Author: ATVLive

Një japonez është dënuar me vdekje për një sulm me zjarr në një studio animacioni në Kioto në vitin 2019. Zjarri i shkaktuar vrau 36 persona dhe plagosi dhjetëra të tjerë.

Incidenti, një nga më vdekjeprurësit në Japoni në dekadat e fundit, vrau kryesisht artistë të rinj dhe tronditi botën e adhuruesve të anime, shkruan BBC, transmeton KosovaPress

Shinji Aoba, 45 vjeç, u deklarua fajtor për sulmin, por avokatët e tij kishin kërkuar një dënim më të lehtë, duke argumentuar arsyet e “paaftësisë mendore”.

Gjyqtarët e refuzuan këtë megjithatë, duke vendosur që Aoba e dinte se çfarë po bënte.

“Kam përcaktuar se i pandehuri nuk ishte i çmendur ose i dobët mendërisht në kohën e krimit,” tha kryegjyqtari Masuda të enjten në Gjykatën e Qarkut të Kiotos.

“Vdekja e 36 personave është jashtëzakonisht e rëndë dhe tragjike. Frika dhe dhimbja e viktimave të ndjera është e papërshkrueshme,” tha ai sipas raporteve të NHK.

Shumë nga stafi u vranë pasi u bllokuan në katet e sipërme të studios ndërsa zjarri u përhap. Një nga rastet më tronditëse në dekadat e fundit në Japoni, incidenti ndezi zi kombëtare.

Prokurorët kishin kërkuar dënimin me vdekje duke thënë se Aoba, i cili ishte autor, ishte i motivuar të sulmonte studion pasi besonte se vepra e tij ishte vjedhur.

Në korrik 2019, ai hyri në studio gjatë një dite pune, duke spërkatur benzinë në katin e parë. Ai më vonë tha gjatë pranimit të fajit në shtator të vitit 2023 se ai nuk e dinte se sa njerëz do të bllokoheshin në ndërtesë.

“Ndjeva se nuk kisha zgjidhje tjetër veçse të bëja atë që bëra”, tha ai në atë kohë.

Vetë Aoba pësoi djegie në mbi 90% të trupit të tij në zjarr dhe u arrestua vetëm pasi u shërua nga operacioni.

“Iluzioni se Studio e Animacionit në Kyoto kishte bërë plagjiaturë punën e tij ndikoi në motivimin e tij”, i kishin thënë prokurorët gjykatës.

Por ata thanë se ai nuk ishte i kontrolluar nga iluzionet e supozuara dhe kishte kapacitet dhe njohuri të plotë për veprimet e tij.

Japonia ruan dënimin me vdekje për krimet e saj më të rënda, si vrasjet e shumëfishta.

Studioja KyoAni në Kioto është një institucion i dashur, i njohur për prodhimin e filmave dhe romaneve grafike.

Është arrestuar një grua në Prishtinë, e cila dyshohet se për pesë vite ka shkaktuar probleme dhe ka ushtruar dhunë psikike ndaj nënës së saj.

E dyshuara pas intervistimit me vendim të prokurorit është dërguar në mbajtje.

“Është arrestuar e dyshuara femër kosovare nën dyshimin se e njëjta prej disa (5) vitesh ka shkaktuar probleme dhe ka ushtruar dhunë psikike ndaj viktimës femër kosovare-nënës së saj. E dyshuara pas intervistimit me vendim të prokurorit është dërguar në mbajtje”, thuhet në raportin 24 orësh të policisë.

Komisioni Qendror i Zgjedhjeve (KQZ) sot do të mbajë një mbledhje në të cilën, ndër të tjera, pritet të vendosë për pjesëmarrje në vëzhgimin e zgjedhjeve nacionale në Korenë e Jugut.

“Shqyrtimi dhe miratimi i pjesëmarrjes së KQZ-së në vëzhgimin e zgjedhjeve nacionale në Korenë e Jugut”, thuhet në rendin e ditës të mbledhjes së KQZ-së.

Në mbledhjen e cila do të nisë në orën 13:30, përveç kësaj pritet të bëhet edhe shqyrtimi dhe miratimi i kërkesës për zëvendësim të anëtarit të kuvendit komunal në Prizren, shqyrtimi dhe miratimi i Rregullores për shtesat dhe kompensimet në KQZ si dhe shqyrtimi dhe miratimi i Rregullores për pranimin e drejtorit të Sekretariatit të KQZ-së.

Një rast i vjedhjes është raportuar të ketë ndodhur në fshatin Gumnasellë të Lipjanit.

Në raportin 24-orësh të policisë thuhet se një burrë është ankuar se persona të panjohur kanë hapur me forcë dritaren e xhamisë, ku kanë vjedhur një kasafortë në të cilën gjendeshin para të bamirësisë.

“Ankuesi mashkull kosovar ka njoftuar se nga persona të panjohur është hapur me forcë dritarja e xhamisë dhe prej aty janë vjedhur një kasafortë ku ka pasur para të bamirësisë. Nuk raportohet për të arrestuar. Rasti në hetime”, thuhet në njoftimin e policisë.

Presidenti amerikan Joe Biden u dërgoi një letër drejtuesve të komisioneve kryesore të Kongresit të mërkurën duke i informuar ata për synimin e tij për të filluar procesin zyrtar të njoftimit për shitjen Turqisë të avionëve F-16 të kompanisë Lockheed Martin, sapo Ankaraja të përfundojë procesin e pranimit të Suedisë në NATO.

Në letrën drejtuar anëtarëve më të lartë republikanë dhe demokratë të komisioneve të Marrëdhënieve me Jashtë të Senatit dhe Dhomës së Përfaqësuesve, Presidenti Biden i kërkon Kongresit të miratojë shitjen “pa vonesë”, tha një zyrtar amerikan. Më herët të mërkurën Shtëpia e Bardhë u dërgoi një letër anëtarëve të Kongresit duke kërkuar miratimin e shitjes prej 20 miliardë dollarësh të avionëve F-16 dhe pjesëve të këmbimit në Turqi, thanë për agjencinë e lajmeve Reuters katër persona në dijeni të letrës.

Parlamenti i Turqisë ratifikoi të martën kërkesën e Suedisë për anëtarësim në NATO, duke hequr pas 20 muajsh vonesë një pengesë të madhe për zgjerimin e aleancës ushtarake perëndimore. Burimet thanë se letra u dërgua të mërkurën dhe se administrata e Presidentit Biden ende nuk e kishte njoftuar zyrtarisht Kongresin për planet për shitjen.

Vonesa e Turqisë për miratimin e ratifikimit kishte qenë një pengesë e madhe për të fituar miratimin e Kongresit për marrëveshjen e avionëve luftarakë. Ligjvënësit kishin thënë se po prisnin miratimin e Turqisë për anëtarësimin e Suedisë në NATO – përfshirë nënshkrimin e Presidentit turk Erdogan – përpara se të vendosnin nëse do ta miratonin shitjen.

Shtëpia e Bardhë nuk iu përgjigj kërkesave për koment.

Departamenti i Shtetit i kërkoi gjithashtu Ankarasë të mërkurën të finalizojë zyrtarisht ratifikimin e NATO-s nga Suedia. Për ta bërë këtë, Presidenti Erdogan duhet të nënshkruajë legjislacionin, i cili më pas botohet në Gazetën Zyrtare të Turqisë. Instrumenti i anëtarësimit për Suedinë duhet të dërgohet gjithashtu në Uashington.

Departamenti i Shtetit refuzoi të jepte një afat kohor të saktë mbi procesin zyrtar të njoftimit për shitjen e avionëve F-16.

Turqia në tetor 2021 kërkoi të blinte avionë F-16 me vlerë 20 miliardë dollarë dhe gati 80 njësi me paisje për modernizimin e avionëve të saj ekzistues luftarakë.

Drejtuesit e komisioneve të Marrëdhënieve me Jashtë të Senatit dhe të Dhomës së Përfaqësuesve shqyrtojnë çdo shitje të madhe të armëve për vende të tjera. Ata rregullisht bëjnë pyetje ose ngrenë shqetësime mbi të drejtat e njeriut ose çështje diplomatike që mund të vonojnë apo ndalin marrëveshje të tilla.

Suedia dhe Finlanda aplikuan për të hyrë në NATO pasi Rusia sulmoi Ukrainën në shkurt 2022. Ndërsa anëtarësimi i Finlandës përfundoi vitin e kaluar, kërkesa e Suedisë ishte penguar nga Turqia dhe Hungaria.

Të gjitha vendet anëtare të NATO-s duhet të miratojnë aplikimet nga vendet që kërkojnë t’i bashkohen aleancës. Kur Suedia dhe Finlanda kërkuan të anëtarësohen, Turqia ngriti kundërshtime mbi atë që tha se ishte mbrojtja nga këto dy vende për grupet që Turqia i konsideron terroriste./VOA

Opozita hungareze me siguri do të kërkojë një seancë të jashtëzakonshme parlamenti për të ratifikuar anëtarësimin e Suedisë në NATO, por përpjekja e tyre mund të dështojë, tha të enjten, kryetari i parlamentit, Laszlo Kover.

Parlamenti turk ka ratifikuar më 24 janar kërkesën e Suedisë për anëtarësim në NATO, duke e bërë edhe më të afërt hyrjen e këtij vendi në aleancë.

Presidenti turk, Recep Tayyip Erdogan, tani pritet ta nënshkruajë legjislacionin për Suedinë brenda ditëve.

Kjo nënkupton që Hungaria do të jetë anëtarja e vetme e NATO-s, që do të duhet të miratojë kërkesën e Suedisë, ashtu që të finalizohet procesi.

Kover shtoi, në faqen e tij në internet, se ai “nuk ndjen ndonjë urgjencë të veçantë” dhe “nuk ka asnjë situatë të jashtëzakonshme” në lidhje me pranimin e Suedisë në NATO.

Hungaria e ka akuzuar Suedinë se ka qasje armiqësore.

Në mars të vitit të kaluar, zëdhënësi i Qeverisë hungareze, Zoltan Kovacs, i ka akuzuar zyrtarët në Suedi se po qëndrojnë në fronin e superioritetit moral.

Kjo pasi Stokholmi e ka akuzuar më parë Qeverinë hungareze se po rrëshqet kundër parimeve demokratike të BE-së.

Megjithatë, ditëve të fundit ka pasur përparim.

Kryeministri hungarez, Viktor Orban, ka thënë të martën se e ka ftuar homologun e tij suedez në Budapest, për të biseduar për anëtarësimin e Suedisë në NATO.

Sekretari i Përgjithshëm i NATO-s, Jens Stoltenberg e ka mirëpritur lajmin nga Turqia, duke thënë se pret që edhe Hungaria t’iu japë fund procedurave sa më shpejt që është e mundur.

Suedia, bashkë me Finlandën, u kanë dhënë fund disa dekadave neutralitet më 2022, dhe kanë vendosur t’i bashkohen NATO-s, pas nisjes së luftës së Rusisë në Ukrainë.

Teksa Finlanda është pranuar, Suedisë i është penguar rruga nga Turqia, e ka pasur disa mospajtime me Suedinë lidhur me atë që e ka konsideruar përkrahje të Stokholmit për separatistët kurdë, duke përmendur pjesëtarë të Partisë Popullore të Kurdistanit (PKK).

Turqia, bashkë me Shtetet e Bashkuara dhe Bashkimin Evropian, e konsiderojnë PKK-në si organizatë terroriste.