Author: ATVLive

Mëngjesin e sotëm, mysafirë në Zyrën e Kryeministrit patën rastin të jenë një grup nxënësish të Shkollës Fillore “Ismail Qemaili”, të cilët u pritën ngrohtësisht nga Kryeministri i Republikës së Kosovës, Albin Kurti.

Kureshtjes dhe interesimit të shfaqur gjatë takimit nga shkollarët e vegjël, kryeministri Kurti i’u përgjigj duke ndarë me nxënësit kujtime nga fëmijëria e tij, si dhe përvoja nga jeta profesionale në pozitën e Kryeministrit të Republikës së Kosovës.

“I lumtur, e sidomos kur njerëzit e tjerë bëhen të lumtur që po ju ndihmoj dhe shërbej si kryeministër i Republikës së Kosovës”, u shpreh ai në pyetjen se si ndihet në pozitën e kreut të Qeverisë.

Fëmijët e klasës së parë të shoqëruar nga mësuesja Filloreta Mustafa Dërmaku, falënderuan kryeministrin Kurti për mundësinë dhe kohën për t’u takuar, derisa nxënësit përveç momenteve të këndshme e gazmore, i dhuruan kryeministrit edhe një punim arti të realizuar nga dora e tyre.

Gjatë këtij takimi nxënësit e vegjël patën rastin të vizitojnë ndërtesën e Qeverisë dhe të njihen nga afër me ambientet e punës, përfshirë sallën e mbledhjeve të kabinetit qeveritar dhe Qendrën për Media.

Një delegacion prej 25 biznesesh nga sektorë të ndryshëm të Kosovës iu bashkuan nismës së Odës Ekonomike Amerikane në Kosovë dhe Programit Kosovo Compete të USAID, për promovim të mundësive për investime dhe bashkëpunim ekonomik para përfaqësuesve të bizneseve të diasporës që jeton në Shtetet e Bashkuara të Amerikës.

Në dy aktivitete të ndara rrjetëzuese dhe të takimeve biznes me biznes, afaristët nga Kosova dhe nga diaspora në SHBA eksploruan mundësitë e bashkëpunimit në industri të ndryshme si ajo e përpunimit të ushqimit, ndërtimit dhe teknologjisë së informacionit.

Përfaqësuesve të bizneseve nga Kosova dhe nga SHBA iu adresuan me fjalime Zëvendës Ndihmës Administratorja e Lartë e USAID-it, Lisa Magno, Konsulli i Përgjithshëm i Republikës së Kosovës në New York, Blerim Reka, si dhe Drejtori Ekzekutiv i Odës Ekonomike Amerikane në Kosovë, Arian Zeka. Ndërsa Roland Nezaj nga kompania RLN US LLP dhe Atdhe Deva nga Tech Fusion Ventures, folën për përvojën e tyre të investimit në Kosovë, si investitorë nga Diaspora.

Po ashtu, drejtuesit e lartë të USAID dhe të Odës Ekonomike Amerikane në Kosovë mbajtën edhe një tryezë diskutimi me përfaqësues të dalluar të komunitetit afarist shqiptar në SHBA, për të diskutuar lidhur me mundësitë dhe sfidat që karakterizojnë sfidën e investimeve në Kosovë, prej të cilës tryezë u gjeneruan rekomandime të vlefshme.

Duke folur për sulmin terrorist në Banjska, në shtator të vitit të kaluar, kur u vranë tre serb dhe një polic i Kosovës, për të cilin regjimi në Beograd u etiketua gjerësisht si organizator, dhe Milan Radoiçiq, nënkryetar i atëhershëm i Listës Serbe, si kryesuesi i “punëve”, presidenti i Serbisë dy ditë më parë tha se organet kompetente do të ngrenë kallëzime kundër njerëzve në Banjskë për vepra penale “për shembull shkaktimi i rrezikut të përgjithshëm”.

“E si mund t’i akuzojmë për ndonjë vepër tjetër penale kur do të dalin dhe do të thonë “mirë, ne e bëmë punën tonë, sepse sipas rezolutës 1244 është e Serbisë dhe sipas asaj rezolute duhet të ishin 1000 ushtarë dhe policë që nuk u lejuan, duhej të mbronim vendin tonë’. Dhe çfarë do t’u themi atyre? Për këtë do të dënoheni? Ose do të pranojmë që Kosova është shtet i pavarur dhe do t’i dënojmë nga ai këndvështrim”, tha Vuçiq.

