ATV

Author: ATVLive

  • ‘Kthena n’Kosovë për 250 euro’ – Befason mërgimtari, thotë se kthehet për të jetuar në Kosovë nëse ia japin këtë pagë, gazetarja i ofron punë menjëherë

    ‘Kthena n’Kosovë për 250 euro’ – Befason mërgimtari, thotë se kthehet për të jetuar në Kosovë nëse ia japin këtë pagë, gazetarja i ofron punë menjëherë

    Emisioni veror i ATV-së, “n’mal An’det”, që nisi transmetimin javën e kaluar, vazhdon të sjellë për shikuesit argëtim, intervista dhe eksplorim kulturor.

    Një prej rubrikave që u kushtohet mërgimtarëve është rubrika “A më mirë ktu a atje”, ku çdo ditë për mërgimtarët ka pyetje të ndryshme.

    Në emisionin e mbrëmshëm, pyetja për mërgimtarët nga gazetarja e ATV-së ishte: Për çfarë page do të vinin të jetonin sërish në Kosovë?

    Një i ri mërgimtar ka befasuar gazetaren me kërkesën e tij për pagë minimale për të jetuar në Kosovë.

    “Isha kthy në Kosovë me e pasë punën, se vendi është i mirë këtu. Për 250 euro kisha ardh me jetu këtu se vendi i mirë është në Kosovë”, thotë mërgimtari.

    Pas këtyre fjalëve, gazetarja i thotë: “Sot ta gjejmë punën, a kthehesh?”

    “Po kthehna, 100 për qind”, ia kthen mërgimtari.

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • Aksioni i KRU “Prishtina” në Graçanicë për shkyçje nisë në një biznes borxhi i së cilës kalon 2 mijë euro

    Aksioni i KRU “Prishtina” në Graçanicë për shkyçje nisë në një biznes borxhi i së cilës kalon 2 mijë euro

    Kompania Rajonale e Ujësjellësit “Prishtina” sot ka filluar një aksion në Graçanicë, për shkyçjen e konsumatorëve borxhlinj.

    ATV raporton se aksioni i sotëm i KRU “Prishtina” për shkyqje ka filluar në një biznes në Graçanicë, borxhi i së cilit është 2376 euro.

    Aksioni për shkyçjen e konsumatorëve borxhlinj do të vazhdojë gjatë ditës në këtë komunë.

    ATV është duke përcjellë aksionin e KRU “Prishtina” në vend të ngjarjes dhe për detaje të reja nga ky aksion do t’ju informojmë me kohë.

    Kujtojmë se gjatë ditës së djeshme, KRU “Prishtina” përmes një njoftimi ka paralajmëruar aksionin e sotëm në komunën e Graçanicës për shkyçjen e konsumatorëve borxhlinj. /atvlive.tv

  • ​Mbledhja e qeverisë, adresimi i Kurtit u dedikohet Adem Demaçit dhe Enver Zymberit

    ​Mbledhja e qeverisë, adresimi i Kurtit u dedikohet Adem Demaçit dhe Enver Zymberit

    Kryeministri i Kosovës, Albin Kurti mbledhjen e sotme të Qeverisë së Kosovës e ka nisur duke nderuar dhe kujtuar veprimtarin e çështjes kombëtare, Adem Demaçin dhe heroin, Enver Zymberi i cili ka rënë në krye të detyrës. Për këtë të fundit ai tha se drejtësia dhe dënimi për vrasësit e tij janë domosdoshmëri.

    Kreu i ekzekutivit kosovar theksoi se për Demaçin jeta dhe liria ishin një, ndërsa u zotua se do t’i qëndrojnë besnik mësimeve dhe trashëgimisë që la pas.

    “I kaloi 28 vite nëpër burgje e mbeti i pathyeshëm përherë përballë pushteteve shtypëse jugosllave e serbe mbi shqiptarët, për asnjë moment nuk pranoi kompromise me lirinë edhe atëherë kurë iu mohua liria e iu kërcënua jeta sepse për bacën Adem liria dhe jeta ishin një, jetën për liri e liri deri në vdekje. Përkulemi para veprës së tij me zotimin për t’iu qëndruar besnik mësimeve dhe trashëgimisë që la pas”, theksoi Kurti.

    Kryeministri, Albin Kurti po ashtu në hyrje të kësaj mbledhjeje përkujtoi edhe rënien e zyrtarit policor, Enver Zymberi, 12 vite më parë në krye të detyrës, për çka tha se drejtësia dhe dënimi për vrasësisit e tij janë domosdoshmëri.

    Gjatë kësaj mbledhje kreu i ekzekutivit kosovar ka kujtuar dhe nderuar edhe rënien në detyrë të 22 zyrtarëve të tjerë policorë.

    “Kjo datë përkon me përvjetorin e rënies së zyrtarit policor, heroit, Enver Zymberi. 12 vjet më parë ai u vra nga strukturat kriminale të Serbisë gjatë një aksioni që po zhvillonte Policia e Kosovës në veri e vendit tonë. Enver Zymberi do të mbetet simbol i përjetshëm i sovranitetit dhe ligjshmërisë në Kosovë. Drejtësia dhe dënimi për vrasësit e tij është domosdoshmëri, ndërsa vijimësia e angazhimit të kolegëve të tij në çdo cep të Republikës sonë është shembulli më i mirë që kemi mes nesh”, u shpreh ai.

    Sot bëhen pesë vjet prej kur ndërroi jetë veprimtari i madh i çështjes kombëtare shqiptare, Adem Demaçi, ndërsa 12 vjet nga rënia e heroit, zyrtarit policor, Enver Zymberi.

    Qysh në mëngjesi Kurti bashkë me kryeparlamentarin, Glauk Konjufca bënë homazhe tek varri i Demaçit, ndërsa në orën 19:00 nën patronatin e kryeministrisë do të organizohet akademi përkujtimore.

    Ndërsa, po ashtu sot në orën 17:00 në kampin “Belvedere” në Mitrovicë do të organizohet ceremonia ku ky kamp do të marr emrin e heroit, Enver Zymberi. /KP

  • I nxehti ekstrem, shkencëtarët: Ja kush është shkaktari

    I nxehti ekstrem, shkencëtarët: Ja kush është shkaktari

    Pas një qershori të nxehtë rekord, zona të mëdha të SHBA-së dhe Meksikës, Evropës Jugore dhe Kinës përjetuan nxehtësi ekstreme në korrik 2023, duke thyer shumë rekorde lokale të temperaturave të larta.

    Temperaturat tejkaluan 50C më 16 korrik në Death Valley në SHBA si dhe në Kinën Veriperëndimore (CNN). Rekorde u arritën gjithashtu në shumë stacione të tjera meteorologjike në Kinë dhe rekordi i nxehtësisë kineze u thye në Sanbao më 16 korrik. Në Evropë, dita më e nxehtë ndonjëherë u regjistrua në Katalunja dhe rekordet më të larta të temperaturës minimale ditore u thyen në pjesë të tjera të Spanjës .

    “Disa vdekje nga nxehtësia janë konfirmuar në SHBA, duke përfshirë emigrantë në kufirin me Meksikën. Vetëm në Meksikë mbi 200 njerëz vdiqën për shkak të të nxehtit. Spanja, Italia, Greqia, Qiproja, Algjeria dhe Kina gjithashtu raportuan vdekje nga nxehtësia, si dhe një rritje të madhe të shtrimeve në spital për shkak të sëmundjeve të lidhura me nxehtësinë. Një pjesë e madhe e popullsisë në Itali dhe Spanjë dhe mbi 100 milionë njerëz në jug të SHBA-së janë nën alarmin e të nxehtit. Në të tre rajonet, kërkesa për energji u rrit dhe ndikoi negativisht një numër kulturash të rëndësishme, duke përfshirë vajin e ullirit në Spanjë dhe prodhimin e pambukut në Kinë” , thuhet në deklaratën e shkencëtarëve të World Weather Attribution.

    Valët e të nxehtit janë ndër rreziqet natyrore më vdekjeprurëse me mijëra njerëz që vdesin nga shkaqe të lidhura me nxehtësinë çdo vit. Megjithatë, ndikimi i plotë i një valë të nxehti rrallë dihet saktësisht sepse shumë vende nuk kanë një regjistrim të saktë të vdekjeve të lidhura me nxehtësinë, prandaj shifrat e vdekshmërisë globale të disponueshme aktualisht janë të nënvlerësuara.

    “Ky ndryshim i klimës ka një shkaktar kryesor. Ai është njeriu, “dora” e të cilit ka luajtur një rol “absolutisht shkatërrues” në valët ekstreme të të nxehtit që kanë përfshirë Amerikën e Veriut, Evropën dhe Kinën”, ky është dhe vlerësimi më i rëndësishëm i shkencëtarëve të World Weather Attribution i publikuar sot.

    Në përputhje me atë që pritej nga parashikimet e kaluara të klimës dhe raportet e IPCC, Amerika e Veriut, Evropa dhe Kina kanë përjetuar gjithnjë e më shpesh valë të nxehti gjatë viteve të fundit si rezultat i ngrohjes së shkaktuar nga aktivitetet njerëzore, prandaj valët aktuale të nxehtit nuk janë të rralla. Tashmë këto temperatura të larta do t’i përjetojnë afërsisht 1 herë në 15 vjet në rajonin SHBA/Meksikë, 1 herë në 10 vjet në Evropën Jugore dhe 1 herë në 5 vjet në Kinë.

    Nëse njerizimi nuk do të kishte qenë kaq vetë shkatërrues duke ngrohur planetin, ngjarje të tilla klimatike do të ishin jashtëzakonisht të rralla.

    P.sh. Kina do të kishte përjetuar valë të tilla të nxehti 1 herë në 250 vjet, ndërsa nxehtësi maksimale si në korrik 2023 do të kishin qenë praktikisht të pamundura të ndodhnin në rajonin SHBA/Meksikë apo në Evropën Jugore.

  • “Atje të gjithë punojnë, këtu sillen poshtë e lartë, nuk i kuptoj pse”, mërgimtari kritikon të rinjtë në Kosovë, thotë se askund nuk ndodh pasurimi i shpejtë

    “Atje të gjithë punojnë, këtu sillen poshtë e lartë, nuk i kuptoj pse”, mërgimtari kritikon të rinjtë në Kosovë, thotë se askund nuk ndodh pasurimi i shpejtë

    Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.

    Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.

    Në emisionin e mbrëmshëm, ekipi i ATV-së bëri një vizitë në fshatin Kuqishtë të komunës së Pejës.

    Mërgimtari Ali Dreshaj, sa herë vjen në Kosovë, pjesën më të madhe e kalon në fshatin Kuqishtë.

    Ai, në një bisedë për ATV-në, tregon se vite më parë, kur mërgimtarët vinin në vendlindje, të gjithë i vizitonin, ndërsa tani sipas tij, kohët kanë ndryshuar.

    “Përpara kur ke ardh, kanë ardh me të vizitu kojshia, njerëzit e afërt, e tash nuk i intereson kujt a erdhe a shkove”, tregon Aliu.

    Ai thotë se në vendet perëndimore, të gjithë mërgimtarët punojnë, ndërsa këtu, sipas tij, njerëzit nuk punojnë sepse duan të pasurohen shpejtë.

    “Atje shumica punojnë. Këtu, shumica kanë mbetë pa punë, sillen poshtë e lartë, po kënaqen me jetën, nuk e kuptoj pse. Kanë mundësi me punu, por duan para shumë në start, e ashtu nuk ka kërkund, gjithkund duhet me ia nisë prej zeros, ngadalë, ngadalë edhe me arritë atë ciklin ku është”, thotë Aliu.

    Mërgimtari tregon se në fillim, kur kishte dalë jashtë vendit e kishte të vështirë për shkak se nuk e dinte gjuhën, por me kalimin e viteve, tani bënë një jetë normale atje.

    “Atje nuk e kam pasë të lehtë kur kam shku sepse është dashtë me e ba një punë të thjeshtë, për shembull me pak para, gjuhën s’e kam ditë, por ngadalë, ngadalë, duke e mësu gjuhën, tu e kërku një punë më të mirë, tu e mësu një profesion, tani e kam një jetë normale”, tregon mërgimtari Ali Dreshaj.

    Reportazhin e plotë të ATV-së në fshatin Kuqishtë, si dhe bisedën më mërgimtarin Ali Dreshaj, e gjeni në videon më poshtë:

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • Reagon ashpër edhe ambasadori Rohde pas linçimit të policëve joshumicë në veri: Absolutisht shqetësuese

    Reagon ashpër edhe ambasadori Rohde pas linçimit të policëve joshumicë në veri: Absolutisht shqetësuese

    Gjatë ditës së djeshme u mor vesh se në veri të Kosovës do të vendoseshin 74 policë të rinj, prej të cilëve 45 i përkisnin komunitetit serb. Menjëherë nga grupe e persona të pandërgjegjshëm nisi fushatë linçimi ndaj tyre. E ndaj tyre fatmirësisht po ka reagime ndërkombëtare.

    I pari që reagoi ishte shefi i ri i EULEX-it, Giovanni Pietro Barbano i cili i shkroi këto fjalë:

    “Jam shumë i shqetësuar me raportimet mediale sa i përket mesazheve kërcënuese ndaj zyrtarëve policorë të Kosovës nga komunitetet joshumicë. Çdo lloj i intimidimit është i papranueshëm, dhe e theksoj rëndësinë që Policia e Kosovës të reprezentojë gjithë popullësinë e Kosovës.”

    E këtë postim e rishpërndau ambasadori gjerman në Prishtinë, z. Jorn Rohde, që e konsideroi fushatën si absolutisht shqetësuese.

    “Pajtohem plotësisht. Kjo fushatë intimiduese është absolutisht shqetësuese. Duhet të ndalet menjëherë. Policët e rinj nga minoriteti boshnjak, rom, serb dhe turk meritojnë gjithë mbështetjen veçanërisht nga komunat dhe qytetarët ku do të vendosen.” – tha ambasadori gjerman.

    Postimet:

  • Ministri i Mbrojtjes së Kosovës, Armend Mehaj takohet me homologen maqedonase Sllavjanka Petrovska

    Ministri i Mbrojtjes së Kosovës, Armend Mehaj takohet me homologen maqedonase Sllavjanka Petrovska

    Ministri i Mbrojtjes i Kosovës, Armend Mehaj, në kuadër të vizitës së tij në Türkiye është takuar me ministren e Mbrojtjes të Maqedonisë së Veriut, Sllavjanka Petrovska, transmeton Anadolu.

    Mehaj nëpërmjet rrjeteve sociale tha se fqinjësia e mirë dhe partneriteti mes Republikës së Kosovës dhe Maqedonisë së Veriut “do të vazhdojnë të jenë në nivelet më të larta”.

    “Në kornizat e vizitës në Türkiye, kemi zhvilluar takimin me ministren e Maqedonisë së Veriut, Sllavjanka Petrovska të cilën e falënderova për bashkëpunimin në fushën e sigurisë si dhe për mbështetjen në proceset e përmbushjes së obligimeve tona për anëtarësim në mekanizma ndërkombëtar”, theksoi Mehaj.

    Ai tha se anëtarësimi i Republikës së Kosovës në Partneritetin për Paqe dhe në NATO është esencial për të garantuar paqen dhe stabilitetin në rajon dhe më gjerë. “Në fushën e trajnimeve dhe shkollimeve do të vazhdojmë të punojmë së bashku sipas planit të dakorduar mes ministrive tona”, përfundoi Mehaj.

    Ministri Mehaj është duke qëndruar në vizitë zyrtare në Türkiye. Ai në këtë vizitë është i shoqëruar nga gjeneral Hysen Dreshaj, kolonel Ali Krasniqi, kolonel Astrit Haliti, kolonel Binak Zekaj dhe atasheun e mbrojtjes, kolonel Bekim Zejnullahu.

    Gjatë ditës së djeshme Mehaj së bashku me delegacion kanë zhvilluar një takim me ministrin e Mbrojtjes së Republikës së Türkiye-s, Yaşar Güler.

  • Merren peng 4 kosovarë në Durrës, patën probleme me pagesën e shtëpisë ku po pushonin

    Merren peng 4 kosovarë në Durrës, patën probleme me pagesën e shtëpisë ku po pushonin

    Dy persona kanë rënë në prangat e policisë së Durrësit pasi akuzohen se kanë marrë peng katër pushues nga Kosova.

    Sipas policisë mësohet se një nga autorët është edhe pronari i shtëpisë ku shqiptarët e Kosovës ishin akomoduar për të qëndruar gjatë ditëve të pushimit.

    Ngjarja ka ndodhur në lagjen nr. 13, në Durrës, pas kallëzimit nga disa shtetas të tjerë kosovarë, se dy shtetas një 49 vjeçar dhe një 48 vjeçar i kishin hequr lirinë atyre, në garazhin e banesës ku ata ishin akomoduar për pushime, menjëherë kanë organizuar punën për identifikimin, kapjen dhe vënien e autorëve përpara përgjegjësisë ligjore.

    Këta shtetas, në bashkëpunim me njëri-tjetrin, dyshohet se i kanë hequr lirinë përreth 45 minuta, duke i mbajtur në garazhin e banesës, katër shtetasve nga Kosova, të cilët ishin akomoduar për pushime në një shtëpi pushimi në pronësi të 48 vjeçarit me pretendimin se nuk kishin kryer pagesën për akomodimin.

    Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./abcnews.al

  • ​Szunyog, takim me anëtarët e Komisionit parlamentar për Punë të Jashtme

    ​Szunyog, takim me anëtarët e Komisionit parlamentar për Punë të Jashtme

    Ka nisur takimi i anëtarëve të Komisionit për Punë të Jashtme dhe Diasporë me shefin e Zyrës së Bashkimit Evropian në Kosovë, Tomas Szunyog.

    Mediat janë lejuar të marrin pamje ne fillim të takimit.

    Nuk dihet nëse do të ketë deklaratë për media.

  • ‘Përpara vishin me na vizitu krejt, tash s’ia nin kërkujt për neve’ – Mërgimtari flet për kohën kur i madh e i vogël vinin t’i shihnin sa herë që vinin nga mërgimi

    ‘Përpara vishin me na vizitu krejt, tash s’ia nin kërkujt për neve’ – Mërgimtari flet për kohën kur i madh e i vogël vinin t’i shihnin sa herë që vinin nga mërgimi

    Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.

    Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.

    Në emisionin e mbrëmshëm, ekipi i ATV-së bëri një vizitë në fshatin Kuqishtë të komunës së Pejës.

    Mërgimtari Ali Dreshaj, sa herë vjen në Kosovë, pjesën më të madhe e kalon në fshatin Kuqishtë.

    Ai, në një bisedë për ATV-në, tregon se vite më parë, kur mërgimtarët vinin në vendlindje, të gjithë i vizitonin, ndërsa tani sipas tij, kohët kanë ndryshuar.

    “Përpara kur ke ardh, kanë ardh me të vizitu kojshia, njerëzit e afërt, e tash nuk i intereson kujt a erdhe a shkove”, tregon Aliu.

    Reportazhin e plotë të ATV-së në fshatin Kuqishtë, si dhe bisedën më mërgimtarin Ali Dreshaj, e gjeni në videon më poshtë:

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë: