ATV

Author: ATVLive

  • ‘Superpuna’, ekzekutohen pagesat për afro 2 mijë punëtorë

    ‘Superpuna’, ekzekutohen pagesat për afro 2 mijë punëtorë

    Superpuna” ka njoftuar se është bërë ekzekutimi i pagesës për afro 2 000 punëtorët e angazhuar përmes “superpuna” gjatë muajve shkurt dhe mars.

    Përmes një njoftimi në “Facebook”, “Superpuna” ka bërë me dije se bizneset që angazhojnë punëtorë përmes “superpuna” duhet të kalojnë verifikimet si në vijim:

    Të deklarojnë punëtorët e angazhuar në Administratën Tatimore të Kosovës (ATK),

    Të deklarojnë punëtorët në ATK me pagë të njëjtë apo më të lartë sesa në shpalljen në “superpuna”;

    Të mos kenë obligime tatimore të papaguara ndaj ATK-së.

    Rikujtojmë që subvencionimi nga qeveria bëhet me një muaj diferencë, ngase deklarimi i punëtorëve në ATK bëhet deri më datë 15 të muajit vijues të angazhimit. Pra, për punëtorët e angazhuar në muajin prill, deklarimi në ATK bëhet deri më 15 maj.

    Për bizneset dhe punëkërkuesit e interesuar, regjistrimi në “superpuna” bëhet përmes vegëzës në vijim: https://superpuna.rks-gov.net

  • ​Gjashtë raste të dhunës për një javë në rajonin e Ferizajt

    ​Gjashtë raste të dhunës për një javë në rajonin e Ferizajt

    Në Drejtorinë Rajonale të Policisë në Ferizaj gjatë javës që shkoj, janë raportuar 6 raste të dhunës në familje, prej tyre 4 raste janë raportuar në Ferizaj, 1 rast në Shtime dhe 1 rast në Kaçanik.

    Ndërsa me vendim nga Prokuroria Themelore në Ferizaj, 4 persona janë ndaluar në mbajtje dhe 2 persona tjerë janë liruar në procedurë të rregullt hetimore.

    Policia Rajonale e Ferizajt rastet e dhunës në familje njofton se i ka trajtuar në mënyrë profesionale nga policë primarë të stacioneve dhe hetues rajonal të Njësisë së Dhunës në Familje.

    “Policia apelon tek qytetarët që të raportojnë rastet e dhunës në familje dhe fton qytetarët që të bashkëpunojnë më policinë. Për të gjitha rastet e dhunës në familje të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406. Të dhënat e juaja do të ruhen në konfidencialitet të plotë”, thuhet në njofitm.

  • Festivali “Apollon” vlerëson me çmimin kryesor aktorin nga Kosova

    Festivali “Apollon” vlerëson me çmimin kryesor aktorin nga Kosova

    Tri ditë më parë u mbyll nata finale e Festivalit mbarëkombëtar të aktrimit “Apollon 2023”.

    Teatri “ Bylis” në Fier u kthye për pesë ditë radhazi në destinacionin e artit skenik pasi edicionini 14-të i këtij festivali solli në skenën teatrore për 5 netë radhazi trupa të njohura teatrore nga Shqipëria, Kosova, e Kroacia, vepra të autorëve shqiptarë e të huaj kryesisht në gjininë e komedisë dhe monodramës, shfaqje të cilat nxjerrin në pah dhe trajtojnë probleme familjare dhe të shoqërisë që hasen më së shumti gjatë ditëve të sotme.

    Në këtë festival, aktori Mentor Zyberaj u vlerësua me çmimin si aktori më i mirë protagonist i këtij festivale, për rolin e tij në shfaqjen “Ëndrrat e Hamletit”.

    Ai në një intervistë për emisionin e mëngjesit ALARM në ATV, tha se prezantimi në këtë festival ishte një kënaqësi e veçantë për të dhe çmimi ishte shumë i mirëseardhur.

    “Fieri, gjegjësisht Festivali Ndërkombëtar i Aktrimit që është një festival që i kushtohet mjeshtërisë aktoreske dhe aktorit në veçanti është shumë i veçantë sa i përket përmbajtjes dhe strukturës së tij, për shkak se kryesisht trajtohet vlera aktoreske e artistëve qoftë ndërkombëtarë, qoftë kombëtar, kështu që ne, në mesin e këtyre 7 shfaqjeve, nga Prishtina ishim ne, pastaj kishim përfaqësim nga Zagrebi dhe nga trojet tjera shqiptare, dhe ishte një konkurrencë mjaft e mirë dhe një afërsi shumë e madhe mes artistëve për shkak që festivali ka pasur një pauzë disa vjeçare sepse është një ndër festivalet e para në Shqipëri të realizuara, kështu që ishte edhe një kënaqësi e imja prezantimi i im në atë pjesë të festivalit ku marrin pjesë në konkurrencë zyrtare, po pastaj edhe çmimi kryesor për aktorin protagonist ishte çmim shumë i mirëseardhur”, tha aktori Zyberaj.

    Ai tha se shfaqja “Ëndrrat e Hamletit” po e vazhdon të ketë një rrugëtim mjaft të suksesshëm në botë, ku mori pjesë në 15 festivale ndërkombëtare dhe pati sukses goxha të madh, ndërsa pjesëmarrja në festivalin “Apollon” në Fier ishte i pari në një festival shqiptar.

    Kujtojmë se Juria e festivalit “Apollon” në Fier këtë vit kishte në përbërjen e saj aktorët e njohur Ndriçim Xhepa, Enver Petrovci dhe Luli Bitri te cilët në natën finale ndanë edhe çmimet për kategoritë e përcaktuara: Aktorët joprotaginistë më të mirë u vlerësuan Mimoza Marjanaku dhe Indrit Cobani dhe aktorët protagonistë më të mirë Olta Daku dhe Mentor Zyberaj.

    Ky festival erdhi ne qytetin e Fierit pas një periudhe ndërprerjeje me një kastë të njohur aktoresh të 9 trupave teatrore nga Shqipëria, Kosova e Kroacia, të cilët sollën para publikut artdashës fierak emocione të veçanta. /atvlive.tv

  • Zbulohet një planet i rrallë i përbërë nga uji, është dy herë më i madh se Toka

    Zbulohet një planet i rrallë i përbërë nga uji, është dy herë më i madh se Toka

    Astronomët kanë bërë një zbulim emocionues. Një planet i rrallë që është dy herë më i madh se Toka mund të mbulohet tërësisht nga oqeani.

    Zbulimi ka shkaktuar interes dhe emocion të madh në komunitetin shkencor, pasi mund të përmbajë të dhëna të rëndësishme për origjinën e jetës në univers.

    Planeti, i njohur si TOI-1231 b, u zbulua duke përdorur të dhëna nga Sateliti Transitues i Ekzoplanetit të NASA -s (TESS). Ai rrotullohet rreth një ylli të afërt dhe është rreth 90 vite dritë larg nga Toka.

    Ajo që e bën TOI-1231 b veçanërisht interesante është madhësia dhe përbërja e tij. Bazuar në densitetin e saj, shkencëtarët besojnë se ka të ngjarë të jetë një botë ujore, që do të thotë se mund të mbulohet tërësisht nga oqeani. Kjo do ta bënte atë një planet unik dhe të rrallë, pasi planetët më të njohur janë gjigantë shkëmborë ose gazorë.

    Zbulimi i një bote ujore si TOI-1231 b ngre pyetje të rëndësishme në lidhje me mundësinë e jetës përtej Tokës. Shkencëtarët kanë qenë prej kohësh të interesuar në mundësinë e gjetjes së ekzoplaneteve ose planetëve të banueshme. Një botë ujore si TOI-1231 b mund të sigurojë informacion të rëndësishëm në lidhje me kushtet e nevojshme që jeta të shfaqet dhe të lulëzojë në univers.

    Por zbulimi gjithashtu paraqet sfida për shkencëtarët. Nuk është e qartë se si mund të ketë evoluar jeta në një botë ujore ose çfarë lloje organizmash mund të mbijetojnë në një mjedis të tillë. Shkencëtarët duhet të kryejnë kërkime dhe eksplorime të mëtejshme për të kuptuar më mirë potencialin e jetës në planetë si TOI-1231 b.

    Pavarësisht këtyre sfidave, zbulimi i një bote të rrallë ujore si TOI-1231 b është një kujtesë e natyrës së gjerë dhe të larmishme të universit. Është një dëshmi e zgjuarsisë dhe përkushtimit të astronomëve dhe shkencëtarëve që punojnë pa u lodhur për të eksploruar dhe kuptuar misteret e universit. /abcnews.al

  • Rita Ora shfaqet me 80 mijë euro bizhuteri në Met Gala 2023

    Rita Ora shfaqet me 80 mijë euro bizhuteri në Met Gala 2023

    Rita Ora dukej e pabesueshme me një fustan të zi të kompletuar me një bisht të madh dramatik teksa mbërriti në ngjarjen më të madhe të vitit në industrinë e modës, Met Gala 2023, në Muzeun Metropolitan në New York City të hënën në mbrëmje.

    Këngëtarja shqiptaro-britanike, 32 vjeçe, ishte e veshur me një fustan të zi të tejdukshëm, i cili theksonte çdo centimetër të figurës së saj mahnitëse trupore, shkruan DailyMail, përcjell Telegrafi.

    Rita, e cila njihet për pamjen e saj të guximshme, bëri që vëmendja e gjithë të pranishmëve të kthehet nga ajo me fustanin e punuar nga Prabal Gurung.

    Fustani e saj kishte një dantellë me lule dhe byrynxhyk të vendosur në mënyrë perfekte, ndërsa bishti i tij rridhte me sa duket për kilometra pas Ritës dhe poshtë shkallëve ikonike të Muzeut Metropolitan.

    Rita e kompletoi pamjen me bizhuteri të markës “Buccellati” me vlerë 90 mijë dollarë (81 mijë euro), duke përfshirë një manshetë ari, byzylyk me perla dhe vathë kokteji – së bashku me zgjatime të gjata diamanti që vareshin nga thonjtë e saj të zbukuruar në mënyrë perfekte.

    Bizhuteritë magjepsëse dukej se i pikonin nga gishtat teksa ajo mahniti me dukjen e saj elegante.

    Ajo i vuri në pah tiparet e saj me makijazhin e lehtë në ngjyrën karamel, ndërsa i kishte lënë flokët e saj në kaçurrela të lirshme.

    Asaj iu bashkua bashkëshorti i saj, regjisori Taika Waititi, 47 vjeç, i cili dukej elegant i veshur me një xhaketë sportive të gjatë, të cilën e kishte veshur pa këmishë dhe të kombinuar me pantallona të bardha.

    Ai i shtoi një stil shtesë ansamblit me perlat si dhe një korsazh të zi me lule.

    Nata më e madhe e modës u mbajt si çdo vit tjetër në të hënën e parë të majit me yje të shumtë që shkëlqyen me dukjen e tyre interesante.

  • ​Vdes palestinezi pasi qëndroi 86 ditë në grevë urie në një burg izraelit

    ​Vdes palestinezi pasi qëndroi 86 ditë në grevë urie në një burg izraelit

    Një figurë e lartë e grupit militant islamik palestinez “Xhihad”, Khader Adnan, ka vdekur në një burg izraelit pas 86 ditësh të grevës së urisë.

    Shërbimi Izraelit i Burgjeve ka thënë se ai ishte gjetur pa ndjenja herët gjatë së martës.

    Ai ishte dërguar në spital, por përpjekjet për ta shpëtuar nuk treguan sukses.

    Ky shërbim ka treguar se ai kishte refuzuar që t’i nënshtrohej testeve mjekësore, apo të merrte trajtim, shkruan BBC, transmeton KosovaPress.

    Pas vdekjes së tij, është njoftuar, se militantët shtinë me së paku tri raketa nga Rripi i Gazës, derisa askush nuk kishte pësuar lëndime.

    Grupi, kishte paralajmëruar Izraelin se do të paguante “një çmim të lartë” për burgosjen e tij.

    Khader Adnan, 44 vjeç, ishte akuzuar për përkatësi në një grup terrorist dhe nxitje dhe do të dilte në gjyq këtë muaj.

    Adnani ishte nga Jenin në Bregun Perëndimor të pushtuar dhe kishte qenë brenda dhe jashtë paraburgimit izraelit gjatë dy dekadave të fundit.

    Ai kishte qenë në grevë urie pesë herë.

    Para vdekjes së tij, gruaja e tij Randa Mousa tha se ai “po refuzonte çdo mbështetje, duke refuzuar ekzaminimet mjekësore, ai është në një qeli me kushte shumë të vështira paraburgimi”.

  • Edhe sot vazhdon gjykimi ndaj Pjetër Shalës

    Edhe sot vazhdon gjykimi ndaj Pjetër Shalës

    Në Hagë edhe të martën e dy majit, pritet të vazhdojë gjykimi ndaj ish-pjesëtarit të Ushtrisë Çlirimtare të Kosovës, Pjetër Shala.

    Sipas njoftimit të bërë nga Dhomat e Specializuara seanca do të fillojë në ora 09:00.

    Ndryshe, dëshmitari i pestë me kodin 10 në rastin e Pjetër Shalës, para Dhomave të Specializuara të Kosovës (DhSK), tha se Shala ka hyrë dhe ka dalë nga shtabi logjistik në Kukës pa kërkuar leje nga askush.

    Kur u pyet nga mbrojtësi i viktimave Simon Laës, se cila kishte qenë arsyeja që ai kishte mundur të hyjë dhe të dalë pa leje nga aty, pati kundërshtime nga ana e mbrojtjes, por që kjo pyetje u lejua nga trupi gjykues.

    Por, në momentin e përsëritjes së pyetjes, dëshmitari tha se përgjigja është e saktë, por që ai nuk e dinte a ka pasur leje apo jo Pjetër Shala.

    Me këtë përgjigje, reagoi edhe kryetarja e trupit gjykues, gjykatësja Mappie Veldt-Foglia, e cila tha se edhe për të është e paqartë pasi që njëherë thuhet se Shala nuk kërkonte leje e më pas që nuk e dinte a kishte leje apo jo, duke kërkuar që ai të sqarohet.

    E që më pas, dëshmitari u kthye në fjalinë që kishte thënë për herë të parë.

    Ballafaqimi i dëshmitarit me deklarimet e mëhershme nga ana e mbrojtësit të viktimave dhe pyetje tjera eventuale, janë bërë në seancë private.

    Paraprakisht, Zyra e Prokurorit të Specializuar ka përfunduar pyetjet ndaj dëshmitarit, i cili pohoi të ketë parë personalisht Hafir Hoxhën dhe Sabit Gecin në shtabin e logjistikës në Kukës në muajin e pestë dhe të gjashtë të vitit 1999.

    Ai po ashtu tha se kishte takuar një ushtar me emrin Bedri në këtë vend, por përgjigjet ndaj pyetjeve për të u cilësuan me përmbajtje të redaktuar nga ana e DhSK-së.

    Kurse, nga ana e mbrojtjes është kërkuar diskutimi i dy çështjeve, njëra që sipas avokatit mbrojtës Mohamed Hédi Aouini ka të bëjë me persona të mbrojtur dhe pika dy që ka të bëjë me akuzën për bashkë-konspirator që pretendohet, e që edhe për këtë diskutim është kaluar në seancë private.

    Ndërkaq, gjatë kësaj seance Pjetër Shala ka kërkuar nga ana e gjykatës që t’i lejojë kohë për konsultim me mbrojtësit e tij, andaj edhe marrja në pyetje e dëshmitarit nga ana e mbrojtjes, do të bëhet ditën e nesërme.

  • Duda: Një nga prioritetet për Poloninë është zgjerimi i BE-së në Ballkanin Perëndimor

    Duda: Një nga prioritetet për Poloninë është zgjerimi i BE-së në Ballkanin Perëndimor

    Presidenti i Polonisë, Andrzej Duda tha me rastin e 19-vjetorit të hyrjes së Polonisë në Bashkimin Evropian, se një nga katër prioritetet për Poloninë është zgjerimi i BE-së drejt Ballkanit Perëndimor dhe Ukrainës.

    “Ne jemi avokatë të një politike të dyerve të hapura. Prandaj shikoj vendet e Ballkanit Perëndimor. Dua të theksoj se këto janë vende, janë popuj, janë shoqëri që presin prej vitesh të bëhen pjesë e BE-së. Kjo duhet të arrihet më në fund”, tha presidenti polak në Varshavë, në një fjalim të posaçëm për mediat me rastin e përvjetorit.

    Duda, në një fjalim të përbashkët me kryeministrin polak, Mateusz Morawiecki, tha se Polonia e di shumë mirë se si është të presësh me vite për të hyrë në botën e lirë perëndimore, transmeton Paparaci.

    “Prandaj besoj se jo të tjerët, por ne Polonia duhet të flasim fuqishëm dhe me zë të lartë – ata duhet të pranohen në Bashkimin Evropian, vendet e Ballkanit Perëndimor duhet të pranohen. Dhe sot kërkesa historike, kërkesa absolute e momentit është pranimi i Ukrainës dhe Moldavisë në BE”, tha Duda.

    Presidenti polak deklaroi se vendet e Ballkanit Perëndimor, Ukraina dhe Moldavia do të fitojnë anëtarësimin e plotë si i dyti nga katër prioritetet kryesore të presidencës gjysmë-vjeçare polake të BE-së nga fillimi i vitit 2025.

  • Gashi: Mbi 65% e shërbyesve civilë janë dëmtuar me ligjin e pagave

    Gashi: Mbi 65% e shërbyesve civilë janë dëmtuar me ligjin e pagave

    Kryetar i Këshillit Drejtues të Bashkësisë së Sindikatave të Pavarura të Kosovës, Ali Gashi, ka bërë të ditur që mbi 65 për qind e punëtorëve janë ndarë të pakënaqur me Ligjin e Pagave.

    “Ne si rezultat i grevës që erdhi si rezultat I të gjitha padrjetësive, gjendjes së rënduar ekonomike, gjendjes së papërmirësuar të pozitës së punëtorëve ndodhi që të kemi grevë”, ka thënë Gashi në Info Magazine të Klan Kosovës, transmeton Paparaci.

    “Si kërkesë parciale që ishte te greva ishte hartimi dhe miratimi i Ligjit të Pagave dhe unë sot e them rrjedhimisht se pse është miratuar Ligji i Pagave. Tani që kemi filluar me zbatimin me saj ka jashtëzakonisht shumë telashe”.

    “Unë po e them vetëm një informatë që shumica absolute e shërbyesve civilë, pothuajse mbi 65 për qind e shërbyesve civilë janë klasifikuar në profesional 3 e që i bie paga të jetë 400 euro. Ky ligj gjatë zbatimit është vërejtur që është, ashtu siç kemi thënë ne sindikatat, i patrajtuar njëjtë, joprofesional, prandaj kemi thënë që mungesa e ekspertëve të sindikatave, të gjitha federatave sindikale në komisione gjatë hartimit të këtij ligji ka derivuar që ta kemi një ligj i cili tani gjatë zbatimit ka shumë turbulenca dhe rrjedhimisht së fundmi vetëm do t’i nënshtrohet ligjshmërisë në Gjykatën Kushtetuese, e që ne jemi të bindur që të gjeturat tona do të kihen parasysh”.

  • Analistët serbë: Serbia me qasje zhgënjyese ndaj Kosovës

    Analistët serbë: Serbia me qasje zhgënjyese ndaj Kosovës

    Analistët në Beograd e vlerësojnë të rëndësishëm takimin e 2 majit mes kryeministrit të Kosovës, Albin Kurti dhe presidentit të Serbisë, Aleksandar Vuçiq në Bruksel. Derisa thonë se temë diskutimi do të jetë Asociacioni, analistët serbë vlerësojnë se Serbia ka qasje zhgënjyese ndaj Kosovës, duke përmendur edhe shkeljen e marrëveshjes së Ohrit.

    Takimi në nivelin më të lartë politik Kosovë-Serbi mund të jetë një pikë boshte, pas një periudhe tensionesh. Kështu vlerësojnë njohësit e zhvillimeve në Beograd.

    “Pas të gjitha këtyre ngjarje të javëve të fundit, do të ishte mirë që ai takim të përdorej për qetësimin e situatës, dhe mendoj se një gjë të tillë do ta bëjnë ndërmjetësuesit”, thotë diplomati Sreqko Gjukiq.

    “Tema është formimi i Asociacionin, qoftë me atë emër apo me një emër tjetër, por tema është shumë e rëndësishme, dhe mund të jetë një pikë me rëndësi të veçantë për rrjedhën e ardhshme të realizimit të marrëveshjes së Ohrit”.

    Në prag të takimit të presidentit Vuçiq dhe kryeministrit Kurti më 2 maj në Bruksel, Beogradi zyrtar pret marrëveshje konkrete për Asociacionin. Mirëpo, një pjesë e opinionit mendon se marrëveshja e Ohrit po përjeton momentet kritike, dhe përgjegjësia e veçantë i takon Beogradit.

    “Qëndrimi i Serbisë ndaj Kosovës është zhgënjyes. Kemi një situatë ku Serbia e ka shkelur marrëveshjen në pikën 4 me votën kundër Kosovës në Këshillin e Evropës”, thotë Zlatoje Martinov, publicist dhe gazetar. “Prandaj, për këtë unë jam skeptik dhe besoj se Serbia me Vuçiqin nuk është e gatshme ta zbatojë Marrëveshjen e Ohrit. Mbetet të shihet se çfarë do të ndodhë më 2 maj në Bruksel”.

    Ndërsa ka shumë të panjohura lidhur me Asociacionin, ka pritje që të ketë progres dhe hapa konkretë në lidhje me çështjen e personave të zhdukur, pasi teksti i deklaratës për personat e zhdukur është dakorduar më parë, dhe pritet të miratohet në nivelin politik.