ATV

Author: ATVLive

  • ​Ambasadori turk: Dialogu, e vetmja rrugë për stabilitet të qëndrueshëm në Kosovë

    ​Ambasadori turk: Dialogu, e vetmja rrugë për stabilitet të qëndrueshëm në Kosovë

    Ambasadori i Turqisë në Kosovë, Sabri Tunç Angili deklaroi të shtunën se dialogu është e vetmja rrugë për të pasur stabilitet të qëndrueshëm në Kosovë.

    Ai tha se e mbështesin procesin e dialogut ndërmjet Kosovës dhe Serbisë.

    “Ne besojmë se stabiliteti është shumë shumë i rëndësishëm jo vetëm në Kosovë, por në të gjithë Ballkanin, dhe për të arritur një stabilitet të qëndrueshëm, ne besojmë se e vetmja rrugë është dialogu, kështu që ne mbështesim procesin e dialogut të lehtësuar nga Bashkimi Evropian, ndërmjet Kosovës dhe Serbisë, dhe ne gjithashtu mbështesim të gjitha çështjet dhe problemet që duhet të zgjidhen me mjete paqësore”, tha ai.

    Ndryshe, pesë policë janë lënduar dhe katër automjete janë dëmtuar të premten (26 maj) nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Ndërkohë, ndërkombëtarët kanë dënuar veprimet e Qeverisë Kosovës, duke kërkuar që të ulen tensionet.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës.

  • Profesori amerikan: Këto 4 shtete të NATO-s, mund t’i japin fund trazirave në veriun e Kosovës

    Profesori amerikan: Këto 4 shtete të NATO-s, mund t’i japin fund trazirave në veriun e Kosovës

    Profesori amerikan, Edward Joseph ka komentuar sërish zhvillimet në veri të Kosovës.Në një intervistë për redaksinë në gjuhën anglezë të “Al Jazeera” ai ka thënë se tensionet në Ballkan, përfshirë edhe trazirat në veri të Kosovës zgjidhen kur 4 shtetet e NATO-s e njohin Kosovën shtet.

    “E gjithë rrëmuja e Ballkanit, duke përfshirë krizat e njëpasnjëshme në veri të Kosovës, përfundojnë me njohjen e Kosovës nga 4 shtetet mosnjohëse të NATO-s. Njohja nga Ukraina mund të jetë katalizator”, ka përmbledhur Joseph intervistën e tij përmes një postimi në Twitter.

    Profesori edhe gjatë ditës së djeshme ka analizuar tensionet në këtë pjesë të Kosovës.

    Ai e ka quajtur të nxituar deklaratën e Departamentit amerikan të Shtetit për të dënuar veprimet e autoriteteve të Kosovës në veri.

    Joseph thotë se dy gjëra mund të jenë të vërteta: Vuçiq mund të jetë i keq dhe Kurti i papërgjegjshëm, por që sipas tij “fajin e ka Beogradi: Regjimi kriminal në veri sabotoi zgjedhjet e 23 prillit, vazhdoi bojkotin e institucioneve të Kosovës dhe përmbysi në mënyrë flagrante Marrëveshjen ligjërisht të detyrueshme të Ohrit”.

    Ai ka kujtuar edhe lidhjet e Serbisë me Rusinë.

  • Murphy: Serbia s’ka të ardhme me Rusinë, s’është konstruktive të qëndrosh pranë Putinit

    Murphy: Serbia s’ka të ardhme me Rusinë, s’është konstruktive të qëndrosh pranë Putinit

    Senatori amerikan, Chris Murphy, ka thënë se shpreson që Serbia të miratojë sanksionet perëndimore kundër Rusisë për pushtimin e saj në Ukrainë, duke i thënë vendit ballkanik se “nuk ka të ardhme” në një aleancë me Moskën.

    “Pushtimi i Rusisë ka qenë një fatkeqësi absolute dhe besimi im është se Rusia përfundimisht do ta humbasë këtë konflikt”, tha senatori Murphy meqë Serbia është i vetmi vend në Europë që nuk ka vendosur asnjë sanksion ndaj Rusisë.

    “E ardhmja e Serbisë është me Bashkimin Europian dhe me Shtetet e Bashkuara jo me Rusinë. Nuk ka të ardhme me Rusinë. Ata (Rusia) do të shkatërrohen”.

    Megjithëse Serbia po kërkon zyrtarisht anëtarësimin në BE dhe e ka dënuar pushtimin rus në Ukrainë në Kombet e Bashkuara, Beogradi ka ruajtur marrëdhëniet e tij historikisht miqësore me Moskën, shkruan AP.

    Vizita e Murphy në Beograd ndodhi derisa shefi pro-rus i inteligjencës i Serbisë, Aleksandar Vulin, udhëtoi për në Moskë për një konferencë sigurie.

    Serbia është gjithashtu një nga vendet e pakta me lidhje direkte ajrore me qytetet ruse dhe është pothuajse plotësisht e varur nga Rusia për furnizimet me energji.

    I pyetur për vizitën e Vulin në Rusi, Murphy u përgjigj se “natyrisht Rusia po kërkon miq këto ditë”, por se nuk është “konstruktive” për asnjë komb të qëndrojë pranë Presidentit rus Vladimir Putin.

  • Protesta kundër dhunës dhe kërkesa për shkarkimin e Vuçiqit, mbushen rrugët e Beogradit

    Protesta kundër dhunës dhe kërkesa për shkarkimin e Vuçiqit, mbushen rrugët e Beogradit

    Në Beograd po mbahet protesta e katërt “Serbia kundër dhunës” pas dy tragjedive të ndodhura para pak ditësh. Gjithashtu partitë opozitare janë duke kërkuar edhe dorëheqjen e presidentit të Serbisë, Aleksander Vucic.

    Në pamjet e publikuara nga mediat serbe shihet një pjesëmarrje masive në këtë protest që ka nisur para Kuvendit të Serbisë pak pas orës 18:00 dhe ka vazhduar pastaj deri tek ndërtesa e televizionit publik serb.

    Protestuesti serbë kanë mbushur rrugët e Beogradit edhe përkundër motit me shi.

    Ranka Kashikovic ka qenë ajo që ka mbajtur fjalimin hapës në këtë protestë të katërt.

    Kjo protestë masive e opozitës serbe vjen një ditë pas tubimit të Aleksander Vucicit.

  • Shefi i EULEX-it: Zgjedhjet e fundit në veri nuk ofrojnë zgjidhje afatgjatë, palët të veprojnë me maturi

    Shefi i EULEX-it: Zgjedhjet e fundit në veri nuk ofrojnë zgjidhje afatgjatë, palët të veprojnë me maturi

    Shefi i EULEX-it, Lars-Gunnar Wigemark, u ka bërë thirrje Kosovës dhe Serbisë për veprime të matura, në mënyrë që situata të mos shkojë drejt përshkallëzimit.

    Këto deklarime ai i bëri në një intervistë për Deutsche Welle, ndërsa shtoi se zgjedhjet e fundit, megjithëse u zhvilluan qetë, nuk përbëjnë zgjidhje afatgjate.

    Wigemark, ripërsëriti faktin se kjo zgjidhja e qëndrueshme, e shumëpërmendur, mund të arrihet vetëm përmes dialogut.

    “Do t’i bëjmë thirrje të gjithëve që të veprojnë në mënyrë të matur në mënyrë të qetë për të shmangur çdo kërcënim të dhunës dhe për të deskaluar situatën që fatkeqësisht dje doli jashtë kontrollit”, tha Wigemark ndër të tjera.

    Grupe qytetarësh serb u përplasën të premten me Policinë e Kosovës e cila deklaroi se po ndihmonte kryetarët e rinj të Zveçanit, Zubin Potokut dhe Leposaviqit, në veriun e vendit, për të hyrë në zyrat e tyre.

    Policia hodhi gaz lotsjellës në hyrje të komunës së Zveçanit për të shpërndarë turmën e cila hodhi shashka dhe gurë mbi pjesëtarët e policisë, ndërsa i vuri flakën të paktën një makine të policisë.

    Ndaj zhvillimeve të djeshme në veri reaguan ashpër ndërkombëtarët.

    Sekretari Blinken dje dënoi veprimet e Kosovës, duke i bërë thirrje edhe kryeministrit Albin Kurti që t’i ndalojë këto masa menjëherë.

    “Dënojmë fuqishëm veprimet e Qeverisë së Kosovës që po përshkallëzojnë tensionet në veri dhe po shtojnë jostabilitetin. I bëjmë thirrje kryeministrit Albin Kurti të ndalojë menjëherë këto masa të dhunshme dhe të ripërqendrohet në dialogun e lehtësuar nga BE-ja”, ka shkruar dje Blinken. Ndërsa, para se të reagonte Blinken, në Prishtinë të njëjtin reagim qortues për Kosovën e bëri edhe ambasadori Jeff Hovenier. Më pas, në të një të linjë reaguan edhe shtetet e tjera të QUINT-it.

  • Murphy: Serbia s’ka të ardhme me Rusinë, s’është konstruktive të qëndrosh pranë Putinit

    Murphy: Serbia s’ka të ardhme me Rusinë, s’është konstruktive të qëndrosh pranë Putinit

    Senatori amerikan, Chris Murphy, ka thënë se shpreson që Serbia të miratojë sanksionet perëndimore kundër Rusisë për pushtimin e saj në Ukrainë, duke i thënë vendit ballkanik se “nuk ka të ardhme” në një aleancë me Moskën.

    “Pushtimi i Rusisë ka qenë një fatkeqësi absolute dhe besimi im është se Rusia përfundimisht do ta humbasë këtë konflikt”, tha senatori Murphy meqë Serbia është i vetmi vend në Europë që nuk ka vendosur asnjë sanksion ndaj Rusisë.

    “E ardhmja e Serbisë është me Bashkimin Europian dhe me Shtetet e Bashkuara jo me Rusinë. Nuk ka të ardhme me Rusinë. Ata (Rusia) do të shkatërrohen”.

    Megjithëse Serbia po kërkon zyrtarisht anëtarësimin në BE dhe e ka dënuar pushtimin rus në Ukrainë në Kombet e Bashkuara, Beogradi ka ruajtur marrëdhëniet e tij historikisht miqësore me Moskën, shkruan AP.

    Vizita e Murphy në Beograd ndodhi derisa shefi pro-rus i inteligjencës i Serbisë, Aleksandar Vulin, udhëtoi për në Moskë për një konferencë sigurie.

    Serbia është gjithashtu një nga vendet e pakta me lidhje direkte ajrore me qytetet ruse dhe është pothuajse plotësisht e varur nga Rusia për furnizimet me energji.

    I pyetur për vizitën e Vulin në Rusi, Murphy u përgjigj se “natyrisht Rusia po kërkon miq këto ditë”, por se nuk është “konstruktive” për asnjë komb të qëndrojë pranë Presidentit rus Vladimir Putin.

  • Lulzim Tafa zgjedhet anëtar i jashtëm i Akademisë boshnjake të Shkencave dhe Arteve

    Lulzim Tafa zgjedhet anëtar i jashtëm i Akademisë boshnjake të Shkencave dhe Arteve

    Lulzim Tafa është zgjedhur anëtar i jashtëm i Akademisë boshnjake të Shkencave dhe Arteve.

    Lajmin e ka bërë të ditur vetë Tafa nëpërmjet një postimi në Facebook.

    Në vijim gjeni postimin e plotë të tij:

    Të nderuar miq!

    Akademia Boshnjake e Shkencave dhe Arteve më ka njoftuar se kuvendi i kësaj Akademie më ka zgjedhur anëtar të jashtëm të saj.

    Sarajeva është një nga metropolet kryesore të kulturës në Evropë, dhe mua më ka nderuar gjithmonë.

    Në vitin 2012 është botuar libri im në gjuhën boshnjake, me një parathenje të Abdulla Sidranit, i cili më ka bërë shumë të njohur te lexuesit atje.

    Në gusht do të jem në Sarajevë, për të marr pjesë në ceremoninë e promovimit të anëtarëve të rinj të Akademisë.

  • Kryetari Zeqiri fton serbët t’i bashkohen kabinetit të tij, por vetëm mbi bazat e ligjeve të Kosovës

    Kryetari Zeqiri fton serbët t’i bashkohen kabinetit të tij, por vetëm mbi bazat e ligjeve të Kosovës

    Kryetari i Zubin Potokut, Izmir Zeqiri, në një intervistë për ATV-në, tha se është i hapur që në kabinetin e tij, të marrin pjesë sa më shumë kuadër i shumicës serbe për t’i drejtuar dikasteret, por sipas tij vetëm mbi bazat e ligjeve të Republikës së Kosovës.

    “Unë mendoj dhe dëshiroj që të vij dhe ta vazhdoj punën normalisht. Në qoftë se nuk do të ketë normalitet, atëherë do të ketë diçka tjetër. Unë gjithmonë jam i orientuar pozitivisht. Mendoj që duhet të jetë një normalitet edhe në funksionalizimin e mekanizmave tonë të komunës, jemi të hapur, unë gjithë kam thënë që në këtë mekanizëm të komunës siç është kabineti i im, të marrin pjesë sa më shumë kuadër i shumicës serbe për t’i drejtuar dikasteret, të kuptohemi, mbi bazat e ligjeve të Republikës së Kosovës”, tha Zeqiri.

    Ai ritheksoi se gjithçka që i bashkon me të gjithë qytetarët, është infrastruktura e ligjore e Republikës Kosovës. /atvlive.tv

    Intervistën e plotë të tij e gjeni në videon e më poshtme nga minuta 50:00:

  • Zeqiri për ATV-në: Do të vazhdoj punën me rrjedhë normale, serbët po ndihen të frikësuar nga banadat kriminale të Serbisë e Rusisë

    Zeqiri për ATV-në: Do të vazhdoj punën me rrjedhë normale, serbët po ndihen të frikësuar nga banadat kriminale të Serbisë e Rusisë

    Kryetari i Zubin Potokut, Izmir Zeqiri, në një intervistë për ATV-në, tha se sot ishte dita më e veçantë për të. Ai këtë intervistë e dha në objektin e Komunës së Zubin Potokut, ku vendosja e tij në këtë komunë u përcoll me tensione të shumta të protestuesve serbë.

    “Dita e parë ishte sot ditë më ë veçantë për mua, mirëpo s’mund të them që jam i kënaqur me këtë revoltën që ishte e një pjesë e qytetarëve dhe punëtorëve që kanë qenë në këtë objekt, mirëpo duhet të jetë një gjë e dishme, që ata punëtorë që kanë punu, ju mund të merrni edhe pamjet nëpër objekt, gjithçka asgjë nuk kanë respektuar të Republikës së Kosovës, siç duhet të jetë”, tha Zeqiri.

    Sipas tij, janë një pjesë e punëtorëve të komunës që janë të ndikuar nga bandat kriminale, të financuara prej Serbie.

    “Janë një pjesë e punëtoreve të ndikuar nga bandat kriminale, të financuara prej Serbie për ta penguar edhe administrimin, edhe sigurinë e Republikës së Kosovës. Ndoshta nuk ishte kjo forma më e mirë, mirëpo megjithatë është një harmonizim dhe një qëndrim edhe i Qeverisë që ne të fillojmë punën sa më parë në objektet e komunës”, tha Zeqiri.

    Ai tha se edhe në ditët të ardhshme do të vazhdojnë punën me rrjedhë normale.

    Grupe të ndikuara nga shërbime të ndryshme të Serbisë edhe të Rusisë, sipas kryetarit Zeqiri, e kanë pru qytetarin në një hapësirë të jetës shumë të ngushtuar.

    “Ne mendojmë që do të funksionojmë me rrjedhë normale. Duke qenë të bindur se secili qytetari i vynë edhe i duhet shërbimi por edhe liria e jetës. Këto grupe të ndikuara nga shërbime të ndryshme të Serbisë edhe të Rusisë e kanë pru qytetarin në një hapësirë të jetës shumë të ngushtuar, duke mos guxuar as të punojë i lirë e as të veprojë i lirë, por sipas diktateve të tyre qysh ata i udhëzojnë të punojnë dhe veprojnë, herë pas here edhe i shtynë me zor të dalin të bëjnë ndoshta një protestë ose t’i pengojnë organet e drejtësisë, të sigurisë, i keqpërdorin, kryesisht herë pas here edhe femrat edhe të miturit i qesin përballë. Kjo është taktika e veprimit të atyre mekanizmave kriminale”, tha Zeqiri.

    Ai tha se beson që administrimi në bazë të infrastrukturës së Republikës së Kosovës do të jetë i pranueshëm për të gjithë qytetarët. /atvlive.tv

    Intervistën e plotë të tij e gjeni në videon e më poshtme nga minuta 50:00:

  • Dëshmon partnerja e Ivanoviçit, thotë se nuk e di kush e vrau!

    Dëshmon partnerja e Ivanoviçit, thotë se nuk e di kush e vrau!

    Pas shumë përpjekjeve e thirrjeve të Gjykatës, partnerja e ish-politikanit serb, Oliver Ivanovic, ka dhënë dëshminë e saj, por online përmes video-linkut, nga kryeqyteti i Serbisë.

    Dëshmia e Milena Popovicit, që zgjati më shumë se dy orë, nuk u lejua të xhirohet nga trupi gjykues.

    Gjyqtari Valon Kurtaj nuk dha arsyetim me shkrim, duke mos u lëshuar në detaje se pse mund të dëmtohen hetimet, kur gjykimi pothuajse është në përfundim.

    “Kamerat i ndaloni, mund të marrin gazetarët shënime, mirëpo video-incizim jo”, tha Kurtaj.

    Duke iu përgjigjur pyetjes së Prokurorisë, Milena Popovic mohoi të ketë deklaruar në media se e di kush është vrasësi i Ivanovicit. Ajo tha se nuk ka pasur presion apo kërcënime që nuk dha dëshmi deri tash.

    “Së pari asnjëherë nuk kam th[në që unë e di se kush e ka vrarë Oliverin. Po ta dija, do ta dinit edhe ju, edhe gjithë bota. Që kam thënë se do të paguaj kush qëndron, kam thënë. Kjo do të thotë që çdo e vërtetë do të zbardhet. Këto fjalë do të dëgjohen, edhe ai i dëgjon, unë do ta tregoj e do ta drejtoj gishtin, edhe nëse është vëllai im. Le ta dëgjojnë të gjithë, do ta paguaj ai kurdoherë”, tha Popovic.

    Popovic është pyetur edhe lidhur me kamerat e sigurisë, të cilat sipas aktakuzës Silvana Arsoviq, sekretare e partisë që e drejtonte Ivanovici, i kishte shkyçur në ditën kritike.

    “Oliveri kishte vendosur kamera për ta përcjellë zyrën dhe ato kanë qenë aty nonstop, që të incizojnë nëse diçka potencialisht ndodh. Kamerat u vendosën pas një incidenti në zyrë. Kamerat kanë qenë në funksion gjatë gjithë kohës. Kam dëgjuar nga mediat se në ditën kritike kamerat s’kanë punuar, por unë kam qenë e bindur që ato punonin”, tha Popovic.

    Partnerja e ish-politikanit Ivanoviq deklaroi se nuk i njeh asnjërin nga të akuzuarit, përveç Arsoviqit, për të cilën tha se është e bindur në pafajësinë e saj.

    “Mund të them që është marrë që ajo u akuzu, ajo ka qenë si motra e tij për Oliverin. Padrejtësi e madhe çka po ndodh ndaj saj. Te tjerët i di si pamje i kam dëgjuar neper biseda e di qe ka qene nw marrëdhënie korrekte me Boikon. Me Raidoqiqin ka qene kundërshtar politik e nuk e ka dashur shume, kaq është ajo që unë di”, tha Popovic.

    Popovic, e cila aktualisht është sekretare e Ministrisë së Kulturës në Beograd, e deputete e partisë së Aleksandër Vucicit, në mandatin e kaluar, në pyetjen e Prokurorisë se pse iu bashku kësaj partie, tha se ishte vullnet i saj politik, të cilin ia kishte shprehur edhe ish-partnerit të saj sa ishte gjallë.

    Madje, Popovic i kishte kërkuar që të bashkohej me partinë e Vucicit, me të cilin bashkë me Olivierin ishin takuar disa herë në Beograd, por ish-politikani serb kishte vendosur të qëndrojë në partinë Liri, Demokraci dhe Drejtësi.

    Ndërkohë, për mbrojtjen dëshmia e saj nuk u pa relevante për zbardhjen e rastit.

    Prokuroria i akuzon Marko Roshiqin, Nedelkjo Spasojeviqin, Dragisha Markoviqin, Zharko Jovanoviqin, Silvana Arsoviqin dhe Rade Basaran, për përfshirje në vrasjen e Oliver Ivanoviq, i cili u gjet para selisë së partisë së tij, në Mitrovicën e Veriut, në janar të 2018-ës. /atvlive.tv

    Edicionin Qendror të lajmeve në ATV e gjeni në videon më poshtë: