Author: ATVLive

Janë larguar billbordet ilegale me simbole dhe imazhe të diktatorëve e agresorëve serb që ishin vendosur në Zveçan.

Lajmi është bërë i ditur nga ana e Ministrit të Punëve të Brendshme, Xhelal Sveçla përmes një postimi në rrjetin social në Facebook.

Lidhur me këtë rast Sveçla u shpreh se Simboli i vetëm i Serbisë brenda shtetit tonë do të jetë ambasada e saj në Prishtinë.

Postimi i plotë:

Simboli i vetëm i Serbisë brenda shtetit tonë do të jetë ambasada e saj në Prishtinë.

Sot në Zveçan janë larguar billbordet ilegale me simbole dhe imazhe të diktatorëve e agresorëve të cilat janë të papranueshme në Republikën e Kosovës.

Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë.

Këto billborde e imazhe të fashistëve e agresorëve si Vladimir Putin dhe kundërshtarëve të shtetit tonë, nuk do të gjejnë vend në shtetin tonë.

Psikologu Visar Sadiku, përmes grupit “Macet e Kosovës” në Facebook, ka propozuar që të realizohet një peticion për të vendosur për varrezat e kafshëve në Prishtinë.

“Duke e pasuar parasysh se macet tona dhe kafshët në përgjithësi, janë anëtarët e familjeve tona, dhe ne e dimë që ato nuk do të jenë me ne përgjithmonë, a nuk është e duhur që të realizojmë një peticion për Komunën e Prishtinës, për të vendosur për ‘varrezat e kafshëve’”, ka shkruar Sadiku në këtë grup.

Sipas tij të gjitha shtetet e Evropës kanë varreza të kafshëve.

“Unë nuk mendoj se është e duhur për një mase më të cilën ke kaluar shumë kohë, i ke dhënë e të ka dhënë shumë dashuri, të përfundojë në një gropë e të harrohet që ka ekzistuar ndonjëherë … Të gjitha shtetet e Evropës kanë varreza për kafshët”, ka shkruar Sadiku.

Ai është shprehur se për shkak të lidhjeve që krijojnë njerëzit me kafshët e tyre, duhet të ketë një vend që t’i varrosin pasi ato të ngordhin.

Kryetari i NISMA-s, Fatmir Limaj, mbrëmë në emisionin CONTEXT në ATV, deklaroi se Marrëveshja e Ohrit nuk ka qenë koncesus politik në Kosovë, por atë e ka bërë një njeri.

“Marrëveshja e Ohrit nuk u kanë koncensus, atë e ka ba një njeri. Ai ka ba koncesion, se koncensus s’ka pasë hiç, koncesion po. Koncesus, jam duke thënë se kushdo që është në Qeveri, duhet me i ftu pozitë dhe opozitë, duhet me i futë në proces, duhet me marrë përgjegjësi bashkë. Është një temë ku nuk duhet me fitu elektoralisht. Është një temë ku nuk guxon me kalkulu në dëm për nevoja ditore”, tha Limaj.

Ai thotë se problemi me Serbinë është problem nacional dhe për këtë duhet bërë bashkë pozitë dhe opozitë.

“Si Kosovë këtu, problemin me Serbinë nuk mundet me e zgjidh një njeri dhe këto probleme, ky është një problem nacional dhe duhet të reagojmë si komb, si vend, pozitë dhe opozitë. Nëse hipokrizi e dyfytyrësi ka politika ditore, këtu duhet të jemi shumë të qartë”, tha Limaj. /atvlive.tv

Avokati Tomë Gashi, përfaqësuesi juridik i Rrahim Fejzullahut, xhaxhait të 18-të vjeçarit, Lulzim Fejzullahut që u rrah për vdekje nga dy të mitur në Podujevë, njofton se është hapur fondi për ta ndihmuar familjen e Lulzimit.

Ai njofton se paratë që mblidhen destinohen vetëm per vëllain dhe motrën e Lulit, të cilët, për arsye shëndetësore nuk mund të punojnë.

“Fondi eshte hapur – ta ndihmojme familjen e Lulzim Fejzullahut!

Ne foto jane te dhenat e llogarise/fondit te hapur ne emer te Gezim Fejzullahut, vellait te Lulit.
Parate qe mbledhen destinohen vetem per vellain dhe motren e Lulit, te cilet, per arsye shendetesore, nuk mund te punojne”, shkruan avokati Gashi.

Agjencia e lajmeve shtetërore të Rusisë “Tass” ka publikuar një deklaratë të zëdhënëses së Ministrisë së Jashtme të Rusisë, Maria Zakharova, më 17 janar, ku kishte thënë se Shtetet e Bashkuara të Amerikës po i armatosin “strukturat ilegale të sigurisë” të Prishtinës me shitjen e raketave anti-tantik “Javelin”, shkruan The Geopost.

Këto pretendime të rrejshme Zakharova i bëri publike më 17 janar, pasi u dha lajmi nga Departamenti amerikan i Shtetit se ShBA ka pranuar t’i shesë Kosovës raketat antitank “Javelin”.

E këtë nuk vonua ta publikonte më pas edhe mediumi në gjuhën serbe “Kosovo Online”.

“Krijimi i strukturave paralele të sigurisë, të cilat Prishtina dhe patronët e saj, përfshirë Shtetet e Bashkuara, i quajnë ushtri, synon t’i shërbejë një qëllimi krejtësisht tjetër – ambicieve nacionaliste të kryeministrit të Kosovës Albin Kurti… Dhe tani Uashingtoni dëshiron t’u japë armë më serioze radikalëve të Kosovës, të cilët, sipas Shteteve të Bashkuara të Amerikës, duhet të ndihmojnë në forcimin e të ashtuquajturës pavarësi e tyre”, deklaroi ajo.

Analiza:

Zakharova vazhdimisht bën deklarata kundër shtetësisë së Kosovës që janë në të njëjtën linjë me Beogradin, sidomos kur këto lidhën me ndihmën që Shtetet e Bashkuara ia japin një shteti demokratik siç është Kosova.

Por, pas një verifikimi vërehet se faktet qëndrojnë ndryshe dhe se deklarata e Zakharovës është dezinfromatë.

Më 18 tetor të vitit 2018 Kuvendi i Kosovës i ka miratuar në parim tri projektligjet e propozuara nga qeveria për shndërrimin e Forcës së Sigurisë së Kosovë në ushtri të rregullt. (https://gzk.rks-gov.net/ActDocumentDetail.aspx?ActID=18375)

Në këtë datë, Parlamenti i Kosovës me 106 vota pro, një abstenim, nga 120 deputetë sa i ka Kuvendi, miratoi tri ligjet që e ndryshojnë mandatin e Forcës së Sigurisë së Kosovës (FSK) në ushtri të Kosovës, por pa iu ndërruar emri.

Komandanti i Forcave të përbashkëta të NATO-s në Napoli, James Foggo, atëherë pati thënë se “Transformimi i Forcave të Sigurisë së Kosovës, është një vendim sovran nga një shtet demokratik siç është Kosova”. (https://www.evropaelire.org/a/29652776.html)

Që nga viti 2008, ushtria e Kosovës është duke u konsoliduar dhe ky proces është planifikuar të zgjasë për 10 vjet./GEOPost

Ministri për Komunitete dhe Kthim në Qeverinë e Kosovës, Nenad Rashiq, në një përgjigje për Ekonomia Online, ka thënë se procesi i nënshkrimit të peticioneve, i cili do të hap rrugën për shkarkimin e kryetarëve shqiptarë në katër komuna në veri të Kosovës, është proces legjitim korrekt i përcaktuar nga institucionet e Kosovës.

Ai ka thënë se si qeveri kanë pasur të drejt që nga fillimi që shkarkimi i katër kryetarëve të bëhet përmes Udhëzimit Administrativ dhe jo me propozime të tjera improvizuese.

“Ky është proces legjitim korrekt është i përcaktuar prej institucioneve kosovare sikurse që është prej anës së Ministrisë së Pushtetit Lokal dhe unë jam në fund i bindur se procedurat të cilat i përcaktojmë ne si institucion ose vet institucionet që e kanë të drejtën me kreditin e dokumenteve. Kemi pasur të drejt prej fillimit që duhet një zgjidhje sistematike. Jo propozime që kemi pasur me improvizime”, tha ai.

Rashiq ka shtuar se dizajnimi i Udhëzimit Administrativ, ka qenë dëshmi që krijimi i bazave ligjore është diçka që institucionet në Kosovë dinë ta bëjnë me profesionalizëm.

“Opsioni i parë ka qenë dorëheqja e kryetarëve, dhe kjo e ka pasur një konotacion shumë të çuditshëm që kryetarët ta japin dorëheqje pas një kohe të shkurtër, pavarësisht se nuk i hyjnë legjitimitetit unë po flas për legalitetin, dhe në këtë rast kur dizajnohet Udhëzimi Administrativ për mua është një dëshmi që krijimi i bazave ligjore është diçka që institucionet e Kosovës janë të gatshme ta bëjnë në mënyrë profesionale”, është shprehur ai për EO.

Tutje, ai u shpreh se nënshkrimi i peticionit është vetëm iniciativa fillestare e gjithë procesit, por që ai bëri thirrje që e gjithë procedura të respektohet.

“Nënshkrimi i peticioni i kërkesës për shkarkim është një iniciativë fillestare, i cili po duhet ta siguroj daljen në referendum e kështu me radhë. Por prapë po kthehemi në atë aspekt që duhet me pas forma dhe dinamika të punës në këtë rast procesi të respektohet siç duhet”, tha ai.

Ministri i Bujqësisë dhe Ushqimit të Bullgarisë Kiril Vatev, ka mbërritur të enjten për një vizitë zyrtare në Kosovë, me ç’rast në pikën kufitare në Han të Elezit është pritur nga Ministri i BPZhR-së, Faton Peci.

Gjatë vizitës së tij dy ditore në Kosovë, Ministri i Bullgarisë, Vatev së bashku me Ministrin Peci në takimin bilateral që do ta zhvillojnë gjatë ditës do të diskutojnë për konkretizimin e bashkëpunimit në mes të dyja shteteve në fushën e bujqësisë dhe zhvillimit rural përmes projekteve të përbashkëta zhvillimore.

Krahas kësaj, të dy së bashku do të realizojnë edhe një varg aktivitetesh, duke përfshirë këtu vizitat tek disa agrobiznese vendore në vendin tonë, për t’u njohur nga afër me potencialin zhvillimor të prodhuesve vendor.

Ministri Peci dhe homologu i tij bullgar, Kiril Vatev, gjatë kësaj vizite do të bisedojnë edhe për mundësitë e thellimit të shkëmbimeve tregtare mes shteteve të tyre në mënyrë që produktet e Kosovës të jetë pjesë e tryezave bullgare.

Një person nga qyteti i Prishtinës bleu një shtëpi të re. Mirëpo me të hyrë në shtëpinë e re u befasua nga ajo çfarë gjeti brenda saj.

Ai gjeti një armë dhe për këtë informoi menjëherë policinë. Me të marrë informatën Policia filloi kontrollin.
Në kontroll e sipër u gjet edhe një pushkë gjuetie me 27 copë fishekë me leje të skaduar. Me vendim të prokurorit, rasti në procedurë të rregullt.

“Rr. Lugmiri, Prishtinë 24.01.2024-16:30. Një mashkull kosovar ka raportuar se në shtëpinë tij të cilën e ka blerë nga i dyshuari mashkull kosovar ka gjetur një armë. Policia ka konfiskuar të njëjtën ndërsa gjatë kontrollit në banesë e të dyshuari është gjetur një pushkë gjuetie me 27 copë fishekë me leje të skaduar. Me vendim të prokurorit, rasti në procedurë të rregullt.”, thuhet në raport.

Presidentja Vjosa Osmani ka deklaruar se fokusi i saj është që të rris pjesëmarrjen e grave dhe vajzave në biznes, raporton EO.

Këto deklarime a para e shtetit i bëri në ditën e tretë të Forumit të Biznesit në Kosovë, duke shtuar se rrugëtimi i grave në biznes është duke u përballur me sfida të ndryshme, andaj edhe kërkoi që të krijohet një mjedis në mënyrë që grave të mos ju duhet që të zgjedhin mes punës dhe familjes.

“Më vjen mirë që po e fillojmë këtë ditë së bashku dhe mendoj që në mesin tuaj ka një forcë shtytëse e pozitive. Natyrshëm se fokusi im është tek pjesëmarrja e grave dhe vajzave në biznes”, tha ajo.

Sipas saj, Përfshirja e barabartë është çelësi kryesore për zhbllokim e parakusht për mirëqenien e përbashkët.

“Kur gratë janë aktive në shoqëri vet shoqëritë përparojnë, bota po përjeton ndryshim e në krye të saj janë vet gratë. Rruga drejtë barazisë gjinore është e gjatë dhe duhet të luftohen vazhdimisht steriotipet e paragjykimet”, tha ajo.

Tutje, presidentja Osmani tha se gratë janë shumë më shumë se kaq, burim i energjisë transformuese, e që po dëshmohet edhe përmes lidershipit përmes organizatave, startup-ve e megjithatë rrugëtimi i tyre është plotë sfida, me jo balancë mes jetës private e asaj profesionale.

“Oraret fleksibile të punës, përkujdesjen ndaj fëmijëve përmes çerdheve, krijimi i mjedisit ku gratë nuk duhet të zgjedhin mes jetës profesionale dhe asaj private sepse mund ti kenë të dyjat”, tha ajo.