ATV

Author: ATVLive

  • 24 vjet nga fundi i Serbisë në Kosovë

    24 vjet nga fundi i Serbisë në Kosovë

    Sot, bëhen 24 vjet nga tërheqja e forcave kriminale ushtarake e paramilitare serbe nga Kosova, duke shënuar kështu fundin e pushtimit serb.

    Ushtria serbe është dorëzuar nga lufta e Ushtrisë Çlirimtare në tokë dhe bombardimeve të NATO-së që e kanë detyruar të nënshkruajë marrëveshjen e kapitullimit më 9 qershor të vitit 1999 në Kumanovë.

    Marrëveshja është nënshkruar nga Michael Jackson, komandanti i parë i KFOR-it në Kosovë dhe ish-shefi i Shtabit të Armatës së Serbisë, gjenerali Nebojsha Pavkoviq, i akuzuari i Hagës për krime lufte dhe gjenocid në Kosovë.

    Ndër të tjera në marrëveshje parashihej:

    c) që nga Kosova të largohen të gjithë personat dhe organizatat me aftësi militare, duke përfshirë armatën e rregullt dhe forcat e marinës, civilë të armatosur, paramilitarë, forcat ajrore, garda kombëtare, policia kufitare, rezervistët, policia ushtarake, shërbimet informative, MUP-it, policia lokale, speciale, antirebeliste, antiterroriste dhe çdo grup i përcaktuar kështu nga KFOR-i.
    d) u caktua një zonë sigurie ajrore 25 kilometra përtej kufirit të Kosovës, e ndërsa në pikën
    e) u caktua një zonë 5 kilometrash përtej kufirit me RFJ-në që nuk guxonte të vendosen armatimet e rënda dhe ushtria, përveç ushtarët kufitarë.

    Sulmet që kanë vazhduar për 78 ditë janë anuluar më 10 qershor, pasi Komandanti Suprem i NATO-së, gjenerali Wesley Clark i ka raportuar Këshillit të Atlantikut Verior se sulmet ajrore kanë detyruar pushtuesin serb të fillonin tërheqjen e plotë të forcave nga Kosova.

    Me hyrjen e NATO-s, në Kosovë ka nisur edhe vendosja e misionit të përkohshëm të Organizatës së Kombeve të Bashkuara-UNMIK, i cili ka administruar vendin deri në shpalljen e Pavarësisë, më 17 shkurt të vitit 2008.

  • Zbulohet tematika e Festivalit Operistik Ndërkombëtar Ramë Lahaj

    Zbulohet tematika e Festivalit Operistik Ndërkombëtar Ramë Lahaj

    Rame Lahaj International Opera Festival ka zbuluar tematikën për edicionin e tretë i cili do të mbahet nga 21 deri më 31 korrik.

    Me tematikën ‘Opera për Liri’, RLIOF do të fokusohet në promovimin e atyre zërave të cilët janë shpesh të margjinalizuar dhe të heshtur e që përdorin operën si mjet për t’u shprehur, për zhvillim dhe fuqizim, raporton KultPlus.

    Edicioni i tretë i Festivalit RLIOF synon të zhvillojë idenë e përfshirjes së artit operistik si një ndërmjetësues për të promovuar e mbrojtur lirinë, të drejtat e njeriut dhe ato sociale.

    Tematika e festivalit këtë vit është “Opera për Liri”. Gjatë këtij edicioni, do të fokusohemi në promovimin e atyre zërave të cilët janë shpesh të margjinalizuar dhe të heshtur e që përdorin operën si mjet për t’u shprehur, për zhvillim dhe fuqizim.

    Festivali RLIOF do të trajtojë çështje si: konfliktet ekzistuese, pabarazia gjinore, të drejtat e refugjatëve dhe të drejtat mjedisore.

  • Partitë e “vogla” kritikojnë ligjin për zgjedhje, s’u largua pragu prej 5 %

    Partitë e “vogla” kritikojnë ligjin për zgjedhje, s’u largua pragu prej 5 %

    Projektligji për Zgjedhjet e Përgjithshme u votua në dy lexime, në seancën e kaluar të Kuvendit, bashkë me përkrahjen edhe të partive opozitare.

    Por, partitë politike që në zgjedhjet e fundit mbetën jashtë Kuvendit, pasi nuk e arritën pragun prej 5%, pikë kjo që nuk u ndryshua në ligjin e ri, po e kritikojnë atë.

    Sipas Gëzim Kelmendit, nga partia Fjala, do të duhej të kishte më shumë pluralizëm.

    “Është ndikim i partive të pushtetit dhe i diskriminojnë partitë e vogla. Nuk përfaqësohet interesi i qytetarëve, por interesi i partive të mëdha dhe brenda tyre ka autrokraci ku udhëheqësi synon t’i arrijë vetëm mendimet e veta dhe nuk lejon që dikush tjetër të ketë mendim ndryshe brenda partisë politike”, tha Kelmendi.

    Jo vetëm për këtë, por për të gjitha nenet, Partia Social Demokrate vlerëson se fillimisht do të duhej që të kishte debat publik për projektligjin.

    “E kontrabandoi këtë ligj në bashkëpunim e duke ia bë argatin opozita parlamentare. Shoqëria jonë e ka pasur të nevojshëm një debat. A don me u dhanë hapësirë vetëm partive që janë mbi 5% apo edhe iniciativa tjera qytetare, që mbase nuk janë 5%, por mbase e meritojnë që ta kenë së paku 1 apo 2 përfaqësues në kuvend”, tha Frashër Krasniqi nga PSD.

    Kuvendi miratoi Ligjin për Zgjedhjet e Përgjithshme me 79 vota për dhe asnjë votë kundër. /atvlive.tv

    Edicionin Qendror të lajmeve në ATV e gjeni në videon më poshtë:

  • Ligji i ri përjashton mundësinë që presidenti të zgjidhet nga qytetarët

    Ligji i ri përjashton mundësinë që presidenti të zgjidhet nga qytetarët

    Ligji i ri për Zgjedhjet e Përgjithshme ka përjashtuar mundësin që presidenti i vendit të zgjidhet me votim nga qytetarët.

    Sipas Institutit Demokratik të Kosovës nuk përfaqëson reformë të thellë zgjedhore meqënesë nuk është përfshirë mënyrën e zgjedhjes së presidentit, e as rregullimi i zonave zgjedhore e pragit zgjedhor.

    Votimi i presidentit nga ana e qytetarëve sipas KDI-se do të mund të garantonte një stabilitet institucional.

    Megjithatë ndryshe mendojnë nga Demokraci Plus, duke theksuar se ndryshimet në këtë ligj i shohin kryesisht si vetëm teknike.

    Por hulumtuesi Eugen Cakolli thotë se ndryshimi i mënyrës së zgjedhjes se presidentit nuk do të nënkuptonte që të ndryshohet modeli i qeverisjes në vend.

    Presidenti në Kosovë zgjidhet përmes votimit të fshehtë me votat e dy 2/3 të të gjithë deputetëve në Kuvend.

    Nëse asnjëri kandidat nuk merr shumicën në dy votimet e para, organizohet votimi i tretë në mes të dy kandidatëve të cilët kanë marrë numrin më të lartë të votave në votimin e dytë, për një mandat pesë vjeçar. /atvlive.tv

    Edicionin Qendror të lajmeve në ATV e gjeni në videon më poshtë:

  • Agon Maliqi: Konspriacioni “të gjithë kundër Kosovës” do të ketë fundin si ai për Hillary Clintonin

    Agon Maliqi: Konspriacioni “të gjithë kundër Kosovës” do të ketë fundin si ai për Hillary Clintonin

    Analisti politik dhe njohësi i rrethanave politike në Ballkanin Perëndimor, Agon Maliqi ka treguar një histori të para disa viteve në ShBA, ku kishte qarkulluar një konspiracion në internet se Hillary Clinton drejtonte një organizatë që trafikonte fëmijë për pedofili dhe se gjithë kjo koordinohet në bodrumin e një picerie në Washington.

    Maliqi thotë se një ditë një i çmendur që kishte besuar një konspiracion të tillë kishte marrë revolen dhe kishte shkuar tek bodrumi i picerisë dhe nuk kishte gjetur gjë aty.

    Anslisti politik thotë se shumë shpejtë në një pikë të tillë do të përfundojnë edhe shumë njerëz, pasi të përfundojë episodi shumëvjeçar i “konspiracionit të madh të të gjithëve kundër Kosovës.

    “Në SHBA para disa vitesh pat qarkullu gjërësisht në internet një konspiracion se Hillary Clinton është udheheqëse e një organizate që trafikon fëmijë për pedofili, dhe që gjithë kjo punë koordinohet prej bodrumit të një picerie në Uashington. Çohet një ditë njëri prej këtyre budallëve, e merr pistoleten, futet në piceri dhe niset me e thy derën e bodrumit. Kur, çka me pa, bodrum hesapi! Çka po du me thanë është se shumë shpejt kanë me përfundu në këtë pikë shumë njerëz kur të kryhet i gjithë ky episod i manisë shumëvjeçare të “konspiracionit të madh të të gjithëve kundër Kosovës.”, ka shkruar Maliqi.

  • BE e gatshme të organizojë takim ekspertësh për draft-statutin e Asociacionit

    BE e gatshme të organizojë takim ekspertësh për draft-statutin e Asociacionit

    Zëdhënësi i BE-së, Peter Stano ka bërë të ditur se i dërguari i posaçëm i BE-së për dialogun Kosovë-Serbi, Miroslav Lajçak është i gatshëm të organizojë takimin për draft-statutin e Asociacionit “shumë shpejt dhe se është në kontakt me të dyja palët”.

    I dërguari i posaçëm i Bashkimit Evropian për dialogun, Miroslav Lajçak, pas përfundimit të vizitave në Kosovë dhe Serbi, e ka informuar përfaqësuesin e lartë të BE-së për politikë të jashtme dhe siguri, Josep Borrell, për rezultatet. Më pas Borrell ka nisur t’i informojë vendet anëtare të BE-së për hapat e radhës që duhet të ndërmerren.

    Kështu i ka thënë Radios Evropa e Lirë, Peter Stano, zëdhënës i BE-së për politikë të jashtme dhe siguri.

    Stano iu përgjigj pyetjes rreth një drafti me propozimin për statutin e Asociacionit të komunave me shumicë serbe në Kosovë që e ka dërguar kryeministri i Shqipërisë, Edi Rama.

    Ai tha se “secili kontribut konstruktiv në dialogun e lehtësuar nga BE-ja, në kuadër të të cilit është duke u diskutuar edhe për Asociacionin e komunave me shumicë serbe, është i mirëseardhur”.

    “Përfaqësuesi i lartë është në kontakt të vazhdueshëm me liderët në rajon dhe me shtetet anëtare të BE-së. Siç kemi thënë disa herë në të kaluarën, diskutimet dhe draftimi i statutit të Asociacionit/Bashkësisë mund të zhvillohet vetëm në kornizën e dialogut të lehtësuar nga BE-ja”, theksoi Stano.

    Zëdhënësi i BE-së, Stano, konfirmoi se plani ishte që më 5 dhe 6 qershor të zhvillohej sesioni i parë i draftimit të Asociacionit në nivel të ekspertëve dhe të dyja palëve u ishin dërguar ftesat qysh më parë. Por, për shkak të përshkallëzimit të situatës në veri të Kosovës, i dërguari i posaçëm i BE-së, Lajçak, u desh të shkojë në Kosovë dhe në Serbi dhe ky takim nuk u zhvillua.

    “I dërguari i posaçëm i BE-së është i gatshëm të organizojë takimin e draftimit shumë shpejt dhe është në kontakt me të dyja palët”, theksoi Stano.

    Ndërkohë, nga burimet diplomatike në Bruksel mësohet se vendet anëtare të Bashkimit Evropian janë informuar për vizitën që Mirosllav Lajçak dhe kolegu i tij amerikan, Gabriel Escobar, kanë pasur gjatë kësaj jave në Prishtinë dhe Beograd. Detyra e tyre ishte të përçojnë kërkesat për uljen e tensioneve në veri dhe rikthimin në dialog.

    Sipas këtyre burimeve, nga ana e Qeverisë së Kosovës kanë shprehur gatishmërinë që të bisedohet për masat drejt shtensionimit të situatës, por, siç thuhet, kryeministri Albin Kurti ka hezituar të pranojë kërkesën për heqjen e menjëhershme të policisë speciale nga objektet komunale.

    Po ashtu, sipas të njëjtave burime, “pala kosovare nuk i ka refuzuar kërkesat, por përshtypja është se nuk po nxiton”.

    Nga ana tjetër, sipas raportimit te shtetet anëtare të BE-së nga ana e një pjesëtari të ekipit të Lajçakut, presidenti i Serbisë, Aleksandër Vuçiq, ka shprehur gatishmërinë për t’i bindur serbët lokalë në veri të Kosovës që të marrin pjesë në zgjedhjet e ardhshme, por nën disa kushte të caktuara.

    Gjatë raportimit të ekipit të Lajçakut para përfaqësuesve të vendeve anëtare, gjithashtu, janë diskutuar mundësitë e ndërmarrjes së disa masave nëse nuk respektohen kërkesat ndërkombëtare rreth hapave drejt uljes së tensioneve.

    Çështja e pezullimit eventual të vendimit të liberalizimit të vizave, nuk është në mesin e masave që shqyrtohen, kanë konfirmuar disa burime nga shtetet anëtare. Shumë prej tyre vlerësojnë se një vendim i tillë do të ishte goditje, para së gjithash, për qytetarët e Kosovës e jo për ata të cilët Brukseli i konsideron përgjegjës për mosrespektimin e kërkesave ndërkombëtare.

    Gjithashtu, ngrirja e disa programeve financiare për momentin nuk ka hasur në përkrahje te shumica e shteteve anëtare të Bashkimit Evropian. Edhe ashtu, sipas diplomatëve, mosmbajtja e konferencës së donatorëve për shkak të mungesës së përparimit në implementimin e Marrëveshjes dhe Aneksit të saj, është një lloj sanksioni.

    Por, për Kosovën është përmendur si masë që pritet të ndodhë shpejt pezullimi i disa takimeve dhe suspendimi i një nënkomiteti të përbashkët të Kosovës dhe BE-së në kuadër të Marrëveshjes së Stabilizim-Asociimit. Ky do të ishte një sinjal, ndërsa masat tjera do të shqyrtoheshin varësisht nga zhvillimet.

  • Osmani priti në takim lamtumirës shefin e EULEX-it, Lars-Gunnar Wigemark

    Osmani priti në takim lamtumirës shefin e EULEX-it, Lars-Gunnar Wigemark

    Presidentja e Republikës së Kosovës, Vjosa Osmani, priti sot në takim lamtumirë shefin e EULEX-it, Ambasadorin Lars-Gunnar Wigemark. Në takimin me Ambasadorin Wigemark, Presidentja Osmani diskutoi edhe për zhvillimet e fundit në vend dhe për bashkëpunimin e institucioneve të Republikës së Kosovës me EULEX-in për tejkalimin e këtyre sfidave.

    Presidentja Osmani vlerësoi kontributin e EULEX-it në promovimin e sundimit të ligjit dhe theksoi përkushtimin e vazhdueshëm të institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit të Republikës së Kosovës.

    Gjatë takimit, Presidentja Osmani dekoroi shefin e EULEX-it me medaljen presidenciale për sundimin e ligjit. Ajo theksoi rëndësinë e partneritetit mes institucioneve të Kosovës dhe organizatave partnere ndërkombëtare që operojnë në fushën e sigurisë dhe sundimit të ligjit.

    Presidentja Osmani falënderoi EULEX-in për bashkëpunimin e tyre me institucionet e Republikës së Kosovës në fuqizimin e sundimit të ligjit në kuadër të mandatit ekzistues për këshillim, mentorim dhe monitorim.

    Dekorimi me medaljen presidenciale për sundim të ligjit paraqet vlerësimin dhe mirënjohjen e thellë të Republikës së Kosovës ndaj Ambasadorit Wigemark dhe EULEX-it për përkrahjen dhe bashkëpunimin e tyre të palëkundur në ndërtimin e një shoqërie të drejtë dhe të sigurt në Kosovë.

  • Mërgimtari që shtroi rrugët e fshatit t’ua lehtësojë jetën bashkëfshatarëve të tij

    Mërgimtari që shtroi rrugët e fshatit t’ua lehtësojë jetën bashkëfshatarëve të tij

    Fëmijërinë, Selim Leci e kaloi në fshatin Gmicë të Kamenicës, kohëra të cilat i konsideron të pazëvendësueshme.

    Ai prej kohësh është shpërngulur në Kanada, atje ku e ndërtoi një jetë të re, por siç thotë ai, në mërgim dhe larg atdheut, ndihet bosh çdo ditë.

    Selimi, në një rrëfim për ATV-në, ai tregon se nga Kosova ishte larguar në kohën e luftës kur ishin dëbuar nga forcat serbe.

    “Unë në mërgim prej luftës në 1999, na kanë largu dhe kam shku në mërgim, në Kanada edhe tash e tutje jam atje tu jetu. Por, për vendlindjen, për Kosovën, për fshatin, atje unë e kam brengë edhe e kam qejf çdo vit të vij me e vizitu e me ndejt këtu. Unë për çdo vjet vij”, rrëfen ai.

    Selimi me mallë tregon se dikur, fshati Gmicë ishte e mbushur me gjallëri.

    “Unë për momentin jetoj në Kanadë, që 24 vjet edhe këtu për çdo vit kam ardhur në vizitë në fshat temin. Dalim për çdo vit në vizitë në fshatin tim sepse e dua shumë. Vendlindja e jeme më të veçantë ka pasë një kënaqësi se krejt kjo fushë ka pasur blegtori, ka qenë bujqësia e mirë, kanë mbajtë lopë, dhenë, dhi, bollica edhe krejt ky terren u kanë, s’ke mundur të shohësh tjetër veç blegtori këtu. Është vendi shumë i përshtatshëm edhe për Blegtori edhe për të gjitha, për bletari, për turizëm”, tregon ai.

    Kjo lidhje e veçantë që e ka për atdheun, e shtyu Selim Lecin ta merrte një vendim për të mirën e fshatit, ku e kaloi rininë. Ai tregon me kontributin e tij e ka rregulluar rrugën, të cilët e kishte filluar para disa viteve, dhe për të cilën thotë se është shumë i lumtur.

    “Rruga ka qenë me baltë prej kapisë së Tugjevçit e deri këtu. S’ke mujt me dalë kurrësesi. Çdo tre muaj verë ke mujt me dalë me traktor ose me ndonjë veturë më të lartë, e më pastaj nuk ke mundur. Kjo anë e kanë marrë ushqimin, e kanë blerë prej Shëngjergjit, prej majit deri në shtator kanë pasë, ndërsa prej shtatorit deri në maj, s’ka mujt me kalu askush se dimri ka qenë i vështirë dhe i kanë marrë miellin, sheqerin, çajin e kështu për 7 muaj”, tregon Selimi. /atvlive.tv

  • Lushtaku: Albin Kurti ka gjasa të japë dorëheqje

    Lushtaku: Albin Kurti ka gjasa të japë dorëheqje

    Deputeti i PDK-së. Mërgim Lushtaku, në një intervistë në emisionin DIREKT në ATV, tha se ka gjasa që Albin Kurti mund të japë dorëheqje.

    Sipas tij, nëse Kurti e bënë këtë, nuk e di si do të mund të kërkojë përseri votën e qytetarit.

    “Gjendja është shumë e keqe, por duhet ta kuptojmë edhe përgjegjësinë çfarë e ka marrë Albin Kurti me Vetëvendosjen në zgjedhjet e 2021-tës. E ka marrë mbi 50 për qind dhe përgjegjësinë që e ka marrë, nuk e ka marrë me u tallë as me Kosovën as me lu bixhoz me Kosovën, nuk e ka marrë përgjegjësinë as me u dorëzu edhe me dhanë dorëheqje, nëse e ka ndërmend sepse nuk është lehtë me qeverisë vendin, edhe është më e vështirë me e pasë një dialog dhe me e mbajtë aleancën me SHBA-të. Nuk ka qenë kurrë e lehtë. Është diskutuar edhe kjo çështje që ka gjasa të japë edhe dorëheqje, por me të vërtetë, nëse e jep dorëheqje, atëherë nuk di a ka fytyrë para qytetarëve me e kërku votën edhe për mandat tjetër, sepse ai ka marrë besimin se do ta udhëheqë vendin me pretendimet e tij. Na e dimë që Albin Kurti është një propagandist i madh, e them këtë në kuptimin edhe në krahasim me partitë komuniste, sepse i tillë edhe ideologjikisht është Albin Kurti”, tha Lushtaku.

    Ai tha se PDK nuk dëshiron që vendin ta dërgojë në zgjedhje, por ajo që i duhet KOSOVËS, SIPAS Lushtaku, është vetëdijesimi i Kurtit sidomos në aleancën me SHBA-të.

    “Unë personalisht, por besoj që edhe PDK-ja, nuk jemi që vendin ta çojmë në zgjedhje, por ne gjithmonë jemi të gatshëm për zgjedhje, sepse partitë politike atë punë e kanë dhe gjithmonë janë të organizuara në strukturë të brendshme për të qenë gati, por Kosovës nuk i duhen zgjedhje të reja, por i duhet një vetëdijesim dhe i duhet një vëmendje pak më e shtuar e Albin Kurtit, sidomos në aleancë me SHBA-të, por gjithsesi, puna e parë që e ka zgjedhë qytetari është për me punu, me i zgjedhë problemet që i ka të përditshme, e fatkeqësisht asnjë nuk ato nuk po i zgjedhë”, tha Lushtaku. /atvlive.tv

    Intervistën e plotë të Mërgim Lushtakut në emisionin DIREKT në ATV, e gjeni në videon më poshtë:

  • Islamaj: Më 1999 u mbrojt një popull dhe jo interesat amerikane

    Islamaj: Më 1999 u mbrojt një popull dhe jo interesat amerikane

    Politologu dhe historiani, Selver Islamaj, në një intervistë në emisionin A23 në ATV, tha se intervenimi i NATO-s në Kosovë, historikisht ka një shembull të krahasueshëm, për shkak se një aleatë i krishter e bombardon një shtet të krishterë, për ta shpëtuar një popull mysliman.

    Sipas tij, interesimi kryesor i aleancës perëndimore ka qenë që të mbrojë një popull.

    “SHBA edhe pse nuk kishte ndonjë interes ekonomik siç akuzohej nga Enver Hoxha në kohën e tij komunizmit se kishte tendenca imperialiste e kolonialiste e tjera, që në fakt nuk përkonin me realitetin, për shkak se Shqipëria nuk kishte zhvilluar aq shumë që mund të ketë interesime amerikane për këtë territor, po thjesht ka qenë një interes me e ndihmu këtë popull, për shkak se George Williams në librin e tij që e boton, e përshkruan që ky popull aq i vuajtun, ka mbetë mbrapa për shkak të rrethanave historike dhe Evropa ka qenë gjithnjë e padrejtë ndaj saj dhe Amerika duhet ta marrë. Po mendoj që është një fakt që vetë e tregon nga vetë intervenimi i NATO-s në Kosovë që historikisht nuk ka një shembull të krahasueshëm, për shkak se një aleatë krishtere e bombardon një shtet të krishter ortodoks, por pa marrë parasysh është e njëjtë ë fe në aspektin e praktikumit, përveç disa dallime të vogla, për me e shpëtu një popull mysliman. Nuk ka shembuj të tillë. Çfarë interesi me pasë, ata kanë mujt me pasë edhe marrëveshje me Serbinë, me thonë ‘largone këtë popull, veç pikë strategjike po më nevojitet ky vend’. Por, një gjë e tillë nuk ka ndodhë, për arsye se interesimi kryesor ka qenë me e mbrojtë popullin shqiptar dhe edhe vetë edhe Bill Klinton në ë fjalinë e fundit të tij para bombardimeve e bën të qartë që duhet me u mbrojtë një popull, e jo me u mbrojtë interesat amerikane”, tha Islamaj.

    Ai tha se historikisht amerikanët kanë pasur problem me individë shqiptarë, mirëpo sips tij, kjo nuk i ka ndaluar ata që të provojnë ta rregullojnë çështjen shqiptare në Ballkan.

    “Historikisht kanë pasë amerikantë probleme me individë të ndryshëm shqiptarë siç ka qenë edhe Enver Hoxha gjatë ë kohës komunizmit, ku Shqipëria i ka pasë shkëputur marrë marrëdhëniet me SHBA-të për 52 vite, por kjo nuk e ka ndalu Amerikën që ajo të provon t’i organizojë shqiptarët përreth dhe shqiptarët në diasporë. Kështu që e kena edhe rastin e ë viteve të 50’ e 60’, ku ka tentativa të ndryshme që të rrëzohet regjimi komunist përmes disa individëve, ndër ta ka qenë edhe një nip i familjes tonë, i njoftur sepse është botu edhe libri i tij, Destan Berisha që ka shërby deri në ditët e fundit të jetës tij në shërbimin amerikan ‘CIA’ dhe ai na ka pasë vizitu neve në Vjenë kur kemi jetu si fëmijë, e mbaj në mend që ka pasë thënë ‘Amerika gjithçka mundet me ba, por çështjen shqiptare kurrë nuk do e lë anash. Do më thanë prej një njeriu që ka qenë pjesë e strukturës, janë thënë këto fjalë, që dëshmon se Amerika, interesin kryesor e ka pasë gjithmonë me stabilizu çështjen shqiptare dhe me kriju një stabilitet për rajonin, sepse po rregullua çështja shqiptare në Ballkon, Ballkani do të paqësohet”, u shpreh Islamaj. /atvlive.tv

    Emisionin e plotë e gjeni në videon më poshtë: