Author: ATVLive

Ish-ministri gjerman për Europën, Michael Roth i ka reaguar presidentit të Serbisë, Aleksandar Vuçiq duke i thënë se vrasja e njerëzve është një krim i tmerrshëm.

“Për mua nuk ka rëndësi se nga vijnë viktimat dhe autorët. Nuk më interesojnë fare kombësitë apo etnitë. Edhe kosovarët edhe serbët meritojnë të jetojnë në paqe, siguri, dinjitet, liri dhe kufij të sigurt”, ka shkruar ai në X.

Dear Mr. President @avucic! Killing people is a terrible crime. It doesn't matter to me where the victims and perpetrators come from. I don’t care nationalities or ethnicities at all. Both Kosovars and Serbs deserve to live in peace, security, dignity, freedom and safe borders.

— Michael Roth – official 🇪🇺🇺🇦 (@MiRo_SPD) September 24, 2023

Policia e Kosovës ka njoftuar se sot do të mbahet mbledhje komemorative për rreshterin Afrim Bunjaku që u vra dje në Zveçan nga një sulm terrorist i serbëve.

Kjo mbledhje do të nisë në orën 12:30, në amfiteatrin e Bibliotekës Kombëtare.

“Nën patronatin e Ministrit të Ministrisë së Punëve të Brendshme dhe Drejtorit të Përgjithshëm të Policisë së Republikës së Kosovës, me rastin e rënies heroike në kryerje të detyrës në veri të Republikës së Kosovës, të rreshter Afrim Bunjaku, organizohet mbledhje komemorative, ku do të marrin pjesë familja e rreshter Afrim Bunjakut, personalitetet më të larta vendore dhe ndërkombëtare si dhe eprorë e zyrtarë policorë”.

Analisti politik Shkelzen Maliqi vlerëson se terroristët e shërbimeve sekrete serbe dhe ruse, si duket e kanë pas qëllimin e inskenimit të masakrës në Manastirin Banjska, ku viktimat do të ishin pelegrinët nga Vojvodina dhe murgët serbë, për ta akuzuat pastaj policinë e Kosovës si terroriste dhe kështu nxitur rebelimin e serbëve më veri dhe arsyetuar intervenimim ushtarak për gllabëritjen e Veriut të Kosovës.

Sipas tij, ky nuk është skenar i panjohur.

“Kështu ka qenë e organizuar masakra në kazermën e Paraqinit ku u vranë në gjumë pesë ushtarë të armatës jugosllave dhe si vrasës u akuzua shqiptari Aziz Kelmendi, i cili u gjet i vramë në një pyll afër kazermës dhe u tha se e ishte vetëvrarë. Pas rastit të Paraqinit Sllobodan Milisheviqi morri pushtetin e plotë në Serbi dhe nisi projektin e shkatërrimit të Jugosllavisë për ta krijuar Serbinë e madhe”, tha ai.

Sipas Maliqit, i ngjashëm ka qenë edhe rasti i vrasjes së 5 të rinjëve serbë në kafiterinë “Panda” në Pejë, për të cilin vetë presidenti Vuçiq ka pranuar publikisht se ka qenë i organizuar nga shërbimet sekrete serbe për ta paraqitur si krim të UÇK-së dhe shpallur atë .organizatë terroriste dhe jo çlirimtare. Prindëritë e viktimave në rastin Panda prej kohësh kërkojnë nga Vuçiq që të tregojë në prokurori të vërtetën se kush janë vrasësit e të rinjëve serbë, por ai po i shmanget premtimit se do ta bën këtë, me gjasa u bë pishman se e ka përmend fare.

“Banjska mundët të jetë rast që të ndriçohen edhe strategjia e inskenimit të krimeve makabre për të arritur kthesa historike jo vetëm si atë në Paraqin dhe Pejë por edhe në disa raste të ngjashme në luftën e Bosnjës, p.sh. Vrasjen me snajper të qiftit të dasmorëve serb në Sarajevë pas të cilit akt filloi lufta dhe rrethimi gati katërvjeçar i Sarajevës”

Nëse kjo sipas Maliqit vërtetohet në hetimet, e informatat dhe gjurmët çojmë në atë drejtim, policia dhe inteligjenca kosovare, me gjasa në bashkëpunim me atë perëndimore, do të arrijë një fitore të madhe në demaskimin e kësaj ligësie makabre me rrezik për paqen dhe sigurinë në rajon dhe më gjerë.

Ministri për Komunitete dhe Kthim në Qeverinë e Kosovës, Nenad Rashiq ka folur për ngjarjen në veri të Kosovës, të ndodhur të dielën.

Rashiq theksoi se nata në Banjskë të Leposaviqit ka kaluar e qetë, pavarësisht se ngjarja tensionuese ka ndodhur dje.

“Askush nuk e di se çfarë mund të ndodhë më pas. Dje ka qenë në punë një lloj formacioni paraushtarak që veproi në një mënyrë që, së pari, për mendimin tim është absolutisht jonormale dhe se ndodh një vrasje e një polici dhe më pas që manastiri dhe rrethinat e tij përdoren për veprime të mëtejshme, dhe besoj se kjo nuk na ndodh kurrë ne besimtarëve serbë. E gjithë kjo e bën edhe më absurde këtë ngjarje. Është e sigurt që hetimet për autorët do të vazhdojnë, ju e dini që ishin rreth tridhjetë të tillë”, tha Rashiq dhe shtoi se shumica e serbëve jetojnë në jug dhe shumë prej tyre kanë frikë se situata mund të përshkallëzoi.

Rashiq theksoi se terroristët serbë që vranë policin Afrim Bunjaku dyshohet të jenë të paguar.

“Besohet se janë paguar për këtë, nuk e di se kush e ka organizuar, por jam i sigurt se nëse ka ndodhur kështu, jam i sigurt se autoritetet e rendit në Serbi do ta dinin”, ka thënë ai.

Sipas asaj që ka thënë Rashiq, ata dyshohen të kenë marrë pjesë në trajnime nga policia ushtarake dhe strukturat e sigurisë në Serbi.

Në Kosovë është shpallur ditë zie, vendimi është marrë nga presidentja Vjosa Osmani në shenjë respekti për policin e vrarë në afërsi të Banjskës.

Presidentja Osmani, në përputhje me kushtetutën, ka vendosur që e hëna e 25 shtatorit të shpallet ditë zie kombëtare për nder të policit Afrim Bunjaku, i vrarë në veri të Kosovës.

Policia e Kosovës ka konfirmuar se tashmë e ka marrë nën kontroll Manastirin e Banjskës.

Ata thanë se kanë arrestuar edhe një sulmues tjetër i cili ishte i uniformuar dhe i armatosur rëndë.

Nga policia ritheksuan se 3 sulmues janë të vrarë dhe disa të tjerë të arrestuar.

Organet e rendit poashtu thanë se në orët e mbrëmjes intensiteti i sulmeve ka rënë.

Ndërsa në afërsi të Manastirit ata thanë se janë gjetur armatime të shumta.

Postimi i plotë:

Si rezultat i përkushtimit dhe angazhimit të njësiteve relevante policore, në kuadër të perimetrit të caktuar të sigurisë është arrestuar edhe sulmuesi i dytë, i cili gjithashtu ka qenë në uniformë ushtarake dhe i armatosur me armë të gjata dhe municion.

Deri më tani sipas informacioneve nga terreni tre sulmues janë vrarë, janë arrestuar dy sulmues dhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë.

Në orët e vona intensiteti i sulmeve ndaj zyrtarëve policorë ka rënë, por situata e sigurisë ende vazhdon të jetë e tensionuar, përderisa njësitet policore gjatë kontrollit në disa lokacione, objekte banimi dhe në disa automjete që janë përdorur nga grupi terrorist për bllokim të rrugëve, përfshirë automjetet që kanë qenë përreth manastirit në Banjskë, janë gjetur të mbushura përplot me arsenal armësh.

Sipas informacioneve fillestare bëhet fjalë për gjetjen e dhjetëra, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov etj. etj.

Policia e Kosovës nën udhëheqjen e prokurorit të Prokurorisë Speciale të Republikës së Kosovës, në bashkë koordinim edhe me EULEX-in dhe KFOR-in, kanë hyrë në objektet përcjellëse të manastirit të Banjskës, për realizim të detyrave zyrtare.

Presidenti i Serbisë Aleksandar Vuçiq në një paraqitje për media ka thënë se Serbia nuk e ka furnizuar me uniforma dhe armë grupin terrorist që sulmoi policinë e Kosovës sot.

I pyetur nga N1, një medium që kritikon politikat e Vuçiq, se kush i ka armatosur sulmuesit, kush u ka dhënë uniforma dhe si ka mundur që të mos ketë informacion nga veriu i Kosovës, Vuçiq ka reaguar me nervozë duke e akzuar gazetaren për insinuata.

“Këto pyetje pasqyrojnë se si duket lufta speciale kundër Serbisë. Në atë pyetje keni parë insinuata se Serbia ka ofruar uniforma të ushtrisë apo policisë. Këto nuk janë uniforma të ushtrisë serbe. Uniformat blihen kudo në treg. E patë që nuk kishte mjete dhe armë speciale. Kam muaj që them se në veri po rritet rezistenca dhe rebelimi, ndër të tjera, sepse nuk mund të hyjmë pa lejen e KFOR-it. Unë fola me disa përfaqësues të Listës Serbe, ata janë të tmerruar, janë me njerëzit e tyre, pa marrë parasysh se kush janë ata… Për sa u përket personave të mbyllur, nuk mendoj se problemi është se kanë qenë të mbyllur , por se Policia shqiptare qëlloi në ato shtëpi”, tha ai. Vuçiq, i cili shtoi se kjo është “spini më i keq”.