ATV

Author: ATVLive

  • Për herë të parë, disenjatori i njohur Philipp Plein po vjen nga Milano në Prishtinë, më 9 Nëntor në ALBI MALL!

    Për herë të parë, disenjatori i njohur Philipp Plein po vjen nga Milano në Prishtinë, më 9 Nëntor në ALBI MALL!

    Plein Sport, brendi lider i veshjeve sportive, ka hapur zyrtarisht dyqanin në Albi Mall.

    Disenjatori ikonë që qëndron pas brendit, Philipp Plein, do të marrë pjesë në ngjarjen e hapjes së madhe më 9 Nëntor 2023.

    Ky është një moment historik teksa Philipp Plein bën vizitën e tij inauguruese në Prishtinë.

    Pritja e tij për vizitën në Albi Mall dhe eventin e hapjes së brendit Plein Sport është shumë entuziazmuese.

    Të apasionuarit pas modës e kanë pritur me padurim këtë event dhe e gjitha do të ndodhë më 9 Nëntor 2023, duke filluar nga ora 18:30 në Albi Mall.

    Është një event që nuk duhet humbur nga adhuruesit e modës dhe admiruesit e z. Philipp Plein.

    Për ta bërë ngjarjen akoma më të veçantë, të ftuarit do të kenë mundësinë të takojnë personalisht z. Philipp Plein.

    Një motiv shtesë i kësaj ngjarje: 10 blerësit e parë gjatë eventit do të marrin një autograf ekskluziv, të personalizuar nga z. Philipp Plein.

    Bëhuni gati për të qenë pjesë e një momenti që po sjell risi në veshje sportive dhe modë, derisa Plein Sport bën debutimin e shumëpritur në qendrën më të madhe të modës në Prishtinë, pikërisht këtu në Albi Mall.

    Ju ftojmë më 9 Nëntor, në festën që do të lë gjurmë të përjetshme tek ju, me Plein Sport dhe z.Philipp Plein në Albi Mall!

  • “Jam distancuar nga deklarimet e mia” – Dedaj mohon që Thaçi e ka kërcënuar me vrasje

    “Jam distancuar nga deklarimet e mia” – Dedaj mohon që Thaçi e ka kërcënuar me vrasje

    Gjergj Dedaj ka vazhduar dëshminë e tij para Prokurorit të Specializuar pranë Gjykatës Speciale ku ka thënë se është distancuar nga deklarimet që i ka dërguar në Speciale në vitin e kaluar pasi sipas tij, ai i ka bërë në gjendje të rëndë.

    Në pyetjen e Prokurores lidhur me një dëshmi të tij në maj të vitit 2014.

    “Prokurori ju pyet, kush ju tha juve të shkoni lart në mal, ju u përgjigjët: Hashim Thaçi, ai më kishte kapur dorën, më kishte shtrënguar dorën dhe më kishte thënë se kur të mbërrini në Prishtinë unë do të duhej të hiqja dorë nga funksioni i Nënryetarit të Parlamentit të Kosovës dhe nga posti i Presidentit të Partisë Liberale të Kosovës. Unë i thash se nuk do të hiqja dorë nga asnjëri prej këtyre funksioneve dhe nuk heqa dorë. Hashimi më tha edhe nëse je i lirë tani, ne mund të vrasim në Prishtinë, sepse i kemi njerëzit tanë në Prishtinë dhe ngjitëm malit”, tha prokurorja.

    Dedaj ka thënë se ndoshta ka pasur idhnim dhe deklarimet e tij i ka cilësuar si revanshuese dhe ekzagjëruese e të tepërta, shkruan Paparaci.

    “Nuk më kujtohet dhe me Hashim Thaçin jemi përshëndetur burrnisht, jo si tani që përshëndeteshim në Covid, por jemi përshëndetë si burrat me dorë, si duhet, dhe tjetër nuk më kujtohet. Unë me këto deklarata që i kam dërguar vitin e kaluar jam distancuar komplet sepse kanë qenë deklarata të dhëna në gjendjen time të rëndë, në procesin e rivarrimeve, ndoshta kam pasur idhnim, idhnime kam pasë shumë të mëdha, për ju të pabesueshme, ishalla kurrë nuk i përjetoni, dhe ndoshta edhe revanshuese dhe ekzagjëruese, të tepërta dhe nga të gjithat jam distancuar dhe të më ktheni në këto ju vetëm po i hapni plagët e Kosovës dhe plagët e mia dhe po e pengoni procesin e pajtimit dhe të faljes.”, tha ai.

  • Presidentja Osmani vizitë në Singapor, paralajmëron se do të jetë intensive

    Presidentja Osmani vizitë në Singapor, paralajmëron se do të jetë intensive

    Presidentja Osmani ka njoftuar se ka nisur një vizitë të shkurtër, por siç ka thënë ajo intensive në Singapor.

    Vizita to do të jetë e përqendruar në potencialin e partneritetit ekonomik ndërmjet dy vendeve.

    “Fillimi i një vizite të shkurtër por intenzive në Singapor, e përqëndruar në potencialin e partneritetit ekonomik ndërmjet vendeve tona.

    Singapori, dikur një ekonomi e papërfillshme, është shndërruar në pak dekada në një ndër vendet më të zhvilluara në botë, falë njerëzve punëtorë, vendimeve të mençura e strategjike, luftimit të korrupsionit, investimit në arsim dhe shndërrimit në kryeqendër për investime të huaja.

    Një shembull i shkëlqyeshëm për Kosovën!”, ka shkruar presidentja Osmani.

  • Joseph: Me propozimin e ri është përjashtuar modeli i Republikës Serbe

    Joseph: Me propozimin e ri është përjashtuar modeli i Republikës Serbe

    Profesori në Universitetin “Johns Hopkins” në Uashington, Edward Joseph në një lidhje të drejtpërdrejtë për “Lajmet e fundit” në RTK ka thënë se me propozimin e ri të draft-statutit të Asociacionit është eliminuar modeli i Republikës Serbe në Kosovë.

    “Me atë që kam dëgjuar unë, edhe pse nuk është gjë formale, propozimi i SHBA-së dhe BE-së e përmbyll këtë telashin mbi atë se a duhet të jetë Asociacioni në pajtim me vendimin e Gjykatës Kushtetuese. Sigurisht se duhet të jetë në pajtim me atë vendim dhe ky lloj misteri është sqaruar. Propozimi që është bërë është në pajtim me Kushtetutën e Kosovës dhe për aq sa kam kuptuar modeli i Republikës Serbe është lënë komplet jashtë. Në vend të këtij modeli është bërë një propozim krejt i ri, praktik, i arritshëm dhe që përmbush standardet kushtetuese dhe është në përputhje me atë kolumnen që është shkruar nga Derek Chollet dhe Gabriel Escobar”, ka thënë Joseph.

    Ai tutje ka thënë se jo detyrimisht duhet të publikohet tani draft-statuti i Asociacionit të Komunave me shumicë serbe, nëse qëllimi është që të arrihet një lloj marrëveshje e avancuar përtej asaj që ekziston.

    “Nganjëherë dokumentet duhet të mbahen të fshehta, larg publikut derisa është në negocim e sipër. Pra nuk është se detyrimisht duhet të publikohet. Pyetja është se çfarë do të jetë pozicioni përfundimtar i SHBA-ve dhe BE-së në veçanti dhe pastaj shteteve kyçe siç janë Franca, Gjermania, Italia dhe cili do të jetë pozicioni kur bëhet fjalë për Serbinë. Refuzimi i presidentit të Serbisë për ta nënshkruar marrëveshjen dhe pastaj refuzimi për ta zbatuar atë marrëveshje që e ka pranuar në Bruksel dhe Ohër”, ka theksuar profesori Joseph.

    Ai tutje ka thënë se më 6 tetor ia ka parashtruar pyetjen emisarit Lajçak në Malin e Zi se pse nuk e shfrytëzoni mundësinë, sidomos pas agresionit mbi Kosovën më 24 shtator në Banjskë.

    “Pse të mos përdoret kjo gjë dhe t’i prezantohet Beogradit propozimi merre ose lëre. Këtu Serbia vihet para pozicionit që ta pranojë plotësisht se do ta përmbush obligimin e saj ndaj Kosovës, që ka të bëjë me njohjen de-facto, njohjen e dokumenteve dhe simboleve dhe të mos e kundërshtojë anëtarësimin e Kosovës në organizatat ndërkombëtare. Pra pse të mos shfrytëzohet kjo lloj përparësie kur Beogradi dhe presidenti Vuçiq është në situatë të brishtë. Këtë pyetje ia kam bërë Lajçakut kur ai ishte në Malin e Zi muajin e kaluar. Ai nuk dha përgjigje publike, por pashë disa elemente të asaj që unë kam vërejtur në atë dokument të QUINT-it”, ka shtuar Joseph.

    Sa i përket takimit të nesërm të Lajçakut me partitë opozitare, ai ka thënë se kjo “është gjë e mirë që partitë opozitare të jenë pjesë e procesit dhe një hap i rëndësishëm për Republikën e Kosovës”.

    Sipas tij tani çështja është nëse ekziston tashmë vullneti politikë në SHBA dhe BE që t’i bëjnë presion palëve dhe ta përfundojnë këtë marrëveshje njëherë e përgjithmonë.

    “Më 26 tetor pas takimeve në Bruksel, Kosova është deklaruar se ka kërkuar nënshkrimin e dokumenteve nga Serbia. Unë besoj se kjo është kërkesë e arsyeshme në cilindo kontekst. Për mua kjo ishte kërkesë shumë e arsyeshme dhe SHBA dhe BE duhet të insistojnë te Serbia që ta nënshkruajë këtë dokumentet dhe dy dokumentet tjera të dakorduara më parë dhe përfundimisht të ndalet kjo lojë. A është marrëveshja që secila palë, Kosova dhe Serbia, duhet ta formalizojnë atë dhe të thonë ‘po kjo është ajo marrëveshje’. Si mund t’i besoj dikush fjalës së Serbisë se do të implementojë një marrëveshje e cila i ka këto elemente të rëndësishme të njohjes brenda – siç është mos kundërshtimi i anëtarësimit të Kosovës në organizatat ndërkombëtare. Si mund të besohet kjo kur presidenti Vuçiq nuk e nënshkruan këtë”, ka nënvizuar Joseph.

  • Dedaj vazhdon dëshminë në Speciale

    Dedaj vazhdon dëshminë në Speciale

    Në Dhomat e Specializuara të Kosovës (DHSK) në Hagë vazhdon gjykimi ndaj ish-krerëve të UÇK-së.

    Dje Gjergj Dedaj ka dhënë dëshminë për ngjarjen e vitit 1998 në Drenicë.

    Ai tha se nuk i kujtohen ngjarjet, për të cilat kishte dhënë deklaratë më herët para hetuesve të ZPS-së.

    Dëshmia e dëshmitarit Dedaj do të vazhdojë edhe sot, ku pas përfundimit të marrjes në pyetje nga Prokuroria, ai do të merret në pyetje edhe nga pala mbrojtëse e të akuzuarve në rastin “Thaçi dhe të tjerët”.

  • Prepolli: Bashkë me lojtarët në Prishtinë do të vijnë edhe disa forca të Izraelit

    Prepolli: Bashkë me lojtarët në Prishtinë do të vijnë edhe disa forca të Izraelit

    Arsim Prepolli, analisti i emisionit ‘EKIPI A’ në ATV, tha se nuk beson që do të ketë ndonjë incident në ndeshjen e Kosovës me Izraelin, pasi që sipas tij, pos masave që do t’i marrin forcat e rendit të Kosovës, do të ketë edhe forca speciale izraelitë, të cilët do të jenë afër lojtarëve çdo sekondë.

    “Mendoj që ka me qenë një lojë që ka me e kalu masën e rrezikshmërisë dhe mendoj që s’ka me pasë, sepse ka me qenë siguria në nivel, kur e shtojmë edhe rastin që kam dëgjuar që edhe Izraeli vjen me forcat e veta speciale që janë përkatës për këso ndeshje që janë për siguri shumë të mëdha, me futbollistët kanë me qenë thuajse çdo sekondë. Sa i përket stadiumit, unë mendoj se masat e rendit tek ne kanë me qenë shumë syçelë edhe nuk kanë me ardhë deri të një incident më i vogël. Sa i përket ndonjë parullë, ndonjë flamur apo fishkëllimë e himnit, ajo duke që nuk është masë e rrezikshmërisë shumë të madhe”, tha Prepolli.

    Emisionin e plotë e gjeni në videon më poshtë:

  • Çollaku: Nuk ka rrezik për ndeshjen Kosovë – Izrael

    Çollaku: Nuk ka rrezik për ndeshjen Kosovë – Izrael

    Profesori universitar dhe njohësi i çështjeve të sigurisë, Fatmir Çollakaj, në emisionin EKIPI A në ATV, tha se nuk ka ndonjë rrezik potencial në vend që do ta pengonte zhvillimin e ndeshjes Kosovë – Izrael.|

    “Rrezikshmëria është, por nuk është e lartë për faktin se elementet e huaja ose elementet e ndryshme të cilat mund të paraqitet si rrezikues potencial nuk e kanë as intensitetin as vëllimin e veprimit, i cili veprim rrezikon lojtarët ose do të rrezikonte ndeshjen, që i bie se deri më tani, në publik nuk ka informacione nga ana e Policisë dhe organeve të tjera se ka ndonjë kërcënim serioz, i cili do të ndikonte në shtyrjen eventuale të ndeshjes apo edhe të ndërmarrjes së masave dhe veprimeve tejet të shtuara, të mobilizuara”, tha Çollakaj.

    Ai tha se Policia do të marrë me kohë masat dhe veprimet e nevojshme për të parandaluar çdo veprim kërcënues nga kushdo.

    “Unë mendoj se kjo ndeshje duhet të mbahet dhe do të mbahet ditën e diel. Policia do të marrë me kohë masat dhe veprimet e nevojshme për të parandaluar dhe neutralizuar çdo faktor kërcënues nga kushdo që vjen dhe nga secila anë që mund të vijë”, vlerësoi Çollakaj. /atvlive.tv

    Emisionin e plotë e gjeni në videon më poshtë:

  • Njësia Speciale Intervenuese e Policisë sërish në protestë

    Njësia Speciale Intervenuese e Policisë sërish në protestë

    Pas protestës së një nëntorit, pjesëtarët e Njësitit Special Intervenues (NjSI) do të protestojnë sërish këtë të martë.

    Ata e kanë dorëzuar edhe paralajmërimin e protestës në stacionin policor “Qendra” në Prishtinë.

    Protesta pritet të fillojë në ora 12 deri në ora 12:30 me qëllim për të shprehur pakënaqësitë lidhur me pagën, rrezikshmërinë dhe shtesat e tjera.

    Burime të televizionit Dukagjini, kanë bërë të ditur së në protestën e së martës, do t’i bashkohen edhe disa njësi të tjera përfshirë edhe Drejtoria Kundër Terrorizimit.

    Derisa qëndrimi i tyre vazhdon të jetë i njëjtë, institucionet qendrore të Kosovës, përveç reagimeve në rrjetet speciale pas protestës së parë, nuk kanë bërë ndonjë hap tutje.

    Më 1 nëntor, NJSI-ja, njësiti më elitar i Policisë së Kosovës, u mblodhën para ndërtesës së Qeverisë të Kosovës.

    Ata kanë protestuar me kërkesën për kushte më të mira duke shprehur pakënaqësinë ndaj qeverisë për vendimin për shtesat e rrezikshmërisë.

    Bashkë me ta ishte edhe Njësia për Eksploziv dhe Deminim.

    Ata i kanë shprehur pakënaqësitë e tyre lidhur me shtesat që u janë ndarë nga Qeveria e Kosovës.

    “Njësia Speciale Intervenuese dhe Njësia për trajtimin e mjeteve eksplozive jemi mbledhur para objektit të Qeverisë së Kosovës për të protestuar dhe për të shprehur pakënaqësitë tona në lidhje me kategorizimin e rrezikshmërisë në punë sidomos përfshirjen e shtesave të parapara me ligj. Këto dy njësi janë të trajnuara dhe përgatitura me standardet më të larta ndërkombëtare, operatorët e këtyre njësive janë të specializuar dhe certifikuar në luftën kundër terrorizmit, lirimin e pengjeve dhe në rastin ku cenohet siguria kombëtare përkatësisht janë të specializuara në trajtimin e kërcënive me eksploziv dhe bomba gjithashtu edhe në situata ku rrezikshmëria vlerësohet tejet ekstreme prandaj jemi njësitë elite të Kosovës”, ka thënë një nga pjesëtarët e NJSI-së.

    Ai ka thënë se si njësi janë të përgatitur dhe të barabartë me njësitë elite të botës.

    “Jemi të përgatitura dhe të barabarta me njësitë elite të botës, një gjë të tillë e dëshmon pjesëmarrja dhe suksesi në shumë operacione policore dhe gara ndërkombëtare në të cilat kemi treguar rezultate të shkëlqyera”.

    Ndryshe, më 27 tetor, Qeveria e Kosovës prezantoi shtesat për rrezikshmërinë për pjesëtarët e Policisë së Kosovës.

    Shtesat janë ndarë në shtatë kategori, varësisht prej pozitave të zyrtarëve policorë.

    Për njësitë elitare, përkatësisht për Njësinë Speciale Intervenuese, Njësinë për Ndërhyrje të Shpejtë dhe Njësinë për Mbrojtje të Afërt, shtesat do të jenë 150 euro mbi pagën bazë.

    Ndërkaq, për Njësinë për eksplozivët dhe deminim, Qeveria tha se shtesa do të jetë në vlerë prej 120 eurosh.

  • Rruga anësore nën rrethrrotullimin e Lakërishtës, gati vitin tjetër

    Rruga anësore nën rrethrrotullimin e Lakërishtës, gati vitin tjetër

    Përgatiti: Sara Shehu

    Punimet me intensitet të lartë i nisën 2 javë më parë.

    Por pavarësisht kësaj, rrugë e re, e cila do të bëjë lidhjen me Fushë-Kosovën, nëpërmjet nënkalimit në rreth-rrotullimin e Lakërishtës, nuk do të jetë gati deri vitin e ardhshëm.

    “Aty janë duke vazhduar punimet me intensitet të lartë, por nuk mund të kaloj pa e ritheksuar faktin se këto punime kanë filluar për disa pengesa në projekt. Ndërkohë, punimet do të vazhdojë në nëntor dhe dhjetor, përurimi dhe fillimi i përdorimit të kësaj rruge do të bëhet nga muaji maj, apo qershor”, tha nënkryetari i Komunës së Prishtinës, Alban Zogaj.

    Sipas ekspertit të komunikacionit, Bekim Ahmeti, punimet për këtë rrugë kanë nisur në një kohë të papërshtatshme. Sipas tij, kushtet atmosferike do të ndikojnë në përfundim të projektit.

    Ndërsa, qytetarët teksa e mirëpresin këtë projekt, kritikojnë komunën që punimet nuk i ka nisur më herët.

    “Këto investime janë që bash i nevojiten qytetarëve. Për shembull ky investim ka me lehtësu komunikacionin, duke marrë parasysh se sa i dendur është trafiku, sidomos tek Bill Kllinton. Çdo projekt që ish bo sa më herët ish kanë për të mirën e qytetarëve e sa më vonë është më keq”, tha Idriz Servadiku, qytetar.

    “Epo komuna ka arsye që ka pas demek projekte ma të mëdha, e ky oshtë një segment ma i vogël, ka pas pengesa po masi osht tu punu, mirë oshtë”, tha Ilazi Ismaili, qytetar.

    Shtimi i një rruge anësore, vlerësohet se do të jetë zgjidhje për ngarkesën e trafikut në segmentin rrugor më të ngarkuar, atë “Tirana” dhe “Bill Clinton”.
    Vlera e këtij projekti është rreth 80 mijë euro.

  • Përurohet çerdhja në Shalë të Lipjanit, 30 euro pagesa për fëmiun

    Përurohet çerdhja në Shalë të Lipjanit, 30 euro pagesa për fëmiun

    Përgatiti: Donisa Fazliu

    Blerton Pajaziti nga Fshati Shalë e Lipjanit, që nga nesër fëmijën e tij do ta dërgojë në çerdhe.

    Madje, për të për gjashtë muaj nuk do të paguajë.

    Kjo është bërë e ditur nga kryetari i Lipjanit, Imri Ahmeti, me rastin e përurimit të çerdhes.

    “Çerdhja është një lehtësim shumë i madh e sidomos për neve prindërit që jemi të punësuar, do të jetë në përkujdesje të këtij institucioni parashkollor. Është një lehtësim shumë i madh, por edhe pagesa prej 30 eurove është shumë simbolike”, tha Blerton Pajaziti, prind.

    “Është çerdhja e parë që po e bëjmë dhe së shpejti edhe një në fshatin Rufc ku në total do të jenë katër çerdhe brenda dy viteve dhe natyrisht ndihem jashtëzakonisht mirë, sepse në këtë pjesë të largët nga qyteti, ka qenë jashtëzakonisht e nevojshme ku përveç Shalës e Krojmirit e fshatrat përreth mund t’i sjellin fëmijët e tyre në këtë çerdhe”, tha kryetari i Komunës së Lipjanit, Imri Ahmeti.

    Në këtë çerdhe familjarët do të paguajnë vetëm 30 euro për fëmijë.

    “Vështirësi të jashtëzakonshme kemi pasur për të futur stafin në listën e pagave sepse numrat janë të kufizuar dhe ne kemi arritë me hap duke punësuar në kuadër të departamentit të Arsimit. Çerdhja në gjashtë muajt e parë për të gjithë fëmijët do të jetë gratis, sepse duam ta shohim se sa do të jetë pjesëmarrja e fëmijëve në këtë regjion, ndërkaq pas gjashtë muajve pagesa simbolike do të jetë 30 euro, sepse dëshirojmë që të participojmë prindërit”, tha Ahmeti.

    Çerdhja ka kapacitet për 70 fëmijë dhe për ndërtimin e saj janë shpenzuar rreth 200 mijë euro.