Author: ATVLive

Shtetasi portugez R.S. (28), i dyshuari për vrasjen e biznesmenit Adrian Nikulaj, është ekstraduar në Shqipëri nga Maroku të dielën.

28-vjeçari u kap në Marok, dhe me kërkesë të Interpol Tiranës, u ekstradua.

R.S. dyshohet se më 19 prill të këtij viti vrau me armë zjarri në lokalin e tij në Shëngjin.

“Specialistët e Interpol Tiranës bënë të mundur ekstradimin në vendin tonë, të shtetasit R. S., 28 vjeç, lindur në Portugali. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Lezhë i ka caktuar masën e sigurisë “Arrest në burg”, për veprat penale “Vrasja për gjakmarrje” dhe “Prodhimi dhe mbajtja pa leje e armëve, armëve shpërthyese dhe municionit”. Shtetasi R. S. dyshohet se më datë 19.04.2023, në ambientet e lokalit, ka vrarë me armë zjarri shtetasin A. N.. Falë bashkëpunimit mes Interpol Marokut dhe Interpol Tiranës, u bë i mundur ekstradimi i këtij shtetasi, në vendin tonë. Më herët, si rezultat i reagimit në kohë, punës profesionale hetimore dhe gjurmuese, sigurimit të inteligjencës policore, shkëmbimit në kohë të informacionit me homologët, si dhe falë bashkëpunimit të suksesshëm me agjencitë ligjzbatuese brenda dhe jashtë vendit, u bë e mundur kapja dhe arrestimi dhe i shtetasve të tjerë të përfshirë në këtë ngjarje kriminale”, thuhet nga Policia e Shqipërisë.

Turma të mëdha u mblodhën në Syene të Australisë për një nga shfaqjet më spektakolare të fishekzjarrëve të Vitit të Ri në botë. Mijëra njerëz ndoqën nga afër eventin e organizuar nga autoritetet australiane për vitin 2024 ndërsa miliona të tjerë e ndoqën spektaklin nga televizioni.

Mijëra njerëz dolën në qendër të qytetit për të ndjekur spektaklin e organizuar nga autoritetet e Zelandës se re.

Spektakli i fishekzjarrëve ishte i mirëorganizuar nga qeveria e këtij vendi dhe i fokusuar në pjesët më të rëndësishme të Aukland. Qytetaret sfiduan motin me shi për të ndjekur nga afër festimet dhe për t’i uruar njeri-tjetrit një vit të ri të gëzuar.

Presidenti i Serbisë, Aleksandar Vuçiq, ka thënë se pret që “presioni më i madh” për çështjen e Kosovës t’i bëhet Serbisë në janar dhe shkurt.

Në një intervistë për “TV Prva”, Vuçiq ka thënë se ajo është periudha kur fushata e zgjedhjeve parlamentare në BE është në kulm.

“Pasi ashtu mendojnë se do të fitojnë ndonjë votë shqiptare apo ku ta di se çfarë, pasi ata janë të gjithë njerëz që nuk mbështesin vetëm Kosovën e pavarur, por janë lobistë të dalluar shqiptarë. Vetëm këtë duhet ta dinë njerëzit në Serbi. Ata që janë në anën e një liste, ‘Serbia kundër dhunës’ e kritikojnë qeverinë në Beograd, 95 për qind e tyre janë lobistë të shquar shqiptarë”, tha Vuçiq, duke përmendur edhe raportuesen për Kosovën në Parlamentin Evropian, Viola von Cramon.

Vuçiq tha se përgjigja e tij për zyrtarët evropianë mbetet e njëjtë “dhe s’mund të interepretohet në mënyrë tjetër”.

Ai ka thënë se interesi i Serbisë është “Ballkani i Hapur”.

Policia e Kosovës ka bërë apel për të pasur kujdes dhe vigjilencë në parandalimin e përdorimit të parregullt të mjeteve piroteknike, sidomos nga fëmijët, me qëllim të shmangies së rrezikut që mund të shkaktojnë mjetet plasëse.

Policia ka thënë se është e angazhuar me plan konkret që këtë fundvit festat të kalojnë të qeta dhe pa incidente.

Policia ka thënë se do të ketë shtim të prezencës policore në rrugë dhe ambiente të hapura.

“Ndërmarrja e masave preventive policore për të siguruar që festat e fundvitit të kalojnë pa ndonjë incident, do të përfshijë edhe ndërmarrjen e masave ligjore ndaj veprimeve të mundshme kundërligjore dhe luftimi i dukurive negative që shkaktojnë jo stabilitet në vend në çfarëdo mase sa rrezikon rendin, qetësinë dhe sigurinë publike, ku ngritja e prezencës policore do të bëhet në gjithë Republikën e Kosovës, përfshirë edhe zonat sensitive posaçërisht në ato lokacione me popullatë të përzier”, thuhet në njoftim.

Asociacioni i Gazetarëve të Kosovës, tha se 2023-ta është viti me më së shumti raste të kërcënimeve dhe sulmeve ndaj gazetarëve e mediave, që janë raportuar te AGK-ja.

“Gazetarët dhe kameramanët, si asnjëherë më parë rrezikuan sigurinë e tyre fizike duke raportuar në kushte të jashtëzakonshme, në muajin maj dhe qershor nga veriu i Republikës së Kosovës. Andaj, ju jemi mirënjohës që misionin për informimin e qytetarëve, e bëtë në kushte tejet të rënduara, pa mjetet e nevojshme të punës, dhe e pa u frikësuar”, shkruan në njoftim.

“Falënderim e mirënjohje edhe për të gjithë kolegët tjerë që kanë raportuar nga terrenet e tjera të ndryshme, e janë kërcënuar nga qytetarë, zyrtarë, pjesëtarë të sigurimit dhe persona publik”.

Tutje AGK-ja ftoi që të mos hezitojnë as në të ardhmen t’i raportojnë rastet e ngjashme.

Kancelari gjerman, Olaf Scholz ka përdorur fjalimin e tij të Vitit të Ri për t’u bërë thirrje qytetarëve të vendit që të mos e humbin besimin në të ardhmen, ndërsa ata po përshtaten me një botë që përjeton kriza të shumta dhe që po ndryshon me ritëm gjithnjë më të shpejtë, shkruan agjencia “AP”.

“Kaq shumë vuajtje; aq shumë gjakderdhje. Bota jonë është bërë një vend më i paqëndrueshëm dhe më i ashpër. Po ndryshon me një shpejtësi marramendëse”, ka thënë Scholz në një fjalim të regjistruar që do të transmetohet sot.

Scholz po i referohej pushtimit rus të Ukrainës, që rezultoi me rritje të çmimeve të energjisë, po ashtu vuajtjes nga pandemia e koronavirusit si dhe sulmit të Hamasit ndaj Izraelit që nxiti ofensivën ushtarake izraelite në Gaza.

“Rezultati është se ne, po ashtu, po kemi ndryshim. Është gjë shqetësuese për shumë prej nesh. Te disa, shkakton edhe pakënaqësi. Unë e kam afër zemrës. Por e di këtë: Ne në Gjermani do ta kalojmë këtë”, ka thënë Scholz.

Kancelari ka vënë në dukje se, pavarësisht shqetësimeve që pati një vit më parë, gjermanët nuk mbetën pa ngrohje vitin e kaluar, pasi Rusia ndërpreu furnizimin me gaz natyror për Evropën.

“Gjërat dolën më ndryshe. Inflacioni ka rënë. Pagat dhe pensionet po rriten. Depozitat tona me gaz janë mbushur plotë për dimër”, tha Scholz.

Qeveria e drejtuar nga Scholzi është bërë e njohur për grindjet e brendshme gjatë dy vjetëve të fundit dhe ka pasur rënie në sondazhe.

Ekonomia e Gjermanisë po ashtu po performon dobët, por Scholz prapë u mundua ta “vizatojë” një pamje më pozitive të vitit të ardhshëm.

Shumë familje do të duhet të paguajnë më pak taksa dhe Qeveria planifikon të investojë para në infrastrukturën e transportit dhe po ashtu energji të pastër.

“’Kush do të menaxhojë, nëse jo ju në Gjermani’ – është diçka që dëgjojë nga shumë njerëz rreth nesh në Evropë dhe nëpër botë. Dhe ka diçka në këtë. Më tepër burra dhe gra kanë vende pune në Gjermani sot sesa që kishin në të kaluarën”, tha Scholz.

Scholz po ashtu ka theksuar rëndësinë e Bashkimit Evropian, veçanërisht në kohë krize.

“Forca jonë qëndron në Bashkimin Evropian. Kur BE-ja paraqet një front të bashkuar, ajo flet për më shumë se 400 milionë njerëz. Në një botë prej 8 miliardë banorëve, së shpejti 10 miliardë, është një pasuri e vërtetë”, tha Scholz.

Mirëpo, Scholz ka thënë se Gjermanisë i duhet puna e gjithë njerëzve për ta shtyrë vendin para.

“Bashkëqytetarët e mi, forca jonë qëndron në të kuptuar se secili prej nesh është i nevojshëm në vendin tonë – si shkencëtari më i mirë ashtu edhe kujdestari, si polici ashtu edhe shoferi i dërgesave, si pensionisti ashtu edhe praktikanti. Nëse e kuptojmë këtë, nëse e trajtojmë njëri-tjetrin në frymë respekti, atëherë nuk duhet të kemi frikë për të ardhmen. Atëherë viti 2024 do të jetë një vit i mirë për vendin tonë, edhe nëse disa gjëra dalin ndryshe nga mënyra se si i imagjinojmë sot, në prag të Vitit të Ri”, ka thënë Scholz.