Author: ATVLive

Protesta e të hënës ka vazhduar e qetë në tri komunat veriore ku po protestohet tash e dy javë.

Teve1 raporton se në komunat Leposaviq, Zveçan e Zubin Potok, protestuesit të hënën kanë qenë në numër të vogël, derisa shtoi se edhe trupat e KFOR-it janë reduktuar krahasuar me ditët e para të protestës.

Protestuesit po qëndrojnë nëpër rrugët e tri komunave, ku kanë vendosur edhe tenda të ndryshme, mirëpo që nuk kanë bërë ndonjë veprim fizik.

Protesta ka filluar më 26 maj 2023, kur për herë të parë dolën në punë tre kryetarët shqiptarë të zgjedhur në komunat me shumicë serbe.

Qytetarët e këtyre komunave e kundërshtuan udhëheqjen e komunave nga kryetarët shqiptarë, duke i sulmuar dhe përleshur disa ditë me radhë me pjesëtarët e KFOR-it dhe Policisë së Kosovës, në tentim për të hyrë në objektet komunale.

Kryeministri Albin Kurti, së bashku me ministrin e Shëndetësisë, Arben Vitia kanë përuruar rezonancën në Spitalin e Pediatrisë në QKUK, raporton Ekonomia Online.

Kurti me këtë rast tha se kjo rezonancë është në vlerë mbi 1 milion euro dhe së është donacion i Emirateve të Bashkuara Arabe.

Edhe pse gazetarët insistuan që të marrin një qëndrim prej tij për zhvillimet politike në vend ai nuk u përgjigje e vetëm shtoi se në vjeshtë edhe spitali i Prizrenit do të bëhet me rezonancë magnetike.

“Pas funksionalizmit të rezonancës magnetike më spitalin e Pejës, po e bëjmë këtë edhe në spitalin Pediatrik këtu në QKUK. Ndërkaq në vjeshtë do ta kemi edhe rezonancën magnetike në spitalin e Prizrenit. Në njërën anë ne dëshirojmë që të kemi sa më shumë decentralizim të shërbimeve gjithnjë e më cilësore të ketë diagnostikim sa më të mirë për të gjithë pacientë e të ketë gjithashtu edhe lista sa më të shkurtra për pacientet”.

“Me qenë se shërimi dhe terapia varen shumë prej diagostifikimit sa më cilësor sa më të thellë kjo në njërën anë varet nga kuadri mjekësore ndërkaq në anën tjetër edhe nga teknologjia moderne që është kjo rezonancë magnetite. Vlera e së cilës është mbi 1 milion euro dhe që është sërish donacion për çfarë ne edhe falënderoj Emiratet e Bashkuara Arabe. Ta gëzojnë edhe mjekët edhe pacientët”, tha ai.

Ministria e Punëve të Brendshme ka njoftuar se qytetarët tanë në komunat veriore po vazhdojnë bashkëpunimin me Policinë e Kosovës.

MPB thekson se raportimet nga ana e qytetarëve janë padyshim çelësi i luftimit të përbashkët të krimit dhe çdo lloj vepre penale.

“Deri në muajin maj të këtij viti, Stacionet Policore të komunave Mitrovicë e Veriut, Zveçan, Leposaviq dhe Zubin Potok, kanë pranuar dhe trajtuar 126 raste ndërsa bashkë me Hetimet Rajonale, 184 raste në total. I falënderojmë qytetarët për besimin në raportim si dhe i inkurajojmë për bashkëpunim të mëtutjeshëm me Policinë e Kosovës”, thuhet në njoftim.

Një grup nxënësish nga kombësitë e ndryshme në një shkollë në Gjenevë të Zvicrës, raportohet se kanë poshtëruar flamurin serb si një formë proteste pas masakrës së 18 nxënësve serbë në shkollat e Beogradit, raporton gazeta zvicerane në shqip Le Canton27.ch.

Autoritetet e shkollës ende nuk kanë konfirmuar praninë e ndonjë nxënësi shqiptar në mes të të përfshirëve. Mësohet se motivi i kësaj proteste nuk ishte vetëm vrasja e nxënësve në shkollat e Beogradit, por edhe çështja e racizmit serb ndaj shqiptarëve etnikë në Serbi, veçanërisht në Lugina e Preshevës, si dhe komentet provokuese dhe urrejtëse të Novak Djokoviqit në lidhje me Kosovën dhe shqiptarët.

Kjo nuk është hera e parë që flamuri serb është shkelur ose djegur në Gjenevë. Sipas gazetës zvicerane Le Canton27.ch, ngjarje të tilla kanë ndodhur herë pas here si përgjigje ndaj provokimeve serbe ose deklaratave të luftës kundër Kosovës, duke përfshirë edhe dhunën ndaj forcave paqeruajtëse ndërkombëtare në Kosovë. Një ngjarje e tillë ishte në fillim të këtij muaji që shkaktoi plagosjen e mbi 30 ushtarëve të KFOR-it, duke përfshirë edhe ushtarët nga misioni zviceran “Swisscoy”.

Mësohet se, nxënësit në trotuare kanë shkelur qëllimisht flamurin serb të hedhur në tokë, shkruan gazeta zvicerane Le Canton27.ch, e cila ka hasur edhe në një video në rrjetet sociale. Ngjarja ka ndodhur në një shkollë afër Vernies (buzë lumit Rhone) në kantonin e Gjenevës.

Për këtë rast është njoftuar edhe drejtori i shkollës. Ata shprehën tronditjen e tyre pasi panë videon dhe deklaruan se do ta trajtojnë menjëherë këtë çështje.

Pasi ka folur për një qendër që ai pretendon se janë ndaluar njerëzit në Bajgorë, dëshmitari i tetë i Zyrës së Prokurorit të Specializuar, në gjykimin kundër Thaçit dhe të tjerëve, ka përmendur për një person që sipas tij është marrë në pyetje në brenda objektit.

Duke u përgjigjur në pyetjet e prokurorisë, dëshmitari i mbrojtur ka thënë se kishte dëgjuar se personit të koduar me numrin 1 i ishin bërë pyetje me zë të lartë.

Dëshmitari: Personi me numrin 1 i janë bërë pyetje me zë të lartë

“Ka pasur pyetje të parashtruara me zë më të lartë sesa që është normale që të parashtrohet një pyetje. Zëri ka qenë shumë I lartë, shumë detaje nuk kemi arrit me dëgju asnjëherë, me dëgju apo me kuptu nuk kam arrit. Fjala “pse” ka qenë shumë e shprehur”, ka thënë dëshmitari.

Derisa prokurorja Silvia D’Ascoli e ka pyetur atë se çfarë mendon se kishte ndodhur në atë dhomë, kjo pyetje është kundërshtuar nga avokati kryesor i Hashim Thaçit, Gregory Kehoe.

Prokurorja D’Ascoli: Në bazë të atyre që dëgjuat, si menduat ju, çfarë po ndodhte aty në atë dhomë?

Avokati Kehoe: Këto janë spekulime, po kërkohet se çfarë mendonte kur në fakt mund të dëshmohet vetëm çfarë ka dëgjuar.

Gjykatësi Smith Pranohet kundërshtimi.

Prokurorja D’Ascoli: A mund të dëgjonit ju se cfarë po ndodhte brenda dhomës?

Dëshmitari: Në bazë të kuptimit, që kam arrit me kuptu ka qenë intervistë, për arsye se është kërkuar llogari ndaj një personi të caktuar.

Prokurorja D’Ascoli: Diçka tjetër që ju kujtohet lidhur me atë rast?

Dëshmitari: Për momentin nuk mund t’i cek saktë.

Prokurorja D’Ascoli: Çfarë ndodhi më pas?

Dëshmitari: Pas 15 minuta ose gjysmë ore ku ka qëndruar personi 1, janë larguar nga objekti, janë larguar komplet, me makinë, dhe ne kemi vazhduar normal derisa e kemi pasur të caktuar.

Pas kësaj, me kërkesë të ZPS-së seanca ka vazhduar e mbyllur për publikun.

Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.

Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

Ata ndodhen në qendrën e paraburgimit në Hagë prej nëntorit të vitit 2020./kp

Pas ngritjes së problematikës së shqiptarëve të Luginës së Preshevës në Kongresin e Senatit Amerikan dhe në Organizatën e Kombeve të Bashkuara, takimet e radhës të delegacionit nga Presheva, gjatë kësaj jave do të jenë në Bruksel dhe Strasburg, njofton gazeta zvicerane ne shqip Le Canton27.ch nga Strasburgu.

“Nga sot, së bashku me anëtarët tjerë të delegacionit nga Lugina e Preshevës, për tri ditë rresht delegacioni prej tetë anëtaresh do jenë në Bruksel dhe në Strasburg për të ngritur problematikën e shqiptarëve të Preshevës, Medvegjës e Bujanocit në Parlamentin Evropian dhe Këshillin e Evropës”, ka thënë për gazetën zvicerane Le Canton27.ch, Ardita Sinani, këshilltare e Qeverisë së Kosovës për Luginën.

Për tre ditë në Bruksel dhe Strasburg, delegacioni nga Kosova Lindore do të zhvillojë një seri takimesh me udhëheqësit më të lartë të BE-së, Këshillit të Evropës dhe Parlamentit Evropian.

Delegacionit prej tetë anëtarësh i prinë znj. Ardita Sinani, këshilltare e Qeverisë së Kosovës për Luginën, e shoqëruar nga Dr.Nagip Arifi (kryetar i Bujanocit), Nevzad Lutfiu, kryetar i KKSH-së, Ragmi Mustafa dhe Ragmi Mustafi, Flora Ferati dhe dy përfaqësues nga Medvegja.

Sipas Ardita Sinanit, temë diskutimi nga këto takime me personalitetet e larta të institucioneve evropiane do jetë diskrikmnimi dhe pozita e vështirë e pakicës shqiptare në Serbi, pasivizimi i adresave të shqiptarëve në Luginë, sidomos në Medvegjë, reciprociteti dhe inkuadrimi në procesin e dialogut në Bruksel.

Në Parlamentin Evropian do diskutohet për diskriminimin e shqiptarëve në Luginën e Preshevës nga regjimi serb i Vuçiqit, kurse të mërkurën në Strasburg do të jetë prezentë edhe presidentja e Kosovës, Vjosa Osmani, e cila do t’i drejtohet deputetëve të Parlamentit Evropian me një fjalim.

Gazeta zvicerane Le Canton27.ch ju sjell agjendën treditore të delegacionit nga Presheva në Bruksel dhe Strasburg:

Institucionet e larta evropiane ku do të pritet delegacioni nga Presheva:
Takimet do të fillojnë në Parlamenti Evropian, Këshilli i Evropës dhe Komisionin Evropian ku do të diskutohet kundër racizmit dhe intolerancës.

Autoritetet që do të takojnë, do jenë:
Viola Von Cramon, raportuese për diagolun Kosovë-Serbi, Rainer Vieland, zv. Presidente e Parlamentit Europian, Michael Gaiheb, zëdhënës për politikë të jashtme dhe Roberta Metsola, këshilltare në presidencën e Parlamentit Evropian.

Eurodeputetët që do t’i takojnë:
Lukas Mand, This Reuten, Kelman Grose, Vaid Gheorphe dhe të tjerë.