ATV

Author: ATVLive

  • Vuçiq thirrje ndërkombëtarëve: Merrni masa ndaj përgjegjësve për situatën në veri të Kosovës

    Vuçiq thirrje ndërkombëtarëve: Merrni masa ndaj përgjegjësve për situatën në veri të Kosovës

    Presidenti i Serbisë, Aleksandar Vuçiq, i ka bërë thirrje mbrëmë komunitetit ndërkombëtar që të ndërmarrë veprime të vendosura kundër, siç tha ai, atyre që janë kokëfortë dhe përgjegjës për përshkallëzimin e situatës në Kosovë, “duke rrezikuar kështu paqen dhe sigurinë e gjithë rajonit”.

    Vuçiq, në një deklaratë për mediumin amerikan CNN, u bëri thirrje serbëve që të protestojnë në mënyrë paqësore dhe të ruajnë maturinë.

    Reagimi i tij vjen pasi Qeveria e Kosovës mori qortime nga ShBA-të, rreth zhvillimeve në veri, ku serbët po kundërshtojnë kryetarët veriorë.

    Ai e ka mohuar akuzën e Kurtit se ai i ka shantazhuar serbët që të mos marrin pjesë në zgjedhjet lokale në Kosovë, teksa shtoi se Serbia është e kënaqur me deklaratat e bëra nga Sekretari amerikan i Shtetit, Antony Blinken dhe presidenti i Francës, Emmanuel Macron, rreth krizës në Kosovë.

    Sekretari Blinken ka deklaruar se i dënon fuqishëm veprimet e Qeverisë së Kosovës, të cilat siç ka thënë ai, po e përshkallëzojnë tensionet në veri dhe po shtojnë jostabilitetin. Nga ana tjetër, Macron ka thënë se Kosova është përgjegjëse për trazirat e shkaktuara.

    Sipas tij, Serbia nuk e ka shkelur asnjë marrëveshje ndërkombëtare, në reagimin e saj ndaj krizës.

    “Unë e di që këta njerëz janë të vendosur të luftojnë në mënyrë paqësore për të drejtat e tyre elementare. Ata duan të mbijetojnë, të ruajnë emrin dhe mbiemrin, fenë e tyre dhe të kenë të drejtën të jetojnë atje ku kanë jetuar gjithmonë. Këshilla ime dhe kërkesa është që gjithmonë ta bëjmë atë në mënyrë paqësore dhe të qëndrojmë të kthjellët. Dhe i bëj thirrje komunitetit ndërkombëtar që të ndërmarrë veprime vendimtare kundër atyre që janë kokëfortë dhe që e përshkallëzojnë situatën në terren, duke rrezikuar kështu paqen dhe sigurinë e të gjithë rajonit”, theksoi Vuçiq i pyetur se cili ishte mesazhi i tij për njerëzit që po protestojnë në veri të Kosovës.

    “Ne e kemi respektuar Marrëveshjen e Kumanovës dhe Rezolutën 1244 të OKB-së. Ne nuk e kemi hyrë në Kosovë me ushtarë. Deri më tani ne kemi pasur bashkëpunim profesional me trupat e NATO-s në Kosovë dhe jam i bindur se ky bashkëpunim do të vazhdojë”.

    Ai theksoi se janë dy gjëra kyçe, “se Serbia i ka zbatuar të gjitha obligimet e saj nga marrëveshja e parë, nga prilli 2013, dhe Prishtina nuk e ka zbatuar të vetmen – formimin e Asociacionit të Komunave me Shumicë serbe”, transmeton Paparaci.

    “Nuk e kanë bërë, as nuk duan ta bëjnë”, tha ai. Ai po ashtu ka deklaruar se zgjedhjet lokale në veri të Kosovës janë mbajtur me pjesëmarrje prej 3.4 për qind. Për këtë arsye nuk janë legjitime dhe si të tilla janë zgjedhje të rreme, tha Vuçiq.

    “A do të quheshin legjitime diku tjetër zgjedhjet me një pjesëmarrje kaq të ulët?”, pyeti ai. Ai gjithashtu theksoi se kryeministri i Kosovës, Albin Kurti, i quan fashistë, ultranacionalistë apo kriminelë 97 për qind të qytetarëve në veri.

    “Nuk mund të bëni pa 97 për qind të njerëzve dhe vetëm me tre për qind. Serbët duan siguri dhe siguri për veten dhe familjet e tyre”.

  • Komandanti i KFOR-it: Nëse s’do të ndërhynim në veri, tani do të ishim duke mbajtur zi për të vdekurit

    Komandanti i KFOR-it: Nëse s’do të ndërhynim në veri, tani do të ishim duke mbajtur zi për të vdekurit

    Komandanti i KFOR-it, Angelo Michelle Ristuccia, ka deklaruar se në Zveçan kishte njerëz që sipas tij, kanë pasur qëllim për ta nxitur turmën e banorëve serbë, të cilit që nga 26 maji janë mbledhur para objektit të komunës.

    Serbët lokalë që kanë sulmuar personelin e KFOR-it, Policinë e Kosovës dhe gazetarët, po i kundërshtojnë kryetarët e komunave veriore. ShBA-të kanë qortuar Qeverinë Kurti për veprimet e saja karshi këtyre zhvillimeve, teksa kanë përjashtuar Kosovën nga ushtrimi ushtarak “Defender Europe 2023”.

    E sipas Risctuccias, po mos të ishte KFOR-i i pranishëm në komunat po ndodhin tensionet, gjërat do të kishin shkuar shumë më keq, transmeton Paparaci.

    “Nëse nuk do të kishim ndërhyrë, tani do të ishim duke mbajtur zi për të vdekurit”, tha ai për gazetën italiane “La Repubblica”.

    Prandaj siç thotë ai, situata në veri do të mund të përshkallëzonte më tej pa praninë e KFOR-it.

    Së fundmi, NATO ka vënë në gatishmëri të lartë edhe një batalion rezervë për dislokim në Kosovë “në rast se ka nevojë”, shkaku i tensioneve në veri të vendit. Kjo është bërë e ditur gjatë vizitës së komandantit të Komandës së Forcave të Përbashkëta të NATO-s në Napoli, admiralit Stuart Munsch, në KFOR.

    Ky lajm vjen vetëm një ditë pasi NATO vendosi të dislokojë forca shtesë, pasi 30 ushtarë të misionit të saj paqeruajtës në Kosovë, KFOR, u lënduan gjatë përleshjeve me protestuesit serbë në Zveçan.

    “Diskutimet e tyre [Admiralit Munsch dhe komandantit të KFOR-it, gjeneralmajor Angelo Michele Ristuccia] përfshinin dislokimin e 700 trupave shtesë nga batalioni rezervë i thirrur në Kosovë nga NATO për të normalizuar situatën dhe për të garantuar sigurinë, si dhe dislokimin e mundshëm të një batalioni tjetër rezervë që është vendosur në gatishmëri të lartë, në rast se nevojiten trupa shtesë”, thuhet në postimin e Komandës së Forcave të Përbashkëta të NATO-s në Napoli në Twitter.

  • Sveçla thotë se ​grupet kriminale në Zveçan janë të drejtuara nga Beogradi

    Sveçla thotë se ​grupet kriminale në Zveçan janë të drejtuara nga Beogradi

    Ministri i Punëve të Brendshme, Xhelal Sveçla, ka deklaruar se autorët e sulmeve ndaj Policisë së Kosovës në Zveçan, do të vihen para drejtësisë.

    Ai ka deklaruar se grupet kriminale në veri të vendit janë të drejtuara nga Beogradi.

    “Dënojnë ashpër sulmet e fundit ndaj Policisë së Kosovës në Zveçan nga grupet kriminale të maskuara të drejtuara nga Beogradi. Këto akte rrezikojnë jetë dhe synojnë destabilizimin e vendit tonë. Ne qëndrojmë të bashkuar kundër një dhune të tillë. Autorët do të identifikohen dhe do të vihen para drejtësisë”, ka shkruar Sveçla në Twitter.

    Policia e Kosovës ka bërë të ditur se një zyrtar policor ka marrë lëndime nga sulmet e protestuesve në veri të vendit.

    Sipas njoftimit të Policisë, në orët e pasdites janë hedhur gurë në drejtim të tri automjeteve të Policisë.

  • Serwer: ShBA-të mbështesin 100% Vuçiqin, duan që Kurti t’i përkulet vullnetit tyre

    Serwer: ShBA-të mbështesin 100% Vuçiqin, duan që Kurti t’i përkulet vullnetit tyre

    Profesori amerikan Daniel Serwer në një intervistë për Euronews Albania, komentoi situatën e tensionuar në Veri të Kosovës.

    Ai theksoi se SHBA po mbështet 100% Beogradin ndërsa shtoi se kërkojnë që kryeministri i Kosovës, Albin Kurti duhet t’i përgjigjet vullnetit të Serbisë.

    Sipas tij, Kurti duhet të menaxhojë marrëdhëniet që ka me SHBA dhe BE.

    “Shtetet e Bashkuara po mbështesin Beogradin në 100% dhe kërkojnë që Kurti ti përgjigjet vullnetit të Beogradit. Kjo është ajo çka po përpiqen të bëjnë. Mendoj se SHBA dhe BE do të vazhdojnë rrugëtimin që kanë zgjedhur dhe ajo që Kurti duhet të kuptoj është se si të menaxhojë marrëdhëniet me SHBA dhe BE, në mënyrë që këto dy të fundit të jenë në një pozicion më neutral”, tha ai.

  • Haliti tregon se a do ta votojë rrëzimin e qeverisë Kurti

    Haliti tregon se a do ta votojë rrëzimin e qeverisë Kurti

    Deputeti i PDK-së, Xhavit Haliti mbrëmë në emisionin CONTEXT në ATV, tha se ka kërkuar publikisht dorëheqjen e Albin Kurtit, pas qortimeve nga Shtetet e Bashkuara të Amerikës, por thekson se për rrëzimin e Qeverisë do të duhet t`i kenë votat.

    “Ka tri ditë që i kam kërku publikisht dorëheqjen, Albin Kurtit. Kryeministri i Kosovës duhet të tërhiqet për shkak të veprimeve të pamatura, duhet të mbaj përgjegjësi dhe në radhë të parë, të shkarkoj ministrin e brendshëm, sepse mendoj që ai ka udhëhequr dhe ka komanduar forcat e Policisë në drejtim të veriut të Kosovës dhe ka krijuar incidente, të cilat Serbia u përpoq ti justifikoj veprimet e dhunshme edhe kundër KFOR-it dhe kundër Policisë së Kosovës”, u shpreh Haliti. /atvlive.tv

    Emisionin e plotë e gjeni në videon më poshtë:

  • Haliti: S’ka më luftë. Lufta për Kosovën ka përfunduar

    Haliti: S’ka më luftë. Lufta për Kosovën ka përfunduar

    Deputeti i PDK-së, Xhavit Haliti, në emisionin CONTEXT në ATV, tha se nuk do të ketë më luftë, por beteja për Kosovën tani ëhstë qysh me i rregullu raportet me Serbinë dhe qysh me hy në BE.

    “Unë dua të ju them juve dhe të gjithë ata që dojnë me dëgju dhe janë realist, s’ka më luftë. Ka përfunduar lufta për Kosovën. S’janë më luftë. U kry lufta në Kosovë. Tash beteja është qysh me i rregullu raportet me Serbinë dhe qysh me hy në BE”, tha Haliti.

    Ai tha se beson që marrëveshja mes këtyre dy vendeve, nuk do ta kënaqë asnjërën palë.

    “Tani beteja si dhe qysh do të përfundojë marrëveshja, a do të kënaqemi ne a Serbia, apo nuk do të kënaqemi asnjëra, unë besoj se asnjëra nuk do të kënaqen, por do të jetë një marrëveshje, e cila në proces, do t’i ndihmojë të dyja palët”, tha Haliti. /atvlive.tv

    Emisionin e plotë e gjeni në videon më poshtë:

  • Haliti thotë sulmuesit e KFOR-it kishin miratimin e Vuçiqit: Kanë qenë 20 veta, janë transportuar për Rashkë

    Haliti thotë sulmuesit e KFOR-it kishin miratimin e Vuçiqit: Kanë qenë 20 veta, janë transportuar për Rashkë

    Deputeti i PDK-së, Xhavit Haliti, në emisionin CONTEXT në ATV, tha se sulmuesit e KFOR-it kanë qenë një grup prej 20 persoanave, të cilët kanë qenë këtu me miratimin e Vuçiqit, dhe të njëjtit janë larguar nga Kosova pas sulmeve që kanë shkaktuar.

    “Janë 20 veta që janë tërhekë sonte ose mbramë nuk e di saktë, janë tërheqë përmes një ndërmarrësi i cili merret me metale në atje në veri diku në Zveçan apo merret se s’jam i sigurt, ai e ka e ka bo për transportin dhe i ka çu për Rashkë”, tha Haliti.

    Sipas tij, këta persona me maska, nuk kanë marrë urdhëra nga këtu, por nga Beogradi.

    “Nuk përjashtohet mundësia me pasë gjithçka veçanërisht ata që janë me masëka me kapuça, por dihet që në krye të saj ekziston një urdhër, ekziston një miratim dhe miratimi nuk është dhanë këtu. Miratimi është dhanë nga Vuçiqi në Beograd, sepse ai ka ka caktu dhe ka paracaktu data kur do të ketë përleshje në ose ngjarje tepër të rëndësishme në veri, tepër të rrezikshme dhe jo rastësisht afër kufirit ika vendosë forcat e ushtrisë”, tha Haliti.

    Ai tha se nuk e beson që Vuçiqi ka pasurt guxim me dërgu forca legale pa garanci që mund të tërhiqen.

    “Shërbimet serbe janë prezente aty, është e ditur atëherë sa s’ka naj sekret ashtu siç janë edhe shërbimet e Kosovës aty dhe nuk do të çuditesha mos me qenë shërbimet e tjera, unë po besoj që edhe ato që janë në Kosovë janë prezente, sepse edhe rusët janë prezentë në Kosovë, e kanë një përfaqësi tyre këtu, kanë ndonjë përfaqësues të OKB-së, me kompetencat që i kanë marrë në OKB edhe në UNMIK janë në veri të vendosur, dihet që ata janë pjesëtarë të shërbimeve të zbulimit rus, por unë nuk e besoj që forca ruse kanë hy në Mitrovicë, ashtu siç nuk e besoj që ka pasë guxim Vuçiqi me do me dërgu forca legale të legalizuara në serbi si forca speciale pa garanci që mund të tërhiqen”, tha Haliti. /atvlive.tv

    Emisionin e plotë e gjeni në videon më poshtë:

  • Haliti: Veprimi i kryeministrit ka qenë i ngutshëm, shpresoj se do të gjejë mënyrën për të kërkuar falje

    Haliti: Veprimi i kryeministrit ka qenë i ngutshëm, shpresoj se do të gjejë mënyrën për të kërkuar falje

    Deputeti i PDK-së, Xhavit Haliti, në emisionin CONTEXT në ATV, tha se veprimi i kryeministrit Kurti në veri dhe rënia e këtij të fundit në grackën e Vuçiqit, janë shqetësuese.

    “Tani ë unë shpresoj shumë që kryeministri i Kosovës, po them kryeministri i Kosovës dhe jo Albin Kurti sepse Albini dhe kryeministri janë dy persona, për mua, do ta gjejë mënyrën se si të kërkoj falje për veprimet në veri dhe për rënien në grackën e Vuçiqit për të provokuar dhe për të justifikuar veprimet e Serbisë, të forcave speciale të Serbisë që erdhën ilegalisht në Mitrovicë dhe u kthyen mbrëmë natën përmes rrugëve dytësore nga veriu i Kosovës për në Rashkë dhe situata që është kriju, deklarata e ambasadorit, dy deklaratat e sekretarit të Shtetit zotit Blinken, deklaratat e sotme e Kris Hill në Beograd ambasador i Shteteve të Bashkuara, janë shqetësues dhe duhet të na shqetësojnë të gjithëve”, tha Haliti.

    Ai tha se kjo situatë që është krijuar ka lëkundur marrëdhëniet e Kosovës me SHBA-në, perëndimin dhe NATO-n.

    “Nuk është shqetësimi vetëm për Albinin, mendoj që nuk është as situata që neve ta shfrytëzojmë këtë për veprime opozitareske vetëm sa përbërë diçka me qëllim që të rrëzohet kjo qeveri, por kjo situatë ka lëkundur shumë marrëdhëniet Kosovë-Amerikë Kosovë-Perëndim, Kosovë-NATO”, tha Haliti.

    Ai përmendi edhe sulmin që i ishte bërë atëherë ambasadores Tracey Ann Jacobson, për të cilin thotë se janë përpjekur ta cilësojnë si individual, ndërsa tani sipas Halitit, si Qeveri, ka bërë veprime të ngutshme duke mos pasur parasysh pasojat që do të ndodhin.

    “Goditja e ambasadores së Shteteve të Bashkuara të Amerikës, për të cilën ne e kemi jemi përpjekur që t’i qartësojmë që ka qenë veprim individual dhe nuk ka qenë veprim se as sot nuk e besoj që ka qenë veprimi menduar mirë, por kjo e fundit nga ne për nga një Qeveri e cila ka ardhë me vota në pushtet, në kushtet në të cilat ka mësu po besoj diçka se cilat janë raportet e Kosovës me Amerikën dhe cilat janë raportet e Kosovës me perëndimin në përgjithësi, atëherë mendoj që veprimi ka qenë i ngushtëshëm, i pamenduar dhe i pamenduar për pasojat që do të ndodhin”, tha Haliti. /atvlive.tv

    Emisionin e plotë e gjeni në videon më poshtë:

  • Termi “personat e zhdukur me forcë” përplas pozitë e opozitë

    Termi “personat e zhdukur me forcë” përplas pozitë e opozitë

    Ligji për Personat e Zhdukur gjatë luftës në Kosovës, sipas kryesuesit të Komisionit qeveritar për personat e zhdukur, është afër finalizimit.

    Andin Hoti, në Komisionin për të drejtat e njeriut, tha se termi “personat e zhdukur me forcë”, i vendosur në deklaratën për personat e zhdukur, të dakorduar në Bruksel, ka qëllim trajtimin e dinjitetshëm të tyre.

    “Ligji për Personat e Zhdukur është në plotësim-ndryshim qe shumë vite, është shumë e vërtetë që është shumë e dhimbshme. Ne jemi afër finalizimit të tij, mirëpo nuk kemi arritur të gjejmë një pajtueshmëri, një dakordim për t’i involvuar kërkesat e familjarëve të personave të zhdukur. Termi ‘personat e zhdukur me forcë’ nuk ka ekzistuar askund. Nuk po them që nuk e kemi ditur se çfarë është, por nuk ka ekzistuar askund. Termin ‘personat e zhdukur me forcë’ e kemi futur në deklaratën e përbashkët të Brukselit. Ky term është refuzuar prej Serbisë prej shtatorit 2021 deri në prill, kur e kemi pasur takimin e fundit, për shkak se Serbia frikësohej se përmes këtij termi ne do të kërkojmë përgjegjësi juridike dhe do të akuzojmë direkt për krimet e luftës”, tha Hoti.

    Por pikërisht për termin “personat e zhdukur me forcë”, deputetja e PDK-së, Ariana Musliu – Shoshi, kërkoi sqarime nga zëvendëskryeministri i Bisnik Bislimi, i cili nuk ishte fare prezent në mbledhjen e komisionit.

    “Është dashur që Besnik Bislimi të jetë në këtë tavolinë, sepse ai është personi që është i ngarkuar nga Qeveria që të bëjë pazare me Brukselin dhe me palët e tjera. Prandaj, për të gjitha ato që i ka negociuar dhe po i mban të fshehura, është dashur që të jetë sot këtu dhe të raportojë për atë çfarë ne kemi kërkuar”, tha Musliu – Shoshi.

    Deklarata për personat e zhdukur ka përplasur verbalisht deputetët e PDK-së dhe Lëvizjes Vetëvendosje.

    Kollçaku-Mulhaxha – Musliu-Shoshit: Mos i përsërit fjalët 100 herë.

    Kollçaku-Mulhaxha: Të lutem mos i përsërit fjalët 100 herë.

    Musliu-Shoshi: E di që po ju dhemb se ju ishit kundër Besnik Bislimit.

    Kollçaku-Mulhaxha: Të lutem mos na i humb kohën të gjithë këta deputetë.

    Musliu-Shoshi: Kërkoj prej deputetëve të LV-së të mbajnë tensionin e ulët, të gjithë kemi të drejtë me fol në këtë kuvend, e kemi të drejtë ligjore.

    Diskutimi ka shkuar edhe më tej kur Musliu-Shoshi u është drejtuar me “trushpëlarë” deputetëve të LV-së.

    Kollçaku-Mullhaxha: “Kryetare e ke obligim që deputetes me ia tërheq vërejtjen. Kush është trushpëlarë këtu. Ne duhet me u ngritë prej komisionit, kur deputetja përdor ‘trushpëlarë’. Ose ta tërheqë fjalën ose ne po dalim prej komisionit”.

    Më 2 maj në Bruksel, kryeministri Albin Kurti dhe presidenti i Serbisë, Aleksandër Vuçiq, u pajtuan për ta miratuar një deklaratë të përbashkët për personat e zhdukur gjatë luftës në Kosovë, nëpërmjet së cilës zotohen për “zbatimin e plotë të detyrimeve” për ndriçimin e fatit të të zhdukurve. /atvlive.tv

    Edicionin Qendror të lajmeve në ATV e gjeni në videon më poshtë:

  • Për shkak të mosplotësimit të kushteve teknike, KRU “Prishtina”, ka aplikuar 4 shkyçje!

    Për shkak të mosplotësimit të kushteve teknike, KRU “Prishtina”, ka aplikuar 4 shkyçje!

    31 maji ishte afati i fundit që kompania Rajonale e Ujësjellësit “Prishtina”, e ka vendosur për plotësim të kushteve teknike nga disa ndërtesa banesore në Prishtinë.

    Ani pse njoftimet nga ana e KRU-së ishin të shpeshta, investitorët e ndërtesave kolektive nuk janë paraqitur as edhe një herë.

    “Këtyre konsumatorëve ne u kemi dërguar disa herë kërkesë, në mënyrë që të vijnë në ujësjellës. I kemi përfillur të gjitha procedurat ligjore, por nuk kemi marrë përgjigje, andaj që nga sot janë pa ujë të pijshëm, fillimisht pusetat nuk janë në rregull, nuk kanë matje gjeodezike, andaj pa i pasur këto, ata nuk do të mund të kyçen”, tha Arjeta Mjeku nga KRU “PRISHTINA” .

    Nga ana tjetër, Mjeku paralajmëroi shkyçje edhe ndaj bizneseve që nuk kanë paguar borxhet.

    “Në të njëjtën kohë jemi duke planifikuar shkyçje edhe ndaj atyre që nuk i paguajnë borxhet, apo tentojnë të kyçen ilegalisht në sistemin publik të ujësjellësit”, tha Mjeku.

    Përveç Lagjes së Spitalit dhe Matiçanit, aksione të tilla pritet të mbahen edhe në pjesë tjera të kryeqytetit, ku shuma e borxheve ndaj ujësjellësit arrin në mbi 45 milionë euro. /atvlive.tv

    Edicionin Qendror të lajmeve në ATV e gjeni në videon më poshtë: