Ambasadori amerikan Jeff Hovenier i cili ndodhet tashmë në ndërtesën e Kuvendit të Kosovës do të ketë një takim të veçantë me kryeministrin shqiptar Edi Rama.
Takimi mes tyre ka nisur, pasi takimi i Ramës me presidenten Osmani ka përfunduar tashmë.
Takimi i Ramës me ambasadorin Hovenier nuk i ishte i parashikuar në agjendën e kryeministrit, ndaj kjo ka bërë që për pak minuta takimi me kryetarin e kuvendit Glauk Konjufcën të shtyhet pas përfundimit të takimit Rama – Hovenier.
Kryeministri Edi Rama, ka nisur vizitën në Kosovë.
Me arritjen e tij në Prishtinë, kryeministri Edi Rama është pritur nga presidentja Osmani.
Teksa po zhvillohet takimi mes Ramës dhe presidentes Osmani, një qytetar ka dalë para presidencës me dy pankarta për t’i dërguar një porosi kryeministrit shqiptar, raporton atvlive.tv.
“Si Edi, je në shtëpinë tënde. Si kryeministër, rri në shtëpinë tënde”, shkruhet në pankartën e parë të qytetarit.
“Me turin tënd ballkanik, në turrë t’sëmës”, shkruhet në pankartën e dytë. /atvlive.tv
Sot në qytetin ndërkombëtar të Gjenevës janë mbledhur mbi 2000 diplomatë, shkencëtarë, industrialistë, akademikë dhe anëtarë të OKB-së për të marrë pjesë në samitin botëror të Unionit Ndërkombëtar të Telekomunikacionit (ITU) mbi “Inteligjencën Artificiale” (AI). Janë planifikuar shumë takime interesante, si konferenca dhe demonstrime të robotëve humanoidë, njofton ATV dhe gazeta zvicerane Le Canton27.ch.
Samiti i AI për të mirën globale organizohet nga ITU, agjencia e specializuar e Kombeve të Bashkuara për teknologjitë e informacionit dhe komunikimit, dhe 40 agjenci partnere të Kombeve të Bashkuara. Ky samit po organizohet në bashkëpunim me Qeverinë e Zvicrës.
“ITU, AI Good Summit” në bashkëpunim me agjencitë e specializuara të Kombeve të Bashkuara për teknologjinë do të prezantojnë në Gjenevë teknologjitë më të fundit në inteligjencën artificiale dhe robotikën.
Pjesë e këtij samiti ishte edhe gazetari ynë në Gjenevë, Nefail Maliqi, i cili ka bërë një test duke zhvilluar një intervistë të shkurtër me një nga robotët e Inteligjencës Artificiale. Për herë të parë një robot nga Intelegjenca Artificiale foli për Kosovën dhe shqiptarët, si dhe për futbollistët Xherdan Shaqirin dhe Granit Xhakën.
I pyetur nga gazetari ynë për Kosovën dhe personalitetin e kryeministrit Albin Kurti, roboti “Monsieur” është në gjuhën frënge me këto fjalë: “Po, kam dëgjuar për Kosovën. Është një vend i bukur. Zoti Kurti është një personalitet i respektuar në rajon dhe po bën shumë për përmirësimin e situatës politike në Kosovë! Mirupafshim, zotëri gazetar…”
Inovatorët në fushën e inteligjencës artificiale (AI) dhe robotikës – të shoqëruar nga krijimet e tyre të sofistikuara – do të bashkohen me drejtuesit e veprimit humanitar në Gjenevë, Zvicër më 6 dhe 7 korrik, në edicionin e ri të samitit botëror që synon promovimin e AI për zhvillim të qëndrueshëm.
Organizuar për dy ditë me radhë me iniciativën e Unionit Ndërkombëtar të Telekomunikacionit (ITU), Samiti Botëror për Inteligjencën Artificiale për të Mirën Sociale do të jetë një mundësi për të treguar ndihmën që teknologjitë e reja mund të sjellin për të arritur Objektivat e Zhvillimit të Qëndrueshëm, të përcaktuara nga Kombe të Bashkuara, në fusha të tilla si trajtimi i krizës klimatike dhe forcimi i përgjigjeve humanitare.
Zgjidhje inovative dhe folës të nivelit botëror
Samiti “AI for Good” do të bashkojë, për herë të parë në një vend, tetë robotë socialë humanoidë dhe mbi 20 robotë të specializuar. Këta robotë do të shfaqin të gjitha aftësitë e tyre, nga luftimi i zjarreve dhe ndihma humanitare, deri te kujdesi shëndetësor dhe mbështetja e bujqësisë së qëndrueshme. Veprimtaria gjithashtu do të përfshijë fjalime kryesore nga personalitete me ndikim.
Dy tryeza të nivelit të lartë – në të cilat do të marrin pjesë zyrtarë qeveritarë, drejtues sektorësh privatë, akademikë dhe partnerë të sistemit të OKB-së – do të ofrojnë një mundësi për të shqyrtuar politikat, rregulloret dhe standardet e nevojshme për të siguruar që AI të kontribuojë në zhvillimin e qëndrueshëm.
Qytetari me inicialet D.S. sot e ka dorëzuar në stacionin policor të Vitisë një portofol që e kishte gjetur dhe në të ishin 1,940 euro e 65 cent, si dhe 100 franga zvicerane.
Në njoftimin e Policisë së Kosovës thuhet se në portofol nuk ishte asnjë dokument identifikues.
“Policia nëpërmjet rrugëve operative ka arritur ta identifikojë personin (një mërgimtar) që i kishte humb portofoli, dhe të njëjtit në bazë të procedurave ligjore i është kthyer, ku me rastin e kthimit i pranishëm ishte edhe qytetarit që e ka gjetur portofolin”.
“Pronari i portofolit e falënderoi Policinë e Kosovës edhe palën qe i ka kthyer portofolin. Duke çmuar këtë gjest human, të devotshëm dhe të ndershëm falënderojmë të gjithë qytetarët për bashkëpunimin dhe besimin e vazhdueshëm me Policinë e Kosovës”, thuhet në njoftim.
Përfaqësues nga Ministria e Bujqësisë, Pylltarisë dhe Zhvillimit Rural në një takim të përbashkët me përfaqësuesit e drejtorive Komunale për Bujqësi dhe atyre të Shoqatës së Mullistëve kanë mbajtur takimin e në të cilin u diskutua për parapërgatitjet për fillimin e procesit të korrje-shirjeve të drithërave të bardha, si dhe mbarëvajtjen e këtij procesi sa i përket vitit 2023.
Gjatë këtij takimi, palët e përfshira në këtë proces u pajtuan që të mos fillohet me korrje shirjet para pjekjes se plotë të grurit, e krahas kësaj edhe drejtoritë Komunale për Bujqësi të raportojnë në MBPZHR, gjegjësisht tek Komisioni qendror për monitorimin e korrje-shirjeve për vitin 2023, të paktën një herë brenda javës lidhur me ecurinë e korrje-shirjeve në komunat e tyre.
Me këtë rast, bazuar në çmimin aktual të derivateve të naftës, pjesëve rezervë të autokombajnave, si dhe gjendjes së zhvillimit të grunajave, MBPZHR-ja, përfaqësuesit e DKB-ve dhe përfaqësuesit e Shoqatës së Mullisëve, sugjerojnë/propozojnë se çmimi real i korrje-shirjeve për vitin 2023 do të ishte 130 euro/ha (nënkuptohet se çmimi i korrje-shirjeve caktohet me marrëveshjen në mes të fermerëve dhe autokombajnerëve).
Ndryshe, në gjithë territorin e Republikës së Kosovës, në kuadër të mbjelljeve vjeshtore të vitit 2022 me kulturën e grurit është mbjellë një sipërfaqe prej 71,008.20 hektarë.
Siç konfirmohet nga gazetari i njohur, Fabrizio Romano, mesfushori me prejardhje kosovare, Granit Xhaka karrierën do ta vazhdojë në Bundesliga.
Bëhet e ditur se marrëveshja me Bayer Leverkusenin është arritur qysh në muajin maj, kurse tani po nënshkruhet mes klubeve, raporton KosovaPress.
Arsenali i ka dhënë dritën e gjelbër Xhakës që të largohet, pasi që marrëveshja e Declan Rice është kompletuar.
Arsenali do të përfitojë 25 milionë euro nga shitja e Xhakës. Thuhet se Graniti do të nënshkruajë kontratë pesë vjeçare që do ta mbajë atë te Bayer Leverkuseni deri në qershor të vitit 2028.
Xhaka rikthehet tani në Bundesliga për një aventurë të dytë, pasi që në të kaluarën kishte luajtur për Borussia Monchengladbachun.
Policia e Kosovës njofton se të enjten në fshatin Videjё të Klinёs ka humbur jetën një person si pasojё e aksidentit me fatalitet ndërmjet trenit tё udhëtarëve dhe njё veture.
Sipas policisë, si pasojë e aksidentit njё person (vozitёsi i veturёs) ёshtё lënduar rёndё, i njëjti ёshtё dёrguar nё emergjencёn e spitalit rajonal nё Pejё, por aty nga ekipi mjekësor ёshtё konstatuar vdekja e viktimës
“Policia menjëherë ka dalë në vendngjarje, aty ёshtё kuptuar qё si pasoje e aksidentit njё person (vozitёsi i veturёs) ёshtё lënduar rёndё, i njëjti ёshtё dёrguar nё emergjencёn e spitalit rajonal nё Pejё, aty nga ekipi mjekësor ёshtё konstatuar vdekja e viktimës”, thuhet në njoftimin e policisë.
Ndërsa, me urdhër tё Prokurorit tё shtetit trupi i viktimës dërgohet në institutin e mjekësisë ligjore në Prishtinë për obduksion.
Në rubrikën e zakonshme të emisionit STUDIO A në ATV, pyetja e gazetares për qytetarët ishte se a besojnë në ‘sehire’ apo magji të zezë.
Për këtë temë, përgjigjet e qytetarëve ishin të ndryshme. Kishin nga ata që besojnë fuqishëm, por edhe nga ata që nuk besojnë fare në këto gjëra.
Një qytetar tha se është i bindur se “sehiret apo magjitë e zeza ekzistojnë.
Një qytetar tha se magjitë e zeza nuk ekzistojnë dhe sipas tij, këto janë ‘pallavra’ dhe fjalë të grave.
“Jo more kurgjo hiq, çfarë. Kurrë kurrgjë nuk ka ndodh, ato janë pallavra, fjalë grash. Kurgjo hiq, thashetheme, kur është puna për pasuri, paragjykime bajnë, me ua marrë pasurinë, tokën, megjen shpinë, me e hjek njeriun prej aty, edhe qashtu dalin kishte natën me çarçaf të bardh edhe hajt”, thotë ky qytetar. /atvlive.tv
Emisionin e plotë e gjeni në videon më poshtë:
Në rubrikën e zakonshme të emisionit STUDIO A në ATV, pyetja e gazetares për qytetarët ishte se a besojnë në ‘sehire’ apo magji të zezë.
Për këtë temë, përgjigjet e qytetarëve ishin të ndryshme. Kishin nga ata që besojnë fuqishëm, por edhe nga ata që nuk besojnë fare në këto gjëra.
Një qytetar tha se është i bindur se “sehiret” apo magjitë e zeza ekzistojnë.
Madje ai shkoi aq larg sa tha se ka pasur raste kur njeriu e ka lëshuar gruan, ka rrahur fëmijët shkaku i magjisë.
“Besoj në sehire, besoj në magji, ekzistojnë Ekzistojnë, që je t’u shku diku rrugës, do me të ba sehire, pastaj shkon e s’e di ku shkon. U kapë me grua, e ka lëshu gruan pa lidhje, e ka rreh thminë, e ka qit familjen në bela, të gjitha ato i kanë ba magjitë. Magjitë ekzistojnë”, thotë ky qytetar. /atvlive.tv
Emisionin e plotë e gjeni në videon më poshtë:
Ambasada e Gjermanisë në Prishtinë konfirmoi për Radion Evropa e Lirë se ka ndërprerë përkohësisht bashkëpunimin me Kosovën në disa fusha të caktuara, shkaku i mospërmbushjes së kërkesave të Bashkimit Evropian për shtensionimin e situatës në veri të Kosovës.
Nga kjo masë – të cilën Gjermania thotë se e mori në përputhje me veprimet e Brukselit – nuk preken “projektet me sektorin e shoqërisë civile, si dhe projektet që kemi filluar t’i zbatojmë”.
“Masat përfshijnë shtyrjen e konsultimeve qeveritare për bashkëpunimin për zhvillim, pezullimin e një partneriteti të parashikuar dypalësh rreth klimës dhe dorëzimin e pajisjeve specifike për ofruesit e sigurisë”, u bë e ditur në përgjigjen e Ambasadës së Gjermanisë për REL-in.
Në fund të muajit qershor, BE-ja njoftoi se kishte vendosur disa masa të përkohshme ndëshkuese ndaj Kosovës, pasi që Qeveria e vendit nuk ndërmori hapat e kërkuar nga blloku evropian për shtensionim të situatës në veri.
Në atë pjesë të Kosovës, të banuar me shumicë serbe, tensionet janë të larta që nga fundi i majit, kur kryetarët e rinj shqiptarë të komunave hynë në zyrat e tyre, me gjithë rezistencën dhe protestimin e banorëve serbë.
Protestat e tyre u përshkallëzuan edhe në përleshje të dhunshme, me dhjetëra të plagosur – në mesin e të cilëve edhe ushtarë të misionit të Organizatës së Traktatit të Atlantikut Verior (NATO) në Kosovë, KFOR.
Kosova ende nuk ka ndërmarrë ndonjë hap, pavarësisht thirrjeve nga komuniteti ndërkombëtar që t’i tërheqë kryetarët shqiptarë dhe të organizojë zgjedhje të reja.
BE-ja pezulloi përkohësisht punën e të gjitha grupeve punuese për Marrëveshjen e Stabilizim Asociimit (MSA) – që është hapi i parë drejt anëtarësimit në bllok – si dhe ftesat për pjesëmarrjen e Kosovës në takime të nivelit të lartë.
Si BE-ja, ashtu edhe Gjermania, kanë theksuar se këto masa janë të përkohshme dhe mund të hiqen nëse Kosova ndërmerr hapat e kërkuar për shtensionim të situatës.
“Ne dëshirojmë të theksojmë se të gjitha projektet e prekura [nga këto masa] mund të rifillojnë në çdo moment. Për këtë kërkohet zbatimi urgjent i masave të nevojshme për de-përshkallëzim të situatës në komunat në veri”, u bë e ditur në përgjigjen e Ambasadës së Gjermanisë./Rel