ATV

Author: ATVLive

  • Kello: Në Tiranë, ende nuk arrihet të kuptohet Rama për propozimin e draftit për Asociacionit

    Kello: Në Tiranë, ende nuk arrihet të kuptohet Rama për propozimin e draftit për Asociacionit

    Gazetari i MNC, Andon Kello, në një lidhte të drejtpërdrejtë në emisionin A23 në ATV, tha se në Tiranë, ende nuk po arrihet të kuptohet kryeministri EdI Rama për propozimin e draftit për Asociacionit që ky i fundit tha dje se ia ka dorëzuar Francës dhe Gjermanisë.

    “Ky propozim i fundit në fakt është ashtu siç e ka interpretuar edhe vetë opozita, Sali Berisha, është një ndërhyrje në punët e brendshme të Kosovës. Ende nuk arrijmë të kuptojmë këtu në Tiranë se çfarë i duhet kryeministrit të Shqipërisë Edi Rama që në vend të parë të këshillonte, por tani ka ndërmarrë një hap që sipas informacioneve nuk është fare i konsultuar dhe i njoftuar me kryeministrin e Kosovës dhe presidenten e Kosovës dhe e çon në zyrat e larta të Bashkimit Evropian dhe shtet e Francës dhe Gjermanisë, për të marrë bekimin e tyre dhe më pas për tu hedhur në tryezë nga këta të fundit për tu miratuar”, tha Kello.

    Ai përmendi se në Shqipëri, reagimet dihen çdo çështje sa i përket Kosovës, sidomos nga viti 2016 kur Rama bëri vizitën e tij në Serbi, por me inciativën e “Open Balkan”, sipas tij shihet se Shqipëria dhe Serbia krijuan një klimë të ngrohtë marrëdhëniesh, duke e lënë Kosovën në aneks.

    “Këtu reagimet dihen për çdo çështje sa i përket Kosovës, që prej vitit 2016 kur kryeministri Edi Rama vizitoi për herë të parë Serbinë, ishte në fakt vizita e parë e një kryeministri të Shqipërisë në Serbi, por më pas me iniciativën “Open Balkan”, duket se Shqipëria dhe Serbia krijuan një klimë të ngrohtë marrëdhëniesh, duke e lënë Kosovën në aneks. Pozitat ku Partia Socialiste, ku ndikimit absolut tashmë të kryeministrit Edi Rama, çdo qëndrim i tij është në unanimitet të plotë, ngjashëm edhe nga eksponentët e tjerë, por opozita edhe kur kanë qenë në Qeveri por edhe Partinë e Lirisë, flasim për Sali Berishën dhe Ilir Metën apo edhe Lulzim Bashën, kanë qenë shumë më konsistencë sa i përket Kosovës dhe vendim marrjes së Qeverisë”, tha Kello. /atvlive.tv

    Emisionin e plotë e gjeni në videon më poshtë:

  • Nesër fillon turnamenti i ragbit “Prishtina 7s”

    Nesër fillon turnamenti i ragbit “Prishtina 7s”

    Nesër në kryeqytet fillon turnamenti i ragbit “Prishtina 7s”. Për të mësuar më shumë lidhur më këtë turnament, ATV zhvilloi një bisedë me dy ragbistët kosovarë, Darisin dhe Donjetën, të cilët janë edhe bashkë organizatorë të këtij turneu.

    Darisi sqaroi se bëhet fjalë për ragbin anglez, i cili është i ngjashëm me atë amerikan, por ka disa dallime të vogla.

    “Ne e luajmë ragbin anglez, topi është i përafërt, duket gati i njëjtë, veç ne e kemi topin pak më të madh dhe është i bardhë. Nesër do ta luajmë turnamentin që për të dytën herë po mbahet në Prishtinë, i cili quhet “Prishtina 7s”, këtë numër e ka të shtuar për arsye se luhet në disiplinën me 7 lojtarë, pra 7 kundër 7. Kurse ragbi real që e kemi luajtur para një muaji në Austri, ka qenë është ragbi me 15 kundër 15 lojtarë edhe zgjatë shumë ma gjatë se “7s” që do të luhet nesër”, tregoi Darisi.
    Loja e ragbit në këtë disiplinë zgjatë 15 minuta, ku pjesa e parë 7 minuta, pastaj një minutë pauza dhe pjesa e dytë 7 minuta të tjetër, pra 14 minuta janë lojë aktive.

    Donjeta, e cila është bashke organizatore e këtij turnamenti, tha se si në vitin e kaluar, edhe këtë vit do të ketë klube nga shtetet e tjera.

    “Vitin e kaluar është organizuar për herë të parë. Prishtina 7s është e organizuar në atë mënyrë që të ftojmë klube prej shteteve tjera. Sivjet kemi numër më të vogël të pjesëmarrësve. Arsyeja është se në të njëjtën kohë po organizohen turnamente në vende të tjera, e kjo po na penalizon që ato klube të vijnë me luajt në Prishtinë, por prapë se prapë janë 8 ekipe që kanë me marrë pjesë, kështu që është një numër goxha i mirë”, tregoi Donjeta.

    Sipas organizatorëve, ragbi ka potencial të jetë shumë i popullarizuar në vendin tonë, duke pasur parasysh siç thotë ai, se kosovarët kanë energjinë fizike dhe të gjitha gjërat tjera që i nevojiten këtij sporti.

    “Para dy viteve kam filluar të luaj ragbi aktiv edhe me ushtru shumë gjatë. Thjeshtë, me kohë ia kemi nisë me organizu turnamente, me luajt sa më shumë, me e zhvillu sportin në vendin tonë sa më shumë për me e pasë nesër një sport të ri të mirë për vendin tonë dhe për popullin tonë. Mendoj se ragbi në Kosovë mundet me qenë një sport sepse thjeshtë jemi popull që e kemi atë energji fizike dhe krejt gjërat tjera që nevojiten në sportin e ragbit”, tha Darisi. /atvlive.tv

  • Shqipëria, ndër zgjedhjet e para të turistëve italianë

    Shqipëria, ndër zgjedhjet e para të turistëve italianë

    Bukuritë natyrore, vlerat arkeologjike e kulturore, investimet në infrastrukturë dhe promovimi që i është bërë Shqipërisë në mediat ndërkombëtare, kanë nisur turizmin e vitit 2023 me rekorde të reja, për sa i përket numrit të vizitorëve të huaj që po udhëtojë drejt bregdetit shqiptar.

    Përkatësisht turizmi pranë detit i përqendruar në perëndim të vendit dhe veçanërisht në Velipojë, Shën Gjini, Durrës, Vlorë,
    Rivierë, Sarandë dhe Ksamil, është mase i frekuentuar.

    Këto qytete ofrojnë një numër të madh shërbimesh, hotele dhe restorante, duke përmbushur kështu pritshmëritë e sektorit për sa i përket shifrave këtë vit.

    Për këtë sezon veror, ajo që bie në sy është se për herë të dytë në pak ditë, revista italiane ka renditur Shqipërinë në krye te destinacioneve të kësaj vere.

    Sipas netëve të qëndrimit, sipas shtetësisë, rezulton se turistët italianë janë ata që kanë pushime më “të gjata” në Shqipëri.

    Kështu mesatarisht italianët kanë 6.8 ditë qëndrimi dhe 64 për qind e shtetasve që kanë hyrë në territorin shqiptar kanë cituar si arsye pushimet.

    Ata kanë edhe shpenzimet më të larta ditore me 81-euro për person.

    Avantazhi kryesor që ofron Shqipëria për italianët është afërsia e saj gjeografike, afërsia kulturore, por mbi të gjitha njohja e gjerë e gjuhës.

    Për më tepër, ekziston një burokraci e thjeshtë dhe një barrë tatimore prej rreth 15%.

    Në Shqipëri me pak para mund të gjesh akomodim të mirë, kushton më pak për blerje dhe shërbimet janë më të lira.

    Deti i Shqipërisë, ku plazhet dhe klubet mahnitëse alternohen me ambiente ku mund të relaksohen dhe të kalojnë një pushim të qetë, janë arsyeja pse gjithnjë e më shumë italianë e zgjedhin atë si një destinacion për të bërë pushimet përtej Adriatikut.

    Ministria e Turizmit dhe Mjedisit në Shqipëri njofton se numri i vizitorëve të huaj në shkurt 2023 është rritur me 54 për qind krahasuar me shkurtin e kaluar, ndërsa për dy muajt e parë të këtij viti, mbi 686 mijë vizitorë të huaj kanë frekuentuar Shqipërinë, ose 74 për qind më shumë se e njëjta periudhë në vitin 2022.

    Ndërkaq viti 2022 ishte më i suksesshmi sa i përket numrit të vizitorëve të huaj, duke arritur shifrën e 7,5 milionë turistëve. /atvlive.tv

  • ​KFOR: Në protestat në veri kishte grupe kriminale që tentonin të sulmonin ushtarët

    ​KFOR: Në protestat në veri kishte grupe kriminale që tentonin të sulmonin ushtarët

    Zëdhënësi i shtabit të KFOR-it, kolonel Andrea Gallieni, ka folur për zhvillimet e fundit në veri të vendit duke theksuar se nuk kanë afat se sa do të qëndrojnë në komunat veriore.

    Sipas tij, derisa të ketë situatë të tillë në veri, do të jenë të pranishëm trupat e KFOR-it.

    Në një konferencë për media, i pyetur nëse KFOR-i do të marrë nën kontroll veriun ai ka mohuar një gjë të tillë.

    Ai ka theksuar se më 29 maj ushtarët e KFOR-it janë përfshirë në një protestë dhunshme dje sipas tij ishte e qartë se aty kishte grupe kriminale që tentonin t’i sulmonin trupat paqeruajtëse.

    “KFOR-i ishte aty për të parandaluar përshkallëzimin e mëtejshëm të protestës dhe më 29 maj u shfaq një protestë e madhe. Ushtarët e KFOR-it u përfshinë në një protestë të dhunshme. Gjatë protestës, shumë ushtarë të KFOR-it u plagosën nga gurët, mjetet shpërthyese të improvizuara dhe armët. Ishte e qartë se ku njerëzit përpiqeshin të manifestoheshin dhe të protestonin në mënyrë paqësore, por ishte gjithashtu e qartë se pas tyre fshiheshin disa grupe kriminale që tentonin të sulmonin trupat e KFOR-it”, ka thënë ai.

    Në një konferencë për media ai ka thënë se ushtarët e lënduar nuk janë në rrezik për jetë.

    “Shumë ushtarë të kontingjentit italian-hungarez u plagosën. Në fillim ishin 11 nga kontingjenti italian dhe 19 nga kontingjenti hungarez. Në ditët në vijim u shfaqën më shumë me lëndime të lehta. Këto lëndime nuk ishin kërcënim për jetën dhe pasi ata u rikuperuan tani ata janë eksportuar përsëri në vendet e tyre për të marrë trajtimin mjekësor”, ka shtuar ai./KP

  • FFK bën homazhe te varri i Fadil Vokrrit

    FFK bën homazhe te varri i Fadil Vokrrit

    Dita e sotme sinjalizon pesë vjetorin kur Kosova humbi legjendën e futbollit, Fadil Vokrrin.

    Vokrri ndërroi jetë pas një sulmi në zemër, dy vite pas anëtarësimit të Kosovës në UEFA e FIFA, raporton KosovaPress.

    Në pesë vjetorin e ndarjes nga jeta të Vokrrit, delegacioni i FFK-së në krye me Bakir Burrin, me përfaqësues të gjeneratës së artë dhe të tifo-grupit “Dardanët” kanë bërë homazhe tek varri i tij, për të nderuar veprën dhe kujtimin për të.

    “Në 5-vjetorin e ndarjes së tij nga jeta, kujtimet për Fadil Vokrrin mbeten të freskëta, derisa vlerësimi për kontributin e tij çmohet nga të gjithë.

    Trashëgimia e Vokrrit si futbollist dhe si drejtues i federatës është e vështirë të përshkruhet në fjalë. Ai ishte simbol i talentit dhe pasionit për futbollin dhe me karrierën e tij të bujshme ka lënë gjurmë të thella në historinë e futbollit mbarëkombëtar”, shkruhej në komunikatën e FFK-së.

  • 5 vite kur Kosova mbeti pa legjenden e futbollit Fadil Vokrri!

    5 vite kur Kosova mbeti pa legjenden e futbollit Fadil Vokrri!

    Sot bëhen 5-së vjet pas ndarjes nga jeta të legjendës shqiptare të futbollit Fadil Vokrri. Ai ishte njëri nga futbollistët më të mirë shqiptar dhe është më i merituari për formimin e Kombëtares së Kosovës në futboll dhe për pranimin e FFK-së në UEFA dhe FIFA.

    Fadil Vokrri u lind më 23 korrik të vitit 1960 në Podujevë. Me futboll nisi të merret si 15-vjeçar, kurse si 17-vjeçar debutoi në KF “Llapi” në Podujevë.

    Më pas në vitin 1980 kaloi tek KF “Prishtina”, ku luajti 84 ndeshje dhe shënoi 33 gola me këtë skuadër në Ligën e Dytë, kurse në Ligën e Parë të Jugosllavisë në fanellën e Prishtinës pati 88 paraqitje dhe realizoi 22 gola. Periudha e viteve të 80-ta ishte e artë për Vokrrin, i cili në vitin 1984 debutoi në ekipin përfaqësues të Jugosllavisë, duke u bërë futbollisti i vetëm shqiptar që u paraqit në Përfaqësuese, e ku regjistroi 12 paraqitje dhe shënoi 6 gola.

    Në vitin 1986 u transferua te Partizani i Beogradit ku në 27 ndeshje shënoi 13 gola. Ai me meritë e fitoi epitetin e legjendës së futbollit kosovar, pasi ishte bartës i flamurit olimpik në Lojërat Olimpike Dimërore në Sarajevë në vitin 1984, derisa në vitin 1987 ishte shpallur lojtari më i mirë në Jugosllavi.

    Në vitin 1989 kaloi në Francë te skuadra Nimes dhe më pas u transferua në klubin turk, Fenerbahçe ku luajti me mjaft sukses në edicionet 1990-1992. Pas karrierës në kampionatin turk ai u rikthye në Francë ku jetoi me familjen dhe luajti edhe për disa vjet për skuadrat e niveleve më të ulëta franceze, Bourges dhe Montluçon, para se t’i jepte fund karrierës.

    Pas çlirimit të Kosovës, ai, u kthye në atdhe, fillimisht për ta ndihmuar ish-klubin e tij, Prishtina, në postin e drejtorit, kurse më pas në shkurt të vitit 2008 e mori timonin e Federatës së Futbollit të Kosovës si njeriu më i duhur për ta drejtuar FFK-në drejt anëtarësimit në UEFA e FIFA.

    Më 15 janar 2016, Vokrrit iu besua mandati i tretë katërvjeçar si kryetar i FFK-së. Ai ishte i diplomuar në Fakultetin e Menaxhmentit dhe Biznesit, kurse përveç gjuhës amtare zotëronte edhe gjuhët frënge, turke dhe serbo-kroate.

    Fadil Vokrri ishte edhe anëtar i Këshillit Drejtues të Kolegjit AAB.

    Mëngjesin e 9 qershorit të vitit 2018, ndërsa po ushtronte në palestër Vokrri pësoi një sulm në zemër dhe ndërroi jetë në moshën 57-vjeçare.

    Lamtumira e fundit Vokrrit iu dha me nderimet më të larta shtetërore të nesërmen, më 10 qershor, ndërsa ajo ditë ishte ditë zie kombëtare.

  • Shoqata e Kosovës për Kërkim Shpëtim: Një vit i përpjekjeve heroike dhe vullnetarëve të përkushtuar

    Shoqata e Kosovës për Kërkim Shpëtim: Një vit i përpjekjeve heroike dhe vullnetarëve të përkushtuar

    Shoqata e Kosovës për Kërkim Shpëtim është e themeluar prej shumë klubeve që kanë profesione të ndryshëm që nevojiten për kërkim shpëtim. Kjo shoqatë është themeluar para një viti dhe aktivitetet i bënë në tërë territorin e Kosovës aty ku është e nevojshme.

    Në një intervistë në emisionin ALARM në ATV, nënkryetari i Shoqatës e Kosovës për Kërkim Shpëtim, Mentor Maloku, tregoi se shoqata përfshinë disa sektorë të ndryshme, siç është ai i alpinizmit, zhytjes, skijimit, motoristëve, dronëve si dhe sektorin e kuajve.

    Ai tha se shoqata kryen punë vullnetare pa pagesë.

    “Nga ana e shtetit ose nga ana e bizneseve ose nga ana e personave që ia duan të mirën shoqatës, por më e rëndësishmja është popullatës, ka mundësi dhe do të ishte e mirëseardhur”, tha Maloku.

    Ai tha se që nga themelimi i shoqatës, kanë pasur shumë raste të kërkim shpëtimit, duke përfshirë edhe angazhimin në Turqi me rastin e tërmetit.

    Në Kosovë, vetëm muajin maj, kjo shoqatë i ka pasur tri raste, të cilat kanë qenë mjaft të rënda.

    Këtë muaj kemi pasur shumë raste Dy muajt e fundit kemi pasur shumë raste të kërkim shpëtimit në Kosovë.

    “Në muajin maj kemi pasur tri raste, një rast e kemi pasur një qytetar nga lagjja Vranjevc i Prishtinës, rasti i dytë ka qenë një qytetar nga Shtërpca dhe rasti që na ka prekur shumë, ka qenë rasti i 4-vjeçarit na Vushtrri që ka humbur jetën në Iber Lepenc. Pjesa e kërkimit për 4-vjeçarit nga Vushtrria, ka qenë e jashtëzakonshme në atë kuptimin që kemi qenë të motivuar për gjetjen të gjallë të djaloshit. Fatkeqësisht nuk kemi arritur me e gjetë të gjallë për shkak të kushteve dhe rrethanave që kanë qenë në Iber Lepenc”, tha Maloku. /atvlive.tv

    Emisionin e plotë e gjeni në videon më poshtë:

  • “Në kujtim të të zhdukurve të luftës së Kosovës”, do të jetë ekspozita që do të prezantohet në festivalin e filmit “FIFOG” në Gjenevë

    “Në kujtim të të zhdukurve të luftës së Kosovës”, do të jetë ekspozita që do të prezantohet në festivalin e filmit “FIFOG” në Gjenevë

    “Në kujtim të të zhdukurve të luftës së Kosovës”, do të jetë motoja e ekspozitës që pritet të hapet më 12 deri më datën 20 qershor në kuadër të Festivalit Ndërkombëtarë të Filmit “FIFOG” në Gjenevë të Zvcirës.

    Artisti shqiptar Ramë Beqiri do të sjell për artdashësit zviceran historinë e dhimbshme të Kosovës dhe plagën e hapur për të zhdukurit e luftës, përmes një ekspozite në Gjenevë.

    Pjesë e këtij festivali pritet të jetë edhe filmi shqiptar “I treturi”, me pas do pasoj edhe debati për këtë me pjesëmarrës regjisorin Arben Thaçi dhe njëri nga aktorët e filmit, Arben Muçaj.

    Në një lidhje të drejtpërdrejt në emisionin e mëngjesit ALARM në ATV, Yllka Pllana, vullnetare për komunitetin shqiptar atje, tha se kësaj radhe e kanë shfrytëzuar rastin që pjesëmarrjen në këtë festival ta ndërlidhin me pikturat e Ramë Beqirit me tematikë për të zhdukurit të luftës në Kosovë.

    Ajo tha se përmes kësaj ekspozite, si komunitet shqiptar në Zvicër, po mundohen ta sensibilizojnë opinionin ndërkombëtarë me çështjen plagëve të qytetarëve të Kosovës për të zhdukurit e luftës së fundit.

    “Kësaj here kemi shfrytëzuar rastin me i ndërlidhë pikturat e Ramë Beqirit me rastin e të zhdukurve të Kosovës. Është një temë që na prekë të gjithëve. Tema e të zhdukurve është një plagë e lirisë sonë, kështu po mundohemi edhe ne nga diaspora t’i sensibilizojmë edhe të huajt për këtë çështje. Festivali është ku do të marrin pjesë shtete të ndryshme për tema të ndryshme. Ne, si komunitet shqiptar në Zvicër jemi shumë të lidhur mes veti dhe çdo herë mundohemi t’i sensibilizojmë komunitetet tjera për çështjet tona”, tha Pllana. /atvlive.tv

    Emisionin e plotë e gjeni në videon më poshtë:

  • Kryetari i Shtimes njofton se dislokimi i Entit Special do të nisë brenda këtij viti

    Kryetari i Shtimes njofton se dislokimi i Entit Special do të nisë brenda këtij viti

    Kryetari i Komunës së Shtimes, Qemajl Aliu, në rubrikën “Komuna” në emisionin e mëngjesit ALARM në ATV, tregoi për projektet që janë duke u zhvilluar në komunë, që sipas tij, realizimi i tyre është një lajm i mirë jo vetëm për komunën e Shtimes por për gjithë Republikën e Kosovës.

    Ai tha se projekti më i madh që do të realizohet, punime e të cilit pritet të nisin brenda këtij viti, është dislokimi i entit special.

    “Projekti më i madh dhe më ambicioz për të cilin jemi zotu dhe që jam i kënaqur dhe krenar që kemi edhe mirëkuptimin e qeverisë se sepse është institucion shëndetësor terciar që i përket nivelit qendror, është dislokimi i entit special. Është një lajm i mirë jo vetëm për komunën e Shtimes por për gjithë republikën. Kështu që jemi duke përgatitur hapat dhe procedurat që të fillohet këtë vit, për tu shpërngulë nga vendi ku është”, tha Aliu.

    Ai përmendi edhe projekte të tjera të mëdha që janë duke u zhvilluar në këtë komunë, të cilat përfshijnë, rregullimi i unazave të qytetit, ndërtimi i QKMF-së së re të komunës, observatoriumi, biblioteka, arkiva etj.

    “Projekte të tjera të mëdha kemi ato që i quajmë unaza të qytetit, që e bëjnë më të lehtë komunikacionin. Tjetër projekt që pritet të ndodh është edhe objekti i ri i qendrës kryesore të mjekësisë familjare, QKMF-ja e re, në komunën tonë sepse ne e kemi një objekt që është jashtë pamasave për të qenë i tillë. Pastaj është observatoriumi që është duke ndodhur, pastaj biblioteka dhe arkiva që është në fazën e fundit. Është tregu i gjelbër për bujqit që tashmë e ka marrë formën e vet. Një projekt të cilin po e presim me shumë dëshirë sepse vërtetë gjendja nuk është e mirë, është rinovimi ose rindërtimi i tranzitit të Komunës së Shtimes që po i penalizon makineritë e rënda dhe ndërtuesit”, tregoi kryetari Aliu. /atvlive.tv

    Emisionin e plotë e gjeni në videon më poshtë:

  • Pamje nga shpërthim në Mitrovicë, policia jep detaje për ngjarjen që ndodhi në orët e para të mëngjesit

    Pamje nga shpërthim në Mitrovicë, policia jep detaje për ngjarjen që ndodhi në orët e para të mëngjesit

    Një shpërthim ka ndodhur në orët e para të mëngjesit të sotëm në sheshin ‘Adem Jashari’ në Mitrovicë, ku kanë pësuar dëme materiale dy lokale që ndodhen aty.

    Raportohet se lokaleve i janë dëmtuar xhamat.

    Rastin e ka konfirmuar zëdhënësi i Policisë së Kosovës për Rajonin e Mitrovicës, Avni Zahiti.

    Sipas Zahitit, nuk raportohet për persona të lënduar, vetëm dëme materiale.

    “Rreth orës 03:20, është raportuar se në sheshin ” Adem Jashari” si pasojë e një shpërthimi janë dëmtuar xhamat e dy kafiterive dhe një dyqani Përveç dëmeve materiale, nuk raportohet për të lënduar, rasti në procedurë hetimore”, tha ai.

    Ende nuk dihen motivet e as autorët e sulmit.