ATV

Author: ATVLive

  • Konjufca: Serbia e kishte qëllim shfarosjen – krimineli që s’pendohet, është i gatshëm ta përsërisë krimin

    Konjufca: Serbia e kishte qëllim shfarosjen – krimineli që s’pendohet, është i gatshëm ta përsërisë krimin

    Kryetari i Kuvendit të Kosovës, Glauk Konjufca, tha se Serbia kishte për qëllim që ta shfaros popullin shqiptarë, raporton EO.

    Në akademinë përkujtimore për masakrën e 2 Majit në fshatin Studime të Vushtrrisë, Konjufca tha se kjo ishte një nga masakrat më të më mëdha.

    Sipas tij, Serbia ende po vazhdon që ta mbajë të fshehtë fatin e të pagjeturve, duke shtuar se krimineli që nuk pendohet, është i gatshëm ta përsëris krimin.

    “Kjo ishte një nga masakrat më të mëdha në Kosovë dhe me këso masakra ishin mbushur Kosova në vitin 98-99. Kur të shihet se shumica nga të vrarit kanë qenë civilë të pambrojtur, duke përfshirë fëmijë e gra, tregon qëllimin e vërtetë të Serbisë”.

    “Ishte qëllimi me ma zhduk e me na shfaros, vetëm pse jemi shqiptarë. Me na çrrënjos nga toka kur Serbia të gjitha këto krime i ka organizuar dhe plagët tona ende janë të hapura, sepse dhimbja për vrasjen e më të dashurve tanë, nuk kalon kurrë. Mijëra të afërm nuk i dimë ku janë, por secili prej nesh e dimë se ata janë në Serbi, dhe Serbia jo vetëm që nuk tregon por po i fsheh. Krimineli që nuk pendohet, ai është i gatshëm ta përsëris atë”, tha Konjufca.

  • Kosova i mëson kundërshtarët në Ligën e Kombeve

    Kosova i mëson kundërshtarët në Ligën e Kombeve

    Sot në selinë e UEFA-s në Nyon të Zvicrës është bërë tërheqja e shortit për edicionin e parë të Ligës së Kombeve në konkurrencën e femrave.

    Ky format i ri do të zhvillohet në tri liga, e ku skuadrat pjesëmarrëse janë ndarë në vazot e shortit sipas pozicioneve të tyre në renditjen e koeficientëve të publikuar pas përfundimit të fazës së grupeve të kualifikimeve për Botërorin 2023.

    Kosova bën pjesë në Ligën C, teksa në bazë të shortit të sotëm ajo është tërhequr në Grupin C5, ku janë përfshirë edhe Maqedonia e Veriut dhe Bullgaria.

    Në tërheqjen e shortit e pranishme ka qenë menaxherja për futbollin e femrave, Valbona Gashi Uka.

    Liga C është e ndarë në pesë grupe, ku katër grupet e para kanë nga katër skuadra, derisa grupi ku është përfshirë Kosova është me tri skuadra.

    Fituesit e këtyre pesë grupeve do të promovohen direkt në Ligën B, derisa tri skuadrat më të mira të pozitave të dyta nga pesë grupet do të luajnë në ‘play-off’ kundër tri skuadrave më të mira të pozitave të dyta në grupet e Ligës B.

    Ndeshjet janë paraparë të luhen në datat 20-26 shtator, 25-31 tetor dhe 29 nëntor-5 dhjetor, 2023.

  • Megjani tregon sa e ka pagën një inspektor i punës në Kosovë

    Megjani tregon sa e ka pagën një inspektor i punës në Kosovë

    Avokati i njohur, i cili më parë ishte edhe inspektor i punës, Ardian Megjani, në emisionin A23 në ATV, tregoi se paga e një inspektori të punës mund të jetë rreth 800-900 euro.

    Ai thotë se në të kaluarën ishte edhe më e ulët, por me ligjin e ri të pagave ka një ndryshim.

    “Paga ka pësuar ndryshime tashmë me Ligjin ri. Pak a shumë më dukët se është diku rreth 800-900 euro. Nuk kam ndonjë informatë, mirëpo është në diskutim edhe vlerësimi i rrezikshmërisë në vendin e punës në të cilin hasim”, tregoi Megjani. /atvlive.tv

    Edicionin e plotë të A23 e gjeni nëvideon më poshtë:

  • Megjani: Inspektorët e punës janë të rrezikuar, ka pasur edhe atentate ndaj tyre

    Megjani: Inspektorët e punës janë të rrezikuar, ka pasur edhe atentate ndaj tyre

    Avokati i njohur, i cili më parë ishte edhe inspektor i punës, Ardian Megjani, në emisionin A23 në ATV, tha se inspektorët e punës në Kosovë janë të rrezikuar gjatë ushtrimit të detyrës së tyre zyrtare.

    Ai madje thotë se kërcënimet janë gjë e zakonshme, por ka pasur edhe atentat ndaj tyre.

    “Rreziku besoj se është për të gjitha inspektoratet në Kosovë, në veçanti edhe për inspektoratin e punës pasi që inspektimet janë të natyrës mjaft sensitive, psh. në shumicën e rasteve, inspektorët e punës shoqërohen edhe nga Policia e Kosovës dhe përderisa pjesëtarët e policisë në shumicën e rasteve janë të paidentifikuar, një inspektor i punës duhet të tregojë një ID, të prezantohet dhe më pas të bëjë inspektimin. Ka pasur raste në të kaluarën kur ndaj inspektorëve të punës ka pasur edhe atentate të ndryshme, kërcënime e të gjitha këto”, tha Megjani. /atvlive.tv

    Edicionin e plotë të A23 e gjeni nëvideon më poshtë:

  • Megjani: Janë më pas se një inspektor i punës për Komunë, Qeveria urgjentisht duhet të rrisë numrin e tyre

    Megjani: Janë më pas se një inspektor i punës për Komunë, Qeveria urgjentisht duhet të rrisë numrin e tyre

    Avokati i njohur, i cili më parë ishte edhe inspektor i punës, Ardian Megjani, në emisionin A23 në ATV, tha se Kosova nuk i plotëson as për së afërmi nevojat për inspektorë të punës.

    Ai tha aktualisht nuk Kosova nuk ka mesatarisht as një inspektorë për Komunë, gjë që sipas tij, kjo ndikon drejtpërdrejt në mosrespektimin e të drejtave të punëtorëve në vend.

    “Në situatën tani kur jemi, besoj që numri është jashtëzakonisht i vogël i inspektorëve të punës. Nuk janë as një për komunë, ndërsa inspektorati i punës në këtë rast është organi i vetëm administrativ në Republikën e Kosovës, cili bënë mbikëqyrjen e zbatimit të legjislacionit nga marrëdhënia e punës dhe sigurisë në punë, kompetenca e saj është mjaft e madhe t’u hy në çdo kohë në selinë e punëdhënësit, të hartojë procesverbale, raporte zyrtare dhe të shqiptojë gjoba në rast se gjen shkelje të të drejtave të punëtorëve. Se a mund të ndryshojë në të mirë respektimi i këtyre të drejtave, një shtysë e madhe do të ishte edhe rritja e numrit të inspektorëve, padyshim që vetvetiu do të krijonte ende më shumë respektim të drejtave të të punësuarve. Me një numër kaq të vogël ë inspektorëve dhe një numër kaq të lartë të ankesave, normalisht se mbetet një problem shumë i madh”, tha Megjani.

    Ai bëri edhe thirrje për Qeverinë e Kosovës që me urgjencë të krijojë mekanizmat e duhur dhe të shtyjë përpara procesin për sa më shumë inspektorë të cilët janë mjaft të nevojshëm dhe të domosdoshëm për realitetin shoqëror në të cilën po jetojmë. /atvlive.tv

    Edicionin e plotë të A23 e gjeni nëvideon më poshtë:

  • Gruaja akuzon mjekët për humbjen e foshnjave: Prokuroria nis hetimet, në Gjinekologji thonë se ka qenë abort

    Gruaja akuzon mjekët për humbjen e foshnjave: Prokuroria nis hetimet, në Gjinekologji thonë se ka qenë abort

    Një grua shtatzënë ka raportuar se si shkak i neglizhencës së mjekëve i ka humbur dy foshnjat e saj.

    Gruaja ka qenë shtatzënë në javën e 21-të.

    E lidhur me rastin prokuroria ka nisur hetimet. Laureta Ulaj, zëdhënëse e Prokurorisë Themelore të Prishtinës tha për Klankosova.tv se Prokurori i Shtetit ka lëshuar urdhëresë për t’iu bërë autopsia dy foshnjave të pajeta.

    Ulaj tha se është inicuar rast “Trajtim i pandërgjegjshëm mjekësor”.

    “Prokuroria në koordinim me institucionet relevante janë duke i ndërmarrë veprimet hetimore për ta ndriçuar në plotëni këtë rast”, tha Ulaj.

    Për rastin në fjalë është deklaruar edhe drejtori i Klinikës së Gjinekologjisë, Zef Ndrejaj.

    Ndrejaj e ka mohur për Klankosova.tv se rasti ka ndodhur brenda klinikës që drejton.

    “Në fakt, rasti ka ndodhur të shtunën. Nuk ka ndodhur brenda Klinikës së Gjinekologjisë, ka ndodhur jashtë saj. Kjo ka qenë abort, kjo ka qenë shtatzënë në javën e 21-të dhe ne deri në javën e 28-të e konsiderojmë abort”, tha Ndejaj.

    “Ajo ka ardhur në klinikë e ka kryer lindjen. Foshnjat kanë qenë të vdekura”, theksoi ai.

  • Del në qarkullim një variant i ri i COVID, ka këto simptoma

    Del në qarkullim një variant i ri i COVID, ka këto simptoma

    Organizata Botërore e Shëndetësisë ka identifikuar një variant të ri të Covid-19 që po përhapet në të gjithë globin. Ai është quajtur “Arcturus” dhe ka simptoma të reja.

    XBB.1.16 ose Arcturus Organizata Botërore e Shëndetësisë po e klasifikon si një “variant nën monitorim”, i cili është më pak serioz se variantet e reja të Covid. Megjithatë, klasifikimet janë fluide dhe mund të ndryshojnë në çdo kohë.

    3Ky variant ka një shkallë transmetueshmërie më të lartë se llojet e mëparshme. Varianti i ri sjell me vete një simptomë krejtësisht të re të COVID-19: konjuktivitin, i njohur gjithashtu si syri rozë, i cili shpesh kombinohet me kruajtje.

    XBB.1.16 është zbuluar në 22 vende, duke përfshirë Shtetet e Bashkuara. Ky variant sipas studiuesve nuk ka gjasa të rëndojë shëndetin, kjo pasi njerëzit janë vaksinuar dhe kanë imunitet më të lartë pas infeksionit të mëparshëm.

  • Trepça-Peja, zbulohet edhe orari i finaleve

    Trepça-Peja, zbulohet edhe orari i finaleve

    Pas përfundimit të ndeshjeve gjysmëfinale, është koha për finalet e “Play-off”-it, ku priten super ndeshje mes Trepçës dhe Pejës.

    Mitrovicasit kanë mundur Bashkimin në çerekfinale dhe Sigal Prishtinën në gjysmëfinale, kurse pejanët eliminuan kampionin Golden Eagle Yllin.

    Ndeshja e parë do të zhvillohet në Mitrovicë, ndërsa skuadra që shënon tri fitore, kualifikohet në finale.

    Orari:

    E mërkurë

    20:00 Trepça-Peja

    E diel

    17:00 Peja-Trepça

    11 maj

    20:00 Trepça-Peja

    14 maj

    17:00 Peja-Trepça (Finalja IV eventuale)

    18 maj

    20:00 Trepça-Peja (Finalja V eventuale)

  • ​Jep dorëheqje “babai” i inteligjencës artificiale

    ​Jep dorëheqje “babai” i inteligjencës artificiale

    Personi që shihet gjerësisht si “baba” i inteligjencës artificiale, ka lënë punën dhe ka paralajmëruar për rreziqet në rritje nga zhvillimet në këtë fushë.

    Geoffrey Hinton, 75 vjeç, ka njoftuar dorëheqjen e tij nga Google përmes një shkrimi për gazetën New York Times, duke thënë se tani i vjen keq për punën e tij.

    Duke folur për BBC-në, ai ka thënë se disa nga programet e inteligjencës artificiale janë “mjaft të frikshme”.

    “Aktualisht, ato nuk janë më inteligjente se ne – me sa mund të them. Por, mendoj se së shpejti mund të jenë”, ka thënë Hinton.

    Ai ka thënë se edhe mosha e tij ka luajtur rol në vendimin për t’u tërhequr nga gjiganti i teknologjisë.

    “Jam 75 vjeç, kështu që është koha të tërhiqem”, ka thënë Hinton.

    Në shkrimin e tij për gazetën New York Times, Hinton u është referuar “aktorëve të këqij”, të cilët mund të përpiqen ta përdorin inteligjencën artificiale për “gjëra të këqija”.

    Kur është pyetur nga BBC-ja për ta elaboruar këtë, ai është përgjigjur: “Ky është thjesht një lloj i skenarit më të keq, një skenar makthi”.

    “Mund ta imagjinoni, për shembull, një aktor i keq si [presidenti rus, Vladimir] Putin vendos t’u japë robotëve aftësi për të krijuar qëllimet e tij”, ka thënë Hinton.

    Shkencëtari kryesor në Google, Jeff Dean, ka thënë se kompania “mbetet e përkushtuar për një qasje të përgjegjshme ndaj inteligjencës artificiale”.

    “Ne po mësojmë vazhdimisht t’i kuptojmë rreziqet në zhvillim”, ka thënë ai.

  • ​FBK prezanton logon e finaleve të play-off-it

    ​FBK prezanton logon e finaleve të play-off-it

    Trepça dhe Peja pritet që të dhurojnë spektakël të jashtëzakonshëm në ndeshjet finale të play-off-it në basketbollin e Kosovës.

    Këto dy skuadra të luftojnë për titullin e kampioni, me sfidën e parë që do të zhvillohet në palestrën “Minatori” në Mitrovicë, raporton KosovaPress.

    Për t’u kurorëzuar më titullin e më të mirit, njëra skuadër duhet t’i shënojë tri fitore.

    Ndërkohë, Federata e Basketbollit të Kosovës tashmë ka prezantuar logon e këtyre finaleve të cilën mund ta shihni në videon e mëposhtme: