Author: ATVLive

Ministri i Punëve të Jashtme i Shqipërisë, Igli Hasani, ka njoftuar se Asambleja e Përgjithshme e Këshillit të Evropës ka bërë votimin unanim që mbështet këtë vend për kalim në dialogun e postmonitorimit.

“Pas 29 vjetësh nën monitorim të plotë të Asamblesë Parlamentare të Këshillit të Evropë, që kur Shqipëria u anëtarësua në këtë organizatë më 1995, Komiteti Monitorues ka vendosur unanimisht që ta mbështesë Shqipërisë që të lëvizë në dialogun postmonitorues”, ka shkruar Hasani.

“Ky vendim është indikacion i qartë i progresit domethënës të forcimit të rendit dhe ligjit, të drejtave të njeriut dhe demokracisë”.

Hasani ka thënë se ripohojnë dedikimin për përmirësim të mëtejmë në standardeve demokratike dhe avancimit në rrugën evropiane.

“Qytetarët shqiptarë e meritojnë”, përfundon ai.

Qëllimi kryesor i dialogut postmonitorues është parandalimi i frenimit apo edhe kthimit të mundshëm të progresit të arritur gjatë procedurës së monitorimit dhe zgjidhjes së problemeve të mbetura pas mbylljes së monitorimit.

I nominuari nga Presidenti Biden, B. Bix Aliu do të jetë ambasadori i parë shqiptaro-amerikan i SHBA-ve, një hap drejt një përfaqësimi dhe përfshirjeje më të madhe për komunitetin shqiptar në ShBA.

Bix Aliu, i nominuar për postin e ambasadorit të ardhshëm amerikan në Malin e Zi, para Komisionit të Senatit për Marrëdhëniet me Jashtë se nëse konfirmohet, do të punojë për përshpejtimin e procesit të integrimit të Malit të Zi dhe forcimin e luftës kundër ndikimeve të huaja keqdashëse.

Për këtë nominim ka reaguar edhe Drilon Gashi, shef i Misionit të Kosovës në Poloni. Ai ka shkruar në ‘Facebook”, se kjo është dëshmi shumë e mirë e dhënë nga i emëruari për ambasadorin e SHBA-së në Mal të Zi, B. Bix Aliu. Z. Aliu do të jetë një ambasador i shkëlqyeshëm i SHBA-së dhe do të vazhdojë t’i bëjë shqiptaro-amerikanët krenarë me shembullin e tij të ndritshëm.

Në tryezën e diskutimit rreth nismës ligjore lidhur me ndryshimin dhe plotësimin e Ligjit për automjete, iniciuar nga deputeti Mërgim Lushtaku, përfaqësues të Odës Ekonomike Amerikane dhe ekspertë të komunikacionit ishin kundër heqjes se kritereve për importin e veturave më të vjetra se dhjetë vjet, kjo për arsye siç u shprehen ata të ruajtjes së mjedisit në vend.

Ndonëse, deputeti Lushtaku gjatë arsyetimit të kësaj nisme ligjore, theksoi se në asnjë vend të Evropës nuk ka kufizim të importit të veturave me dhjetë vjet. Ai tha se në vendet evropiane ka vetëm standard të euro diesel 4, dhe shtoi se janë edhe për ruajtjen e ambientit në Kosovë.

“Në vendet evropian kemi vetëm standard të euro diesel 4, nuk ka standard me dhjetë vjet ose 15 vjet. Në Evropë në bazë të hulumtimeve që kemi pasur edhe me ekspert të ndryshëm nuk qëndron asnjë herë ndalesa me vjet, por ndalesa është vetëm me euro diesel 4. Prandaj, edhe ky kufizim ka qenë një dënim për qytetarët, sepse derisa veturat vijnë sidomos nga Gjermania dhe Zvicra, ato sigurisht se duhet t’i plotësojnë kriteret, standardet që i ka edhe Evropa dhe sigurisht që ato standarde i synojmë edhe ne. Te pjesa e vjetërsisë së veturave në Kosovë sigurisht që është e vjetër dhe besoj që kjo do t’i kishte mundësuar qytetarëve që nëse e ka një veturë 2005, ta blen një veturë të vitit 2007-2008 për shkak të standardit ekonomik, por gjithmonë duke ruajtur ambientin, sepse edhe fokusi im si deputet nuk është vetëm të kursehet xhepi i qytetarëve, por në të njëjtën kohë të kemi një ambient ku edhe ne i rrisim familjet tona në Kosovë”, theksoi Lushtaku.

Në këtë tryezë u trajtuan me fokus të veçantë nenet (44, 63) ku përcaktohen kriteret për importin e veturave dhe ndërrimin e pronësisë.

Nga Oda Ekonomike Amerikane në Kosovë, Vesa Sahatçiu theksoi se qëndrimi i OEAK mbetet që nuk mund të importohen vetura më te vjetra se dhjetë vjet, për shkak sic u shpreh ajo të ruajtjes së ambientit.

“Ne vazhdimisht si odë kemi pasur qëndrime saktësisht për nenin 44 që nuk mund të importohen vetura më te vjetra se dhjetë vjet, dhe prapë e kemi të njëjtin qëndrim që nuk duhet të importohen këto vetura, për shkak se vendi i Kosovës veç përballet me nivele shumë të larta të ndotjes. Kështu që duhet me menduar më shumë për mjedisin”, theksoi ajo. Edhe oda ekonomike gjermane është pro mbrojtjes së ambientit”, theksoi ajo.

Edhe përfaqësues nga Oda Ekonomike Gjermano-Kosovare patën mendim të njëjtë sikur ajo Amerikane. Ndërsa, për këtë qëndrim të odave, deputeti nga PDK-ja, Lushtaku ka sfiduar këto oda se nëse ka ndonjë shtet në Evropë, do ta tërheqë këtë nismë ligjore.

“Prandaj, unë e kuptoj edhe shqetësimin e disa organizatave por nuk është e arsyeshme që të arsyetohet edhe mungesa e kontrollit të institucioneve të Kosovës dhe paaftësisë së tyre dhe pastaj të dënohen qytetarët pse nuk kanë mundësi me i kontrolluar ato automjete nëse nuk janë me standard konform të Evropës… (Fund gati) Ju ftoj edhe juve Odave Ekonomike të më sfidoni në aspektin se nëse ekziston në BE dhe ndonjë shtet tjetër që ka ndalim të veturave në vite, atëherë edhe unë jam në rregull dhe sigurisht se do të tërheqë këtë nismë. Aq sa jam i informuar nga ekspert të ndryshëm, kemi vetëm kushte në standard, ku jam edhe unë me i rritë standardet euro-diesel 5-6”, theksoi ai,

Eksperti i komunikacionit, Muhamed Krasniqi tha se e kupton shqetësimin e deputetit Lushtaku, por shtoi se Kosova nuk duhet të bëhet deponi lëvizëse e mjeteve motorike.

“Vendi ynë duhet me u orientuar drejt politikave të qarta dhe lehtësirave për importin e automjeteve të reja, jo për inkurajimin e qytetarëve për me i marrë automjetet më të vjetra se dhjetë vjet. Në vendet e zhvilluara industria e automjeteve ka filluar gradualisht me i ndal prodhimet e automjeteve me derivat-naftë…Kështu që është momenti që ne më shumë duhet me menduar rreth mbrojtjes së shëndetit dhe mirëqenies së qytetarëve rreth integrimit të transportit tonë publik në transportin e gjelbër dhe krijimit të kushteve, përfshirë edhe infrastrukturën ligjore. E kuptoj shqetësimin e deputetit dhe të një grupit tuaj këtu. Edhe unë e kam një automjet të vitit 1988, dhe me shumë dashni e mbaj atë veturë. Por, ne duhet të mendojmë se si Qeverinë duhet me krijuar lehtësira qytetarëve për me pasur automjete të reja. Kosova me këto veprime që ne me lejuar importimin e automjeteve të vjetra, ne vendin po e shndërrojmë deponi të lëvizshme me automjete motorike. Përderisa, Evropa i pastron rrugët e veta nga automjetet e vjetra po i bien në Kosovë dhe ne po merremi me ato automjete”, theksoi ai.

Kjo iniciativë e deputetit Lushtaku gjeti përkrahje nga Shoqata e Kontrolleve Teknike në Kosovë.

Rrustem Nika nga kjo shoqatë theksoi se heqja e kufizimit të vjetërsisë së automjeteve nuk paraqet problem, por shtoi se sfiduese mbeten derivatet.

“Në kuadër të kontrolleve teknike, për neve nuk paraqet problem ky ligj as ky nen e as neni 44. Duke u nisur prej parimeve që çdo automjet ka specifika e veta. Për neve shqetësimi më I madh është tek derivatet. Ne nuk kemi problem me Euro-4, por problemet ne I kemi me veturat e reja për shkak që derivatet jo kualitativ”, theksoi ai./KP/

Me rastin e Ditës Ndërkombëtare të Gruas, 8 Mars, ministri i Financave, Punës dhe Transfereve, Hekuran Murati ka publikuar grafikonin ku njofton se për tri vjet, nga viti 2020 deri në vitin 2023 ka pasur rritje të punësimit të grave në Kosovë.

Sipas tij, në vitin 2023 numri i grave të punësuara ka arrit 151 mijë e 260.

“Drejt barazisë përmes fuqizimit ekonomik të grave. Urime 8 marsi!” ka shkruat Murati në Facebook.

“Ndikimi i korrupsionit politik në kulturën qeverisëse”, ishte temë diskutimi ndërmjet mazhorancës dhe opozitës. Në konferencën e organizuar nga Instituti Demokratik i Kosovës, ku u lansua edhe Studimi i Sistemit të Integritetit Kombëtar i njohur si NIS, pati akuza e kundërakuza në lidhje me korrupsionin në vend, raporton EO.

Partitë opozitare akuzuan pushtetin për ndërhyrje në institucione e korrupsion të lartë në vend, ndërsa mazhoranca e bindur se është duke e luftuar korrupsionin.

Shefja e deputetëve të Lëvizjes Vetëvendosje, Mimoza-Kusari-Lila, tha se raporti përmban një vlerësim objektiv mbi realitetin dhe sfidat që kanë institucionet në luftimin e korrupsionit.

Ajo tha se në këtë raport, Kosova ka rënie të korrupsionit viteve të fundit, si shkak i angazhimeve institucionale. Si shembull kërkoi të merret gjendja në PTK.

“Një prej storieve të suksesit është Posta e Kosovës e cila nga një ndërmarrje me keqmenaxhim të theksuar ka arritur në ndërmarrje me ndërhyrje të rritura në secilën degë, dhe që gjatë tri viteve të fundit ka pasur Bord të shkëlqyer, duke filluar edhe nga kuota gjinore e profesionalizimi”, tha ajo.

E deputetja e Partisë Demokratike të Kosovës, Blerta Deliu-Kodra, tha se Qeveria e udhëhequr nga Albin Kurti, karakterizohet me vendime anti-kushtetuese.

“Ka pasur tendencë të hapur për kapje të institucioneve dhe për pasojë duket se do të kemi një projektligj që synon kapjen e institucionit ligjor (Këshillin Prokurorial të Kosovës). Ligji i pagave, zvogëlimi i tyre në sektorin e drejtësisë më përpjekje për kërcënimin e institucioneve të pavarura, një përpjekje për ndryshim që se kemi parë deri më tani”, ishin disa nga vërejtjet e Deliu-Kodrës.

Ajo përmendi edhe ndërhyrjet tek Ligji i KPM-së dhe gjuhën kërcënuese ndaj gazetarëve.

“Prape po e them se çfarë kemi parë është vërtetë e dhimbshme dhe nuk e karakterizon integritetin e duhur institucional”, tha ajo.

Shefi i deputetëve të Lidhjes Demokratike të Kosovës, Arben Gashi, tha se kultura e qeverisjes se Kurtit është kulturë e presionit publik, duke thënë se nuk merr përgjegjësi edhe nëse i rrezikon themelet e shtetit.

“Mund te themi se është qeveria që ka sjellë më së shumti ligje anti-Kushtetuese, ka zgjidhje por duhet të vendoset së pari gjendje e jashtëzakonshme, nuk mundet të pakësoj liritë ekonomike, e pastaj edhe kryeprokurorit të shtetit, me ndërhyrje direkte, kjo tregon tendencë direkte për ndërhyrje në institucione. Imponimi i vendimeve të deputetëve është problem i kësaj qeverisje e cila është e rrezikshme për stabilitet institucional”, tha Gashi.

Gashi tha se Qeveria aktuale është qeveria që më së shumti që ka dhënë tenderë njëburimore, duke shtuar se kjo kalon numrin e mbi 350 sosh.

E shefi i Grupit Parlamentar të Aleancës për Ardhmërinë e Kosovës, Besnik Tahiri, tha se dëm

“Me nepotizmin e bërë nga kjo Qeveri nuk ka dëm 4 vjeçar por më shumë se 15vjecar”, tha Tahiri.

Tahiri përmendi po ashtu ndërhyrjet ne sistemin e drejtësisë, duke thënë po vazhdojnë ende.

Por për këtë mori replikë nga Kusari-Lila e Vetëvendosjes.

“Vazhdimisht po e akuzojnë qeverinë për ndërhyrje në organe të rendit, dhe ajo që po ndodh në sistemin legjislativ është miratuar një mori projektligjesh, si ajo e Vettingut, Financimi për partitë politike, ndryshime të mandatit të Agjencisë Anti-korrupsion”, tha ajo.

Zëvendëskryeministrja dhe ministrja e Punëve të Jashtme dhe Diasporës e Republikës së Kosovës, Donika Gërvalla, u ka uruar 8 Marsin grave, duke kërkuar angazhim për një botë ku zëri dhe vlera e çdo gruaje dëgjohet dhe vlerësohet.

Gërvalla ka thënë se sot festojmë forcën, rezistencën dhe arritjet e grave.

Ajo ka uruar të gjitha gratë në të gjithë botën, duke përfshirë gratë e guximshme dhe frymëzuese.

Ministrja e Drejtësisë Albulena Haxhiu, tha se 8 Marsi mbetet përjetsisht një ditë e rëndësishme për të kujtuar kontributin dhe sakrificën e grave për gjatë historisë, kudo në botë.

Ajo tha se ndër shekuj gratë kanë luftuar për të drejta themelore të tyre, përfshirë të drejtën për votë, arsimim, punë, dhe për të qenë të barabartë para ligjit. Nëpërmjet lëvizjeve të ndryshme shoqërore, politike dhe kulturore, gratë janë ngritur kundër diskriminimit dhe përfaqësimit të tyre në shoqëri.

Tutje u shpreh se ngritja e tyre krahas burrave ka përmbysur regjime të diktaturave, e kanë çliruar popujt e tyre kundër kolonialistëve.

Ministrja theksoi se roli i gruas ka qenë përherë i shumfisht. Nga angazhimi i detyrave familjare deri tek vetmohimi për avancimin e të drejtave dhe lirive.

Ajo tha se do të përpiqen përherë, drejt barazisë, për një jetë të dinjitetshme, kundër dhunës dhe kundër stereotipeve patriarkale që diferencojnë rolin dhe të drejtat e grave në shoqëri.

Postimi i plotë i saj:

8 Marsi mbetet përjetsisht një ditë e rëndësishme për të kujtuar kontributin dhe sakrificën e grave për gjatë historisë, kudo në botë.

Ndër shekuj gratë kanë luftuar për të drejta themelore të tyre, përfshirë të drejtën për votë, arsimim, punë, dhe për të qenë të barabartë para ligjit. Nëpërmjet lëvizjeve të ndryshme shoqërore, politike dhe kulturore, gratë janë ngritur kundër diskriminimit dhe përfaqësimit të tyre në shoqëri.

Ngritja e tyre krahas burrave ka përmbysur regjime të diktaturave, e kanë çliruar popujt e tyre kundër kolonialistëve.

Përkundër gjithë sakrificës dhe përpjekjeve të pashterrshme, pozita e gruas ende nuk është në nivelin e dëshirueshëm, atë të barazisë.

Roli i saj ka qenë përherë i shumfisht. Nga angazhimi i detyrave familjare deri tek vetmohimi për avancimin e të drejtave dhe lirive.

Do të përpiqemi përherë, drejt barazisë, për një jetë të dinjitetshme, kundër dhunës dhe kundër stereotipeve patriarkale që diferencojnë rolin dhe të drejtat e grave në shoqëri.

Të gjitha vajzave dhe grave, urime 8 Marsi!

Një qytetari të Mitrovicës iu sekuestruan 20 mijë euro nga Policia Kufitare në Shqipëri, pasi nuk i kishte deklaruar ato.

Sipas Policisë së Shqipërisë, B. S, 40 vjeç, banues në Mitrovicë me automjet të tipit Benz, tentoi të fuste të hollat pa i deklaruar konform ligjeve në fuqi.

“Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin kosovar B. S., 40 vjeç, banues në Mitrovicë, për veprën penale ‘Mosdeklarimi në kufi i të hollave dhe i sendeve me vlerë’”, thuhet në komunikatë.

Sipas policisë, në cilësinë e provës materiale u sekuestrua shuma e parave.

Derisa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.