ATV

Author: ATVLive

  • Kurti i kërkon kryeministrit irlandez mbështetjen për statusin kandidat në BE

    Kurti i kërkon kryeministrit irlandez mbështetjen për statusin kandidat në BE

    Kryeministri Albin Kurti, ka thënë se Kosova dhe Irlanda kanë ngjashmëri të mëdha mes vete dhe se për këtë ka marrë mbështetje për anëtarësim në Këshillin e Evropës, raporton EO.

    Në konferencën e përbashkët me kryeministrin irlandez, Leo Varadkar, Kurti deklaroi se i ka kërkuar homologut të tij mbështetje për statusin e vendit kandidat për anëtarësim në Bashkimin Evropian.

    “Në një kohë kur demokracia rrezikohet, Irlanda është një shembull nga vendet që luftojnë për t’i mbrojtur ato ideale. Zhvillimi ekonomik dhe progresi social e ka bërë Irlandën frymëzim i shumë shteteve. Irlanda është frymëzuese për ne sepse me ta kemi ngjashmëri që i ndajmë, si nga pikëpamja shoqërore, shquhemi për mikpritjen pavarësisht vështirësive. Te dy vendet kanë miqësi me SHBA-të. Te dy vendet tona janë të orientuara ka rritja thelbësorë dhe progresi social. Irlanda është mbështetëse e Kosovës si në Këshill të Evropës, si dhe për anëtarësim në BE për çka kërkuam mbështetjen për statusin kandidat. Shteti dhe populli jonë janë gjithnjë falënderues dhe mirënjohës. Takimi i sotëm ishte një rast shumë i mirë për marrëdhënie dy paleshe”, u shpreh Kurti.

  • Zyrtarët e VV-së dalin para gjykatës lidhur me deklaratat për lirimin e Pantiqit

    Zyrtarët e VV-së dalin para gjykatës lidhur me deklaratat për lirimin e Pantiqit

    Zëdhënësi i Lëvizjes Vetëvendosje, Arlind Manxhuka, ish-deputeti Egzon Azemi, së bashku me Qerim Elshanin dhe Edi Zenelajn janë kanë dalë sot para Gjykatës Themelore të Prishtinës lidhur me deklaratat për lirimin e ish-policit serb Dejan Pantiq, i akuzuar për “terrorizëm në bashkëkryerje”.

    Manxhuka dhe Azemi akuzohen për nxitje të urrejtjes ndaj gjyqtarit Mentor Bajraktari dhe prokurorit Afrim Shefkiu, ndërsa Elshani dhe Zenelaj akuzohen për kanosje.

    Seanca u ndërpre për pak kohë pasi tre të pandehurve u mungonin avokatët dhe gjyqtari Arben Hoti vendosi të caktojë avokatë me shpenzimet e shtetit.

    Në aktakuzë thuhet se Manxhuka dhe Azemi kanë përhapur qëllimisht urrejtje përmes Facebookut ndaj të dëmtuarve, prokurorit A.Sh. dhe gjyqtarit M.B., lidhur me një vendim për ndryshimin e masës së paraburgimit kundër të dyshuarit D.P.

    Ata janë intervistuar nga Prokuroria Speciale në gusht të vitit të kaluar.

    Manxhuka atëherë kishte akuzuar Prokurorinë për përndjekje të aktivistëve të partisë në pushtet, derisa kishte thënë se nuk janë marr me denoncimet që kanë bërë ministritë e Qeverisë aktuale.

    Ish-polici serb Pantiq u lirua nga arresti shtëpiak në tetor të vitit të kaluar, pas arrestimit të tij nën dyshimin se kishte sulmuar zyrtarët në pikën kufitare Jarinje. /atvlive.tv

  • Atraksioni më i ri për koncerte, dy miliardë euro ‘’MSG’’ në Las Vegas

    Atraksioni më i ri për koncerte, dy miliardë euro ‘’MSG’’ në Las Vegas

    Salla sferike ‘MSG’ mban rreth 20,000 njerëz dhe cka e bën të veçantë është ekrani më i madh LED në botë i cili shtrihet në nëntë nivele dhe ndodhet në Las Vegas.

    Sfera është struktura më e madhe sferike në botë . Ajo shërben si një sallë me shumë qëllime për ngjarje të tilla si koncerte dhe është salla më spektakolare dhe më e madhe e koncerteve në botë.

    Një tipar interesant është pjesa e brendshme e arenës, ku muret e brendshme janë të veshura me LED ashtu si muret e jashtme, që janë barabartë me tetë fusha futbolli në madhësi. Këto LED mbulojnë një sipërfaqe prej 15,000 metrash katrorë dhe kanë një rezolucion prej 16K.

    Kjo do të thotë se mund të zhvillohen koncerte me animacione , të shoqëruara me animacione 360 gradë.

    Të ftuarit përshëndeten dhe informohen për vendin e ngjarjes nga pesë robotë humanoidë të ndihmuar nga intelegjenca artificiale.

    ‘Sphere’ është salla më spektakolare dhe më e madhe e koncerteve në botë dhe ndodhet në Las Vegas.

    Katër deri në gjashtë shfaqje të përhershme janë planifikuar çdo vit.

    Përveç koncerteve, në sallë janë planifikuar edhe ceremoni të ndarjes së çmimeve dhe evente të ndryshme argëtuese.

    Edhe pse ndërtesa nuk ishte projektuar fillimisht për ngjarje sportive, ekziston mundësia për të pritur boks dhe luftime të arteve marciale të përziera.

    Si fillim, regjisori Darren Aronofsky ka xhiruar një film në këtë arenë sferike. Publiku nuk mund të përjetojë vetëm përshtypje vizuale , por mund të përjetojnë ndjesinë e erës dhe aromave të ndryshme . Për më tepër, sistemi audio ka disa veçori mbresëlënëse.

    Për shembull, një pjesë e audiencës mund ta shikonte filmin në gjermanisht, ndërsa të tjerët mund të dëgjonin në të njëjtën kohë kolonën zanore angleze ose spanjolle.

    Ndërtesa sferike në numra i bie të jetë 112 metra e lartë, 157 metra e gjerë. Kurse struktura sferike kushtoi 1.8 miliardë dollarë.

    Grupi U2 u lejua të bënte hapjen me performancën e tyre live . Çmimet varionin nga 500 deri në 1500 dollarë për biletë.

    Më shumë detaje i gjeni në videon më poshtë:

  • Bilcik: Sivjet duhet të zbatohen të gjitha marrëveshjet dhe të përfundojë dialogu

    Bilcik: Sivjet duhet të zbatohen të gjitha marrëveshjet dhe të përfundojë dialogu

    Raportuesi i Parlamentit Evropian për Serbinë, Vladimir Bilcik, ka deklaruar se shpreson që Serbia dhe Kosova të gjejnë vullnetin për normalizimin e marrëdhënieve dhe se këtë vit, me të vërtetë duhet të shkojmë drejt përfundimit të dialogut.

    Bilcik ka thënë se BE-ja po i dërgon mesazhe të qarta Aleksandar Vuçiqit dhe Albin Kurtit se në vitin 2024 pret zbatimin e marrëveshjeve të arritura për normalizimin e marrëdhënieve.

    “Ne po u dërgojmë atyre mesazhe të qarta dhe shpresojmë që ata të gjejnë vullnetin për ta bërë këtë. Nga përvojat e mia me presidentin Vuçiq, mendoj se ka një mirëkuptim dhe vullnet për të bërë përparim. Këtë e kemi parë, sidomos kur bëhet fjalë për letërnjoftimet, targat, energjinë, kur është fjala për zbatimin në terren. Dhe kjo është e rëndësishme. Mendoj se i takon Kosovës që të zgjidhë çështjen e themelimit të Asociacionit të komunave me shumicë serbe, është koha që kjo të realizohet, mendoj se kjo vërtet do të mundësojë progres dhe shpresoj se Prishtina do të ketë fuqinë dhe përgjegjësinë për të vepruar me mirëbesim në ditët dhe javët në vijim. Është e rëndësishme që tensionet në rajon të reduktohen. Është absolutisht e domosdoshme që sulmet, si ai në Banjskë, të mos përsëriten. Si dhe të mos ketë më sulme ndaj ushtarëve të NATO-s dhe KFOR-it. Ngjarjet e kaluara duhet të hetohen tërësisht në mënyrë që asnjë nga palët të mos kenë arsye për të rritur tensionet. Është inkurajuese që Beogradi ka treguar gatishmëri për të inkurajuar serbët e Kosovës që të shkojnë në zgjedhje. Shpresoj se zgjedhjet në veri të Kosovës do të mbahen dhe do të ketë një marrëveshje politike se si të realizohet e gjitha. Agjenda është e qartë dhe komplekse. Këtë vit ne me të vërtetë duhet të shkojmë drejt përfundimit të dialogut”, ka thënë Bilcik, transmeton Paparaci.

    I pyetur se si e interpreton qëndrimin e Serbisë se zgjerimi i kornizës negociuese për Serbinë me Marrëveshjen e Ohrit dhe aneksin e saj do të thotë se Bashkimi Evropian po ia mbyll derën Serbisë, gjë që u deklarua së fundmi nga presidenti serb, Bilcik ka thënë se nevojitet një angazhim serioz për të zbatuar të gjitha marrëveshjet.

    “Duhet angazhim nga të dyja palët. Ekziston një marrëveshje për nevojën për përparim dhe zbatim. Unë mendoj se të gjithë e pranojnë këtë. Kjo nuk është çështje nënshkrimesh – por e mirëkuptimit të ndërsjellë, gjë që është konfirmuar. Gjithashtu, ne kemi konkluzione të qarta nga dhjetori i vitit të kaluar që i referohen konkluzioneve në lidhje me kapitullin 35. Për këtë ka një afat dhe presim që institucionet e Bashkimit Evropian të sqarojnë se çfarë duhet bërë. Atmosfera pas dialogut është plot emocione dhe deklarata të forta nga të dyja palët. Është e nevojshme të fokusohemi në negociatat praktike. Për këtë nevojitet vullnet i mirë. Ne kemi një udhërrëfyes të qartë se çfarë duhet të bëjnë të dyja palët”, ka shtuar ai.

    Ai ka shtuar se negociatat janë duke vazhduar dhe se që nga muaji mars ka pasur disa takime, madje edhe në nivelin më të lartë, dhe fakti që nga muaji mars nuk ka pasur asnjë dokument që i është paraqitur publikut – nuk do të thotë se nuk ka diskutime, por se duhet rezultati përfundimtar, që është normalizimi i marrëdhënieve.

    “Ato zgjasin dhe frekuenca e kontakteve është e lartë. Kjo është ajo që është e rëndësishme. Unë do ta konsideroj të kënaqshme kur të vendoset një normalizim i lehtë i marrëdhënieve ndërmjet Kosovës dhe Serbisë. Dhe mendoj se të gjithë të tjerët do të jenë të kënaqur. Duhet të punojmë në realizimin e rezultateve. Aktualisht jemi në një proces që funksionon, por ky proces do të konsiderohet i suksesshëm vetëm kur të japë fryte. Një rezultat i kënaqshëm është normalizimi i marrëdhënieve – dhe që do të kërkojë që të dyja palët të marrin vendime dhe hapa të rëndësishëm për të ecur përpara”, ka përfunduar Bilcik./Paparaci.com

  • Parashikimi i motit për sot dhe nesër

    Parashikimi i motit për sot dhe nesër

    Gjatë ditës së sotme në vendin tonë parashihet të mbajë mot me intervale të konsiderueshme diellore, por do të kemi masa të ftohta ajrore.

    Temperaturën minimale për ditën e sotme do ta mbajë Ferizaj me -7 gradë Celsius, ndërsa atë maksimale Gjakova me 3 gradë Celsius.

    Edhe dita e nesërme do të jetë me kushte të njëjta atmosferike. Temperaturën minimale për ditën e nesërme do ta mbajë Gjilani me -7 gradë Celsius, ndërsa atë maksimale përsëri Gjakova, Prizreni dhe Gjilani me 3 gradë Celsius.

    Ndërkohë, në Shqipëri do të ketë mot të vranët dhe në shumicën e zonave do të ketë diell.

    Temperaturën minimale do e ketë Korça me -4 gradë Celsius, ndërsa ajo maksimale do të jetë në Vlorë me 13 gradë Celsius. /atvlive.tv/

    Parashikimin e plotë të motit, për rajon dhe Evropë mund ta ndiqni në videon e mëposhtme:

  • Gruaja raporton burrin e zhdukur në Polici: Doli nga burgu i Hajvalisë, por nuk po dihet vendndodhja e tij

    Gruaja raporton burrin e zhdukur në Polici: Doli nga burgu i Hajvalisë, por nuk po dihet vendndodhja e tij

    Një grua ka raportuar në Polici se burri i saj ka dalë nga burgu i Hajvalisë dhe nuk dihet vendndodhja e tij.

    Dje në Polici ankuesja femër kosovare, ka raportuar se bashkëshorti i saj mashkull kosovar me datën 09.01.2024 ka dalë nga burgu i Hajvalisë dhe nuk dihet vendndodhja e tij.

    Policia nuk ka dhënë detaje shtesë.

    “Hajvali, Prishtinë 10.01.2024 – 15:00. Ankuesja femër kosovare, ka raportuar se bashkëshorti i saj mashkull kosovar me datën 09.01.2024 ka dalë nga burgu i Hajvalisë dhe nuk dihet vendndodhja e tij”, thuhet në raportin e Policisë. /atvlive.tv

  • ​Kurti pret me ceremoni shtetërore homologun irlandez

    ​Kurti pret me ceremoni shtetërore homologun irlandez

    Kryeministri i Republikës së Kosovës, Albin Kurti ka mirëpritur me ceremoni shtetërore Kryeministrin e Irlandës, Leo Varadkar.

    Pas pritjes ceromoniale, dy kryeministrat do të mbajnë një takim dypalësh dhe pas takimit në ora 10:30 pritet të mbahet konferencë e përbashkët e dy kryeministrave.

    Kryeministri Varadkar poashtu nga ora 11:00 do të takohet edhe me presidentën e vendit, Vjosa Osmani.

    Varadkar ka arritur në Kosovë të mërkurën, ku është pritur nga kryeministri i vendit, Albin Kurti në Airoportin Ndërkombëtar të Prishtinës “Adem Jashari”.

  • Eurodeputeti gjerman thirrje Borrellit: Te lutem merri seriozisht deklaratat e Dodikut

    Eurodeputeti gjerman thirrje Borrellit: Te lutem merri seriozisht deklaratat e Dodikut

    Në mediumit Sputnik, lideri serb i Bosnjës Milorad Dodik dha një intervistë rreth çështjeve që sipas pretendimeve të tij po e shqetësojnë atë dhe mikun e tij të ngushtë, presidentin serb Aleksandar Vuciq.

    Dodik duke folur hapur se si dëshiron të bashkojë Serbinë, Kosovën, Republikën Srpska dhe Malin e Zi në një shtet.

    Dodik që është i sanksionuar nga SHBA, por gëzon mbështetjen e madhe të Vuciqit.

    Është kjo video që ka detyruar eurodeputetin gjerman Reinhard Bütikofer t’i bëjë ftesë shefit të diplomacisë evropiane Josep Borrell që ta merr seriozisht deklaratën e Dodikut.

    “Të lutem Josep, merre seriozisht”, ka shkruar ai në platformën X dhe ia ka bashkëngjitur pjesën e intervistës së Dodikut.

  • ​BIA mohon se Sandulloviqi është torturuar

    ​BIA mohon se Sandulloviqi është torturuar

    Agjencia e Sigurisë dhe Informacionit e Serbisë (BIA) mohoi akuzat se lideri i subjektit opozitar, Partia Republikane, Nikolla Sandulloviq, ishte subjekt i torturës, duke pretenduar se nuk ka pasur shkelje të të drejtave dhe lirive dhe as ushtrim të forcës së paligjshme fizike ndaj Sandulloviqit.

    Më herët, Zyra e Prokurorit në Nish konfirmoi për Radion Evropa e Lirë se Sandulloviq ndodhet në paraburgim që nga java e kaluar, nën dyshimet “se ka kryer vepër penale të nxitjes së urrejtjes dhe intolerancës kombëtare, racore dhe fetare”.

    Në deklaratën e lëshuar nga BIA më 10 janar u tha se ata ndërmorën aktivitete “me qëllim të sqarimit të aktiviteteve të kaluara të paligjshme të Sandulloviqit, të cilat prokurori kompetent i cilësoi si vepër penale të nxitjes së urrejtjes dhe intolerancës kombëtare, racore dhe fetare”.

    “Duke thënë gënjeshtra për sjelljet e supozuara të paligjshme të anëtarëve të BIA-s, Sandulloviq dhe promovuesit e tjerë e të ashtuquajturës Kosovë, duan të përhapin dezinformata dhe të shqetësojnë opinionin vendës dhe të huaj, të dëmtojnë reputacionin e BIA-s dhe të destabilizojnë situatën e sigurisë së Republikës së Serbisë”, u tha në deklaratë.

    Më 2 janar, Sandulloviq publikoi një video në X – që më herët njihej si Twitter – ku ai shfaqej në kompleksin “Adem Jashari” në Prekaz duke vendosur kurorë me lule në monumentin që përkujton ngjarjet e 5, 6 dhe 7 marsit 1998, kur forcat serbe vranë mbi 50 anëtarë të familjes së Adem Jasharit, një nga themeluesit e ish-Ushtrisë Çlirimtare të Kosovës (UÇK).

    Një ditë pas publikimit të videos në rrjetin X, avokati Çedomir Stojkoviq bëri të ditur se Sandulloviqi është arrestuar më 3 janar dhe se familja e tij nuk ka asnjë informacion për vendndodhjen e tij.

    Institucionet e Bashkimit Evropian konfirmuan më 9 janar se po monitorojnë situatën dhe informacionet lidhur me arrestimin e Sandulloviqit.

    Sandulloviq është president i Partisë Republikane që u themelua më 2015, por që nuk e ka kaluar pragun zgjedhor për t’u futur në Parlamentin serb.

    Ai ka një biografi kundërthënëse, ku përfshihet edhe plagosja e tij nga shpërthimi i një makine 13 vjet më parë, dhe arrestimi i tij për “përhapje paniku” më 2020 gjatë pandemisë së koronavirusit. /rel/

  • ​FIFA dënon ashpër Brazilin dhe Argjentinën

    ​FIFA dënon ashpër Brazilin dhe Argjentinën

    Lionel Messi do të luajë para një stadiumi gjysmë të zbrazët herën tjetër kur Argjentina do të luajë në shtëpi, me FIFA-n që ka ndëshkuar fituesit e Kupës së Botës 2022.

    Sanksione janë ndërmarrë gjithashtu kundër Brazilit pas telasheve të tifozëve në Marcacana para ndeshjes kualifikuese të Kupës së Botës 2026 mes dy rivalëve në nëntor 2023. Të dy, “Selecao” dhe “Albiceleste” janë gjobitur me 50,000 franga zvicerane për “dështim për të siguruar që ligji dhe rendi të mirëmbahet”, ndërsa Argjentina duhet të paguajë edhe 20,000 franga zvicerane për “mungesë rregulli apo disipline brenda ose përreth stadiumit”.

    Përleshjet mes tifozëve çuan në shtyrjen e lojës në fjalë për 27 minuta, me tetë herë fituesin e Topit të Artë, Messi, që çoi skuadrën e tij jashtë fushës përpara se të rivendosej rendi. Kur filloi ndeshja, Argjentina fitoi 1-0 dhe i shkaktoi Brazilit një humbje historike në shtëpi në kualifikueset për Kupën e Botës.

    FIFA gjithashtu ka gjobitur Argjentinën me 50,000 franga zvicerane si rezultat i sjelljes së keqe nga tifozët në dy ndeshjet e mëparshme kualifikuese të Kupës së Botës, të cilat do të “investohen në një plan kundër diskriminimit”.

    Argjentina është informuar se ndeshja e tyre e ardhshme në shtëpi, e cila aktualisht është një takim me Kilin në shtator, do të zhvillohet me “të paktën 50% të vendeve të bosh”.

    Kampionët në fuqi të botës kryesojnë tabelën e kualifikimeve të Amerikës së Jugut pas gjashtë ndeshjeve, me Brazilin që çuditërisht renditet në vendin e gjashtë.