Kujtojmë se kërkesa që Milan Radoiçiq, i cili pesë ditë pas sulmit në Banjska (më 29 shtator 2023) dha dorëheqjen nga posti i nënkryetarit të Listës Serbe dhe pranoi se ishte përgjegjës për sulmin në Banjskë, të arrestohet dhe të ndjeket penalisht vjen gjithnjë e më shumë nga përfaqësuesit e BE-së dhe SHBA-së.

E fundit në serinë e “presioneve” ishte nga senatorja amerikane Jean Shahin, e cila javën e kaluar në Mynih, gjatë një konference për sigurinë ku mori pjesë Aleksandar Vuçiq, kërkoi arrestimin e Milan Radoiçiqit.

Në margjinat e Konferencës së Mynihut, Shahin ka takuar ndaras presidentin e Serbisë, Aleksandar Vuçiq dhe kryeministrin e Kosovës, Aljbin Kurti.

Në ndërkohë, ajo në panelin e këtij forumi ndërkombëtar tha se Radoiçiq “duhet të arrestohet dhe të shkojë në burg”.

Ai (Milan Radoiçiq) pranoi bashkëpunimin në atë që ndodhi më 24 shtator dhe në vrasjet”. Kjo është arsyeja pse duhet të përgjigjet. Serbia dhe Kosova duhet të bashkëpunojnë për këtë çështje”, tha ajo pas takimit me Vuçiqin dhe Kurtin.

Organit kompetent – prokurorit publik – i është sugjeruar që të ngrihet aktakuzë, madje është sugjeruar kualifikimi i veprës penale me shpjegim krejtësisht jashtëligjor, ekskluzivisht politik, i cili është parëndësishëm. Për më tepër, rrethana lehtësuese janë sugjeruar edhe për të pandehurin e mundshëm të ardhshëm Radoiçiq – komenton Vesna Rakiq Vodineliq, profesoreshë e drejtësisë, për Danas.

“Vetëm një tjetër në radhën e gjatë të ndërhyrjeve serioze të presidentit në gjyqësor”

Kjo është vetëm një tjetër në serinë e gjatë të ndërhyrjeve serioze të Presidentit të Republikës në drejtësi, shton ajo, në të cilën nuk ka çfarë të kërkojë, me përjashtim të faljeve të mundshme.

“Prokurori i Shtetit dhe Këshilli i Lartë i Prokurorëve janë të obliguar që ta paralajmërojnë publikisht, sepse kjo deklaratë është bërë edhe në hapësirë publike, e që nuk është dashur ta bëjë dhe as ta përsërisë në të ardhmen. Prokurori publik kompetent nuk guxon të veprojë sipas udhëzimeve të presidentit, as në aspektin e procedurës, as në aspektin e kualifikimit të veprës penale, as në lidhje me rrethanat “lehtësuese” – thotë Vesna Rakiq Vodineliq.

Jam e bindur, thekson më tej ajo, se askush nuk do ta qortojë dhe se organet kompetente do ta intervistojnë.

Këshillat e tij, faktikisht, por në mënyrë të kundërligjshme, në institucionet e humbura gjyqësore kanë rëndësinë e udhëzimeve të detyrueshme arbitrare dhe ai nuk është i autorizuar ta bëjë një gjë të tillë. Aleksandar Vuçiq ka dhënë “udhëzime” të ngjashme prokurorëve në lidhje me vrasjen e Slavko Ćuruvis në vitin 2014, kur ai ishte i ashtuquajturi zëvendëskryeministër i parë. Përfundoi me aktgjykim shfajësues – përfundon bashkëbiseduesja e Danas.

Në një emision në RTS, dy ditë më parë, Vuçiq përsëriti se fajin e kishte ai për Banjskën.

Unë jam fajtor, si të doni… Më lejoni t’ju shpjegoj se çfarë ndodhi në nëntor dhe dhjetor… Çfarë ndodhi më pas… Thjesht nuk ia vlen. Jo, nuk jam i lumtur, jam lutur një milion herë… A do të isha në anën e atyre që kryen vrasje të gjakftohta pas kësaj? Jo, unë do të jem gjithmonë në anën e serbëve që u përndjeken si bisha dhe këtu nuk ka ndonjë filozofi të madhe – ka thënë ndër të tjera Vuçiq.

Nuk ka problem, shtoi ai, goditni aty ku duhet të goditni.

Jo se më pëlqen kjo që bënë këta djem, vazhdoi ai, i dëbuan nga shtëpitë e tyre…, ka përfunduar Vuçiq.

“Politika e ngurtë e Kurtit çoi në Banjska”

Sipas avokatit dhe aktivistit nga Kosova, Marko Jakshiq, edhe pse është një mendim i papëlqyeshëm, unë personalisht besoj se nuk ka përgjegjësi penale për personat që ishin në Banjskë.

Sidomos jo në rendin juridik të Republikës së Serbisë. Nëse “luftëtarët” e UÇPMB-së (Ushtrisë Çlirimtare të Preshevës, Medvegjës, Bujanocit) apo AKSH-së (Ushtrisë Popullore Shqiptare), që vranë policët, dhe janë sot aktivë në politikë në Serbi dhe Maqedoni, dhe nëse edhe Spanja ua jep amnisti për arsye politike separatistët katalanas, kërkesat për dënimin e tyre që vijnë nga komuniteti ndërkombëtar janë të pasinqerta dhe synojnë thellimin e mëtejshëm të krizës që vazhdon prej shumë kohësh dhe nga e cila nuk ka rrugëdalje. Ishte politika e ngurtë e Kurtit që çoi në Banjska dhe hezitimi i bashkësisë ndërkombëtare për ta ndalur, e cila vazhdon të thellojë hendekun mes shqiptarëve dhe serbëve në Kosovë, por edhe në rrugën Beograd-Prishtinë – thotë i intervistuari i Danas.

Kërkimi i ekstradimit të tyre është një formë presioni ndaj Vuçiqit për të pranuar zbatimin e planit franko-gjerman dhe aneksit nga Ohri, dhe kjo do të vazhdojë, thekson ai.

Nuk dua të besoj se Serbia do t’i dorëzojë qytetarët e saj në një sistem në të cilin ata apriori nuk do të kenë një gjykim të drejtë, pasi jam i sigurt se dikur në të ardhmen, kur përfundimisht të kërkohen seriozisht zgjidhje të qëndrueshme për Kosovën, çështja e këtyre njerëzve do të zgjidhen me amnisti – përfundon Marko Jakshiq. /Danas/

Kuvendi i Kosovës ka miratuar një sërë projektligjesh në lexim të parë në seancën e sotme. Të zgjedhurit e popullit, me 61 vota pro, dhanë dritën e gjelbër për Projektligjin për noterinë, Projektligjin për rininë, Projektligjin për regjistrin e pronarëve përfitues dhe Projektligjin për ndryshimin e ligjeve që përmbajnë procedura të administrative dhe harmonizimin e tyre me Ligjin nr.05/L-031 për procedurën e përgjithshme administrative, faza e dytë.

Në anën tjetër, me propozim të PDK-së u tërhoq nga votimi projekt-rezoluta për adresimin e çështjes së emigrimit të qytetarëve nga Republika e Kosovës.

Kuvendi po vazhdon punimet, ku në rend të ditës janë një mori pikash të mbetura nga seancat e kaluara./KP

Rusia përdorë agjendën imperialiste në luftëra dhe në dezinformim. Kështu u tha sot në kuadër të Samitit ballkanik për dezinformimin, ku u theksua nevoja për luftimin e propagandës e për gazetari profesionale. Aty u tha se gazetaria sot funksionon nën presion politik dhe ekonomik, prandaj vështirë se mund të përdoret si një burim i verifikueshëm për atë se çka lexon shoqëria.

Përfaqësuesja nga Shërbimi i Veprimeve të Jashtme Evropiane (EEAS), Jasna Jelisic tregoi për strategjinë e Bashkimit Evropian në luftimin e manipulimit të informatave.

Ajo tha se përkundër përpjekjeve për të luftuar dezinformimin, gazetaria profesionale sot nuk është e njëjta siç ka qenë. Ajo tha se gazetaria funksionon nën presion politik dhe ekonomik dhe për këtë arsyeje nuk mund të përdoret si një burim i verifikueshëm për atë se çka lexon shoqëria.

“Shërbimi i jashtëm i Bashkimit Evropian që është shërbim diplomatik i hyri punës për të luftuar këtë manipulim të informatave një vit më vonë në vitin 2015, për këtë arsyeje në krijuam forcën e lidhjes brenda divizionit për komunikim strategjik. Në atë kohë flisnim për dezinformomimin, termi lajmi i rreme ende përdoret, por ne e hoqëm sepse dezinformomi është shumë më i gjerë se sa një shpërndarje e lajmeve të rreme, termi u helmua gjatë rrugës dhe u bë sinonim për mediumet që nuk na pëlqejnë i quajmë fake neës… BE-ja ka filluar me rregullimin e platformave më të mëdha dhe pastaj kemi kaluar te pjesa e rregullimit dhe shpresoj që kjo do të ketë ndikim për mbrojtjen e të dhënave private qe janë bërë standard global kudo… Standardet e gazetarisë profesionale kanë rënë, gazetaria është nën presion ekonomik dhe politik kudo edhe në ballkon perëndimore dhe në Kosovës,. Ky është problem i madh sepse nuk janë burim një vend për të verifikuar se çka lexojmë, një tjetër problem është vetëdijesimi i mediave dhe kjo duhet të shtjellohet”, tha Jelisic.

Ndërkaq, studiuesi nga Estonia, Vladimir Sazanov tha se Rusia vazhdon të ketë propagandë të trashëguar.

Ai tha se Rusia përdorë agjendën imperialiste në luftëra dhe në dezinformim.

“Ideja e Rusisë është ajo qëndresa që është rrethuar nga perëndimi në periudhën sovjetike dhe e kanë përdor këtë term që Bashkimi Evropian, NATO dhe Evropa kanë rënë për këtë dhe kanë shpërndarë këtë vlerë jo më reale. Kjo është diçka e keqe dhe ajo që kur kemi filluar për vlerat demokratike ne qeveri atëherë edhe njerëzit nuk besojnë në propagandën ruse kanë filluar të besojnë në konspiracione të ndryshme… Ka pas edhe shumë lajme tjera të rrejshme dhe shumë nga njerëz të njëjtë që promovojnë narrativen kundër Ukrainës…. Në qeverinë ukrainase për refugjatët ukrainas kanë krijuar një imazh të keq për refugjatët ukrainas, për shtetin e Ukrainës dhe kanë zhvilluar kriza në Evropë më qëllim që të mos mbështetet Ukrainën… Në periudhën imperiale ata kanë pasur propagandën dhe traditën e propagandës e cila ka ndikuar në aktivitet sepse Rusia imperiale që ka qenë zhvilluar shumë në atë periudhë nuk është ndalur, Rusia ka qenë më e fshehur por se i’a kanë pasur këto gjëra, i kanë ta adaptuar këtë strategji… Putini e përdor agjendën e tij imperialiste në luftërat e tij dhe në dezinformim dhe aktivitetet që ndikojnë në këtë”, tha Sazanov.

Për influencën ruse në Sllovaki, Jana Kazas tha se një pjesë e madhe e popullatës ruse besojnë se Rusia është përgjegjëse për dezinformimet e narrativës sllovake.

“Dezinformimet ruse janë shumë të suksesshme, kur e krahasojmë Sllovakinë me shtetet tjera me Çekinë, që është e krahasueshme për shkak të kaluarës dhe narrativat ruse janë shumë të ndryshme, së pari është një pjesë e popullatës me qëndrime pro ruse dhe besojmë që kjo është për shkak të lëvizjeve të forta gjatë historisë, kjo nuk është e zakonshme si e kaluara socialiste… Kjo na tregon pyetjen se kush është përgjegjës primar për luftën në Ukrainë, ishin nga grupet ruse. Sllovakia është në pozitë të keqe dhe më shumë se 50% e sllovakëve besojnë se dikush tjetër në Rusi është përgjegjës për këtë dezinformim dhe kjo dokumenton se është një lidhje me narrativën kriminale që shpërndahet në Sllovaki”, tha Kazas.

“Samiti ballkanik për dezinformimin” po mbahet në Prishtinë dhe është organizuar nga “The Geopost”. Në kuadër të paneleve që po mbahen aty, njohës të kësaj fushe po trajtojnë ndikimin e dezinformimit në Ballkan, dezinformimin në Evropë, në rrjete sociale etj.

Instituti për Politika Zhvillimore (INDEP) në bashkëpunim me Institutin për Studime dhe Prognoza Strategjike (ISSP) kanë prezantuar hulumtimin etnografik “Hulumtimin mbi popullatën NEET për tre komuna të Kosovës – Pejë, Deçan dhe Junik”.

Në këtë hulumtim janë përfshirë të rinjtë prej moshës 15-29 vjeçare të komunave te lartëcekura, të cilët nuk janë në shkollë e as në marrëdhënie pune.

Sipas të dhënave nga hulumtimi, rreth 70% e të rinjëve kanë menduar ta lëshojnë Kosovën.

Liron Gjocaj nga INDEP, prezantoi edhe të gjeturat tjera të hulumtimit.

Gjithashtu, ai shpalosi edhe rekomandimet që preferohet të ndiqen.

“Qeveria duhet të përmirësojë shërbimet formale të punësimit dhe portalet e punës në internet, duke i përshtatur ato sipas modeleve të përdorimit të NEET. Një fushatë informuese, e bazuar nga hulumtimet në terren, duhet të nisë për të promovuar këto shërbime në mesin e NEET”, thuhet në raportin e INDEP.

Ndërsa, Jadranka Kaludjerovic nga Instituti për Studime dhe Prognoza Strategjike (ISSP), prezantoi të gjeturat për 5 komuna të Malit të Zi.

Aktiviteti është mbajtur në kuadër të projektit “Të rinjtë NEET: mundësi të reja për punë dhe rritje të punësimit – “UNEETED””. Projekti zbatohet nga ISSP dhe INDEP dhe me mbështetjen e Odës Ekonomike të Malit të Zi dhe Komunës së Mojkovcit. Një projekt i financuar nga Bashkimi Evropian dhe Qeveria e Malit të Zi. Pikëpamjet në botim në asnjë mënyrë nuk pasqyrojnë pikëpamjet e BE-së dhe Qeverisë së Malit të Zi dhe përmbajtja është përgjegjësi e vetme e autorëve, ISSP dhe INDEP.

Kryetari i Kuvendit, Glauk Konjufca ka kritikuar një deputet të Vetëvendosjes se nuk po merr pjesë qëllimshëm në votim në mënyrë që të mos kalohet në votim Projektligji për shëndetin riprodhues he fertilizim të asistuar mjekësor.

“Një deputet nga mazhoranca qëllimshëm nuk po voton e provojmë edhe herën e tretë dhe pastaj e lëmë këtu”, tha Konjufca.

Këtu reagoi deputeti në fjalë të cilit Konjufca nuk ia përmendi emrin.

“S’kam nevojë me ta përmend emrin bre, pse çka, s’kam nevojë me të përmend emrin. Kjo është për me e kuptu teknikisht çka po ndodhë. Jo jo deputetë e kanë shpjeguar të gjithë pozicionin e vet e nuk kemi nevojë me i gjyku fare. Këto janë përcaktime të lira qysh donë deputetët. Teknikisht posë s’po mundemi të votojmë është kjo , tash nëse nuk funksionoi e lëmë këtu. Nuk ka diçka të veçantë na ka ndodhur plotë herë”, ka thënë Konjufca.

Opozita kërkon nga Prokuroria Speciale që të informohen se deri ku mund të interferojnë deputetët sa i përket trajtimit të çështjes së rezervave shtetërore në Komisionin Hetimor Parlamentar.

Pavarësisht kërkesës për prokurori, deputeti nga Partia Demokratike e Kosovës, Rashit Qalaja, ka thënë se ende nuk kanë marrë përgjigje.

Në mbledhjen e Komisionit parlamentar hetimor në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme nëpërmjet kualifikimit të procedurës si sekret shtetëror për sjellje të dokumentacionit, pati përplasje mes deputetëve të pozitës dhe opozitës.

Opozita ka akuzuar pushtetin për fshehje të provave lidhur më këtë çështje, ndërsa nga partia në pushtet kanë mohuar një gjë të tillë.

Deputetja e Lidhjes Demokratike të Kosovës, Valentina Bunjaku-Rexhepi ka akuzuar deputetin nga partia në pushtet, Driton Hysenin për ofendime, pasi që sipas saj, i njëjti është duke dhënë moral dhe jo duke punuar për të zbardhur të vërtetën për rezervat shtetërore.

“Gjitha pyetjet që janë dërguar nga ana e kryetarit dhe administratës janë në favor të zbardhjes të së vërtetës, kështu që moral t’i japim njëri tjetrit, sikur Dritoni që më është drejtuar mua dhe më dha moral se është i interesuar të zbardhë të vërtetën, unë po mundohem të besojë. Edhe ne e kemi detyrë, por edhe të tjerët, kur po e mbroni ata të korruptuarit e tjerë që po flitet, Martin Berishaj, partia jote e ka mbrojtur, këtu po reagoni për pyetje, dokumentacione, edhe po më shitni moral mu, absolutisht është e papranueshme…Punoni për me zbardhur të vërtetën”, tha Bunjaku-Rexhepi.

Për këtë, deputeti nga partia në pushtet, Lëvizja Vetëvendosje, Driton Hyseni ka thënë se janë të gatshëm të punojnë për t’i plotësuar nevojat e qytetarëve.

“Nuk kam nevojë unë për të dhënë moral, pate t’i pretendime ndaj neve dhe unë vec jam sqaruar… Ideja ishte me të tregu ty që e kemi gatishmërinë e plotë që detyrën që na ka ngarkuar qytetari të realizojmë deri në fund, e as më të dhënë moral e as mësim”, tha Hyseni.

Ndërsa, deputeti tjetër nga kjo parti, Halil Thaçi, ka thënë se për të është e papranueshme të procedohet kërkesa për dokumentacione për miratim në Komision. Ndërsa ka thënë se si institucion nuk mund të veprojnë në mënyrë të njëanshme.

“Ne si institucion nuk mundemi dhe nuk duhet të jemi të njëanshëm. Ne mund të kërkojmë kontrata për blerjen e grurit për kohën e caktuar, por nëse duam vetëm një kontratë të një operatori, atëherë për mua është tendencioze…12:46Deputeti Shala pse nuk kërkove gjitha kontratat për blerjen e vajit, a kam të drejtën me thënë se t’i po e fsheh dikë aty”, tha Thaçi.

Ndërkaq, deputeti nga Partia Demokratike të Kosovës, Ferat Shala i është përgjigjur deputetit Thaçi duke i thënë se ka adresuar kërkesën me shkrim për dyshimet lidhur me furnizimin e rezervave shtetërore.

“Unë kam shkruar dilemat ku kam pas, dyshimet ku unë kam pas, i kam ngrit edhe në Kuvend me emër operatoret, secilin, kjo qeveri dyshoj dhe tashmë është i bazuar dyshimi im që nuk e ka sjellë vajin. Shkruaj ti nëse din të tjerat..12:54.Thuaj çfarë të duash është çështje e vullnetit tuaj ”, tha Shala.

Në nën tjetër, deputeti nga Aleanca për Ardhmërinë e Kosovës, Pal Lekaj, derisa tha se ky komision ka për qëllim të zbardhë të vërtetën për rezervat shtetërore, ka kërkuar nga deputetet që të punojnë në këtë drejtim duke sjellë detaje, dhe jo për të bërë etiketime.

“Ky komision hetimor ka qëllimet e veta për të zbardhur të vërtetën me rastin e mundshëm të keqpërdorimit të rezervave shtetërore. Asnjë kompetencë tjetër nuk e kemi, por vet emri i këtij komisioni hetimor na shtynë të kërkojmë çdo dokument që është valid për të zbardhur të vërtetën, dhe me këtë duhet të pajtohemi të gjithë…Po humbim kohë kot derisa nuk po kemi kërkesa nga ana juaj për një dokument që me thënë po ky dokument është jo valide, dhe mendoj se nuk ka të bëjë me procesin që kemi kompetencë si komision. Por, ju kisha lut etiketimet, ne këtu përfaqësojmë çdonjëri, jemi deputet të zgjedhur nga qytetarët, nuk jemi as drejtor të policisë, as SHIK, as AKI, por jemi të barabartë komplet këtu, dhe mos ta etiketojmë njeri tjetrin”, tha Lekaj.

Komisioni hetimor ishte krijua në përpjekjen e tetë, pas shtatë tentativave të tjera që patën dështuar për shkak të bojkotit nga partia në pushtet./kp