ATV

Author: ATVLive

  • Hapet oda nordike në Kosovë, ftohen investuesit e huaj

    Hapet oda nordike në Kosovë, ftohen investuesit e huaj

    Urë lidhëse ndërmjet bizneseve të vendeve nordike dhe Kosovës, po shihet Oda Nordike e Tregtisë në Kosovë, e cila u hap këtë të premte.

    Kryeministri Albin Kurti tha se kjo dhomë biznesi do të shërbejë si një katalizator për përparimin, një platformë që nxit bashkëpunimin, inovacionin dhe sipërmarrjen.

    “Një nga objektivat kryesore të rajonit nordik do të jetë mbështetja e investitorëve të mundshëm nga vendet nordik, për të eksploruar mundësitë e investimeve dhe shkëmbimit tregtar për dhe nga Kosova”, tha Kurti.

    Për bashkëpunime mes bizneseve nordike dhe kosovare, sipas ministres Rozeta Hajdari, ofrohen mundësi të mira.

    “Dëshiroj të ndaj me ju mundësitë që ministria jonë po i jep sektorit privat përmes negocimit dhe nënshkrimit të marrëveshjeve të mira të programit të tregut të përbashkët të BE-së, në vlerë prej 4.2 miliardë euro për vitet 2020-2027 ku vendet nordike dhe vendet e tjera evropiane mund të lidhen me Kosovën”, tha Hajdari.

    Me hapjen e kësaj ode, po vlerësohet se do të shtohen edhe vendet e reja të punës.

    “Dhoma Nordike e Tregtisë do të shërbejë si një qendër qendrore për rrjetëzimin e biznesit, avokimin dhe shërbimet mbështetëse. Do të jetë një vend ku sipërmarrësit, pronarët e bizneseve të vogla dhe kompanitë e themeluara mund të bashkohen për të punuar dhe, gjithashtu, për të shkëmbyer ide, për të eksploruar mundësitë dhe për të bashkëpunuar në projekte që do të na sjellin dobi të gjithëve”, tha kryetarja e Odës Nordike, Afërdita Pllana-Ibrahimi.

    Edhe ambasadorët e Suedisë dhe Finlandës me mandat në Kosovë, vlerësuan se me hapjen e Odës Nordike, zhvillimi ekonomik mund të përmirësohet dhe bashkëpunimi mes vendeve do të rritet. /atvlive.tv

    Edicionin Qendror të lajmeve në ATV e gjeni në videon më poshtë:

  • Ministri Osmani: Kosova e Serbia t’i shmangin tensionet

    Ministri Osmani: Kosova e Serbia t’i shmangin tensionet

    Ministri i Punëve të Jashtme i Maqedonisë së Veriut, Bujar Osmani, në cilësinë e kryesuesit të OSBE-së ka qëndruar për vizitë të premten në Kosovë.

    Osmani është pritur nga liderët e vendit, ndërsa për media u deklarua pas takimit me homologen e tij, Donika Gërvalla.

    Ai ka thënë se OSBE-ja, por edhe Maqedonia e Veriut, e mbështet dialogun Kosovë – Serbi, duke u bërë thirrje dy shteteve të shmangin tensionet dhe të ecin përpara.

    “Maqedonia e Veriut dhe Kosova kanë bashkëpunim të mirë, jemi fqinjë të derës së parë, jemi dakorduar që të kemi investime në fqinjësi të mirë. Sot vizita në Prishtinë i kushtohet misionit të OSBE-së në Kosovë. Kemi pasur një takim të frytshëm. Qëllim është që t’i inkurajojmë institucionet që të bazohen në OSBE. Ne mbështesim fuqimisht dialogun nga BE-ja dhe inkurajojmë progresin për deklaratën për personat e pagjetur. Të kemi dialogun si prioritet, dialogu është dëshmuar që të jetë i frytshëm. Jemi të lumtur që e kemi mirëpritur takimin në Ohër. Ne e mbështesim marrëveshjen”, tha Osmani.

    Ndërsa, ministrja Donika Gërvalla foli për marrëdhëniet Kosovë – Maqedoni e Veriut.

    “Falënderova Osmanin edhe në cilësinë e ministrit për bashkëpunim, që e kemi me Maqedoninë e Veriut, diskutuam për bashkëpunimin në shumë fusha. U pajtuam që kemi nevojë që të punojmë më shumë. Biseduam edhe për implementimi e marrëveshjeve të Berlinit, të dy u pajtuam që të gjitha shtetet që kanë nënshkruar këto marrëveshje duhet t’i implementojnë”, tha Gërvalla

    Për bashkëpunime dhe projekte mes dy shteteve është diskutuar edhe në takimet që ministri Osmani ka zhvilluar me presidenten Vjosa Osmani dhe kryeministrin Albin Kurti. /atvlive.tv

    Edicionin Qendror të lajmeve në ATV e gjeni në videon më poshtë:

  • Serbët e Kosovës, në mbështetje të Vuçiqit!

    Serbët e Kosovës, në mbështetje të Vuçiqit!

    Stacioni i autobusëve në Graçanicë dhe Mitrovicë të Veriut mbrëmë ishte përplot.

    Serbët e Kosovës, në mënyrë të organizuar, e me autobusë të kompanive shqiptare, u nisën drejt Beogradit, për t’i shprehur mbështetje Vuçiqit, i cili po përballet me protestat e opozitës.

    Stefan Stojanovic nga fshati Dobratin, Vuçiqin e sheh si shpresë të vetme për ta.

    “Ne shkuam në një tubim në mbështetje të presidentit tonë Aleksandar Vuçiq. Më shumë se kurrë kemi nevojë për unitet dhe harmoni. Nuk ka qenë kurrë më e vështirë për popullin serb, jo vetëm në veri të Kosovës dhe Metohisë, por edhe për ne në jug. Shpresojmë se presidenti, si më parë, do të jetë me ne. Jemi të vetëdijshëm se vetëm me ndihmën e tij mund të mbijetojmë në KM”, tha Stefan Stojanovic, serb nga Kosova.

    Numri i madh i bashkëkombësve, i gëzoi serbët e tjerë.

    “Do ta mbështesim dhe falënderojmë presidentin, për të treguar se jemi me të dhe do të jemi gjithmonë”, tha Ivan Nedelkovic, serb nga Kosova.

    “Më vjen mirë që erdhëm në numër të madh. Autobusët janë plot me njerëz, të gjithë janë në humor të mirë. Nesër është dita e shpresës, jemi nisur të mbështesim presidentin tonë Aleksandar Vuçiq”, tha Jellena Stojanovic, serbe nga Kosova.

    Sipas mediave serbe, bëhet fjalë për afro mijëra serbë që kanë shkuar nga Kosova, por, këto të dhëna nuk janë konfirmuar nga Policia Kufitare e Kosovës.

    Pas disa orëve rrugë, mbërritën në Beograd duke iu bashkuar pjesës tjetër së turmës, që i është përgjigjur thirrjes së Vuçiqit, për protestën e cila filloi në orën 19:00. /atvlive.tv

    Edicionin Qendror të lajmeve në ATV e gjeni në videon më poshtë:

  • Shumë deputetë të LV-së janë vetëm “fizikisht” në seancat plenare

    Shumë deputetë të LV-së janë vetëm “fizikisht” në seancat plenare

    Janë më së shumti në numër, por deputetët e partisë në pushtet, fjalën në Kuvend e marrin më së paku.

    Deputetët e Lëvizjes Vetëvendosje, sipas monitoruesve të punës së Kuvendit, po konsiderohen si më pasivët, sa i përket aktivitetit të tyre parlamentar.

    “Deputetët individualisht duhet t’i shfrytëzojnë të gjithë mekanizmat që ua ofron kuvendi. Nëse një deputet vjen nga një zonë e caktuar duhet t’i mbajë përgjegjës ministrat e fushave në projektet që po zhvillohen në atë zonë. Ky pasivitet është edhe ikje nga funksioni në kuptim që largohen nga kërkesa për llogaridhënie dhe përgjegjësi ndaj ekzekutivit”, tha Arbër Thaçi nga KDI.

    Pasiviteti i tyre, sipas analistit Bekim Kabashi, lidhet me mungesën e përvojës në politikë.

    “Një pjesë e deputetëve e përfaqësojnë popullin e Kosovës për herë të parë dhe për herë të parë marrin pagë deputeti dhe është mungesë e përvojës së tyre e punë së mëhershme. Kemi një pjesë të madhe të deputetëve që nuk janë të përgatitur për detyrën që e kanë marrë”, tha analisti Bekim Kabashi.

    Sipas një hulumtimi të Institutit të Drejtësisë të Kosovës, brenda vitit 2022, disa
    prej deputetëve të Vetëvendosjes janë deklaruar vetëm 2 deri në 4 herë.

    Madje, ka prej tyre që asnjëherë nuk janë deklaruar.

    Ndërkaq, deputetët më aktivë janë konsideruar ata prej grupit parlamentar të AAK-së, PDK-së e më pas të LDK-së. /atvlive.tv

    Edicionin Qendror të lajmeve në ATV e gjeni në videon më poshtë:

  • Tre milionë euro për pezsazhin kulturor në Prekaz

    Tre milionë euro për pezsazhin kulturor në Prekaz

    Ministria e Kulturës ka hapur konkursin për projektimin e peizazhit kulturor të Kompleksit Memorial “Adem Jashari”, i cili llogaritet të kushtojë tre milionë euro.

    Master-plani që duhet ta ruajë origjinalitetin e objekteve ekzistuese, duhet ta përfshijë projektimin për pesë zona.

    Fillimisht, duhet të projektohet për konservimin e Kullave të rezistencës dhe bunkerit, objektin e informacionit, amfiteatrin veror, muzeun, shtatoren e Adem Jasharit, obeliskun, objektin për Gardën ceremoniale të FSK-së.

    Veç tyre, duhet të planifikohen edhe parkingjet, si dhe zhvendosja e disa shtëpive të lagjes, përfshirë edhe shtëpitë e familjes Jashari dhe objekte të tjera të nevojshme.

    Në zonën A3, ku ndodhet edhe fabrika e municionit, parashihet të jetë zona e funksionit kulturor, edukativ dhe rekreativ.

    Në fabrikën e prodhimit apo në magazinë, sugjerohet të vendoset Muzeu i Rezistencës, i cili do t’i përfshijë koleksionet, hulumtimet dhe prezantimet e Drenicës dhe familjes Jashari.

    Ndërsa, në objektet shoqëruese planifikohet të ndërtohen tri restorante, një bujtinë për studiuesit. Ndërsa, në ambient të hapur, planifikohet një strukturë për kampe verore, të shkollave të të rinjve dhe tubime mbi historinë.

    Sallë ekspozitash dhe konferencash me hapësira për punëtori, të cilat do të mund të akomodojnë festivale teatri, vallëzimi dhe formave të tjera muzikore.

    Fituesi i projektit i ka dy vite kohë që ta përfundojë gjithë master-planin. /atvlive.tv

    Edicionin Qendror të lajmeve në ATV e gjeni në videon më poshtë:

  • AGK: Organet e rendit të mundësojnë raportim të sigurtë të ekipeve mediale në veri

    AGK: Organet e rendit të mundësojnë raportim të sigurtë të ekipeve mediale në veri

    Asociacioni i Gazetarëve të Kosovës u bëri thirrje sot organeve të rendit, që të mundësojnë raportim të sigurtë dhe të papenguar të ekipeve mediale që gjenden në veri.

    AGK ftoi gazetarët dhe redaksitë për kujdes të shtuar.

    “Asociacioni i Gazetarëve të Kosovës po përcjell me shqetësim situatën e rënduar të sigurisë në 4 komunat në veri, prej nga dhjetëra gazetarë, kameramanë, foto-reporterë dhe punëtorë të tjerë medial po raportojnë. AGK-ja, u bën thirrje organeve të rendit, Policisë së Kosovës dhe prezencës ndërkombëtare në Kosovë, që të mundësojnë raportim të sigurtë dhe të papenguar të ekipeve mediale. Në këtë mes, portali Koha raporton se një veturë e ekipit është sulmuar me gurë nga persona të maskuar, por që fatmirësisht askush nuk është i lënduar.”, u bë e ditur në komunikatë.

    Pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Situata në veri, Murphy: Kurti t’i japë fund provokimit menjëherë

    Situata në veri, Murphy: Kurti t’i japë fund provokimit menjëherë

    Senatori amerikan, Chris Murphy ka reaguar pas zhvillimeve të sotme në veri të vendit.

    Ai është shprehur se të hënën, gjatë takimit, kryeministri Kurti nuk e ka përmendur planin për qasje në ndërtesat komunale, derisa ka potencuar se duhet t’i japë fund “këtij provokimi menjëherë”.

    “Sapo zhvillova një bisedë telefonike me këshilltarin e lartë amerikan, Derek Chollet për zhvillimin problematik. Në takimin tim të hënën në Prishtinë me kryeministrin Kurti, ai nuk përmendi një plan për qasje në ndërtesat komunale. Si mik i Kosovës jam kapur totalisht në befasi dhe duhet t’i japë fund këtij provokimi menjëherë.”, ka shkruar Murphy në Twitter.

    Ndryshe, pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur. Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Sveçla: Përgëzoj Policinë për profesionalizmin në ballafaqimin me grupe kriminale në veri

    Sveçla: Përgëzoj Policinë për profesionalizmin në ballafaqimin me grupe kriminale në veri

    Ministri i Punëve të Brendshme, Xhelal Sveçla është shprehur se kryetarët e komunave Zveçan, Zubin Potok dhe Leposaviq do të vazhdojnë mandatin e tyre duke qenë në shërbim të të gjithë qytetarëve pa dallim.

    Ai ka përgëzuar Policinë e Kosovës për profesionalizmin e treguar në “ballafaqimin me grupe të organizuara kriminale”.

    “Pas ceremonive të djeshme të betimit të Kryetarëve të komunave veriore, kryetarët e komunave Zveçan, Zubin Potok dhe Leposaviq sot janë vendosur në zyret e tyre në objektet komunale. Ata do të vazhdojnë mandatin e tyre duke qenë në shërbim të të gjithë qytetarëve pa dallim. Përgëzoj Policinë e Kosovës për profesionalizmin e treguar në ballafaqimin me grupe të organizuara kriminale, që kishin për qëllim pengimin e këtij procesi. 5 pjesëtarë të policisë janë lënduar nga sulmet e këtyre grupeve por që fatmirësisht lëndimet janë të lehta, ata ndihen mirë dhe janë në detyrë.”, ka shkruar Sveçla në Facebook.

    Ai ka potencuar se institucionet demokratike të Republikës së Kosovës do të jenë gjithnjë në shërbim të qytetarëve të vendit pa dallim dhe të pakompromis me sulmuesit e demokracisë, ligjit dhe qytetarisë.

    “Ftoj të gjithë qytetarët tanë që të mos bien pre e manipulimeve të grupeve kriminale të cilët për hir të përfitimeve kriminale personale e grupore dëshirojnë kaos dhe suspendim të shtetit të së drejtës e të demokracisë.”, ka shkruar tutje ai.

    Pesë policë janë lënduar dhe katër automjete janë dëmtuar nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës./KosovaPress

  • Situata në veri, Rama: Nuk ndihmon në njohjen e ndërsjellë mes Kosovës dhe Serbisë

    Situata në veri, Rama: Nuk ndihmon në njohjen e ndërsjellë mes Kosovës dhe Serbisë

    Kryeministri i Shqipërisë, Edi Rama ka reaguar të premten lidhur me situatën e krijuar në veri të Kosovës, ndërsa theksoi se kjo situatë nuk e ndihmon procesin për normalizim dhe njohje të ndërsjellë mes Kosovës dhe Serbisë.

    Kryeministri Rama ka shkruar në Facebook se pas tensioneve në veri të Kosovës, ku disa qytetarë kanë bërë përpjekje të pengojnë kryetarët e zgjedhur që të futen në objektet e komunës.

    “A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar”, shkruan Rama.

    Kryeministri iu bashkua ndërkombëtarëve në apelin për të mos ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin, njohjen e ndërsjellë mes Kosovës dhe Serbisë.

  • “O Xhevdet, pse s’po e përmend…”, përplasje e ashpër mes Halitit e Pozharit

    “O Xhevdet, pse s’po e përmend…”, përplasje e ashpër mes Halitit e Pozharit

    Në emisionin DIREKT në ATV, ka ndodhur një debat i ashpër mes analistit Xhevdet Pozhari dhe gazetares Albina Haliti.

    Pozhari akuzoi qeverisjen e Isa Mustafës për marrëveshjet e më hershme me Serbinë, ndërsa Haliti ia ktheu se pse ai nuk po akuzon qeveritë tjera, por po flet për Qeverinë Mustafa.

    “O Xhevdet, po flet për Isa Mustafën, një kryeministër që ka qenë qe sa vite. Pse s’po flet për qeverinë Haradinaj, Qeveria Kurti 1, Qeveria Hoti, pse po kthehesh të Isa Mustafa. Me u kthy të Isa Mustafa është një regres shumë i madh”, i tha gazetarja Haliti.

    “Thirre zotrin Haradinaj, edhe kur e thirrë zotrin Mustafa, ballafaqohu me neve që t’ia japim argumentet, mos t’ia lëmë atij sallamadi”, ia ktheu Pozhari. /atvlive.tv

    Emisionin e plotë e gjeni në videon më poshtë: