet në Kosovë”, ka thënë Elezi.

Ligji i ri për Zgjedhjet e Përgjithshme mundëson që për herë të parë shtetasit e Kosovës që jetojnë jashtë vendit të mund të votojnë në ambasada dhe konsullata.

Në momentin e regjistrimit votuesit mund të përcaktohen individualisht për mënyrën e votimit: (1) të votojë fizikisht në njërën nga përfaqësitë diplomatike të Republikës së Kosovës; (2) duke dërguar fletëvotimin përmes postës në kutinë postare të KQZ-së në Kosovë; apo (3) duke dërguar fletëvotimin përmes postës në një nga kutitë postare të hapura nga KQZ jashtë Kosovës.

Një burrë në Prizren, ka raportuar në polici se disa persona të panjohur i kanë hapur me forcë veturën e tij, me ç’rast i kanë vjedhur armën e zjarrit me leje dhe një çantë dore, ku sipas ankuesit në të ishin rreth 200 euro.

Policia lidhur me rastin, ka nisur hetimet.

“Ankuesi mashkull kosovar, ka informuar se persona të panjohur kanë hapur me forcë veturën e tij, ku kanë vjedhur një armë zjarri me leje dhe një çantë dore në të cilën kishte rreth 200 euro. Rasti është duke u hetuar”, thuhet në raportin e policisë.