Deputeti i Lidhjes Demokratike të Kosovës Avdullah Hoti, ka thënë se njohja e Kosovës nga Izraeli ishte historike.
Hoti tha se kjo njohje kishte ndodhur nga Shtëpia e Bardhë.
Ngjarja e madhe kishte ndodhur më 4 shtator në Washington, në kohën sa ai ishte kryeministër.
“Në këtë vizitë historike në Izrael na bashkohen edhe një grup i bizneseve të Kosovës, të cilat do të vizitojnë odat ekonomike në Izrael dhe do të zhvillojnë takime individuale me biznese për të parë mundësitë e bashkëpunimit. Delegacioni i bizneseve është nën organizimin e Odës Ekonomike Kosovë-Izrael, që operon tash e një vit në Prishtinë”, tha Hoti.
Me rastin e Javës së Dhurimit Vullnetar të Gjakut sot në sheshin “Nënë Tereza”, qytetarët patën mundësi të dhuronin gjak.
Mirëpo, derisa ATV-ja për 3 orë ka qëndruar aty, një numër i ulët i qytetarëve ka dhuruar gjak.
Shemsi Berisha, njëri nga dhuruesit tha se duhet të ofrohet më shumë gjak për rastet që kanë nevojë.
“Dhuroj gjak që më shumë se 20 vjet. Por duhet të rritet vetëdijesimi për gjak. Ka shumë njerëz që kanë nevojë për gjak”, tha Berisha.
Ndërsa, Xhevat Korollaku, e kishte të pamundur për të dhuruar gjak për shkak të gjendjes jo të mirë shëndetësore.
“Kisha pas qejf shumë me dhuru gjak, por shtypja e gjakut po më lëviz e nuk mundem. Se me gjithë dëshirë kisha dhuru gjak”, tha Korollaku.
Por sipas organizatorëve, ky aktivitet po konsiderohet mjaft efektiv.
“Kjo ditë ka rëndësi dhe realisht dhurimi i gjakut është shpëtim jete. Po ashtu qytetarët i janë përgjigjur pozitivisht kësaj thirrje”, tha drejtori i Shëndetësisë në Prishtinë, Izet Sadiku.
“Ka interesim të qytetarëve për të dhuruar gjak. Ky aktivitet është human për t’ju ndihmuar të tjerëve që kanë nevojë të gjak”, tha shefja për dhurim të gjakut në QKTGJ, Safete Maliqi-Qorrmemeti.
Teksa ekipi i Qendrës Kombëtare të Transfuzionit të Gjakut ka vendosur tendën në sheshin e kryeqytetit për t’u mundësuar vullnetarëve të dhurojnë gjak, në Qendrën Klinike Universitare të Kosovës, në pjesën e transfuzionit nuk u pa asnjë qytetar i shtrirë për të kryer këtë akt human. Madje prezent nuk ishin as stafi mjekësor.
Në Kosovë gjatë vitit 2022 vetëm nga dhuruesit vullnetarë, janë siguruar rreth 30 mijë doza gjak.
Ndryshe, të gjithë dhuruesit e gjakut do të jenë të liruar nga pagesa në trafikun urban në kryeqytet gjatë tërë javës. /atvlive.tv
Edicionin Qendror të lajmeve në ATV e gjeni në videon më poshtë:
Qytetarë të shumtë e zgjodhën ditën e fundit të panairit për të blerë libra, mbase duke shpresuar në zbritje të çasteve të fundit.
Kadia Dedja nga shtëpia botuese Onufri, thotë se numri i lartë vizitorëve në këtë panair, ishte si shkak i prezencës së shkrimtarit Ismail Kadare në Prishtinë.
“Fakti që shkrimtari ynë i madh i të gjitha kohërave ka qenë i pranishëm në stendën e Onufrit në hapjen e panairit, ditën e martë, ka bërë që të ketë edhe më shumë vizitorë dhe lexues të cilët kanë ardhur ta takojnë personalisht dhe të marrin librat e tij me autografe”, tha Dedja.
I të njëjtit mendim është edhe kryetari i Shoqatës së Botuesve të Kosovës.
“Fakti që këtë vit e patëm të ftuar nderi shkrimtarin e madh Ismail Kadare, shënimi i përvjetorëve të ndryshëm, puna e palodhur e botuesve që për panair të nxjerrin tituj ekskluzivisht të rijnë i jep motiv shtesë lexuesve që të vijnë ta vizitojnë panairin”, tha Edon Zeneli nga Shoqata e Botuesve të Kosovës.
Të suksesshëm këtë panair e cilësuan edhe nga shtëpia botuese e Kolegjit AAB.
“Ka shkuar mjaft mirë, megjithatë mund të themi se ka pasë më pak vizitorë duke e krahasuar me vitet e kaluara, por në anën tjetër ne si shtëpi botuese e Kolegjit AAB, mund të themi se ka qenë një vit i suksesshëm ose kemi pasë shitje të mjaftueshme”, tha drejtori i Shtëpisë Botuese AAB, Urim Sallauka.
Në panairin e 23-të të librit që u mbajt në Pallatin e Rinisë në Prishtinë, morën pjesë rreth 100 botues nga Kosova, Shqipëria, Maqedonia e Veriut dhe Diaspora. /atvlive.tv
Edicionin Qendror të lajmeve në ATV e gjeni në videon më poshtë:
Rezistencën e shqiptarëve e ilustroi me fotografitë të cilat i kishte shkrepur që nga vitet e 80- ta.
Pikërisht përmes fotografive Hazir Reka, kutjon edhe ditën e çlirimit të Prishtinës dhe momentet tjera të qershorit të 1999-ës.
“Ka pas shumë njerëz të dënuar e të plagosur, pas çlirimit ka pas shkatërrime shumë ka pas të zhvendosur, të cilit u prit me u kthye në vendin e tyre. Unë në ditën e tretë të bombardimeve kam shkua në Maqedoni e kom fillua me i përcjell refugjat me i fotografua se kom punu për agjencinë Reuter. Pas kësaj unë jam kthye si fotograf i kom përcjell edhe refugjatët deri në shtëpitë e tyre e kom vazhdua me fotografua deri në pavarësi, e pas pavarësisë është krejt periudhë tjetër”, tha Reka.
Prishtinën hiq në gjendje më të mirë nuk e kujton as piktori Eshref Qalihi, ai thotë se e mbanë në mënd mirë se si dukej menjëherë pas lufte pjesa e njohur si “nën kurrizi” në kryeqytet.
“Unë dhe gjenerata ime jemi me fat që kemi përjetua pavarësinë, atmosfera e pas luftës ka qenë shumë e shkatërruar e djegur, por tek njerëzit është vërejt një frymëzim dëshirë. E kemi kurrizin aty ka pas kafe, në bramje deri në orën 12-1 të natës, ka qenë plot ajo pjesë ka qenë e shkatërruar e djegur plotësisht, atu u kanë një tmerr, kur ke kalua atu ke menduar që është shkatërrua gjithçka, por e ndjenim një frymëzim një ndjenjë gëzimi nga ajo se kjo është hera e fundit që njeriu i sheh këto shkatërrime”, tha Qalihi.
Prishtina më 11 qershor e shënon Ditën e Çlirimit. Dy ditë më herët, në Kumanovë u nënshkrua Marrëveshja Tekniko Ushtarake ndërmjet ushtrisë së Jugosllavisë dhe forcave të NATO-s, pas së cilës forcat jugosllave u tërhoqën nga Kosova, pas më shumë se dy muajsh bombardime të NATO-s ndaj shënjestrave jugosllave. /atvlive.tv
Edicionin Qendror të lajmeve në ATV e gjeni në videon më poshtë:
Në Mal të Zi ka përfunduar votimi për zgjedhjet parlamentare, në të cilat të drejtë vote kishin 542.468 qytetarë. Në zgjedhje morën pjesë 15 lista. Kurse, qendrat e votimit janë hapur në orën 07:00.
Koalicioni i Demokratëve dhe URE bëri të ditur se sipas të dhënave të tyre, pjesëmarrja në zgjedhjet parlamentare në Mal të Zi deri në orën 19:00 ishte 50,41 për qind.
Gjatë ditës nuk është raportuar ndonjë parregullsi gjatë votimit.
Në 24-vjetorin e çlirimit të Komunës së Prishtinës, kryeministri Albin Kurti, bashkë me ministrin e Shëndetësisë, Arben Vitia ditën e filluan duke bërë homazhe te varrezat e dëshmorëve në Prishtinë.
“Ky qershor shënon kurorëzimin e përpjekjeve dhe sakrificava të panumërta të të gjithë brezave të shqiptarëve për çlirimin e Kosovës dhe lirinë e popullit, andaj edhe ne përkulemi dhe bëjmë nderime. Nuk e harrojmë asnjëherë prej nga vijmë dhe sa i lartë ka qenë çmimi që ka paguar populli ynë që ne sot të mund të kemi Republikë demokratike me institucione shtetërore dhe me progres edhe ekonomik dhe demokratik”, tha Kurti.
Për homazhe tek varrezat shkoi edhe i pari I Prishtinës, Përparim Rama bashkë me drejtorë e këshilltarët e komunës.
Rama tha se 11 qershori është njëra ndër ditët më të rëndësishmen për gjithë vendin e veçmas për kryeqytetin.
“Sot është një ditë e madhe, historike për gjithë vendin, mirëpo për kryqytetin veçanërisht, sepse me 11 qershor 24 vite më parë është çliruar kryeqyteti dhe sot jemi të lirë të jetojmë e të veprojmë ashtu si duam, duke falënderuar dëshmorëve e heronjëve tanë”, tha Rama.
Për të shënuar ditën e çlirimit, në kryeqytet u organizuan një sërë aktivitetesh. Si homazhe tek varrezat e dëshmorëve, seanca në kuvendin komunal. Ndërsa për ta përmbyllur ditën në sheshin “Skënderbeu” do të mbahet koncerti i cili do të fillojnë në orën 20:45. /atvlive.tv
Edicionin Qendror të lajmeve në ATV e gjeni në videon më poshtë:
Kryeministri Kurti dje për herë të parë mori pjesë në paradën e krenarisë dhe paralajmëroi procedimin e serishëm të projekt kodit civil në Kuvend.
Kujtojmë që projekt Kodi Civil u dërgua për votim të mars të vitit të kaluar dhe dështoi, meqë opozita nuk mori pjesë në votim kurse një pjesë e pozitës votoi kundër.
Në versionin që atëherë u dërgua në Kuvend dhe nuk u votua, projekt Kodi Civil lejonte bashkësitë civile të personave të gjinisë së njëjtë dhe saktësonte se kushtet e procedurat definohen me ligj të veçantë.
Nga ekzekutivi thotë se po punojnë intensivisht që kurdo qe procedohet në kuvend, të mos dështoi.
Projekt-kodi tashmë është kthyer në Ministri të Drejtësisë prej ku e para e këtij dikasteri, tha se janë vazhdimisht në bisedime me deputet, për ti bindur që kësaj here të votojnë pro.
“Si ministri dhe si Qeveri nuk kemi hequr dorë nga ky dokument sepse vlerësojmë se është jashtëzakonisht i rëndësishëm dhe adreson interesin e përgjithshëm të qytetarëve të Kosovës dhe përveç nenit 1138 ka edhe nene tjera, ka edhe institute tjera, çështje tjera të cilat i adreson. Ne kemi qenë gjatë kësaj kohe në diskutime me deputetët e grupit parlamentar veç e veç, sepse kemi konsideruar se një dokument i tillë duhet të kaloi në kuvendin e Republikës së Kosovës”, tha Albulena Haxhiu, ministre e Drejtësisë.
Megjithatë për dështimet e kaluara në këtë projekt-kod, Haxhiu fajëson edhe opozitën, pasi thotë se votuan kundër jo për shkak të kodit por për inate pulitke.
“Arsyeja që më kanë thënë se në atë kohë nuk kanë dashur të marrin pjesë në votim ka qenë sepse kemi dashur të shohim dështimin tuaj, unë mendoj që është pak gabim”, tha Haxhiu.
Sidoqoftë Haxhi thotë se janë në bisedime edhe me deputetët opozitarë, ku pa përmendur emra tha se kanë marrë garanci që do marrin pjesë në votim.
“Kanë thënë se do marrin pjesë në votim, jo në tersi si grup parlamentar sepse keni parasysh që edhe brenda grupeve parlamentare ka mendime në raport me këtë”, tha Haxhiu.
Në seancën e fundit kur dështoi kodi civil, 29 deputetë ishin kundër për shkak të nenit që flitet për bashkësinë civile të seksit të njëjtë.
Aktualisht, martesën e dy personave të gjinisë së njëjtë e lejon vetëm Kushtetuta. Në Kuvendin e Kosovës, ose për shkak të bindjeve konservatore e fetare, ose për shkak të kalkulimeve politike, përveç Kodit Cviil ka dështuar edhe Ligji për Fertilizm të Asistuar. /atvlive.tv
Edicionin Qendror të lajmeve në ATV e gjeni në videon më poshtë:
Me ardhjen në pushtet të qeverisë së udhëhequr nga kryeministri Albin Kurti, sipas vet atij, Forcës së Sigurisë së Kosovës iu kanë shtuar mbi 1000 trupa.
“Në fillim kur erdhëm në qeverisje, FSK pati 2693 ushtarë. Për dy vite janë rekrutuar 1240 ushtarë të ri ndërsa edhe 612 ushtarë aktiv dhe 388 rezervë. 1240 ushtarë më shumë për dy vite”, tha Kurti.
Duke polemizuar me deputetin Avdullah Hoti, për 80 milion euro pagesa të bëra në avanc nga buxheti i shteti, ministri i Financave Hekuran Murati theksoi se këto fonde janë dedikuar për blerje të armatimit.
“Ky zë është rritë për shkak se nëse e shikoni ligjin për buxhet 100% avanci lejohet vetëm në rastet kur blehet armatimi”, tha Murati.
Kujtojmë se nga marsi i vitit të kaluar, Kosova ka edhe një Fond të Sigurisë, që menaxhohet nga Ministria e Financave. Mirëpo, shuma e mbledhur në këtë fond, vazhdon të jetë e panjohur për publikun.
Por, sa të vështirë e kanë qytetarët që përmes internetit t’i gjejnë të dhënat e përmendura nga qeveritarët?
Një raport i Organizatës Jo-qeveritare, DemokraciPlus, i realizuar vitin e kaluar, për transparencën e ministrive në faqe zyrtare, tregon se Ministria e Mbrojtjes është ndër ministritë më jo-transparente sa i përket të dhënave që ofrohen në faqet zyrtare.
Transparenca nuk është përmirësuar akoma në këtë ministri. Në web faqe mungojnë infot bazike nga kontakt personat në ministri, të dhënat për buxhet vjetor, raportet e shpenzimeve, plani i aktiviteteve, madje mungojnë të dhënat edhe numrin e pjesëtarëve në FSK.
FSK-së iu anulua pjesëmarrja në stërvitjet e NATO-s Defender 23 me vendim të komandës së forace amerikane bnë Evropë, si pjesë e penalizimeve të Shteteve të Bashkuara ndaj Kosovës, për shkak të veprimeve të pakoordinuara të Qeverisë së Kosovës në veri të vendit. /atvlive.tv
Edicionin Qendror të lajmeve në ATV e gjeni në videon më poshtë:
Serbët lokal në tri komunat veriore vazhdojnë të protestojnë dhe të kërkojnë largimin nga objektet komunale të kryetarëve shqiptarë të zgjedhur, largimin e policisë dhe formimin e Asociacionit të komunave me shumicë serbe. Ndërkohë ndërkombëtaret për de-eskalimin e situatës kanë kërkuar tërheqjen e policisë nga ndërtesat e komunave, kthimin në dialog dhe mbajtjen e zgjedhjeve të reja.
Deputeti të Partisë Demokratike të Kosovës, Rashit Qalaj, vlerëson se kryetarët e komunave në veri të vendit nuk ka nevojë që të dorëhiqen, por është dashur më shumë koordinim paraprak me ndërkombëtarët.
“Mendoj që është dashur që kryetarët të funksionojnë, mirëpo pas kësaj situate ne duhet të jemi shumë të kujdesshëm, të kontribuojmë në paqe të kontribuojmë në uljen e tensioneve atje”, tha Qalaj.
Situata e fundit në veri të vendit ka zbehur marrëdhëniet e Kosovës me SHBA-në e BE-në, mirëpo analistët politik vlerësojnë se marrëdhëniet me e Kosovës mund të rikuperohen me formimin e Asociacionit të komunave me shumicë serbe.
Megjithatë, Lëvizja Vetëvendosje për të gjithë situatën e krijuar në veri, vazhdon ta fajësoj Serbinë dhe gjithashtu edhe ndërmjetësin e dialogut nga BE-ja, Miroslav Lajçak.
“Fillimisht Serbia nuk deshi të nënshkruajë marrëveshjen, pasi Kosova u dakordua në Bruksel, ku kryeministri jonë deshi të nënshkruajë atë, mirëpo Vuçiq nuk e nënshkruajti. Ai është gabimi i parë i ndërmjetësve. Ky gabim është saktësisht i zotëri Lajçak, aty dhe deklarimet e Vuçiq në javën pasuese se ai nuk zbaton pjesë të caktuara të marrëveshjes. Është një përpjekje e tyre që të sabotojnë marrëveshjen. Kosova është e gatshme dhe e përkushtuar siç ka qenë në fillim që të nënshkruajë dhe të zbatojë atë plan, por ne nuk jemi të interesuar që të jemi në agjendat qysh do që i ka menduar Vuçiq në të kaluarën”, tha deputeti i LV-së, Armend Muja.
Kosova dhe Serbia janë pajtuar për marrëveshje më 27 shkurt në Bruksel dhe aneksin e zbatimit të saj më 18 mars në Ohër, kurse i dërguari amerikan për Ballkanin Perëndimor Gabriel Escobar ka konstatuar në Prishtinë se të dyja palët e kanë shkelur këtë marrëveshje. /atvlive.tv
Edicionin Qendror të lajmeve në ATV e gjeni në videon më poshtë:
Kryeministri Albin Kurti nuk ka ndryshuar qëndrim për çështjen e veriut.
Ai vazhdon të insistoj se kryetarët e komunave, punën duhet të kryejnë në zyrë, derisa thotë se nuk duhet të ketë ndarje etnike ku këto objekte të u takojnë vetëm qytetarëve serb.
Madje thotë se ishte i brengosur mos kryetari i Leposaviqit Lulzim Hetemi do lëshoj pe, brengë të cilën tha se njësoj e kishte edhe vetë Hetemi.
“Kur e thirra kisha brengë se mos ishte mërzitur brenda në zyrë u bënë shumë javë, por unë teksa isha i brengosur se mos ishte mërzitur ai, ai ishte brengosur se mos isha mërzitur unë. Kështu unë i shqetësuar mos po lëshon pe ai, e ai i shqetësuar mos po lëshojë pe unë”, tha Kurti.
Megjithatë Kurti foli edhe për mundësinë e zgjedhjeve të jashtëzakonshme në komunat veriore për të cilat nuk ishte kundër, vetëm se deri atëherë kërkoj që kryetarët ta zhvillojnë mandatin qetësisht.
Sipas Kurtit edhe prania e policisë do ishte më vogël nëpër objekte komunale, nëse grupet terroriste që po shfaqin dhunë në veri, do të arrestohesh.
Kryeministri tha se i qëndron prapa Amerikës e BE-se në vlerat demokratike dhe besimit në një të ardhme pa luftë të bazuar në barazi e drejtësi.
Këto deklarime Kryeministri Kurti i bëri në mbledhjen e këshillit të përgjithshëm të Lëvizjes Vetëvendosje, ku para delegatëve e aktivistëve, tregoi edhe për arritjet e Qeverisë së tij që nga marrja e mandatit. /atvlive.tv
Edicionin Qendror të lajmeve në ATV e gjeni në videon më poshtë:
