ATV

Author: ATVLive

  • Ministri turk i Mbrojtjes thotë se dialogu është rruga e vetme për paqe e stabilitet në rajon

    Ministri turk i Mbrojtjes thotë se dialogu është rruga e vetme për paqe e stabilitet në rajon

    Ministri i Mbrojtjes i Turqisë, Yasar Guler, tha se dialogu është rruga e vetme për paqe dhe stabilitet në rajon. Sipas tij, raportet e Turqisë me Kosovën si partner në Ballkan do të vazhdojnë në të gjitha fushat, raporton EO.

    “Ne e përkrahim sovranitetin dhe tërësinë territoriale të Kosovës dhe anëtarësimin e saj në qarqet ndërkombëtare. E theksuam faktin që duke nisur nga Kosova, paqja lumturia dhe siguria në Ballkan për ne ishte çështje që kanë rëndësi të madhe”.

    “Ne themi se dialogu është rruga e vetme e paqes dhe stabilitetit në këtë rajon dhe theksuam se detyrën që kemi marrë, të komandantit të KFOR-it, do ta respektojmë me neutralitet të plotë”.

    Këto komente ai i ka bërë në një konferencë të përbashkët për medie të mbajtur pas takimit që e ka zhvilluar me ministri i Mbrojtjes të Kosovë Ejup Maqedonci.

  • Kurti: I tmerruar nga vrasja e dy shtetasve suedezë në Bruksel, duhet të qëndrojmë bashkë kundër terrorizmit

    Kurti: I tmerruar nga vrasja e dy shtetasve suedezë në Bruksel, duhet të qëndrojmë bashkë kundër terrorizmit

    Kryeministri Albin Kurti ka reaguar pas sulmit terrorist në mbrëmjen e së hënës në Bruksel ku u vranë dy shtetas suedezë.

    “I tmerruar nga vrasja e dy shtetasve suedezë në Bruksel. Ngushëllimet e mia të përzemërta familjeve që i humbën më të dashurit e tyre, kryeministrit suedez Ulf Kristersson dhe kryeministrit belg, Alexander Croo, në vazhdën e kësaj tragjedie”, ka shkruar Kurti.

    “Ne duhet të qëndrojmë së bashku në luftën kundër dhunës dhe terrorizmit”, ka shkruar Kurti.

    Dy persona janë qëlluar për vdekje në kryeqytetin belg, Bruksel, mbrëmjen e së hënës.

    Sipas policisë, personi i armatosur është larguar nga vendi i ngjarjes dhe është ende në arrati. Prokurorët thonë se rasti po trajtohet si terrorizëm.

    Dy viktimat thuhet të jenë suedezë.

  • Rezervat e gazit të Evropës janë pothuajse mbi 97 % plot, duke tejkaluar synimet

    Rezervat e gazit të Evropës janë pothuajse mbi 97 % plot, duke tejkaluar synimet

    Inventarët e gazit natyror në Evropë arritën një maksimum historik të hënën, duke mbrojtur vendet evropiane kundër çmimeve të larta të dëshmuara vitin e kaluar.

    Inventarët e gazit në të gjithë Bashkimin Evropian dhe në Mbretërinë e Bashkuar arritën në 1,114 teravat-orë (TWh), duke thyer rekordin e mëparshëm të datës 27 tetor 2019, kur arriti në 1,102 TWh, sipas të dhënave nga shoqata evropiane e operatorëve të gazit, Gas Infrastructure Europe ( GIE).

    Objektet nëntokësore evropiane e gazit (UGS) tani janë plot 97.89%, duke tejkaluar shumë synimin e BE-së prej 90% deri më 1 nëntor.

    Vendet e BE-së, të cilat përdorin rreth 400 miliardë metra kub gaz në vit, kanë një kapacitet depozitimi të gazit natyror prej 110 miliardë metra kub.

    Para Luftës Ruso-Ukrainase, 40% e gazit natyror të konsumuar në vendet e BE-së vinte nga Rusia. Megjithatë, me shpërthimin e luftës, eksportet e gazit natyror rus në BE kanë rënë ndjeshëm.

    Vendet e BE-së kishin zhvilluar korniza ligjore që urdhëronin mbushjen e objekteve nëntokësore të depozitimit të gazit natyror përpara muajve të dimrit për shkak të konfliktit midis Rusisë dhe Ukrainës.

    Tetëmbëdhjetë nga 27 shtetet anëtare të BE-së kanë objekte magazinimi të gazit natyror. Gjermania, ekonomia dominuese e Evropës, ka kapacitetin më të lartë të ruajtjes së gazit, në total 25.1 miliardë metra kub.

    Ky vend pasohet nga Italia me 20.2 miliardë metra kub, Holanda me 14.7 miliardë metra kub, Franca me 13.2 miliardë metër kub, Austria me 9.8 miliardë metër kub, dhe Hungaria me 6.9 miliardë metër kub.

    Ka gjithashtu disa kapacitete magazinimi të gazit natyror në Belgjikë, Bullgari, Republikën Çeke, Danimarkë, Spanjë, Kroaci, Poloni, dhe Rumani.

    Aktualisht, Rumania dhe Spanja kanë arritur kapacitetin e plotë të magazinimit, ndërsa Portugalia dhe Polonia kanë arritur në 99%, dhe Sllovakia, Gjermania dhe Republika Çeke kanë një kapacitet prej 98%.

    /AA/

  • Aksion i Njësisë Speciale në veri

    Aksion i Njësisë Speciale në veri

    Vazhdojnë veprimet e policisë, përkatësisht bastisjet lidhur me rastin Banjska. Policia e Kosovës është duke zhvilluar mëngjesin e sotëm një operacion në disa lokacione në veri, ka bërë të ditur policia.

    Zëvendëskomandanti i Policisë së Kosovës për rajonin e Veriut, Veton Elshani, nuk ka saktësuar se ku po zhvillohen bastisjet.

    Por, siç raporton portali serb nga veriu, Kossev, një prej bastisjeve aktualisht po kryhet në një objekt në rrugën Kolashinska, në afërsi të tre soliterëve, në pjesën veriore të Mitrovicës.

    Dy pjesëtarë të njësisë speciale të Policisë së Kosovës janë duke qëndruar para këtij objekti, gjegjësisht hyrjes së tij.

    Në anën tjetër të kësaj ndërtese ndodhen xhipa të policisë.

    Në të njëjtën kohë, bastisja është duke u bërë në njërën prej objekteve të Kombeve të Bashkuara, po ashtu në pjesën veriore të Mitrovicës, si dhe në vendbanimin Bërrdani.

    Elshani tha se për momentin nuk ka të arrestuar.

  • ​Vizita e Bidenit nuk do të ndërlikojë apo vonojë sulmin e mundshëm tokësor në Gaza

    ​Vizita e Bidenit nuk do të ndërlikojë apo vonojë sulmin e mundshëm tokësor në Gaza

    Ushtria izraelite nuk pret që një vizitë e planifikuar nga presidenti amerikan, Joe Biden të ndërlikojë ose vonojë çdo pushtim tokësor të Gazës, tha një zëdhënës për CNN të martën.

    Zëdhënësi ndërkombëtar i Forcave të Mbrojtjes të Izraelit, nënkoloneli Jonathan Conricus, i tha John Vause të CNN-it se ai beson se Biden mbështet fushatën e Izraelit për të mposhtur Hamasin.

    “Unë mendoj se presidenti tha gjithashtu se “Hamasi duhet të shkatërrohet” dhe ky është pikërisht qëllimi ynë ushtarak”, tha Conricus.

    Biden është planifikuar të mbërrijë në Izrael të mërkurën./CNN/

  • Kaq persona lindën dhe vdiqën në Kosovë gjatë muajit gusht

    Kaq persona lindën dhe vdiqën në Kosovë gjatë muajit gusht

    Në muajin gusht 2023 janë regjistruar 2 mijë e 273 lindje (brenda dhe jashtë Kosovës). Prej këtyre lindjeve të regjistruara, 1 mijë e 199 lindje janë meshkuj dhe 1 mijë e 74 lindje janë femra, raporton kp.

    Ndërsa, sipas raportit të fundit të Agjencisë së Statistikave të Kosovës, janë regjistruar gjithsej 821 raste të vdekjeve (brenda dhe jashtë Kosovës). Prej vdekjeve të regjistruara, 451 janë meshkuj dhe 370 janë femra.

    Gjithashtu sipas ASK-së gjatë këtij muaji janë regjistruar gjithsej 2 mijë e 264 kurorëzime (brenda dhe jashtë Kosovës), kurse shkurorëzime të ndodhura në Kosovë janë regjistruar 146 raste.

  • Lindi në banesë dhe vdiq në QKUK, drejtoresha e Neonatologjisë thotë se foshnja është pranuar në klinikë në gjendje të rëndë

    Lindi në banesë dhe vdiq në QKUK, drejtoresha e Neonatologjisë thotë se foshnja është pranuar në klinikë në gjendje të rëndë

    Një foshnjë ka vdekur në Klinikën e Neonatologjisë në Qendrën Klinike Universitare të Kosovës, ditën e hënë, foshnja ishte dërguar në klinikë pasi kishte lindur më datën 15 tetor në një banesë në Prishtinë.

    Drejtoresha e Klinikës së Neonatologjisë, Hajrije Ismaili ka thënë për Telegrafin se foshnja është pranuar në klinikë në gjendje të rëndë shëndetësore.

    “Ju informojmë se foshnja e gjinisë mashkull është pranuar në Klinikën e Neonatologjisë, po të njëjtën datë 15.10.2023 në ora 22:10 në përcjellje të nënës dhe dajës. Në pranim foshnja ka qenë në gjendje të rëndë e zbehtë, pa frymëmarrje spontane, pa tone të zemrës, me kordon umbilikal të pa përpunuar profesionalisht. Foshnja reanimohet, intubohet, ventilohet dhe bëhet masazhe kardiake dhe vendoset në ventilim mekanik”, ka treguar ajo.

    Më tej, drejtoresha tha se përkundër masave që kanë ndërmarrë, foshnja ka vdekur më 16 tetor, një ditë pas pranimit në klinikë.

    “Gjendja klinike e foshnjës ka qenë shumë e rëndë, po ashtu edhe analizat laboratorike kanë indikuar gjendje të rendë (acidoze respiratore, metabolike, anemi dhe në ekzaminime plotësuese: echo e trurit- edeme trunore). Është bërë trajtimi sipas të gjeturave klinike dhe laboratorike. Përkundër të gjitha masave reanimuese foshnja exiton me datën 16.10.2023 në ora 06:15min”, theksoi Ismaili.

    Më tej, ajo deklaroi se foshnja është transferuar në Institutin e Mjekësisë Ligjore për obduksion, në përcjellje të policisë, punëtores sociale, personelit neonatal dhe familjarëve.

    Lidhur me rastin sot ka njoftuar edhe Policia e Kosovës.

    “Nga Klinika e Gjinekologjisë është pranuar informata për një vdekje të një foshnje e cila ishte pranuar në klinikë më datë 16.10.2023 rreth orës 06:15. Lidhur me rastin është intervistuar dëshmitari mashkull kosovar i cili ka deklaruar se më datë 15.10.2023 rreth orës 21:30 motra e tij e ka lindur foshnjën në banesën e saj dhe më pas është dërguar në QKUK”, thuhet në njoftim.

  • Gjykatësja vendos kufizime ndaj komenteve të ish-presidentit Trump

    Gjykatësja vendos kufizime ndaj komenteve të ish-presidentit Trump

    Gjykatësja federale që drejton çështjen gjyqësore të hapur ndaj ish-presidentit Donald Trump me akuza për përpjekjet për përmbysjen e rezultatit të zgjedhjeve të vitit 2020, lëshoi të hënën një urdhër, i njohur si urdhër heshtjeje, që i ndalon ish-presidentit republikan të bëjë deklarata në lidhje me prokurorët, dëshmitarët e mundshëm dhe personelin e gjykatës.

    Urdhëri i Gjykatëses Tanya Chutkan merr rëndësi të veçantë në këtë fazë të procesit gjyqësor që akuzon ish-Presidentin Trump për konspiracion të paligjshëm për të përmbysur humbjen në zgjedhjet e vitit 2020 përballë demokratit Joe Biden.

    Ekipi i Prokurorit të posaçëm Jack Smith është shprehur i alarmuar nga një vërshim deklaratash kundër prokurorëve, gjykatëses dhe dëshmitarëve të ardhshëm. Prokurorët thonë se këto komente, rrezikojnë të dëmtojnë besimin e publikut tek sistemi gjyqësor dhe mund të frikësojnë personat që do të përzgjidhen për të dëshmuar, apo për t’u bërë anëtarë të jurisë gjyqësore.

    Gjykatësja Chukan tha se nuk do të ketë kufizime për deklaratat që kritikojnë Departamentin e Drejtësisë në përgjithësi, apo për deklaratat në lidhje me qëndrimin e ish-Presidentit Trump se procesi është i motivuar politikisht.

    Por, gjykatësja tha se zoti Trump nuk mund të bëjë “një fushatë njollosëse” ndaj prokurorëve dhe personelit të gjykatës. “Asnjë të akuzuari tjetër nuk do t’i lejohej të vepronte kështu, dhe unë nuk do ta lejoj për këtë çështje (gjyqësore)”, tha ajo.

    Avokatët e ish-presidentit kundërshtuan me forcë një urdhër heshtjeje të çfarëdo forme, duke thënë se kufizon në mënyrë jokushtetuese lirinë e fjalës në politikë. Një zëdhënës i ish-Presidentit Trump nuk iu përgjigj menjëherë një kërkese për të komentuar për vendimin e gjykatëses.

    Duke kërkuar këtë urdhër të gjykatës, ekipi i Prokurorit Smith e akuzoi kandidatin kryesues republikan për zgjedhjet e vitit 2024 se përdor sulmet në internet për të dëmtuar imazhin e anëtarëve të jurisë.

  • Begaj pret Macronin: Të dënohen aktet e dhunës së Serbisë në veri të Kosovës

    Begaj pret Macronin: Të dënohen aktet e dhunës së Serbisë në veri të Kosovës

    Në ditën e dytë të vizitës së tij në Tiranë, presidenti francez, Emmanuel Macron u prit nga homologu i tij shqiptar, Bajram Begaj.

    Përgjatë takimit, Presidenti Begaj bisedoi me Macron për integrimin evropian të Shqipërisë dhe zhvillimet në rajon.

    Kreu i Shtetit shprehu mirënjohjen, për mbështetjen e vyer që Franca dhe Presidenti Macron i kanë dhënë e i japin procesit të zgjerimit dhe të integrimit evropian të Shqipërisë dhe të vendeve të tjera të rajonit të Ballkanit Perëndimor nëpërmjet Procesit të Berlinit.

    Ai gjithashtu vlerësoi iniciativën e ndërmarrë një vit më parë nga Presidenti Macron, për lançimin e Komunitetit Politik Evropian, si një iniciativë që i jep më shumë mundësi Shqipërisë dhe vendeve të tjera kandidate në Bashkimin Evropian, të kenë më shumë akses në projektet e BE-së, veçanërisht në fushën e shkëmbimeve universitare dhe studentore.

    Presidenti Begaj falenderoi Macron, për kontributin në mbështetje të dialogut midis Kosovës dhe Serbisë, veçanërisht përmes planit të quajtur franko-gjerman, duke nënvizuar nevojën e mbështetjes së mëtejshme të këtij dialogu, por edhe të nevojës së dënimit dhe të çkurajimit të akteve të dhunës dhe të provokimeve në komunat e Veriut të Kosovës.

    “Kosova është vend sovran dhe i pavarur, dhe akte terroriste si ajo e Banjskës në Zveçan (24 shtator 2023), janë të papranueshme e të dënueshme për sigurinë e saj, por edhe të rajonit e të mbarë kontinentit evropian”.

    Presidenti Begaj vlerësoi se pesë vjet pas nënshkrimit të Deklaratës së Partneritetit Strategjik midis dy vendeve, marrëdhëniet midis Shqipërisë dhe Francës kanë hyrë në një fazë të re e shumë dinamike.

  • Vritet i dyshuari për vrasjen e dy tifozëve suedezë në Bruksel

    Vritet i dyshuari për vrasjen e dy tifozëve suedezë në Bruksel

    Policia në Bruksel ka njoftuar se ka qëlluar një burrë pas ishin vënë në kërkim të vazhdueshëm për personin e armatosur që vrau dy shtetas suedezë të hënën në mbrëmje.

    Bëhet e ditur se burri u qëllua në një kafene në lagjen Schaerbeek, raportuan mediat lokale, shkruan BBC.

    Prokurorët belgë konfirmuan vrasjen e një personi, por thanë se nuk mund të konfirmonin ende nëse personi ishte sulmuesi.

    Brukseli ka qenë në alarmin më të lartë terrorist pas sulmit të së hënës.