ATV

Author: ATVLive

  • Drecun-serbëve: Mos u kapni me KFOR-in, dëgjojeni Listën Serbe

    Drecun-serbëve: Mos u kapni me KFOR-in, dëgjojeni Listën Serbe

    Kryetari i Komisionit për Kosovë i Kuvendit të Serbisë, Milovan Drecun, ka thënë sot se është shumë e rëndësishme që serbët në veri të Kosovës dhe grupet e caktuara që kanë ide të ndryshme se si duhet të mbrohen interesat e serbëve në veri, t’i kuptojnë mesazhet e dërguara nga presidenti i Serbisë, Aleksandër Vuçiq, dhe të shmangin çdo konflikt me KFOR-in.

    Drecun vlerësoi se sipas tij, rënia e Listës Serbe dhe e liderëve të saj rrëzon drejtpërdrejt mundësitë e Beogradit dhe presidentit Vuçiq për të ndihmuar popullin serb që të përballet me krizën aktuale.

    ‘’Është e një rëndësie të veçantë që përgjigjet e serbëve të jenë të natyrës politike dhe çdo gjë që është përgjigje politike e serbëve është e pranueshme. Gjëja e dytë që dua të theksoj është se ka individë që do të shkatërronin reputacionin e Listës Serbe dhe ndikimin e saj në popullin serb, dhe në këtë mënyrë do t’i privonin Presidentit të Serbisë mundësinë për të bërë gjithçka që është e nevojshme për t’i ndihmuar serbët’’- tha Drecun, raporton Kosovo Online.

    Ai shtoi se ka grupe dhe individë që e bëjnë këtë dhe theksoi se nëse disa njerëz e kanë idenë se zgjidhja e vetme e krizës mund të jetë hyrja e forcave të tyre të sigurisë në Kosovë, ata duhet të mendojnë me kujdes se cilat do të ishin pasojat e këtij hapi.

    ‘’ Serbët në veri të Kosovës duhet të kuptojnë mesazhet që vijnë nga Beogradi dhe se është Lista Serbe ajo që është lidhja politike me Beogradin. Ata duhet të dëgjojnë se çfarë u thonë personat nga Lista Serbe dhe të sillen ashtu siç udhëzohen nga ata’’- shtoi Drecun.

  • Kapet personi që e qëlloi me telefon Bebe Rexhën kur ajo bëri shqiponjën në koncert

    Kapet personi që e qëlloi me telefon Bebe Rexhën kur ajo bëri shqiponjën në koncert

    Këngëtarja shqiptare me famë botërore, Bebe Rexha, të dielën ka mbajtur një koncert në New York.

    Teksa po performonte në skenën e mbushur, një nga fansat në turmë e goditi me telefon në fytyrë.

    Kjo siç shihet ndodhi në momentin kur ylli i famshëm po bënte simbolin e shqiponjës me duar.

    Pas kësaj tronditje, këngëtarja e nominuar për “Grammy” ra në gjunjë me kokën ulur, gjersa anëtarë të shumtë të ekipit nxituan për ta ndihmuar.

    Në bazë të postimeve në Twitter thuhet se e ëma e artistes deklaroi që ajo bëri tri qepje pas asaj që ndodhi.

    Së fundmi, janë publikuar video teksa është zbuluar personi që e bëri gjestin ndaj këngëtares shqiptare.

    Në pamje shihen se si sigurimi e nxorën nga publiku duke mos u ditur më shumë se çfarë ka ndodhur tutje.

    LEXO EDHE:

    Zbulohet arsyeja pse Bebe Rexha u qëllua me telefon, bëri shqiponjën në skenë

  • Protestojnë serbët në veri kundër arrestimit të Millun Milenkoviq

    Protestojnë serbët në veri kundër arrestimit të Millun Milenkoviq

    Qytetarët serbë kanë protestuar sërish sot (e hënë) në veri të Mitrovicës kundër arrestimit të Millun Milenkoviq-Llune dhe të tjerëve.

    Ata kanë marshuar këmbë nga përmendorja e “Car Llazarit” në veri të Mitrovicës, deri në Zveçan, ndërsa kanë bartur flamuj serb, pankarta me mbishkrimet “Stop terrorit nga Kurti”, si dhe fotografi të Milenkoviqit ku shkruan “Nuk është fajtor”.

    Në këtë protestë vërehet edhe pjesëmarrja e mantel bardhëve nga spitali i veriut të Mitrovicës, raporton KosovaPress.

    Protesta po zhvillohet e qetë deri tani dhe nuk ka ndonjë incident.

    Forca të shtuara të Policisë së Kosovës janë stacionuar nëpër disa lokacione përgjatë rrugës Mitrovicë-Zveçan dhe po e vëzhgojnë situatën nga afër.

  • Kultivimi dhe vetitë shëruese të origanos!

    Kultivimi dhe vetitë shëruese të origanos!

    Në rubrikën “Arat tona”, të emisionit të mëngjesit ALARM, ekipi i ATV-së ka pasur rastin të vizitojë Enver Sherifin nga fshati Malishevë e Gjilanit dhe të vëzhgojë nga afër se si bëhet kultivimi i erëzave të ndryshme, të cilat për konsumin e ushqimeve të përditshme, por shërim.

    Në reportazhin e ATV-së do të keni mundësinë të mësoni më shumë për kultivimin e Origanos, e cila pos për ushqime të ndryshme, ka edhe veti shëruese. /atvlive.tv

  • Projekti i “Inject” adreson problemet e sistemit gjyqësor në trajtimin e kontesteve pronësore të grave në Kosovë

    Projekti i “Inject” adreson problemet e sistemit gjyqësor në trajtimin e kontesteve pronësore të grave në Kosovë

    Ditë më parë, organizata “Iniciativa për Drejtësi dhe Barazi – Inject”, ka prezantuar hulumtimin ligjor “Zvarritja e Kontesteve Pronësore të Grave në Sistemin Gjyqësor në Kosovë”.

    Ky hulumtim fokusohet në kontestet pronësore të grave në sistemin gjyqësor të Kosovës, duke analizuar bazën ligjore dhe zbatimin praktik të së drejtës për gjykim të drejtë. Ai shqyrton çështjet në gjykatat rajonale, në Gjykatën e Apelit dhe në Gjykatën Supreme, duke vlerësuar kohën e nevojshme për zgjidhjen e tyre. Studimi përfundon me rekomandime për përmirësimin e qasjes së sistemit gjyqësor vendor ndaj kontesteve pronësore të grave.

    Koordinatorja e Projektit në INJECT, Fjolla Koshi, në emisionin ALARM në ATV, tha se ideja për këtë projekt ka ardhur si kërkesë dhe nevojë e grave, të cilat janë edhe palë të organizatës “Inject”.

    “Ideja ka ardhur si përgjigje sfidave dhe çështjeve aktuale ndaj këtyre konteksteve pronësore të grave. Ka lindur nevoja që të identifikohen mangësitë gjatë procedurave gjyqësore të tyre, më konkretisht konteksteve pronësore me të cilat përballen gratë. Frymëzimin më të madh për projektet tona e gjejmë te gratë që janë palë e jona, të cilat vinë të kërkojnë ndihmë juridike”, tha Muja.

    Ndërsa, juristja hulumtuese Diellza Muja, tha se përveç faktit se një rast duhet të gjykohet nga një gjykatë e pavarur, e paanshme, hulumtimi ka trajtuar edhe elementin tjetër që është arsyeshmëria që rastet përpara gjykatave duhet të përfundojnë brenda një kohe të arsyeshme kohore.

    “Zvarritja në anën tjetër të procedurave përbën çdo mosrespektim i afateve ligjore që janë të përcaktuara nga gjykatat”, tha Muja. /atvlive.tv

  • Gjashtë të vdekur dhe dhjetëra të plagosur nga të shtënat në ShBA

    Gjashtë të vdekur dhe dhjetëra të plagosur nga të shtënat në ShBA

    Gjashtë persona kanë vdekur dhe dhjetëra të tjerë janë plagosur si pasojë e të shtënave në Shtetet e Bashkuara të Amerikës gjatë fundjavës.

    Të shtënat e djeshme ndodhën në periferinë e Çikagos, Washington, Pensilvaninë qendrore, St. Louis, Kaliforninë Jugore dhe Baltimore.

    “Nuk ka dyshim se ka pasur një rritje të dhunës”, tha Daniel Nagin, një profesor i politikave publike dhe statistikave në Universitetin Carnegie Mellon.

    “Disa nga këto raste duket se janë vetëm mosmarrëveshje, shpesh mes adoleshentëve, dhe ato në mosmarrëveshje luhet me armë zjarri, jo me grushte”.

    Nagin theksoi se studiuesit nuk pajtohen për shkakun e rritjes së sulmeve me armë. Teoritë përfshijnë mundësinë që dhuna të nxitet nga përhapja e armëve në Amerikë, ose nga strategjia më pak agresive e policisë ose nga një rënie në ndjekjet penale për kundërvajtje me armë.

    Që nga mbrëmja e së dielës, asnjë nga ngjarjet e fundjavës nuk i përshtatet përkufizimit të një vrasjeje masive, sepse më pak se katër njerëz vdiqën në çdo vend.

  • Dogana parandalon tri raste të kontrabandës

    Dogana parandalon tri raste të kontrabandës

    Njësit e Doganës së Kosovës kanë parandaluar tri raste të ndara të kontrabandës në vend.

    Siç njofton Dogana në qytetin e Gjakovës, respektivisht në një njësi biznesi që tregtohet cigare pa banderola, njësit relevante të Doganës kanë gjetur një sasi të konsiderueshme të cigareve, cigareve elektronike, dhe produkteve e të tjera të duhanit për të cilat personi përgjegjës, pala nuk ka poseduar dokumente dhe si të tilla janë kontrabanda në Kosovë.

    “Derisa në rastin e dytë zyrtaret Doganore kanë organizuar po ashtu një plan operativ me qëllim të parandalimit të kontrabandës të mallrave dhe me këtë rast është zbuluar dhe parandaluar një rast tentim kontrabandimi një makine hidraulike për prerjen e drunjve”, thuhet në njoftim.

    Sipas Doganës në rastin e tretë është zbuluar në magjistralen Ferizaj-Kaqanik në kuadër të Planit të përbashkët operativ të Doganës, ATK-së dhe Policisë së Kosovës ku është arritur të identifikohet një veturë e cila ishte duke transportuar mall me origjinë të huaj e për të cilën pala nuk posedonte dokumentacion që e dëshmon se ky mall ka hyrë përmes rrugëve ilegale në Kosovë (mall i kontrabanduar).

    “Të gjitha mallrat janë konfiskuar si dhe ka filluar procedura kundërvajtëse ndaj personave përgjegjës”, thuhet në njoftim.

    Dogana e Kosovës ka aplikacionin ‘eDogana’ për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

  • BE pret që Kurti dhe Vuçiq të shkojnë në Bruksel pa kushte, në të kundërtën do të ketë pasoja për palët

    BE pret që Kurti dhe Vuçiq të shkojnë në Bruksel pa kushte, në të kundërtën do të ketë pasoja për palët

    Bashkimi Evropian u ka bërë thirrje kryeministrit të Kosovës, Albin Kurti, dhe presidentit të Serbisë, Aleksandar Vuçiq, që të pranojnë ftesën për pjesëmarrje në takimin e krizës në Bruksel, duke mos vendosur asnjë kusht.

    Përfaqësuesi i lartë i BE-së për politikë të jashtme dhe siguri, Josep Borrell, ka ftuar Kurtin dhe Vuçiqin për një takim në Bruksel gjatë kësaj jave, në mes të tensioneve të rritura mes dy shteteve.

    BE ka paralajmëruar se mospërfillja e kësaj ftese mund të ketë pasoja për palët.

    Presidenti i Serbisë veçse ka refuzuar të takohet me Kurtin, ndërkaq ky i fundit ende nuk ka vendosur nëse do të marrë pjesë në takimin e Brukselit.

    Vuçiq më 18 qershor deklaroi në Beograd se nuk do të takohet me Kurtin. Megjithatë, ai tha se do të vendosë nëse “teknikisht do të paraqitem në atë takim”, duke shtuar se ky do të jetë një vendim i tij strategjik për të cilin do ta informojë opinionin.

    Kurti ndërkaq, më 19 qershor tha se fillimisht pret që shefi i Zyrës Ndërlidhëse të Kosovës në Beograd të takojë policët e Kosovës, dhe pasi të kuptojë gjendjen e tyre, do të vendosë nëse do të pranojë ftesën e Borrellit për takim.

    Zëdhënësi i BE, Peter Stano, tha se Borrell ka ftuar dy liderët për t’u takuar në Bruksel “për të gjetur dalje nga kriza që po e shohim dhe për t’u kthyer në rrugën e dialogut”.

    “Data nuk është caktuar ende sepse palët nuk e kanë konfirmuar pjesëmarrjen. Borrell pret një sjellje më të përgjegjshme nga dy liderët. BE pret që ata të vijnë pa kushtëzime. Blloku evropian po e përcjell situatën për të parë se a janë palët e gatshme për të gjetur zgjidhje”, tha Stano gjatë një konference për media.

    Ai shtoi se të hënën gjatë takimit të ministrave të BE-së çështja e tensioneve mes Kosovës dhe Serbisë do të jetë në agjendë.

    “Ftesa e Borrellit është ofertë dhe mundësi për ta që të dëshojnë se pas të gjithave mund të jenë konstruktivë. Nuk është ftesë për të kënaqur Brukselin, por është për nevojën që të ulen tensionet dhe për të ardhmen evropiane të qytetarëve të Kosovës dhe Serbisë. E për këtë, askush tjetër përveç Vuçiqit dhe Kurti nuk është përgjegjës”, tha Stano.

    Që nga fundi i majit, tensionet në veri të Kosovës u rritën pasi pasi kryetarët e rinj shqiptarë të komunave në veri, me asistimin e Policisë së Kosovës, hynë në ndërtesat komunale, mes kundërshtimeve nga serbët lokalë.

    Tensionet kulmuan më 29 maj, kur në Zveçan protestuesit serbë u përleshën me ushtarët e misionit të NATO-s në Kosovë, KFOR. Nga përleshjet u lënduan dhjetëra persona nga të dyja palët.

    Më 14 qershor, tensionet mes Kosovës dhe Serbisë u përkeqësuan edhe më tej, pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

    Stano u pyet edhe për situatën aktuale dhe fatin e tre policëve të Kosovës që gjenden në paraburgim në Serbi. Ai tha se “për fat nuk ka pasur përshkallëzim të ri fizik në terren, por ende nuk kemi parë as hapa konkretë të menjëhershëm për shtensionim. Prandaj, edhe i kemi ftuar të dy liderët në Bruksel për të punuar në uljen e tensioneve dhe për hapa konkretë”.

    “Deri më tani nuk kemi dëgjuar përgjigje konkrete, përveç deklaratave jokonstruktive publike të tyre2, tha Stano.

    “Në këtë moment po përqendrohemi në thirrjen e Borrellit që liderët të vijnë në Bruksel. Varësisht se si do të shkojë ky takim, do të shohim më pas se si do të veprohet. Veprimet e të dyja palëve do të reflektohen edhe në diskutimin e ministrave, e pastaj edhe në rrugëtimin evropian të tyre”, përfundoi Stano.

    Shtetet e Bashkuara, Mbretëria e Bashkuar dhe Gjermania i kanë bërë thirrje Serbisë që të lirojë menjëherë tre policët e Kosovës. /rel

  • Historia e çezmës së Vushtrrisë, burimi i së cilës nuk është ndalur asnjëherë

    Historia e çezmës së Vushtrrisë, burimi i së cilës nuk është ndalur asnjëherë

    E ndërtuar në shekullin XVIII nga Hajredin Pasha, kjo çezme në Vushtrri është e njohur me emrin e ndërtuesit “Çezma e Hajredin Pashës”.

    Çezma ka një koritë të punuar nga guri i latur, i vendosur në tokë si dhe një parmak hekuri.

    Drejtoresha për Kulturë, Tini dhe Sport në komunën e Vushtrrisë, Medina Bunjaku, në një prononcim për ATV-në thotë se kjo çezme është monument nën mbrojtje të përkohshme si objekt profan, jo religjioz.

    “Kjo çezme është ndërtuar qysh në periudhën osmane. Edhe pse është ndërtuar në atë periudhë, gjithmonë është quajtur si çezmja e kalasë, me që kalaja është më e vjetër se kjo çezme. Kjo çezme burimin e ka nga vreshtat. Vlen të theksohet se burimi i saj asnjëherë nuk është ndalur, vetëm gjatë verës ngadalësohet ngopka shtypja e saj. Po
    ashtu, kjo çezme është monument nën mbrojtje të përkohshme si objekt profan, jo religjioz”, tha Bunjaku.

    Ajo tregon se kjo çezme ende nuk ka pasur ndonjë restaurim dhe ka mbetur e njëjta qysh prej asaj periudhe kur është ndërtuar. /atvlive.tv

  • Zbulohet arsyeja pse Bebe Rexha u qëllua me telefon, bëri shqiponjën në skenë

    Zbulohet arsyeja pse Bebe Rexha u qëllua me telefon, bëri shqiponjën në skenë

    Një incident ka ndodhur të dielën në koncertin e Bebe Rexhës në Nju Jork, ku këngëtarja u qëllua në kokë me një celular.

    33-vjeçarja po interpretonte në një koncert për turneun saj “Best F’n Night Of My Life”.

    Në videot e shpërndara në rrjetet sociale, duket se një person nga tuma qëllon drejt artistes, gjatë kohës që ajo po interpretonte simbolin e shqiponjës me duar.

    Pas një momenti tronditjeje, këngëtarja e nominuar për Grammy ra në gjunjë me kokën ulur, ndërsa anëtarë të shumtë të ekuipazhit në krahë nxituan për ta ndihmuar.