ATV

Author: ATVLive

  • ​Broja mund t’i bashkohet Interit në janar

    ​Broja mund t’i bashkohet Interit në janar

    Interi po planifikon një lëvizje për të nënshkruar me sulmuesin e Chelseat, Armando Broja në formë huazimi në afatin kalimtar të janarit.

    Kështu ka raportuar sot “La Gazetta dello Sport” e cila thekson se sulmuesi shqiptar mund të jetë duke kërkuar një skuadër të re, përcjellë KosovaPress.

    Pasi u shfaq në vetëm katër ndeshje për “Blutë” këtë sezon, Broja po lufton për më shumë minuta nën drejtimin e trajneri Mauricio Pochettino dhe mund të mendojë të shkojë në Itali në afatin kalimtar të janarit.

    Ai së fundi u rikthye nga një lëndim që e mbajti jashtë fushës për disa muaj, por forma e tij edhe më tutje nuk është në nivelin më të mirë të mundshëm.

  • KPK i reagon Vjosa Osmanit për mos-dekretimin të Isufajt

    KPK i reagon Vjosa Osmanit për mos-dekretimin të Isufajt

    Këshilli Prokurorial i Kosovës i ka quajtur deklarata tendencioze dhe tentim për ta shtrirë politikën në sistemin prokurorial ato të presidentes së Kosovës, Vjosa Osmanit, për mos-dekretimin për Kryeprokuror të Shtetit Blerim Isufajn.

    KPK me anë të një njoftimi për media po ashtu i ka bërë thirrje presidentes se nëse ka pasur presione dhe kërcënime, t’i dërgojë dëshmitë në organet kompetente, shkruan Gazeta Insajdeir.

    “Këshilli Prokurorial i Kosovës (KPK) ka mbajtur një takim të mbyllur, në të cilin ka diskutuar për situatën e krijuar pas njoftimit të Presidentes së Kosovës, znj. Vjosa Osmani, për mosdekretimin e Kryeprokurorit të ri të Shtetit, z.Blerim Isufaj, duke shprehur mospajtim të thellë ndaj deklaratave të saj, të ndërtuara mbi një rrafsh më tepër politik sesa kushtetues dhe ligjor, me arsyetime tejet të pabazuara dhe jashtëzakonisht tendencioze, të cilat i prezantoi sot në një konferencë për media”, thuhet në njoftim.

    Njoftimi i plotë:

    Këshilli Prokurorial i Kosovës (KPK) ka mbajtur një takim të mbyllur, në të cilin ka diskutuar për situatën e krijuar pas njoftimit të Presidentes së Kosovës, znj. Vjosa Osmani, për mosdekretimin e Kryeprokurorit të ri të Shtetit, z.Blerim Isufaj, duke shprehur mospajtim të thellë ndaj deklaratave të saj, të ndërtuara mbi një rrafsh më tepër politik sesa kushtetues dhe ligjor, me arsyetime tejet të pabazuara dhe jashtëzakonisht tendencioze, të cilat i prezantoi sot në një konferencë për media.

    KPK-ja ka mbajtur publikun të informuar vazhdimisht lidhur me komunikimet zyrtare dhe shkresat e adresuara në Zyrën e Presidentes, si dhe më herët edhe lidhur me procesin e përzgjedhjes së Kryeprokurorit të Shtetit, prandaj konstatoi se, Presidentja, si garantuese e zbatimit të Kushtetutës së Republikës së Kosovës, në konferencën e sotme për media vërtetoi përpjekjen sistematike për shtrirjen e ndikimit politik mbi sistemin prokurorial të Republikës së Kosovës, me ç’rast lidhur me këtë çështje prezantoi arsye të paqëndrueshme për mosdekretimin e kandidatit për Kryeprokuror të Shtetit, gjë që është në kundërshtim me normat ligjore dhe kushtetuese.

    Këshilli Prokurorial vlerësoi se, deklaratat e tilla publike përbëjnë ndërhyrje të drejtpërdrejtë në punën e sistemit prokurorial, përkatësisht në institucionin e Prokurorit të Shtetit.

    Lidhur me deklaratat e sotme se ka pasur presione dhe kërcënime, ftojmë Presidenten e vendit që nëse ka prova dhe dëshmi t’i dërgojë ato te organet kompetente, në mënyrë që të ndriçohen plotësisht, sepse sistemi prokurorial është institucion i veçantë kushtetues, i pavarur dhe i paanshëm, i cili kryen detyrën e vet në përputhje me mandatin kushtetues dhe ligjor.

