Një fëmijë është braktisur nga prindërit e saj në Lipjan. Për rastin ka njoftuar policia e Kosovës. Policia ka hapur rast për “Keqtrajtim apo braktisje e fëmijës”.
“Lipjan 22.08.2023 – 16:00. Më 23.08.2023 është raportuar se viktima femër kosovare është braktisur nga të dyshuarit një femër dhe një mashkull kosovar. Rasti është duke u hetuar”, thuhet në njoftimin e policisë.
Lëvizja Vetëvendosje e ka publikuar videon e radhës në vazhdën e akuzave ndaj Prokrurorisë Speciale për mosveprim.
Ministri i Bujqësisë, Faton Peci është paraqitur në një video para një objekti të njohur në lagjen Ulipiana në Prishtinë, ngjitur me selinë kryesore të AAK-së, të cilin ai e quan “objekti të korrupsionit dhe i zhvatjes”.
Peci thotë se përkundër denoncimit të tij se në atë objekt që thotë se është i shtetit po ushtrohen shumë veprimtari të paligjshme, ska pasur “asnjë veprim nga Prokuroria Speciale”.
“Që nga viti 2012 në këtë objekt dhe përreth tij ushtrohen shumë veprimtari të paligjshme. Për të gjitha këto dukuri, tjetërsimin e dyshimtë të pronave, aneksimin, ndërtimet e vrazhda brenda objektit të Institutit Bujqësor të Kosovës para afër një viti unë kam denoncuar publikisht dhe ia kam ofruar të gjitha provat Prokurorisë së Shtetit”, tha Peci.
Ai e akuzoi drejtorin e këtij instituti, Fehmi Gecin se “bën sfilata në studio televizive dhe kërcënon me padi titullarin e institucionit, ndërsa në qendër të Prishtinës, në Ulipanë qëndron si ‘luan’ objekti i korrupsionit dhe i zhvatjes së tij”.
“Ky nuk është është protagonisti i vetëm”, thotë Peci, pa përmendur emra.
Ai tha se ka marrë vendim që “objekti t’i kthehet titullarit në shfrytëzim”
“Asnjë veprim nga Prokuroria Speciale- 700 metra katrorë lokale afariste të ndërtuara në mënyrë të kundërligjshme;- Tjetërsim dhe bartje e pronës nga shtetërore në private;- Shndërrim i oborrit në depo;- Mosveprim nga 5 ish-Ministra.E gjithë kjo, në pronë të Ministrisë së Bujqësisë dhe për asnjë moment nuk kemi parë ndonjë veprim nga ana e Prokurorisë Speciale”, thuhet në përshkrimin e videos.
Tre burra me shtetësi britanike, kanë raportuar të mërkurën në Policinë e Kosovës se disa persona të panjohur, nga një veturë në lëvizje kanë shtënë me armë zjarri në drejtim të tyre.
Dhe për pasojë, njëri prej tyre ka pësuar lëndime të lehta trupore.
Policia njoftoi se rasti ka ndodhur mbrëmë rreth orës 01:50 në rrugën “Rrafshi i Kosovës” në Prishtinë.
Po ashtu, në njoftim u tha se në vendin e ngjarjes janë gjetur tri gëzoja të pistoletës.
“Lidhur me rastin është intervistuar një i dyshuari mashkull kosovar, dhe nga ai është konfiskuar një pistoletë. Me vendim të prokurorit i dyshuari është liruar dhe rasti shkon në procedurë të rregullt”, thuhet në raportin 24-orësh të PK-së.
Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.
Në këtë emision, pos rubrikave të shumta argëtuese, është edhe rubrika me tregime popullore, të cilat i interpreton aktori Bislim Muçaj.
Mbrëmë, në ciklin e tregimeve popullore, u rrëfye një ngjarje e një bletari, i cili kishte lexuar shumë për bletët. Ai çdo herë fliste për bletët, ku shpesh herë edhe ekzagjeronte dobitë që sjellin ato.
Një ditë, ai shkon te vjehrri. Si zakonisht, ai vazhdon me shpjegimet e tij për bletët dhe arrin deri në një pikë sa vjehrri nuk e duron dot dhe i reagon.
Tregimin e plotë mund ta shikoni në videon më poshtë.
Presidentja, Vjosa Osmani ka uruar Ukrainën për Ditën e Pavarësisë.
Ajo ka shkruar se zemra e një kombi rreh brenda popullit të tij dhe në mes të hijeve të një lufte gjenocidale, shpirti i ukrainasve mbetet i pathyer.
“Zemra e një kombi rreh brenda popullit të tij dhe në mes të hijeve të një lufte gjenocidale, shpirti i ukrainasve mbetet i pathyer. Nga një tokë e forcës, demokracisë dhe shpresës në tjetrën, i urojmë popullit të guximshëm të Ukrainës Gëzuar Ditën e Pavarësisë”, ka shkruar Osmani.
Ukraina sot shënon 32-vjetorin e pavarësisë nga ish-Bashkimi Sovjetik.
Po këtë ditë bëhen mbi 1 vite prej kur Rusia ka nisur sulmin e paprovokuar ndaj Ukrainës.
Si pasojë e luftës kanë vdekur mijëra persona, janë zhvendosur miliona të tjerë dhe dëmet materiale sa shkojnë e rriten.
The heart of a nation beats within its people, and amidst the shadows of a genocidal war, the spirit of Ukrainians remains unbroken.
From one land of strength, democracy, and hope to another, we wish the brave people of Ukraine a Happy Independence Day! 🇽🇰🇺🇦 pic.twitter.com/zjC2rCRRzX
— Vjosa Osmani (@VjosaOsmaniPRKS) August 24, 2023
Të dhënat nga Tregtia e Jashtme e Mallrave në Kosovë tregojnë për një deficit tregtar më të lartë për 4,4% në muajin korrik 2023, në raport me periudhën e njëjtë të vitit 2022, gjegjësisht në vlerë prej 444,7 milion euro, krahasuar me deficitin prej 426,1 milion euro në vitin 2022. Eksporti mbulon importin me 13,1%.
Kështu ka bërë të ditur Agjencia i Statistikave të Kosovës.
Eksporti i mallrave në muajin korrik 2023 kishte vlerën 67,3 milion euro, ndërsa importi 512,0 milion euro, që është një rënie prej (-11,8%) për eksport, si dhe një rritje prej 1,9% për import, duke krahasuar me periudhën e njëjtë të vitit 2022.
Sipas të dhënave të grupeve kryesor të eksportit e përbëjnë: (22.2%) metalet bazë dhe artikujt prej tyre, (17.5%) artikuj të ndryshëm të prodhuar, (14.5%) plastikë,gomë dhe artikuj prej tyre, (10.6%) ushqimet e përgatitura,pijet dhe duhani, (6.3%) produkte bimore, (5.2%) tekstil dhe artikuj tekstili, etj.
Ndërsa sipas të dhënave të grupeve kryesore për import: 14,7% e përbëjnë produktet minerale; 12,9% e përbëjnë ushqimet e përgatitura, pijet dhe duhani; 11,7% e përbëjnë makineritë, pajisjet mekanike dhe elektrike; 11,1% e përbëjnë mjetet e transportit; 9,4% e përbëjnë metalet bazë dhe artikujt prej tyre; 6,7% e përbëjnë produktet e industrisë kimike; 5,7% e përbëjnë plastika, goma dhe artikujt prej tyre, etj.
Eksportet dhe importet e Kosovës me vendet e BE-së
Eksportet e Kosovës në vendet e BE-së arritën në 22,1 milion euro, ose rreth 32,9% të eksporteve të përgjithshme, me një rënie prej (-16,3%). Partnerët kryesorë për eksportin e mallrave në BE ishin: Gjermania (11,2%), Italia (5,1%), Holanda (3,1%), etj.
Importet e Kosovës nga vendet e BE-së ishin rreth 224,4 milion euro, ose 43,8% e importeve të përgjithshme, me një rritje prej 6,4%. Importet me pjesëmarrje më të lartë ishin nga: Gjermania (13,5%), Italia (6,0%), Greqia (4,8%), etj.
Eksportet dhe importet e Kosovës me vendet e CEFTA-s
Eksportet e Kosovës me vendet CEFTA-s arritën në 27,6 milion euro, ose 41,0% të eksporteve të përgjithshme, me një rritje prej 6,8%. Partnerë kryesorë për eksport nga vendet e CEFTA-s ishin: Shqipëria (14,3%), Maqedonia e Veriut (13,3%), Mali i Zi (6,0%), Serbia (5,5%).
Ndërsa, importet nga vendet e CEFTA-s në muajin korrik 2023, arritën në 73,9 milion euro, ose 14,4% të importeve të përgjithshme, me një rënie prej (-16,4%). Vendet me pjesëmarrje më të lartë për import ishin: Maqedonia e Veriut (5,9%), Shqipëria (5,4%), Serbia (1,3%).
Eksportet dhe importet e Kosovës me vendet e tjera të botës
Eksportet e Kosovës me vendet e tjera të botës arritën në 17,5 milion euro, ose 26,1%. Si partnerë më të rëndësishëm nga këto vende për eksport vlen të përmenden: SHBA (11,7%) dhe Zvicra (8,7%).
Ndërsa importet e Kosovës me vendet e tjera të botës arritën në 213,6 milion euro, ose 41,7%. Vendet me pjesëmarrje më të lartë për import në këtë grup ishin: Kina (12,8%) dhe Turqia (11,6%).
Ministria e Situatave të Emergjencave të Rusisë njoftoi të mërkurën në mbrëmje se një aeroplan privat “Embraer Legacy”, i cili po fluturonte nga Moska në Shën Petersburg, u rrëzua pranë fshatit Kuzhenkino në rajonin Tver.
Në aeroplan ishin 10 persona, përfshirë tre anëtarë të ekuipazhit, dhe të gjithë vdiqën. Udhëheqësi i ushtrisë mercenare ruse, Wagner Yevgeny Prigozhin, dhe komandanti i saj Dmitry Utkin ishin në listën e pasagjerëve.
Ky është raporti i parë zyrtar në nivel federal për vdekjen e tij. Mediat ruse publikojnë foto nga vendi i rrëzimit të një avioni biznesi Embraer ERJ-135BJ Legacy 600
Ndërkohë, raportohet se Putin është larguar urgjentisht nga Kursku.
Zotimet për marrëveshjen bazë dhe atë të Ohrit, nuk paraqesin ndonjë telashe për Presidentin e Serbisë, Aleksander Vuciq, që të ndalë lobimin kundër njohjeve të Kosovës. Pas darkës formale në Athinë, ai tha se ka marrë konfirmimin e Greqisë dhe Ukrainës për mosnjohjen e Kosovës.
Këto veprime të Vuçiqit, nga njohës të marrëdhënieve ndërkombëtare, po shihen si përpjekje për bllokimin e mundësive për Kosovën drejtë njohjeve të reja. Arbnor Sadiku thotë për RTV21 se Serbia po i shkel marrëveshjet e arritura deri më tani dhe se ai nuk do të ndalë lobimin kundër.
“Dihet të agjenda e Serbisë është kundër Kosovës dhe ata vazhdimisht janë përpjekë që ta pengojnë Kosovën që të mos anëtarësohet në organizata ndërkombëtare dhe të mos fitojë njohje të reja. Në këtë rast sigurisht që dy shtete që kanë qenë shumë afër… njohjes, kanë qenë Greqia dhe Ukraina. Por kemi parë që ende nuk ka një konstatim direkt nga Zelensky se do ta njohë Kosovën si shtet për vetë faktin se Ukraina e ka të kontestuar shetësinë e saj dhe praktikisht nuk është në situatë të volitshme që ta njohë Kosovën dhe si duket këtë ia ka konfirmuar edhe zotit Vuciq. Natyrisht edhe Vuciq ka lobuar kundër Kosovës se sa ka lobuar Kosova për ti marrë këto njohje.”
Politologu Albinot Maloku, konsideron se në takime të tilla si ai i darkës formale në Athinë, po shtyhen agjenda kundër Kosovës.
“Takimet e presidentit Aleksander Vuciq me presidentin Zelensky dhe kryeministrin Mitsotakis të Greqisë, në një formë ose tjetër ishte edhe lobim i presidentit Vuciq për të mos njohur këto dy vende republikën e Kosovës që në një rrethanë osr tjetër ishte prit, që të ketë edhe një cështje qe ndërlidhet me njohjen e republikës së Kosovës. Kjo nuk ndodhi dhe se gjithsesi këtë takim e shoh një formë te lobimit të Serbisë per mosnjohjen e Kosovës nga këto dy vende. Vetë deklarimi i ministrit të puneve te jashtme të Serbisë se Greqia dhe Ukraina nuk guxojnë ta njohin Kosovën për arsye të veta që ndërlidhen me deklaraten e Athinës ku bëhet fjalë për ruajtjen e integritetit dhe sovranitetit të Ukrainës, konsideroj që Serbia po vazhdon të shkelë marrëveshjen e pajtuar dhe se kjo nuk është aspak situatë ku BE të mos kishte një qëndrim për këtë cështje.”
Për deklarimet lobuese të Vuçiqit kundër Kosovës, zëdhënësi I BE-së Peter Stano ka dhënë një përgjigje të shkurtër për media, ku ka theksuar se se “rregull të përgjithshëm e kanë të mos komentojnë mbi komente”.
Peter Stano, zëdhënës i BE-së
“Si rregull e përgjithshëm ne nuk komentojmë mbi komentet. Ne e kemi bërë mjaft të qartë qëndrimin tonë gjatë ditëve e javëve të fundit dhe nuk ka asgjë të re që duam të shtojmë në këtë fazë”, ka thënë Stano.
Në takimin e Athinës, u tha se kryeminsitri Kurti nuk ka përmendur fare çështjen e njohjes së Kosovës nga Greqia dhe Ukraina.
Lideri i mercenarëve të grupit Wagner, Yevgeny Prigozhin është konfirmuar si një prej 10 viktimave që ndodheshin në bordin e avionit privat Embraer-135, sipas Agjencisë Federale të Transportit Ajror në Rusi.
Agjencia ka konfirmuar po ashtu se nga rrëzimi i avionit të mërkurën në mbrëmje në rajonin Tver, ka humbur jetën edhe numri dy i Wagner, Dmitry Utkin.
“Dmitry Valeryevich Utkin, Heroi i Rusisë dhe mbajtësi i katër Urdhrave të Guximit, i njohur gjithashtu në të gjithë botën me nofkën Wagner, i cili ishte dhe pas incidentit do të jetë komandanti i përhershëm i grupit Wagner – vdiq si rezultat i veprimeve të tradhtarëve të Rusisë. Por edhe në ferr ai do të jetë më i miri! Lavdi Rusisë!”, thuhet në një reagim të grupit mercenar në Telegram.
Utkin, i njohur dhe me nofkën Wagner është në listën e pasagjerëve ku bëjnë pjesë edhe Sergei Propustin, Evgeny Makaryan, Alexander Totmin, Valery Chekalov dhe Nikolai Matyuseev.
“Aeroplani Embraer-135 po fluturonte në bazë të një leje për të përdorur hapësirën ajrore”, thuhet në njoftimin e Agjencisë Federale të Transportit Ajror ku bashkëngjitur listohen emrat e pasagjerëve.
Ndërkohë, edhe ministria ruse e Emergjencave ka njoftuar se të 10 personat në bordin e avionit privat kanë vdekur.
“Aeroplani Embraer po fluturonte nga Sheremetyevo për në Shën Petersburg. Në bord ndodheshin tre anëtarë ekuipazhi dhe shtatë pasagjerë. Të gjithë vdiqën”, tha një zyrtar i ministrisë për TASS.
Përplasja fatale ndodhi pranë fshatit Kuzhenkino, 60 milje larg Moskës dhe rreth 30 minuta pasi avioni ishte ngritur në ajër.
10 persona kanë vdekur pas rrëzimit të një aeroplani në Rusi, ku raportohet se në mesin e pasagjerëve ka qenë edhe udhëheqësi i Wagnerit, Yevgeny Prigozhin.
Por, autoritetet ruse nuk e kanë konfirmuar zyrtarisht se Prigozhin është në mesin e pasagjerëve të vdekur, shkruan Sky News.
Keir Giles, ekspert i Rusisë, pjesë e grupit të ekspertëve për çështjet ndërkombëtare “Chatham House”, kërkoi të ketë kujdes në lidhje me raportet për vdekjen e Prigozhin.
“Shumë individë kanë ndryshuar emrin e tyre në Yevgeniy Prigozhin, si pjesë e përpjekjeve të tij për të ‘errësuar’ udhëtimet e tij. Le të mos habitemi nëse ai shfaqet së shpejti në një video të re nga Afrika”, është shprehur ai.