Deputeti i Lëvizjes Vetëvendosje, Enver Dugolli, njoftoi se ka pranuar letër nga Zyra e Prokurorit të Specializuar (ZPS), lidhur me shkresën që i kishte nisur këtij institucione, për të kryer hetime mbi masakrën e Dubravës.
Ai e publikoi të dielën në Facebook letrën e ZPS-së, derisa tha se kërkesa e tij do të shqyrtohet. Deputeti i partisë në pushtet tha se shpreson që autoritetet e larta serbe të dënohen për krimet e kryera, derisa kërkoi që Dhomat e Specializuara të sqarohen nëse janë njëetnike.
“Dua t’ju informoj se ditë më parë, kam pranuar një letër nga Prokuroria e Specializuar në Hagë. Letra konfirmon se Prokuroria ka marrë shkresën që i kam dërguar me postë më 29 prill, në të cilën kërkova nisjen e hetimeve të krimeve të kryera gjatë planifikimit dhe ekzekutimit të masakrës së Burgut të Dubravës. Letra e Prokurorisë po ashtu njofton se kërkesa ime do të shqyrtohet nga ana e tyre”, thuhet në njoftimin e tij.
Dugolli, njëherësh i mbijetuar i masakrës së Dubravës, i ka ofruar fakte ZPS-së lidhur me krimet e Serbisë në Burgun e Dubravës më 1999.
Shefja e Grupit Parlamentar të Vetëvendosjes, Mimoza Kusari-Lila, tha se Kosova ka treguar gatishmërinë që të bashkëpunojë në mënyrë që edhe veriu të funksionojë si çdo pjesë tjetër e Kosovës.
“Qeveria e Kosovës ka gatishmëri të lartë për të bashkëpunuar që edhe veriu të funksionojë si çdo pjesë tjetër e Kosovës, a do shfaroset krimi, natyrisht që jo pasi ka edhe në vende të tjera, por të paktën liria e lëvizjes, pjesëmarrja në zgjedhje, punësimi, të mos jenë të diktuarat nga bandat e drejtuara nga Beogradi për t’u bërë presion serbëve në veri”.
Por këtë, sipas saj, po e ndalon presidenti i Serbisë, Aleksandar Vuçiq.
“Raporti i fundit ka treguar se presioni kryesor ndaj tyre nuk bëhet nga qeveria, por nga Beogradi, ndaj është Vuçiqi ai që duhet të kritikohet e jo Kurti. Ne nuk ishim agresori, duhet të ndalojmë së mbajmë me të mirë një ish-agresor duke besuar se ai u bë demokrat. Ai e tregoi se çfarë agresori është, ata hynë lidhën tre pakicë kufitar të Kosovës dhe i rrëmbyen”,tha Kusari-Lila për Euronews Albania.
Kryetari i Sindikatës së Punëtorëve të Sektorit Privat, Jusuf Azemi ka thënë për Ekonomia Online se mbi 80% e kompanive kanë mungesë të punëtorëve.
Azemi theksoi se nga 2021 i mbi 100 000 punëtorë kanë ikur nga Kosova. Gjithashtu ai tha se deri në fund të vitit do ketë “qetësim” të ikjeve pasi të rinjtë do presin liberalizimin për t’u kursyer nga shpenzimet e aplikimeve për viza nëpër ambasada.
Kjo ikje sipas tij, më së shumti po prek bizneset duke u shprehur në veçanti i shqetësuar për numrin në rënie të punëtorëve të kualifikuar.
“Kompanitë e mëdha po edhe të vogla sot kanë problem; mbi 80% e kompanive kanë mungesë të punëtorëve. Po flasim për punëtorë të profileve të ndryshme sepse punëtorë krahu edhe sot gjenden, ndonëse jo në një numër të dëshirueshëm. Por numri i punëtorëve të kualifikuar është në rënie e sipër në Kosovë”.
Kryesindikalisti i sektorit privat tha se paga minimale për këtë vit duhet të jetë 450 euro ndërsa për vitin tjetër 500.
Madje sipas tij, paga në sektorin privat janë rritur, por jo edhe për punëtorët që kryejnë shërbime në institucionet publike, e që punojnë për kompani private.
“Realisht ka rritje të pagave në sektorin privat aty ku nuk ka prekje shteti. Ju e dini që një pjesë bukur e madhe e punëtorëve të sektorit privat kryejnë shërbime nëpër institucionet shtetërore dhe aty ku ne kryejmë shërbime nëpër institucione shtetërore pagat janë pothuajse mizerje, kemi pagën diku prej 170 euro dhe deri diku mesatarisht 300 euro”.
“Faktikisht janë pagat më të mëdha, aty ku nuk ka prekje shteti janë sidomos në ndërtimtari, paga në të cilat ndonëse kemi lëvizje pozitive por megjithatë nuk është as për së afërmi ajo e dëshirueshmja”, tha ai.
Azemi shprehet i zhgënjyer me mos përkrahjen nga institucionet duke thënë se janë të neglizhuar.
“Realisht domethënë punëtorët e sektorit privat të Kosovës kanë qenë dhe janë në një stuhi për të cilën po themi askush nuk merret me këtë çështje. Me neve merren vetëm atëherë kur vijnë ditët e zgjedhjeve për të cilat mendoj se tashmë punëtorët e sektorit privat të Kosovës janë të ngopur me proklamimet, janë të ngopur me deklaratat se ne do të bëjmë këtë ose atë”.
Një i afërm i adoleshentit francez të qëlluar nga Policia i tha BBC-së se familja nuk donte që vdekja e tij të shkaktonte trazira, por këmbënguli se ligji duhet të ndryshojë.
Nahel M u qëllua nga Policia pasi nuk u ndal për një pikë kontrolli të martën e kaluar.
“Ne kurrë nuk kemi bërë thirrje për urrejtje apo trazira”, tha i afërmi.
Franca ka parë trazira të dhunshme pesë ditët e fundit.
Duke folur pranë shtëpisë së familjes në Nanterre, i afërmi tha se trazirat – që kanë parë mijëra të arrestuar, dyqane të grabitura dhe qindra automjete të djegura në të gjithë Francën – nuk nderuan kujtimin e Nahelit.
“Ne nuk kemi kërkuar të thyejmë apo të vjedhim. E gjithë kjo nuk është për Nahelin”, i thanë familjarët BBC-së.
Ata thanë se kishin bërë thirrje për një marsh paqësor për Nahelin.
I afërmi tha se autoritetet franceze tani duhet të ndryshojnë ligjin në mënyrë që të ndalojë policët të qëllojnë gjatë ndalesave të trafikut.
I afërmi i Nahelit bëri thirrje për “trajnim më të mirë për policinë franceze, rregullimin e armëve për policinë dhe rishikimin e ligjit që lejon policinë të përdorë forcën vdekjeprurëse nëse një i ri refuzon të trafikojë në një ndalesë trafiku”.
Kodi penal i Francës u ndryshua në vitin 2017 për të lejuar një përdorim më të gjerë të armëve të zjarrit pasi policia tha se po përballeshin me nivele në rritje të dhunës.
Kritikët argumentojnë se rritja e të shtënave të lidhura me trafikun është një rezultat i drejtpërdrejtë i atij ndryshimi, për të cilin ata thonë se është shumë i paqartë sepse i lë oficerët të përcaktojnë nëse refuzimi i shoferit për t’u pajtuar përbën një rrezik.
Vërshimet tragjike të ditëve të fundit, në Pejë shkaktuan vdekje, kurse në komuna tjera dëme materiale. Derisa komunat janë duke verifikuar dëmet nga këto vërshime, nga asociacioni i komunave bëjnë të ditur se nuk ka kompensime as për vërshimet e janarit.
“Ne si asociacion edhe më herët kemi kërkuar një Fond Emergjent për Komuna. Kur kemi dukuri të tilla, institucionet e Republikës së Kosovës, edhe autoritetet lokale e jo vetëm institucionet qendrore, t’u dalin në ndihmë qytetarëve të komunave përkatëse sa më shpejt”. Me këtë burokraci e cila është e paraparë me legjislacionin në fuqi, qytetarët e prekur nga vërshimet e muajit janar të këtij viti ende nuk kanë marrë ndonjë propozim nga niveli qendror dhe kjo është për të ardhur keq. Në bazë të informatave që kemi, në bazë të komunikimeve ditore që kemi me kryetarët, del që bujqit nuk janë kompensuar për dëmet e shkaktuara nga reshjet e vitit të kaluar, në veçanti në komunën e Rahovecit, ku kryetari Smajl Latifi e ka ngritur këtë shqetësim”, tha kryetari i AKK-së, Sazan Ibrahimi.
Sipas Ibrahimit, Komunat nuk kanë kapacitet financiare që të mbulojnë dëmet e shkaktuara nga vërshimet apo nga fenomenet natyrore. Sipas tij në bazë të legjislacionit komunat e kanë obligim ligjor që vetëm t’i mbajnë shënime sa i përket dëmeve të shkaktuara në ekonomi familjare, në bujqësi, në infrastrukturë dhe pastaj të procedojnë për nivel qendror.
Por nga Instituti Hidrometeorologjik i Kosovës kanë thënë se krejt këto vërshime janë shkaktuar si rezultat i lumenjve por si rezultat i infrastrukturës së dobët.
Tahir Ahmeti, nga Qendra Kërkimore për Politika të Sigurisë, pohon se ngjarjet e këtilla janë sfidë për institucionet shtetërore
“Institucionet shtetërore gjithmonë duhet të jenë të përgatitura në mënyrë që nëse kemi ndonjë fatkeqësi natyrore të përmasave më të mëdha të jenë të gatshëm që t’u dalin në ndihmë qytetarëve në mënyrë të plotë, efikase dhe profesionale. Reaguesit e parë në rast të fatkeqësive natyrore janë zjarrfikësit e Kosovës, Policia e Kosovës dhe shërbimet mjekësore emergjente”, tha Ahmeti.
Punësimi i më shumë zjarrfikësve dhe modernizimi i pajisjeve të tyre nuk bëhet tash e sa vite për shkak të telasheve në komunikim ndërmjet Ministrisë së Brendshme dhe komunave. Zjarrfikësit janë kompetencë e ministrisë së brendshme. /atvlive.tv
Edicionin Qendror të lajmeve në ATV e gjeni në videon më poshtë:
Nga shtatori i këtij viti, qytetarët e Vushtrrisë do të kenë do të kenë hapësirë më të madhe të shëtitores në qytet, pasi që Komuna ka marrë vendim që sheshin “Adem Jashari” të këtij qyteti ta zgjerojë duke e bashkuar kështu me një pjesë të parkut të qytetit të Vushtrrisë.
Kryetari i Vushtrrisë, Ferit Idrizi thotë se ky projekt pritet të filloj së shpejti.
“Jemi në fazën e përzgjedhjes së operatorit për hartimin e projektit, do të jetë një shesh jashtëzakonisht i mirë, e kemi realizuar projektin, sheshi do të zgjerohet deri pas shtatores “Adem Jashari, do të jetë një shesh i integruar edhe do të rregullohet me një parking nëntokësor ku do të këtë kapacitet për parkimin e 250 veturave. Ky projekt pritet të përfundoj shumë shpejtë”, tha Ferizi.
Sipas Idrizit, përveç parkingut nëntokësor, ky shesh pritet të ketë edhe vende atraktive për fëmijë, derisa vendimin e kryetarit po e mbështesin edhe qytetarët.
“E mirëpresim vendimin e kryetarit për zgjerimin e sheshit, pasi që duhet të jetë sheshi më i madh dhe duhet të ketë hapësira të tjera më të mira”, tha Blerim Selani, qytetar.
“Zgjerimi i sheshit është një vendim i mirë i kryetarit pasi që na duhet një hapësirë më e madhe, një shëtitore më e mirë për njerëz që kanë nevojë me dalë dhe me u shëtitë”, u shpreh Behxhet Duraku, qytetar.
Projekti për zgjerimin e sheshit “Adem Jashari” në Vushtrri, pritet të përfundoj në shtator të këtij viti, derisa shuma financiare e këtij projekti është rreth 1.5 milionë euro. /atvlive.tv
Edicionin Qendror të lajmeve në ATV e gjeni në videon më poshtë:
Përveç rrugës “Luan Haradinaj”, stuhitë mbrëmë, shkaktuan dëme edhe në lagje të tjera të Prishtinës.
Drejtori i Sigurisë dhe Emergjencave në Komunën e Prishtinës, Lulzim Fushtica tha se janë evidentuar dëmet e shkaktuara në kryeqytet.
“Mbrëmë e kemi cekur edhe në komunikatën për media, kemi intervenuar në 13 raste në kryeqytet, rastet kanë qenë të vogla, kemi pasur një rast që ka qenë pakëz më i madh si pasojë e erërave të forta kemi pasë kulmin që është ra nga ndërtesa në Bregun e Diellit ku janë dëmtuar 4 vetura, të gjitha dëmet janë evidentuar, ekipet kanë punuar deri vonë për pastrimin e pjesëve ku ka pasur dëme, janë sanuar të gjitha dëmet që kanë ndodhur si pasojë e stuhisë lokale që e ka goditur Prishtinën”, tha Fushtica.
Sipas tij, Komuna e Prishtinës është e gatshme për intervenimin e çdo lloj emergjence që ndodh në kryeqytet.
“I përcjellim me shumë kujdes njoftimet që vijnë nga Instituti Hidrometeorologjik i Kosovës, këtë mëngjes vetëm se jemi mobilizuar të gjithë të gjitha ekipet janë në pritje, në rast se do të ketë stuhi të llojit të tillë, të gjitha ekipet janë në gjendje gatishmërie nëse ka nevojë të intervenohet, shpresojmë që nuk do të jetë e intensitetit të njëjte siç ka qenë dje, por prape se prape do të jemi të gatshëm që të intervenojmë dhe tu dalim në ndihmë qytetarëve”, tha Fushtica.
Lidhur me vërshimet që ndodhën muajin e kaluar, Fushtiva e pranon se në adresë të komunës kanë shkaur mbi 140 kërkesa për kompensim.
“Të gjitha dëmet janë evidentuar, deri më tani kemi 146 kërkesa nga qytetarët për kompensim, ekipi i komisionit është duke punuar deri më tani ka evidentuar gjysmën e tyre, do të vazhdojmë evidentimin e tyre dhe më pas do të përgatitet raporti që do të tregoj pasqyrën reale dhe do të vazhdojmë me procedurat për kompensim”, tha Fushtica.
Për kompensimin e dëmeve, sipas Fushticës do të kërkohet ndarja e subvencioneve si dhe buxhet nga Qeveria.
Përveç kryeqytetit, muajin e kaluar, si pasojë e reshjeve të shiut vërshime pati edhe në Podujevë Mitrovicë e Vushtrri. /atvlive.tv
Edicionin Qendror të lajmeve në ATV e gjeni në videon më poshtë:
Po vazhdon të jetë e bllokuar njëra korsi në rrugën nacionale Prishtinë – Mitrovicë, në fshatin Mazgit të komunës së Obiliqit, ndonëse punimet në të ishin përfunduar në tetor të vitit të kaluar, pas kësaj ministria e infrastrukturës bashkë kompania kontraktuese kishin thënë se që nga një nëntori kjo rrugë do të hapet për qarkullim, ende pa kaluar një vit ka filluar të intervenohet në të pasi që dheu u shemb sërish.
Mirëpo sipas ministrisë së Infrastrukturës kompania pritet t’i përfundojë punimet shpejt.
“Kompania e njëjte kontraktuese, ka ri-filluar punimet në rrugën nacionale Prishtinë Mitrovicë. Punimet janë paraparë të përfundonin deri më tani por shkak për vonesën e këtyre punimeve janë kushtet atmosferike, por gjithsesi punimet pritet të përfundojnë Brenda një periudhe te shkurtër kohore”, tha Qamil Feka nga MI.
Por premtime të tilla nga ana e Ministrisë së mjedisit planifikimit hapësinorë e Infrastrukturës pati edhe kohë më parë.
Dy vite më par ATV-ja, kishte raportuar për këtë problem që në atë kohë kishin filluar plasaritjet e para në këtë rrugë. Ndonëse ministria përmes një përgjigje në atë kohë i kishte thënë ATV-së, se brenda vitit do të përfundojnë punimet një gjë e tillë nuk ndodhi. Kështu ky segment rrugorë që lidh autostradën me rrugën nacionale Prishtinë Mitrovicë, mbeti jashtë funksionit për më shumë se dy vite.
Për krejt këtë problem ministria në dhjetor të vitit 2021, gjatë një seance në kuvendin e Kosovës, kishte shpalosur një varg shkeljesh, që, sipas tyre, janë bërë në kohën e ndërtimit të kësaj rruge.
“Kjo rrugë në atë kohë është ndërtuar pa shpronësimin e pronave të përfshira në këtë ndërtim dhe në atë kohë është punuar një projekt, i cili nuk i ka plotësuar kushtet teknike për t’u proceduar më tutje, pasi që ka pasur mospërputhje të projektit dhe gjendjes në terren. Tani ne kemi bërë revidimin e këtij elaborati të shpronësimit dhe jemi në fazën finale të përfundimit të tij. Problem në vete në këtë projekt paraqet mungesa e dokumentacionit kadastral, i grabitur nga Serbia”, thuhet në përgjigjen e Ministrisë së Infrastrukturës.
Që ky problem do të rregullohet shpejt zyrtarë të MI-së, patën thënë edhe në janar të këtij viti, por që rruga ka filluar të rregullohet vetëm një javë më parë.
Për këtë rrugë, Ministria e Infrastrukturës në vitin 2023 ka buxhet prej 22,5 milionë Eurosh, kurse për shpronësime për projektë të ndryshme në të gjithë Kosovën, janë ndarë rreth 24 milionë Euro. /atvlive.tv
Edicionin Qendror të lajmeve në ATV e gjeni në videon më poshtë:
Ndonëse ka kontenjerë për hedhjen e mbeturinave disa metra më larg, qytetarët vazhdojnë t’i hedhin ato pranë hyrjes së xhamisë te katër llullat në Pristina.
Imam Hysamedin Abazi, kritikon banorët e kësaj legeje për shëmimt të ambientit.
“Për shkak të moskulturës dhe të pakujdesit që kanë banorët e lagjes është duke ndodhur kjo, është vërtetë e trishtë. Çdo herë që pastrohet vetëm një ditë qëndron ambienti i pastër për shkak se banorët nuk ndalen së hedhuri mbeturinat”, tha Abazi.
Për këtë situatë, Abazi ka thënë se kanë vendosur edhe kamera të sigurisë, përmes të cilave kanë identifikuar edhe disa nga banorët të cilët po hedhin mbeturina në këtë hapësirë.
“Meqë këtu nuk është vendi për mbeturina, kemi vendosur edhe kamerat të sigurisë, madje janë bërë edhe ingjizime, madje i kemi hedhur në rrjete sociale ata që kanë bërë këtë gjë”, tha Abazi.
Mirëpo ka edhe banor të cilët nuk e bëjnë të njëjtën gjë, për të cilën ata u shprehën tejet të shqetësuar.
“Boll afër i kena kontenjerët po më afër po ju vjen me e ndot mahallën”, thotë një banore.
“Shumë e dëmshme dhe shqetësusese, ani pse ne duam ta mbajmë pastër ambientin”, tha një banor.
Hiç e hijshme kjo gjendje po cilësohet edhe nga turistët.
“Nuk është aspak e bukur pamja. Është dita e dytë që kam ardhur. Jam rrit në Greqi dhe e kam mendjen sesi është atje pastër. Por këtu nuk është aspak higjienike”, tha Xhoana Xhaka, turiste.
Se ambienti po dëmtohet nga vet qytetarët e thotë edhe Ilirik Musliu, Drejtor i Shërbimeve Publike në Prishtinë.
“Aty ka qytetar të papërgjegjshëm, 50 metra më lartë janë kontinjerët. Ndërkaq para xhamisë nuk ka lokacion për kontinjerë”, tha drejtori i Shërbimeve Publike në Prishtinë, Ilirik Musliu.
Ndryshe, Musliu ka bërë të ditur se në disa pjesë të tjera të kryeqytetit vazhdon të ketë mungesë të kontenjerëve, për shkak se projekti është anuluar njëherë, i cili tashmë është në fazën e ritenderimit. /atvlive.tv
Edicionin Qendror të lajmeve në ATV e gjeni në videon më poshtë:
Makineritë e rënda që shërbejnë për eksploatim, transport e përpunim të gurit që nga java e parë e qershorit qëndrojnë të fikura, e punëtorët që do duhej t’i përdornin ato, në ditë me diell preferojnë të qëndrojnë nën hije.
Me skadimin e licencës për shfrytëzim, Gurëthyesi Kastrioti, që operon në Caralevë të Shtimes, nuk mundet as të minoj, rrjedhimisht as ta shfrytëzoj sasinw e gurit që e ka në tokë të vetën.
Aplikacioni për vazhdim të licencës është dërguar në Komisionin e Pavarur për Miniera dhe Minerale. Por, bordi i KPMM-së, që ka për detyrë të jap fjalën e fundit për vazhdimin e lincencave apo lejeve, nuk është funksional që nga tetori i vitit të kaluar.
E çdo ditë që kjo ndërmarrje e kalon pa punuar, përkthehet në para të humbura.
“Unë kam kontrata ndërkombëtare, e kam pra ndërtimin e hekurudhës, dhe kam kontrata vendore me kompani të fuqishme….Nëse e blej materialin unë nuk fitoj fare, ndërsa me material timin bëjë një llojë fitimi solid”, tha Daut Fazlija, bashkëpronar i ndërmarrjes.
Por vetëm ndërmarrja Kastroti nuk po përballet me një situatë të tillë.
Të dhënat që ATV ka siguruar nga KPMM-ja tregojnë se rreth 220 aplikacione për shfrytëzim, hulumtim dhe aktivitete të veqanta kanë mbetur pa u shqyrtuar për shkak të mungesës së pozitës së kryesusit të bordit të këtij organi shtetëror.
Sali Mulaj, ushtruesi i detyrës së drejtorit të Komisionit të Pavarur për Miniera dhe Minerale, përmes një përgjigje me shkrim numëron disa nga pasojat që sjell mosfunksionalizimi i bordit.
“Mos funksionimi i bordit shumë ndërmarrje është duke i dërguar drejt falimentimit, e në veçanti ndërmarrjet që kanë kërkesa për vazhdim të Licencave apo Lejeve. Kjo në vete bartë dhe rritjen e papunësisë me largimin e punëtorëve nga puna, largimi nga puna nënkupton emigrimin (edhe ashtu shqetësues), kjo situatë ka ndikuar që shumë ndërmarrje vendore dhe të huaja janë shumë të zhgënjyera me institucionet e Kosovës, ngase për shkak të situatës së krijuar vendin ton e konsiderojnë si vend jo të sigurt për të bërë biznes”, thuhet në përgjigjen e Mulajt.
Gurëthyesi Kastroti që numëron diku 100 punëtorë, po i druhet pikërisht falimentimit nëse kuvendi nuk merr sa më parë masa për ri-funksionalizmin e bordit.
“Disi mundë të qëndroj dy muaj, por më shumë i rrezikojë të gjitha dhe mundë të shkoj edhe në falimentim. Lus pozitë e opozitë në kuvend që sa më shpejtë të bëjnë zgjidhje”, tha Daut Fazlija, bashkëpronar i ndërmarrjes.
Megjithatë, në mesin e dhjetra pikave që Kuvendi i Kosovës nuk ka arritur t’i finalizoj gjatë këtij viti, emërimi i kryesuesit të bordit te KPMM-së, nuk është fare në listë.
Kujtojmë se në dhjetor të vitin 2021, në kuvend, u votua bordi prej pesë anëtarësh i KPMM-së, me në krye Selvete Grajqevci Pllana. Mirëpo, pas arritjes së moshës për pensionim, tre nga anëtarët e bordit kishin kërkuar nga kryekuvendari shkarkimin e saj.
Akoma nuk ekziston asnjë konkurs për emërimin e kryesuesit të ri të bordit e as nuk është emëruar ndonjë ushtrues detyre, kurse rasti i shkarkimit të Selvete Grajqevcit është në proces gjyqësor. /atvlive.tv
Edicionin Qendror të lajmeve në ATV e gjeni në videon më poshtë:
