ATV

Author: ATVLive

  • Aksident me fatalitet në Gjakovë, vdes një person

    Aksident me fatalitet në Gjakovë, vdes një person

    Një aksident i rëndë trafiku ka ndodhur sot në fshatin Bishtazhin të Gjakovës.

    Si pasojë e plagëve të marra në aksident, ka vdekur një person.

    Sipas pamjeve të publikuara në rrjetet sociale, shihet që janë aksidentuar një kamion me një automjetë.

    Këtë lajm e ka konfirmuar edhe zëdhënësi i policisë së Gjakovës, Sheremet Elezaj.

    “Rreth orës 10:40 është raportuar aksident trafiku në fshatin Bishtazhin (rruga Gjakovë-Prizren). Policia ka dalë në vendin e ngjarjes ku të përfshirë në aksident kanë qenë një kamion dhe një veturë. Për pasojë një person, mashkull i moshës madhore, ka humbur jetën (ekipi mjekësor në vendin e ngjarjes ka konstatuar vdekjen e tij). Rasti është duke u trajtuar nga Njësia Rajonale e Komunikacionit Rrugor”.

  • Luftë e ashpër mes garuesve në lojën me ‘chipsa’, Robi mban kokën, por shikoni trishtimin e moderatores mbrapa

    Luftë e ashpër mes garuesve në lojën me ‘chipsa’, Robi mban kokën, por shikoni trishtimin e moderatores mbrapa

    Emisioni veror “n’mal A n’det” ka filluar transmetimin javën e kaluar në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Një ndër rubrikat më të veçanta të emisionit “n’mal A n’det” është se do të ketë lojëra të ndryshme, të cilat kanë karakter argëtues.

    Një ndër to është edhe loja me “chipsa” me sponsorin Patos.

    Kjo është një lojë ku garohet se cila ekipë arrin të hajë më shumë “chipsa”.

    Në emisionin e mbrëmshëm, gjatë kohës kur po zhvillohej kjo lojë, u pa një ‘luftë’ e paparë deri më tani mes garuesve, për çka ngjalli reagime epike në studio.

    Për më shumë, shikoni videon më poshtë:

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • Detajet, si u morën peng katër turistët nga Kosova në Durrës, refuzuan të paguanin për rezervimin online

    Detajet, si u morën peng katër turistët nga Kosova në Durrës, refuzuan të paguanin për rezervimin online

    Detaje të reja dalin në lidhje me pengmarrjen e katër turistëve nga Kosova nga dy durrsakët, Nexhmi Xhili, 49 vjeç dhe Dritan Kucaj, 48 vjeç

    Dy autorët të cilët u arrestuan nga policia, pretendojnë se turistët nuk kishin kryer pagesën për akomodimin në shtëpinë e pushimit. E për këtë arsye ata i morën turistët peng për 45 minuta në garazhin e banesës ku ata ishin akomoduar për pushime.

    Sakaq burime bëjnë me dije se turistët kishin bërë rezervim online por kur kanë shkuar për të parë apartamentin që kishin rezervuar kanë qenë të pakënaqur me kushtet prandaj kanë vendosur të largohen.

    Në momentin kur kanë hyrë në garazhin e pallatit, të apartamentit që kishin rezervuar online kanë nisur të debatojnë me pronarin e apartamentit, Ditan Kuçaj por dhe me një person të dytë Nexhmi Xhili.

    Ata i kanë kërkuar të paguajnë për ditët që kanë rezervuar edhe pse nuk do të qëndronin por shtetasit kosovarë kanë kundërshtuar. Atëherë pronari ka vendosur ti mbyllë në garazh.

  • “Na kur vijmë në autostradë për Kosovë asgjë nuk kuptojmë në tabelat e vendosura” – Vlonjati “çudit” me deklaratën

    “Na kur vijmë në autostradë për Kosovë asgjë nuk kuptojmë në tabelat e vendosura” – Vlonjati “çudit” me deklaratën

    Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten, prej orës 21:10.

    Një ndër rubrikat që e përcjellin këtë emision është edhe rubrika “Shqipnisht”, përmes së cilës mësohen fjalë dhe shprehje të ndryshme, që përdoren në regjione të rajonit.

    Në kuadër të kësaj rubrike, gazetarja e ATV-së i ka pyetur qytetarët e Prizrenit se a e dinë ata kuptimin e fjalës “xhixhivalle”, e cila përdoret në Vlorë.

    Shumë nga qytetarët e Prizrenit nuk e kanë ditur kuptimin e kësaj fjale, por disa nga ta thanë se e kanë dëgjuar këtë shprehje.

    Por, krahas pyetjes dhe përpjekjes së tyre për të gjetur përgjigjen, shumë qytetarë lëshuan deklarata interesante para kamerës së ATV-së.

    Në qytetar nga Vlora, thotë se kur vinë në Kosovë, nuk kuptojnë asnjë shprehje që shkruhet në tabelat e autostradës.

    “Në autostradë, ne për shembull, asnjë shprehje nga ju, kujdes mos vozit, që i keni shprehjet në tabela, nuk kuptojmë asgjë. Është dialekti gegë me toskë që ndryshon pothuajse”, thotë vlonjati. /atvlive.tv

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • “Kur dashi i kurbanit blihet para kohe”, tregimi popullor që mbeti në mendjen e gjithsecilit

    “Kur dashi i kurbanit blihet para kohe”, tregimi popullor që mbeti në mendjen e gjithsecilit

    Emisioni veror i ATV-së, “n’mal An’det”, që nisi transmetimin javën e kaluar, vazhdon të sjellë për shikuesit argëtim, intervista dhe eksplorim kulturor.

    Në këtë emision, pos rubrikave të shumta argëtuese, është edhe rubrika me tregime popullore, të cilat i interpreton aktori Bislim Muçaj.

    Mbrëmë, në ciklin e tregimeve popullore, u rrëfye një histori e një fshatari, i cili kishte blerë një dash për Kurban Bajram, por që nuk kishte ku ta linte, për shkak se ende ishte larg kjo festë.

    Për mos ta lënë dashin të vetmuar, i kërkon një miku të tij që ta mbajë me delet veta deri sa të vijë koha ta preje për kurban.

    Por, ditën e Kurban Bajramit, fshatari merr një lajm jo të mirë nga miku i tij.

    Tregimin e plotë mund ta shikoni në videon më poshtë.

    Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • Aksident te rrethi i Spitalit në Prishtinë

    Aksident te rrethi i Spitalit në Prishtinë

    Një aksident mes autobusit të trafikut urban dhe një veture sapo ka ndodhur te rrethi i spitalit në Prishtinë.

    ATV raporton se nga ky aksident, pos dëmeve materiale, nuk ka të lënduar, por që i njëjti ka shkaktuar vështirësi të qarkullimit të automjeteve në këtë rrugë.

    Për më shumë detaje, shikoni videon e më poshtme të siguruar nga ATV. /atvlive.tv

  • Hovenier: Kërcënimet ndaj policëve në veri janë të papranueshme

    Hovenier: Kërcënimet ndaj policëve në veri janë të papranueshme

    Ambasadori amerikan në Kosovë, Jeffrey Hovenier, është shprehur i shqetësuar për raportimet se zyrtarët e ri policorë në veri të vendit që vijnë nga komunitetet janë kërcënuar.

    Hovenier, thotë se janë të papranueshme kërcënimet dhe frikësimet ndaj individëve që shërbejnë për të mirën e të gjithë qytetarëve të Kosovës.

    “Ndaj plotësisht këto shqetësime. Kërcënimet dhe frikësimet ndaj individëve që shërbejnë për të mirën e të gjithë qytetarëve të Kosovës janë krejtësisht të papranueshme. Siç e kam thënë edhe më parë, Policia e Kosovës ekziston për t’i shërbyer të gjitha komuniteteve në Kosovë dhe përbërja e saj duhet të pasqyrojë diversitetin e Kosovës” ka thënë Hovenier.

    74 policë të rinj të hënën morën detyrën e tyre në veri të vendit.

    Nga këta 74 policë, 45 janë të komunitetit serb, 16 boshnjakë, 8 romë, ashkali e egjiptianë, si dhe 3 turq.

    Me të marrë detyrën u raportua se të njëjtit janë kërcënuar disa herë.

  • Borrell dënon djegien e Kuranit në Danimarkë

    Borrell dënon djegien e Kuranit në Danimarkë

    Përfaqësuesi i Lartë i BE-së, Josep Borrell, ka dënuar djegien e Kuranit, pasi një grup i quajtur “Patriotët Danezë” jashtë Ambasadës së Irakut në Kopenhagë të Danimarkës.

    Kryediplomati evropian e ka cilësuar këtë veprim si “ofendues, mosrespektues dhe provokim i qartë” dhe ka thënë se “respekti për diversitetin është një vlerë thelbësore e Bashkimit Evropian. Kjo përfshin respektin për komunitetet e tjera fetare”.

    “Shprehjet e racizmit, ksenofobisë dhe intolerancës përkatëse nuk kanë vend në Bashkimin Evropian. Ne vazhdojmë të mbrojmë lirinë e fesë apo besimit dhe lirinë e shprehjes, jashtë dhe brenda; por jo çdo gjë që është e ligjshme është etike”, thuhet në deklaratën e Borrellit, të publikuar nga shërbimi për shtyp i Shërbimit Evropian për Veprim të Jashtëm (EEAS).

    Në faqen e tij në Facebook, grupi i ekstremit të djathtë, Danske Patrioter, publikoi një video ku një burrë shihej duke djegur atë që dukej të ishte një kopje e Kuranit dhe duke shkelur mbi një flamur të Irakut.

    Zëvendëshefja e policisë së Kopenhagës, Trine Fisker, ka thënë për AFP-në se “jo më shumë se dhjetëra” protestues ishin mbledhur para ambasadës irakiane.

    “Unë, po ashtu, mund të konfirmoj se një libër është djegur. Ne nuk e dimë se cili libër ka qenë”, ka thënë ajo. “[Protesta] ishte mjaft paqësore”, është shprehur Fisker.

    Javën e kaluar, turmat ia kanë vënë flakën Ambasadës së Suedisë në Bagdad, pas planeve për djegie të Kuranit në Stokholm.

    Akti i fundit që ka ndodhur në Kopenhagë ka nxitur marshe edhe në kryeqytetin e Jemenit, Sana, ku është shprehur zemërim i thellë për Danimarkën dhe Suedinë, që kanë lejuar akte të tillë.

    Shumë kombe myslimane e kanë dënuar këtë akt. Turqia e ka konsideruar incidentin si “sulm të neveritshëm” ndaj Kuranit, derisa Ministria e Jashtme e Algjerisë i ka ftuar për intervistë ambasadorët e Danimarkës dhe Suedisë për t’i dënuar aktet.

    Rreth 1.000 protestues në Bagdad kanë tentuar të hyjnë në Ambasadën e Danimarkës, pas incidentit. Edhe në Iran ka pasur protesta të shtunën lidhur me këto akte.

    Mediat lokale në Katar kanë raportuar se tregu më i madh i shtetit, Souq Al Baladi i ka larguar të gjitha produktet suedeze nga vitrinat, si shenjë proteste.

    Danimarka e ka dënuar djegien e Kuranit duke thënë se “këto akte provokative dhe të turpshme nuk e përfaqësojnë Qeverinë daneze.

    Autoritetet e Suedisë e kanë dënuar djegien e librit të shenjtë dhe aktin e kanë konsideruar si islamofobik.

    Myslimanët e konsiderojnë përmbajtjen e Kuranit si fjalë të Zotit, dhe çdo dëm që i shkaktohet librit me qëllim, konsiderohet mungesë respekti dhe ofendim i rëndë për ta.

  • NLB Banka ndan 100,000€ donacion për bamirësi

    NLB Banka ndan 100,000€ donacion për bamirësi

    Çdo ditë, shumë njerëz rreth nesh përballen me vështirësi të ndryshme, qoftë dhunë, sëmundje, varfëri apo vështirësi të tjera që nuk janë të lehta dhe që nevojitet ndihmë për tejkalimin e tyre.  Kjo është arsyeja pse Grupi NLB ka vendosur të dhurojë 1.35 milionë euro në të gjitha tregjet në rajonin ku operojmë. Punonjësit e Grupit NLB propozuan rreth 100 organizata dhe në fund me votim zgjodhën më shumë se 30 përfitues, duke përfshirë shoqata të ndryshme, organizata humanitare dhe grupe për të cilat do të dhurojmë ndihmë financiare.

    Në ngjarjen e mbajtur sot në zyrën qendrore të Bankës, donacionet iu dorëzuan gjashtë përfituesve  që së bashku do të pranojnë 100,000€ donacion. Organizatat e përzgjedhura sipas votimit nga të punësuarit e Bankës mbulojnë disa fusha siç janë: kujdesi për fëmijët, kujdesi për familjet, kujdesi për të moshuarit, si dhe kujdesi për punonjësit që gjenden në vështirësi për shkak të ndonjë sëmundje të rëndë apo aksidenti.

    “Ne e shohim përgjegjësinë ndaj klientëve, punonjësve dhe shoqërisë si misionin tonë. Në të njëjtën kohë, ne e dimë se nuk mund ta ndryshojmë për mirë shoqërinë vetëm, por së bashku me individë dhe organizata humanitare që tashmë janë duke punuar në projekte të dobishme shoqërore dhe duke përmirësuar cilësinë e jetës në vendin tonë. Ne jemi të lumtur kur ndihmojmë, motivojmë dhe frymëzojmë vepra të mira, dhe jo vetëm këtu po në të gjithë rajonin e Evropës Juglindore ku operon Grupi NLB” tha z. Gazmend Kadriu, Kryetar i Bordit Udhëheqës në NLB Banka.

    “Jam krenar për donacionin e këtij viti, jo vetëm për organizatat e përkushtuara dhe humanitare që pasurojnë shoqërinë tonë, por edhe për kolegët e mi në Grupin NLB, të cilët me shumë përkushtim dhe krenari propozuan dhe votuan për përfituesit e këtij donacioni. NLB ka dëshmuar edhe një herë se është shumë më tepër sesa thjesht një institucion financiar rajonal, pasi rezultatet e saj të biznesit dhe operacionet e qëndrueshme janë shembull edhe për institucionet tjera në rajon” tha Blaž Brodnjak, CEO në NLB d.d.

    Këto janë organizatat përfituese në Kosovë nga ky donacion:

    1. NFK “Ndihmë fëmijëve me kancer”
    2. Hanidkos Podujeva
    3. Shoqata “Autizmi flet”
    4. Shtëpia e të moshuarve në Prishtinë
    5. SOS Fshatrat e fëmijëve
    6. Fondi për të punësuarit në NLB Banka

    Në fjalimet e tyre, përfituesit e donacioneve shprehën mirënjohjen e tyre të madhe për Bankën dhe theksuan se NLB është një shembull i vërtetë i një kompanie të përgjegjshme, me vetëdije për solidaritet dhe ndjeshmëri.

    Mbështetja e aktivitetet të tilla që përkrahin komunitetin do të vazhdoj edhe në të ardhmen, me qëllim të përmirësimit së cilësisë së jetës në vendin tonë për sot dhe për të ardhmen.

  • Kurti: S’i di hollësitë për lirimin e të dyshuarve për sulme në veri, me Prokurorinë s’jam i kënaqur

    Kurti: S’i di hollësitë për lirimin e të dyshuarve për sulme në veri, me Prokurorinë s’jam i kënaqur

    Kryeministri Albin Kurti iu ka kërkuar gazetarëve që të marrin përgjigje nga Këshilli Prokurorial për lirimin e të arrestuarve në veri.

    Kurti tha në një konferencë për media pas mbledhjes së Qeverisë se nuk është i kënaqur me Prokurorinë dhe se nuk i di detajet e lirimeve të fundit.

    “Unë nuk i kam parasysh hollësitë e lëndëve të veçanta dhe as detajet se qysh është marrë vendimi i tillë. Natyrisht, ju e dini se në përgjithësi me Prokurorinë nuk jam i kënaqur. Besoj që kanë treguar një lloj pasiviteti konstant”, tha Kurti.

    Kryeministri përmendi se institucionet i kanë ofruar “numër të madh të informacioneve” organeve të ndjekjes.

    “Ata do të duhej të japin përgjigje se si bëhet që dikush qëndron në paraburgim për muaj të tërë, e dikush as një muaj ose as tre muaj, siç zakonisht bëhet vazhdimi i paraburgimi”, tha Kurti.

    “Edhe unë nuk jam i bindur për korrektësinë”, theksoi ai.