ATV

Author: ATVLive

  • N’Kosovë a n’Zvicër, ku janë publiku më i mirë? – Këngëtari befason me përgjigjen

    N’Kosovë a n’Zvicër, ku janë publiku më i mirë? – Këngëtari befason me përgjigjen

    Këngëtari Arbnor Berisha, në emisionin veror të ATV-së “n’mal A n’det”, ka folur për aktivitetet e tij muzikore si në Kosovë, por edhe në diasporë.

    Përkundër se familjen e ka në Zvicër, ai ka treguar se kohën më të gjatë të punës së tij e bënë në Kosovë.

    “Familjen e kam në Zvicër edhe kam fat që i kam atje, më presin shumë mirë, se në kurbet pa e pasë dikënd është problem”, u shpreh Arbnori.

    I pyetur se ku është publiku më i mirë, ai thotë se i njëjti publik është si këtu si në Zvicër.

    “Edhe ata që janë atje janë të vendit, vetëm që punojnë dhe jetojnë atje, amo janë të njëjtë”, thotë Arbnori.

    Pasi gazetarja e insiston se ku e bëjnë ndejën më mirë, ai i thotë se mërgimtarët.

  • “Preferoj të shkruaj më shumë në stinën e vjeshtës”, poetja tregon se ku e gjen inspirimin për poezitë e saj

    “Preferoj të shkruaj më shumë në stinën e vjeshtës”, poetja tregon se ku e gjen inspirimin për poezitë e saj

    Shkrimtarja Jasmina Mustafa, autore e librit me poezi “Ëndrra të vjedhura”, ishte e ftuar në emisionin veror të ATV-së, ‘n’mal A n’det’.

    Ajo në këtë emision tregoi se ku gjen inspirim për krijimtarinë e saj.

    “Jo që nuk shkruaj në ditë vere, por preferenca e ime është që të shkruaj më shumë në ditë vjeshte, sepse janë më të qeta, janë ditë me shi, janë ditë shumë më me ngjyra dhe ana emocionale dominon. Përveç vjeshtës me motivojnë njerëzit. Unë çdo herë them se ata janë si një pasqyrë të cilët reflektojnë te unë. Gjithçka që është e
    mirë, gjithçka që kanë dhimbje apo gjithçka tjetër, sikur e bashkndjej me atë dhe e shkruaj në formë poezie”, thotë ajo.

    Ajo tregon se poezitë e saj janë që trajtojnë tema nga më të ndryshmet.

    “Poezitë e mia janë shumë të ndryshme. Nuk jam e fokusuar vetëm në një temë, kam poezi dashurie, kam poezi për politikë, pra tema nga më të ndryshmet”, tregon ajo. /atvlive.tv

  • Von Cramon: Vuçiq mund t’i ketë bërë presion Zelenskyt, armë në këmbim të mosnjohjes së Kosovës

    Von Cramon: Vuçiq mund t’i ketë bërë presion Zelenskyt, armë në këmbim të mosnjohjes së Kosovës

    Raportuesja për Kosovën në Parlamentin Evropian, Viola von Cramon, ka reaguar pas takimit të presidentit ukrainas Volodymyr Zelensky me presidentin e Serbisë, Aleksandër Vuçiq.

    “Pikërisht: ka shumë të ngjarë që Vuçiq të ketë rënë dakord të takohet me Zelenskyn për të ushtruar kryesisht presion mbi Ukrainën për sigurim të armëve në këmbim të mosnjohjes së Kosovës”, ka shkruar ajo në “X” derisa ka shpërndasr tëeetin e deputetit ukrainas Oleksiy Goncharenko ku ka thënë se duhet ta njohin pavarësinë e Kosovës, shkruan KP.

    Ajo ka thënë po ashtu se shpreson që Zelensky e kupton se çfarë rreziku politik mund të sjellë një marrëveshje e tillë.

    “Pavarësia dhe stabiliteti i Kosovës janë gjithashtu në interes të Ukrainës”, ka shkruar ajo.

  • “S’do të mbesin të gjithë pa libra”, anëtar i Këshillit të Prindërve flet pas vendimit të MASHT-it

    “S’do të mbesin të gjithë pa libra”, anëtar i Këshillit të Prindërve flet pas vendimit të MASHT-it

    Anëtar i Këshillit të Prindërve, Valdet Raka ka komentuar vendimin e Ministrisë së Arsimit, Shkencës dhe Teknologjisë rreth librave.

    Sipas tj, ditëve të fundit është bërë temë vendimi i MASHT në lidhje me aplikimin online për tu pajisur me libra shkollor!

    Ky vendim, Raka thotë se përveq që është i vonuar, ka krijuar pasiguri dhe konfuzitet tek qytetarët (mënyra e aplikimit, bartja e mjeteve financiare me kohë, mungesa e librarive në shumë vende etj.)

    “Në mënyrë që të evitohen mosmarrëveshjet dhe vonesat e tilla, DKA në komunën tonë (Kaçanikut) në bashkëpunim me drejtorët e shkollave fillore duhet ti rishikojnë gjendjen e librave të dorëzuara në fund të çdo viti nga ana e nxënësve dhe të përpilojnë listën e atyre nxënësve që nuk kanë mundësi ti blejnë në mënyrë që tu ofrohen ato libra për shfrytëzim. Duhet të ndërmerren hapa tilla për ti ikur shtyrjes së procesit mësimor”, ka shkruar ai.

  • NASA ka publikuar pamjet e fluturimit dhe uljes së helikopterit Ingenuity në Mars

    NASA ka publikuar pamjet e fluturimit dhe uljes së helikopterit Ingenuity në Mars

    Helikopteri Ingenuity kreu një fluturim provë në Mars dhe gjithçka u filmua nga roveri Perseverance.

    Dendësia e atmosferës në Mars është vetëm 1 për qind e asaj të Tokës, duke e bërë shumë më të vështirë për anijen kozmike gjenerimin e ngritjes së nevojshme për fluturim.

    Megjithatë, helikopteri eksperimental Ingenuity i agjencisë amerikane të hapësirës NASA është projektuar për të prodhuar ngritje duke përdorur rotorët në kushte kaq unike dhe deri më tani ka përfunduar më shumë se 50 fluturime.

    Roveri Perseverance i NASA-s së fundmi regjistroi fluturimin e 54-të të helikopterit në Mars, i cili u zhvillua në fillim të gushtit. Pasi Ingenuity përjetoi një anomali që shkaktoi uljen e shpejtë të tij, NASA kreu këtë test për të siguruar që sistemi i navigimit ishte ende duke punuar pa probleme dhe rezultati i testit ishte pozitiv, transmeton Telegrafi.

    Videoja tregon Ingenuity duke nisur rrotulluesit e saj dhe duke qëndruar pezull rreth pesë metra mbi sipërfaqe dhe më pas duke u ulur.

    Perseverance e filmoi këtë test nga një distancë prej 55 metrash.

    Përndryshe, roveri, së bashku me partnerin e tij, eksploron shkëmbinjtë dhe dheun duke kërkuar “objekte, substanca dhe/ose mostra origjina e të cilave kërkon një agjent biologjik”.

    “Një qëllim kryesor i misionit të roverit në Mars është astrobiologjia, duke përfshirë kërkimin e shenjave të jetës mikrobiale të kaluar”, njoftoi NASA.

  • KF Suhareka, klubi i sapo formuar me synimin e vetëm Superligën

    KF Suhareka, klubi i sapo formuar me synimin e vetëm Superligën

    Përgaditi: Zeqir Hasani

    Tashmë qyteti i Suharekës ka edhe një klub të ri, mirë të organizuar, fond kualitativ të futbollistëve. bëhet fjalë FC Suhareka i cili u formua muaj më parë, e sot është një nga pretendentët kryesorë për inkuadrimin në Super Ligë.

    Klubi nga qyteti i vogël i Suharekës, veç se ka debutar në Ligën e Parë, ku ka arritur edhe fitoren e parë ndaj Drenicës fundjavën që lamë pas.

    Pesë pronar, pesë shokë e filluan këtë projekt e që nga fillimi nuk dukej për shumë kë, projekt serioz megjithatë pas shumë investimeve sot është një nga klubet më të organizuara në Kosovë.

    Drejtori i klubit Lulzim Kolgeci, për mikrofonin e ATV-së na tregoj më shumë rreth planeve të Suharekës këtë edicion, derisa nuk la pa përmendur edhe projektin e klubit për ndërtimin e stadiumit të saj.

    Ndër të tjera Kolgeci foli edhe për rivalitetin lokal ndaj Ballkanit, me drejtorin që tregoj se kur Suhareka do të bëhet rival kryesor i klubit portokall e zi.

    E derisa Kolgeci na tregoj për organizimin, trajneri i kësaj skuadre Granit Begolli, foli më shumë rreth përgatitjen e skuadrës, deri sa nuk e fshehu synimin kryesor këtë edicion.

    Ekskluzivisht për ATV-në folën edhe dy prurjet bombastike nga Gjilani këtë edicion, Mevlan Zeka dhe Yll Hoxha, që treguan se çfarë i bindi për të nënshkruar me Suharekën.

    Edhe pse në kushte jo të favorshme për stërvitje, grupi dukej shumë optimist dhe stërvitej me pasion, për një qëllim të vetëm Superliga.

    Kujtojmë se në ndeshjen e ardhshme Suhareka do të përballet me Dinamon, në kuadër të xhiros së dytë në Ligën e Parë.

  • Lëvizja FOL: Qeveria nuk ka realizuar as gjysmën e aktiviteteve të Planit Kombëtar

    Lëvizja FOL: Qeveria nuk ka realizuar as gjysmën e aktiviteteve të Planit Kombëtar

    Nga 175 aktivitete të parapara për gjashtë mujorin e parë të këtij viti, Qeveria e Kosovës ka arritur të realizoi vetëm 60 sosh.

    Kështu u tha në konferencën e “Lëvizjes Fol”, ku u publikuan të dhënat nga monitorimi i realizimit të aktiviteteve parapara për gjysmën e vitit, në kuadër të Planit Kombëtar për Zhvillim 2023-2025.

    Drejtoresha e “Lëvizjes Fol”, Mexhide Demolli tha se në analizimin e gjashtëmujorit të parë të Planit Kombëtar për Zhvillim të Qeverisë, kanë vërejtur mangësi të tepërta.

    Ndërsa, hulumtuesja e lartë, Albana Hasani ka treguar nga këto aktivitete të parapara, 82 prej tyre nuk kanë arritur të përfundojnë brenda afatit

    “Nga 175 aktivitete të parapara të përfundojnë në gjashtë mujorin e parë të vitit 2023 janë përfunduar vetëm 60. Nga këto aktivitete të parapara, 82 prej tyre nuk kanë arritur të përfundojnë brenda afatit. Për realizimin e 33 aktiviteteve nuk kemi pranuar përgjigje nëse janë realizuar apo jo”, tha ajo.

  • Takimi Zelensky-Vuçiq, deputeti ukrainas: Ukraina duhet ta njohë pavarësinë e Kosovës

    Takimi Zelensky-Vuçiq, deputeti ukrainas: Ukraina duhet ta njohë pavarësinë e Kosovës

    Deputeti ukrainas, Oleksiy Goncharenko, deklaroi sot se Ukraina duhet ta njohë pavarësinë e Kosovës. Këto komente ai i bëri pas takimit të presidentit të Ukrainës, Volodymyr Zelensky me presidentin serb, Aleksandër Vuçiq.

    Goncharenko ka shkruar në “X” se Serbia është aleate e Serbisë dhe se Ukraina nuk mund ta tërheq në anën e saj, shkruan KosovaPress.

    “Zelensky u takua me Presidentin e Serbisë. Serbia është aleate e Rusisë. Ne nuk do të mund ta tërheqim Serbinë në anën tonë. Dhe kjo nuk është për shkak se ne jemi shumë të këqij, por sepse popullsia e Serbisë mbështet Rusinë në një shumicë të pabesueshme. A duhet të takohemi atëherë? Po sigurisht. A duhet të kompromentojmë parimet tona? Jo. Ukraina duhet ta njohë pavarësinë e Kosovës”, tha thënë ai në “X”.

  • Aksident me fatalitet në Mitrovicë

    Aksident me fatalitet në Mitrovicë

    Sot me datën 22 gusht 2023, rreth orës 08:35, në rrugën ,,Agim Ramadani-Katana” në Mitrovicë, është shkaktuar një aksident trafiku, ku një automjet me targa vendore, deri sa kishte qenë në lëvizje për shkaqe të panjohura kishte goditur dy vetura të cilat kishin qenë të parkuara në këtë rrugë.

    Meqenëse drejtuesi i automjetit në lëvizje pëson lëndime trupore, me urgjencë dërgohet në emergjencën e spitalit Rajonal në Mitrovicë dhe si pasojë e lëndimeve pas pak kohe drejtuesi i automjetit të aksidentuar, i moshës 60 vjeçar, ndërron jetë.

    Me urdhër të prokurorit trupi i pa jetë i viktimës është dërguar në Institutin e Mjekësisë Ligjore.

  • ​Tahiri: Vendimi për librat provokon greva dhe dëmton arsimin e qytetarin

    ​Tahiri: Vendimi për librat provokon greva dhe dëmton arsimin e qytetarin

    Shefi i grupit parlamentar të Aleancës për Ardhmërinë e Kosovës, Besnik Tahiri ka deklaruar se Qeveria është e paaftë në relacion me politikën e Serbisë, siç është e paaftë edhe në çështjes së blerjes së librave. Sipas tij, në skandalin e përmasave ndërkombëtare për rezervat shtetërore, Qeveria gjen kohë të drejtoi gishtin te prokuroria dhe organet e sundimit të ligjit.

    Tahiri në një konferencë për media ka thënë se për rezervat shtetrore, tanimë dihet se 52.5 ton miell nuk kanë ardhur në Kosovë, po nuk ka ardhur as sheqeri dhe vaji. Sipas Tahirit, në dokumentet e prezantuara, dëmi i pretenduar është 61940 euro, transmeton KP.

    “Për këtë skandal, për këtë hajni, për këtë vjedhje e cila është ashiqare, qeveria e Kosovës heshtë, qeveria e Kosovës e akuzon gjyqësinë dhe prokurorinë. A jeni duke e parë që ky shtet që udhëhiqet nga kjo qeveri dhe ky pushtet nuk i beson shtetit të vet. Kjo qeveri dhe ky kryeministër, donë të ketë sistem të vetin, sistem paralel dhe nuk ka asnjë deklarim të vetëm që lidhet me kërkesën për hetim të pavarur dhe për të ndodhur një hetim i pavarur fillimisht duhet të shkarkohet ministrja e MINT-it, në mënyrë që sa më pak me qenë politika e ndikuar në hetim. Është një skandal i përmasave vendore dhe ndërkombëtare që lidhet me rezervat shtetërore dhe qeveria gjen kohë të drejtoj gishtin te prokuroria dhe organet e sundimit të ligjit”, tha ai.

    Tahiri u ndal edhe propozimi i Ministrisë së Arsimit lidhur me tekstet shkollore, ku tha se nuk ka logjikë në asnjë vend të merret dy javë para se të nis procesi mësimor.

    “Të provokohen grevat për shkak se ky vendim ka pas mundësi të merret qe dy apo tre muaj se dihet se me 1 shtator nis mësimi. Ky vendim është vendim me provoku greva në arsim, me dëmtuar arsimin publik, me prodhuar edhe një krizë dhe me dëmtu financiarisht qytetarin, respektivisht familjen e Kosovës. Kjo situatë, kjo krizë mund të ndalet vetëm me shkarkimin e kësaj qeverie. Kjo qeveri është duke e dëmtuar si në rrafshin ndërkombëtar, si në rrafshin e brendshëm, në atë politikë, ekonomikë Kosovën në masë të madhe“, tha ai.

    Ai shtoi se për AAK-në është e habitshme se si Qeveria po sillet edhe me çështje tjera, siç është deklaratat e ministrit të brendshëm të Serbisë, dhe nuk ka asnjë qëndrim politik dhe institucional nga Qeveria e Kosovës.

    “Neve nuk na befason asnjë qëndrim nga Qeveria e Serbisë i cili është armiqësor ndaj Kosovës për shkak se agjenda e tyre është armiqësore ndaj Kosovës. Neve na befason neglizhenca e Qeverisë së Kosovës, e kryeministrit ndaj këtyre deklaratave për shkak se në atë deklaratë po kontestohet shtetësia e Kosovës. Po ka reagim nga kryeministri i Shqipërisë e s’po ka nga kryeministri i Kosovës. Nuk ka logjikë kjo, kjo tregon për një paaftës. Pra emri i Qeverisë është qeveri, ndërsa mbiemri është paaftë. Kjo është qeveria e paaftësisë së Kosovës për të adresuar asnjë temë e cila lidhet me sovranitetin dhe shtetin e Kosovës”, tha ai.

    Sipas tij, kjo qeveri duhet të shkarkohet me mocionin e propozuar nga AAK dhe se në fillimin e punës së Kuvendit në shtator, kanë kërkuar që sesioni i punës të nis me një seancë të jashtëzakonshme dhe pikë e vetme të jetë mocioni për shkarkimin e Qeverisë.