    Me këtë rast, sa i përket vlerësimit të procedurës, Këshilli Prokurorial, theksoi se qëndron prapa procedurave të përzgjedhjes së Kryeprokurorit të Shtetit dhe se deklaratat e tilla, për kinse, evidentimin e të gjitha shkeljeve nga ana e KPK-së, janë në kundërshtim të hapur dhe në këtë kuptim, Presidentja e Republikës as nuk mund të emërojë ndonjë prokuror pa propozimin e Këshillit Prokurorial, por as nuk mund të refuzojë propozimin e Këshillit Prokurorial për emërimin e prokurorëve. Siç u tha më tej në këtë takim, e vetmja hapësirë ku Presidentja e Republikës, në kuptim të kompetencës në paragrafët 5, 6 dhe 7 të Nenit 109 të Kushtetutës së Republikës se Kosovës, ku mund të veprojë është që mund të refuzojë një propozim të Këshillit Prokurorial nëse ai/ajo nuk i përmbush kushtet formale, por kurrsesi ta refuzojë atë për arsye substanciale.

    Për më tepër, në bazë të Kushtetutës së Republikës së Kosovës, kompetenca e Presidentes së vendit për dekretim është e lidhur vetëm me propozimin e KPK-së, i cili në mënyrë unanime ka propozuar z. Blerim Isufaj, për pozitën e Kryeprokurorit të Shtetit.

    Në përfundim të këtij takimi, u tha se KPK-ja do të mbajë së shpejti një takim për të vendosur lidhur me hapat që do të ndjekë pas njoftimit të Presidentes për mosdekretimin e Kryeprokurorit të Shtetit.

  • Pezullimi i vizave për Kosovën s’mund të bëhet pa procedurë në Këshillin e BE-së

    Pezullimi i vizave për Kosovën s’mund të bëhet pa procedurë në Këshillin e BE-së

    Disa burime diplomatike brenda Bashkimit Evropian (BE) kanë sqaruar se nuk ka mundësi që një shtet në mënyrë të njëanshme ta pezullojë liberalizim e vizave për një shtet tjetër dhe se kjo mund të bëhet vetëm përmes një rregulloreje nga Këshilli i BE-së, pas një deklarate të presidentit të Francës, Emmanuel Macron, që shkaktoi huti në Kosovë të martën.

    Përderisa për shumë media në Kosovë Macroni “kërcënoi” me pezullimin e vizave për Kosovën kur tha të martën në Tiranë se “ne kemi bërë një gjest besimi për çështjen e vizave. Sa i përket Francës, ato [vizat] janë hequr sepse ne respektojmë fjalën e dhënë. E sot, fjala nuk po mbahet”, por burime brenda bllokut evropian thanë se Franca s’e ka bërë një kërkesë të tillë.Burime nga Brukseli thanë për Radion Evropa e Lirë të martën se pezullimi është i mundshëm vetëm përmes procedurave në Këshillin e BE-së “duke e përdorur rregulloren për mekanizmin e suspendimit të vizave“ nga viti 2018.

    “Franca, e as ndonjë shtet tjetër anëtarë i BE-së, për momentin nuk ka propozuar suspendimin e vizave për Kosovën, apo për Serbinë. Por, nëse do të ketë interes politikë, ajo mund edhe ta bëjë këtë“, ka thënë një burim i Bashkimit Evropian.

    Në prill të këtij viti, vendimi për liberalizimin e vizave për Kosovën u miratua edhe formalisht nga BE-ja dhe u botua në gazetën zyrtare të Bashkimit Evropian po të njëjtin muaj.

    Nga 1 janar i viti 2024 qytetarët e Kosovës pritet të udhëtojnë pa viza në 27 vende të BE-së, të cilat e përbëjnë të ashtuquajturën zonë Shengen.

    Për ta pezulluar këtë vendim duhet të merret një vendim tjetër nga Këshilli i BE-së. Kjo mund të bëhet me kërkesë ose nga Komisioni Evropian ose nga ndonjë shtet anëtarë. Pastaj, vendet anëtare të Këshillit mund të votojnë për pezullimin e mundshëm.

    Deri më tash vetëm një herë kishte ndodhur që një shtet anëtar i BE-së të kërkojë pezullimin e liberalizimit të vizave për një vend të rajonit.

    Më 2019, Holanda kishte kërkuar që të pezullohej liberalizimi i vizave për shtetasit e Republikës së Shqipërisë. Si arsyetim e kishte përmendur rrezikun që shtetasit e Shqipërisë të përfshirë në krim të organizuar në Holandë paraqesin për sigurinë kombëtare të këtij vendi.

    Por, Komisioni Evropian e kishte hedhur poshtë këtë kërkesë.

  • Çitaku: Diplomaci e Kosovës pa krye, në rënie të lirë

    Çitaku: Diplomaci e Kosovës pa krye, në rënie të lirë

    Në rënie të lirë e diplomaci pa krye e ka cilësuar nënkryetarja e Partisë Demokratike të Kosovës, Vlora Çitaku, diplomacinë e Kosovës pas kërcënimit që bëri presidenti francez, Emmanuel Macron, me kthim të vizave, dhe kundërpërgjigjen e ministres së Jashtme të Kosovës, Donika Gërvalla.

    Të martën, në një konferencë për media në Tiranë, Macron kërcënoi Kosovën me kthim të vizave “po që se nuk e mban fjalën e dhënë”. Lajmi u keqinterpretua në Kosovë si “vendim i Francës për pezullim të liberalizimit të vizave”. E pas kësaj reagoi ministrja Gërvalla në Twitter në një shprehje frënge “Et voila (Ja pra)”.

    Sipas Çitakut, deklarata e Macronit për pabesi në Kosovë është më e dëmshme se kërcënimi për viza. E reagimin e Gërvallës e ka cilësuar skandaloz.

    “Më i dëmshëm është konstatimi i Presidentit Macron për lidershipin e Kosovës si njerëz të pabesë që nuk e mbajnë fjalën, sesa deklarata për viza. Ndërkohë reagimi i Ministres së Jashtme skandaloz. Diplomaci pa krye. Në rënie të lirë”, ka shkruar ajo në Facebook.

  • Përplasje të njëpasnjëshme në Komision – pozitë e opozitë me akuza për keqpërdorime e mosvotim të marrëveshjeve

    Përplasje të njëpasnjëshme në Komision – pozitë e opozitë me akuza për keqpërdorime e mosvotim të marrëveshjeve

    Deputete të pozitës e opozitën janë përplasur në Komisionin për Mbikëqyrjen e Financave Publike, ku ishte duke u shqyrtuar Raporti i Auditimit për pasqyrat financiare vjetore të Ministrisë së Administrimit të Pushtetit Lokal, për vitin 2022, raporton Ekonomia Online.

    Përplasja erdhi pasi morri fjalën deputetja e VV-së Mirlinda Tishukaj-Sadiku, e cila duke i’u referuar shkeljeve të pakta të gjetura nga Auditorit për MAPL-në, tha se në të kaluarën është folur për shifra milionëshe, ndërsa tash tyre flitet për shkelje deri në 1 500 euro.

    “Është shumë mirë ministër që tani po flitet për 1 500 euro, më herët është folur me shifra 50 milionëshe”, tha ajo.

    Kryetarja e Komisionit Hykmete Bajrami, duke i’u përgjigjur deputetes së VV-së, tha se ata mund të flasin edhe milionat që sipas saj, janë keqpërdorur edhe nga Qeveria Kurti.

    “Nuk e di për cilët milion e ki fjalën, por mos mendo që mundesh me ofenduar. Mundem me fol për cilën periudhë dush. Por nuk është e vërtetë që në këtë Qeveri nuk flitet për miliona, si të duash kthemëni të milion e Martin Berishës, ndërkaq kthehemi te milionat e Nagip Krasniqi, nëse do kthehemi te milionat e Ridvan Muharremit. E kemi një raport që po flasim me shifra të vogla që gjetjet janë të vogla”, tha ajo.

    Deputet i VV-së, Halil Thaçi, tha se kryetarja e Komisionit është duke keqpërdor pozitës e saj.

    “Kryetare mos e keqpërdorni detyrën, e keq përdore me emër e mbiemër të njerëzve. Mos e keqpërdor pozicionim që e ki”, tha ai.

    Deputetja Sadiku tha se nuk ka ofenduar askënd, raporton EO.

    “Unë nuk e di në cilën pjesë ju ofendova. Unë e bërë një konstatim që vazhdimisht e bëni edhe ju. Unë as nuk ceka emra, bëra një konstatim që kamë të drejtë. Janë 100 kallëzime penale nëpër Ministri që nuk kanë gjetur epilog”, tha ajo.

    Në Komision pati edhe një përplasje tjetër, për mosvotimin e marrëveshjeve ndërkombëtare, të cilat nuk po kalojnë pasi dy partitë opozitare PDK e AAK, nuk po marrin pjesë në votim, si dhe për mos konstituimin e Komisionit hetimor për rezervat shtetërore, kjo ngase deputetët e VV-ja nuk po marrin pjesë në mbledhje.

    Deputeti i VV-së Halil Thaçi, tha se kjo parti nuk do të marr pjesë në konstituimin e Komisionit derisa opozita të votojë marrëveshjet ndërkombëtare.

    “Ejani votoni marrëveshjet ndërkombëtare ne do të vijmë në Komisioni Hetimore. Ejani të enjten ne i votojmë marrëveshjet ndërkombëtare, e po ashtu të enjten e bëjmë edhe komisioni hetimor”, tha ai.

    E deputeti i PDK-së Rashit Qalaj, tha se asnjë marrëveshje ndërkombëtare nuk do ta votojnë si parti.

  • Ambasadori amerikan në Kosovë Jeffrey Hovenier vizitoi Kolegjin AAB për t’u takuar me studentët

    Ambasadori amerikan në Kosovë Jeffrey Hovenier vizitoi Kolegjin AAB për t’u takuar me studentët

    Sot në Teatrin Kamertal të Kolegjit AAB u zhvillua vizita e ambasadorit amerikan në Kosovë Jeffrey Hovenier, i cili bashkëbisedoi me studentët dhe u përgjig në pyetjet e shumta që patën.

    z.Hovenier së pari foli për qëllimet dhe objektivat më kryesore që ka Ambasada Amerikane në Kosovë për të cilat tha se aktualisht janë tri.

    Integrimi i Kosovës në strukturat e sigurisë si NATO, zhvillimi i ekonomisë dhe qeverisja e mirë ishin tri pikat që përmendi ambasadori amerikan, duke shtuar se angazhimi për të përmbushur secilën nga to është evident çdo ditë.

    Tutje z.Hovenier përmendi edhe progresin që ka shënuar Kosova që nga shpallja e pavarësisë derisa shtoi se rinia luan rolin kyç në zhvillim e prosperitet të vendit.

    “Unë kam ardhur shumë herë këtu para pavarësisë dhe pas saj, kur e mendoj se si ka qenë Prishtina dikur dhe shoh rininë them se po të isha investitor do vija menjëherë në Kosovë dhe potencialin do e lija këtu, pasi të gjithë të impresionojnë me nivelin e tyre të edukatës dhe njohuritë për gjuhën angleze”, tha ndër të tjera Hovenier.

    Ambasadori Hovenier u pyet nga studentët për rolin e diplomacisë në problemet globale; marrëdhëniet tregtare ekonomike mes Kosovës dhe SHBA; ndikimin e të rinjve në zgjidhjet e problemeve në fushën diplomatike; liberalizimin e vizave etj.

    Në fund të vizitës rektori i Kolegjit AAB Lulzim Tafa falënderoi z.Hovenier për prezencën duke i dhuruar një nga librat e tij me titullin “On sundays do not call me”.

  • Ambasadori Szunyog viziton disa projekte të mbështetura nga Bashkimi Evropian në Ferizaj

    Ambasadori Szunyog viziton disa projekte të mbështetura nga Bashkimi Evropian në Ferizaj

    Zyra e Bashkimit Evropian në Kosovë organizoi disa aktivitete në Ferizaj. Shefi i Zyrës së BE-së, Tomas Szunyog ka vizituar disa projekte në komunën e Ferizajt.

    Duke nisur nga vizita që bëri tek Muralet që janë realizuar nga “Mural Fest Kosova”, ambasadori më pas vazhdoi tek shkolla e mesme “Kuvendi i Arbërit”, në të cilën u takua me “Klubin e Gjelbër”, e që diskutuan bashkë më nxënësit si të ketë një mjedis më të pastër.

    Szunyog po ashtu mori pjesë edhe në aktivitetin e mbjelljes së pemëve në këtë shkollë. Më pas vizita e tij vazhdoi tek bifurkacioni i lumit Nerodime, dhe në fund vizitën e tij e mbylli me diskutimin me përfaqësues të biznesit.

    Szunyog u shpreh i lumtur me projektin për panele diellore në shkollën që vizitoi. Ai tha se kjo bën kursime të konsiderueshme në faturat e energjisë elektrike.

    “E vizitova shkollën dhe në fakt më bëri përshtypje para së gjithash projekti specifik i paneleve diellore të shkollës, dhe duke folur me drejtorin dhe njerëz të tjerë e kuptoj që në fakt kjo bën kursime mjaft të konsiderueshme në faturat e energjisë elektrike, dhe mendoj se është një shembull i mirë se si ne mund të ndihmojmë konkretisht sektorin publik, por ne kemi si pjesë të këtij programi të kursimit të energjisë edhe mundësinë që shtëpitë private të kenë kursime të ngjashme”, tha Szunyog.

    Mes tjerash, Szunyog pas vizitës tek bifurkacioni i lumit Nerodime, vlerësoi këtë si një vend unik, dhe vendi i vetëm në Evropë kur një lumë shkon në dy dete të ndryshme.

    “Unë e kuptoj se ky është një vend shumë unik gjeografikisht, ky është i vetmi vend në Evropë kur një lumë shkon në dy dete të ndryshme, kështu që për mua është gjithashtu interesante të shoh këtë fenomen shumë unik gjeografik. Por gjëja e dytë që dua të them është se kemi pasur diskutime edhe në shkollë me nxënësit dhe përsëri më kanë bërë shumë përshtypje… Më kanë bërë gjithmonë përshtypje të rinjtë dhe studentët këtu, por kemi diskutuar konkretisht për çështjet se si studentët mund të ndihmojnë marrëveshjen e gjelbër, tranzicionin e energjisë, mbrojtjen e mjedisit, dhe përsëri idetë që ata sollën ishin të gjitha shumë interesante dhe shumë të menduara mirë, dhe mendoj se do të jetë e rëndësishme që kjo energji e të rinjve të vazhdojë. Dhe gjithashtu besoj se është shumë e rëndësishme të fillohet herët me edukimin për mbrojtjen e mjedisit, në mënyrë që fëmijët e vegjël dhe nxënësit të jenë të vetëdijshëm për rëndësinë e sjelljes së përgjegjshme dhe kursimit të energjisë në mënyrë që gjithçka të fillojë tashmë edhe në familje. Dhe përsëri, ne patëm një shembull të mirë të studentëve që mbledhin mbeturina, dhe ide të tjera rreth kursimit të energjisë, kështu që, mendoj se është shumë e rëndësishme, shembull shumë i mirë i transformimit të vërtetë, dhe në fakt mund të ndodhë transformimi për standardet evropiane”, tha Szyong.

    Të lumtur më vizitën u shprehën nga komuna e Ferizajt. Nënkryetari, Lulzim Aliu derisa ka falënderuar BE-në për ndihmën që po i jep Ferizajit me projekte, tha se ky bashkëpunim do të vazhdojë tutje.

    “Ka qenë një ditë e mirë, sepse kemi pas mundësinë të bashkëbisedojmë për bashkëpunimin që kemi pas në të kaluarën, dhe kemi arrit tek një investim që është bërë për më shumë se 10 vjet. Sigurisht se ambasadori është i kënaqur me atë që shihet bashkëpunimi, dhe dora e ndihmës që ka dhënë BE-ja për rastet e veçanta në këtë fushën e kulturës…Kështu edhe në bisedën më kryetarin jemi dakorduar që ky bashkëpunim të vazhdojë dhe të na ndihmojë edhe në kanalet tjera edhe për idenë që pushteti lokal të ketë ndihma më shumë…Jemi të lumtur për vizitën, sidomos në këtë kohën e fundit kur Kosova është sanksionuar, është shenjë e mirë që bashkëpunimi do të vazhdojë”, tha Aliu. /kp

  • ​Osmani: Garantimi dhe mbrojtja e sigurisë në vend janë prioritet

    ​Osmani: Garantimi dhe mbrojtja e sigurisë në vend janë prioritet

    Presidentja e Republikës së Kosovës, Vjosa Osmani priti në takim me ministrin e Mbrojtjes Kombëtare të Turqisë, Yasar Guler, ku ka folur edhe për gjendjen aktuale të sigurisë në Kosovë, si dhe për aktin e agresionit dhe sulmin terrorist të Serbisë që ndodhi më 24 shtator në Republikën e Kosovës, me ç’rast potencoi se garantimi dhe mbrojtja e sigurisë në vend janë prioritet.

    Presidentja e uroi për pozitën e tij si ministër në Republikën e Turqisë, si dhe e falënderoi Turqinë e në veçanti presidentin Erdogan për përkrahjen e vazhdueshme ndaj Republikës së Kosovës.

    Sipas një komunikate të Presidencës, gjatë takimit me ministrin u diskutua për bashkëpunim në fushën e mbrojtjes me theks të veçantë në trajnimet e FSK-së dhe shkëmbimin e intensifikuar me qëllim të avancimit të bashkëpunimit të përgjithshëm në fushën e sigurisë.

    “Ministri konfirmoi mbështetjen e palëkundur për Kosovën. Më tej, ministri Guler u shpreh mirënjohës ndaj Republikës së Kosovës veçmas me solidarizimin dhe ndihmën që Republika e Kosovës i pati ofruar Turqisë pas tërmetit shkatërrues në këtë shtet. Në takim, Osmani foli edhe për gjendjen aktuale të sigurisë në Kosovë, si dhe për aktin e agresionit dhe sulmin terrorist të Serbisë që ndodhi më 24 shtator në Republikën e Kosovës, me ç’rast potencoi se garantimi dhe mbrojtja e sigurisë në vend janë prioritet. Konfirmoi gatishmërinë dhe rëndësinë e bashkëpunimit me aleatët në këtë drejtim”, thuhet në komunikatë.

  • ​Macron: Vuçiq t’i dënojë prerazi sulmet e 24 shtatorit

    ​Macron: Vuçiq t’i dënojë prerazi sulmet e 24 shtatorit

    Presidenti i Francës, Emmanuel Macron ka thënë sot (e martë) se është përgjegjësi e presidentit të Serbisë, Aleksandër Vuçiq që t’i dënojë sulmet e 24 shtatorit në Banjskë të Zveçanit, ku mbeti i vrarë polici Afrim Bunjaku e u plagosën dy të tjerë.

    Në një konferencë për media të mbajtur me rastin e vziitës në Tiranë, Macron tha po ashtu se ka ndjekur tensionet mes Kosovës dhe Serbisë dhe se është përgjegjësi e të dyja palëve që të ndërmarrin hapa për shtensionimin e situatës.

    “Siç e dini, ne i ndjekim me shumë vigjilencë tensionet mes Prishtinës dhe Beogadit. Franca e Gjermania kanë bërë një propozim udhërrëfyes, që mendoj se është i fortë dhe i mirë dhe presim të respektohet nga të dyja palët. Mendoj se është përgjegjësi e Vuçiqit t’i dënojë prerazi sulmet e 24 shtatorit, sepse kontribuon në rikthimin e qetësisë në kufi. Dhe, në etapat e ardhshme ajo që presim nga autoritetet, nga të dyja palët [pala kosovare dhe serbe] është e thjeshtë: riorganizimi i zgjedhjeve në komunat e banuara me shumicë serbe, pjesëmarrjen e serbëve në zgjedhje e institucione, krijimi i asociacionit të komunave serbe nga autoritetet kosovare, kësaj radhe plotësisht dhe totalisht. Pres që Vuçiqi të jetë përgjegjës dhe të njëjtën gjë pres edhe nga presidentja dhe kryeministri i Kosovës”, tha ai.

  • Haradinaj-Stublla për deklaratën e Macronit: Kushtëzim mbi Kosovën për t’u kthyer në dialog

    Haradinaj-Stublla për deklaratën e Macronit: Kushtëzim mbi Kosovën për t’u kthyer në dialog

    Ish-ministrja e Punëve të Jashtme dhe Diasporës, Meliza Haradinaj – Stublla, ka reaguar pas deklaratës së presidentit francez, Emmanuel Macron, për sa i përket liberalizimit të vizave për Kosovën.

    Haradinaj – Stublla tha se konteksti i deklaratës së Macronit është i qartë, kushtëzim absurd e kërcënim joproporcional mbi Kosovën me vizat.

    “Kushtëzim absurd e ‘kërcënim’ joproporcional mbi Kosovën me vizat, për t’u rikthyer në dialog tashmë të dështuar të BE-së pa e mbajtur Serbinë përgjegjëse për krimin e agresionit të 24 shtatorit! Gjendje alarmante për diplomacinë kosovare”, tha Haradinaj – Stublla.

    Kujtojmë se mediat raportuan fillimisht sot se Macron deklaroi që Franca e ka pezulluar liberalizimin e vizave për Kosovën, por më pas doli se deklarata e presidentit francez ishte gabim në përkthim.