ATV

Author: ATVLive

  • Rubin: Më shqetëson fakti që dikush të qëndrojë i paraburgosur për pesë vjet, ata u dorëzuan vullnetarisht

    Rubin: Më shqetëson fakti që dikush të qëndrojë i paraburgosur për pesë vjet, ata u dorëzuan vullnetarisht

    Përgatiti: Arian Hajdaraj

    Para disa minutave, James Rubin, ish-ndihmëssekretar i Departamentit të Shtetit në SHBA, përfundoi dëshminë e tij në Gjykatën Speciale.

    Në ditën e dytë, Rubin u mor në pyetje vetëm nga Prokuroria, për afro katër orë.

    Prokurorit i kishte mbetur në mendje deklarimi i Rubinit për vendosjen në krah të shqiptarëve, të cilët ishin viktima. Për këtë arsye, sot i parashtroi pyetje
    shtesë, të cilave dëshmitari iu përgjigj shpejt.

    “Fillimisht e përshkruam UÇK-në si organizatë që zhvillonte aktivitete terroriste. Ky qëndrim më pas ndryshoi me kalimin e kohës, veçanërisht pasi UÇK u pajtua me Marrëveshjen e Rambujesë. Atëherë e konsideruam se ata ishin në anën e engjëjve, sepse nënshkruan marrëveshjen e paqes”, tha Rubin.

    Më tej, Prokurorit i interesoi të kuptonte qëndrimin e Rubinit lidhur me vetë Prokurorinë Speciale, pasi ai kishte refuzuar të intervistohej nga ajo.

    Në këtë çështje, amerikani dha një qëndrim të qartë dhe të prerë, duke e cilësuar procesin të padrejtë.

    “Fakti që të akuzuarit kanë qenë në paraburgim këtu në Hagë për më shumë se pesë vite, dhe fakti që ata janë dorëzuar vullnetarisht, si dhe fakti që janë mbajtur kaq gjatë, më shqetëson. Mendoj që kjo lidhet me politikën dhe me shtetin e së drejtës. Më shqetëson fakti që dikush të mbahet i burgosur për pesë vite para se të fillojë një proces gjyqësor, ndërkohë që këta persona janë dorëzuar vullnetarisht dhe kanë bashkëpunuar me gjykatën”, tha Rubin.

    Megjithatë, për dëshminë e tij, James Rubin kishte qenë i përgatitur për një proces të gjatë.

    “U përgatita për më shumë se 100 orë për këtë dëshmi. Ndërkohë, u konsultova me juristë. Më thanë se të mbash një burrë shteti në këtë mënyrë është e padrejtë”, tha Rubin.

    Në vijim, 65-vjeçari u pyet nga prokurori për një raport ku thuhej se rreth 200 persona ishin ndaluar nga UÇK-ja, disa prej të cilëve edhe ishin vrarë. Por përgjigjja e tij ishte e prerë.

    “Raportet e asaj kohe shpeshherë ishin të pavërteta. Qarkullonin shumë lajme të rreme. Por ne nuk kemi pasur dëshmi për këtë”, tha Rubin.

    Kah fundi, prokurori e përmendi një fotografi të Rubinit së bashku me Artan Behramin, një të afërm të ish-presidentit.

    Në përgjigje, Rubin shtoi edhe një dozë humori.

    “Sa i takon zotit Behrami, nuk më kujtohet. Shqiptarët e Kosovës më kërkojnë shpesh që të bëjmë fotografi dhe unë mundohem të jem miqësor. I kërkoj ndjesë atij, por nuk më kujtohet. Meqë ra fjala, postimi më pëlqen, aty ku falënderohet Rubin dhe presidenti i SHBA-së për lirinë”, shtoi Rubin.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Familjarë e veprimtarë përcollën nga afër në speciale për dëshminë e James Rubinit

    Familjarë e veprimtarë përcollën nga afër në speciale për dëshminë e James Rubinit

    Përgatiti: Arian Hajdaraj

    Nga Zvicra, Salih Bislimi erdhi në Hagë për të protestuar të dielën.

    Por, veprimtari nuk e la me kaq, ai mori leje nga Gjykata, për ta përcjellë edhe gjykimin nga afër, për dy ditë me radhë.

    Kështu, ky dëgjoi nga afër edhe dëshminë e James Rubinit, e cila i ka lenë jo pak mbresa.

    “James rubin është një hero i kosoves. Ne mënyrë shume konkrete shpjegoi rolin e Thacit, dhe u distancu nga akuzat. Sot e dje u konststu se aktakuzat janë të pabaza”, tha Bislimi.

    Bazuar në këtë dëshmi, Bislimi, me prejardhje nga Kamenica beson se ish-liderët e UÇK-së do dalin faqebardhe nga ky proces.

    “Unë mendoj që tash jemi në fund të tunelit dhe po e shohim dritën. Dhe se shpejti besoj se do vjen edhe liria per udheheqesit tanë (Thaci).”, tha Bislimi.

    Por derisa të krijohen kushtet qe t’i takojë fizikisht ata që i vlerëson shumë, Bislimi e shfrytëzoi rastin të paktën t’i përshëndetë nga dhoma që i ndante vetëm një xham.

    “Unë e krijova një emocion sepse i përshëndeta të gjithë me dorë me shume respekt dhe dashuri”, shtoi Bislimi.

    Përveç Bislimit, seancën e parë e kanë përcjellë nga galeria më shumë se 30 persona, ndërsa ne te dytën, kishte diçka më pak.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Shefja e OSBE-së në Prishtinë: Formimi i institucioneve bazuar në kushtetutë

    Shefja e OSBE-së në Prishtinë: Formimi i institucioneve bazuar në kushtetutë

    Përgatiti: Driton Sadiku

    Në një vizitë zyrtare në Prishtinë, ministrja e Jashtme e Finlandës njëherit kryesuese e OSBE-së, Elina Valtonen, foli rreth rëndësisë së tejkalimit të krizës institucionale në Kosovë.

    Pas takimit me presidenten Vjosa Osmani, Valtonen thotë se pret funksionalizimin e punës në institucione në përputhje me Kushtetutën.

    “Shënuam një arritje shumë të rëndësishme 25 vjet angazhim të OSBE-së në Kosovë. Mirëpres zgjedhjen e kryetarit të ri të Kuvendit të Kosovës dhe shpresoj që procesi të veprojë në bazë të Kushtetutës. Shpresojmë fuqimisht që shumë shpejt do të ketë një zgjidhje për ngërçin që lidhet me Kuvendin dhe Qeverinë”, tha Valtonen.

    Përveç zhvillimeve politike, Valtonen theksoi edhe rëndësinë e forcimit të marrëdhënieve ndëretnike dhe mbështetjen e dialogut të ndërmjetësuar nga BE-ja mes Kosovës dhe Serbisë.

    “Forcimi i marrëdhënieve ndër-komunitare mbetet i rëndësishëm dhe ka qenë prej kohësh një fushë kyçe e angazhimit për misionin e OSBE-së në Kosovë. Me emërimin e një Përfaqësuesi të ri Special të BE-së për Dialogun Beograd-Prishtinë, riafirmimi i angazhimit për dialogun dhe avancimi i zbatimit të marrëveshjeve ekzistuese është thelbësor për të siguruar progres. OSBE-ja mbetet e gatshme të mbështesë këto përpjekje, pasi misioni këtu ka potencial për kontribute të mëtejshme në përputhje me mandatet e tij”, tha Valtonen.

    Në konferencë nuk u deklarua por sipas njoftimit të Presidencës, Osmani në takim me Valtonen shprehi gatishmëri për bashkëpunim në procesin e reformave, transparencës institucionale dhe të drejtave të njeriut.

    E, Kryesuesja e OSBE-së, gjithashtu u takua me përfaqësuese të shoqërisë civile dhe pjesëtare të akademisë për gratë e reja, një rrjet i mbështetur nga OSBE që promovon paqen dhe përfshirjen.

    Më shumë detaje i gjeni në Edicionin Qendror të lajmeve në ATV, në videon më poshtë:

  • AAK në ditën e katër, kërkon mbështetje nga qytetarët

    AAK në ditën e katër, kërkon mbështetje nga qytetarët

    Kryetari i AAK-së Ramush Haradinaj, gjatë të martës kërkoi mbështetjen e qytetarëve për kandidatin Ali Krasniqi në Obiliq.

    Se sa i rëndësishëm është fokusi në këtë komunë e tha vetë Haradinaj duke kthyer në vëmendje vendimet që ai vetë i mori kur ishte kryeministër për Obiliqin.

    Kësisoj ai thotë se me Krasniqin në krye, Obiliqi do të zhvillohet edhe më shumë.

    Vota nga qytetarët po kërkon edhe Nazim Gagica i cili po garon për Gjilanin,

    Në një video që postoi në Facebook, Gagica shpalosi programin qeverisës për Gjilanin.

    Fokusin thotë se do ta ketë në shëndetësi.

    Në një komunë tjetër, në Suharekë, edhe për një mandat garës i ka hy Bali Muahrremaj.

    Në katër vjetet e ardhshme, ai thotë se do të ketë internet falas në të gjithë qytetin.

    Aktiv gjatë ditës ishte edhe kandidati i Prizrenit, Besnik Krasniqi.

    Krasniqi thotë se qytetarët po reflektojnë pozitiviet në takimet që po zhvillojnë, derisa tha se janë të interesuar për ndryshim.

    Në Strellc të Decanit, kryetari aktual i cili po synon edhe një mandat tjetër, Bashkim Ramosaj takoi afaristë dhe banorë të këtij fshati të cilëve iu ofroi mbështetje.

  • Vetëvendosje kërkon votën, premton ndryshime në çdo komunë

    Vetëvendosje kërkon votën, premton ndryshime në çdo komunë

    Anëtarë e kandidatë të Vetëvendosjes edhe në ditën e katër të fushatës zgjedhore kanë vazhduar takimet me qytetarë në lagje e fshatra rreth e qark Kosovës.

    Kandidati për Prishtinën, Hajrulla Ceku zgjodhi Kodrën e Trimave për të takuar banorë të kësaj zone. Sipas tij, në cdo takim që po zhvillon po sheh gatishmëri për ndryshim, derisa po premton që zëri i tyre do të dëgjohet.

    Vota për Alban Hysenin kryetar edhe për një mandat kërkoi lideri i Vetëvendosjes, Albin Kurti.

    Ndërkaq kandidati për Podujevën i cili po synon edhe një mandat tjetër për Podujevën, Shpejtim Bulliqi përmes një video ka treguar se premtimet i mbajti për fushën e arsimit derisa tha se nuk do të heq dorë edhe më tej për perfeksionimin e këtij dikasteri.

    Për një mandat tjetër po garon edhe Qemajl Aliu në Shtime. Në takim me disa sipërmarrës premtoi edhe më tej mbështetje, duke thënë se bizneset e reja janë vende të reja pune.

  • Dita katër, kandidatët e PDK-së aktiv, premtojnë investime të ndryshme

    Dita katër, kandidatët e PDK-së aktiv, premtojnë investime të ndryshme

    Planet për Kodrën e Trimave i pati në fokus të martën në ditën e katër, kandidati i PDK-së, për Prishtinën, Uran Ismaili.

    I njëjti në këtë lagje, nga ora 19:00 zhvilloi takim me qytetarë.

    Kandidati për Vushtrrinë nga PDK, Ferit Idrizi pas takimit me dy futbollist premtoi se të rinjtë do të kenë përkrahje. Idrizi poashtu, votën edhe për një mandat tjetër e kërkoi edhe në lagjen Kaqanolli të fshatit Dobërllukë.

    Përkrahje për klubet sportive premtoi edhe kandidati për Mitrovicën, Arian Tahiri.

    Po ashtu si kryetar i ardhshëm, Tahiri tha se do të angazhohet për krijimin e mundësive të reja për gratë në Mitrovicë, duke ofruar trajnime profesionale, mundësi punësimi dhe mbështetje për bizneset e reja të tyre.

    Përveç prezantimit të kandidatëve për asamble në Facebook, kandidati i PDK-së për Drenas, Petrit Hajdari thotë se mori vulën e fitores pas takimit me qytetarët e Verbovcit.

    Besim për ta udhëhequr Lipjanin nga PDK-ja po kërkon Shukri Buja. Buja edhe në ditën e katër të fushatës ka takuar banorë të fshatrave të ndryshëm, duke ua premtuar mbështetjen nëse ai bëhet kryetar.

    Investime për Turizëm për Rahovecin premtoi kandidati Edon Cana.

    Partia Demokratike e Kosovës që garon me numrin 191 në zgjedhjet e lokale tubimin kryesor e mbajti në Gjilan, ku prezantoi kandidatin Riad Rashitin dhe u shpalos programi qeverisës.

  • PSD-ja premton përmirësim të kushteve të jetesës

    PSD-ja premton përmirësim të kushteve të jetesës

    “Derë më derë” kandidatja e PSD-së, për kryetare të Prishtinës, Besa Shahini e ka vazhduar aktivitetin e saj të fushatës duke kërkuar besimin për kryetare.

    Në ditën e katërt të fushatës Besa Shahini, prezantoi politikat komunale që ulin shpenzimet mujore.

    Ngjashëm, aktive gjatë ditës qe edhe bashkëpartiakja e saj që garon në komunën e Decanit, Natyra Kuci.

    Gjatë të martës, Kuci shkoi në fshatin Vranoc i Vogël, ku paraqiti gjendjen e urës kryesore të fshatit, për të cilin tha se paraqet rrezik për të gjithë e sidomos për fëmijët.

    Me Natyra Kucin, në krye të Decanit u zotua se do i jep prioritet përmisimit të kushteve infrastrukturore të fshatrave, përkundër interesave politike.

    Edhe kandidati për kryetar komune në Kamenicë, Qëndron Kastrati, ka kërkuar mbështetje nga kamenicasit, nën slloganin “PËR KAMENICËN DESTINACION”.

  • “Lidhja e Prishtinës”, prezanton ekipin garues për kuvendin komunal

    “Lidhja e Prishtinës”, prezanton ekipin garues për kuvendin komunal

    Lidhja e Prishtinës, hapi zyrtarisht fushatën për zgjedhjet e 12 tëtorit të hënën.

    Kjo iniciativë politike që bartës të listës ka Fehmi Kupinën, po kërkon mbështetjen e prishtinasve, që t’i ruaj edhe më tej vendet në kuvendin komunal.

    Me numrin 115 garojnë, e sipas Kupinës “Lidhja e Prishtinës” fokusohet në infrastrukturë e arsim.

    “kerkesat e juaja do të jenë agjenda jonë, lagje të jetuesheme për qytetarë e jo për interesa partiake… do të ketë barazi në investime,… arsimi e ardhme për fëmijë, 115-shi, në Prishtinë garon me 56 kandidatë për Asamble.

  • LDK-ja prezanton programet qeverisëse nëpër komuna

    LDK-ja prezanton programet qeverisëse nëpër komuna

    Kandidati për kryetar të Prishtinës, në ditën e katër të fushatës zgjedhore publikoi një video në të cilën prezantoi zgjerimin e linjës së autobusëve urban nëpër lagjet e kryeqytetit, qe tha se u bë për herë të parë.

    Përparim Rama, i cili po kandidon për një mandat të dytë, tha se po synon lidhjen e zonës rurale me atë urbane.

    Takime me qytetarë nuk pati gjatë të martës, veç aktiv qe në rrjete sociale.

    Në facebook Rama i LDK-së, që garon me numër 113, prezantoi edhe projektin për lidhjen infrastrukturore të Arbërisë me qendrën e qytetit.

    Aktiv qe edhe bashkpartiaku i tij, në komunën e Prizrenit, Driton Selamanaj,

    Para qytetarëve preaznoti programin qeverisës për realizimin e të cilit kërkoi mbështetje nga ata.

    Tubimin kryesor Lidhja Demokratike e Kosovës, e pati në Klinë. Në këtë komunë u prezantua Arben Limanaj, për të cilin u kërkua mbështetje.

    Veç premtimeve para të pranishmëve u prezantuan edhe kandidatët për asamble të Klinës.

  • Nisma në Prizren prezanton kandidaten për kryetare komune

    Nisma në Prizren prezanton kandidaten për kryetare komune

    Nisma Socialdemokrate hapi zyrtarisht fushatën zgjedhore në Prizren.

    Të martën, u prezantua kandidatja për kryetarë të kësaj komune, Albulena Balaj-Halimaj.

    Nga shatërvani i Prizrenit, kryetari i Nismës, Fatmir Limaj, kërkoi mbështetje për Albulenën.

    Derisa u prit me duartrokitje, Balaj-Halimaj prezantoi programin e saj qeverisës.

    Aktive qe këto ditë edhe Xhevahire Izmaku, kandidatja për Vushtrrinë.

    Ajo ndau një video në rrjete sociale, duke treguar për gjendjen e rëndë të lagjeve në Vushtrri.

    Sipas Izmakut, Vushtrria meriton një pushtet që punon për njerëzit e saj e ajo tha se do të jetë zëri i tyre.