Author: ATVLive

Në zgjedhjet e djeshme parlamentare në Mal të Zi, më së shumti vota ka marrë Lëvizja Evropa Tani, e ndjekur nga aleanca “Së bashku” dhe koalicioni “Për të ardhmen e Malit të Zi”.

Drejtues të partive politike atje, dolën në konferencë për media duke thënë se janë të kënaqur me rezultatet dhe mbarëvajtjen e procesit zgjedhor.

Lideri i listës së Lëvizjes Evropa Tani (PES), Millojko Spajiq, partia kjo e cila sipas rezultateve të zgjedhjeve të parakohshme parlamentare të djeshme në Mal të Zi, është fituese, deklaroi se presin që sa më shpejt të formohet qeveria.

Duke u shprehur i hapur për bashkëpunim me të gjithë ata që ndajnë vlera të njëjta, Spajiq deklaroi se partia e tij prej një partie jo joparlamentare në më pak se një vit arriti të bëhen partia më të madhe në Mali të Zi.

“Kjo është një fitore e madhe për Lëvizjen Evropa Tani dhe për listën tonë, nga statusi i partisë joparlamentare u bëmë partia më e madhe në Mal të Zi në më pak se një vit. Dhe këtë përkundër të gjitha presioneve të keqpërdorimit të burimeve shtetërore dhe gjithçkaje që keni parë këto ditë, ne jemi të kënaqur me rezultatin. Faleminderit të gjithëve që votuan sot Lëvizjen Evropa Tani dhe faleminderit të gjithëve që morën pjesë në zgjedhje sot. Siç thashë, kemi arritur një rezultat të mirë dhe presim që qeveria të formohet sa më shpejt, nuk do të na rrëmbejë kjo fitore dhe do të flasim me të gjithë ata që ndajnë vlerat tona”, theksoi ai.

Ndërsa, kryeministri në detyrë i Malit të Zi, Dritan Abazoviq deklaroi se tani pret nga Spajiq si më i votuari në këto zgjedhje të formojë qeverinë e Malit të Zi.

Abazoviq i cili udhëheqë edhe Lëvizjen Qytetare Ura, theksoi se të harrojë dikush që duhet të vendos interesat personale para atyre kombëtare të Malit të Zi.

“Ne kemi qeverinë, presim parlamentin dhe për zotin Spajiq, ai ka marrë më së shumti, le ta formoj.. Për sa na përket neve, të gjithë që janë për një Mali të Zi Evropian, qytetarë dhe ekologjik janë të mirëpritur, harroni se dikush duhet të vendosë interesat e tij personale para interesave kombëtare të Malit të Zi”, u shpreh Abazoviq.

Ndërsa, Danijell Zhivkoviq nga koalicioni i udhëhequr nga DPS-ja, e cila si parti doli e dyta në zgjedhjet e djeshme parlamentare, u shpreh se pa një koalicion të përbashkët nuk ka qeveri të qëndrueshme reformuese e evropiane.

“Ne këtë rezultat zgjedhor e arritëm së bashku në koalicion me Socialdemokratët, Partinë Liberale dhe Bashkimin Demokratik të Shqiptarëve. Të cilëve me këtë rast dua t’i falënderoj për raportin e përgjegjshëm të përkushtuar dhe marrëdhënien miqësore që kemi treguar në këtë fushatë. Prandaj, ky koalicion me fuqinë e saj e ka konfirmuar rëndësinë e saj politike dhe menjëherë t’u komunikojmë qytetareve dhe qytetarëve të Malit të Zi se pa një koalicion të përbashkët nuk ka qeveri të qëndrueshme reformuese dhe evropiane”, deklaroi Zhirkoviq.

Në zgjedhjet parlamentare, lëvizja ”Evropa tani” fitoi 25,6 për qind të votave ose 23 mandate dhe koalicioni ”Së bashku”, i mbledhur rreth Partisë Demokratike të Socialistëve, 23,8 për qind ose 21 mandate, sipas rezultateve paraprake të Qendrës për Monitorim dhe Kërkim, bazuar në 99 për qind të të të dhënave të përpunuara, sipas agjencisë malazeze të lajmeve, MINA.

Koalicioni për Ardhmërinë e Malit të Zi fitoi 14,8 për qind të votave ose 13 mandate, koalicioni i Demokratëve dhe Lëvizja Qytetare URA e Abazoviçit fitoi 12,3 për qind ose 11 mandate dhe Partia Boshnjake, 6,9 për qind të votave ose gjashtë mandate./KosovaPress/

Kreu i Kuvendit, Glauk Konjfuca, tha se 12 qershori është njëra nga ditët më të çmueshme e më të rëndësishme të popullit të Kosovës, raporton EO.

Madje sipas tij, çlirimi i Kosovës është shembulli me i spikatur i bashkëveprimit të suksesshëm ndërmjet faktorit vendor edhe bashkësisë ndërkombëtare.

Ndalja e gjenocidit të Serbisë, tha ai nuk mund të ndalje pa miqtë tanë të çmuar ndërkombëtarë, por liria thotë ai erdhi edhe sepse kërkesat tona ishin të drejta.

“Sot pra është 24 vjetori i çlirimit të Kosovës nga Serbia, çlirimi i Kosovës është shembulli me i spikatur i bashkëveprimit të suksesshëm mes faktorit vendor edhe bashkësisë ndërkombëtare. Për ne ishte dita e ardhjes së lirisë një datë shumë e çmuar për popullin e Kosovës por ishte po ashtu edhe sukses i madh në planin ndërkombëtar”.

“Sepse dita e çlirimit të Kosovës konsideroj pikërisht edhe me ndalje e gjenocidit të Serbisë ndaj popullit të Kosovës. Kjo natyrisht nuk do të mund të arrihej edhe pa miqtë tanë të çmuar ndërkombëtarë, pa shtet të cilat e ndihmuan çlirim e Kosovës. Por kjo ndodhi edhe pikërisht për arsye se kauza jonë ishte shumë e drejt. Ne krejt çka po kërkonim si popull dhe qytetarë ishte që ta heqim pushtimin, okupimin serb shekullor në Kosovë”.

“Për këtë ditë dhamë edhe shumë, dhamë dëshmorët tanë, i dhamë martirët e Kosovës dhe kishte shumë sakrifica dhe mund të popullit tonë për çlirim, prandaj ata do të kujtohen dhe nderohen gjithmonë sepse janë në themelet e lirisë së shtetit tonë. Prandaj unë e shfrytëzoj rastin që të uroj edhe një herë ditën të gjithë qytetarëve të Kosovës, 12 qershorin ditën e çlirimit sepse është njëra nga ditët më të çmbushmë, më të rëndësishme të popullit tonë”, tha ai.

Të mërkurën në orën 11:30, Presidentja e Kosovës Vjosa Osmani do t’i drejtohet eurodeputetëve në një seancë formale në Strasburg. Kryetarja e PE-së, Roberta Metsola dhe presidentja Vjosa Osmani do të kenë një takim dypalësh para fjalës së saj në seancën plenare.

Të njëjtën në Strasburg do të qëndrojë edhe një delegacion nga Presheva të prire nga Ardita Sinani, këshilltare e Qeverise së Kosovës për Luginën, njofton gazeta zvicerane në shqip Le Canton27.ch.

Reagimi i PE-së për ngjarjet në veri të Kosovës

Ne njoftimin nga zyrtarët e PE-së thuhet se, “Më 3 qershor, BE-ja dënoi në mënyrë më të ashpër aktet e dhunshme në veri të Kosovës, ku u plagosën dhjetëra paqeruajtës të NATO-s. Ajo u nxit nga vendosmëria e Kosovës për të vendosur kryetarët e sapoemëruar, shqiptarë etnikë në detyrë në veri të vendit, pasi serbët vendas bojkotuan zgjedhjet. BE-ja i kërkoi Kosovës dhe Serbisë që të de-përshkallëzojnë situatën menjëherë dhe të ndalojnë përdorimin e retorikës përçarëse. Dështimi për ta bërë këtë do të rezultonte me vendosje tw masave, paralajmëroi Përfaqësuesi i Lartë i BE-së në deklaratën e tij”, përcjellë gazeta zvicerane nw shqip Le Canton27.ch.

Në dy rezolutat e miratuara në maj, Parlamenti Evropian këmbënguli se normalizimi i marrëdhënieve mes Beogradit dhe Prishtinës është një përparësi dhe një parakusht për pranimin në BE të të dy vendeve.

Hannes Swoboda, politikan socialdemokrat austriak, njëherë ish-anëtar i Parlamentit Evropian, ka arritur në Kosovë.

Ai këtë e ka bërë të ditur përmes një postimi në rrjetin social në Twitter.

Më tutje politikani austriak është shprehur se Kosova duhet të ndihmohet që t’i afrohet BE-së.

“Erdha në Prishtinë! Kosova duhet të zgjidhë problemet e saj dhe duhet ndihmuar që t’i afrohet BE-së me vlerat dhe parimet e saj”, tha ai.

Well arrived in Pristina! Kosovo must solve its problems and must be helped to approach EU with its values and principles! pic.twitter.com/1iPS3ITCMM

— Hannes Swoboda (@Hannes_Swoboda) June 12, 2023

Kryeministri i Kosovës, Edi Rama pas vdekjes së ish-kryeministrit të Italisë, Silvio Berlusconi, ka thënë se ai ishte mik i mirë i Shqipërisë.

“Lamtumirë president dhe mik i mirë i Shqipërisë”, ka shkruar Rama.

Berlusconi vdiq sot në moshën 86-vjeçare, derisa ishte duke u trajtuar në spitalin San Raffaele në Milano.

Lideri i Forza Italia dhe themeluesi i Mediaset është kthyer në San Raffaele të premten e kaluar, pas një shtrimi 45 ditësh, i cili përfundoi disa javë më parë, për shkak të pneumonisë dhe një forme leuçemie.

Shëndeti i tij është përkeqësuar ndjeshëm viteve të fundit. Ndërkohë, kishte katër ditë që ishte duke u trajtuar në spital.

Kryetari i Aleancës për Ardhmërinë e Kosovës, Ramush Haradinaj ka thënë se lirinë tonë e bëri edhe më kuptimplotë, përkrahja e bashkësisë ndërkombëtare në krye me SHBA-të dhe NATO-n, që përshpejtoi fitoren duke ndërprerë vuajtjet dhe gjenocidin që ushtrohej mbi popullin tonë.

Haradinaj ka uruar Kosovën për ditën e çlirimit.

“Të përulur përjetësisht, kujtojmë e nderojmë rrugën e gjatë dhe përpjekjet e mundimshme të shqiptarëve në të gjitha periudhat historike që kulmuan me luftën e Ushtrisë Çlirimtare të Kosovës”, ka shkruar ai.

“Për këto 24 vjet në liri, Kosova është ndërtuar e është zhvilluar jashtëzakonisht shumë, ndoshta më shumë se secili vend në rajon për të njëjtën periudhë kohore. Kosova ka ndërtuar gjithçka nga fillimi, e sot jemi shtet që njihemi ndërkombëtarisht, një vend për të cilin ka njohuri e gjithë bota”, ka shtuar Haradinaj.

“Duke kujtuar betejat e burrave e grave të UÇK-së anekënd vendit, jemi falënderues për aleatët tanë të udhëhequr nga Shtetet e Bashkuara të Amerikës. Lirinë tonë e bëri edhe më kuptimplotë, përkrahja e bashkësisë ndërkombëtare në krye me SHBA-të dhe NATO-n, që përshpejtoi fitoren duke ndërprerë vuajtjet dhe gjenocidin që ushtrohej mbi popullin tonë

Ta gëzojmë këtë liri, ta njohim vlerën e saj dhe të vazhdojmë në ndërtimin e të ardhmes sa më të mirë!”, ka përfunduar Haradinaj.

Ish-presidenti i Shqipërisë, Ilir Meta ka kujtuar sot Ditën e Çlirimit të Kosovës, i cili ka thënë se çdo shqiptar ndihet krenar dhe i gëzohet arritjeve të Republikës së Kosovës, zhvillimit të pandalshëm dhe avancimit solid në proceset integruese evropiane dhe euro-atlantike.

Kryetari i Partisë së Lirisë, Meta ka shkruar në Twitter se Kosova është faktor kyç i provuar për paqen, stabilitetin dhe sigurinë në rajon, si dhe model frymëzues i ndërtimit të shtetit ligjor.

“Sot në Ditën e Çlirimit çdo shqiptar ndihet krenar dhe i gëzohet arritjeve të Republikës së Kosovës, zhvillimit të pandalshëm dhe avancimit solid në proceset integruese europiane dhe euro-atlantike. Faktor kyç i provuar për paqen, stabilitetin dhe sigurinë në rajon! Model frymëzues i ndërtimit të shtetit ligjor! Edhe pse shteti më i ri i rajonit Kosova është bërë një shembull për zgjedhjet e lira, demokracinë funksionale, mirëqeverisjen dhe llogaridhënien! Mirënjohje dhe thellësisht falënderues për NATO-n dhe vendet demokratike mike, që i dhanë fund gjenocidit dhe kurorëzuan aspiratën shekullore për liri!”, ka shkruar Meta.

24 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.

Më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.