ATV

Author: ATVLive

  • BE ia kthen Vuçiqit: EULEX’i u sulmua, Serbia të bashkëpunojë për t’i sjell para drejtësisë përgjegjësit

    BE ia kthen Vuçiqit: EULEX’i u sulmua, Serbia të bashkëpunojë për t’i sjell para drejtësisë përgjegjësit

    Zëdhënësi i Bashkimit Evropian, Peter Stano ka komentuar kritikat e presidentit serb Aleksandar Vuçiq mbi misionin e BE-së për sundim të ligjit në Kosovës, EULEX.

    Stano ka thënë se i kundërshton fuqishëm këto akuza të presidentit serb, i cili ka thënë se pjesëtarët e EULEX-it janë “gënjeshtarë që kryejnë monitorim të rrejshëm” të kufirit me Kosovën.

    “Kundërshtojmë kategorikisht akuzat e Serbisë kundër misionit tonë. Më lejoni t’jua kujtoj që stafi i EULEX-it, si dhe veturat tona, ishin target i sulmeve në terren. Presim që Serbia të bashkëpunojë në sjelljen para drejtësisë të përgjegjësve që kryen dhunë ndaj trupave ndërkombëtare, gazetarëve dhe të tjerëve në veri të Kosovës”, ka thënë Stano për Zërin e Amerikës.

    Vuçiq ka akuzuar po ashtu EULEX-in që, sipas tij, lejon ‘qëllimin e serbëve’ dhe se i jep mbështetje kryeminsitrit të Kosovës, Albin Kurti.

    Stano ka rikujtuar se EULEX është misioni më i gjerë civil në Kosovë.

  • Komandanti i KFOR’it: S’ka zgjidhje ushtarake për Veriun, kemi ofensivë diplomatike për ta qetësuar situatën

    Komandanti i KFOR’it: S’ka zgjidhje ushtarake për Veriun, kemi ofensivë diplomatike për ta qetësuar situatën

    Komandanti i KFOR-it në Kosovës, Angelo Michele Ristuccia, ka thënë se për de-përshkallëzimin e tensioneve në veri nuk mund të ketë zgjidhje ushtarake.

    Duke folur për transmetuesin publik serb, Ristuccia ka thënë se zgjidhja për veriun duhet të jetë politikë, në tavolinën e negociatave.

    Ai ka thënë se një ofensivë e gjerë diplomatike është aktivizuar për t’i qetësuar tensionet dhe për ta kthyer normalitetin në veri.

    Sipas komandantit të KFOR-it, gjendja në veri mbetet e tensionuar, përkundër qetësisë momentale. Ai ka përmendur shtimin e trupave të KFOR-it në vend, si masë sigurie, pas rivlerësimit të situatës.

    Ristuccia ka thënë se Kosova dhe Serbia duhet të ulen në tavolinën e negociatave për t’i tejkaluar të gjitha mosmarrëveshjet që dy shtetet kanë ndërmjet vete.

  • Escobar e Lajçak vihen në lëvizje, diskutojnë për dialogun Kosovë-Serbi

    Escobar e Lajçak vihen në lëvizje, diskutojnë për dialogun Kosovë-Serbi

    Emisari i ShBA-së për Ballkanin Perëndimor, Gabriel Escobar, i shoqëruar nga kolegu i BE-së për dialogun Kosovë-Serbi, Miroslav Lajçak, nesër do të diskutojnë për rifilimin e këtij procesi.

    Një diskutim i tillë publik vjen pas tensioneve në komunat veriore, pasi serbët lokalë po kundërshtojnë kryetarët e rinj atje. Tensionet u rriten edhe më shumë të mërkurën e kaluar, kur autoritetet serbe kanë rrëmbyer tre policë të Kosovës, transmeton Paparaci.

    Shtetet e Bashkuara, Mbretëria e Bashkuar dhe Gjermania i kanë bërë thirrje Serbisë që të tre zyrtarët e PK-së të lirohen pa kushte dhe menjëherë.

    Nga ana tjetër, BE-ja dhe ShBA-të kanë bërë thirrje ndaj Kosovës dhe Serbisë që të ulën në tavolinë dhe ta shtensionojnë situatën. Ndërkombëtarët po ashtu kanë përpiluar tri kërkesa kryesore ndaj të dyja vendeve për ta zgjidhur këtë situatë.

    Sipas Këshillit Atlantik, progresi i fundit në normalizimin e marrëdhënieve ndërmjet Kosovës dhe Serbisë, përmes dialogut të lehtësuar dhe ndërmjetësuar nga BE-ja, kërcënohet nga përshkallëzimi i tensioneve në veri të Kosovës.

    Diskutimi i nesërm që do të fillojë në ora 15:00 me kohën tonë lokale, pritet të ofrojë njohuri se si ShBA-ja dhe BE-ja synojnë të ndihmojnë në zbutjen e tensioneve dhe të gjejnë zgjidhje të mundshme që të dyja vendet të krijojnë marrëdhënie më të qëndrueshme.

    Mes tjerash, përfaqësuesi i lartë i BE-së për politikë të jashtme dhe siguri, Josep Borrell, ka ftuar Kurtin dhe Vuçiqin për një takim në Bruksel gjatë kësaj jave, në mes të tensioneve të rritura mes dy shteteve. BE-ja ka paralajmëruar se mospërfillja e kësaj ftese mund të ketë pasoja për palët.

  • Giresse tregon nëse do të jetë pjesë e Kosovës

    Giresse tregon nëse do të jetë pjesë e Kosovës

    Përzgjedhësi i Përfaqësueses së Kosovës, Alain Giresse ka thënë se e ardhmja e tij është e hapur.

    “Do ia lëmë të ardhmes”, ka thënë Giresse kur është pyetur rreth të ardhmes së tij pas humbjes nga Bjellorusia.

    Giresse ka potencuar se nuk pasur gjëra shumë pozitive në ndeshjen e djeshme, por se nuk dihet se çfarë ndodh në futboll.

    “Kemi tentuar sikurse lojën e kaluar ta fitojmë lojën dhe kishim të njëjta qëllime. Në futboll asnjëherë nuk kemi siguri se çfarë mund të ndodh. Nuk ka pasur shumë gjëra pozitive”, ka thënë Giresse.

    Kosova u mposht nga Bjellorusia me rezultat 2:1, duke përfunduar në pozitën e parafundit në Grupin I.

  • Ministria e Jashtme: Mos udhëtoni përmes Serbisë, ka protesta në Jarinje dhe Merdare

    Ministria e Jashtme: Mos udhëtoni përmes Serbisë, ka protesta në Jarinje dhe Merdare

    Sharr Jakupi, shef i stafit në kabinetin e ministres së Jashtme, Donika Gërvalla, ka dalë me një njoftim të rëndësishëm për të gjithë qytetarët që po udhëtojnë drejtë Kosovës.

    Sipas tij, në territorin e Serbisë, në afërsi të pikave kufitare në Jarinje dhe në Merdare, për shkak të protestave që po mbahen, nuk është i mundur kalimi i autobusëve dhe kamionëve që vijnë nga Kosova.

    Jakupi theksoi se nuk është i sigurt për momentin as kalimi i veturave, transmeton Paparaci.

    Ai i bëri thirrje qytetarëve që t’i përdorin pikat kufitare në Mutivodë, Dheu i Bardhë apo rrugët përmes Maqedonisë Veriore.

    “Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit”, shkroi ai në Facebook.

    “Nëse nuk keni hyrë tashmë në Serbi, ju lutemi, mos udhëtoni përmes Serbisë. Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve më të fundit zyrtare në këtë drejtim”.

    Paparaci raportoi sonte se disa serbë i kanë bllokuar rrugët në drejtim të pikave kufitare nga Serbia për në Kosovë.

    Ata e kanë bllokuar edhe rrugën në drejtim të pikave kufitare prej Serbisë në Kosovë. Këtu përfshihen edhe pengesat për automjetet transportuese të mallrave, përveç veturave dhe autobusëve.

    Disa qytetarë, kanë treguar për Paparacin se në pikë-kalimin kufitar në Merdare, serbët nuk kanë lejuar të hynë autobusët dhe disa automjete prej Kosovës.

  • Evropa, kontinenti që po ngrohet më së shpejti në botë

    Evropa, kontinenti që po ngrohet më së shpejti në botë

    Evropa duhet të përgatitet për më shumë valë vdekjeprurëse të të nxehtit, të nxitura nga ndryshimet klimatike, është thënë në një raport të publikuar të hënën.

    Sipas gjetjeve – të raportit të përpiluar nga Organizata Botërore për Mot dhe Shërbimi Evropian për Klimën – ky kontinent ka qenë 2.3 gradë Celsius më i nxehtë vitin e kaluar, në krahasim me epokën para-industriale.

    Thatësia, temperaturat rekorde mbi sipërfaqe të detit dhe shkrirja e pashembullt e akullnajave, janë në mesin e pasojave me të cilat po përballet bota, si pasojë e ngrohjes globale.

    Evropa, e cila është ngrohur dyfish më shumë sesa mesatarja globale, prej vitit 1980, ka regjistruar rekord të temperaturave vitin e kaluar.

    Franca, Gjermania, Italia, Portugalia, Spanja dhe Mbretëria e Bashkuar, kanë regjistruar vitin e kaluar, verën më të nxehtë ndonjëherë në histori.

    Në raport është thënë se më së keqi do të goditen vendet e varfra, të cilat kanë bërë pak për t’i luftuar emetimet e karbonit, të cilat e rrisin temperaturën.

    Sipas raportit, i nxehti ekstrem i ka lënë më shumë se 16.000 njerëz të vdekur vitin e kaluar, derisa vërshimet dhe stuhitë kanë shkaktuar dëme në vlerë të 2 miliardë dollarëve. /rel

  • Mërgimtari që dhuroi para për familjarët e policëve të rrëmbyer, të cilët po mbahen në paraburgim në Serbi

    Mërgimtari që dhuroi para për familjarët e policëve të rrëmbyer, të cilët po mbahen në paraburgim në Serbi

    Mërgimtari Alfred Dibrani që i dhuroi nga 500 euro për secilën familje të tre policëve të kidnapuar dhe të cilët po mbahen në paraburgim në serbi, në emisionin STUDIO A në ATV, tha se qëllimi i tij ishte më shumë t’ju japë përkrahje morale se sa financiare.

    Ai tha se pamjet e arrestimit të këtyre tre policëve nga xhandarmeria serbe i ka përjetuar shumë rëndë.

    “Ndoshta më keq nuk isha ndierë edhe sikur të kisha pa një anëtar temin të vdekur se sa kur i kam parë këta policë. Ato pamje, ato foto që xhandarmëria serbe i shfaqi, me të vërtetë më kanë tronditur shumë. Kjo ishte një prej arsyeve që unë e mora këtë veprim që këtyre familjeve sado pak, në fakt jo këtyre familjeve, por policët tjerë të cilët gjenden ne vijën kufitare, të iu kthehet një moral që pas arrestimit të këtyre policëve, në rrjetet sociale kishte filluar një nënçmim ose një frymë se pse këta nuk kanë reaguar, pse nuk i kanë përdorur armët, pa e ditur në fakt se si është gjendja ë këtyre policëve, pa e ditur se çfarë kanë përjetuar këta policë, pa dalë policia ende me një njoftim që ta tregoj me të vërtetë çfarë kishte ndodhur, dhe kjo më shtyri mua që të marr një veprim se sado pak policisë së Kosovës t’i ndihmojmë, moralisht se shuma nuk është e rëndësishme”, tha Dibrani. /atvlive.tv

    Emisionin e plotë e gjeni në videon më poshtë:

  • ​Kurti: Brenda dy vjetëve e kemi shtuar buxhetin e shtetit për arsim për 26%

    ​Kurti: Brenda dy vjetëve e kemi shtuar buxhetin e shtetit për arsim për 26%

    Kryeministri i Kosovës, Albin Kurti ka deklaruar se brenda dy vjetëve kanë shtuar buxhetin e shtetit për arsim për 26%, por kanë shtuar shumë edhe numrin e bursave për nxënës të komuniteteve dhe për studentë, në veçanti për vajza që studiojnë në degët STEM, ku kanë pasur mbi 1300 bursa për vitin shkollor 2021/2022, e në këtë vit i kanë shtuar edhe 2 mijë bursa të tjera me dy milionë euro.

    Këto komente Kurti i bëri gjatë vënies së gurthemelit të Shkollës Fillore në fshatin Dumosh, si dhe në vënien e gurthemelit të çerdhes në qytetin e Podujevës.

    Në Dumosh të Podujevës, kryeministri Kurti me kryetarin Shpejtim Bulliqi, drejtorin e shkollës vunë gurthemelin e shkollës në vlerë prej 560 mijë euro, financim ky i mundësuar nga buxheti komunal.

    Kjo shkollë ka kapaciteti për 170 nxënës dhe do të përfshijë 8 dhoma mësimi.

    Sipas një komunikate të Qeverisë, qyteti i Podujevës do të bëhet edhe me një çerdhe të re me investim afër 700 mijë euro, gurthemelin e së cilës e vendosi kryeministri Kurti. Me këtë rast, ai njoftoi se objekti i çerdhes me sipërfaqe 1400 metra katrorë është i destinuar për 150 fëmijë.

    Në këtë ambient fëmijët do të zotërojnë 7 dhoma për qëndrim, 3 dhoma të gjumit për fëmijë, hapësirën për shumë qëllime, kuzhinën, trapezarinë, dhomën e mjekut, dhomën e psikologut, administratën, si dhe hapësira teknike. Për këtë çerdhe, sipas kryeministrit do të punësohen 15 edukatore dhe 5 persona staf administrative.

    Tutje në përgjithësi, kryeministri tregoi se çerdhe si kjo janë ndërtuar edhe katër të reja në vitin 2021/2022, përderisa në implementim janë edhe 14 çerdhe të reja në Kosovë e 5 adaptime, ndërkaq në planifikim edhe 17 çerdhe të tjera e 5 adaptime të shkollave në kopshte.

  • Haxhiu: Serbia t’i dorëzojë kriminelët e luftës, nuk mund të falen 20 mijë dhunime seksuale gjatë luftës

    Haxhiu: Serbia t’i dorëzojë kriminelët e luftës, nuk mund të falen 20 mijë dhunime seksuale gjatë luftës

    Ministrja e Drejtësisë, Albulena Haxhiu, në Ditën Ndërkombëtare të Eliminimit të Dhunës Seksuale në Konflikt ka thënë së Serbia është adresa ku duhet drejtuar thirrja për drejtësi.

    Sipas të parës së Drejtësisë, dhuna seksuale gjatë luftës, e përjetuar mbi trupat e grave dhe të burrave, është krimi më i rëndë dhe mizoria e cila ende nuk është dënuar e as nuk është vendosur drejtësi.

    Ajo ka thënë se për dhunimet që u shkaktuan ndaj popullsisë civile gjatë luftës në Kosovë, duhet ti kërkohet Serbisë ti dorëzojë kriminelët e luftës që i mban në Serbi.

    “Në Ditën Ndërkombëtare të Eliminimit të Dhunës Seksuale në Konflikt, bota duhet të flas edhe më shumë për dhunimet që u shkaktuan ndaj popullsisë civile gjatë luftës në Kosovë, e madje zëshëm duhet t’i kërkohet Serbisë t’i dorëzojë kriminelët e luftës që po mbahen në Serbi”, ka thënë Haxhiu.

    Sipas saj, Serbia është adresa ku duhet drejtuar thirrja për drejtësi, nga bota demokratike që ka për bazë lirinë dhe të drejtat e njeriut.

    Ajo ka thënë se nuk mund të falen e as të harrohen 20 mijë dhunime seksuale gjatë luftës.

    “Do të punojmë çdo ditë që kriminelët të dalin para drejtësisë!”, ka thënë Haxhiu.

  • Daut Haradinaj: Edi Rama tregoi qëndrim dinjitoz, Kurti po e nxjerr nga fundosja Vuçiqin dhe po e dëmton Kosovën

    Daut Haradinaj: Edi Rama tregoi qëndrim dinjitoz, Kurti po e nxjerr nga fundosja Vuçiqin dhe po e dëmton Kosovën

    Daut Haradinaj, përmes profilit të tij në Facebook ka vlerësuar kryeministrin e Shqipërisë, Edi Rama, pasi që sipas tij tregoi qëndrim dinjitoz rreth paralajmërimit të rikthimit të raporteve të ngrira në rast të moslirimit të menjëhershëm të policëve të zënë rob.

    Ndër të tjera, Haradinaj u shpreh që po e humb mbështetjen e aleatëve tanë dhe kësisoj po e nxjerr nga fundosja Vuqiçin dhe po e dëmton Kosovën.

    Shkrimi i plotë i Haradinajt:

    Kryeministrin Rama duhet përgëzuar për qëndrimin dinjitoz që e kishte sot rreth paralajmërimit të rikthimit të raporteve të ngrira në rast të moslirimit të menjëhershëm të policëve të zënë rob.

    Albin Kurti fatkeqësisht po rrëshqet në humbjen e kontrollit aq sa kishte në veri, po e humb mbështetjen e aleatëve tanë dhe kësisoj po e nxjerr nga fundosja Vuqiçin dhe po e dëmton Kosovën.

    I bëj thirrje publike përfaqësuesve amerikanë dhe të BE-së që të ndërmarrin hapa konkret për lirimin e policëve të Republikës së Kosovës dhe mos të lejojnë degradimin e mëtutjeshëm.

    Amerikë kemi nevojë për ju!

    Ne jemi 100 përqind pro