ATV

Author: ATVLive

  • Avokatet kritikojnë institucionet për mungesë vizitash ndaj ish-krerëve të UÇK-së

    Avokatet kritikojnë institucionet për mungesë vizitash ndaj ish-krerëve të UÇK-së

    Institucionet e Republikës së Kosovës nuk po bëjnë mjaftueshëm në rastin e ish-krerëve të UÇK-së të cilët po gjykohen në Hagë. Kështu vlerësojnë avokatët në vend, teksa kërkojnë të ndihmohen duke krijuar departament me një grup juristësh, raporton Ekonomia Online.

    Ata kritikojnë edhe mungesën e vizitës nga krerët institucional në Hagë, teksa e quajnë “diastanim në raport me ta”.

    Avokati Burim Halili, ka thënë për Ekonomia Online se mungesa e vizitave të krerëve institucional në Hagë, shpërfaq distancim për çlirimtarët.

    “Fillimisht krerët e institucioneve tona është dashtë të krijojnë një departament prej një grupi juristësh vigjilent, njohës të fushës ndërkombëtare të krimeve të luftës dhe të njëjtit është dashtë të t’u ndihmojnë të bashkakuzuarve dhe anëtarët e familjeve tyre për të përzgjedhur avokatët më të mirë në Tribunalët ndërkombëtare që kanë treguar vetën edhe në rastet tjera të mëhershme”, u shpreh Halili, duke kërkuar nga institucionet që të jenë bashkërisht në këtë betejë ligjore.

    “… mendoj që nuk është në rregull të mos iu bëhen vizita nga krerët e institucioneve tona ish-krerëve të UÇK-së sepse tregon një distancim nga institucionet tona në raport me ta dhe këtu mendoj që duhet të kemi më shumë vizita nga krerët e institucioneve dhe të njëjtit t’ua japin besimin që në këtë betejë ligjore jemi bashkërisht për të mos u akuzuar nga institucionet dhe shtetet ndërkombëtare për ndërhyje ne drejtësi mund të rezervohen në deklarimet e tyre lidhur me pa ose fajësinë e tyre përveç deklarimeve që kanë të bëjnë më atë krerët që besojnë fuqishëm në pafajësinë e tyre dhe besojnë në një vendim të drejtë të ndërkombëtarëve në Hagë”, u shpreh Halili.

    Ndërsa avokati tjetër, Arbër Jashari, ka thënë për Ekonomia Online, se nuk mjaftojnë deklarimet nga ana e Ministrisë së Drejtësisë për pagesat e avokatëve.

    “Atje kemi të bëjmë me një gjykim që është i madh dhe maratonik dhe shumë i rëndësishëm që kërkon qasje profesionale, prandaj nuk mjafton të thuhet se ne do të paguajmë avokat ose të caktohen kuota, rregullore ose ligje të caktuara. Ligjet dhe direktivat ligjore dhe duhet t’i përshtaten situates reale. Secilit të pandehuri atje, pra krerët e UCK-së duhet t’u jepet mundësia që të mbrohen ashtu siç ata dëshirojnë dhe më ekipin që ai mendon se do të ja dal mbarë”, deklaroi Jashari.

    Duke folur për mbrojtjen që po i bën shteti ish-krerëve të UÇK-së, Jashari ka kërkuar që të lihen anash inatet politike dhe të jenë të bashkuar. Këtë e konsideron si borxh ndaj tyre.

    “Të gjithë ju kemi borxh atyre të cilët kanë luftuar. Më përpara populli jonë është solidarizuar në forma të ndryshme për t’u dal në ndihmë, ndërsa tani që e kemi shtetin tonë, është mirë që shteti të përkujdeset dhe t’u dal në ndihmë ashtu siç ata e meritojnë, pasi që bëhet fjalë për mbrojtjen e disa nga vlerave tona më sublime, duhet të harrohen emrat e përveçëm duhet të harrohen paragjykimet që mund t’i ketë pushteti aktual. Jemi duke folur për periudhën e viteve 1998-1999 e cila është periudha më e rëndësishme për shqiptaret dhe shteti jonë duhet të bëjë shumë më shumë”, ka thënë Jashari.

  • Pushimorja e dytë në Istog rrezikon shembjen e disa shtëpive përreth

    Pushimorja e dytë në Istog rrezikon shembjen e disa shtëpive përreth

    Përgatiti: Pranvera Krasniqi

    Me aq sa mundet, mundohet të bëjë zgjidhje.

    Një distancë fare e vogël ndan shtëpinë e Sefer Ademajt me këtë objekt gjysmë të rrënuar, i cili dy dekada më parë shërbente si pushimore për pensionistët prishtinas në Banjë të Istogut.

    “Pas lufte nuk u shfrytëzua asnjëherë, unë e kamë shtëpinë këtu menjëherë pe shihni edhe vet…”, tha Ademaj.

    Kishte raste kur tjegullat e objektit për shkak të erërave kishin përfunduar në oborrin e tij.

    Telashe ka edhe nga kundërmimi për shkak të mbeturinave të grumbulluara që nga paslufta e Ahmetaj i druan ndonjë epidemie.

    Të gjitha këto i kishte adresuar në shoqatën e pensionistëve që të ndërmarrin hapa konkret për objektin, por pa sukses.

    “Kemi dërgua njëherë kërkesë si familje, pastaj edhe më gjerë por asgjë…Sidomos gjatë stinës së verës bëhet katastrofë, këtu mund të ketë kafshë të ngordhura e gjithçka mbeturina…”, tha Ademaj.

    Ndërkaq, nga drejtoria për mirëqenie sociale në Prishtinë thuhet se në planet e tyre për rinovim kanë vetëm një pushimore në Istog, atë për të cilën ATV raportoi të premten.

    “Shoqata komunale e pensionistëve të Prishtinës e ka vetëm një objekt të saj në qytetin e Istogut, andaj kemi marrë përsipër ta rinovojmë në tërësi atë”, tha drejtoresha për Mirëqenie Sociale në Prishtinë, Adelina Sahiti.

    Muaj më parë, banorët e fshatit Banjë të Istogut kishin dërguar një peticion në shoqatën e pensionistëve.

    Aty ishin mbledhur nënshkrimet e banorëve së bashku me përshkrimin e rreziqeve që mund të vijnë nga objekti por kërkesat nuk u morën parasysh.

    Më shumë detaje i gjeni në Edicionin Qendror të lajmeve në videon më poshtë:

  • Enver Sekiraqa lirohet nga arresti shtëpiak

    Enver Sekiraqa lirohet nga arresti shtëpiak

    Përgatiti: Krenare Mulliqi

    Pas më shumë se dy vjetësh në arrest shtëpiak i akuzuari për nxitje në vrasjen e ish-policit Triumf Riza, Enver Sekiraqës, masa i është zëvendësuar me paraqitje në stacion policor një herë në javë.

    Gjykata Themelore në Prishtinë ka aprovuar propozimin e Avokates së tij, që Sekiraqa të mbrohet në liri, tha avokatja e tij për ATV-në.

    “Në seancën e fundit gjyqësore kam propozuar zëvendësim të masës së arrestit shtëpiak me atë të paraqitjes në stacion policor dhe gjykata e ka aprovuar propozimin tim dhe nga dje i njëjti mbrohet në liri nën masën e paraqitjes në stacion policor një herë në javë”, tha për ATV-në Kosovare Kelmendi, avokate e Enver Sekiraqës.

    Sipas një njoftimi të Gjykatës Themelore masa e paraqitjes në stacion policor për Sekiraqën do të zgjasë një muaj.

    Aktakuza ndaj Enver Sekiraqës ishte ngritur në prill të 2014-s për tri vepra penale, nxitje në vrasjen e Triumf Rizës, “detyrim” dhe “dhunim”, e për këtë të fundit, gjykata e shkallës së parë e kishte shpallur të pafajshëm.
    Gjykata Themelore në Prishtinë, për herë të dytë më 16 shtator 2019, e kishte shpallur fajtor Enver Sekiraqën për nxitje në vrasjen e policit Rizad uke e dënuar me 30 vjet burgim.

    Mirëpo, Gjykata e Apelit në mars 2020, e ktheu rastin për të dytën herë në rigjykim.

    Sekiraqa për të njëjtin rast ishte dënuar edhe më 17 maj 2016 më 37 vjet burgim.

    Polici Triumf Riza u vra më 30 gusht të 2007, vrasje për të cilën Arben Berisha është dënuar me 35 vjet burg.

    Më shumë detaje i gjeni në Edicionin Qendror të lajmeve në videon më poshtë:

  • Asnjë bankë serbe s’ka aplikuar për licencim në BQK

    Asnjë bankë serbe s’ka aplikuar për licencim në BQK

    Përgatiti: Krenare Mulliqi

    Pavarësisht se kanë kaluar 10 ditë që nga hyrja në fuqi e rregullores së Bankës Qendrore të Kosovës më të cilën parashihet që pagesat në Kosovë të kryhet vetëm me euro, asnjë bankë serbe nuk ka aplikuar për licencim.

    Sipas rregullores që nga hyrja e saj në fuqi, bankat kanë kohë 30 ditë që bëjnë kërkesë për licencim. BQK-ja përmes një përgjigje për ATV-në nuk dha detaje nëse edhe bankat të cilat tashmë operojnë në Kosovë kanë aplikuar për këtë licencë.

    “Ju informojmë se që nga hyrja në fuqi e rregullores, Për Operacionet me Para Të Gatshme nuk ka aplikuar – s’ka bërë kërkesë për licencim asnjë bankë që vjen nga shteti serb. Procedurat dhe kriteret e licencimit janë të rregulluara me Rregulloren e BQK-së për Licencimin e Bankave dhe Degëve të Bankave të Huaja. Për çdo aplikues, procedurat dhe kriteret për licencim janë të sqaruara”, thuhet në përgjigjen e BQK-së.

    Ndërkaq sipas ekonomistëve bankat në Kosovë mund edhe të hezitojnë për të hapur filiale në komunat veriore për shkak të situatës së brishtë atje.

    Sipas tij afati për 30 ditësh edhe mund të shtyhet.

    Në rregullore të BQK-së për para të gatshme në nenin 36 parashihet se këmbimet valutore mund të kryhen në Republikën e Kosovës vetëm përmes institucioneve të licencuara nga BQK-ja që ofrojnë këtë shërbim.

    Më shumë detaje i gjeni në Edicionin Qendror të lajmeve në videon më poshtë:

  • Qeveritarët optimistë për autostradën deri në Gjilan

    Qeveritarët optimistë për autostradën deri në Gjilan

    Përgatiti: Arton Hamiti

    Sikurse ky ekip i ATV-së, për ta shfrytëzuar autostradën Prishtinë – Gjilan, qytetarët duhet të presin edhe një kohë. E paraparë të përfundonte në vitin 2020, punët në terren, po shkojnë ngadalë.

    Ndonëse në vende të caktuara është kantier ndërtimi, zëvendësministri i Infrastrukturës, Hysen Durmishi është optimist që segmenti deri në Bresalc të finalizohet gjatë këtij viti.

    “Nga Banulla ku fillon autostrada e deri në Bresalc disa lote janë para përfundimit kanë mbet vetëm këto punët finale ne disa ka pak ma shume pune dhe jemi duke punu një urë, që është në pjesë të Zheovcit dhe na kanë mbet disa pjesë të gërmimit që duhet me i përfundua që me e hapë komplet trasenë dhe deri ka gjysma e vitit po shpresojmë qe deri kah gjysma e vitit ta përfundojmë komplet deri ne Bresalc”, tha Durmishi.

    Për projektin që në veçanti do t’iu shërbejë banorëve të Anamoravës dhe Luginës së Preshevës, foli edhe kryetari i Gjilanit. Alban Hyseni theksoi problemet.

    “Problemet me shpronësimin, rrëshqitjet e dheut për shkak të kualitetit jo të mirë të projekti. Kemi pas edhe zvarrite të punëve nga operatori për shkak të ngritjes së çmimeve që kanë sjellë problem. Unë besoj që brenda këtij viti autostrada e Gjilanit do të jetë temë e harruar”, tha Hyseni.

    Ndërkohë, ministria e Infrastrukturës pritet ta shpallë tenderin për ndërtimin e segmentit nga Bresalci deri të Dheu i Bardhë. Fillimisht janë paraparë 60 milionë euro.

    “Këto nuk mjaftojnë por planifikohet që autostrada në tërësinë e saj, pra deri te Dhe u Bardhe faza e ndërtimit te zgjasë 4 vite… kështu që një pjesë e buxhetit është e parapare ne vitin i cili nuk është ende në buxhet pra ne vitin 2024-25 dhe 2026-27 që të përfundojë në tërësi”, tha Durmishi.

    Gjatësia e autostradës nga Prishtina deri në Gjilan është 22 kilometra, teksa mbi 12 kilometra janë të asfaltuara dhe të përfunduara.

    Më shumë detaje i gjeni në Edicionin Qendror të lajmeve në videon më poshtë:

  • Faturat në veri pritet të shpërndahen gjatë këtij muaji

    Faturat në veri pritet të shpërndahen gjatë këtij muaji

    Përgatiti: Benita Zeneli

    Gjatë muajit shkurt pritet që qytetarëve të katër komunave veriore t’ju shpërndahen faturat e energjisë elektrike.

    Sipas kryetarit të Bordit të Zyrës së Rregullatorit për Energji, Ymer Fejzullahu, leximi i njehsorëve është në proces derisa janë të regjistruar rreth 22 mijë konsumatorë.

    “Një pjesë e tyre (njehsorëve) besoj se janë në rregull, por ata që nuk janë në rregull do të zëvendësohen me njehsorë të rinj… Këto detaje ende nuk i kemi (rreth mënyrës dhe çmimit të pagesës), mirëpo presim një raport nga Elektroseveri, KEDS-i dhe KOSTT-i…. Po gjatë këtij muaji ata duhet veç t’i shlyejnë detyrimet për muajin janar”, tha Fejzullahu.

    Ndërkohë, qytetarët në atë pjesë shprehen të gatshëm të kryejnë obligimet.

    “Nuk kam pranuar (faturë të rrymës)… Kam njehsorin e rrymës, është që 30 – 40 vjet… Nëse vijnë faturat duhet të paguhen, të gjitha duhet të paguhen”, tha Svetomir Boskovic, qytetar.

    Ndonëse thonë se ende nuk i kanë marrë faturat ka prej atyre që ende nuk kanë orëmatës.

    “Për rrymë nuk kam marrë kurrfarë faturash. Jo, nuk kam njehsor, mirpëo është një obligim civilizues çdo kund, do ta paguajmë normalisht edhe ne energjinë elektrike”, tha një tjetër qytetar.

    akoma nuk kam marrë faturë për rrymë… Me sa di unë jo, akoma nuk më kanë vënë njehsorë, por natyrisht se do ta paguaj rrymën”, tha Gordana Vlajic, qytetare.

    Ndërkohë nga ZRRE-ja nuk kanë dhënë detaje rreth mënyrës së faturimit, sidomos të atyre që janë pa njehsorë, dhe as për çmimin e kë nëse do të jetë i njëjtë sikurse në pjesët tjera të Kosovës.

    Më shumë detaje i gjeni në Edicionin Qendror të lajmeve në videon më poshtë:

  • Banorët e fshatrave të banuar me shqiptarë në Leposaviq pajtohen ta paguajnë rrymën

    Banorët e fshatrave të banuar me shqiptarë në Leposaviq pajtohen ta paguajnë rrymën

    Përgatiti: Driton Sadiku

    Banorët e fshatrave të banuar me shqiptarë në Leposaviq nuk shkoi askush t’i informojë rreth mënyrës së pagesës së energjisë eklektike.

    Megjithatë, me atë se çfarë dëgjuan, banorët e tri fshatrave, Koshtovë, Bistricë e Cerajë, u mblodhën të diskutojnë se çfarë të bëjnë. Nga takimi që patën pati dakordim që rryma të paguhet.

    Meqë me paushall nuk pajtohen kërkojnë vendosjen e njehsorëve të rinj.

    Por, para se të fillojë t’u faturohet rryma e kanë një kërkesë.

    Banorët shqiptarë të komunës më veriore të vendit nuk e kanë problem që rrymën duhet paguar kompanisë Elektroserver, por s’duan të jenë të vetmit që paguajnë.

    E për faturimin e energjisë në pjesën veriore të vendit vendosjen e njehsorëve digjitalë e ka marrë përsipër ta financojë Bashkimi Evropian.

    Më shumë detaje i gjeni në Edicionin Qendror të lajmeve në videon më poshtë:

  • KOSTT-i nuk e bart më barrën e veriut, por s’e di a do të kompensohet

    KOSTT-i nuk e bart më barrën e veriut, por s’e di a do të kompensohet

    Përgatiti: Fatlum Jashari

    Nga 30 Janari, kur ZRRE-ja ia hoqi obligimin në licencë, KOSTT-i nuk është i detyruar t’i mbulojë humbjet për energjinë e papaguar në veri, por ende nuk dihet nëse do të kompensohet për dëmin buxhetor pas licencimit të Elektroseverit.

    Në një situatë të pazakontë, nga Qershori 2022 – për një vit e gjysmë, dy kompani KOSTT dhe Elektrosever, përmes licencave të tyre, ishin përgjegjës për energjinë elektrike në Mitrovicë të Veriut, Zveçan, Leposaviq dhe Zubin Potok.

    Megjithëkëtë, dështimi për përmbushjen me kohë të licencës nga Elektrosever i kushtoi vetëm KOSTT-it dhe buxhetit të shtetit.

    Rreth 50 milionë euro llogaritet të jetë dëmi buxhetor nga 1 Tetori 2022, kur sipas licencës, Elektrosever do të duhej të ishte tërësisht funksional dhe të niste faturimin e energjisë elektrike në veri.

    Derisa KOSTT-i dhe ZRRE-ja presin veprime politike, Qeveria kërkon zgjidhje në dialog.

    “Problemi i tretë të cilin e kemi diskutuar janë borxhet e akumuluara të KOSTT-it si rezultat i devijimeve për konsumin e energjisë pas Tetorit të vitit 2022, për çka presim që BE-ja të gjejë një zgjidhje për financimin e tyre”, tha zëvendëskryeministri, Besnik Bislimi.

    Në një përgjigje për ATV-në, muaj më parë, BE-ja kishte thënë se borxhi është çështje që duhet zgjidhur mes palëve.

    Peter Stano, zëdhënësi i BE-së për Politikë të Jashtme dhe Siguri
    “Lidhur me përgjigje praktike në pyetje praktike e konkrete, për ndikimin në buxhetin e Kosovës, kush çfarë paguan, kjo është diçka që duhet të trajtohet nga akterët kryesorë dhe partnerët kontraktualë. Ne jemi aty për t’iu ndihmuar të gjejnë zgjidhjet më të mira”, ka thënë zëdhënësi i BE-së për Politikë të Jashtme dhe Siguri, Peter Stano.

    Referuar rrethanave dhe ndikimit të politikës, eksperti i energjisë Naim Bujupi, theksoi se një marrëveshje e bazuar në obligimet që dalin nga licenca është e domosdoshme.

    “Pasi është politizuar si çështje, mendoj se mund të diskutohet në nivel politik, që ai obligim gjithsesi duhet të paguhet nga Elektroseveri. Nëse duhet të zbatohet licenca, ajo duhet të zbatohet në tërësi, jo parcialisht. Nëse zbatohet në tërësi, atëherë duhet të paguhet nga i licencuari, në këtë rast Elektrosveri”, tha Bujupi.

    Nga 1 Janari, përgjegjësia e plotë për energjinë në veri i takon Elektroseverit.
    Që nga përfundimi i luftës, dëmi buxhetor si pasojë e mos-pagesës së energjisë në këtë pjesë të vendit llogaritet të jetë rreth 350 milionë euro.

    Më shumë detaje i gjeni në Edicionin Qendror të lajmeve në videon më poshtë:

  • Kurti e Vetëvendosja kujtojnë Mon Balajn e Arben Xheladinin

    Kurti e Vetëvendosja kujtojnë Mon Balajn e Arben Xheladinin

    Përgatiti: Arton Hamiti

    Në protestën e 10 shkurtit të vitit 2007, kundër Pakos së Ahtisaarit, ishte se bashku me ta.

    Pas 17 vjetësh, tashmë kryeministër, Albin Kurti përkujtoi dy aktivistët e Lëvizjes Vetëvendosje Mon Balajn e Arben Xheladinin.

    “Sot me 10 shkurt ne i përkujtomë me mall e dhimbje por edhe me krenari, Mon Balaj e Arben Xheladini, dy aktivistë të VV-së të cilët u vranë para 17 vjetëve nga policia ndërkombëtare e UNMIK-ut. 232 plumba gome me afat të skaduar dhe të keqpërdorura jashtë protokolleve të Kombeve të Bashkuara u hodhën mbi gjokset dhe kokat e protestuesve paqësor”, tha Kurti.

    Kritikat e asaj kohe për Pakon e Ahtisarit, Kurti vazhdon t’i konsiderojë të drejta.

    “Me 2 shkurt të viti 2007 pat zbritur pakoja e Ahtisarit e cila u kundërshtua dhe u kritikua nga lëvizja jonë VV, me qenë se parashihte shumë koncesione monoetnike në vendin tonë. Ne atë botë kundërshtuam ulëset e garantuara e të rezervuara në Kuvendin e Kosovës me të drejt vetoje për pakicën serbe, kundërshtuam realitetin mbi baza fetare, decentralizimin mbi baza etnike, kundërshtuam shuarjen e trupave mbrojtës të Kosovës dhe kundërshtuam vazhdimin e sundimit ndërkombëtar me fuqi ekzekutive mbi neve”, tha Kurti.

    Për homazhe te pllaka përkujtimore ishte edhe kryeparlamentari Glauk Konjufca dhe anëtarë të tjetër të partisë. Konjufca tha se Balaj e Xheladini, janë dëshmorë të përpjekjes së vazhdueshme për shtet të barabartë.

    “Pas vitit 1999 kemi pas dëshmor siç janë Arbër Xheladini dhe Mon Balaj, këta janë dëshmorë të përpjekjes së vazhdueshme të popullit të Kosovës që shteti me qenë i barabarte dhe ne me qenë qytetarë të një shteti të dinjitetshëm. Kjo është arsyeja pse ranë Moni dhe Arbeni por pastaj me rënien e Enver Zymberit dhe të Afrim Bunjakut tash së fundi po tregohet se përpjekja po vazhdon edhe pas pavarësisë për popullin tonë edhe pas vitit 2008”, tha Konjufca.

    Krerë të partisë në pushtet e familjarë, këtë 10 shkurt vizituan edhe varret e aktivistëve të vdekur.

    Me organizimin e Lëvizjes Vetëvendosje, me 10 shkurt të vitit 2007 u mbajt protesta kundër Pakos së Ahtisaarit. Kjo njëherësh ishte protesta më masive e Lëvizjes Vetëvendosje e asaj kohe.

    Policia e UNMIK-ut, konkretisht anëtarë të regjimentit rumun e ukrainas, shtënë me plumba gome ndaj protestuesve, duke lënë të vdekur 2 protestues dhe plagosur mbi 80-të të tjerë.

    Më shumë detaje i gjeni në Edicionin Qendror të lajmeve në videon më poshtë:

  • Raportimet për atentat ndaj Kurtit, ai thotë se s’u ndje i rrezikuar

    Raportimet për atentat ndaj Kurtit, ai thotë se s’u ndje i rrezikuar

    Përgatiti: Benita Zeneli

    Kryeministri i Kosovës, Albin Kurti ka deklaruar se nuk është ndjerë i rrezikuar, edhe pse ka mësuar se ka shumë kërcënime për të nga Beogradi.

    Kryeministri Kurti të premten mbrëma qëndroi në Shkup. Siç ka raportuar transmetuesi publik, Kurti është kërcënuar me vrasje derisa autoritete maqedonase menjëherë kanë vendosur masa të rrepta sigurie.

    “Kam mësuar që ka shumë kërcënime nga individë e struktura të cilat i kanë rrënjët e tyre në Beogradin zyrtar”, tha Kurti.

    Sipas burimeve të televizionit publik të Kosovës tentativa për atentat ndaj kryeministrit të Kosovës, ka ardhur nga “atentatorë të mundshëm të ekstremit serbo-maqedonas, të afërt me Federatën Ruse, por nën kontrollin e institucioneve serbe”.

    Sidoqoftë, kryeministri të shtunën mori pjesë në disa aktivitete të Lëvizjes vetëvendosje në Prishtinë dhe tha se nuk është ndjerë i rrezikuar.

    “Sa erdha nga Shkupi, nuk jam ndier i rrezikuar, por kam parë që kishte shumë forca policore që u kujdesen për këtë mbledhje që e mbajtëm, e ku mysafiri special ishte përfaqësuesi i SPD-së gjermane, Lars Klingbeil”, tha Kurti.

    Ndryshe kjo është hera e parë që ndaj kryeministrit Kurti pati raportime për plane për atentat. Megjithatë Ministria e Punëve të Brendshme e Maqedonisë së Veriut ka thënë se nuk ka pasur tentim për vrasjen e tij.

    Kurti qëndroi në Shkup në cilësinë e kryetarit të Lëvizjes VETËVENDOSJE e cila mori pjesë në takim rajonal të partive simotra të Partisë së Socialistëve Evropiane.

    Më shumë detaje i gjeni në Edicionin Qendror të lajmeve në videon më poshtë: